عبدالعزيز ومحارش لايفوتكم أبو غازي [الأرشيف]

شمالي

02-03-2004, 18:36

كاتب الرسالة الأصلية : ابو غازي

العنيرية كانت اشد بقاع الأرض فرحاً بجمعتكم أيها الاحبة
وقد ازهرت بكم ربيعاً من وراف الحب بعدما اغرقتها يمنى ابا سلطان كرما

ولكم حبي وتقديري ،،،،
أخوكم أبو غــازي

:D

لا وعامل فيها أديب عمنا أبوغازي

الظاهر إن العدوى وصلته :eek:

ابو خليف

03-03-2004, 21:23

؟؟؟؟؟؟

بس عاد ما دام انها شماته بوبو غازي انا معك

ككككككككك|118|

ابو غازي

03-03-2004, 21:39

العنيرية :D

يااالربع ويش هالبلشة راعي الرشاشات هذا يخرع :(
وينقش نقش بدووون نظاراااات بعد :D
والله وربي ماشفته إلا بعد مانقشها منقااااش خخخخخخخخخخخخخ :D
:cool::eek:

شموخ

04-03-2004, 00:13

:):):):)
اعذروه يالربع :)

ابو غازي رجال حيي ومن عجلته نقش خطأ :):)

وترى الحي يحييّك والميت يزيدك ضيم .

تحياتي
اختكم
شموخ

ابو غازي

04-03-2004, 00:58

تكفين ياشمووووخ :(
فكيني من هالبلوى الي منظرن على بالكلاكنشوف:(
لا ومعاتزبهن يبي يخرعنا انا يخرعن هو قبل البواريد ههههههههه :D

أبو مقرن

04-03-2004, 01:10

كاتب الرسالة الأصلية : ابو غازي
تكفين ياشمووووخ :(
فكيني من هالبلوى الي منظرن على بالكلاكنشوف:(
لا ومعاتزبهن يبي يخرعنا انا يخرعن هو قبل البواريد ههههههههه :D
***
أبو غازي..وهذي الثانية يالعشير..والدعوى ماتنرقع..
إتسع الشق على الراقع....:p:p:p:p:p
ياليتك سالم.ن. من هالرد أعلاه.....
أول قلنا (العنيرية )يمكن عجلة..
بس هذي وش تقول به..؟؟
ألا ياريت هو يقالوه( كلاكنشوف)أو (كلاشنكوف)..

المخاوي

04-03-2004, 01:13

ابو غازي

عاد هذي اللي ماتنرقع :D
ابي افزع معك واحورف به يمين والا يسار
مار ماش ماله مخرج :D:D

شمااااااااااااااااااالي

ابو غازي اديب ومن حرصوه الشديد :)
مقدمن حرف ع على ن حسب ترتيب
الحروف الابجديه :D :eek:

اقول شمالي على هونك على شايبنا :mad:
صايرن مجهر على بناخيي >> قامت الحميا :D

مفتاح14

04-03-2004, 01:48

ابو غازي ..

بالله ما كبر راسك عقب كلام شمووووخ؟؟|118|

الا وش رايكم نقلب عنوان هالموضوع ونحطه :

(( صايد ومصيود ))

وكل من حصل لوه غلطه على واحد بلوه مضيف جابه بهاااه وعلق عليه؟؟:p

<<-- يبي يفتح باب للشماتين:D

انتظر رايكم؟

ابو غازي

04-03-2004, 01:53

قلنا نفتك من شمااالي :(
جانا راعي الحدود مطبق :D
ابو مقرن
وربي ماعرف شكلهن ولا اساميهن بعد اللهم زدنا بهن جهل
هههههههههههههههههههههههه :D
خالي المخاوي ;)
قال رقع يامرقع قال ماهناش شين يرقع :D
ماقصرت ياالغاالي
***
(( صايد ومصيود ))
شيخنا المبجل مفتاح 14 ;) راح محارش من عند يده هههههههه :D
السموحة ياخال والله ماشافتك عيني اخلفوني البلايا هذولا مار ويش
رايك تطخهم ياخال :D
إقتراحك ياطويل العمر منتاز وياما تبي تلقا من الغلطاات بس بشرط :rolleyes:
تطلعوننا حنا يالثلاثه وتعفوننا الثلاثه هم انا يامحاتسيك وابو عتيق وشريكي
المبجل رفيق دربي ابو نبهاااان :cool:
والباقي بكيفكم :mad:
:eek:
:cool:

