تبين تصيرين شقرا ويحسبونك سورية !!

[الجازي]

^
^
^
^
وشّوله ؟؟:p

>>>>>رد يرفع الضغط أنا عارفة:D

بس من جد ليه ,, يعني ياإما نطلع شقر كأننا سوريات وإلا مانصير زينات !!؟:mad:
تلقين الوحدة تصبغ شعرها وتحوس عمرها عشان تطلع شقرا :(,,طيب ليه تغثين عمرك وأنتِ حلاوتك منّك وفيك ,,;)

الحين اذا صبغتي شعرك أشقر ورحت تشوفين شكلك في المراية ,,بيطلع غلط ,,لأن الشعر ماشاء الله ذهبي والحواجب سود ,,:D

أنا عارفة بتقولون أصلا فيه صبغ حواجب ,, طيب نفرض إنها صبغت حواجبها ذهبي بعد ,,روحي شوفي شكلك في المراية ,, الشعر أشقر ,,الحواجب شقر,, الرموش اللي هي الأهداب سود ,,:p

لاتقولون عاد إن فيه صبغة للرموش بعد,,;)

بس على فرض إن فيه صبغة للأهداب ورحتي وصبغتي رموشك بالذهبي ,,روحي وشوفي شكلك في المراية ,,الشعر أشقر ,, الحواجب شقرا ,, الرموش شقرا ,, النتيجة : العيون حمصاء :D

ترى أشين مافي الشقراوات إنهم حمص >>>>ماهو حمص أخو التبولة :D,, حمص يعني شهب ;)>>>>فسر الماء بعد الجهد بالماء :p

شوفوا يابنات ,,كل بيئة ولها أهلها وشكلهم الخاص وجمالهم المميز,,,:)

يعني أهل الشام أشكالهم كذا شقر,, وأهل الجزيرة ماأدري وش ينقال عنهم بس حلاوتهم في سواد شعورهم وعيونهم الكحيلة :rolleyes:

يعني لو بدل ماتصبغين شعرك بالاشقر خليتيه على سواده اللي يضرب به المثل بسواد الليل واهتميت بحلاوة عيونك وحطيتي مكياجك مناسب لخلقتك وشكلك الطبيعي صدقيني بتطلعين أحلى من بنات الشام ;),, لك تئبريني ماأحلاكِ :D

المهم نوصل لخلاصة الموضوع ,, بناء على ماتقدم أعلاه ,, أبكتب لك بعض الأشياء اللي تساعدك في المكياج ,,;)

عشان تطلع عيونك ولا أحلى ,, استعملي كحل قلم ماركة (( كاراجا )) لأنها ماركة مجربة ورهيبة وسواد كحلها مثل سواد الليل ,,

طبعا ارسمي الكحل من داخل العين وارجعي ارسميه مرة ثانية من برا يعني داير مدار العين وشوفي وش بتطلع عينك ؟؟ والله ان تدعين لي ;)>>>الله يستر عسى ماتدعين علي بس!!:p

الظل او الشدو لازم يكون طبعا على حسب اللبس بس أهم شيء تحطين الاضاءة مناسبة للون بشرتك ,,وقصدي بالاضاءة هي اللي تحطينها تحت الحاجب مباشرة وفوق الجفن العلوي يعني اللي على العظم ;)>>>وش تبون أدق من هالوصف بس ,,:D

بعدين اذا حطيتي الشدو على اللون اللي تبينه حطي في نهايته من عند طرف العين الخارجي شدو اسود عشان تطلع عينك مشرقة أكثر >>>ماصارت عين ذي صارت شمس ,,:p

الروج لو تستغنين عنه يكون أحسن يعني تكتفين بلون شفايفك الطبيعي ,, بس استعملي محدد مقارب للون شفايفك عشان تحددينها به بعدين حطي ملمع شفايف شفاف يعني بدون روج ,,;)

طبقي هالمكياج الخفيف اللي مافيه أي مبالغة أو تصنع وشوفي حلاوتك الطبيعية اللي بيحسدونك عليها بنات الشام ;)>>>>ياشين اللي ينفخ في قربة مقطوعة :D

لا والله من جد ,, الزينة منا اذا عرفت تبرز جمالها تحط ملكة جمال بنات الشام على جنب ;) >>> يالله تحطها على جنب :D

تحياتي للصبايا اللي بيشرفون موضوعي ;)

[شموخ]

ولك تئبريني مااحلاكِ ريوم .;);)

موضوع حلو .

