تعال فيذا اخو سعدى

[عبدالعزيز]

من عاداتنا انا والشله اذا سوينا كشته وانزكم واحد فينا نسحب له من النار جمرة وننزل عليها شوي سكر ونتركه يتنفس الدخان حقها بخشمه شوي وترجع له العافيه
قالو لي ناس ان ذا الطريقه فيها خطوره كبيره على المخ ومعروف ان كل حاجه لها مضاعفاتها لكن صحيح اللي صوره لي الناس عن ذا الطريقه ولا موب صحيحه؟

اخوك عبدالعزيز

[مفتاح14]

من عاداتنا انا والشله اذا سوينا كشته وانزكم واحد فينا نسحب له من النار جمرة وننزل عليها شوي سكر ونتركه يتنفس الدخان حقها بخشمه شوي وترجع له العافيه قالو لي ناس ان ذا الطريقه فيها خطوره كبيره على المخ ومعروف ان كل حاجه لها مضاعفاتها لكن صحيح اللي صوره لي الناس عن ذاالطريقه ولا موب صحيحه؟

اخوك عبدالعزيز

عزوز احلف انك الاسبوع اللي راح ماكنت بالرياض :)

او ان موضوعك منقووول:)

=======


والله شكل هالطريقه به خطوره ومادري ليش الناس يلجأون له مع ان الصيدليات صارت اكثر من المطاعم ولله الحمد والمنّه .. :)


ننتظر رأي المختصين..

[اخو سعدى]

عبدالعزيز

الله يحيك فيذا !!
اما عن نشدتك ابنشد جدتي بالديره !!
وارجع لك !!

[عبدالعزيز]

لا تعااااااااال
يقولون يخي ان الجلوكوز أخيذة ضحى ( ماينفع الاالحايلية)
مادري عندك خلفية عن الجلوكوز ومضاره بالإحتراق <---------- كان حلمي أصير دكتور بس ولد جيراننا كسر أحلامي:)

مفتاج
الراااااجل يقلّك حيسئل ستوووو;)

[فاقد غالي]

تستنشقون سكر محروق !!!!!؟

مدري اقدر اتليقف و اجاوب .؟ و الا السؤال لأخو سعدى

بصراحة كلمة فيذا سحبتني السموحة :)

[اخو سعدى]

فاقد غالي

تسلم على هذا الرد !!

[اخو سعدى]

الجلوكوز :

يعتبرالسكر ( الجلوكوز ) الموجود في الدم الوقود الأولي الأساسي للنشاط الجسدي .
يتواجد في السكريات المزدوجة والمتعددة التركيب.مصدر هام للطاقة, والسكريات
الأحادية البسيطة في تركيبها تُعرف بدورها في التمثيل الغذائي (سكر الدم).

يتواجد بوفرة في الأطعمة الغنية بالمواد الكربوهيدراتية:
الحبوب, الفاكهة, الخضراوات, اللبن.

[عبدالعزيز]

طيب سؤال على وزن هالسالفة ياخو سعدى
يقولون ان السكر مايطبخ مع الما للشاهي لأن فيه مضار ... هي صدز هالسالفة؟
تخبر ياخو سعدى كلٍ يتفلسف بهالمجالس ولايندرى وش الصدز ... وبما ان العلم عندك او عند ناسٍ حولك علمنا

ولاجاوبتن لاتحط علامات استفهام تكفى ... تره تخرع:)

فاقد غالي
تسان عندك علم وكاد عنه لاتبخل فيه تكفى

[اخو سعدى]

عبدالعزيز

هذا يعتمد على الكيف والمزاج ؟؟؟

تحياتي لك..

[فاقد غالي]

بعد اذن اخوي اخو سعدى طبعا .

فناتج احتراق اي مادة عضوية هو = ماء + طاقة + ثاني اكسيد الكربون + مادة كربونية سوداء .

وطبعا استنشاقها ضار جدا بالجهاز التنفسي لو كان بشكل غير مباشر ؛ فكيف لو كان بشكل مقصود منه الاستنشاق فسيكون ضرره اكبر .

قد نحتاج لاستنشاق البخار احيانا اما ثاني اكسيد الكربون فهو المادة التي يحرص الجهاز التنفسي على اخراجها و التخلص منها . فلا اتصور ان يتعمد احد أن يستنشقها مركزة |13|

تمنياتي للجميع بالصحة و العافية لكن ليس كل مانتصور انه مفيد يكون كذلك .|510|

[اخو سعدى]

فاقد غالي

تسلم على هذا الرد العلمي , وبساطه
توصيل المعلومه للمتلقى .

اتمنى للجميع التوفيق ..