.. شعبيات ستار (1) ..

[راعي الوقيد]

صبحكم الله بالخير :
ارغب بمشاركة الجميع هنا ، للقيام بعمل خاص بالشعبيات :-
اغاني شعبية :-
كلمات قصائد الأغاني الشعبية ( سلامة ، سالم الحويل ، حجاب ، خلف ، وووو....الخ
أولا ً : سلامة العبدالله



ياعين ياللي ساهرة ما تنام = طول الليالي عقب فرقى الحبيب
قولوا لخلي قطع وصله حرام = مشغول بالي عقب فرقى الحبيب
يازيم قل لي ويش لك من مرام = عزيل حالي عقب فرقى الحبيب
خل التغلي ما ترد السلام = ماني بسالي عقب فرقى الحبيب
دمعي يهللي مثل وبل الغمام = واعزتالي عقب فرقى الحبيب
ياعاذل اللي لو بكى ما يلام = مالك ومالي عقب فرقى الحبيب
إما حصل لي راح عمري عدام = ياهمالالي عقب فرقى الحبيب
هذا جزا اللي دش بحر الغرام = ياما جرالي عقب فرقى الحبيب
كنا فـ محلي عقب شهر الصيام = قرب زوالي عقب فرقى الحبيب
كلن فطن لي زاد فيا الهيام = باسباب غالي عقب فرقى الحبيبوهناك المزيد الذي ننتظره من الجميع ..؟؟
وليس المطلوب المرور بل الاضافة ..!!

تحياتي،،،

[مستريح البال]

وش رايك بالسجين :p

اقول لاخوي راعي الوقيد ماقصرت لنقلك لهذه القصيده المغناه الرائعه

اختيار جدااا رايق

بس للاسف اني مااحفظ ......

ولا كان بدعت ،،

[خلف الرويتع]

اخي راعي الوقيد

مشاركة رائعه
منتظرين القصائد الشعبيه القادمة

[ابو غازي]

الاخ القدير
راعي الوقيد
تســــــــلم على طرح هذه المشاركة ااالرائعة
ابوغاااااازي

[راعي الوقيد]

إخواني ايضاً من القصائد التي اعجبتني ةالتي غنّاها الفنان الشعبي الكبير سلامة العبدالله :-



ياغزال لمحته مثل بدر التمام = صوّب القلب حبه والعرب عاذلين
كم شكينا حبيبي من عذاب الغرام = ماحد ٍ غير ربي ينصف المشتكين
وان بدا السد منّه بالخطا في الملام = وجّهوه العواذل مع طوال السنين
ياحبيبي ترا لك في عيوني مقام = لا تغرك علينا شمتت الشامتين
في هوى الريم طبي والعنا والسقام = الوصل لي طبيب والهجر يامعين
الحلا في كلامه والمحاسن قوام = خلّي اللي هجرني صار حبه انين
سبحوا يالخلايق للذي بالتمام = صور الزين واكمل في دلاله سنينوسلامتكم يابعدحي

تحياتي

[راعي الوقيد]

وش رايك بالسجين :p

اقول لاخوي راعي الوقيد ماقصرت لنقلك لهذه القصيده المغناه الرائعه

اختيار جدااا رايق

بس للاسف اني مااحفظ ......

ولا كان بدعت ،،

________________
مالك لوا يانديم طويق
ماسوينا شيئ يالغالي
>> غالين لعنبو جد الغلا كيف عقب العز بكاني
رااااايق
اما الحفظ شرحك واحد مايحفظ
حياك الله يامستريح البال
الا وش رايك بالدخيل.. هع

تحياتي
__________

[راعي الوقيد]

اخي راعي الوقيد

مشاركة رائعه
منتظرين القصائد الشعبيه القادمة
تكون رائعةفقط إذا تشرفت بمرور كريم منك
ومن هم امثالك ،،،
واللي انت تنتظر ابشر به ،،،
غالي والطلب رخيص...
بشرط ان تلقى الدعم والمؤازرة منكم مشرف المضيف ..!!

