أبو مقرن
24-03-2004, 19:59
حياكم الله بالجزء الثاني من (الخزز) ..اللي مابوه حيل لايقرأ..الموضوع أكثر من 11000 حرف..:rolleyes:
ومع بداية الجز الثاني..وتتمة الأول:
***
ويوم قعدت قبل مايصبح الصبح..أبي إقعد الشباب يصلون..ياولله الكراع يلمع خشمه وقاعد.ن. على النار..قلت أكيد الوليد به بلى مابوبز هالبوبزة ألا من ضيم.ن. لاحدزه!!
أنا: هاه أبو كريعات..وش عندك مانت نيم؟؟:confused:
قال: وين أنام؟؟ والهواجيس تدبك دبيتس ..وحاطة.ن. صدري مراغتة.ن. له <<<صار صدره حوش غنم..:p
قلت: يارجل ..هونه وتهون..بس علمن بالله وش بلاك..!
قال: ياخي 3900؟؟؟
قلت: وووه ..يملا الهندري ..أثريك تهوجس بالرويتب!!وأنا أحسبن بك شين تسايد!!:D:D
قال: أي راتب؟؟ أنا أحتسي بالمضايف؟؟
قلت: المضايف!!!!!!:confused:
قال: إيه المضايف بهن 3900عضو وعضوة( هالعدد عند كتابة الموضوع)!!ولامبيّن.ن. أحد!
قلت: وش تقصد!!ترن مانا فاهم!!
قال: اللي أقصده يالرفيدز..إن هالعدد من الأعضاء لو كل واحد منهم يامّر على هالمضيف يجدع له تسليمة..تسان هالمضايف دايم متجددة..وتغيب لك ساعة ياولله المواضيع الي إنت تخبر كله متغيرة..
ونازلة.ن. مواضيع.ن. جديدة..والواقع اللي أشوف إنك تغيب إسبوع وإسبوعين ويوم تجي ياولله نفس المواضيع..وشهادة حق مهو بكل المضايف ..
قلت: والله إنك صادز..تصدق إنك طلعت تفكر ..وتدرك الكون من حولك..وأنا أول أحسبنك دجاجة.ن.صقعااااااء..:rolleyes:
قال: لا وأزيدك من الشعر عريشة.. بعض هالأعضاء أمس مسجل ويوم تجي اليوم ياولله مشاركاته صاكة.ن. الـ300 مشاركة..وهذا كله على حساب الأخلاق والمواضيع الهادفة..وهي مشاركة لرفع عداد المشاركات ..بغض النظر عن جودة تلك المشاركة أو رداءتها..يعني ربعنا ربع (كم)..لا(كيف).
قلت: ياولد ..هو إنت خوينا اللي جيت معنا؟؟ولا ّ.. يعردز بك (الدكتور محمد العوين)!!|513|
قال: لاتقاطعن وخلن أعترف!!|512|
قلت : إعترف ياعل ماهي إعترافات ( فلاح العماش) ..إنت وكراعك!!:D
قال: وبعدين تكرر الشخصيات بالمضايف ..أقصد..تلقى لك إثنين سبحان الخالق نفس الأسلوب ونفس الكلمات وأحيان نفس التعبير ..وكلهم يردون بمويضيع واحد..!!سبحان من يخلق من الشبه 20مع20.
قلت: ياخي ..يمكنهم يذاكرون مع بعض<<<(يملا السعد يامفتاح14 عجزت أنسى هالتسليمة)؟؟:p
قال: أي يذاكرون ويطبخون..أقولك والله إنك تحس إنهم رجال.ن. واحد!!
قلت: لا..الظاهر إني أبي إحمي لي مخطر.ن.وألذعك به بالغاذية..ياخوي إنت مانت جواد!!
بس وش رايك ناخذ لنا فاصل ..ونرجع..إنت سالفتك شكله طويلة!!
قال: نشوف الفاصل..وننكس على نويرتنا..
***أخي المهموم..يامن تطارحك الهواجيس وتتوطا بطنك الدوابيتس..ويزخك الهم عاليا ويرفس بك على خشتك إليك ..شفاء ماتجد من هم.ن. وكرب..:
1- عليك بالقرآن الكريم تلاااوة َ أو سماااعا َ..فهو الشفاء لما في الصدور..والطريق إلى الفسحة والسرور..
2- حاول تكريم وتشريف أذنيك بالاستماع لما يلي:
- رسالة إلى مهموم للشيخ( راشد الزهراني)
- قرع لأبواب السماء للشيخ (المشاري)
3- ولاتنسى أن تتحف ناظريك بكتاب(لاتحزن) للشيخ الدكتور( عائض القرني)
وبعد هالثلاث أمور ..صنن بلك ليور.ن.مصدي إن ماجيت وعبيت الفلة مواضيع.. ***
قلت:هاه الكراع..وش وقعك عقب هالفاصل..
قال: على كيفك..
قلت: ياااااامقرود ..نسينا صلاة الفجر..يله أدزعد الشباب..!!
