شاعر في ورطـــه !!!

[بتول آل علي]

يا جماااعة عندي لعبة شعرية

و هي عبارة عن " توريط " أحد الشعراء بكتابة أبيات شعرية عن موضوع يحدده الشخص

و كل واحد يتورّط يختار شاعر ثاني حتى يورطه بعده

يعني مثلا أنا أطلب من " الغازي " >>> شفته اون لاين :D

أن يكتب كم بيت عن " الصيف " :cool:

طبعا المفروض إن الغازي يكتب هذيلا الأبيات خلال اربع و عشرين ساعة و يختار موضوع و شاعر يورطه بعده

أبدأ مع نفسي ... طبعا محد قبلي فأحط أبيات على كيفي :D

بشرط أن تكون الأبيات من تأليف الشاعر نفسه و يفضّل أن لا تكون من قديمه :)

و أبياتي تقول:


يا هلا عدّ المطر، كثر الشجر، وسع السما = يا هلا باللي حضر، وقت السحر، في بيتنا
العطور ويا البخور ويا السرور اللي هما = ع الثغور بوسط نور من المرور بـ دارنا
يا هلا بك وسط ناسك، يا عسى بك سالما = مرحبا بك و اللي جابك من ديارك عندنا


و أختار بعدي " الغازي " مثل ما قلت

و أطلب منه أبيات عن " الصيف " :)

مع الرجاء إبلا الشاعر الذي تمّ اختياره عن طريق الرسائل الخاصة أو الايميل او اي طريقة أخرى


تحياتي لكم

الدهور

[خلـيف الجهيلي]

الشاعره /

الدهور

الله يعطيك العافيه على جهودك

المميزه والراااااائعه

فكره جيده ولاهنتي ..


تحياتي


خليف

[سنجار]

العطور ويا البخور ويا السرور اللي هما
ع الثغور بوسط نور من المرور بـدارنا

الدهور

صح لسانك

وشكرا على الفكره الجديده والمتميزه

نرجو لها كل نجاح وتفاعل...

[سعود بادي]

الدهور




الشعر يسكنك




فكرة جميلة لتنفس الشعر وحضورة الدايم اينما كنا



الف شكر وسلم فكرك

[أم نــــــــــواف]

معاكم

أتابعكم

وإن جاني الدور باشارككم


الغاليه الدهور :

افكارك نيّــــــرة


وفي انتظار اخونا الغازي

[نواف السويــدي]

سلاااااااااااااام ..


فكره جميله صافحتها ... ذات منتدى ..


ولكن هناك شرط غـائب هنــــا ..



ياحبذا ان يفتح المجـــــــــال ...



لاي شاعر ان يـرد .. ويختـــار ... اذا تأخر رد الشاعر ..




بمعنى الشاعر الذي تم اختياره .... تأخر يوم يومين ... هل معنى هذا ان نتوقف ..




لاء ........ اي شاعر يتبرع ..بالاجابه له الاحقيه بالاختيار ..




او حتى ...



اذا اراد احد المشاركه ومتحمس ... فيشارك بدون قيـــود ... وبدون انتظار للشاعر نفســـه



يضع اجابته والتي يفترض ان تكوووون طازجه ... لســّه ..


وبعدها يختـــــار ...







وتبقى وجهة نظـــــــر ..


دعا لها الشعراء الذين شاركو قبلي في ردودهم ..




ولم يحضر المقصووود ...


فلماذا لم يفتح المجال لهم للمشـــاركه ...




تحياتي .......




نواف الســويدي

[بتول آل علي]

استاذي

خليف الجهيلي


أشكركَ على هذا التشجيع

و إن شاء الله يكون للموضوع صدى طيب :)


تحياتي

الدهور

[بتول آل علي]

شاعرنا القدير

سنجار


و الشكر موصول لكَ استاذي

على هذا الحافز

و الله يسمع منك :)


تحياتي

الدهور

[بتول آل علي]

شاعرنا القدير

سعود بادي


كلنـا مسكونين بهذا الجنّي

لا مفــــر :)

ألف شكر أيها الراقي


تحياتي

الدهور

[بتول آل علي]

شاعرتنا و استاذتنا

أم نــــواف


شكرا سيدتي على هذا الجمال

الذي نثرتهِ هنـا

و لنـا كل الشرف بمتابعتك و مشاركتكِ معنا

دمتِ بهذا الرقي


تحياتي

الدهور

[بتول آل علي]

استاذي الفاضل

نواف السويدي


شكرا لك من الأعماق على هذا الاقتراح

بالنسبة للعبة ... فهي كلها تتعلق بالتوريط :)

فـ كيف نلغيه ؟ :)

لكن ممكن إنه العضو إذا ما كتب مشاركته خلال 24 ساعة نقوم باختيار عضو ثاني بديل

و هذا اللي بيصير الآن نظرا لتغيّب الغازي :)


شكرا أيها الفاضل على هذه الاقتراحات

الدهور

[بتول آل علي]

نظرا لتغيّب شاعرنا " الغازي "

لأكثر من 24 ساعة

>>> الظاهر إنه للحين نايم ما درى عن الموضوع :D

فأختار الشاعر (( فايز الثويني )) لينوب عنه :)

و يكتب لنا كم بيت عن (( الصيف ))


تحياتي لكم

الدهور

[ذيب الجهـــــاد]

أختي في الله الشاعره ( الدهور )
أسمحيلي انبوب عنهم يمكن مسافرين الربع أو هبقوها للبر خميس وجمعه
وأذا أحد ورطني ينبون عني


هبت هبوب القيض وجانا لضاها=الله يجيرنا من لاهب النار
عجت الباطن كم ذقنا عثاها=لولا الوطن نبدل الدار بالدار

[سلطان الشمري]

الدهور

..


فكر

شعر

وحضور طاغي


..
فعلاً انتي من تستحق التميز
..

فكره رائعه ولا شك


سجلوني متابعاً لهذه الجمل الرائعه

التي ستكتبونها

..

ومشاركاً ايضاً بحسب التواجد

..

((الامتحانات نكبه ...وضيقت خلق))

..


شكراا الف الدهور

..

تحياتي

[بتول آل علي]

أخي الفاضل

ذيب الجهـــاد


تكرم عينك الغالي.. و ما نردلك طلب :)

بس يا ليت على الأقل كنت اخترت الشاعر اللي تبغي تورطه بعد و الموضوع اللي يكتب فيه

!!!!

حاليا بما أن المدة المقررة لفايز الثويني لم تنتهي فنفتح له المجال

و لكن مع موضوع آخر ...

