استفسار عن قصيدة

[المريشال2003]

الأخوة الأعزاء / شعراء المضايف

السلام عليكم ورحمة الله وبركاته وبعد

سمعت بيتاً من الشعر فأعجبني فأردت الإستفسار منكم عن الآتي :

من قائل هذا البيت ؟

هل له تكملة قبله أو بعده؟
والبيت هو :

بذلت الحساني بالحصاني وغرني ======= مصافا الحصاني عن مصافا أسودها .

أرجوا الرد بأسرع وقت ممكن .

[بتول آل علي]

أخوي المريشال

حياك الرحمن اخوي

و مرحبا بك

بالنسبة للبيت أنا أول مرة أسمع فيه

بس إن شاء الله يكون في شخص يعرف القصيدة

و حيااااك


أختك

الدهور

[المريشال2003]

تسلمين أختي الدهور ============ وأشكرك على مرورك

[الاصمعي]

غالي والطلب رخيص ايها المارشال:)

هذي طول الله عمرك للفارس والشاعر رميزان التميمي وهي موجوده في كتاب ليس تحت يدي الآن.

من قصيده اذكر منها قوله:-

بذلت الحساني بالحصاني وغرني =مصافا الحصاني عن مصافا أسودها
موت الفتى موتين موتٍ من الفنا=وموتٍ من اخلاف الذراري جدودها
من مات ما خلف من ابناه مثله=فهو مثل نارٍ جر عنها وقودها

[المريشال2003]

الف شكر لك ياأخ الأصمعي على هالمعلومات القيمة وياحبذا لو أكملت لنا القصيدة

[بتول آل علي]

شكرا لأخي الأصمعي

الذي أوصلنا إلى اسم الشاعر

و منه وجدت القصيدة المطلوبة !!



خيــر الليالــي لــذةٍ في سعودها =وصــف المعالــي كل شي يكودها
خيــر المــلا من فيه عـز ورفعة =يجود إلى قــل اليــدا من جودهـا
ولا شن سوى التقـوى إلى صار تقية =دون العــدا لا قل منهــا وفودهـا
ولا شن سوى التقـوى إلى صار نعمة =الأجواد تستر عرضهــا من جودها
قلتــه ولي عينٍ عن النــوم ربمـا =يحصــل لها عن نومهـا ما يذودها
يا جبر يا راعـي أمــورٍ جليلــة =بها تتـقـي شجعانهــا في حيودهـا
العام توعدنــي على الراس يا فتـى =راحـت قلـوبٍ راجفــات الهودهـا
لفانــي ضحى يا ابن سيار رسلـك =من الشعر مدحـــاتٍ تفجِّع نشودها
بعـض المعانــي يابن سيار تركها =أخيــر لي من شقــوةٍ في حدودها
يا جبر تشكــي الملح وأشكي رفاقةٍ =ظني عدمهــا خيرٍ لي من وجودهـا
بذرت الحسانــي بالحصاني وغرني =مصافى الحصاني عن مصافى أسودها
كـم بذرت كفّــي بهم من صنيعـة =وكـم بذرت جداننــا في جدودهـا
وكم اشتكــى منا المعادي بفعلنــا =عليهـم تعلوينــا وهم من شهودهـا
وكم درعوا بأس الفتــى فيه واتقوا =نواهـل بها عقــب تعهد صدودهـا
وكم دبَّروا عنها وهي قد تلاحمــت =يبور حاكــي خزنهـا عن نفودهـا
وكم زلــةٍ يرفونهــا عنـد غيرنا =إلى حدثوهـم صوب من لا يرودهـا
نشــب نارٍ عن ذراهـا و مثلهــا =الأجواد ما تجعــل ذراهـا وقودهـا
وكـم مجــرمٍ فينا تركنــا لزلتـه =نحملــه وكم يومٍ غممنـا حسودهـا
يفـرح بنا الأقصيــن منـا ويبقـى =للبـذل جزليــن العطايـا وسودهـا
لي ديرةٍ يا جبـر مابيَّــة الحمــى =عن الضد بأطراف العوالـي نذودهـا
في القيظ مجلاســي على برد منشع =وإن جا الشتــاء نارٍ تلظَّى وقودهـا
ولك عندنا مقــام ولك عندنا بهــا =معايض الأشيـاء من خوالي قيودهـا
لـي ديــرةٍ بنخيلهــا مستظلَّــة =يشــوق تقديـم النضــا كادودهـا
حكرنــا لها وادي سدير غصيبــة =بسيوفنــا اللّـي مرهفـات حدودهـا
لا صدَّر اللامي والأجنــاب قلطـوا =على عيلـمٍ بالقيـظ يكثــر ورودهـا
جرى لنا في مفرق السيــل وقعــة =إللــي حضرهــا مالك الله يعودهـا
برجالٍ أمضــى من ليوث الشرايـع =سعيديـة تشبــه ضراغــم أسودهـا
لا كن عوّيــل العّجـز بأسفل شعيبنا =تقانـب أسبــاعٍ مكمــلات عدودهـا
الأنجاس شبوهــا والأنذال قبسهــم =والأجـواد والمـال المنمَّــا وقودهـا
لـي ديرةٍ يا جبـر خضراً مضلــه =يشــوق منهـا غرسهــا واكدودهـا
يا طول ما قابلتهــا فـوق منشــع =محالهــا بالليــل يسهــر رقودهـا
لا جا الشتاء تشرب صوافي سيولهــا =وبالقيظ من جـم البطاحــي برودهـا
حمَّلتهــم حمــلٍ ثقيــلٍ نقلتــه =بالضيـف مـع جيرانهـا عن نقودهـا
كلـه لعيــن اللي من الناس عنسـا =حمر الشفايــف ناقضــات جعودهـا
جداك فيهــا يا ابن سيـار ديــرةٍ =هي شيخـةٍ لو تتقــى عن حسودهـا
أقــول لك فـي وادي حنيفــة مقَّرد =قــومٍ لهـا بيـن البرايــا ودودهـا
كما أنك في طرق المراجــل مجرَّب =وحسن الثنــا بالحال من لا يكودهـا
والى ولي يذعــن ذايــه الحمــى =لو ينقلـب وادي الحنيفــي فهودهـا
يا حيسفــا شم العرانيــن خلفــوا =أراذل عميــانٍ تبــي من يقودهـا
موت الفتــى موتيــن موت من الفنا =وموتٍ من اخـلاف الذراري جدودهـا
ليت الذي حـدر الثـرى فوق الثـرى =وليت الذي فوق الثـرى في لحودهـا
من مـات ما أرَّث في ذراريـه مثلـه =فهـو مثــل نار جرَّ عنها وقودهـا
فان عشــت في الدنيا غني فأنا لهـا =دما الضــد بأيامٍ تلافــا قصودهـا