قاموا الشباب..وإكتملت الفرقة..وصلينا الفجر..وأشرقت شمس يوم.ن. جديد.ن. حافل.ن. بالقرادة..
رتسبنا السيارات..بحثا عن ماجئنا من أجله..وتركنا (أبو صلهامة ويسانده الخزز)..يقولون إنهم طباخين ويبون يضبطون الغداء..
الوكاااااد..نهج النهار والطير( لاشافته عيني ولاحام حوولي)..وحنا نفتر..ياولله واحد.ن. على الجهاز يقول: ياشبااااااااب ..ياعموم الأجهزة..الخيمة اللي بالحزم الشمالي سعرت!!
أنا: أي حزم؟؟؟
قال: الحزم الشمالي اللي غربي الغار..بوه لوه خيمة.ن. هناك وله دخنة.ن. والله العالم إن اللي به سامدين.ن. هالحين...!!
أنا : أويييييييليه..هذي خيمتنااااا!!!
وحنا نفر السيارات ونجيك طايرين.ن. يم الخيمة..ويوم وصلنا..ياولله مالك المخش(ياغلا الناس لعلم الشر..ولاّ.. علم الخير ماتلقى اللي يشقى به)
حنا: وش صار يهالمقرررّد ..إنتم سلمتوا..؟؟
(أبو صلهامة والخزز): الحمدلله ..ولا بغينا نروح طعااااااام جحوش-أكرمكم الله-
وياولله (أبو صلهامة) متشلوط.ن. وجهه..والشنب بس متسانه..(والرجال حديث عهد.ن. بالعرس).:p
قلت: ألين هذا شهر العسل اللي يقولون!!!!هههههههه:D
(أبو صلهامة): من زين شكلك يوم إنت تضحك على خلق الله؟؟
قلت: خلك من الضحتس..وعلمن وش اللي خلاكم تسعرون؟؟
قال: قليل هالفود اللي يقاله( الخزز) شب النار وهو يقوم يرجم عليه من هالغضا يما صار الغمر كبر الغرفة..وهي تقوم له دخنة هالدنيا..وهو يصب كل جركن الكاز عليه مرة.ن. وحدة..
ياولله اللهب عشر أمتاااار مع تسبد السماااااء..وهذاك علمي بالحياااة!!!
قلت: هذا عمل اللي مايطيعون..ولا (قليل هالبركة هاللي واسم.ن. وجهه قلّ القبول) وش لكم به؟؟
قال: ياخوي..(كبير العلابي) يافاش.ن. الله علابيه..هو اللي علمّه وجابه..ولا حنا تسامين.ن. الطلعة..
قلت: صار اللي صار..والحمدلله على السلامة..ويوم صارت بالدنيا وسلمن عماركم..سهلة!
الثمرة: إننا ضفينا اللي بدزي من ( هدسنا)..وصرنا بين مؤيد.ن. ومعارض..ناس يقولون نبي نروح نبي نتماكن عمارنا..لا تجيبون لنا مطمة.ن. مانشاف عقبه..
وأنا ومعي لي غشلة.ن. (بايعينه) قلنا نبي نمرح الليلة والصبح أفراااااااج..
وصار الراي واحد..وقررنا الإمرااحة بدون خيمة!!
وبعد صلاة المغرب: شبينا نويرتنا..وكل.ن. توسد فراشه على جاله..وحنا نضبط دلتنا..
ونوثف طويستنااااااا..
وهي تقوم هالخبول تعفج هالحتسي..بزعمهم يبون يصيرون قواصيد <<(إنت أول الخبول)..
قلت: بالله إنكم تسكتون ..ولا تحتسون مثل الناس..لا أودز بكم كلكم .. وعلى راسكم الخزز..
قال(الخزز): ياخوي أنا وش أنا عامل.ن. لك..؟؟وليه مزوالن ولا تدانينن؟؟وليه حاط.ن. نئرك من نئري!!
قلت: بعذري..لعن أبو دارك.. أهلك عاجزين.ن. عنك..وتبينن أصبر عليك؟؟
قال: بس إنت صديقي... والصديدز وقت الضيدز..
قلت: ياضايق.ن. عليك سروالك...ومنهو اللي يقولن إني مصادزك..أنا بري.ن. منك ومن أشكالك لياما تذن بقرة صالح<<<( على ذمة اللي أودعوا الناقة بقرة..وياكثرهم)
قال: من زين حلاياك..أصلا أنا بري.ن. منك بعد..!!
قلت: عامل.ن. بنا كل هالعمووول..ومشلود.ن. بنا كل هالشلودة..ومنا قووو عينك..
وأنا أخطف هكالخشبة العالدزة..أبي أضربه...وهو يروغ عني يانا متوكم.ن. بطويسة العشاء والدلال..والنار بس له دخنة..!!وهو يقومون لهم ضحتس هالخونة..وهو يرتفع ضغطي
قلت: أوييييييييليه..لالهبو الخزز وآآآآآآبو من جابه معنا..|512|
يله كل أبوكم لفرشكم ..لا أشوف واحد.ن. يتحرك..وعشاء مافيه عشاء..يامتعشيتكم الذيابة!