و بما أن أخونا ذيب الجهـــاد لم يحدده فسأنوب عنه :)

أخونـا (( فايز الثويني ))

نطلب أن يكتب لنا موضوع عن (( الأخطبوط )) :D :D :D

>>>> هههههههههههه :D


تحياتي

الدهور

[بتول آل علي]

أخي الكريم

نبراااس


شكرا لكَ أيها الفاضل

على جميل كلماتك

و على هذا التشجيع الجميل منكم

فلكم جزيل الامتنان


تحياتي

الدهور

[عبدالله الجعيثن]

اخواني الاعزاء جميعا

الاخت الفاضله الدهور

اعتذر منكم جميعا على الغياب..

لم اكن متواجد في الخميس والجمعه

اطلب من الاخت الدهور توريطي مره اخرى في اي موضوع تختاره وسأكون انشاء الله عند حسن الظن

فعلا موضوع يستحق التثبيت.

[بتول آل علي]

شاعرنا الفاضل

الغازي


الحمدلله على السلامة

و الغايب عذره معه :)

و شكرا على تثبيت الموضوع

المهم فترة ( فايز الثويني ) انتهت !!!

و للحين لا حس و لا خبر :(

>>>> الظاهر محد في المنتدى غيري :(

على كل حال شكلي بسوي مثل ما قال شاعرنا (( نواف السويدي ))

و بخلي الموضوع مفتوح، لأي شخص متواجد و يحب يشارك

فقط كل واحد يحدد موضوع الأبيات اللي لازم يلتزم فيها الشخص اللي بعده

.
.
.

و نحن ما زلنا على موضوع (( الأخطبوط )) :D

فمن سيكتب لنا فيه ؟؟ :D


تحياتي

الدهور

[مستريح البال]

سلام الله عليكم الجميع

بصراحه فكره منتازه بالحيل

بس وشو الاخطبوط :p

المهم ان الفكره الفلته ليست بغريبه على اختنا الدهووور وموضوع يستحق التثبيت فعلاً ....

ادّهري يالدهور وهاتي من افكارك النادره ،،،

[بتول آل علي]

اخوي الغالي

مستريح البال


شكرا على المرور و التشجيع اخوي

و يا ليت نشووووف مشاركتك معانا عاد

و بالنسبة لسؤالك عن الأخطبوط

فهو حيوان بحري له عدة أرجل >>>> بالله؟ :D

و هذي صورته :D

http://www.eslkidstuff.com/images/octopus.gif

عسى بس عرفته :D


و حياااك

و ما زلنا بانتظار الشاعر :(


الدهور

[عبدالله الجعيثن]

.....
....
...
..
.
جيت البحر سألت انا الناس وش فيه
قالوا بوسطه كايــنـات عجيبه

فيه اخطبوط ياكل اللي يلا قيــه
رجوله كثار ولا يعرف الغليبه

الموضوع القادم...البحر...

وأورط ......((ام نـــواف))

[مستريح البال]

.... بعد اذن ام نواف ....

(البحـــــر)

لا يعجبك شكله..هدوءه والامواج = تـر البحـــر غدار تحته بلاوي


كم اندفن تحـته ملايين الافـواج = ياخذ ولا يشبع كثير العطاوي

[بتول آل علي]

استاذنا الغازي

صح لسانك

و أم نــــواف

ما جت بعد :(

>>>> اشفيهم الناس ؟؟ |11|


و اسمحولي أن أضع كلماتي الارتجالية في هذا الواااسع الغامض " البحر "

و سبحان الذي جمع متناقضاته فيه !!



إن بغيته "مد" في وصلك جسور = و إن هجيته رام عن دربك "جزِر"

و إن دخلته عالَمٍ .. و بليّا نور = كيف من يسكنه قادر ع النظر ؟

برزخٍ يفصله عن كلّ البحور = بحر حلوٍ و البعض ملحه عَسِر

له جبالٍ عاتية و بعلو طور = و أسفله قيعااان ملتهبة جمر

كلنا يهابه إذا قرّر يثور = باذن مولانا .. و أعطاه الأمر



و أختار للي بعدي موضوع عن " المريخ " :D

تحياتي لكم

الدهور

[بتول آل علي]

يؤ

مستريح البال من وين طلعتلي ؟؟؟؟

خلاص نعتمد مشاركتك انت

و يا ليت تختارلنا " موضوع " للي وراك


:)

الدهور

[مستريح البال]

صح لسانك اختنا الدهور

الاختيار لك ....

والظاهر اني طلعت غلط |81|

[نايف التومي]

يااااااااااااااااااااااااااااااااااااااا اااااويحناااااااااااااااااااااا


؟




؟




بليز ممكن مقااااااطعه اعزروني





الاخت الشاعره الدهوووور الف شكررر لك



بس عندي وجهة نظرررر


افكاااااااارك واقتراحاتك كلهااا للشعراااااااااااااء وحنا يالمسااكين وش نعمل


,,,,,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,,,,,,,,

للك مني الف تحيه واحترااااااااام وياهني الشعراااء بك

وياليت كنت شااعر لاكتب ما اعرف وما الفت


وتشااااااااااااااااااااااااااااااااااااا ااااااااااااااااو

[بتول آل علي]

استاذي

مستريح البال


إطلاقا .. أنت الصح و احنا الغلط :)

صح لســانك

و إن كان لابد ... فقد سبق أن اخترت موضوعا

و هو " المريخ " :D


تحياتي لكم

الدهور

[بتول آل علي]

أخي الفاضل

نايف التومي


شكرا لك على هذا التشجيع

و هذه الحوافز التي تعطيني إياها في جميع مواضيعي

أيها الفاضل ... يقال: " كل ناس لها ناس، و كل ثوب له لبّـاس " :)

و أنا يستلبسني الشعر من قمة رأسي و حتى أخمص قدمي

لذا تجدني أسعى دوما لأجعل له بصمة و وحضور :)


تحياتي و تقديري

الدهور

[فايز الثويني]

أحبتي .......... أنا معكم وهذه مشاركتي يادهوووووور

وشكراً يالمجهول على الرساله




سلام الله عليكم ياشباب وكيف حال دهور=لزوم الوقت يشفع لي وأكون الناجح المبسوط

تحدتني على قافٍ يصير الشعر فيه بحور=وأنا هالوقت ياربعي من أحداث العرب محبوط

أنا بأسأل عن اللي بالبحر يمشي تقل مسطور=له إيدينٍ دخيل الله عدو عيني بها مربوط

وأنا آسف على التأخير ياالدهور تعرفين مشاغل الدنيا (موظفين بنوك):):):p

[بتول آل علي]

استاذي

فايز الثويني


مرحبا بك ... و سررنا بمشاركتك أيها الفاضل

و لو أنها متأخرة :)

لكن أخي العزيز ...