الشعر ذهبي والحواجب سود " الشكل غلط " صدقت والله ياالريم :):)

وليته بس غلط الا تفجع احيانا كانها طالعه من مقبره وخاصة اذا كانت حنطيه

بشرتها ولون شعرها ذهبي . ابد مافي تناسق في الالوان حتى اصلا كثرة

الصبغات تفقد الشعر حيويته ولمعانه وتسبب تساقط للشعر عند البعض ،

وتلاحظين على الشعر اللي دايما تصبغه صاحبته لونه باهت ماهو صحي .


الريم
ماحلى المكياج الهادي بس عاد الروج ياريوم مستحيل نتستغني عنه ;););)


تحياتي لك اختك
شموخ

[الغثه]

بذمتي مافيه مثل السعوديه

اذا جتك سمرا ومملوحه


احسن من هالباسقات البيض








عاشق السمر المملوحات









|118||118||118|


الغثه:p

[فيصل اللويش]

الريم

لايعلى على الشعر الاسود والعين السوداء

وبكل صرااحه

لايعلى على الخليجيات

وبالاخص السعوديات

ولايحرك شجون الشعراء

الجمال البارد

وهذه الابيات تثبت صدق مااقول من قصيده قديمه لي



ان قلت لك اثر الجمال سعودي والشفه جمر = يازين شعره ليلٍ اسود زين ذبة مفرقه

وعيونه السود النواعس كلها غنج وخدر = سبحان من جمع وصوف احلى النواظر وخلقه

بس ودك انك تسمعه لاسولف انفاسه عطر = من عطر صوته لو يسولف تسمع وتستنشقه

يازين عذره لاتعذر به تقل مايعتذر =واصلا قبلت العذر انا من قبل لاهو ينطقه





فيصل اللويش

[ديمــــه]

يعطيك العافيه ريووومه

موضوع حلو .:)
الشعر ذهبي والحواجب سود " الشكل غلط " :D

وكثرت الصبغات وتكرارها تفقد الشعر حيويته وجماله وتعدد مشاكل الشعر

ودوريلك على حل بعدها وقولي ياليت اللي جرى ماكان:)

يعني لو بدل ماتصبغين شعرك بالاشقر خليتيه على سواده اللي يضرب به المثل بسواد الليل واهتميت بحلاوة عيونك وحطيتي مكياجك مناسب لخلقتك وشكلك الطبيعي صدقيني بتطلعين أحلى من بنات الشام ,, لك تئبريني ماأحلاكِ :)

ومافي احلى من اللي تكون بمكياج هادئ وطبيعي .... :)


تحياتي لك اختك

ديمه

[مجموعة إنسان]

الف شكر الريم


لك مني كل تحية


والف شكر على ( كاراجا ) << تابعه لدار معينه او لا ؟




قال عبدالله الفيصل :

سمراء ياحلم الطفوله
يامنية النفس العليلة
كيف الوصول الى حماك
وليس في الأمر حيله




وربي انك صدقتي بسالفة ( حرّك تبلش )

تبداها الوحده بالشعر وبعدين تنتبه للحواجب .... الخ لين تشوه نفسها :D



تحياتي،

[شيهانه الشمال]

السلام عليكم ورحمة الله وبركاته


الحمدلله والصلاة والسلام على رسول الله وعلى آله وصحبه أجمعين


الريم مشكوره على الطرح المفيد لكن وشتقلين بنات هالوقت


مايسمعن الا الموضه:mad::mad:

[شموخ]

[QUOTE]كاتب الرسالة الأصلية : مجموعة إنسان

قال عبدالله الفيصل :

سمراء ياحلم الطفوله
يامنية النفس العليلة
كيف الوصول الى حماك
وليس في الأمر حيله


[HR]

ماشاء الله عليك مجموعه حافظه لأبو محمد :):):)

خلاص طالما الشعراء تغزلوا بالسمر ارتاحن واركدن مافي احلى منكن .

تحياتي
شموخ

[الشمري محمد فهد]

لا سعودية سمرا بشعر أسود ولا سورية بيضا بشعر أشقر :)

كندية بـ شعر أحمر فاتح وبس :p



<<--- ما عنده سالفة :o


______________________________

المسألة مسألة رغبة وذوق مهيب حرام ولا هوب عيب لو صبغت أي وحده شعره ..

