مشاهدة النسخة كاملة : الريــــــــــااااااااااض .......و........!!!
.............والمطر ...........
الرياض الحبيبه
عروس نجد الغاليه تغتسل بالمطر
من بعد صلاة العشاء
الى الان الساعه الثانيه بعد منتصف ليلة الاثنين
تمطر وبغزاره على حبيبتي الرياض
فيه احد اسعد مني في هذه الليله الرائعه
رياض ومطر ومضايف :)
هلا والله بريم شمر
هنيئا لنا بهالجو الجميـــــــــــــــل
والله ان الهواء الليله يرد الروووووووح :)
<<-- يرد على الموضوع ومطلعن راسه مع الشباك :D
اللهم زد وبـــــــــــــــــــــــــــارك
يانجــــــــــد قلبــــــــــــــي لك حبيب ويهواك .....كم عشت بك من خافيات الشجوني
يااللي رعيتينــــــا عسا الله يرعـــــــــــــــــاك.....ويسقي ثراك من الحيــــــاوالمزونـــي .
الله يبشرك بالخير ياريم شمر وربي اشتقت لها أكثر في هاالأجواء الممطرة
يارب يستمر الى الخميس والجمعه .
تحياتي لك ولكل سكـــــــان نجد العذيــــــــــــه .
اختـــــــــــك
شمـــــوخ
عبدالعزيز
05-04-2004, 03:10
تولمو لكسافة احتقان المياه ببعض الشوارع اجل
الله يزيك ويبارك ... اللهم آمين
الحمد لله على المطر .. :)
بس بكره تشوفون الجو كيف :d
ماننحرم ريم :)
عبدالله المهيني
05-04-2004, 04:59
والله يالجو روعه
بس تدرون الله يعين اللي عنده دوام بكرا
لا يقدر يسهر ويشوف الجو الحلو هذا
ولا يقدر يتمشى الصبح
ياسلام على الفضوه
<<-- يرد على الموضوع ومطلعن راسه مع الشباك :D
<<<< نفس الشي :D
شموخ
الله يبشرك بالخير ياريم شمر وربي اشتقت لها أكثر في هاالأجواء الممطرة
يارب يستمر الى الخميس والجمعه .
يارب ياشموخ ويرزقك شوفة الرياض باقرب وقت
عبدالعزيز
تولمو لكسافة احتقان المياه ببعض الشوارع اجل
هذا مطر صيف بتجففه الشمس
بعدين .......مافيه ورد بدون شوك ....
واللي يحب الورد يتحمل الشوك :)
سالم الشمري
الحمد لله على المطر ..
بس بكره تشوفون الجو كيف
الحين حنا في بكره :D
الساعه 11 و45 دقيقه
والجو من اروع مايكوووووون
نسمات هواء ترد الروح :)
المهيني
ياسلام على الفضوه
<<<< وحده فاضيه :D
شكرا للجميع والله يزيد الخير ويعم به كل ديار المسلمين
اخو سعدى
05-04-2004, 12:04
ريم
هذا من فضل الله
على فكره من هم رياض ومطر ومضايف ؟؟؟:)
سلاااااااااام
ريم
هذا من فضل الله
على فكره من هم رياض ومطر ومضايف ؟؟؟:)
سلاااااااااام
اخواني من الرضاع|14|
نعم اكيد الحمدلله وله المن والفضل
هلا فيك اخو سعدى
ريم
ماشاء الله
جعل الله جميع اوقاتك فرح وسرور فعلا خبر المطر شي طيب
لكن راحت على طلعة اعضاء الرياض وابوغازي استعجلوا
تحياتي
محمد الربع
06-04-2004, 01:24
.............والمطر ...........
الرياض الحبيبه
عروس نجد الغاليه تغتسل بالمطر
من بعد صلاة العشاء
الى الان الساعه الثانيه بعد منتصف ليلة الاثنين
تمطر وبغزاره على حبيبتي الرياض
فيه احد اسعد مني في هذه الليله الرائعه
رياض ومطر ومضايف
ريم شمر
السلام عليكم
تتذكرين كتبت اليك ذات مساء
اه ما ارق الرياض
تالي الليل
انا لو ابيك خذتها بيدها ومشينا
اهداء خاص لريم شمر
راعي الوقيد
06-04-2004, 21:39
اسأل الله ان يجعلها سقيا خير وبركة..