مليون صح لســانك

و لكن...

المشاركة يجب أن تكون في إطار " الموضوع " المحدد

و آخر مواضيعنا هو عن " المريخ " :D

يعني يا ليت نشوفلك مشاركة عن كوكب المريخ :)

و بعدها تختار موضوع يكتب فيه الشخص اللي بعدك :)


تحياتي

الدهور

[ذيب الجهـــــاد]

الغرب يكذب يوم أنه صعد للمريخ = ورسول الله صعد فوق المريخ وزياده
حنا أهل الحضاره يشهد لنا التاريخ= مانحتاج ناخذ من بني الاصفر شهاده
ماعندهم غير ذبح البشر بالصواريخ = الله يعيد زمان الجمل وشداده

الشاعر

اللي

بعدي

يكتب


عن

الصدق

[بتول آل علي]

استاذي

ذيب الجهاد


صح لسانك و لا هنت على الابيات الرائعة

و لو أنها لم تتكلم عن "المريخ" بالمعنى الصحيح، و انما اكتفيت بذكر المريخ في الابيات

أما فحوى الأبيات فقد كانت عن أمر آخر :)


مع ذلك... تضل ذات حضور قوي و صارخ

شكرا لك


أما الصدق



صادقٍ و الصدق في قوله شعار = الرسول المصطفى الصادق لَمين
نحتذي به من صغارٍ و الكبار = بالصّدق ربّانا لا شُـلّت يمين
منهجه واضح كما وضح النهار = و "الصّدِق" كنزٍ يوازي كل ثمين


و أختار للي بعدي
.
.

(( التراب ))
.
.

[ذيب الجهـــــاد]

الشاعره
الدهور
صح لسانك
يابنت الاجواد


الله خلق أدم من حفنة تراب= وكل ابن أدم يزور قصر الترابي
يازين لونه لامطرة فوقه السحاب= من فوايده يكشف جرة الدوابي

الشاعر
اللي
بعدي
يكتب
عن
النار
الله يكفينا شرها

[مستريح البال]

صح لسانك ذيب الجهاد



لها مساوئ والفوايد تر كثار = يحتاجها الانسان حزه وحزه

رمزٍ من رموز الكرم شبة النار = وفي وقتنا الحالي تبدل بقزه

وبالاخره ياليتني للنبي جار = ازبن على المولى بجلاله وعزه



الموضوع الجديد عن عزة النفس

[ذيب الجهـــــاد]

صح لسانك اخي العزيز مستريح البال

النفس لا عزت تعز راعيها=ونفس العزيز ماتقبل الذلي
ابليس ملعون دايمٍ يغويها= ومن طاوع أبليس مايعلّي
النفس العزيزه احب أخاويها=والنفس الردية خلها تولي

اللي
بعدي
يكتب
عن
( الخيل )

[أم نــــــــــواف]

صح لسانك اخوي ذيب الجهاد

ونعم في كل من شارك من الشعراء والشاعرات


أخوي الغازي :

والله إنه التوريطة اللي على الكيف ليتني متورطته

لكن التقصير كان منّي فأعتذر


اشكرك لتوريطي



غاليتي الدهور

أسطر لك جل معاني الإعتذار فتأخري لم يخلو من الأسباب



وهذه مشاركة منّي وأعتذر لأنها كيبورديه


( الخيــــل )

ليا دكَّت الخيل في ساحه ... دكِّت مراسيم وجداني

الحــال كانت على الراحــــه ... والخيّل هاضت له احزاني

الخير بالخيــل وإصباحــــه ... ياما مضا له بالازمانــي

وسيلة الحرب ومفتاحــــه ... واليـوم للجري ميدانـي ..





نأتي الآن الى توريطة من يأتي بعدي :

(((((( وداع غالي ))))))

[ابو غازي]

الشاعرة المتميزه دائماً
الإخت القديرة
الدهور
تســـــلمين على هذه الفكرة الرائعة
والتي امتعتنا جميعاً بتواجد شعارنا الأفاضل وهذا كله بمجهوداتك إختنا
الدهور العذر والسموحه منكي بحيث يتلعثم اللسان ويعجز القلم أن يوفيكي حقك علينا
نحنٌ المقصرين دائماً وربي
كل الشكر والتقدير لكي ولجميع الشعراء والشاعرات الأفاضل المشاركين هنا
حفظك الله إختاه

[سعود بادي]

الف شكر للدهور ولجميع من شارك هنا
وللرغبة في الحضور للجمال كان لزاماً ان اضع ابيات
لفكرة الاخت الشاعرة ام نواف
مع الشكر للجميع

ياصعب لحظات المفارق على الناس
تقول ياقـف بالشرايـيـن دمـك
والاصعـب اللي صعب بالغير ينقاس
لاصبح عدوك هو ضنى ابوك وامك

[بتول آل علي]

الغالية

أم نـــواف


الغايب عذره معه :)

و مليون صح لسانج اختي :)

-----

استاذي

أبو غازي


شكرا لكَ أيها الكريم

مروركَ من هنا.. وسامٌ أتقلده بشرف :)

دمتَ بخير

-----
.
.
.

قلت: أبرحل.. جيت أطفي شعلة الشمعة الحزينة = و احترِق من ذكرى " صدفة " مرةٍ فيها اجتمعنا
جيت ألملم درب خطواتي على باب المدينة = و امسح آثار القِدَرْ .. اللي بكى لمّا ابتسمنا
لا تناظرني حبيبي و انكِسْ شراع السفينة = البحر طاااغي علينا .. و بْوَقِت صفوة غدرنا
جيت .. أبرحل و أدفنك ما بين دمعاتي الدفينة = فاوّل المشوار ناااارٍ و آخره غصب انطمرنا

.
.
و لمن سيشرّفني بتواجده .... سأختار له (( القبـر ))


تحياتي للجميع

الدهور

[بتول آل علي]

استاااذي الفاضل

سعود بادي


مرحبا بهذا التشريف أيها الكريم

و الظاهر للمرة الثانية تصير معاي بعد ما أحط رد، أشوف ناس ردت قبلي |118|

و الأولوية لكَ أيها الفاااضل

فياليت تختار لنـا موضوع عشان يكتب فيه اللي بعد :)


تحياتي

الدهور

[سعود بادي]

الاخت الدهور


صرت انا الشمالي مو انتي ماعليش ياليت تتحملين التأخير الصاير



الاختيار لك لانك رديتي وابدعتي وجاء الرد بعدي ....