قال(أبو صلهامة): يابن الحلال هونه وتهون..وش علمك ؟؟
قلت: إنت يانبت شاربك..ونكست أبو صلهامة الأول..هكالحين أرد عليك..
يله لالهبووووو اللي إنتي سلقه يـ(لوووق عطيش)!!<<<مايعة.ن. تسبدي أبي أعرف قصة هالمثل:rolleyes:
وهكالليلة ننام مبيتين.ن. القوى..لاعشاء ولاقهوة..ومندبلة.ن. كبودنا..والصدز..إنه ماجانن نوم مندبلة.ن. تسبدي من هالطلعة اللي ماله لاوجه ولاقفااا..
مادري أنا غمضت أو ماغمضت..ياهذي لجة المواذن(ول ماأتسذبك منين مواذن وإنتم بالخلا)..:rolleyes:
<<<الظاهر إنه جاوه بلى رحيمهوو..راعي الحدود..:)
الوكاد..أنا قعدنا وصفوا الشباب ..ياولله مستانسين ولاهي عادة.ن. لهم..ومفرفشين ويعتفرون هذا شب النار وهذا ضبط القهوة..والثالث يحوس بالمعلبات يدور الفطور..
قلت: سبحان اللي يغير ولايتغير..ماهم إنتم أخوياااي البارحة..ولا أنا ساري.ن. تالي هالليل ونيم.ن. عند لي عرب؟؟
قالوا: لا..حنا أخوياك..وخلنا نفتح صفحة جديدة..!
قلت: أنا ماحسبت حسابي ..وجبت دفتر أبو (40) وخلص من كثر مانفتح من هالصفحات الجديدة..من طلعتنا كل شوين.ن. وإنتم مخربين.ن. الصفحة ونبي نفتح صفحة جديدة!!! قال(الخزز): خلاص نفتح صفحة شفوية..!!:eek:
قلت: إنت تنكت ..ولا بالع.ن. لك قشطة.ن. منتهية على هالصبح ..مخلفة.ن. شعورك؟؟
قال: يالرفيدز اللي فات مات..وحنا ولاد النهار داااااااااه..
قلت: الله يخارجنااا..وننكس لأهلنا بس..
قالوا:اليوم وباتسر ..نبي بهذا..وعقبوه نفكر!!
قلت: اليوم وبس..والليلة ياتعشينااا سريناااا
***
إتفقنا- ولاهي عادة.ن.لنا- إن الممشى عقب العشاء..
ويوم أفطرنا خذينا العزبة وتفرقنا وحنا مع بعض على (الآي.كوم)..نمشي ساعة وناقف ثنتين..مرة بنشر..ومرتين ناشبة.ن. (أم عزيز)إما بله عداااامة.ن. أو رضمة.ن.صمّاء
تليشنااا لاطير ولاهذي ولاهذيتس..مامن بطى ياهذا (كبير العلابي)يصوووت :
الطير..ياعيااااااال ..الطير ..الطير..
وتصير بيننا هالمحادثة على (الآي.كوم)..
***
أنا: وين ..وين؟؟
كبير العلابي: هالحين ياحطيت الشمس بمقرن علابيك..شفه على أيسرك..
أنا: يارجل ..مامعي بوصلة..(الشمس وين هي؟؟؟)..ههههه
كبير العلابي: يمكن مانحتاجكم ..معي الخزز..ويمكن نقضبوه..خلاص كملوا مسيركم ولاتجون..
أنا: الخزز..لا ..لا..يقربه..تروه وجه.ن. ودر..
كبير العلابي: خلاص.. هالحين حنا على وشك إنا نمسكهووووه..بس فيـ.........
....(وإنقطع الإتصال).....
أنا: ياكبير العلابي..وش فيه؟؟
يااكبير العلابي..
ياااااااااااااااااااااااااكبير العلابي...
قال(الكراع): يمكن حولوا يبون يقضبونه..ولا هم عند الجهاز..
قلت: لا يالكراع..الموضوع الله والعالم إنه تسايد!! بس وش رايك نرجع ندّورهم..
قال: شورك وهدااااية الله..
***
رجعنا أدراج الرياااح..وقمنا نتخم ونحوم..ياولله ماحولك أحد..3ساعات..ولالقينا الوالي..
رجعنا لرواقنا قلنا يمكن رجعوا قبلنا..ياولله مالهم إثر..سبحان الله وين إختفوا هالمقرد..؟
قلنا: مابه حتسي..ونبلغ جميع الأجهزة..يالربع من عين (الهايلكس البيضاء اللي مابه صدام)
قال هكالواحد: يااطالب راعي الهايلكس ..أبشرك الرجال بخير وعندي بس مايقوى يحتسي
قلت: وش تقول..ليه مايقوى يحتسي..؟؟وخويه وش صار عليه؟؟؟؟
قال: كلهم مابهم بلى..وحنا هالحين وجهنا يمكم..
قلت: حياكم الله..والله يبشرك بالخير..هذى (حبربش.ن. مقرد)..أبلشونا وفشلوناا...