إلا اني مثل اللي يشوفه بالتلفزيون..
لا ويمكن اللي بالتلفزيون اشوا مني..!!!!
تدرون ليش ؟؟
ماتقدر تسوق تنزلق بك السيارة ..
>> يعني على طول صدمة الاّ ما ستر الله..!!
بعدين لا شعبان تمشي ولا خباري ولا هذي ولا هذيك !!
والربع مع الدرايش يناظرون..؟؟
آآآآآآآآآآه يااااااحايل..!!!!!
طشة بحايل تسوى سيول في ذا ؟
تحياتي
عبدالعزيز
06-04-2004, 21:42
آآآآآآآآآآه يااااااحايل..!!!!!
طشة بحايل تسوى سيول في ذا ؟
تحياتي
انا ماقلت شي:p
أخوي راعي الوقيد
راجع ردي عليك بالاستضافة|511|
راعي الوقيد
07-04-2004, 03:03
انا ماقلت شي:p
عبا !!
افاااااا
اودعتني مثل معايد القريتينا !!!
لا الىهؤلاء ولا الى هؤلاء
محمد الربع
هلا فيك
وشكرا لك
راعي الوقيد
اسأل الله ان يجعلها سقيا خير وبركة..
8
8
8
احلى شئ قلته |112|
شكرا لحضورك :)
عبدالعزيز
انا ماقلت شي
http://vb.arablocale.net/smile/images/201.gif
أخوي راعي الوقيد
راجع ردي عليك بالاستضافة
الرسايل الخاصه مهو من هنا ......مضيع الدرب |12|
ريمو
ريموووووووووووووووه:mad::mad::mad:
7
7
عسى
مابالخاطر
شين
اخذتينا
مطب
طايرتن
عيونك
صايرن
شرانيه
منفعلة
على
بعض
الناس
خلو
المطر
ينزل
تهاوشون
عليه
وهو ماطب الارض
يؤيؤيؤ
الله لايعمينا:(
اعذرني وانا اختك
نور طلتك مثل نور الشمس يعمي العين :)
انا اعتذر ومثلك يعذر
وحياك مليووووون
وبالنسيه لروحة الرياض الله يعوضك بغيرها
ريم
اخو سعدى
07-04-2004, 23:38
رياض و مطر ومضايف!!
احلى مساء على هذه الرياض !!
التي تعطرت بزخات من المطر !!
لكن اثرت كل ذلك !!
فجلست امام حبي !!
نعم لاني لا اقدر على تركها !!
انها .. المضايف !!
رياض و مطر ومضايف!!
احلى مساء على هذه الرياض !!
التي تعطرت بزخات من المطر !!
لكن اثرت كل ذلك !!
فجلست امام حبي !!
نعم لاني لا اقدر على تركها !!
انها .. المضايف !!
8
8
8
8
اي نعم :)
اليوم الاربعاء
مطر جديد ورياض جديده ومضايف جديده وحبيبه
شكرا اخو سعدى
اولا
خلاص معذوره
انا قلت مقصوده
الشيطان حريص قالي تدرى ليه |13|
على شأن انك من الـ عبيد وانتفخت:eek:
ثانياً
(انا ماقلت راحت علي طلعت الرياض )انا اقول راح هالجو الحلوا على طلعة اعضاء الرياض لانهم كانوا طالعين قبل المطر بيومين .:)
راعي الوقيد
09-04-2004, 02:47
>> مع بقاء العوامل الأخرى ثابته ..!!
اليوم الخميس ليلة الجمعة وهذي وقفتي ..
