...طفــــولة معــــاق...

[ديمــــه]

طفولة معاق

-----------------------

الطفوله ..

أحلى مافي هالحياة

مرحله من غير هم

كنـّا دايم نبتسم

كنـّا حتى لو بكينا ... وجارت الدنيا علينا

بعد لحظـات وثواني ...

بسمه فينا ترتســم

كنـّا نركض خلف كورة ...

لا لا أنا ماكنت معهم؟

وحدي بس بعيد عنهم ...

كنت أضحك من ضحكهم ...

جالس لحالي أهذري!...

جالس أحسب كم( كُوبري )...

صلـّحه( أحمد ) في ( ماجد ) ؟؟

والله واجد!!

وقبل ما يحل الظلام ...

للبيوت نروح نجري ...

لا لا أنا ماكنت معهم !

أمشي وحدي بعيد عنهم ...

أمشي وأعدد أثرهم!

وهم عني يبعدون ...

يبعدون ... يبعدون ...

إلا( ماجد )!

كان مثلي حيل ضايق ...

بس حزنـي كــان حارق

كان يسألني ببراءه : ...

ليه تعرج ؟ ... قلت مادري ! - باستياء -

ليش تبكي ؟ قلت مابكي - بكبرياء -

ضاق مني ...

ثم سألني ...

قال ( وثرايك تـثــابق )؟

وراح عنــّــي ... !!


****

كنت أسأل دوم نفسي ...

ليش ما أركض معاهم ؟؟

ليش دوم أمشي وراهم ؟؟

وش بلاي ؟؟ أو وش بلاهم ؟؟

ليه أنا غير الأنام ؟؟

زاحمتني الأسئله...

كل شيٍ أجهله ؟

وإن تعبت من الإجـــابه...

أحضن الحيـــره وأنام .


****

مرّت سنين وكبرت ...

صار همّي اليوم أكبر

حتى دمعي صار أكثر

للأسف توي قدرت ...

أفهم إني شخص ( عاجز )!

يعني بيني وبينكم

مليون حاجـــز !!!

صدقوني ذي حقيقه ...

لا طلعت السوق ... كل مامشي دقيقه

القى كل شوي واحد !

يمشي ويناظر صديقه ...

ويغمز له

يقول : ناظر...!

وش يناظر ؟؟

وتتفجّــر في خفوقي

ألف ضيقه

ووحده في وسط الزحام ...

طالعتني باهتمام ...

بنت في عمر الزهور ... أي رشاقه ... وأي أناقه ...

وأي عطـــور !!

قلت في نفسي ياهووووه

هي تناظرني بغرام ؟ أو هي نظره والسلام ؟

بس أكيد إنها تعرفني ... شايفتني ؟

شايفتني في جريده ؟

واعجبتها لي قصيده ؟

إيييييه أنا توي افتكرت ...

لي قصيده ...
كنت ناشر معها صوره

بس صوره ... ياسلااااا م

وفاجأتني ...

لمـّا صارت لي قريبه ... كانت تـتمـتم بطيبه

( يكسر الخاطــر حـــرااااام ) !!!!!

وتركت دمعه غريبه ...

وضاعت بوسط الزحــام
دمعه كانت تحكي وضعي ... زلزلتني

ارتطم قلبي بضلعي ... دمرتني

صدقوني ...

كيف انسى ؟؟؟

جاوبوني !

****

وزاد همّــي ...

يوم فكــّـرت بوظيفه ... ثم زواج

أي وظيفه ... وأي زواج ؟؟

اللــي مثـلي ...

مهما طالب ... لويلف ولو يدور

زين لو حطـــّــوه كــاتب

لا ... وعلى بنــد الأجـــــــور ...

ماهو رسمي !!!

صدقون لو تدرّج ... وصار راتبه يتصاعد

وابتــدا وضعه يزين

ما أظنه بيتزوّج ... إلا من بعد التقاعد

من سنه الى سنتين !


****

وفي النهــايه ...

يابلــدنا... مهما كانت تسميتـنا

عاجزين ... معوّقين

لك عهدنا... وذا قسمنا:

أقسم بالله العظيم ... منزل الذكر الحكيم

أن أصونــك يابلادي ... من شرور العابثين

من مطامع كل حاسد ... من نوايا كل فاســد

وإني لك حصن ٍ حصين

إنتي ناديني وشوفي ... لا نويتي بالجهــاد

والله أقهر لك ظروفي ... دامك إنتي لي بــــلاد

وباسم كل العاجزين ...

دام فينا أصبع يطول الزنـــاد

لا يهمــّـك يابلادي ...

وازهليهــــــــا.


-----------------------------

خاطره لــ محمد عويضة
اتمنى تعجبكم

تحياتي

[ابو خالد الجربا]

احمد الرب الرحيم
اللي فضلنا بدين
لولا هالدين المميز
كان صرنا خامدين

حتى من يملك اعاقه
صار فيه اليوم طاقه
صارت حروفه سيوف
ولا دخل فيه اي خوف
وهذا حال الصابرين

اللي دايم صامدين
ضد كل الغاصبين


لو يطول الليل اعوام ٍ عديدة
لازم ٍ امجادنا حنا نعيده
ونجعل الدنيا تغني بالفرح ايام عيده


وانتبجح بالمعارك


نحن ابطال الديار .. لا نخاف الموت مهما
اينعت روس الطغات
وَ تمادت في اراضينا القرود
نحن ابطال الديار
نحن ابطال الديار






ديمة





اشكر لكِ هذه المشاركة



فحاولت ان اجاريها









اخوكم

[الجازي]

ديمة ,,

لن اقول لك أنها رائعة ,,

بل هي مؤثرة ,,

لكن لاأملك شيئا حيالها ,,

سوى ,,

إجابة الرائع أبو خالد الجربا ,,

لكما جزيل الشكر ,,

[ديمــــه]

ابو خالد الجربا

حتى من يملك اعاقه
صار فيه اليوم طاقه
صارت حروفه سيوف
ولا دخل فيه اي خوف
وهذا حال الصابرين

رائع ماكتبت
رد مميز...يعطيك العافيه
اسعدني مرورك الكريم

تحياتي

[ديمــــه]

الريم

صاحبه التميز
اسعدني مرورك الكريم
شكراً لك

تحياتي

[عبدالله المهيني]

أختي العزيزة

ديمه

لست هنا لكي أثني على أخي محمد عويضه

ولكن جئت هنا لأقدم لكي كل الثناء

على إختيارك لرائعه ابو عويضه

وأدرت أن أنبه على وجود هذه الرائعه

في مضيف ذوي الاحتياجات الخاصة

على هذا الرابط

طفولة معاق .. قصيده تحكي معاناه مره (http://www.shmmr.net/vb/showthread.php?t=6754)

ولكي مني كل الشكر

[ديمــــه]

المهيني

كل الشكر والتقدير لمرورك الكريم
وكلامك الرائع يعطيك العافيه

تحياتي