يمكن تكون حلوه بالأسود بس راح تصير أحلى لو صبغته بالأشقر أو غيره :)

والغثة وفيصل .. السعودية زيها زي غيرها إن أعجبتك انت تأكد أنها ما تعجب غيرك :)


( إلا بسأل أنتم تقصدون السعودية بالتجنيس ;) ولا النجدية :) )

[شيهانه الشمال]

السلام عليكم ورحمة الله وبركاته


قلب الاعاصير قصدي العاصف ماقلنا حرام بس كلن واللى يناسب



بشرته ماتحطه وتصير كانها بها مرض ابو اصفار اومريضه وتبي تموت


من شكلها وبعدين من قال بالتجنيس نقصد السعوديه والا اقولك


خلك على الكنديه ام الشعر الاحمر الفاتح ياالفاهي:D


:mad: واللى مايطول العنب ........عنه..........؟:mad::D:)

[مجموعة إنسان]

شموخنا الغاليه

ولووووووو ;)

إن ماحفظنا لشاعر الرومنسيه حفظه الله وشفاه لمن نحفظ ؟ :cool:



تحياتي،

[الشمري محمد فهد]

<< --- شوي شوي عليه أهله يبونه |13|

شيهانه :)

شعرها و بكيفها بوه |513|

تصبغه أحمر , أزرق و لا حتى ان شاء الله تحرق به بعد |118|

مالك دخل بها :p

مادام أهلها أو أمها مهوب رافضين وما أقنعوها بكيفها :)

أما بشرتها وكونها موب راكبة مع لون الصبغة إذا كانت شقرى ..

على العكس اللون الأشقر يخلي بشرتها أفتح إذا كانت سمرا :)

أما ابوصفار وبقية عيال عمه :)

الله العالم إنك غيرانة :rolleyes: وودك تصبغين شعرك بس ماحصل لك :p

علشان كذا أطريتيه و نقدتي أشكالهن ;)

على فكرة :)

الصيفية مهيب الجاية إللي بعدها يمكن أسيّـر على أم أحمر فاتح :cool:

إذا بغيتي توصيني أجيب لك شي مناك معاي وانا راجع :o

لا تستحين :p

تريني بحسبت أخوك :rolleyes:


<< --- ما يحب العنب :o

:) C ya

[شموخ]

كاتب الرسالة الأصلية : مجموعة إنسان

شموخنا الغاليه

ولووووووو ;)

إن ماحفظنا لشاعر الرومنسيه حفظه الله وشفاه لمن نحفظ ؟ :cool:



تحياتي، [HR]



ياعمري يامجموعه

الله يخليـــــــــــــك ويسمع منك يــــــــــــــــــــارب .

تحياتي لك اختك
شموخ

[الجازي]

هلا والله بالربع والربعات كلهم |118|

ألحين أبفصفصكم وحدة وحدة وواحد واحد ولو ان الموضوع للواحدات بس نرحب بالواحدين بعد :p

شموخ ,, تسلمين والله ,,

بالنسبة للروج لايضيق صدرك مسموح تحطين روج فاتح |118| بس أنت جربي أول تحطين محدد بدون روج وشوفي النتيجة ;)

الغثة |118| ,, الله يغث ابليسك :D أحد قال لك امدح ,, طلّعت فضايحنا :p
أجل أنت تشجع الصناعة الوطنية |118|

بس ترى مو كل الخليجيات سمر :( فيهم نسبة واحد من عشرة بياض (( السوريات تسعة من عشرة |8| ))

بس عاد بياضنا (( اذا حصل )) بياض خيالي ,, صفاء وبياض مشرّب بحمرة يغطي على بياض السوريات >>> بس متى يحصل ؟؟ |118|

بعدين حتى لو ماحصل البياض عندك درجة السمار رهيبة ;) ألوان خيالية أكثرها وأحلاها البرونزي >>>>صارت ميدالية ذي ماهي بنت :D

ياحليلك ياعاشق السمر المملوحات :D >>> البلشة لو طلعت سمرا وماصلة وش السواة ؟؟|118|

تحياتي للجميع وبقية الردود تاتي تباعا >>> اخسي ياتباعا ;)

[الجازي]

أخوي الشاعر فيصل اللويش ,,

صح لسانك والله على هالرائعة اللي تنكتب بموية الذهب ;) >>> ايه الحين صارت تنكتب بموية الذهب |118|

السعوديات كنسبة عدد بالنسبة لباقي دول الخليج ,, والا ترى الباقين فيهم الخير ;) >>>>> ياشينها اذا صارت دبلوماسية :D

مشكور اخوي على المرور والمشاركة الجميلة ,,

ديمة ,,, عاد من يفهمهم تكفين ;) ماعندك احد يسمع ,, كن الموضة ركن من أركان الاسلام :eek:

تسلمين على المرور ,,,

[الجازي]

مجمج تسلمين على المرور ,, بالنسبة لكاراجا ماركة تلقينها في أغلب محلات المكياج ;)

على فكرة أبياتك جت في وقتها |118|

شيهانة الشمال ,, هلا والله حياك الله ,,

بالنسبة للموضة خذي وخلي والله فضايح :eek: ,, الملابس سنة بنجابي وسنة ياباني والسنة الجاية الظاهر موزمبيقي على قولة المهاة الله يذكرها بالخير :p

والمكياج مرة هندي ومرة لبناني وكل يوم لهم حركة :(

[تذكار]

السلام عليكم ورحمة الله وبركاته

هلا وغلا بالريم ..
حبيت بس أوضح لتس شئ بسيط وهو أن البنت الواثقه بجمالها .. ما تلجأ للصبغات والمكياج وغيره .. لأنه تشويه للشكل والمنظر .. ويكبرها .. ليش البنت تستخدم مكياج أصلاً .. والله يشوه الوجه .. وهو كالقناع الخادع .. ليش ما تظهر بوجهها الحقيقي.. وبعدين مثل ما قلتي مافي أجمل من الشعر الأسود الطويل والعيون السود :):) ..

<< دقه قديمه هههه

واللي تقلد غيرها مالها شخصيه أصلاً .. وقبل ما تقلد التقليد له ضوابط في الشريعه .. ما يجوز تقلد الكافرات بالمكياج وصبغات الشعر ..

وبعدين من زين هالرجال سمارهم مثل التكارنة اللي بمكه .. ويا ليت فيهم جمال أصلا .. لو تشوفين وجهيهم ما تنومين من الروعه هههه .. الجمال شرق وهم غرب ..

<< تحس أنها زودتها هههه

وهالفلاش عن المكياج هههه

http://www.s3f.net/LG/LG/wow_up.exe


أختس

تذكا111111ر

:)

[مجد]

هلالالالالا وغلالالالالالا يالريم

أنا كتبت الرد هذا قبل ايام
ولما اردت ادراجها اختفى بمقالك بقدرة قادر واليوم شفته ؟

وش السالفة

عموما ..
الله يرجك على هالمقال فطستني ضحك ،،

صدقتِ والله بكلامك ،، وأنا اشوف مافي أحد مقتنع بحاله ،،
السمراوية تبي تصير شقراء وبيضاء؟؟؟!!!
والبيضاء تعمل برونزاج تسمر بشرتها ؟؟!!
واللى عيونها سود تلبس عدسات تغير لون عيونها للفاتح
وهكذا ،،
يعنى مهرجات
“Clown”
ولله الحمد الله لايبلانا
مع اني مو ضد التغيير في اللوك
لكن بحدود المعقول والمستساغ ،، لان احيانا تغيير اللوك يصبح مثل اللى بيكحلها عماها
اهم شيء : هو ان اكون مقتنعه بنفسي ،، واثقة من جمالي ،،

بالنسبة للون الشعر ،، فكل لون له مميزاته
الشعر الاسود ،، والكستنائي ،، والاشقر ،، والخ كل لون اذا ناسب صاحبته فهو جميل
ليس شرطا ان الاشقر جميل ع الاطلاق ولا الاسود كذلك

اما عن رايي الشخصي :
ان الشعر الاسود صاخب
والاشقر يعطي نعومة
والاحلى الكستنائي
واحلى شيء الموضة اللى الحين طالعة الخصل الثلجية او الكستنائي بخصل شقراء
او خصل الشوكلا
يعنى شعيرية محمصه هههههههه



مع تحيات المجد

[أبو فيصل]

كاتب الرسالة الأصلية : مجد




والبيضاء تعمل برونزاج تسمر بشرتها ؟؟!!






المكياج وعارفينة ومش عارف اية من حركات الحريم برضوة عادي

بس هاللي فوق وشو :D...ياكثر دبرتكن يالحريم

[غموض]

ويبقى الجمال هو تلك الضالة التي تبحث عنها المرأه


ولايثنيها عن هذا البحث كونها تتمتع بالجمال والفتنه


فالجمال كالماء الذي لاترتوي منه النساء



شكرا لك أختي الريم على تميز طرحك

[نواف حمود الشمري]

وأحلاها البرونزي



برونزاج



اللوك



Clown



الشوكلا


الله يرحم ايام المشق بس ...:rolleyes:

يالله لاتغيـّر علينا ...