يعني لو بتنتظرين مني موضوع يمكن بكرة يجي والا بعدة (مشوار )

بانتظار اختيار الموضوع منك

خالص الشكر

[بتول آل علي]

شاعرنا الفاضل

سعود بادي


تروح و ترجع بالسلامة

و الله يخليك و يسلمك

و مدامك رميت الكرة في ملعبي ...

أبقى على اختياري السابق

و هو عن ...

((القبـر))

- اللهم قنا عذاب النار و عذاب القبر و فتنة المحيا و الممات و شر فتنة المسخ الدجال -


تحياتي

الدهور

[مستريح البال]

اخر الدنيا ومطافه نّنزل بمنزل صغير = ضيقٍ عرضه وطوله يسكنه شخصٍ وحيد

هو بدايــة اخرتنا واسئلة منكر نكير = عقبها تعــرف مكانك يا شـقيٍ او سـعيد



من احب ان يكتب فالموضوع عن :--- الغيره

[بتول آل علي]

مستريح البال

صح لسانك و لا هنت

و استلم عن الغيرة

.
.


ما نبي " الغيرة " يَ كود ف قبضة ايد = غيرة رجالٍ مَ هي لجل النعوت
لنّها قد تقلب الباكي سعيد = أو تردّ الحال من قبلٍ يفوت
تهدِم أوصال المحبة لو تزيد = و تقطع عروق الأصالة لو تموت

.
.

و لكم ... (( قراءة الكف ))

[الاصمعي]

افكار مبدعه ماشاء الله عليك

اعجبن موضوع طاغية الحضور=وجيت اتابع ورطة الشاعر واشوف
وطحت في ماختارته اختي الدهور=قالت اكتب حول قراء الكفوف
قراءة الكف بين تنجيمٍ وزور=مالها علمٍ ولا اصل معروف
من يصدق كاهن اعماله تبور=وبالحياه يعيش في شكٍ وخوف

الي بعدي يكتب عن (الحياء)

[بتول آل علي]

استاذي الأصمعي

لك ألف شكر أيها الفاضل

و صح لسانك .. و هنا " الحياء "



لما شفته مَدري وين الأرض من بين السما = صار راسي منحبسْ ف الأرض و رجولي تطير
ما شِعرت إنّ " الحِيا " من مولدي .. فيني نِما = غير من نظرهْ مِحَت هالكوون .. و الدنيا غفير
كنّ جوفي يشتعل به نااار تِلهَب .. إنّما = جذوةٍ من نار إبراهيم .. بَرداً في سعير
" الحيا " ياكِلْ فؤادي و المشاعر تِلهما = ما يحسّ بحِلو طعمه .. كود أحياء الضمير


و لقلوبكم الطاهرة

(( المصباح ))


تحياتي

الدهور

[سلطان الشمري]

شكرااا الف للتميز,,شكراا الف للدهور

,,

((المصباح))
0
0
0

مصباحي المكسور من خان ضوي=مصباح لكن غير كل المصابيح
ياخيبة السارين ياهيه توي=توي سريت وانت راس المشاحيح
خلك معي مصباح ضوك يضوي=ولا استخر واترك فتايلك للريح

ربما تكون بعيدة ولكن منكم العذر..

..
..
..
لمن بعدي


((الصداقه..والوفاء))

[بتول آل علي]

نبراااس

صح لسان الغالي

و الوفاء منكم .. و إليكم :)



لو تخون الشمس اشراق الصباح = و لو يخون القوس .. إطلالة قزح
و لو طفل غزة نسى صوت الصياح = و تنقلب بغداد دمعتها .. لْمزح
وافيٍّ يا صاحبي و أنسى اللي راح = ما يلوم البير .. دَلوَه لو نزح


و لكم ... (( بغداد ))

[الاصمعي]

السلام عليكم
جذبتنا بغداد فعدنا





بغداد يادار الملاحم والامجاد=بغداد اسمك بالبطولات مقرون
بغداد ياتاجٍ على ناطق الضاد=من عصر ابو جعفر ومهدي وهارون
بغداد احبك حب ناسك للامجاد=واحب سيف العُرب ومكون الكون
الي فدى بالملك وابنيه واحفاد=واصبح كما انتي بيد الاجناب مرهون
ولأجله واجلك شعبكم يعلن جهاد=ويسعى لتخليص الرهينه ومسجون
الله يا كم يحرقن ذكر بغداد=ويا كم يثير بنفسي اشواق شجون

اختار (الفجر)

سؤال ورد على ذهني اختي الدهور، هل كنتي تشاهديني اقرأ الموضوع حين اخترتي (بغداد)؟

وشكراً لكِ على موضوعك المميز هذا

[مستريح البال]

فجرٍ كشف نوره على ليلة الامس = ليل الستر اقفى مع طلعة النور

يومٍ جديد بطلعته تطلع الشمس = نظم الاله اللي خلق سبعة ابحور

وفجري اشوفه بليلتي والسما طمس = وليلٍ اشوفه في نهاري ومنثور

هذاك كوني لاهرج هرجته همس = لولا الحرام اني لا اقوله من الحور

(الفزعه)

[سلطان الشمري]

مسترح البال

صح لسانك يالحلو

..


((الفزعه))



لوكل من ضاق جات لضيقته فزعه= ماشفت بالناس متضايق ومهمومه

الناس دايم على اقدارها جزعه= ماتدري انه كذا اقدار مقسومه

الفزعة اللي تجي دايم كذا فزعة= فزعات ((شمّر))..وخلق الله له سلومه0

0

0
((الـــــــطـــفـــولـــه))

[بتول آل علي]

الأصمعي ،،،

ليه يعني ؟ كانت بغداد في بالك ؟ :)

--- صح لسانكم يا جماعة ---

و لأجمل و أعذب و أنقى ... أيامنا ..



يا حلو أيام ما كنّا جهال = و يا حلو طاري الشقاوة ع الندود

يوم حنّا فوق كثبان الرمال = و المطر يلعب على سمر الخدود

و أمنا تنادي : أ يا وليدي تعال = لا يصيبك برد .. و الدنيا رعود

و احنا أطفالٍ و يغلبنا السؤال = ليه يا يمّه ؟ .. و لا نلقى ردود


صرنا ..

صـرنا ..

صـرنـا ..