>> من اين اتيت ؟؟
هي سنع سالفة ابسولفها لكم :-
هذا الله يسلمكم ومن يقرا ، انا واخ عزيز شرواكم ، وعند الساعة الثانية عشر ظهراً وحنا براس طعس بالثمامة وضبّطنا المهيلة وكاسة الشاهي طبعا على نار حطب ارطى جايبه من حايل مع بداية الشتاء ـ الله حق ذبحنا الحر اول الوقت ، شماس ـ وحول الساعة ثلاث ونصف ، مع صلاة العصر ، بدت الغيوم تنشي من المنشا وشوي شوي والغيوم تتزايد وتتراكم وماهي إلا ساعة والسماء غاديت سوداء من كثافة الغيوم وبدا البارق من كل ناحية في جميع الإتجاهات ، وماجت الساعة خمس وربع إلا وهي جايتك يسبقه هواء عاصف شديد لدرجة انني لم استطيع فتح باب السيارة المقابل للعواصف ، وهي تقول تجودوا ، أمطار قوية مرافقة لتلك العواصف ، ماشاء الله فماهي إلا نص ساعة او ساعة إلا ربع إلا وهي زي مايقولون سماء وماء ،
وهو لك ينفل حجاجنا وحجاج كل من كان هناك ـ اللي انا شفت ـ ، والشباب تطعس والحبابات الله
يجيركم ملوحات على الدبابات وفرري بهكاالطعوس ـ بالنسبة لي >> حاجه غريبه حاجه عجيبه ؟؟
ـ الناس مستانسه وكل شي Easy ياربي لك الحمد خير وخماكير ، واخوكم صاير ابو الفزعات
سحب بهالسيارات المغرزة ـ تقل مايعرفون يسوقون بالنفود ـ خويي يقول والله والحلا لا يعرفون ابد
هههههههههه
المليعين ،هو، جايزة له الشغلة >> طبعا هو ماعليه انا اللي اسوق واحول اربط الواير بسيارتي
وبـ سيارة هذولمكي ـ المغرزين ـ وبعد مايطلعون انزل افك المربوط ، شكراً عفواً ، المصيبة رفيدزي
هو اللي يعيي على راعي السيارة ان ينزل ـ والله فلا تحول ـ طبعا والشكراً له هو >> وانا تقل
سواق بينهم ..؟؟
الحقيقة الأمطار غزيرة جداً إتضح مدى منسوب المياه يوم وصلنا مقابل الكلية الأمنية على طريق
خريص ، الشرطة تمنع السيارات من الدخول في النفق >> الماء واصلن الى...؟؟
والشوارع داخل الأحياء غرقانه الى اذانه بالماء ، والله ماقصروا من جيت الرياض لي سنة ونص وانا
اشوفهم يحُّول حفر ودفن بهالشوارع ؟؟ الصراحه انا ما ادري وش يدورون من وراء الحفر >> كنز
يمكن ؟؟ لا ادري ، ولم اسأل رفيدزي لأني خابر ٍ جوابه الله يعز الحكومة أو الشيوخ ابخص ؟؟
والله قمة المتعة والوناسه >> بس لو الدبابات الماخوذه تغرز .. لله مار مايلمسن الأرض
سواقين حرِّيفة..؟؟
والحمد لله إن عيني مازاغت لا يمين ولا يسار..؟؟ والخوي يشهد >> اما هو بس يتزاوغن
عويناته يدور المغرزين ههههههههه يبي يفزع عمك فزاع..؟؟ ابو بادي ؟؟
ويا سلام على الأمطار بالرياض ـ واخص الثمامة به فعل خير زود على الوناسة ـ ...؟؟؟
عاد ترو لا بديد من بعض البهارات والتوابل لإعطاء الكتابة نوعا من التشويق & التسويق ..؟؟
Privateريم شمر
تحياتي
لكم وللثمامة
راعي الوقيد
رائعه
مجنونه
جميله
متهوره
حنونه
قاسيه
دلوعه
متكبره
حزينه
مبتسمه
هذي هي الرياض :)
وهذا اللي محليها
وهذا سرها اللي يخلينا نحبها
راعي الوقيد
الثمامه + الصيف = مالها داعي :D
الثمامه المنتجع الشتوي لاهل الرياض :)
اما الصيف فتغلق ابوابها الا للي وده ينشوى |82|
يوم الخميس
تستمر سحب الخير تجود بالخير على ارض الخير
صباح الجمعه
ومازالت الغيوم تلبد سماء الحبيبه
^
^
^
يسولفون عن الرياض:eek:
^
^
^
يسولفون عن الرياض:eek:
لا |509|
عن مونت كارلو |2|
http://www.eveandersson.com/photos/guatemala/atitlan/san-pedro/three-old-women-large.jpg
^
^
^
ياحليلهم اهل العاصمه وهم يتفرجون من البلكونه بعد المطر:D
عبدالعزيز
09-04-2004, 04:12
ان ماخاب ضني ان اليسرى ريم والوسطية مجموعة انسان واليمنى الريم متهيضة للقصيد ولا انا غلطان:d
راعي الوقيد
09-04-2004, 09:44
ريم شمر
الا ليه ماتقولين تعقِبْ
وانتي توايقين من الدريشة
لاتكونين حدى اللي ملوحات امس على الدباب
رجال بسولف على رجال>> وش يخليك تخطمين على سالفتنا
اويحي لو انتي رجل وقايل هالحكي.
