.. شعبيات ستار (2)

[راعي الوقيد]

آمل ان تخصص هذه الصفحة للسامريات بأنواعها ...

وهذي اولاً سامرية حايل عساه المطر ...


حـايــل عـســاه الـمـطــر = عسى السحايب على حايل وماحولها
ريـــح الـنـفـل بالـفـيـاض = متخالـط عشبهـا ربلـه وحوذانهـا
حـايــل عـريــب اصـلـهـا = دار الكرم كل خلـق الله يعرفونهـا
يامـسـنـدي لـــو تـشــوف = العاجزة والنخـل والبـدو يردونهـا
وركــان لـيـا جــا المـطـر = تلقى النشامى بها خيامـه يطقونهـا
وليـا رحــت يـمـة شطـيـب = تلقى الوناسه بهـا والفقـع يجنونهـا
مـشــار كـلــه مـصـيــف = تلقى بيوت الشعر والضلع يرقونهـا
هـــواه طـــب الـعـلـيـل = واللـي بحبـه طبيبـه مايداونـهـا
والـيـا سـكـن بــه غـريـب = مايطلعه لو تحول الناس من دونهـا
حـايــل عـســاه الـمـطــر = عسى السحايب على حايل وما حولها

تحياتي...

[أ . سامي]

ياملا السيل

صح لسانك

أخي :

راعي الوقيد

[راعي الوقيد]

صح بدنك يالغالي
ياهلا والله وسهلا بولدنا الجديد ههههه
والسيل هالسنة إنشد عنه ريم شمر
معيدين مع امطار الرياض >> آكلين الجو والأمطار
تسلم عزيزي على مرورك الكريم
تحياتي

[خلف الرويتع]

اخي العزيز راعي الوقيد صح لسانك وصح لسان الشاعر

ولك ماطلبت سوف نحصص هذه الصفحة للسامريات بأنواعها

منتظرين المشاركات القادمه

[راعي الوقيد]

أخونا الفاضل والعزيز ،، خلف الرويتع ،،
صح بدنك ،،
والشكر لك على تثبيت الصفحة ،،
وإن كان تخصيصها للسامريات يعتمد على
ما يضيفه الأخوة والأخوات الأعضاء هنا ..
وقد كان بودي ان اضيف لها مقطع صوتي
وذلك للتعريف بلحن هذه السامرية ،،،
وآمل من الأعضاء الذين يودون إضافة مشاركة
بهذا الخصوص ان يحاولوا قدر الإمكان إضافة
مقطع صوتي لشيلة تلك السامرية ،،،
بإنتظار مشاركاتكم ،،،

[ابن جشعم]

هذي بعض السامريات الصوتيه حسب رغبتكم

وسامحوني على القصور |118|

يازين حلمٍ حلمته (http://shmmr.net/upload/up/up/yazeen7lm.ram)


عيني تفجر تنوح (http://shmmr.net/upload/up/up/3ayni.ram)


ايوالله من نو(ن) (http://shmmr.net/upload/up/up/ewallah.ram)



احجام الملفات الصوتيّه من 800 KB وحوله


انتظرو البقيّة في المشاركة الثانية


تحياتي لكم

[عبدالعزيز]

يالربع انتم طلبتو سامريات وهاذي سامرية من اروع السامريات واللحن حقه مثل لحن "الرموش" اللي يبي ينزله لكم ابن جشعم بالجايات
كلٍ وهواه ولاتشرهون علي عاد:)

لابغيت امشي بحايل واتسلا = زرت نادي حاتمٍ ينساح بالي
يافهد لعب الحواتم مايملا = لو قعدت اسبوع بالملعب لحالي
الفريق اللي على ربعه تعلا = لعبهم يابوفهد يطرب خيالي
الغرور ابعد عن الطائي وولا = صامدين وعزمهم هد الجبالي
حارس المرمى شجاعٍ مايكلا = واشهد انه من صناديد الرجالِ
والهجوم لكورة الميدان شلى = شلها واقفا بها ماهو مبالي

[ابن جشعم]

وهذي الرموش يابوفهاد لعيونك |118|


http://shmmr.net/upload/up/up/rmoosh.ram

حجم الملف تقريباً ميقا الا شوي ..

