(( ريــح الــفــشــق ))..مرثية فهد عافت بالراحل / طلال الرشيد

[نواف السويــدي]

لو الحزن دمع.. الله يٌحرم يباس الموق
,,,,, على العين.. لين يغـرق الجـِـفن مجـهـاشهُ

ولو الوزن شمع .. اللي من كبودنا محروق
,,,,, ينير الظلام بنجر الاضلاع مهباشة

على سلم جدانة يموت وجبينة: فوق
,,,,, لوان (( الجدي )) يرقى على (( سهيل )) ما ناشه

وطيب .. لوان المسك ما رخصة عرض السوق
,,,,, غدا من قواريره .. ومن طيب غراشه

(( طلال الرشيد )) اللي تجيه المنايا .. بوق
,,,,, على صدق وعد الموت، الاسباب غشاشة

نصاه الرصاص : ضيوف ! قلطهم : المعلوق !
,,,,, وعشى ضيوفه : مهجته !.. رابط جاشه

يا ربع يهبا ريح الفشق .. وشكثر معشوق
,,,,, تقل .. عيب أحد من (( شمر )) يموت بفراشه

وهذا مهو بـ أيات احد .. يعجز الطاروق
,,,,, يوفيه قدره لو هو السحر .. وادهاشه

أمير التواضع والحيا والادب .. والذوق ..
,,,,, والاخلاق .. ملفي كل طيب ... ومطراشه

سري للنوايف ـ راس (( شمر )) ـ مهو مسبوق
,,,,, تقل وحدة (( الساري )) والآنام : (( غباشه ))

نعم .. ما يكبره (( اللقب )) .. يكبر المنطوق
,,,,, بالافعال وعزوم الرجاجيل ... بطاشه

حثينا على وجه السحاب : التراب .. حقوق !
,,,,, لوالله عفا منه اكرم الخلق .. ما حاشه !

يارب اغفر لعبدك طلال الرشيد .. وسـُوق
,,,,, له من البرد ما يبهج الروح .. رشراشه

بجاهك .. وعزك .. وبجلالك .. ياربي . عوق
,,,,, عن النار : جسم على (( الاستبرق )) : قماشه

يارب .. وعسى صحبته (( ابو بكر )) و(( الفاروق ))
,,,,, بقدرتك باللي ترزق الطير باعشاشه

يارب .. وعسى اللي عندك من السعد مفهوق
,,,,, له بكل عمر ماته ابن آدم .. وعاشه


فهد عافت







؛

؛

؛

؛



مرثية الشاعر الكبير / فهد عافت .. بالامير الراحل / طلال الرشيد

نُــشرت في مجلة المختلف عدد ابريــــل لعام 2004مــــ

اللهم اغفر له وارحمه وعافه واعف عنه وتجاوز سيئاته

واسكنه فسيح جناتك يا ارحم الراحميـــــن ..


اللهم اميــــــــــن ...



اللهم اميــــــــــن ...



اللهم اميــــــــــن ...








وللجميع مني وافر التحايا ..

وعذرا ً على استدعـاء الحــــزن .. ولكن لا بد منه ..

فليس من رحل ..بأنســـــــــان عادي ..رحمه الله ..

على القريب ..وعلى البعيــــــــد ..





نواف الــســويــدي

[راعي المغاتير]

بسم الله الرحمن الرحيم
.
.
على سلم جدانه يموت وجبينه فوق
لو ان الجدي يرقى على سهيل ماناشه
.
.
نصاه الرصاص ضيوف قلطهم المعلوق
وعشى ضيوفه مهجته ..رابط جاشه
يالربع يهبا ريح الفشق وشكثر معشوق
تقل عيب احد من شمر يموت بفراشه
.
.
.
.
.
نواف السويدي مشكور على جهدك
.
.
وصح لسان شاعرها
ورحم الله الفقيد......
.
.
.
.
.
.

[الداعيه / براك الفريسي الجربا]

لله يرحم من قيلت به



وتسلم ويسلم الشاعر




لا عدمناك