تحياتي

[متفاائل]

راع الوقيد

تسلم على هالنكخه اللي مامثله :D
الله يعطيك العافيه قده وقدود
لكن عندي استفسار بسيط طال عمرك
هو لازم ذكر الشاعر او المغني
لان الواحد نوب يصير حافظ له بويتات
لكن مايدرى من غناهن من كثر اللي طارووو بهن .
ودنا لو توضح لنا هذا

[راعي المغاتير]

abosami[1]بسم الله الرحمن الرحيم
اود المشاركه وشكرن للأخ راعي الوقيد
وهي للفنان ابو سامي
عين المهاء كف النظر لي بتحذير"
"مقدر أحوش العين دونك نظرهـا
يافاتن الأوصاف سمـح التعابيـر"
"جنبني عن جور الليالي وكدرهـا
أرجوك لاتجعل حياتـي مخاطيـر"
"مادام سلطان الهوى لـك أسرهـا
من طلعتك سود الليالـي مسافيـر"
"لابان به نـورك تخفـي قمرهـا
الله بلاني بحـب سـود محاويـر"
"سلمت لك قلبي وأنا أعرف خطرها
ملكتني بالحب يالله عسـاه خيـر"
"هذا نصيب النفس وهـذا قدرهـا
.
.
.
أرحلي بسكـات وخلـي دمعتـي"
"مع حنيني تبكي احلى الذكريـات
انشراح البال وفرحـة مهجتـي"
"ياعبير الورد ياعيـون المهـات
مقدر اخفيكي وتاهـت عبرتـي"
"لهفتي تفضحني يازين الصفـات
حتى لو جت نضرتك في نضرتي"
"ينكشف امري بترديـد الاهـات
مابقالىغيـر همـي ولوعـتـي"
"مقدر انسى وحالي ماهي والنجات
هذا حضـي ياحبيبـي وقسمتـي"
"الندم مايفيد مـن بعـد الفـوات

.
.
تلاعب بالغلا باسلـوب باهـر"
"غرورك يجذبك لعيون غيـري
تنام الليل والمجـروح ساهـر"
"يناجي الليل بالدمـع الغزيـري
ثلاث سنين واعمتك المظاهـر"
"نسيت الود واخلفت المسيـري
عشقتك للاسف باحساس طاهر"
"احسب انك بهالدنيا عشيـري
جزى الاخلاص بالهجران شاهر"
"سيوف الغدر يالترف الصغيري
اشيل الجرح واضحك واتظاهر"
"سعيد الحال والخافي خطيـري
دخيلك لاتجينـي بعـذر قاهـر"
"سفينة حبنـا عيّـت تسيـري
.
.
دعاني الحظ في غفله دعانـي"
"يقول ارتاح في حظني ثوانـي
واسطر لك مع الاشواق كلمـه"
"على ماتشتهي باحلى المعانـي
وغاب الوعي والتفكير عنـي"
"غريبه وش بلاه اقبل زمانـي
وانا اللي طاح حظي ماخدمنـي"
"طوال الوقت بالهوجاس اعاني
اغرد للشقاء بدمـوع عينـي"
"واسولف للثرياء عن حنانـي
واطالع من سلب عقلي وروحي"
"تركني وابتعد واختـار ثانـي
وانا اللي مخلص بالحب وافـي"
"جزاء الاخلاص محبوبي نساني
وانا اللي كل ماعندي عطيتـه"
"ادارة ظهر ماقصّـر عطانـي
قضبت الحظ في دمي وروحـي"
"وعزفت احلى نغم للمودمانـي
لقيت اللي معاه ابنـي حياتـي"
"بعزة نفس سمتـه واشترانـي
وسطرنا سوى كلمـة محبـه"
"على مانشتهي جتنـا الامانـي
.
.
قلت اه ياتركي طوى الهـم حالـي"
"حالي قضت من قل شوف المراسيل
عيت تنام العيـن سـود الليالـي"
"عافت منامه وأنكرت نومـه الليـل
الله على شوفت حسيـن الدلالـي"
"اللي من اسبابه شكيـت الغرابيـل
ابو عيون رمشهـن لـه ضلالـي"
"سود محاجرهن وساع(ن)مظاليـل
ونيتلـي ونـه مـن الليـل تالـي"
"ونـه عليـل زاد بــه الـويـل
ماله طبيب(ن)ولا مداوي يـداوي"
"مضهود معلول(ن)ولا حال ولا حيل
.
.
.
وتقبلوا تحيات او سامي
.
.
.
.