صرنا .. نتمنى شبح ذيك الليال = لو يضيع العمر بس .. هيّه تعود


و لكم ... (( المطــر ))

[سلطان الشمري]

شكرااً الف للروعه

الدهور والله ياني تمنيت اني اكتب عن الطفوله
لكن صار السؤال مني ومن حظك

ماقصرتي صح لسانك
0
0
0

المطر دمعة سحابه باكيه = تنثر دموعه مثل دمع العيون

تنثر العبره,,بنبره شاكيه = إيه صدر الارض,,مثل امٍ حنون

الرعد..يزجر بصوت يحاكيه = وين مايمر به الله هي تكون

المطر عطره وريحه زاكيه = يكسي الارض الزهر من كل لون
,,
,,
,,
,,

((اليتيم))

[بتول آل علي]

نبراااس

صح لسانك ، و كانك تبغي تكتب عن الطفولة . اكتب قصيدة كاملة :)
.
.
(( اليتيم ))
.
.

كلّها الأطفال تركن فوق صخرٍ من حجر = و انا يا دنيا الحجارة خلف ظهري تنهدم ؟

ليه يا دنيا قسيتي يعني ما يكفي البشر ؟ = تاخذين اللي لفانا و العيون تهلّ دم

ايه يا دنيا رضينا بالقضاء و بالقدر = ما يردّ النوح من هو صار في طيّ العدم

.
.

(( الغربه ))

[سنجار]

الدهور

صح لسانك

ويسعدني أن أشارك في هذا الموضوع المتميز


الغربه



الغربه أن عشت وقتك بريبه

واصبح زمانك ينزف الحزن ألوان


أعظم جروح الهم وأكبر مصيبه

غربة زمانٍ هيضت كل.. ماكان




( الجهاد)

[فلاح السعد]

فرضٍ عليــــــــنا بس ماعاد به فرض


ضعنـــا بعالم عولمــــــه عن فروضه


صرنا نبي نأخذ لنا بســاط لو قرض


وماهمـــنا لو ضيعتـــنا قروضــــــــــــه




ومعذره عن التأخر بالرد


وشكراً لقلوبكم وخصوصاً صاحبة الفكره



وأنا اختــــــــار











اختــــــــار











ليش مستعجلين












افكر وأعود لكم :)









ايه اختار لا ماهو الجيب :) اختار السكوت عن الحق

[سلطان الشمري]

هلا ....وهلا ....معهن ..هلا

وغلا...وغلا...ومعهن ..غلا

..
..
فلاح صح لسانك..
0
0
0
((السكوت عن الحق))


السكوت احيان خير من الكلام=ومن سكت عن حق شيطان خرس
الشهاده حق..واخفاها حرام = عارفه منهو قراء الدرس واللي مادرس


,,,,,,
,,,,
,,,
,,
,
ولكم

((الغياب))

[بركات الشمري]

حبيت آزاحمكم شوي :rolleyes:

بويتات بسيطه عن موضوع الغياب ...
الله يرد كل غالي لغالينه ..





أصلا ً غيابك مايشابه // سوى الموت
ـــ وأحيان .. لا والله // ألعـن // وأدهى ...

خليتني // لاشوف // لاسمع // لاصوت
ـــ ماغير آفكر فيك // وآسج // واسهى ...

مابيت تستغرب إذا خاصمك // توووووت
ـــ عشانك أنت // آلذ // واحلى // واشهى ..
.
.
.
من غبت عني كنك مسلم الموت
ـــ روحي .. // وغيابك لو تصورت // أدهى ..



وللي بعدي ابيك تكتب عن (( المسباح )) ..



الف شكر شاعرتنا الرائعه الدهور على الجهد الواضح والراقي والرائع ..



دمتم بخير ..
ويمكن لي رجعه ;)

[بتول آل علي]

يا حيااا الله بالأسماء اللي نورتنا

سنجار

فلاح السعد

نبراااس

بركات الشمري
.
.
صح لسانكم و يعطيكم العافية

و تسلموون على التشجيع

.
.

أنا في دنيتي مسباح = أصل مكنوني التسبيح

و لكنّ البِلا ذبّاح = قِلبني زينه للترويح

.
.
.

(( الثلج ))

[مستريح البال]

الثلج لون سنونها ياجماعه = انشهد انه غايتي وقمة الكيف

مالي غنى عنه ولا لي استطاعه= ثلجٍ احنّه في شتايه وبالصيف


(الدنيا)

[بتول آل علي]

و دارت بيننا الأيام .. دنيا مِن يأمّـنها ؟ = محطة كلّنا فيها و لكن ما بها ساكن

فتن كلها و فااايز من يقدِّر كم يثمّنها = فلا تغرّه بشهواتٍ و لا يعيش بْها متهاون

.
.
.

(( الوِحده ))

.

[بركات الشمري]

.
.
.
.

الوحده ماهي .. إنعزالك ..... عن الناس
... أيضاً .. ولاهي إنطوائك ......... مع النفس ..
الوحدة // وحدة فكر وشعور واحساس
... لاصار صوت العقل ....... يصرخ بك بهمس .. !!
تعال كسّر وحدتك ......... والعن الباس
... وازرع بروحك (( لادنت ليلتك )).... شمس .. !!

.
.
.



(( الكبرياء ))

.
.
.

[بتول آل علي]

بركات الشمري

أيها الجميل ... دمتَ شامخا
.
.
.

و يعني لو عيونك ماي = و لو كلّ البشر .. صحرا
و جرحك ساكن بذكراي = و يطعن من قبل يبرا
أموت من الظما ولا جاي = و لو عنْك أبتعِد شبرا
.
.
(( الورد ))

[بركات الشمري]

،
،
الدهور .. سيدة الحرف .. دمتي على هالجمال ..
،
،
لو ماهي على الورد بالتفصيل .. لكن به (( ورد )) :)

ياغـادة القلب .. مو ذنبي
ـــــ لاصارت الروح ..... ولهـانه ..
.
اهواك واحلف لك .. بربي
ـــــ القلب فـيدينك .... عنانـه ..
.
ألعبّه بلطف ..... والعبّي
ـــــ وخل الأحاسيس .. خدرانه ..
.
.
" الورد " بالخدين متربي
ـــــ وعيونه الحووور .... فتانه ..
.
والشعر .. لاداعب الغربي
ـــــ ترقص له الريح // طربانه ..



.
.
.
.

(( الحنين ))

[بتول آل علي]

بركات الشمري

شكرا بعمق هذا الجمال
.
.


ألا وينك يَ أوطاني = ضناني من الوله خفّاق
حنيني هدّ بنياني = و ما بيّنْت فِ الآفاق !!

.
.
.

ماذا نقول حين يقف الدولاب على أعتاب ...