القادم احلى


تحياتي

[خلف الرويتع]

هلا وغلا ابن جشعم
هذا الشغل
الله يعطيك العافيه
لي طلب اذا كانت عندك سامريه

حوليبي من الرجم يارجلي
قبل عيتي يجيها طاريها


امل تنزيلها على شكل مقطع صوتي

[راعي الوقيد]

جبتوا الطبول ...
عاشوا العيال ،،،
هذي الهقوة بكم ،،،
وإن كان الأولى إضافة هذه السامريات
الى القسم الجديد ..!!
تحياتي للجميع ،،،

[راعي الوقيد]

هنا ... السامريات تكتب ـ شعراً ـ كتابة فقط ،،
وهناك في شعبيات سمعيّة تنزّل
على شكل مقاطع صوتية ،،،
الآن اليكم هذه السامرية ،،، وستحوز على رضاكم إنشاءالله،،،

سقى الله منازل نور عيني شمال ركان = منازل حبيب عن هوى البيض سلاني
غزالٍ اليا منّه نطحني وانا زعلان = تجلّت همومي اليا تبسم وراعاني
واليا نظرته قمت اعيذه من الشيطان = تهز النّحر والقد كنه تحداني
واليا جت مع الزينات خلي له الميدان = تغاب النجوم اليا ظهر بدره الثاني
على الغرة الغرا على الورد والريحان = على الملح والقبله روحي وريحاني
سلام من المشتاق للمغرم الولهان = علىسيد غضّات الصفى مطرق الباني
حبيبٍ على شانه هلي لي غدوا عدوان = وهو حرقت خده دموعه على شاني
ملكني وهو سيد المها قايد الغزلان = وانا له كمى المملوك يامر وينهاني

وسلامتكم ،،،

[راعي الوقيد]

هذي سامرية يازين حلمن حلمته..


يازين حلم حلمته = ان الحبيب زارنا
يازين حلم حلمته
كاس من افمه شربته = مثل العسل زاد الهنا
كاس من افمه شربته
من بد ناسه عشقته = من مبسمه شفت العنا
من بد ناسه عشقته
روحي تراني لقيته = وانا اشهد انه لي منا
روحي تراني لقيته
يازين وقت قضيته = ياسرع خلص وقتنا
يازين وقت قضيته
قصره بقلبي بنيته = بالحب شيدنا البنا
قصره بقلبي بنيته
يابو بدر ما قويته = ما اقوى مفارق بابنا
يابو بدر ما قويته

وسلامتكم

[راعي الوقيد]

اما هذي ما يبيله شهادة من احد مسكّته ،،
وشاعره عبد الله الأشقر رحمه الله ،،،
الا يا من لعين ..


الا يامن لعين عن لذيذ النوم مشطونه = أجار النوم عن موقه وزاد الويل ولوالي
انا توي عرفت إن المودة جاير كونه = تسل الروح برموع لها المعلوق ينشالي
بحياة اللي تخضع له جميع الخلق يرجونه = فلا احسب الهوى يذبح الياما شفت انا حالي
عرض لي فارع دالع يشوح الريح بقرونه = مغر يطرق الجذلة يحسب المطّرق خالي
تبسم وارتخى الملثم غزال معجبه لونه = سألته يدفع السايل يقول الخير بقبالي
فتاة يزمله ظله شذاة ما يعقلونه = غرير بالهوى كله غرامه لاحقن تالي
تذير يوم نابيته وضف الراس بردونه = زهمته قلت لا تجفل انا المملوك يالوالي
اعيذك يانظر عيني عن الحساد وعيونه = كمى انك مع هل الدنيا غريب ماله امثالي
وسلامتكم ،،،

[راعي الوقيد]

لقد تم نقل جميع السامريات التي هنا الى
مضيف السامريات المقرؤه ..
للإطلاع والإحاطة بالعلم ..
تحياتي ،،

[الاعلامي]

راعي الوقيد


مشكور الف شكر على السامريات

ويعطيك الف عافيه

واتمنى ان تستمر بنفس المستوى المميز


والله لا يحرمنا من تواصلك يالغالي






الاعلامي


.

.