بنتا لبوها ما ينسبونه

[الاشعل]

السلام عليكم

لغز يحتاج حلالة يقول اللغز :



ويش بنتا لبوها ما ينسبونه=وهي من أبوه دون شك ولا جدالي
ينسبونه بنت رجلا يذكرونه=نسمع اسمه ماعرف بأول وتالي
كانهاتعزل وأبوهايأخذونه=فهي حرام وتنوجد بين الحلالي


للمع...لومية :eek: وصلني عن طريق الجوال

بانتظار رمعاتكم ....

[مستريح البال]

وش رايك بقشطة او زبدة المراعي
تجي من الحليب وتنسب للمراعي :p
والله العالم يالبناخي
تحياتي.... اخوك مستريح البال

[الداهية]

ماهي السيجارة

[الاشعل]

مالك لوا يالخال


بانتظار رمعاتك

[الاشعل]

مالك لوا يالغالي

بانتظار محاولاتك

[نديم طويق]

صح لسانك اخوي الاشعل

وش رايك في بنت المطر

تحياتي

[الاشعل]

صح بدنك نديم طويق

مالك لوا يالغالي

بانتظار محاولاتك

[راعي الوقيد]

العزيز الاشعل
هي رمعة من غير رامع..؟؟
الاماهي
بنت الحلال..!!
قل تم

يسلمووووو

[الاشعل]

مالك لوا يالغالي


بانتظار رمعاتك

[مستور]

صح لساتك
ماهي بنت مخاض او بنت لبون
وتقبل تحياتي

[سلمان النبهان]

هلا .... بالاشعل وصح لسانك ...

الرمعه ... نواة التمر (( الفصمة ))


وانا مادري يمكن والا ....لا ...

[الاصمعي]

السلام عليكم ورحمة الله وبركاته

الاشعل من شفت اللغز قبل ايام طرت علي (لحمة الرجال) الي بالضب ،وقلت ابي اصبر شوي كود ان احد يرمعه خاصه وانت تقول ان اللغز جايك بالجوال

مار هالحين نبي نرسل لك الرمعه وعسى تصيب;)


(لحمة الرجال)

تحياتي

[عذب المشاعر]

هلا اخوى : الاشعل
وش رائك بلحمه الضب
لاتقولى مالك لو ترانى انكسلك بســـــــــــــــــــــاع
تحياتى

[الداهية]

مثل ماقال الاصمعي وعذب المشاعر

[الاشعل]

أولا

يا جماعة السموحة على التأخير بالرد

وثانيا

مشكورين على المشاركة

مستور

ما قصرت على المشاركة ومالك لوا يالغالي

سلمان

هلا بك ومالك لوا ولا تقاطع يا راع البيدز

الاصمعي

عشت

صح لسانك وهي لحمة الرجال

عزالله ما قصرت على صبرك وصح لسانك فضخت عين اللغز

عذب المشاعر

لله ما اقول مالك لوا ابد حتى لو رمعتك من جنب القدة

صح لسانك

اليم

تهقا الرجال دري بي والا لااااااااع;)