المساعد الشخصي الرقمي

مشاهدة النسخة كاملة : هل البنزين بيرخص ؟


الوسي
25-12-2001, 00:43
الحقيقه كنت معزوم الليله على عشاء عند احد الاخوه . المهم احد الموجودين قال حدثني احد موظفي وزارة الماليه ان البنزين بيرخص ؟
دار كلام كثير حول الموضوع .
انا الان اتسائل هل هو فعلا بيرخص والا لا ؟ واذا رخص البنزين حيكون كم ؟ وبعدين وشبيرخص معه بعد ؟ والا فقط هو ؟
وهل هذا معناه سياسة شد الحزام انتهت والا لا ؟
تساؤلات اطرحها في المضيف الاسبوعي لعلها تجد من يعلق عليها .
عبدالعزيز
25-12-2001, 00:56
يارجال أي ينقص الخوف أنه يزيد هالحين

وسالفة شد الحزام الضاهر ننتهي حنا وهي ماأنتهت

أقول مساك الله بالخير ألوسي ....وشلونك
الوسي
25-12-2001, 01:04
الله يمسيك بالنور والسرور ابو صياح
رسالتك وصلت
لا واتوقع بعد انها ماتنتهي الين ماعاد يبقى به بطون
عشان نشد عليها
بس وشنسوي هذا حنا نسمع حكي ولابد من حكيه
وانت وشرواك يثبتونه او ينفونه

عموما اشكرك اخوي ابو صياح

وعلى المحبه
الفيتو
25-12-2001, 16:45
الاخ العزيز الوسي
مساك الله بالف خير يابن الحلال لا تذكرهم ويرفعونه
على فكره شف العجز اللى صار على المملكه واحكم شف بينزل ولا يرتفع والله يستر
سحابة صيف
25-12-2001, 18:49
الاخ الوسي
قبل يومين ابوي فرحان بالخبر ويكدونة
ابوعلي
25-12-2001, 20:48
الوســـي

الله يبشرك بالخير... وانشاالله يرخص البنزين ..والديزل بعد

بس على فكره ...العمليه هذه صارت عدة مرات

يرخص اليوم وبعد عدة اشهر يطلع...بعدين يرخص ويرد يزيد

يااخخخخخخخخخخي :):):) حلالهم وهم احرار!!!

وتسلم لي
مجاهد
25-12-2001, 23:26
اول شيئ الشلام عليكم ورحمة الله وبركاته

يا هلا بكل انسان في هذا المنتدى المبارك

وأعذروني على طول الغيبه لكن الله اعلم بما لدي

انا رأيي بهذا الموضوع انه سوف ينزل السعر لكن تحملوا

الارتفاع في شيئ ثاني وهذا المعروف ينقصوا من هنا ويرفعوا

من هنا

الله يعين
الفيتو
26-12-2001, 04:10
الله يبارك في الوسي اللى طلعك لنا يابوعلي بموضوع البنزين
تدري اجل كل ما اطلع ابي ارش على باب المنتدي بانزين علشان تطلع وتعقب وتكتب مواضيع كا العاده.

[معدل بواسطة ابـــو مـــرزوق بتاريخ 26-12-2001 عند 05:19 AM]
سحابة صيف
26-12-2001, 08:46
جاكم شي
الوسي
27-12-2001, 07:06
الاخوه الغالين قووووووووه

ابو صياح
ابو مرزوق
سحابة صيف
مجاهد
ابـــــو علـــــــــــي

صراحه الان ماهمن البنزين يرتفع والاينزل لان ردودكم تغسل القلب .وبسلامة هالبنزين عنه مانزل .
((( الين ماتخلص كروت التسهيلات اللي معي )))

يااااااااااااخي هم ابخص ياااااااااااخي
نورة
29-12-2001, 02:50
اخواني ابشركم البنزين بيرخص 000 بيرخص


بس عاد تحملو ارتفاع الكهرباء!!!

والماء0000 والشعير بعد!!!!!


سلام
الوسي
29-12-2001, 06:48
حياكي الله اخت نوره
وشكرا لمشاركتك
بس الله يعافيكي حنا نبيهم يرخصون البنزين
منين طلعتيلنا بالكهرباء والماء لا والشعير بعد !
اقول اذا هي اختيارات انا ودي البنزين يظل زي ماهو ولايطلعلنا شيء جديد .
غازي العلي
03-01-2002, 02:40
شكر سواء نزل او صعد (عادي اشيل الهم )
وتعودنا
بس شكلك صاير مري بنزين ولك سوابق بالتوقعات
وعندي احساس من مريتك انه بينزل
الوسي
03-01-2002, 03:46
حلوووووووووووووه
حلوه محارب الخيال
اقول محارب
مانت ملاحظ شيء
يااااااااخي دقق ياخي
ابد ابد مو شايف شيء
اقول ماودك اقهويك فنجال !
حلوه صح
ازين من الدبابه
غازي العلي
03-01-2002, 12:49
كنت غابطك على الدبابه اول

الحين وينك\\\ ريحوك من الدبابه

ومعطينك دله بس اعرف من تقهوي..وكيف اخبر يدك ماش
خلف الرويتع
03-01-2002, 14:18
ياجماعه الخير البانزين لن يرخص

