عدّيت انا المرقاب في غرب سوهاج،،أول مشاركاتي

[لسّاع]

بالخير ياعيال ويابنات العم
ويشلونكم عساكم تزقحون يابعد حيي انتم هالوجيه
ذكرو لي فلة حجاج والحمدلله ماضيعت الطريق مادري هو ان اللي وصف

لي يعرف يوصف او اني دليله:o
قالو لي الى وقفت عند عتبة المضايف تبي تشوفه على حجاجك الايمن

مطلع شمس:p
وسبحان الله من دخلت بهاذا وانا منبسط ولقيت العلوم السنعه والسوالف
المنتازه(وياحسافه خربطتي والوقت اللي ضيعته بالمنتديات الثانيه،،، مار
الشكر كل الشكر لله ثم للي دلن عليكم
وهذا أنا جيت بهذا ولولا معزتكم ماجيتكم) ،،،
عاد يوم شفت علومكم وسواليفكم الزينه وانا اتهيض(هقوتي اني
تهيضت)،،،(والله يعين اللي وقع بالعشق وهو غافل:p)
وكتبت هالبويتات،،،،،


البارحه ياكن بالصدر ميراج= يوم اقلعت والقلب به ثار عجّه
عدّيت انا المرقاب في غرب سوهاج=وادليت دلوي بالبحر مار مجّه
ياضيعتي ضيعة مغاتير فلاّج=من عقبهن سمّوه (فلاّج دجّه!!)
وناديت انا بالصوت ياساحل العاج= لي صاحبن بدياركم وين وجّه؟
من فيه مثله،لبّسوا راسه التاج=(Miss) البشر كلّه جمالن و(لجّه)!!
مع انه اسمر فيه بالخد وهّاج=طبعه حياوي بس مرجوج رجّه
مرجوج رجّه للاسف ماله علاج= حتى (الدكاتر) ياشعرت فيه هجّه
واقلبي اللي ينتظر حكم الافراج=وافكري اللي سج مليون سجّه
وياجر قلبي جر موال (قرطاج)= لا جره الطربان والجيب فجّه
وسلام للغالين في فلّة حجاج= لاضاق صدرك يمّهم قم توجّه




ارجو ان اول مشاركاتي نالت الاعجاب،،،،،
واعذرونا عن القصور،،،

اخوكم/لسّاع

[المخاوي]

الاخ لسّاع
وصلت يارجل هذولا حنا على حجاجك الايمن:)
ماشاء الله عليك يالدليله ;)
ياهلا وغلا فيك ان ماخذتك المضايف تاخذك عيوننا
واللي فات انسوه وافتح صفحه جديده :)

الذبايح يالربع جانا ضيف عزيز لا وبعد شاااعر ;)
يالربع خلونا نتستر منوه :) المعاميل هذهي عندي
جاهزه وابي اقهويه من الوالمه;) ياما نضبط لوه
المهيله اللي تعدل راسوه:) ونبي ناخذ علوموه
من هالديار اللي جامنه .


عجلوا يالنشاما

[ابو مشاري الشمري]

يالله انك تحييه
عز الله اللي وصفلك ماقصر
وعزالله انك دليلة يابعد خشت اللي على بالي
ماشاءلله عليك رائع
وشاعر
صح لسانك مليون

يالربع أخونا لسّاع
هنا
يالله نبي نحتفل
على هاف مون
وكثروا من الحيتان والقروش والسيجان
ولا يهون القمري
أنجزوا علينا
حياك الله ياضيفنا
أقلط أقلط على عشاك
يمنع التصوير أثنا الاحتفال الا باذن مسبق وموافقه من ابو مقرن
والا ابوغازي
اذا مشبنا صوروا على كيفكم
حقيقة نورت الحته
وأسعدنا وجودك
فلا تحرمنا من جديدك يالغالي
سلملم

[شموخ]

يامـــــــــــــرحبا فيك اخوي في فلة الحجاج وفي المضايف كلها وهذه الساعه المباركة اللي جيت فيها .


عديت أنا المرقاب في غرب سوهاج .....وأدليت دلوي بالبحر مارمجه

حلو سوهاج "عند الصعايده وعاصمتهم "

وناديت انا بالصوت ياساحل العاج .....لي صاحبن بدياركم وين وجه

من بعد سوهاج ساحل العاج :confused: ليتك قعدت على سوهاج :p:p

مرجوج رجه للأسف ماله علاج .....حتى الدكاترة لاشعرت فيه هجّه

ههههههههههه

اخوي
صح لســــــــــــانك على هالابيات الطريفه وتسلم يمينك .