قال: من ناحية حبربش..والله أظنهم على مااقلت..ههههههههه
***
وكله دقااايق ..ياهم عندنا ياولله الخزز(مندااش)..ولايفرق البس من البعير ودعواااه(ماااش)..
وأبو العلابي..منقرض.ن. طرف لسينوه..ومطق.ن. فوق حجاجه الأيمن ..وماعليه..
ويوم شفتهم هلون أرتخيت..قلت: أن أحسبن حديهم راح..أو إنهم متكسرين ..ويوم صارت هلوون ههههه..
قلت: هاه وش السالفة..يالادزي خير؟؟
قال: جينا مروحين.ن. ياولله السيارة متندزحة.ن. وكفراته لهن وشيش..واللي به مابهم خلاف..بس
هذا(يعني كبير العلابي)..يلعن وأسمعه يقول الله لايوفدزك تسانك بغيت تدهورناااا..
وأطلعناهم..وهاللي عاد يوم إنتم تراسلوننا ..تنشدون عنهم..
قلت: ماقصرت..والليلة معنا بهذا نبي نتونس معكم..
قال: لاياخيي..الله يسهل عليكم وعلينا..مانا بايع.ن.عمري أخاوي لي (مقرد) هههههه
يله نشوفكم على خير..مع السلامة..
قال: أبو العلابي: الله ياخذ هالكرش يالخزز؟ يوم أنا أقول كف يدك أبي أشوف الدرب وليه ماكفيته؟
قال الخزز: يمه غطينن ..وولعي اللنبة !!!<<<يهالحين الرجال مخترش..ومتخالط.ن. ماوه وزيته
قلت: وين هي أمك عسى مالك أم؟؟الشرهة ماهي عليك..الشرهة على أطلعك من السيارة ولا تسان مخليك وفاكنا منك..
قال أبو العلابي: يوم شفنا الطير.وهو يقوم له مهايطة.ن. الخزز وأخلفن بكثر الحركة وتاليته حط يده على عيوني يبي يمزح ولاخلانن إلا وهكالرضمة دزادمي..وأنا أحرف السيارة عنه وهذاااااك علمي بروحي..وعيني ماتشوف إلا السواد..والحمد لله يوم صارت على هلون..
قلت: يله مابه حتسي ..هالحين لأهلكم ..لألهبوووو حظ.ن. حاشكم..
قالوا: لا..بكرا.. ولا الليلـ......
قلت: مافيه هالحين يعني هالحين..وش بقى ماصار؟؟
***
المهم..مابهم إلا أنا اللي أشوى والبدزية كله ..اللي منداش.. واللي محترق.. واللي منقرض.ن. لسانهو..
وأضف الحوسة ..وأرفسهم كلهم بالحوض..وأوثق رباطهم..وأجيك مجفع.ن. يم الديرة...
ويم أقبلت على نقطة التفتيش – اللي إنتم خابرين- ياهذا خويي العسكري اللي أنا شفت بالمرة الأولة..
قال: هااااه..وين ياربع المضايف..أسرعتوا الردة..عساكم قضبتوا شين؟؟
قلت: إي والله ماقصروا الشباب وطرحنا كم طير (قرادة.ن. من النوع الطيب)..
قال: أفاااا ..وليه..؟؟؟
قلت: تلقى الموضوع بمضيف فلة حجاج..وتلقى السالفة!!
قال: يله بأمان الله..
ويوم حركت..وهو يصوت..قال: ألا الخزز وين هو؟؟؟؟
وأن أحط السيارة بالريوس..ياما وقفت عنده..
قلت: الخزز: فرررررررخ..وهذولا فروخه..!!وأنا أجلع المشمع وأوريه الشباااب..
قال: الله..يعينك..ولاتعود الطلعة معهم نوبة.ن. أخرى..
قلت: تووووبة..والله لو أخاوي التسلاب اللي تعوي ..ماأخاويهم..
وبسرعة البرق.جبتهم وكل.ن. قرطته عند باب أهله..
وقلت: حولوا ..لابارك الله بالساعة اللي عرفتكم به..ياهالغربااااان..
<<<<<(اللي يسمعوه يقول من زين حلاياوه)
وإجي ..ياولله الشايب وعنده مجموعة الشيبان ومن ضمنهم خوينا(أبو غبير)..
قال(الوالد): الله حيووووه..وش علوم الطلعة؟؟وش وقع أخوياك؟؟
قلت: ماعليهم..والطلعة ماهي هكاللي بلحيل..بس ماعليه...
قال(أبو غبير):من طوووول الغيبات جاب الغنايم؟؟
قلت: هذاك أووووول ..والأول تحووووول
هالحين من طول الغيبات جاب الهلايم..!!!وياخي أنا عندي شك إن لك يد..وكراع بعد.. بكل هاللي صااااار؟؟
قال: ليه وشووو اللي صار..؟؟
قلت: هااااه..لا.. لاماصار شين..يله مع السلامة.....
***
الحمدلله على السلامة...مع إني هادزي.ن....:(
آسف للإطالة..ولكن هوالإسترساااال وماينتج عنه..!!