اقولكم بكل صراحه البانزين لن ينزل ولكن سوف يكون هناك بانزين ممتاز وبانزين عادي والعادي سوف يكون ارخص من الممتاز هذي كل السالفه . مصدري العصفوره طبعاً
الوسي
03-01-2002, 15:04
هلا وغلا اخوي ابن حيان

بس والله هاذي تحتاج لتفكير
بانزين ممتاز
وبانزين عادي
ايوووووه زي ( مصر ) يعني عادي وممتاز
بس مصر على فقرها
العادي عندهم ب ( 80 قرش )
والممتاز ب ( 90 ) على مااذكر
والقرش تقريبا هلله
اقول حتى الدول اللي بــــرحـــه وماعندها بانزين ازين من اسعارنا ؟
الوسي
03-01-2002, 15:06
اقول محارب
انت كل مانتبهت لي بشيء طار
اول مهو الرشاش وراح
ثم الدبابه وقلبت الله يذكرها بخير
والحين الدله
الله يستر على دلتي بس
لاتطير ومايبقالي الا الفنجال
فلاح الشمري
19-01-2002, 17:41
ياخوي ياالوسي:
الظاهر انه وززززززززززز طع :)
تحياتي
عبدالعزيز
20-01-2002, 02:32
الله الله الله الله
لهالحين توقعون وماتوقعون

ياناس ماهو نازل ماهو نازل ماهو نازل
مصدقين أنتم
الميزانية ناقصة 45مليار

قولو الله يستر لايرفعونه هالحين
الفيتو
20-01-2002, 13:55
يا بو صياح
الظاهر انه مالنا الا الديزل البنزين يبي يصير 2 ريال مدام المزانيه رايحه وطي ولا اللى زود الطين بلة كرزاي وعبدالله عبدالله حق التحالف الحقد والكراهيه.
هاااه وش قلت
يقولون ان تطرقه الديزل فل مابين 17.5 الى 20 وهااااه ابيع الجيب 90 ونروح نشتري.
عبدالعزيز
21-01-2002, 01:29
يقولون بالصين يصنعون سيارات تشتغل على البخار
يعني تعبيه ماء من الدينمو وتمشي
ماتبينا ننهج يمهم يابو مرزوق
هاه وش رايك
ونجيب لألوسي وحده بعد
بدل الأيكو اللي معه
الفيتو
23-01-2002, 05:03
شورك وهداية الله
والوسي يستاهل من يهدية
الوسي
31-01-2002, 15:35
الغالي فلاح سعد الشمري

شكرا لتواجدك

والبنزين الله بيعين عليه

ــــــــــــــــــــــــــــــــــــــــ ـــــــــــــــــــــــــــــــــــــــ

هلا وغلا بعمدتنا ابو صياح

كيفك ابو صياح

ياااااااااخي انت منجم يااااااااااخي

وشدراك بسيارتي

ــــــــــــــــــــــــــــــــــــــــ ـــــــــــــــــــــــــــــــــــ

اهلين عمو ابو مرزوق

انا من مبدأ مونتي على ابو صياح
\nابتبرع بالهديه لك ابو مرزوق

لان مشاويرك اكثار وماتقضب الارض ابد انت يابو مرزوق

وصايرن بحارتكم تقل سيارة اسعاف بس رايح وراد :) :)
عبدالعزيز
31-01-2002, 17:20
عندي إحساس والله ياألوسي كذا ليه..................مادري
وبعدين وين هالغيبات وين..................هاه............وين
قلت الله يستر لايصير إعتزال ولكن أشوا ولله الحمد
الوسي
31-01-2002, 17:28
لا انا غيبتي احتجاج طال عمرك

لانهم مانزلوا سعر البنزين ! زعلت ورحت اسبوعين لديرة الديزل ( مصر )

عموما كل اخواننا الصعايده بخير ويسلمون عليكم

وماشاء الله مرتهين ووضعهم وشزينه

ونصحوني بالعوده الى الزراعه والرعي يقولون الدنيا ماهي مضمونه

والوظايف زي قلته 0

انا شخصيا اقتنعت وناوي ارجع للديره واشوفلي رشاش والا بندقيه وارش قطعة الارض اللي عندي يمكن ازين من الوظيفه .

تقبل تحيات
اخوك الووووسي
صرخه
01-02-2002, 02:59
والله المسؤلين

قالوا قبل حوالي سبع سنين ان رفعة البنزين مؤقته ووعدونا انهم راح ينزلونه ثاني مره لكن الظاهر انهم نسيوا وبعدها بحوالي سنتين رجعوا ورفعوه .

يعني مايكفي انهم وعدوا طيب كان خلوه على ماكان عليه اوفق واستر لهم

بس اعتقد انهم نسيوا الوعد لكن حنا مانسينا.

ومدام انهم نسيوا من اول هالمره راح ينسون ويرفعون سعره الى ريال وعشرين هلله اذا ماهو ازود , يعتمد على الفتره اللي راح يوعدوننا فيها ولله يستر من تواليها.

وراح نشد البطون الين الواحد يصير زي الجني وهم بطونهم تقول حوامل في الشهر التاسع بس ماينلامون لييييييييييييييه مافيه حبال على قد بطونهم علشان يشدونه





والله من وراء القصد
الوسي
02-02-2002, 03:39
اخوي صرخه :D :D :D

شكرا على تعقيبك الرائع اللي بيخليهم كذا :confused: :confused: :confused:

تسلملي ياغالي

وتقبل تحيات

اخوك الوووووووسي