(( الوطـــن ))

؟

[أم نــــــــــواف]

دهور الغاليه

شكرا لهذا الإبداع

ولك منّي هذه المشاركه


يادهور بها الوطن عشنا سنين=ماشهدنا جروح فينا قد سطن

يافِتن أرجوك يكفينا أنين=ياجروح اليوم أتعبتي الوطن


اللي بعدي مع الشكر :

((( لسان حال طفل لضابط قتل بسبب التفجير يقول )))

[بركات الشمري]

((( لسان حال طفل لضابط قتل بسبب التفجير يقول )))


آآآآآه ِ ياأم نواف .. حالة خاصة تحتاج لنزف خاص .. لأنها تخاطب فينا ضمير الإنسانيه
قبل أن نكون مسلمين ..
الله يرحم الشهداء ويشافي المصابين ..
ويحمي هذا الوطن من كيد كل عابث وشيطان ..
اللهم آمين ..

ابيات كي بورديه لن تصف حجم المآساة التي يخلفها المجرمون ورائهم ..
ظهرت هكذا ..




اشتقت انا لصوتك (( يبه )) تعال مره نادني .... قلّي ( اشلونك ياولدي ) و (ايـاك لاتلعب بعيـد ) ـ


يبه ذبحني هالغيـاب عقبك شعوره ســادني .... مديت يدي للدجــا بصافحك // ماشفــت إيـــد


اعتدت أنا طعم البكا عقبك // وحزني اعتـادني .... واتقنت بعدك يا يبه عزفي لأحزاني نشيــد


الياس بعدك يايبه للهم // هم وقــــــاادني ....... واصبحت بعدك منطوي ماني مع العالم سعيـد


أدري غيابك يايبه // مكتوب // بس آبااادني .............. وعزاي والله يايبه إنك بئاذن الله // شهيد






(( لسان حال امراة فقدت زوجها أو أخيها في التفجيرات )) ..
أجاركم الله من مصائب هذه الدنيا .. وحماكم من كل شر ..



حفظكم الله // والوطن من كل شر ومكروه ..

[بتول آل علي]

رحم الله موتانا و موتى المسلمين و شافى مصابيهم و ردّ كيد الظالمين في نحورهم
.
.
.

يا حسرتي وين السند ، وين الأخو ، وين الإبن = يا ويلتي راحَوْ بغمضة عين ما قالَوْ وداع

إبليس يلعب في عقولٍ جُل فكرها من عفن = ايظِنّ كلّ مِنْ لَوّث ايدَه الدمّ .. قد أصبح شجاع

يا دمعتي خلّي شهيدي يشقّ من ثوبه كفن = العِطِر عِطره و المِسِك في راحته بَيّن و فاع

و اللي خلق هالكون و انجى نوح في ساعة غبن = الظالمين إلْهُمْ مَعادٍ ما يأخرونه بـ ساع
.
.
.
بعيـدا عن السيـاسة

(( الأصـاله ))


.

[الاصمعي]

(( الأصـاله ))

الاصاله تعني الفعل الجميل=وتعني الايثار مع حسن الطباع
يعني مابيصير تبلع مثل فيل=من نعم ربي وجيرانك جياع
ثم تقول اطفالهم بس له عويل=ازعجوني سببوا لراسي صداع
والاصاله تسري بدم الاصيل=ماهي بالاسواق تشرى او تباع


.
.
.
.


صلة الرحم

[بتول آل علي]

شاعرنا الأصمعي

صح لسانك أيها الفاضل
.
.

غابوا عن عيوني سنين = ما كنّ يكفيهم جفا
ما قالوا امي وش تبين = والقلب رغم الهمّ .. عِفا
.
.
.
(( الزواج ))

.

[الاصمعي]

صح لسانك الدهور
وين الشعار عن الاشتراك في هالمساجله الجميله!






.
.
(( الزواج ))[/align][/size][/font]

.


الحمد لله في شرع الزواج=سنةٍ بالخلق لإعمار الحياه
من بغى العفه وإكثار النتاج=في الزواج يحقق الله مبتغاه
ومن عجز عنه ويسأل عن علاج=الصيام (المصطفى قاله وصاه)
وكل ساعة ضيق يعقبها إنفراج=لمن تجود بالصبر وأيضا الصلاه


الأوراق

[بتول آل علي]

شاعرنا القدير

الأصمعي

سلام بقدر جمال و نقاء و عذوبة حرفك و قلبك

و ما المسؤول بأعلم من السائل !!!
.
.


على ركن السطر أحمل حبيبٍ ما حواه الكون = و سرّي في بعض حبري إذا ما سال باوراقي

و يوم الناس في دنيا .. يخون الصاحب المأمون = تخون الشمس مغربها .. و حبري فِ الحفظ باقي

.
.
.

(( السمـــاء ))

[الاصمعي]

(( السمـــاء ))


بالسماء الرزق وعدٍ من كريم=إسع بارضك وإرتجي رب السماء
ولو تلبد جوك اغبارٍ وغيم=أصبر وبا تغسله قطرات ماء
كافلٍ رزق الضعافا واليتيم=آيقن وترتاح من بعد العناء
^
^
^
(المزح)

[سنجار]

الشاعره الدهور

شكرا على هذا الموضوع الرائع

وشكرا لجميع الشعراء والشاعرات الذين أثرو هذا الموضوع

بمشاركاتهم الرائعه والجميله

أود أن أشارك بهذه الكيبورديه المتواضعه


المزح:


مزحك وجدك مختلط في دعاويك* مثل البحر مابين جزره ومده

لاماظين يعجبك بحاظر لياليك* حتى الصبر وياك عديت حده


العولمه

[نواف السويــدي]

العولمه والعومله اسمين يالغالي سوى



برّق بها تلقى الدلايل واضحه وانت الفطين



في ظاهر الأمر اختلاف وشرّها بالمحتوى




كل الكراسي خاضعه يالله .. يالوالي تعين




؛

؛

؛


مشاركه .. على عجل وكل الشكر من صاحب الموضوع



لآخر مشارك هنا .


؛
؛
؛


وللقادم عن الانترنت .......... لاهنت





الـــــــنــــــــــــــت ّ

[نواف السويــدي]

السلام عليكم ..


يبدو ان هناك صعوبه .. في مفردة النت ..



لذلك اطرح بديلا ً لهـــــــــا ...