تحياتي لك
اختك
شموخ

[متفاائل]

يالله حيه وصلت وخاب طالبك
الربع فيهم الخير والبركة
قاموا بالواجب كعادتهم دائماً


قال المخاوي يالربع هاتوا نعاج = ذبايح للضيف دمه نثجّه
له دلة فنجالها خوش ماداج = شرابها سوالفه مستلجّه
بينك وبين الهم باب ومزلاج=تنساه ولااتدري وينك موّجه

[محارش]

وصلت وخاب طلابك ,,, انتا قيت ولا الهوى قابك ,,, الله يحييك بالزاف مرحبا بك

ياهلا ورحب بالضيف ,,, وباتشر لزوم تفطر عندنا تشان منت مستعجل وتشانك مستعجل مانبي نلدك ههههههههههههه <<< ينافس حاتم بالكرم :D

المهم يقولون من طق باب الناس طقوا له ابواب وخذ هالجزله من القصيد المحارشي لا رحمت انا اشهد انك مطنوخ بالحيل بالحيل <<< دلا يمقّـسهن :D

نور ن سطع يا عزوتي ابلج ابلاج ,,, انور مضايفنا عسى الله يرجه :D ههههه
لو هو بكيفي تسان سميتك سراج ,,, يامرحبا من الصين لاسوار طنجه
يشكي علينا الحب وحظيظه الداج ,,, ما يدري انه غبتن مستلجه
قبلك محارش بالخلا ازعج ازعاج ,,, دلا يهاتي, اسهر الطرش صجه
باسباب غرو (ن) حط ورس (ن) ومكياج ,,, ياويل قلبي اشهب(ن) فيه ثلجه
وليا حتسى عدك مورّد لهداج ,,, ولا تسما اللي اغترق وسط بجه
بليا خصر , درميحتن ,تفخة اوداج ,,, هي شف من زج العقل منه زجه
وليا اقبلت ضوله كما سربة افواج ,,, ولا كما رعيتن مستهجه
له الطفاقه والتفاهات منهاج ,,, واطرف خبر ينقال لحظه توجه
هذا العزا من دون زود ن وديباج ,,, قلته على الكيبورد والعلم هجه

ازبن لا رحمت :D

[مفتاح14]

هلا
هلا
هلا
هلا والله بلسّاع

هو انت لسّاع والا ماهو انت لسّاع؟؟:p


عزالله ان اللي وصف لك ذيب;) والا انت مابراسك دلاله:p

<<-- مايمون بس مشبّه;)

ياهلا ومرحبا ومسهلا.. بالنجم الجديد..
مشاركه اروع من الروعه.. واللي هذا اوله ينعاف تاليه:p<< يحسبه مدحه:D



المشكله الرسايل الخاصه ماتقدر تقراهن.. مار علمن بهذا هو انت انت والا انت ماهو انت <<-- من زود التشفير حتى أنا مافهمت سؤالي هههههههههه



وسلام للغاليـن فـي فلّـة حجـاج لاضاق صدرك يمّهـم قـم توجّـه


توجّه ..
توجّه..
حيــــــــــــــــــــــــــــــاك ربي :)

[أبو مقرن]

أهلا..وسهلا..وحيالله..(لسااااع)
قصيدة..ولا أروع..بسببها نطق شاعر وشيخ الفله( محارش)..
***
لساع..إن كان لك توأم..فهو حتما,,(( الإبداع))
***
ولو نبي نعلق على هالمقطوعة..ماظني يسترنا الحتسي...
مار تدري وشلون..
الفلـــــــــــه.. فلتك....
***
وفلاااااااااااااااش يامصورين..:p:p

[ابو غازي]

ماشاء الله تبارك الله يالربع :p
ابشـــــــــــــركم اننا محضوضين ولله الحمد
كل يوم عندنا نجم نٌحســــــــــد عليه
بدايتاً بالنجم محارش ...ثم مفتاح 14 ونهااااش ...وروز خان...و ابومقرن ... والمخاوي ...و متفاءل...وعصير الكهرب ...ونبراااس
واليوم هاهوا ... لســــــــــــااااع نعم وبدون مقدمااات ماشاء الله عليه
جامعٍ الشعر والفكاهه في ااالبوم واحد ;)
7
7
البارحـه ياكـن بالصـدر iiمـيـراج يوم اقلعت والقلـب بـه ثـار عجّـه
عدّيت انا المرقاب في غرب iiسوهاج وادليت دلـوي بالبحـر مـار iiمجّـه
ياضيعتـي ضيعـة مغاتيـر iiفــلاّج من عقبهن سمّـوه (فـلاّج iiدجّـه!!)
7
7
وياجر قلبي جـر مـوال ii(قرطـاج) لا جـره الطربـان والجيـب فجّـه
وسـلام للغاليـن فـي فلّـة iiحجـاج لاضاق صـدرك يمّهـم قـم iiتوجّـه

لســـــــــــاع ;)
لو اقول لك انا اول من تشــــــــــرف بقراءة هذه المعلقه لن تصدق :confused:
صابني التشنج من الفرحه بوجود مثل هذه الخامه النادره بيننا |513|
ولجمال مشاركتك هذه قرأتها مراراً وتكراراً ولم اكتفى بعد :confused:

اخي الغااالي لســــــــااااع
هنيئاً لنا بك وحياااك الله بين من تودهم بمضيفك مضيف فلة حجاج
كل الشكر والتقدير للنجم متفاءل على هذه الأبيات الترحيبيه بالزميل لساااع
اخوك ابو غااااااازي

[الاصمعي]