<<<<<<<(مايخلي هالفلسفة..) :rolleyes:
ومع بداية الجز الثاني..وتتمة الأول:
***
ويوم قعدت قبل مايصبح الصبح..أبي إقعد الشباب يصلون..ياولله الكراع يلمع خشمه وقاعد.ن. على النار..قلت أكيد الوليد به بلى مابوبز هالبوبزة ألا من ضيم.ن. لاحدزه!!
أنا: هاه أبو كريعات..وش عندك مانت نيم؟؟:confused:
قال: وين أنام؟؟ والهواجيس تدبك دبيتس ..وحاطة.ن. صدري مراغتة.ن. له <<<صار صدره حوش غنم..:p
قلت: يارجل ..هونه وتهون..بس علمن بالله وش بلاك..!
قال: ياخي 3900؟؟؟
قلت: وووه ..يملا الهندري ..أثريك تهوجس بالرويتب!!وأنا أحسبن بك شين تسايد!!:D:D
قال: أي راتب؟؟ أنا أحتسي بالمضايف؟؟
قلت: المضايف!!!!!!:confused:
قال: إيه المضايف بهن 3900عضو وعضوة( هالعدد عند كتابة الموضوع)!!ولامبيّن.ن. أحد!
قلت: وش تقصد!!ترن مانا فاهم!!
قال: اللي أقصده يالرفيدز..إن هالعدد من الأعضاء لو كل واحد منهم يامّر على هالمضيف يجدع له تسليمة..تسان هالمضايف دايم متجددة..وتغيب لك ساعة ياولله المواضيع الي إنت تخبر كله متغيرة..
ونازلة.ن. مواضيع.ن. جديدة..والواقع اللي أشوف إنك تغيب إسبوع وإسبوعين ويوم تجي ياولله نفس المواضيع..وشهادة حق مهو بكل المضايف ..
قلت: والله إنك صادز..تصدق إنك طلعت تفكر ..وتدرك الكون من حولك..وأنا أول أحسبنك دجاجة.ن.صقعااااااء..:rolleyes:
قال: لا وأزيدك من الشعر عريشة.. بعض هالأعضاء أمس مسجل ويوم تجي اليوم ياولله مشاركاته صاكة.ن. الـ300 مشاركة..وهذا كله على حساب الأخلاق والمواضيع الهادفة..وهي مشاركة لرفع عداد المشاركات ..بغض النظر عن جودة تلك المشاركة أو رداءتها..يعني ربعنا ربع (كم)..لا(كيف).
قلت: ياولد ..هو إنت خوينا اللي جيت معنا؟؟ولا ّ.. يعردز بك (الدكتور محمد العوين)!!|513|
قال: لاتقاطعن وخلن أعترف!!|512|
قلت : إعترف ياعل ماهي إعترافات ( فلاح العماش) ..إنت وكراعك!!:D
قال: وبعدين تكرر الشخصيات بالمضايف ..أقصد..تلقى لك إثنين سبحان الخالق نفس الأسلوب ونفس الكلمات وأحيان نفس التعبير ..وكلهم يردون بمويضيع واحد..!!سبحان من يخلق من الشبه 20مع20.
قلت: ياخي ..يمكنهم يذاكرون مع بعض<<<(يملا السعد يامفتاح14 عجزت أنسى هالتسليمة)؟؟:p
قال: أي يذاكرون ويطبخون..أقولك والله إنك تحس إنهم رجال.ن. واحد!!
قلت: لا..الظاهر إني أبي إحمي لي مخطر.ن.وألذعك به بالغاذية..ياخوي إنت مانت جواد!!
بس وش رايك ناخذ لنا فاصل ..ونرجع..إنت سالفتك شكله طويلة!!
قال: نشوف الفاصل..وننكس على نويرتنا..
***أخي المهموم..يامن تطارحك الهواجيس وتتوطا بطنك الدوابيتس..ويزخك الهم عاليا ويرفس بك على خشتك إليك ..شفاء ماتجد من هم.ن. وكرب..:
1- عليك بالقرآن الكريم تلاااوة َ أو سماااعا َ..فهو الشفاء لما في الصدور..والطريق إلى الفسحة والسرور..
2- حاول تكريم وتشريف أذنيك بالاستماع لما يلي:
- رسالة إلى مهموم للشيخ( راشد الزهراني)
- قرع لأبواب السماء للشيخ (المشاري)
3- ولاتنسى أن تتحف ناظريك بكتاب(لاتحزن) للشيخ الدكتور( عائض القرني)
وبعد هالثلاث أمور ..صنن بلك ليور.ن.مصدي إن ماجيت وعبيت الفلة مواضيع.. ***
قلت:هاه الكراع..وش وقعك عقب هالفاصل..
قال: على كيفك..
قلت: ياااااامقرود ..نسينا صلاة الفجر..يله أدزعد الشباب..!!
قاموا الشباب..وإكتملت الفرقة..وصلينا الفجر..وأشرقت شمس يوم.ن. جديد.ن. حافل.ن. بالقرادة..