(((((( الـــتـــيـــــــه )))))))



التيه = اخر حدود الجمال

[بتول آل علي]

نواف السويدي


حياك الله و مليون صح لسانك


الله يعطيك العافية اخوي

و ان شاء الله راجعتلك مع المفردتين مو وحدة

بس مشغولة هاليومين



لي عودة

الدهور

[أبو مقرن]

إذا تسمحون لي ..عندي كم بيت عن النت..
وبعد إذنك يانواف إنت والدهور ..والتيه لوه شاعر.ن. يجيه..
***
وأبياتي..على لسان الانترنت نفسه ممن لم يحسنوا استخدامه..أقول:

والله لو إني من النت لاصيح=وألعن أبو حظ.ن. عليكم رماني
أحد.ن. يسرحني مع الروض تسريح=وأحد يتمرقابي طويل المباني
لامن ترك حلقي هبيل التماسيح=تلّن قماصيعي دلال وتهاني
وناس.ن. على ماقيل ناس.ن. مجاريح=تشكي من أهوال الدهر والزماني
ولاظنتي فوق الوطا حي.ن. مريح=وكل.ن. على ليلاه جـــرّ الغوانياللي بعدي..كما قال أخوي (نواف السويدي)..
عن التيه..عسى الشر مايجيه

[أبو سرحان]

الظاهر اني جيت متاخير حيل لكن اذا ما خلصتو سجلوني معكم يمكن يحوشني الدووور

وتسلمون على الاقتراحات الطيبة

[الاصمعي]

التيه
^
^
يقول أبو مقرن ترى التيه ياتيه=شاعر يفسر تايهيات المعاني
التيه يانواف ضيعت مساريه=وراع الجمال ان زاد زاد طغياني
والكبر غمط الحق ويقال له تيه=والتايه الي جاب بصري زماني
ومن تاه درب الحق قالوا يقدّيه=سيفٍ يسوي ماعلا به طماني
والحق حق وتايهٍ من يماريه=الله يهدي قلوبكم ويهداني
.
.
.
.
السيف

[بتول آل علي]

صح لسانكم يا شعراءنا الأفاضل

أبــو سـرحـــان:

المجال مفتوح للجميع في أي وقت ، فالأوان هنـا لا يفوت :)

.
.
(( السيف ))
.
.


على حدّه يبين الحق = يزعزع قولة الباطل

اذا م الغمد قد أشرق = فلابدّ النصر واصل


.
.
(( الضباب ))
.
.

[سلطان الشمري]

شكرااا....الف لمن ابدع هنا


..

نعود للتو......اصل

((الضباب))



الضباب اللي حجب بيض الخطايا=لا تشوف الدرب في جوف النهار

سالفة بنتٍ حكتها للزوايا=تنفحه في وسط صدره الف نار

الغياب..ودمع عينه..والهدايا=ودها تنطق..ذبحها الإنتظار


((لمن اتى))
0
0
0
((الجروح))

[أبو مقرن]

الجروح
***
قال الجروح ..وقلـت:أشكال وألوان=وأقسام يعرفها كثير التجاريب
جرح.ن. يجي من أحباب وأقراب وإخوان=لاكي يجديبه..ولابه تطابيب
وجرح يتسبب به دني.ن.وفتّان=خبل.ن.بغيض.ن.حاوي.ن. للعذاريب
من أمثال هذا لاتجي يوم بلشان=وليا بلشت إنطح فعايله بالطيب
وخلك على ماقيل تجزي بالاحسان=إن بادرك بالسوء..ضحل المشاريب
***
الهــــــــــــــقــــــــــــوة
.
..
...

[فيصل اللويش]

الشاعره الاكثر من رائعه

الدهور

فكره جميله جدا

واسمحوا لي ان اشارككم



الليل لامن قض مجدوله وبان = للذيب هقوه في يدينه ونابه

وشلون اجل بالله لاصار انسان = وله صاحبٍ في كل شيٍ هقابه


فيصل اللويش


*****



للي بعدي ( الذيب )



****

[سنجار]

أخي أبوطلال

صح لسانك

وأهلا بعودتك التي أسعدتنا


الذيب


الذيب من طبعه عديم العذاريب


له موقفٍ مشهود كلن فطنله


ذيبٍ تعلا عاليات المراقيب


لوهو تردى الوقت صعبن يذله


اللي بعدي

الوفاء

[بتول آل علي]

مرحبا بكم اسما اسما .. و حرفا حرفا

و مرحبا بالاسماء الجديدة التي تشاركنا للمرة الأولى

و نتمنى منها الاستمرار معنا ...

(( الوفاء )) مكررة و لا مانع من التكرار :)

.
.


أبي صاحب اذا ضاقت عليّ الدنيا في لحظة = اشوفه ماسكن ايدي و قلبه مسكني الدافي

واذا دوّرت من حولي وكل شي راح في غمضة = أشوفه واقف بْـ بابي واذا خان الزمن .. وافي

.
.

(( الدنيــا ))

[فيصل اللويش]

لقيتي من يحبك ثم تركتي = وخليتي عيونه ماتنامي

ولكن هذي الدنيا غريبه = تفرق بين فعله والكلامي


(( العذاب ))

[بتول آل علي]

العذب ... فيصل اللويش

دائما في الصميم !!!
.
.
.




غصب عنّا نذوق من الشهد .. كدره = غصب عنا يخالط حلمنا .. لسهاد

غصب دنيا تفاجئنا على غره = نذوق الويل ان حلّ السعد .. ميعاد

و كم من " آآآآآآه " قلناها على حره = إذا ما حشرجت بين الحشا .. تزداد

و لكن وش بايد المنحني ظهره = بدل مَ يقود فِالدنيا .. اهو ينقاد ؟

بدل ما يستفيد من الغلط مره = يعود اخطاه ان صار الغلط و انعاد


.
.
.
(( القضاء و القدر ))

[فيصل اللويش]

لاهو قضا ولاهو قدر من يدينا = حنا اللي فصلنا الثياب ولبسنا

والصدق ماهو كلنا من حدينا = هو من خذانا للعذاب وحبسنا



(( الملكه ) اقصد ملكة العرس

[الاصمعي]

أسعد حدث بالكون يحياه قلبين=بعد إنتظار وشوق غالي لغالي
كتب الكتاب وشوفة العين للعين=على النقا بحضور عمٍ وخالي
وأمٍ تزغرد والابو خاطره زين=ونفوس ترسم للسعاده أمالي
للي يدور الستر يبي الله يعين=ويحصل المطلوب في كل حالي
.
.
.
.
الدعاء

[سلطان الشمري]

شكرااااااااااااااا للتميز ....


وللروعه في الاعلى..


((الدعاء))




العجوز اللي دعاها مغفره....=والدعاء والــــــله سهمٍ في ظلام

كم مسيء..ذنبه الله يغفره....=لارفع كفيـــــــه.. وتمتم في كلااااام

والذنوب اللي بأيدك تظفره.....=مالها الا الدعاء قبل المنام



,,

,,

(( الورد الابيض والاحمر))....شاطفه صح بس تعجبني من الرايق اللي بعدي

[بتول آل علي]

الظاهر ما غيري الرايقة اللي بعدك :)


الورد ... لكل من يحبه !!!

.
.
.