[i]صابني التشنج من الفرحه بوجود مثل هذه الخامه بيننا |513|


^
^
^
صح لسانك يالخامه:D:D:D

مضايف شمر بخير : عندنا الخام والطعام(العصير) :D:D

ابو غازي لاتدقق قهوة هالعصير مهي مضبوطه;)

[روز خان]

صخ لسان مال انت




تشاااااااااااو

[هادي المنيس]

لساع

صحححححح لساااااااااانك


يالغالي

تقبل تحياتي

[لسّاع]

الاخ المخاوي:: احرجتني بكرمك وباستقبالك يالنشمي

تقول اني شاعر؟؟؟؟ وين انا والشعر بس تخبر اللي قلبه خضر تلقاه بس ينقّل البوك معه والاقلام راصهن بمخباه|17|

لا خلا ولا عدم يامخاوي الطيب :)

[لسّاع]

الاخ ابومشاري:: انا اللي سعدت بوجودي بينكم ،،بين اخوة لي يحرجوني بطيبهم وانت واحد منهم
اما الحيتان والقرش لا بالله فكنا منهن اذا عندكم مفاطيح ماهي شينه|17|
بعد حيي تسلم على الاستقبال والكرم الحاتمي،،، شكرا لك

[لسّاع]

الاخت شموخ:: صح بدنك،، والعشق مايميز بين الصعايده وغيرهم وحتى اهل ساحل العاج يموتون (بدباديب) بعض |17|
اشكرك لترحيبك والمضايف مايحتاج بيتي الثاني وفلة حجاج غرفتي|17|
اشكرك جزيل الشكر على تواجدك بموضوعي الاول

[لسّاع]

الاخ:: متفاءل،،، اي والله الى صار به ذبايح وفنجال وعلوم رجال وكاد تبون تبعدون عنا الهم الله لايجيبه لنا ولكم
صح لسانك على البويتات واعجبن قولك(بينك وبين الهم بابٍ ومزلاج) :)
اشكرك على تواجدك

[لسّاع]

الاخ:: محارش،،،، ياهلا بالشاعر الكريم اللي تمز بحلقي مادري هو كرم والا له حاجه|17|
الى صار حبيبي اسمر وانت حبيبك اشهب وش رايك نصير اصدقاء؟؟ ترنا حول بعض مامن فرق |17|
بس انت به ثلجه لا واهنيك افففففففففففففففييييييييييه
قصيدتك حركت الساكن من مشاعري وابلبط بلي قصيده جديده هاليومين بس خلك حولي لارحمت،،اما انصفر او شين اغديك ترشن بلك مويه :D

وش قلت بس تصير صديقي؟؟

[لسّاع]

الاخ مفتاح14:: هلابك اكثر،،، ايه انا هو انا بس ماهو انا (يبي يضيعك زود على ضيعتك|17|)
ولو انا ماهو انا ابد ماني معلمك غديك تصير لنا واسطه ياخلف ميتي:)
بس وشلون تقول اللي هذا اوله ينعاف تاليه،، الظاهر اني ابكتب بك قصيده غديك تعقل :D

لك ايها المشرف كل التحيه والتقدير،،،،،( هقوتي اني خفت بالتليّه):D

[لسّاع]

الاخ ابو مقرن:: لقد قلت كلاما اكبر واكثر مما استحقه،، بيض الله وجهك
والفلة مايحتاج وصاة (خليته غرفة نوم ومجلس من اليوم ورايح) :)

ايها المشرف القدير تحيتي وتقديري ،،،،،

[لسّاع]

الاخ::ابو غازي

انا المحظوظ بوجودي معكم،،اشوفك سميته معلقه؟ ويييييين انا والمعلقات يابن الحلال،،الله يرحم الحال :)
لي انا الشرف بانك اول من قراها ولي الحق بان اسعد بتكرارك لقرايتها
والهدف من هالمواضيع هو محاوله منا لرسم الابتسامه على شفاهكم وعسانا نوفق لذلك :)
شرفتنا بردك وكلامك المذهب،،، شكري لك وتقديري

[لسّاع]

الاخ :: الاصمعي

كلامك موجه لي او لابو غازي؟؟؟
مافهمت المقصد منه!!!
على كل حال شكرا لتواجدك بموضوعي وجزاك الله خير

[لسّاع]

الاخ::روز خان،،،، صخ بدن مال انتا :D
والله عندكم افغاني بهذا،، مانتم بسيطين
تقديري لك وشكري بعد حيي

[لسّاع]

الاخ ::هادي المنيس،،، صح بدنك يابومنيس
مقدر وجودك في موضوعي ومانستغني عنكم وعن ارائكم
لاخلا ولاعدم
تقديري واحترامي

[عبدالله الجعيثن]

ايه هذي القصايد السنعه

ماهو نعابيذي انا وراعين الشعبي

وياملا العافيه اللي تتوطاكم كلكم.

[لسّاع]

الاخ::الغازي،،،،،،،اااسف جدا جدا على التاخير بس يوم خبري ان ماحد رد عقب ردي الاخير،،،،الظاهر يبيلي نظارات:) :D
اشكرك بعنف،،،،،،،،