رتسبنا السيارات..بحثا عن ماجئنا من أجله..وتركنا (أبو صلهامة ويسانده الخزز)..يقولون إنهم طباخين ويبون يضبطون الغداء..
الوكاااااد..نهج النهار والطير( لاشافته عيني ولاحام حوولي)..وحنا نفتر..ياولله واحد.ن. على الجهاز يقول: ياشبااااااااب ..ياعموم الأجهزة..الخيمة اللي بالحزم الشمالي سعرت!!
أنا: أي حزم؟؟؟
قال: الحزم الشمالي اللي غربي الغار..بوه لوه خيمة.ن. هناك وله دخنة.ن. والله العالم إن اللي به سامدين.ن. هالحين...!!
أنا : أويييييييليه..هذي خيمتنااااا!!!
وحنا نفر السيارات ونجيك طايرين.ن. يم الخيمة..ويوم وصلنا..ياولله مالك المخش(ياغلا الناس لعلم الشر..ولاّ.. علم الخير ماتلقى اللي يشقى به)
حنا: وش صار يهالمقرررّد ..إنتم سلمتوا..؟؟
(أبو صلهامة والخزز): الحمدلله ..ولا بغينا نروح طعااااااام جحوش-أكرمكم الله-
وياولله (أبو صلهامة) متشلوط.ن. وجهه..والشنب بس متسانه..(والرجال حديث عهد.ن. بالعرس).:p
قلت: ألين هذا شهر العسل اللي يقولون!!!!هههههههه:D
(أبو صلهامة): من زين شكلك يوم إنت تضحك على خلق الله؟؟
قلت: خلك من الضحتس..وعلمن وش اللي خلاكم تسعرون؟؟
قال: قليل هالفود اللي يقاله( الخزز) شب النار وهو يقوم يرجم عليه من هالغضا يما صار الغمر كبر الغرفة..وهي تقوم له دخنة هالدنيا..وهو يصب كل جركن الكاز عليه مرة.ن. وحدة..
ياولله اللهب عشر أمتاااار مع تسبد السماااااء..وهذاك علمي بالحياااة!!!
قلت: هذا عمل اللي مايطيعون..ولا (قليل هالبركة هاللي واسم.ن. وجهه قلّ القبول) وش لكم به؟؟
قال: ياخوي..(كبير العلابي) يافاش.ن. الله علابيه..هو اللي علمّه وجابه..ولا حنا تسامين.ن. الطلعة..
قلت: صار اللي صار..والحمدلله على السلامة..ويوم صارت بالدنيا وسلمن عماركم..سهلة!
الثمرة: إننا ضفينا اللي بدزي من ( هدسنا)..وصرنا بين مؤيد.ن. ومعارض..ناس يقولون نبي نروح نبي نتماكن عمارنا..لا تجيبون لنا مطمة.ن. مانشاف عقبه..
وأنا ومعي لي غشلة.ن. (بايعينه) قلنا نبي نمرح الليلة والصبح أفراااااااج..
وصار الراي واحد..وقررنا الإمرااحة بدون خيمة!!
وبعد صلاة المغرب: شبينا نويرتنا..وكل.ن. توسد فراشه على جاله..وحنا نضبط دلتنا..
ونوثف طويستنااااااا..
وهي تقوم هالخبول تعفج هالحتسي..بزعمهم يبون يصيرون قواصيد <<(إنت أول الخبول)..
قلت: بالله إنكم تسكتون ..ولا تحتسون مثل الناس..لا أودز بكم كلكم .. وعلى راسكم الخزز..
قال(الخزز): ياخوي أنا وش أنا عامل.ن. لك..؟؟وليه مزوالن ولا تدانينن؟؟وليه حاط.ن. نئرك من نئري!!
قلت: بعذري..لعن أبو دارك.. أهلك عاجزين.ن. عنك..وتبينن أصبر عليك؟؟
قال: بس إنت صديقي... والصديدز وقت الضيدز..
قلت: ياضايق.ن. عليك سروالك...ومنهو اللي يقولن إني مصادزك..أنا بري.ن. منك ومن أشكالك لياما تذن بقرة صالح<<<( على ذمة اللي أودعوا الناقة بقرة..وياكثرهم)
قال: من زين حلاياك..أصلا أنا بري.ن. منك بعد..!!
قلت: عامل.ن. بنا كل هالعمووول..ومشلود.ن. بنا كل هالشلودة..ومنا قووو عينك..
وأنا أخطف هكالخشبة العالدزة..أبي أضربه...وهو يروغ عني يانا متوكم.ن. بطويسة العشاء والدلال..والنار بس له دخنة..!!وهو يقومون لهم ضحتس هالخونة..وهو يرتفع ضغطي
قلت: أوييييييييليه..لالهبو الخزز وآآآآآآبو من جابه معنا..|512|
يله كل أبوكم لفرشكم ..لا أشوف واحد.ن. يتحرك..وعشاء مافيه عشاء..يامتعشيتكم الذيابة!