و قالت لي تبي ورده تشابه خدّها ف لونه = و انا محتار وش لونه ؟ ما بين أبيض على وردي
و اذا لامست أنا ايده و غرقت عيني ف عيونه= تحوّل خدّها أحمر حَمار الجمر في يَدّي
و زادت حيرته قلبي .. و كان الله في عونه = زهر أبيض .. زهر أحمر و وردي .. كلهم حَدّي
و لكن ما بهم منهو يشابه خدّها لونه = و رحت و شلت صورتها و قلت : الورد ذا عندي


و لمن توقف هنـا


(( الأسف و الاعتذار ))

[فيصل اللويش]

بعض البشر لو يعتذر منك عادي = ما ينقبل عذره ولونه تأسف

تكفون قولوله .. تركني بوادي = ماخاف بي ربه ولاقد تحسف



فيصل اللويش


( ياطول المسافه )

[سلطان الشمري]

شكرا...للدهور على الورد...فعلا عجبتني..بقوووه


شكرا الف لفيصل اللويش على الاعتذار.....وشهادتي مجروحه..




آآآآه ياطول المسافه...والمسافه...=...لاحسبته ماتقدرها الليالي...!!

آآآه من ظلم الحبايب والحسافه...=...من خذت قلبك..وقّفت..ما تبالي..!!


ما خذيت من الغلا كود الكسافه...=...والغلا وشهو الغلا ...ياهملالي........؟؟؟




لفتنة الشعر اللي بعدي..
(( التغلي...بالذات من جهة اللي تحب))
ويالله انه اللي بالي ..عشان الابداع وبس

[أم نــــــــــواف]

اعذرني اخوي نبراس

خربت عليك تخطيطك وماطلع لك اللي ببالك
|508|

( البنات ... والغلا )



الغلا سر ٍ من أسرار البنات=وكم بناتٍ راحوا بسبّت غلا

البنات أشكال وياكثر الصفات=والغلا تستاهله ريم الفلا

تاجها الحشمه ومستور العباة=وغيرها هم ٍ على القلب وبلا




اللي بعدي

أمنحه فرصه ليخاطب>> ( طير يحوم محتاراً )



شكراً الدهور

[أم نــــــــــواف]

يوه

أخوي نبراس أنت كذا وهّقتني

|505|

:d

[سلطان الشمري]

ام نواف


لا توهيقه ولا حاجه ..والله العظيم اني اطرب لقصيدك..واتمتع فيه

وانا اطالبك بالثنتين مع بعض..


وسبب التغير خفت يفهموني خطا...


وبالعكس انتي افضل مناللي ببالي..


تحياتي

[الاصمعي]

الي بعدي
أمنحه فرصه ليخاطب>> ( طير يحوم محتاراً )


الطير حام وشايفٍ له طريده=قام وتعلى بالسما لأجل ينقض
وحول الطريده من يخطط لصيده=يقول إغدي يجدعه طيب الحظ
ياطير أبعد للديار البعيده=نصيحةٍ ياطير لشليّلك عظ
لا تجذبك ياطير كل تغريده=وبأسهل وسيله يا أشقر الريش تقبض
الحر صيد الدار ماهو يجيده=والصقر للعصفور ماقد تنهّض
خذها نصيحه لا تطيح بمكيده=وأن سلمت الجنحان كلّش يعوّض

(عبره)<<بدون تشكيل، كل يقراه بكيفه:)

[بتول آل علي]

و سااالت عَبرتي حَرّه
................. على خد الزمن شااامه

إذا كان السعد سِـرّه
................ فهي في حزنها هااامه






.
.

(( الأسرار ))

[فيصل اللويش]

الصدر صندوقٍ والاســــــــرار الاوراق .... من يكشف اوراقك وهي وسط صدرك

ياليتني صدرك على شان اذا ضاق .... افتش اوراقــــــك واقـــــدر واعـــــــذرك



فيصل اللويش



(( تعبت ))

[بركات الشمري]

.
.
.

تعبت من التعب والهم .. والالآم ........ والضيقه

ـــــــــــ تعبت من الرحيل ... اللي على وين ......... ماأدري !!

تعبت من الشتات اللي .. جمعني في معاليقه

ــــــــــ تعبت من الضياع اللي ... خطفني للأسى .... بدري

إليا مني نهضت القلب ... وانتفضت مسابيقه

ـــــــــ عرفت إن الهزيمه ... من نصيبي ......... قبل لاتطري !!




آسف على هذه الدخول المزعج ...


لكم تحياتي وودي ..







(( الهروب ))

[بتول آل علي]

شكرا لكل حرف سطّر إبداعه هنا

و مرّ من بين السطور ، فوجدَ نفسه فيها

.
.
(( الهروب ))


و ضاقت دنيتي فيني و شمسي هدّها لغروب = و روحي ذابت بخافق شمالي و الهوا غربي

مشاااعر ساكنه عيني و لكن خانها لهبوب = على غير الهوى هبّت رياحٍ و أخلِفت دربي

خجل كلّي .. خجل بعضي .. وشوقي يستتر بهروب = أبي تعرف كم اشتااااقك و أدعي: يحفظك ربي


.
.

(( الحقيقة ))

[فيصل اللويش]

للغرب انا مشتاق مشتاق بالحيل ... هذي الحقيقه كان صد ونساها

قلبٍ شمالي فز لاحـــــــــول الليل ... ويقول ربي يحفـــظك من بلاها


فيصل اللويش




(( الامارات ))

[سلطان الشمري]

غير شكل

واهداء خاص للدهور

((الامارات))
.
.


دار زايد..ويكفي انها داره=تاج راس الخليج..ودرة بحوره


يكفي الناس منها ان به شاره= غير طيب العطور ونفحة زهوره


اجبت حرةٍ من ماكر احراره= ايه يمكن فهمتوا اقصد ((دهوره))



ولكم


(( صمت الشفايف وبلاغة لغة العيون))

[بتول آل علي]

الذيب فيصل اللويش

الإمارات و من عليها ترحب بك

و تبلغك شكرها و امتنانها

شكرا استاذي


الكريم نبراااس

لي كلّ الفخر أن أمثّل إماراتي الحبيبة

و أتمنى أن لا أخيب ظنها و ظنكم !!

ألف شكر



(( صمت الشفاه و لغة العيون ))



بعد ما طالت الغربة و جا يتنفّس الإحساس = و ذاب القاصي بالداني و تلاشى كلّ ما ف الكون

يدوّر كلنا كلمه توازي شوووقه المحتاس = و لاااا تدري شفايفنا بما تحكي لغة لعيون


و مثلا بالمثل ...


(( المملكة العربية السعودية ))