تحيه لكل البنات ..

<<-- وشو عقبوه :)

[الجازي]

( إلا بسأل أنتم تقصدون السعودية بالتجنيس ;) ولا النجدية :) )

لا النعيمية :D>>>>>>>خرفان على غفلة :p

أخوي القلب العاصف كلامك صح ,, بس أنت لو تشوف البنات وش مسوين بأشكالهم كان مالمتني على كلامي ,,

وربي اني أرحمهم ,, تلقاها يوم كان شعرها أسود تهبل ويوم صبغته طلعت عادية ومع ذلك مقتنعة ان الصبغة أحلى ,, مشكلتنا نلاحق الموضة باللي هي به حتى لو ماناسبتنا ,,

اللي تناسبها الصبغة مانقول لها لاتصبغين ,, بس علتك من هاللي تصبغ عشان خوياتها صابغات والا تبي تصير مثلهم حتى لو طلعت شيفة :p

ترى أنا مثلهم ماأقول لك اني معصومة ,, جربت أصبغ الصبغة الجديدة اللي يسمونها الثلجي ,,, طبعا انا والله مالي خلق صبغات لأني بصراحة من الخوافات مرة ,, يعني أخاف يطلع شكلي غلط وأبحل بعمري ,,بس البنات نشبوا لي قلت يالله نجرب ,,

المهم يوم صبغته ,,, شافني أبوي ياحبيله :p قال : يابنيتي وش معجلتس على الشيب باتسر تبي تعجزين ويمتلي راستس شيب :D

طبعا انا ماطاح وجهي أبد :p روحي رياضية ومتعودة على أبوي الله يخليه لي ;)

عشان كذا أنا أقول لك ان بعض البنات تلقى شعرها هو الضعيف ,, كل ست شهور له لون مرة غجري ومرة ثلجي ومرة بلياج ومرة هاي لايت وخذ من هالاسامي اللي يببيلها ترجمة :p

التغيير ماهو شين ولا اقول اني ضده ,,بس الواحد يدور اللي يناسبه مو اللي عليه الموضة ,,

وتسلم على المداخلة الحلوة ,,

[الجازي]

هلا والله بتذكار,,

التجمل زين ,, خصوصا للحريم ,, ومافيه مانع من المكياج والصبغة بس في حدود المعقول|118|

انا اللي اقصده ان الموضوع صار موضة في موضة يعني مايهم اذا كان يناسبها ولا لأ,, مادام انها بتمشي مع الموضة ,,

غاليتي المجد ,, كلامك عين العئل ;)

تسلمين على المداخلة القيمة ,,

أخوي الصارم ,, كانك تبي تعرف وشو البرونزاج ,, وهق عمرك ورح سوّه ,,, تراه رهييييييييييييييب :p

البرونزاج وأنا أختك على حد علمي هو تسمير البشرة ,, يعني مثل مايسوون هالاوروبيين ,, يدهنون اجسامهم بكريم خاص بتسمير البشرة ويتشمسون في هالقوايل عشان تقلب ألوانهم ويصيرون سمران ;)

هاه ناوي تسويه والا هونت |118|

عزيزتي غموض ,, الشكر موصول لك غاليتي على مشاركتك لنا في الموضوع ,,

تحياتي للجميع ,,

[نايف التومي]

tha neam offfff allah
الله اكبر



تتناقشووون عن االتجميل ونسيتو ان فيه وااحد هنااا اخصااائي تجميل

((((((((تحت الدرااسه))))))))))))

بس اني اعطيكن كريمااات ممتااازه والكريمااات هذي متوااااااجده ؟؟ لحد يقوولي اكيد موجودات لا بالعكس بعض الكريمات والدهوون ماتوجد الابالخارررج بسوريا و.....و....؟


اذاااا اخواااااااااااتي بالمضااايف هذه الكريماات مفيده للبشرررره وللتعقيم :pوللتنظيف:rolleyes: وللأسمرااار|512| وللتبييض|510| وللتقشير:mad: وللتحميرررر :mad:ولللتكحيل :cool:ولبهووت البشره:o وللبوهه:eek:

اليكن هااااااااااااااهن




















:eek:



ابحثن عنهااااااااااااا


abatshe
bush
kelenton
sharoon
sdam
iiioldl
iser
nedft
jhyioemvj mgjoej
وتقبلووووووووووووووووووووو تحيااااااااااااااااتي

[بـنـت النـور]

الريم

لك تؤبريني عالطله الحلوووه كتير كتير

يعطيك العافيه

دمتي بخير