لشاعرها:رميزان التيميمي


أختكم

الدهور

[عبدالله الجعيثن]

اخواني الاعزاء

الماريشال2003
الاصمعي
الدهور

شكرا من القلب لكم جميعا

وبعد ان وصلنا الي الهدف المطلوب وهوالقصيده كامله واسم شاعرها.

استميحكم العذر بنقلها لمضيف الشعر المنقول

تحياتي لي:) ولكم جميعا

[الداعيه / براك الفريسي الجربا]

ولا اسعد من الشي يا جاء عقب طلب


الله يبارك بالاخوان
الاصمعي
والدهور



ولا تهون يا مرشال



لا عدمناك

[ابو جمال المنيس]

غالي والطلب رخيص ايها المارشال:)

هذي طول الله عمرك للفارس والشاعر رميزان التميمي وهي موجوده في كتاب ليس تحت يدي الآن.

من قصيده اذكر منها قوله:-

بذلت الحساني بالحصاني وغرني =مصافا الحصاني عن مصافا أسودها
موت الفتى موتين موتٍ من الفنا=وموتٍ من اخلاف الذراري جدودها
من مات ما خلف من ابناه مثله=فهو مثل نارٍ جر عنها وقودها
--------------------------------------------------------------------------
القصيدة مثل ما قال خالي الاصمعي واحب ان اضيف بيت اخر
ياحيف يا شم العرانين خلفوا أراذيل عميانٍ تبي من يقودها
وهي مسجله بكتاب الشوارد الجزؤ 3 ص 66 (( لعبدالله بن خميس ))
شكرا للاصمعي على توضيح اسم الشاعر والشكر موصول للاخت الدهور التي وجدت القصيدة كامله وكذلك كل الشكر للمريشال الذي اثار موضوع هذه القصيدة القيمة

[راعي الوقيد]

مع إنها كانت هناك بين ناظريكم >> قصّة وقصيدة
ولكنها لم تلقى الاهتمام ولو من باب الاطلاع..!!
والشكر لك الدهور على إستكمال الأبيات الناقصة،،،
تحياتي للجميع ،،،