متفاائل

04-03-2004, 01:54

اخخخخخخخخخخخخخخخخخخ:D:rolleyes:

يربي لاتشمت بنا الشامتين هههههههههههههههه:D:D
ماترقع
الله ينهك عنض ونا يبلالا --:Dا الله ينهض عنك ولايبلانا

المخاوي

04-03-2004, 02:05

كاتب الرسالة الأصلية : ابو غازي

خالي المخاوي ;)
قال رقع يارقع قال ماهناش شين يرقع :D
ماقصرت ياالغاالي :cool:

هههههههههههههههه

وهذي اختهن

( قال رقع يارقع قال ماهناش شين يرقع :D )

ابو غازي وشبلاك هاليومين :D:D

اول فازعن لك وهالحين انفرطت السبحه :D:D

المخاوي

04-03-2004, 02:09

مفتاح 14

فكره ممتازه |116| وانا من اول المؤيدين لها
نبي نوسع خطرنا شوي ;)

ابو غازي

04-03-2004, 02:18

اقوووول إنت ثالثهم يالمخاوي
ياشين متى لقطته :D
عاد تصدق إني لقيت البلى الكيبورد عندي بعض الحروف تطنش
حلوووووووووووووووووه تطنش :D
لا تضحكون تروني شايفكم وربي هذا الصحيح :eek:
لا ومتفاءل :(
جاي يشمت بعد وين راعي الوقيد وعبدالعزيز ومحارش :eek:

محارش

04-03-2004, 02:30

^
^
^
احلف ان هالرد انت اللي كاتبه بدون ماحد يغششك :D

لا عاد من جد يابو غازي عندي لكم نصيحه انتم يالثلاثي الكوكباني :D لو ترسلون ردودكم لحدى دوافير المضايف مثلي يعني :D ويصحح لكم وبعدين تنزلونه :D

ولا اقول وش لكم بالكتابه والمنتديات انتم خلوكم متفرجين :D

او اقول يارجال اصلا لو تتركون النت بكبره اصرف لكم مصاريف وبهذله على غير سنع :(

او اقول انتحروا :D:D:D:D

هههههههههههههههههههههههههههههههههههههههه هههههههه

متفاائل

04-03-2004, 02:37

:cool::rolleyes:
ارى لاعدتي ولا جدتي وش هالتفصييد الاقشر

مفتاح14

04-03-2004, 02:39

محااااااااااااارش

الله من زين الحلول عندك:D

رضا الزميلي

04-03-2004, 02:42

كاتب الرسالة الأصلية : ابو غازي
قال رقع يامرقع قال ماهناش شين يرقع
:cool:

أبو غازي

ماعليك منهم

أنت كاتبن صح

بس هم يغيرونهن ويمشونه عليك:D:D:D

أزقرهم وطلع عضلاتك عليهم

و لاتنسى تطير عيونك عليهم

المجهول

ابو غازي

04-03-2004, 02:42

انوااااع التحطيم :o
***
محارشوووووووه :(
راحة ااالشيخه :D
اقوووول فك روحك من ابو نبهااان ;)
تروه جاااااااااااااااااااااااك ياويحك :eek:

ابو غازي

04-03-2004, 02:48

هلا وغلا بخيي المجهول :p
العذر والسموحه ترن ماشفت ردك والله |513|
الله محييك ياالغاالي
مار إنتبه من هالمخرش ترهم يوهقووون الي مايتوهق :D
تحياتي لك

رضا الزميلي

04-03-2004, 02:55

أبو غازي

ماعليك أخوك ذيب<<<<< أو ثريك ماتداني الذيابة|511||511||511|

أجل عندي ماجستير لغة عربية<<<< أنت أطلع من الثانوية ويصير خير

تسان بغيتن أدقق على كتاباتك قبل ماتنزلهن

علشان ما يتشمتون بك هالمقرد!!!!!