قال(أبو صلهامة): يابن الحلال هونه وتهون..وش علمك ؟؟
قلت: إنت يانبت شاربك..ونكست أبو صلهامة الأول..هكالحين أرد عليك..
يله لالهبووووو اللي إنتي سلقه يـ(لوووق عطيش)!!<<<مايعة.ن. تسبدي أبي أعرف قصة هالمثل:rolleyes:
وهكالليلة ننام مبيتين.ن. القوى..لاعشاء ولاقهوة..ومندبلة.ن. كبودنا..والصدز..إنه ماجانن نوم مندبلة.ن. تسبدي من هالطلعة اللي ماله لاوجه ولاقفااا..
مادري أنا غمضت أو ماغمضت..ياهذي لجة المواذن(ول ماأتسذبك منين مواذن وإنتم بالخلا)..:rolleyes:
<<<الظاهر إنه جاوه بلى رحيمهوو..راعي الحدود..:)
الوكاد..أنا قعدنا وصفوا الشباب ..ياولله مستانسين ولاهي عادة.ن. لهم..ومفرفشين ويعتفرون هذا شب النار وهذا ضبط القهوة..والثالث يحوس بالمعلبات يدور الفطور..
قلت: سبحان اللي يغير ولايتغير..ماهم إنتم أخوياااي البارحة..ولا أنا ساري.ن. تالي هالليل ونيم.ن. عند لي عرب؟؟
قالوا: لا..حنا أخوياك..وخلنا نفتح صفحة جديدة..!
قلت: أنا ماحسبت حسابي ..وجبت دفتر أبو (40) وخلص من كثر مانفتح من هالصفحات الجديدة..من طلعتنا كل شوين.ن. وإنتم مخربين.ن. الصفحة ونبي نفتح صفحة جديدة!!! قال(الخزز): خلاص نفتح صفحة شفوية..!!:eek:
قلت: إنت تنكت ..ولا بالع.ن. لك قشطة.ن. منتهية على هالصبح ..مخلفة.ن. شعورك؟؟
قال: يالرفيدز اللي فات مات..وحنا ولاد النهار داااااااااه..
قلت: الله يخارجنااا..وننكس لأهلنا بس..
قالوا:اليوم وباتسر ..نبي بهذا..وعقبوه نفكر!!
قلت: اليوم وبس..والليلة ياتعشينااا سريناااا
***
إتفقنا- ولاهي عادة.ن.لنا- إن الممشى عقب العشاء..
ويوم أفطرنا خذينا العزبة وتفرقنا وحنا مع بعض على (الآي.كوم)..نمشي ساعة وناقف ثنتين..مرة بنشر..ومرتين ناشبة.ن. (أم عزيز)إما بله عداااامة.ن. أو رضمة.ن.صمّاء
تليشنااا لاطير ولاهذي ولاهذيتس..مامن بطى ياهذا (كبير العلابي)يصوووت :
الطير..ياعيااااااال ..الطير ..الطير..
وتصير بيننا هالمحادثة على (الآي.كوم)..
***
أنا: وين ..وين؟؟
كبير العلابي: هالحين ياحطيت الشمس بمقرن علابيك..شفه على أيسرك..
أنا: يارجل ..مامعي بوصلة..(الشمس وين هي؟؟؟)..ههههه
كبير العلابي: يمكن مانحتاجكم ..معي الخزز..ويمكن نقضبوه..خلاص كملوا مسيركم ولاتجون..
أنا: الخزز..لا ..لا..يقربه..تروه وجه.ن. ودر..
كبير العلابي: خلاص.. هالحين حنا على وشك إنا نمسكهووووه..بس فيـ.........
....(وإنقطع الإتصال).....
أنا: ياكبير العلابي..وش فيه؟؟
يااكبير العلابي..
ياااااااااااااااااااااااااكبير العلابي...
قال(الكراع): يمكن حولوا يبون يقضبونه..ولا هم عند الجهاز..
قلت: لا يالكراع..الموضوع الله والعالم إنه تسايد!! بس وش رايك نرجع ندّورهم..
قال: شورك وهدااااية الله..
***
رجعنا أدراج الرياااح..وقمنا نتخم ونحوم..ياولله ماحولك أحد..3ساعات..ولالقينا الوالي..
رجعنا لرواقنا قلنا يمكن رجعوا قبلنا..ياولله مالهم إثر..سبحان الله وين إختفوا هالمقرد..؟
قلنا: مابه حتسي..ونبلغ جميع الأجهزة..يالربع من عين (الهايلكس البيضاء اللي مابه صدام)
قال هكالواحد: يااطالب راعي الهايلكس ..أبشرك الرجال بخير وعندي بس مايقوى يحتسي
قلت: وش تقول..ليه مايقوى يحتسي..؟؟وخويه وش صار عليه؟؟؟؟
قال: كلهم مابهم بلى..وحنا هالحين وجهنا يمكم..
قلت: حياكم الله..والله يبشرك بالخير..هذى (حبربش.ن. مقرد)..أبلشونا وفشلوناا...