لكن حرمة وما عليك شرهة!!
كما قالت إحداكن في غير المكان وفي نفس الزمان ؟؟
الرجال ليا حكوا انصتي وان طلبوا من( ريم شمر) الراي والا اجمدي
ماعاد الا هي !!
هه ياحتسي..!!
ريم شمر
الا ليه ماتقولين تعقِبْ
وانتي توايقين من الدريشة
لاتكونين حدى اللي ملوحات امس على الدباب
رجال بسولف على رجال>> وش يخليك تخطمين على سالفتنا
اويحي لو انتي رجل وقايل هالحكي.
لكن حرمة وما عليك شرهة!!
كما قالت إحداكن في غير المكان وفي نفس الزمان ؟؟
الرجال ليا حكوا انصتي وان طلبوا من( ريم شمر) الراي والا اجمدي
ماعاد الا هي !!
هه ياحتسي..!!
يامامي :eek:
راعي الوقيد صدقني ولاسطر ولاكلمه
ولاحرف فهمته|13|
بس شكلك زعلان :D صح والا لا ؟؟!!
ترى من جد ماادري هالحتسي اللي فوق هو مدح والا سب :(
بس على كل حال
الله يسلمك ومن العايدين والف مبروك |14|
تكلموا عربي ياناااس |501|
اما اللي متبرعين بالصوره حقت الفلبينيات:cool:
اقولهم شكر الله سعيكم
نشارككم بالافراح :D
ريمووو
هاللحظه وهالساعه ..
الموافق عصر الجمعه
عصف
ورعد
وبرق
ومطر
والله ماني مصدق اني بالرياض (وجه مطيّر عيونه)
ابحاول اصور لكم مقطع فيديو وانزله بهاااااااااه ;)
سيووووووووووووو
مجموعة إنسان
09-04-2004, 21:44
ريمووووووو
إحمدي ربــــك عيوني إنك اليسرى الدبدوبه << |501|
إنتِ بس طالعي لمجموعة إنسان الوسطانيه وتحمدي الله << ياحياتي ناقصها تغذيه :eek:
ريموووو تجين نتبااااادل ؟؟ :p
:D
أخونا عبدالعزيز :
لو ماانت معترف بإستضافتك انها خربشات كان علووووووووم << أبد كنّي عاد بسوي شيــن:o
تحياتي لأهل الريـــــــــــــاض >> وحده حساويه |97|
وعساها سقيا خيـــر وبركه
عبدالعزيز
10-04-2004, 01:26
ٍقردتي روحتس خالتيا ... وش يفكتس هالحين:D
..............
اما اللي متبرعين بالصوره حقت الفلبينيات:cool:
أي فلبينيات؟؟:cool:
لو كان مبين انهن فلبينيات ماكان والله ظلمت حظهن :)
ويااااااااااماشاء الله
اليوم العصر اتابع سباق الخيول على غصب1
المضمار ماشاءالله يدرج
والله اني قلت للزقرت لاواهني اللي فالٍ المعنا توال هكا النوازي ... الاياربي دخلّك
تكفون اطلعو واستانسو تكفون|8|
ان ماخاب ضني ان اليسرى ريم والوسطية مجموعة انسان واليمنى الريم متهيضة للقصيد ولا انا غلطان:d
[line]
ريم شمر ونظرة تأمل في الأمطار ..