المجهول

المخاوي

04-03-2004, 02:56

محارش

هذي اختيارات :D

انا اشور عليهم بما انك تدخلت ;) انهم ياخذون بالراي الاخير :D

سلمان النبهان

05-03-2004, 02:19

افا والله مالقيتوا الا ابو غازي هالحبيب...
اقعدوا عاقلين والا والله يجيكم شي ماسبق شفتوه
وخصوصا الشيخ محارش ترى النفس زينة عليك بالحيل ...
ابو غازي ياجدي انا معك بكل ماملك من قوه ونشاط
خيال الربشا طخطيخ ...............

أبو فيصل

05-03-2004, 02:28

افااااااااااااااااا

لابالله ......الا الوضع متأزم

وصل خيال الربشا طخطيخ ..........افاااااااااااا

اقول عمي ابو غازي ......... المشاهير.دائما توخذ اخطائهم

وبما انك احد مشاهير هذة المضايف .فأعتقد الآمر

عادي ...... يدي تحكن .......:D

هـــلا

09-03-2004, 05:48

:mad::mad: وش فيكم على أبو غازي يا جماعة الخير ؟؟؟ :mad::mad:

أبو غازي
كلنا تحت آمرك
أنت آمر وإحنا نطامر

كاتب الرسالة الأصلية : @.. الــــصــــارم ..@
افااااااااااااااااا

لابالله ......الا الوضع متأزم

وصل خيال الربشا طخطيخ ..........افاااااااااااا

اقول عمي ابو غازي ......... المشاهير.دائما توخذ اخطائهم

وبما انك احد مشاهير هذة المضايف .فأعتقد الآمر

عادي ...... يدي تحكن .......:D

عبدالعزيز

09-03-2004, 07:22

هه هه هه افطن افطن
الا الشيخة يابوغويزي
هاذي بالدم وماهي بالسلب
الله يعز الشيخ محارش
وبن نبهان عني انه لو تغطوه بجركل ذهب ماصار شيخ:p
والقرين بالمقارن يقترن يابوغازي
انت لو تسلم منوه مابك بلا يابو عنيرية:D

ابو غازي

09-03-2004, 15:09

رفيقي رفيق دربي انا وهو شي(ن) واحد
زميلي المهيب ركن ابو نبهاااان :p
هاه ويش رايك دلت تحكن يدي انفذ او ......:D
***
ابو فيصل
هلا والله وغلا
نشكر لكم الوقوف بجانبنا ولكم التحية ;)
قال شــــــــــــيخ :D

المخاوي

09-03-2004, 15:25

ابو غازي

مشاء الله عليكم يدينكم تحككم :D >>> يالله طلعت:D
ولا سويتوا شي لياهالحين:eek: لا فيه تقدم واضح :)

عبدالعزيز

09-03-2004, 15:38

تشوف هالجلغمية يالمخاوي|118|

وانت تشوف هاللي يقول(أنا معك بكل ماأملك من قوة ونشاط)
شفته هاللي تقل فورد 56|118|

شموخ , المجهول , الصارم , هلاوالله وغلا
انتم وش لكم بهالمهترشين ؟؟
اعنبوبليسكم لو هي واقفة على عنيرية نقول ماااااااااااااااشي
لكن معه كلاكنشوف هاذي |118|

بشير اللويش

09-03-2004, 16:57

كاتب الرسالة الأصلية : @.. الــــصــــارم ..@
افااااااااااااااااا

لابالله ......الا الوضع متأزم

وصل خيال الربشا طخطيخ ..........افاااااااااااا

اقول عمي ابو غازي ......... المشاهير.دائما توخذ اخطائهم

وبما انك احد مشاهير هذة المضايف .فأعتقد الآمر

عادي ...... يدي تحكن .......:D

............

ابوغازي

الرجال يقول تحكه يده

انتبه لاتامنه:)

اخوكم الصغير

الراسي

سلمان النبهان

09-03-2004, 17:26

اخي وشقيقي الغالي ابو غازي ...
عزوز هذا يبينا نزرقلوه بليلة ظلما ....
ونتفاهم معه بطريقتنا ( السموري اليابانيه )
الا اذا .... الصارم ابو فيصل يكفله ويخليه يقعد عاقل
والا والله يصير علما ... ماهو يزينه ..
اينعم تهديد وصريح وانطح عن روحك ياعزوز ...
والاخوان الذين ايدؤا الحق معنا ووقفوا وقفة صدق
لهم علينا اننا مانتعرض مواضيعهم ولانحذفه
لمدة اسبوعين والنهايه هي البدايه ..