[راعي الوقيد]

متفاءل
يالغالي اللي انت تعرفه هاته..
والقصيدة اللي ماتعرف قايله نلقاه انشاء الله..
تحياتي اخي العزيز
ولاتذخر !!

[راعي الوقيد]

اخي راعي الشر..
الشكر لك اخي العزيز
على هذه الإضافة..
وننتظر من الجميع المزيد
من المشاركات...
تحياتي وتقديري....

[متفاائل]

ابشررررررررررررررررررر

هذه طال عمر احم احم


الا يونتاه اللي من الفرقاء برت حالي = كما بري الدبا غصن الوريق اللي على حله
على اللي من ثلاث أسنين هو همي وغربالي= ولا والله حصل لي منه ساعة تبري العلة
إلى مني بغيت اصل محله ماتهيالي = وإلى منه بغي ياصل محلي صار به خله
انا واياه مثل اللي ورد مطويت الجالي= براء حاله ضماه ويذكر الماء له ولا دله

[راعي الوقيد]

يامتفاءل
وش رايك لو يكون هناك تسجيل لأغاني قديمة
، عرضة ، سامري ، هجيني..
بحيث إن الواحد يحط المايك بإذنه ويستمع لتلك الموروثات الشعبية..
تصدق إن هذا هو الهدف من طرحي لموضوع "شعبيات ستار" >> ستار هههههههه
ولكن لقلة الدبرة عندي ، اي انني لاافقه شيئاً بمسألة الفنتكة بالكمبيوتررررررررر
إضبط لنا شي سامرية الله لا يهينك وخل مشرفنا وحنا نستمتع...
إلا تسانك مثل حالتنا > ماضنه إنت زقرتي وشباب وتلقطها على الطاير ماشاءالله عليك..
تحيااتي

[متفاائل]

يامتفاءل
وش رايك لو يكون هناك تسجيل لأغاني قديمة
، عرضة ، سامري ، هجيني..
بحيث إن الواحد يحط المايك بإذنه ويستمع لتلك الموروثات الشعبية..
تصدق إن هذا هو الهدف من طرحي لموضوع "شعبيات ستار" >> ستار هههههههه
ولكن لقلة الدبرة عندي ، اي انني لاافقه شيئاً بمسألة الفنتكة بالكمبيوتررررررررر
إضبط لنا شي سامرية الله لا يهينك وخل مشرفنا وحنا نستمتع...
إلا تسانك مثل حالتنا > ماضنه إنت زقرتي وشباب وتلقطها على الطاير ماشاءالله عليك..
تحيااتي

هههههههههههههههههه منت بعيد بلا صواب الزول يشوف الزول لكن عندي لي طرف عليمن ابشوف ان وصلن ابشر والله وان باربي تعذرن ياجدي هالخشم .
لكن بشرط ان هذا مايلغي كتابة القصيده بالمشاركه لان هذا اهم للحفظ لمن اراد جمعها وو الخ
يوضع التسجيل باعلى الصفحه والقصيده مكتوبة تحت مثل ( طريقة فيصل اللويش بمرثيته الثانيه شفته )
وسلامتن طولك عرضك . اسف على التاخر بالرد

[مستريح البال]

هّل دمعي على خدي نهار الوداع = يوم قالو بمان الله جاني بلاي

التفت والتحظني بالعيون الوساع = وارسل الدمعة اللي زاد منها عناي

صرت مثل الغرير اللي بسن الرضاع = مااقدر الخطو قدامي ولا ارجع وراي



الحفظ لك عليه راعي الوقيد بس .. غلا مشاركه :p

[راعي الوقيد]

متفاءل،،،
مستريح البال،،،
لا خلا ولا عدم منكم الجميع ،،
ويعطيكم العافية على هذا التفاعل ،،
تحياتي وتقديري ،،،