قال: من ناحية حبربش..والله أظنهم على مااقلت..ههههههههه
***
وكله دقااايق ..ياهم عندنا ياولله الخزز(مندااش)..ولايفرق البس من البعير ودعواااه(ماااش)..
وأبو العلابي..منقرض.ن. طرف لسينوه..ومطق.ن. فوق حجاجه الأيمن ..وماعليه..
ويوم شفتهم هلون أرتخيت..قلت: أن أحسبن حديهم راح..أو إنهم متكسرين ..ويوم صارت هلوون ههههه..
قلت: هاه وش السالفة..يالادزي خير؟؟
قال: جينا مروحين.ن. ياولله السيارة متندزحة.ن. وكفراته لهن وشيش..واللي به مابهم خلاف..بس
هذا(يعني كبير العلابي)..يلعن وأسمعه يقول الله لايوفدزك تسانك بغيت تدهورناااا..
وأطلعناهم..وهاللي عاد يوم إنتم تراسلوننا ..تنشدون عنهم..
قلت: ماقصرت..والليلة معنا بهذا نبي نتونس معكم..
قال: لاياخيي..الله يسهل عليكم وعلينا..مانا بايع.ن.عمري أخاوي لي (مقرد) هههههه
يله نشوفكم على خير..مع السلامة..
قال: أبو العلابي: الله ياخذ هالكرش يالخزز؟ يوم أنا أقول كف يدك أبي أشوف الدرب وليه ماكفيته؟
قال الخزز: يمه غطينن ..وولعي اللنبة !!!<<<يهالحين الرجال مخترش..ومتخالط.ن. ماوه وزيته
قلت: وين هي أمك عسى مالك أم؟؟الشرهة ماهي عليك..الشرهة على أطلعك من السيارة ولا تسان مخليك وفاكنا منك..
قال أبو العلابي: يوم شفنا الطير.وهو يقوم له مهايطة.ن. الخزز وأخلفن بكثر الحركة وتاليته حط يده على عيوني يبي يمزح ولاخلانن إلا وهكالرضمة دزادمي..وأنا أحرف السيارة عنه وهذاااااك علمي بروحي..وعيني ماتشوف إلا السواد..والحمد لله يوم صارت على هلون..
قلت: يله مابه حتسي ..هالحين لأهلكم ..لألهبوووو حظ.ن. حاشكم..
قالوا: لا..بكرا.. ولا الليلـ......
قلت: مافيه هالحين يعني هالحين..وش بقى ماصار؟؟
***
المهم..مابهم إلا أنا اللي أشوى والبدزية كله ..اللي منداش.. واللي محترق.. واللي منقرض.ن. لسانهو..
وأضف الحوسة ..وأرفسهم كلهم بالحوض..وأوثق رباطهم..وأجيك مجفع.ن. يم الديرة...
ويم أقبلت على نقطة التفتيش – اللي إنتم خابرين- ياهذا خويي العسكري اللي أنا شفت بالمرة الأولة..
قال: هااااه..وين ياربع المضايف..أسرعتوا الردة..عساكم قضبتوا شين؟؟
قلت: إي والله ماقصروا الشباب وطرحنا كم طير (قرادة.ن. من النوع الطيب)..
قال: أفاااا ..وليه..؟؟؟
قلت: تلقى الموضوع بمضيف فلة حجاج..وتلقى السالفة!!
قال: يله بأمان الله..
ويوم حركت..وهو يصوت..قال: ألا الخزز وين هو؟؟؟؟
وأن أحط السيارة بالريوس..ياما وقفت عنده..
قلت: الخزز: فرررررررخ..وهذولا فروخه..!!وأنا أجلع المشمع وأوريه الشباااب..
قال: الله..يعينك..ولاتعود الطلعة معهم نوبة.ن. أخرى..
قلت: تووووبة..والله لو أخاوي التسلاب اللي تعوي ..ماأخاويهم..
وبسرعة البرق.جبتهم وكل.ن. قرطته عند باب أهله..
وقلت: حولوا ..لابارك الله بالساعة اللي عرفتكم به..ياهالغربااااان..
<<<<<(اللي يسمعوه يقول من زين حلاياوه)
وإجي ..ياولله الشايب وعنده مجموعة الشيبان ومن ضمنهم خوينا(أبو غبير)..
قال(الوالد): الله حيووووه..وش علوم الطلعة؟؟وش وقع أخوياك؟؟
قلت: ماعليهم..والطلعة ماهي هكاللي بلحيل..بس ماعليه...
قال(أبو غبير):من طوووول الغيبات جاب الغنايم؟؟
قلت: هذاك أووووول ..والأول تحووووول
هالحين من طول الغيبات جاب الهلايم..!!!وياخي أنا عندي شك إن لك يد..وكراع بعد.. بكل هاللي صااااار؟؟
قال: ليه وشووو اللي صار..؟؟
قلت: هااااه..لا.. لاماصار شين..يله مع السلامة.....
***
الحمدلله على السلامة...مع إني هادزي.ن....:(
آسف للإطالة..ولكن هوالإسترساااال وماينتج عنه..!!
<<<<<<<(مايخلي هالفلسفة..) :rolleyes: