سؤال ماله داعي عارفة !!

[الجازي]

والله اني من زمان ودي أحط هالسؤال بس حسيت ان شكلي غلط وانا اسأل :eek:

بعدين قلت مالي الا فلة الحجاج هي اللي تستر علي وتصرف الموضوع كنه سواليف :p

السالفة باختصار عبارة عن تحدي بيني وبين وحدة من البنات ,, عن لهجة أهل حايل ولهجة أهل القصيم :p

هي تقول انهم نفس اللهجة ماتختلف أبدا :)

وأنا بصراحة ماعرفت لهجة أهل حايل الا عقب ماسمعت شريط حورنيات وشريط مقناص لحامد الضبعان وربعه ,,بصراحة هالأشرطة مهبولة وانصحكم بها ,,قصايد واستهبال وخفة دم ماهيب طبيعية >>>وهذي طبايع أهل حايل ;)

المهم عقب ماسمعت لهجتهم حسيت بفرق بينهم وبين أهل القصيم ,, طبعا القصمان متعودة عليهم في المدرسة وفي كل مكان يعني عارفة لهجتهم ,,

قلت لها ان اللهجة تختلف ماهي زي لهجة القصمان ,, فيه شيء مميز بلهجة أهل حايل ;) صح ان لهجتهم قريبة للهجة القصمان بس ماتشبه لها مرة :rolleyes:

عاد وش رايكم أنتم ياأهل اللهجتين (( القصمان وأهل حايل )) ,, كلامكم زي بعض والا فيه فرق ؟؟

تكفون جاوبوني جواب سنع ترى الدعوى تحدي :D

سلام

[الغثه]

مثال


مثال..

اهل حايل يقولون

تسبدي

والقصمان يقولون

سبدي


يعني قريبه لبعض

بس

في اختلاف بسيط









:)

[ريم شمر]

والله يالريم حنا ياسكان نجد وماحولها كنا الطرشان بالزفه |118|



يمكن في البدايه مانميز بين اللهجتين لانه في الظاهر بينهم تشابه كبير

لكن نظرا للخبره اللي اكتسبتها شخصيا من فترة وجودي بالمضايف

ومن رجوعي للعجايز والشياب من قرايبنا :o

اكتشفت انه فيه فرق كبييييير

ومن وجهة نظري

اللهجه الحايليه لذيذه جدا ومحببه وانا شخصيا استمتع

بسوالف العجايز باللهجة الحايليه

بس يرتفع ضغطي اذا قام عبدالعزيز يتكلم بالحايلي :rolleyes:

يالله نلقط لنا كلمه والا كلمتين مفهومات :mad:


اما القصيميه على الرغم من تعودنا عليها ومخالطتنا اهلها

بس احس انها ثقيله جدا


هذا رأيي :)













ريومه |13|











تصدقين انك فاضيه :p

[تذكار]

أهلين الريم .. والله انتس رايقه :):)

أعطيتس مثال .. فيه تقارب في الصياغه بس الكلمات تختلف مره .. فرق بين أهل حايل والقصيم ..

مثل القصمان يقولون بوه سكري :):) يا حبي للقصيم :)
وأهل حايل نفس الشئ يقولون بوه ضبان هههه




أختس

تذكا111111111ر

[نايف التومي]

الاخت ااااااالريم لفته ولا احلى
ولكن وش جاااااااب الحظرررر لاخوااان بدواااا

وشجااااااب البدوووو الي ما يصبرررون الى ويغررون خشتهم بالنفوود والحظر الي ماتمرر ساعتين الى ولازم ياخذ له دش

وهذااا مو تمصخررر ولا احتقاار بلعكس كلهم عيااال نااس وبالنسبه جبت النفوود وكل هالكلاام ادري ان سؤااالك عن اللهجه وبصفتي عاايش بحااااايل معي قصمااان ومعي حايليين على بطونهم يعني من جعصتهم امهاتهم وهم بحاايل ولاحظت فررق كبيررر وماهو لهكا الدررجه يعني بس مجررد مايتكم اربع كلماات نعررف انه من القصيم وكذلك الحااايلي يابعد عضيمااتي من يقرط الكلمه الاولى نعرررفه ولا بعد نعرررفه من اي حاااره بعد

ولك اطيب التحياااات واقااامه سعيده

وانشا الله اسجل لك شررريط هواااش او من الشبااات العصرريه بين حايلي وقصيمي عز الله انك تبين تضحكينتموتين من الضحس

وهذاااااااااا طبعااااااا وجهة نظرري حطو تحته الف خط
وووووووووووووشكراااااااا

[سلمان النبهان]

هلا الريم ومادام حنا بفلة حجاج نتكلم ....
اقول والله انكِ معقدة شوش ....( صاحب حرشه )
لهجة القصيم اصلا مشتقه من لهجة اهل حائل ولكن بتصريف وتحريف
بمعنى ان الكلمه تغير دون اصلها وذلك باللفظ فقط ...
تبين الصحيح لهجة اهل حائل ولهجة اهل القصيم احسن من لهجة
اللى يقولون ننوم ( تدبل عمود الكبد )
ولى رجعه ثانيه سيده الريم ............. سلام

[الجازي]

ياحليلي |118| صار سؤالي أجل له داعي :D


أخوي قلم لم يجف ,, أتوقع الفرق أكبر من كذا ,, يعني طريقة نطق الضمائر تختلف بينهم على ماأظن :rolleyes:

ريومة ياحبيلتس ياشيخة ,,أنت مثلي أجل نفس الشعور بالنسبة لحلاوة اللهجة ;) >>>>شكل تذكار بتطب في بطوننا |118|

بس من جد والله أحس لهجة أهل حايل مهضومة كتير :p >>>هذي السورية اللي خربتها :D

تذكار ,,الله يسلمتس ,,انا أصلا نيتي عشان أروقكم |118|

بس شكلتس قصيمية ماتنتحارشين :p

بس والله ترى ماقصدت بهالموضوع أي اثارة للنعرات العصبية والقبلية >>>ماخفت منتس ابد :D

تحياتي لتس يالغالية,,

أخوي نايف ,,وش دخل البدو والحضر في الموضوع ,, قلنا أهل القصيم وأهل حايل بدوهم وحضرهم |118|

ترى ماهي شينة لو تحط رابط للشريط اللي تقول :D

أخوي سلمان ,,الله يسلمك ,, ماهو ذنبي اذا تعقدت الشوش |118| اللي عنده شوشة يتحمل مسؤوليتها :p

بعدين ماقصدت الاساءة للهجة القصمان واهل حايل ,,بالعكس بس ودي أعرف فيه بينهم فرق والا لأ ؟؟

والله اني اموت بلهجة أهل حايل ,, ولو ان نص كلامهم ماافهمه بس لذيذ >>ياااااااااي :D

ننوم ؟؟ :eek: >>>>>الحمد لله ماهي لهجتي ;)

[شموخ]

هلا والله بالريم

والله اني لاني بقصيميه ولاني بحايليه :confused::confused: بس لاحظت على القصمان انهم بعد يقولون كلمة" نوم " يقصدون انه نايم اذا احد سأل عن شخص وهو نايم ردوا عليه بقولتهم ( به مير نوم ) لاحظته على عايله قصيميه عاد مدري القصمان كهم كذا والا بس هذولا . غير كذا لاحظت عليهم كلمة (جدعه ) يعنى رمى هذا الشي .

واهل حايل ما لاحظت عليهم شئ :o:o عاد في محلهم حنا :):)

إسألي محارش وشخاط اتوقع يعرفون لهجة اهل حايل هذا إذا ماجابو لك لهجة القصمان بعد عليهم الفاظ اعجز عن فهمها احيانا .

تحياتي

شمــــــوخ

[ابو غازي]

بس يرتفع ضغطي اذا قام عبدالعزيز يتكلم بالحايلي :rolleyes:


إقتباس لبو نبهان :eek:
من لهجة
اللى يقولون ننوم ( تدبل عمود الكبد )
ولى رجعه ثانيه سيده الريم ............. سلام :D

7
7
7
7
7
االريم :(
يامل الفريفر :rolleyes: ويش .. تبين بخلق الله تدورين مطباتهم :mad:
إخلصي علينا نبي ننهج يم السوري التختور .. طقم االسنووون تئبريني جاهز :D
بعدين ياركبتيه تقدرين تسعلين عن لهجات وحتسي خلق الله :eek:

[تذكار]

أهلين الريم .. :):)
هالمره ما أصبتي .. أنا مو قصيميه :):) بس أحب القصيم وربي هههه

بعدين وشفيس خايفه هاه ؟ ليش شايفتني دراكولا هههه
<< يحليلها مسالمه مافي أطيب منها :):)

أختس

تذكا111111111ر

:)

[ابو خليف]

انا حايلي متعصب


الفرق

ان لهجتناااااا مثل الثريااااااا ولهجتم مثل الثرى

وانتي احسبي الفرق الي بينهم


|118|

[مفتاح14]

كاتب الرسالة الأصلية : شموخ

بس لاحظت على القصمان انهم بعد يقولون كلمة" نوم " يقصدون انه نايم اذا احد سأل عن شخص وهو نايم ردوا عليه بقولتهم ( به مير نوم ) لاحظته على عايله قصيميه عاد مدري القصمان كهم كذا والا بس هذولا .

تحياتي

شمــــــوخ
شموخ:
قصدتس ( بوه مير نيم) |118| ؟؟

===========

والله يالريم القصمان ماماشيتهم كثير الله يصلحهم:D


بس فيهم ميزه بالكلام انهم يمغطووون الكلمه ودرجة الصوت عندهم منخفضه ( أقرب للنعووومه:p ) بعكس اهل حايل.. اللي يميل صوتهم للخشونه;)


مثال للسؤال:

أهل حايل يقولون:: وشنوحوه هاللّون؟؟ |118|

اهل القصيم يقولون:: ورااااااااااااااااااو تسذااااااا؟:p:p


<<-- مجتهد بالشرح..كنّه مصري بدرس خصوصي:D


موضوع حيوي ومثير.. تروني حولكم ماني مبعد:eek:


تشااااااااااااااو على وزن ورااااااااااااااااااااو:D

[الجازي]

شموخ ,, اللي ودي أقوله قاله لتس مفتاح |118|

وبالنسبة للأفاظ اللي تعجزين ماتفهمينها |118| حطيها في قاموس الكلمات المستعصية مثلي :D تراني مثلتس بعض الكلمات أترجمها بالكلمات اللي تجي جنبها :p يعني ماهو لازم أعرف كل السالفة |118|

>>>>> طالعة معهم كني هندية ;)

عندتس مثلا الفريفر اللي يقولها ابو غازي :p هذي شكلها دعوة على الخفيف يعني ان شاء الله انها ماتضر :D

أبو غازي ,, وش مضيقن صدرك الحين ;) هذا بدال ماتفزع لنا وتعطينا الفرق عشان مانلخبط بينكم |118|

بعدين أنا أبي أتعلم اللهجة قبل ماأركب الطقم عشان أول ماأحتسي أحتسي حايلي |118|

تذكار ,, وش هالعشقة ؟؟ :eek:

ذيب شراف ,, الحايلي المتعصب |118|

طيب وش الفرق بين الثريا والثرى :p >>>هذي اللي تبي ترفع ضغطك ;)

لا من جد يالذيب عطنا بعض الفروق اللي بين لهجتكم ولهجتهم ;)

مفتاح عز الله انك مدرس خصوصي أدد الدنيا ;)

والله ان شرحك ممتاز وما عليه كلام |118|

(( أهل حايل يقولون:: وشنوحوه هاللّون؟؟

اهل القصيم يقولون:: ورااااااااااااااااااو تسذااااااا؟ ))

صدقت والله هذا أقوى فرق مر علي إلى الحين ;)

شكلي أبفقع تسبد خويتي |118| وأكسب التحدي ;)

[مفتاح14]

8
8
8


عندتس مثلا الفريفر اللي يقولها ابو غازي هذي شكلها دعوة على الخفيف يعني ان شاء الله انها ماتضر:D

ايه هين ماتضر:p

هذا الله يسلمتس مايخليتس تنامين الليل.. وبالنهار بس تدوجين:D

يعني الله يعين الدرج(بفتح الراء:p) عليتس:D
كأني اشوفتس طالع نازله ..نازله طالعه<< جاب جديد:D ..

واكالساعه مايحتاج تسالين هو هذا الفريفر والا لأ؟:D





قبل انسى.. ودي اعرف ليه ايقوناتس اكثر من كلامتس:eek:؟

[الجازي]

كاتب الرسالة الأصلية : مفتاح14
8



قبل انسى.. ودي اعرف ليه ايقوناتس اكثر من كلامتس:eek:؟
^
^
^
^
الله يغربل ابليسك ,, ماتخلي شاردة الا وتلقطها ,, تصدق توني انتبه لأيقوناتي ,,تسنها لمبات مولعة بالموضوع :D

بس هذا وأنا أختك بسبب قل هرجي مانيب حايلية :p

[عبدالعزيز]

جيبي لتس عصابة وحطيه على الطاولة جنبتس لان احتمال وجع الراس يجيتس كبير
شوفي
سالفة ان اهل حايل عموماً لهم لهجة ماهي صحيحة
عندتس أهل الديرة لهم لهجتهم والقرايا لهم لهجتهم وحتى القرايا تختلف اللهجات بينهن قرايا الشرق يفرقن عن الشمال او الجنوب او الغرب
والإختلاف عادة يكون بتسكين حرف أو ضمه أو كسره أو مخارج النطق <<---- اهه قام يتفلسف عاد
المهم هاذي الامثال وتبين تعرفين الفرق بيننا وبين مطرسة اهل الكليجا هالقصمان اللي مدري وش محبب جمس الهيئة هاذي بهم
عندتس مثلاُ سيارات , بنات , كفرات , إلخ من الكلمات اللي تنتهي بالتاء
هاذي بحايل تتحول للياء والهاء ونقول سيارايه , بنايه , كفرايه (عسى مااوجعتس راستس:D)
وهاذي ماهي بالسنة القصمان ابد ولأهل حايل (الديرة)
وعندتس بعض الحروف اللي يتثقل نطقها على السنة الحوايل مثل اسم عبيد
انتم والقصمان تنطقون الباء خفيفة وحنا نثقله
وأقرب مثال لهالشي طبقيه على نفستس انفخي شدوقتس وطلعي الهوا بنطق حرف الباء راح تجي معاك ثقيلة
بس انتبهي لاحد يشوفك يقول انخبلت البنت:D
وهاذي للحوايل عموم
وفيه بعد عندتس حرف الجيم غالباً يدمج بقاف عندنا (يانا طلعت فضايحنا:eek:)
وبالعكس القصمان عندهم تمطيط الحتسي وحنا نجاكر اليمانية بسرعة حتسيهم

عاد تكفين نبي نشوف وش قالت هالصقيمية :)<----(الله منن الشفاية|513|)
وبلغيه تحايا مضايف شمر وقولي له يسلمون عليكم يالقصمان عموم وعلى اهل المليدا خصوص |118|
ولو كنتي تبين تسمعين اللهجة ممكن اسوي لك مقطع من حدى شيبان حايل وهو يسولف سالفة
عندي المقطع بس يبي رفع للمضايف

[الجازي]

عندتس مثلاُ سيارات , بنات , كفرات , إلخ من الكلمات اللي تنتهي بالتاء
هاذي بحايل تتحول للياء والهاء ونقول سيارايه , بنايه , كفرايه (عسى مااوجعتس راستس:D)

هذي يبيلها قعدة :p,, وشلون تحولت التاء عندكم بقدرة قادر لياء وهاء :D,,, بنايه >>> تنطقها مثل نطقك للبنايه اللي هي العمارة والا لها نطق يختلف :eek:

يعني الله لايهينك اذا نويت تصك راسي مضبوط حط حركات على الكلمات عشان أستوعب الوضع ,,

بس وربي ولو حلوة ,,


وعندتس بعض الحروف اللي يتثقل نطقها على السنة الحوايل مثل اسم عبيد
انتم والقصمان تنطقون الباء خفيفة وحنا نثقله
وأقرب مثال لهالشي طبقيه على نفستس انفخي شدوقتس وطلعي الهوا بنطق حرف الباء راح تجي معاك ثقيلة
بس انتبهي لاحد يشوفك يقول انخبلت البنت:D

عاد وشوله كل هاللفلفة ,, اختصر الطريق وقل حطي عليها شدّه ;) >>>>مثقفة البنت :p

يعني خل نفخ الشدوق لوقت الازمات ,,


وفيه بعد عندتس حرف الجيم غالباً يدمج بقاف عندنا (يانا طلعت فضايحنا:eek:)
وبالعكس القصمان عندهم تمطيط الحتسي وحنا نجاكر اليمانية بسرعة حتسيهم

الجيم تنطقونها يعني زي الدواسر :D بدال الجيم قاف ,,والله انك ترجمت كل اللي سمعته بالاشرطة من حتسي هالحايليين ياحبيلهم ,, والله رهيبين الله يعطيك العافية اخوي عبد العزيز ,,


عاد تكفين نبي نشوف وش قالت هالصقيمية :)<----(الله منن الشفاية|513|)
وبلغيه تحايا مضايف شمر وقولي له يسلمون عليكم يالقصمان عموم وعلى اهل المليدا خصوص |118|

هي ماهي قصيمية ,,لو انها قصيمية كان عرفت الفرق ,, وسلامك ابشر يبي يوصل لها وابدور لي قصمان من اهل المليدا عشان أوصل لهم سلامك :p


ولو كنتي تبين تسمعين اللهجة ممكن اسوي لك مقطع من حدى شيبان حايل وهو يسولف سالفة
عندي المقطع بس يبي رفع للمضايف

ياليت والله ,, تسوي بي معروف لو تحط المقطع ,,,

يعطيك ألف ألف عافية أخوي عبد العزيز على هالفزعة ,, أول مرة أحس إني أبفحمها ,, ياخي رافعة ضغطي هالادمية الا كلامها هو الصح :mad:

[عبدالعزيز]

اللي اشترى لك حورنيات والمقناص خليه يشتري لك (تاريخ وقصص الآباء والأجداد) للراوي عبدالرحمن المرشدي
وبتدعين لي
لهجة الراوي حايلية100%
لدرجة ان بعض مفرداته آخر ماسمعتهن من جدتي قبل ماتقلش الله يرحمه:(

واذا ماحصلتيهن ارفع لك الملف (حاس ان ابوسلطان بيعطيه احلا بوز من كثر مايرفع على المضايف:))

[ابن جشعم]

وشوووولوه تشتري ولا ترفعوه بالنت ;)

هذا هو جاهز بالمضايف


اعدس هوني:p (http://shmmr.net/vb/showthread.php?s=&threadid=18842[/URL)


سلاااااااااام

[عبدالعزيز]

يقال لي مجتهد انا وهكا الكم مقطع اللي سجلتهن له:o
تصدق توي ادري
بس الاربع اشرطة هن اللي عقب الرقابة ولاقبله؟
تره تفرق|513|

[نواف حمود الشمري]

المعذره على التاخير يالريم توي اشوف الموضوع ..


وازيد على كلام ابو عزي .. ان اهل حايل يختلفون .. مهم واحد ..

عندتس مثلا اهل الباديه واهل صديان مابينهم الا ضلع ومايتدانون

غير انهم مايتحاتسون الله لايبلا :D وغير ان لكنتهم تفرق ..


اما ان جينا نقارن بين القصمنجيه واهل حايل لا والله الا الفرق فرق السما عن الارض ..


وانتي اذا تبين تعرفين الشخص اللي يحتسي هو قصمنجي ولا حايلي بس راعي لشدوقه ... واذا مالاحظتي شي راعي لحنتسه .. واذا مالاحظتي شي راعي لحواجبه هن يرتفعن مع الحتسي ولا لا .. واذا مالاحظتي شي ربنا يتولاه بأه :)



والقصمان بهم عادتن شينه لامنهم حتسوا يمطون حرف العله باخر كلامهم
مثل المعلق القصمنجي اللي يقول سليييييييييمان الحديثييييييييييييييييي :)


اما اهل حايل ... حتسيهم رزين وزين وبه قبله يعني مقبول ...

وانا مااشوف اي تشابه بين اللهجتين بالعكس الفرق كبير ..











كلمه اخيره ..

الريم ..

خلصتي ايقونات الفله ترى :)
المخزن عندهم خاوي والميزانيه به عجز :) ماتشوفين ابو 14 يقط نغزات

[مفتاح14]

8
8
8
الله يهديك يابو حمود انا اقط نغزات؟؟؟؟؟:p




اهدااااااااااااااااااء :cool:


7
7
7
7

[عبدالعزيز]

|118||118||118|

[الجازي]

تحروا لهالفقرة في القناة الأولى :

(( باستبدال مسمى الريم بلقب أحبه ويشرفني أن أحمله وهو " أم أيقونات " ))
^
^
^
الوعد في سجن الحاير :rolleyes:

مفتاح تصدق يوم راجعت ردك الأول لقيت أيقوناتك أكثر مني :D ماودك تشاركني في اللقب ,, بس بدال" أم" حط "أبو ":p

عبدالعزيز تسلم على الرابط ,, أول ماشغلته حسبت اني فالحة وفاهمته يوم مرت ثانيتين الا والله عمي يتكلم بلسان جزر الواق الواق :p

ماودك ترفق معه ترجمة فورية الله لايهينك ;)

أخوي نواف ,,تسلم على التوضيح ,, وبعدين ترى الايقونات ماقحشتهن من الفلة جايبتهن من عندي من هناك الفصيح ,, محدن يستعملهن قلت يابنت حلليهن ;)

وعشان أحلل اللقب وأصير أستحقه عن جدارة لكم مني هالهدية :

:(|510||513||8|:rolleyes:|1||118|:o:(:D;):p:cool:|13|:eek:
^
^
^ ودي أفتح صفحة الصور بس الزوالة لها دور بالحياة :D

سلام ,,, ولاتصرفون الموضوع ,, شكلكم فيكم عرق قصيمي :p

[ابن جشعم]

كاتب الرسالة الأصلية : الريم
عبدالعزيز تسلم على الرابط ,, أول ماشغلته حسبت اني فالحة وفاهمته يوم مرت ثانيتين الا والله عمي يتكلم بلسان جزر الواق الواق :p



والله حاله ...

حنّا اللي ندبك وغيرنا يشكر :mad:

يالريم فتحي عيونتس زين أو البسي نظارة :cool:

[الجازي]

معليش يابن جشعم ,,العتب عالنزر :cool:

بس الصراحة أنا سمعت رابط عبدالعزيز قبل روابطك |118|

ومعليش انا اسفة ,,, ألف شكر لك ولمجهودك >>>حامت تسبدها من كثر ماتردد هالجملة :D

يسلموووووووو ابن جشعم ,,

[هـــلا]

:mad: وش فيهم القصمان؟؟؟:mad:
:mad::mad::mad::mad::mad:



مالي خلق هوشات وإلا لو كنت رايقة ما عديت لبعضكم كلامة اللي حسيت فيه شوية عدم أحترام للقصيم وأهلها


على كل حال يالريم أحب أفيدك بخصوص اللهجات

القصيم نفسها تختلف لهجتها من منطقة للثانية عندك المطّة اللي يتكلمون عنها الأخوان موجودة بس في بريدة والقرى المجاورة لها فقط

أما باقي محافظات القصيم ما تمط ولاتعرف المطّة

ولعلمك حتى مطّة أهل بريدة فيها فن :p
يعني ما يمطون إلا إذا بغوا يسألون
ورااااااااااه؟؟؟؟ وشووووووووووولوه؟؟؟؟ همااااااااااه؟؟؟؟

وأعتقد لو تبين تسمعين لهجة أهل القصيم
أقرب مالك جيبي شريط للراوي محمد الشرهان وتسمّعي له قصيمي بنمرة وإستمارة

أنا قصيمية وأفتخر أني قصيمية

وتحياتي لك يالريم

[الجازي]

هلا والله وغلا بهلا والله وغلا >>>>>>أنتي وذا الاسم بعد مالقيتي غيره |118|

وش دعوى يالقصيمية ,,والله ماهو قصدي أتحرش بالقصمان أو أجيب طاريهم بشيء شين ,,كل السالفة إني أسأل عن الفرق بين لهجتهم ولهجة أهل حايل ;)

عاد مثلتس عارف كل واحد بيمدح بلهجته ,, مع انهم والله ماقصروا حتى لهجتهم حشّوا فيها ,,:D

لايضيق صدرتس يابعد حيي ,,ومشكورة على التوضيح في كلام القصمان ,,

[شموخ]

[QUOTE]كاتب الرسالة الأصلية : الريم
[B]تحروا لهالفقرة في القناة الأولى :

(( باستبدال مسمى الريم بلقب أحبه ويشرفني أن أحمله وهو " أم أيقونات " ))
^
^
^
الوعد في سجن الحاير :rolleyes:

[HR]

ههههههههههههههههههههههه

ههههههههههههه

طيب متى نعلن الخبر
تبينه خبر عاجل والإ لا
هههههههههه
الريم على فكرة ان مارفعنا له برقيه وقلت له فيه وحده بتنافسك في استبدال الألقاب
اعجبتني صراحه :D:D:D

تحياتي
شمـــوخ

[مفتاح14]

كاتب الرسالة الأصلية : الريم
هلا والله وغلا بهلا والله وغلا >>أنتي وذا الاسم بعد مالقيتي غيره |118|

وش دعوى يالقصيمية ,,والله ماهو قصدي أتحرش بالقصمان أو أجيب طاريهم بشيء شين ,,كل السالفة إني أسأل عن الفرق بين لهجتهم ولهجة أهل حايل ;)

عاد مثلتس عارف كل واحد بيمدح بلهجته ,, مع انهم والله ماقصروا حتى لهجتهم حشّوا فيها ,,:D

لايضيق صدرتس يابعد حيي ,,ومشكورة على التوضيح في كلام القصمان ,,
8
8

تحس انها بترقع السالفه وتوهقت:D
يحوووول رحمته :D



برايفت هلا والله وغلا:
بالعكس القصمان حبيبين ويكفي انهم قريبين لنا جغرافيّاً وكلاميّاً
والمطّه اللي تقولين يا هلا وغلا<< انواع الاختصارات حتى بالاسم:p
ايه المطه هذي له فوائد ..اتوقع ماجت عبث:p
ويمكن احد الاسباب اللي يخليهم يمطون بعض الكلمات علشان اللي سمعه ثقيل يقدر يسمع ماهو لازم يعيد الكلمه عشر مرات علشان يفهم اللي عندوه:p


<<-- يقال لك يرقع احسن من الريم الحين:D:D:D

[ابو غازي]

عوذا عوذا عوذا
7
7
ويش بلاكم مدخنين بأه :D
اقول اتركو خلق الله ولا تحشوووون بهم :mad:
7
7
الريم ;)
اريتس ويش اخبار الطقم :p
اقول تولمي تسان تبين معنا انا وعصير الكهرب
نبي نسافر هالمرة يم جز الوق واق :p
يقولون عندهم عيون طيور مالها جنس احســــــــــن
من العدسات ونبي نرتسب لك عوينات علشان تجننين البنيوات بالمضايف :D
:eek:

[شموخ]

كاتب الرسالة الأصلية : الريم
تحروا لهالفقرة في القناة الأولى :

(( باستبدال مسمى الريم بلقب أحبه ويشرفني أن أحمله وهو " أم أيقونات " ))

الوعد في سجن الحاير :rolleyes:

[HR]

ابو غازي

مهي فاضيه يادوب تستبدل مسمى الريم بااللقب الذي تحبه ويشرفها ان تحمله .....
روحوا وخلوها واذا رجعتوا زوروها في سجن الحاير :D:D:D:D

ههههههههههه

تحياتي لك
شموخ

[نواف حمود الشمري]

هلا والله وغلا بهل القصيم القصمان ربعنا :)

<<-- مشوين كانوا قصمنجيه هالحين قصمان :o



هلا وغلا ..

انا ماكنت اقصد القصمان بالمطّه ..
كنت اقصد المتقصمجين يعني اللي مهم قصمان ويبون
يصيرون قصمان غصب .. ولا ّ القصمان مايمطون ..:)

ولا المطه مهي عيب .. بالعكس وانا والله ودي امط لاحتسيت مار مااعرف :)

واخاف امط وانا اسولف لاخوياي يمطوني بالشارع :)


لحد ياخذ بخاطره يالربع ..

كل الكلام اللي قلته .. من باب المزح ولايمط .. عفوا .. ولايمت للجد بصله :)


تحياتي الممطوطه من الخفجي لحايل :)

[الجازي]

:D:D:D
^
^
^
^
هذا اللي والله توهق |118|ولا عرف وشلون يصرفها :p

[عبدالرحمن]

الله يهديك يالريم تقولين سؤال ماله داعى ......

والردود وصلت العشرات!!

والزوار بالمئات:eek:


هذا اشلون لو له داعى:)


اما الرد على الموضوع

الفرق بين كلام اهل حائل واهل القصيم ، قد يكون هناك فرق بينهما

ولكننا نحن اهل الخارج لانلاحظه ...انما الذى نلاحظه هو التقارب

لحد التطابق!تحياتى للجميع 0

[نايف التومي]

يااااااااااااااااااربي


tha neam of allah

ياااااااااااااااااااربي




ام ايقونااااااااااااااات

عندي سؤااااااااااااااال وياليت عقب النقاااش الحاااد استفدتي شي لنأخذ الموضوع بجديه حسب رغبتك


والف شكرررررررر

[الجازي]

كاتب الرسالة الأصلية : نايف التومي
يااااااااااااااااااربي


tha neam of allah

ياااااااااااااااااااربي




ام ايقونااااااااااااااات

عندي سؤااااااااااااااال وياليت عقب النقاااش الحاااد استفدتي شي لنأخذ الموضوع بجديه حسب رغبتك


والف شكرررررررر

أخوي نايف ,,

انا أسفه اخوي اذا كان الموضوع ضايقك

بس من جد أنا طرحته لأني كنت جادة في السؤال ,, وكان فيه تحدي بيني وبين وحدة من الأخوات ,, ولأن فيه تقارب شوي في اللهجة حبيت أتأكد من أهلها

مع إني سامعة الأشرطة وحاسة بالفرق ,, بس لازم أقنع صديقتي ,,وهذا اللي حصل ,,على الأقل استفدت روابط للأخ الراوي المرشدي

والموضوع ماوصل لدرجة النقاش الحاد لا قدّر الله ,, ولا أعتقد إن فيه أحد زعل من سؤالي ,, وأتمنى ماتكون أنت زعلان بعد ,,

عموما أنا أسفة مرة ثانية أخوي لك ولغيرك اذا كنت تسببت في مضايقتكم ,,

[نايف التومي]

nnnnnnnnnnnnno

NNNNNNNNNNNNNO




NNNNNNNNNNNNO


لا




لا





لا



مامن زعل


وانشااااا الله محدن زعل من موضوعك الشيق والمهم


ولكن ابي اسئلك وش طلع بعد النقاااش من الاخووه واظاهر انهم مابدو ارائهم الي يقول ذهب والي ..................؟


على العموووم اختي هاه طلع فيه فرررق بين القصماان واهل حااايل


ياليت تبشرررني وتعلميني الله لايهينك


واكررررررررر شكرررري لك

[نايف التومي]

|48|
|46|
|52|
|44|
|59|
|42|
|36|
|37|
|34|
|24|
|21|
|26|
|19|
|27|
|
22| |29|
|29|
|28|
|30|
|25|
|32|
|31|
|40|
|33|
|35|
|53|
|53|
|49|
|49|
|57|
|50|
|58|
|55|
|54|
|111|
|109|
|107|


جايب الحماااااااايه ترونن لحد يحسي على اهل حااايل هم يقولون الي يتكلم عليهم عذرنا يانايف قلت عاد والله ابي اعلمهم
عاد علمتكم فأحذرووووووو

[عبدالعزيز]

ياجماعة الخير أنا من حايل ومولود بحايل
ثاني حالة ولادة بمستشفى حائل العام (عشان كذا هو أدج مستشفى:D)
ودراستي أغلبه بحايل
وشغلي بحايل
ولا أبي غير حايل
ولي معارف (زقرتية بالقصيم)
والقصيم مايفوت شهرين او ثلاثة الاوانا ماره (مطب)
هذا غير اني أسمعهم بطلعات البر دايم بواسطة الآيكوم
والله يالهجتنا بشعييييييب وهم بشعيبٍ بوسط له سهلة ثانية
وحايل ماله شبيه بلهجتها أبداً
وبعدين من قديم الزمان لابيننا وبينهم نسب ولا امدادات تجارية ولا ود
شلون يصيرون مثلنا؟؟
وللعلم اللهجة الحايلية أقرب اللهجات للفصحى (على كثر شطحاته) لكن هذا الحاصل لأنها من قبل الاسلام لليوم يتوارثونها الشهبان
وش يبي يجيبه للهجة هل الخبوب؟
والحايلي لويقول سالفة يخلصه بخمس بينما نفس السالفة يقولها كليجاوي ماوالله تخلص الابثلاث ساعات