مجموعه توها صاحيه من النوم مصحياتها غصب علشان تشوف المطر ..
الريم ، سمّوا عليها مفجوعه البنت من الأمطار ..
ياحلو الرياض ومطرها انشاء الله يستمر الى الخميس الجاي بعد :):)
تحياتي لكم
شموخ
عبدالله المهيني
10-04-2004, 03:20
لالالالا ماني مصدق
مو بالرياض انا شكلي بمدينة الضباب لندن
ياعالم ياهوووووووووه ماعلكم من المنقهرين
هذه الرياض وهذا الجو رائع
وموووووووووووتوووووووووووا بغيضكم
[QUOTE=المهيني]لالالالا ماني مصدق
مو بالرياض انا شكلي بمدينة الضباب لندن
=====
:eek:|512||510|
اقول ايه وش بقي كلش تغير حنا بأخر الزمان كل المقاييس انعكست الكبير صار صغير والصغير صار كبيروووووووو عدد ولا حرج على هذا القياس ..........................
وقفت على مطر الرياض .؟:eek::D:D0
ومن يدري ممكن باكر بسكبد القيض يشغلون المكيف الحار من البرد عنز الشيوخ نطاحه كلش تغير:D:D
شف بنيواتنا
كيف صارت اشكالهن بالبلكونه يطالعن المطر يالـلــــــــــــــــــــه :D:Dبسم الله
تحياتي للجميع
السبت
20 / 2 / 1425 هـ
الساعه السادسه والنصف بعد المغرب
الرياض
العاصمه
سقاها السيل |121|
نعم سقاها السيل فعلا
مازال الخير ينهمر
ومازالت حبيبتي تغسل ظفائرها
ليست كحائل في جمالها الطبيعي
لكننا نحبها
بل نعشقها ونراها جميله
زحمتها ...... حفرها ......مياه السيول التي تغرق الشوارع ...كل عيوبها
في عيوننا مزايا .....
ااااااااااالله مااروع المطر ورائحة المطر التي تنتشر حولنا
وصوت المطر الذي يعزف الان احلى انغامه
ويكفي انه مطر ...........الرياااااااااااااااااض
ريمووووو
امس واليوم
صلى اهل الرياض المغرب والعشاء جمعا
الحمدلله على نعمته
ماشاء الله تبارك الله
اللهما سقياء خير لاسقياء غضب
عبد العزيز ,, أنت متأكد إن هذا شكلي لاتهيضت للقصيد :)>>>>>> أقرب مالي تسن فيني حالة نفسية :)
بس ولو باين علي إني مرهفة الاحساس ,, ماتشوفني مبعدة عن هالمماليح :)
مطر الرياض ماهو طبيعي أبد ,, الله يزيده ولو إن الشوارع انعفست كالعادة بس مايخالف فدوة ,,
عبدالعزيز
11-04-2004, 12:36
الشوارع انعفست كالعادة
هذا اللي انتم تبون:cool:
الله يديم السعادة عليكم
http://shmmr.net/upload/up/up/rcsool-hail.gif
ويسعدنا بسعد عزوتنا بامطاره:o
عبدالرحمن
12-04-2004, 00:16
الاخت الكريمة - ريم شمر - اهلا فيك والله يهنيك بالرياض ويهنئ الرياض فيك ( اشرايك تغيرين اسمك الى ريم
الرياض عشان تحرين بعض الناس !!)
وعسا ان تكون امطار خير وبركة والرياض من المدن الجميلة ولها نكهة خاصة ليس لأهلها انما لزوارها
فهى حقيقة مدينة حلوة وتشرح النفس .
تحياتى والله تعالى نسئل ان يحفظ الرياض واهلها وكل البلاد الاسلامية من كل سوء 0
شكرا متفائل
الريم ليش الفضايح:(
عبدالعزيز اصلا احلى مافي هالموضوع لقافتك :)
عبدالرحمن
ناس ذوق فعلا تعرف الزين
الله يسلمك يارب
تصدقون الى الان الرياض غيوم وجو من اروع مايكون
مانقول الا الحمدلله
Powered by vBulletin® Version 4.2.5 Copyright © 2024 vBulletin Solutions, Inc. All rights reserved, TranZ by Almuhajir