عبدالعزيز

09-03-2004, 17:58

الله اعلم اني مثل هكا العنز اللي تحفر مذبحه:(
ماشوف احد معي
ذيب شراف وخابره من مبطي
الريال يدهن سيره

الاواقرد حظي
وهو صحيح اني شجاع بس الكثرة تغلب الشجاعة

وينك ياتورا بورا (شمالي) تفزع لي |513|

ابو غازي

09-03-2004, 20:39

انا اعلمك ياتورا بورا ..... شمااالي بهذا يحرج على الفقع مع محارشكوووو :D

http://www.geocities.com/my_page1111/m_s.jpg

شمالي

09-03-2004, 22:44

أبيشر يعزك يالغالي
إنت بس أشر وشف وش نسويبهم أنا والشيخ محارش
لكن عندي سؤالين

ألأول
:س/ علل كثرة إستخدام أبو غازي لحرف الألف بغالبية ردوده مثال ذلك ( أأأأأأأأأأأأأأأأأأأأأأأألسلام عليكم , شماااااااااااااااااااااااااااااالي ) ؟؟

الثاني :

س/ ماهي الصوره اللتي أرفقها أباغازي في رده الأخير ؟

عبدالعزيز

10-03-2004, 00:00

ج1 - هاذي من الدجة طال عمرك:)
ج2 - هي الدجة نفسه :D

والايابعدحيي هالفرة جعلي مااعدمه

بن نبهان , ابوغازي

قلتو لي وش تبون؟؟

سرحــان

10-03-2004, 00:37

السلام عليكم ورحمة الله وبركاته

الــــــبنــــاخــــي

مالك شـــوفه

عزوز جنــــب:mad:

شـــــــمالــي وشتـــــبي مــــن ابـــــوغـــــازي:mad:

ابـــــوفيصــل مايحتاج القضيه عند المحامي ســــلمان

وبعدين ترا يكفي انك تصفح بس....

قناص مــــاهر

الله يرحم منقاش عندك:D

ابو مشاري الشمري

10-03-2004, 00:42

صادوه عزالله صادوه
أقتباس
كاتب الرساله شمالي
يقول

أبيشر يعزك يالغالي

الله يستر
انا دئما أجيبه مطلبه قصدي مطبلة
بالاخطاء
مار أخط عجزي من هالحين

صادوه وهو مايدري((راح فيها عديلي))

شمالي

10-03-2004, 16:21

السلام عليكم ورحمة الله وبركاته

تسلم يابعد حيي على الإجابات المنطقيه

* سرحان * والله أبيله كل خير ماأبيه يصير مثل الرجال

غديه يتماكن عمره مادامه بأول شبابه

* أبو مشاري *

ياأخي تعلم الفصحى وبعدين إحتس يالغالي

أبيشر مصدر لكلمة أبشر وتستخدم لتقوية الجمله خصوصاً إذا بدأت بها الجمله

أما يعزك فكذلك بعد إستخدام مصدر الفعل تستبدل الباء إلى ياء

وهذا يسمونه في اللغه ( أسلوب تقوية الجمل الحديث )

وإذا إنت محتاج توضيح أكثر راسل أهل اللغه وهم سيتولون المهمه وهم :

أ.د.محارش
أ.د عبدالعزيز

أخيك أ. شمالي

عبدالعزيز

10-03-2004, 17:34

أئنتهى بعلمك وفهمك وحنكتك المطاف ليقف على بعض الأميين ؟:D

المخاوي

10-03-2004, 17:58

ابو غازي

تصدق توي عرفت سر طيحت ريسيفرنا :eek::D

عبد العزيز

انا معك ;) بس فكن منهم لياتحاشموا علي :)

عبدالعزيز

10-03-2004, 18:07

أنا اقول ماله الارجاله حبيبيني انت وشمالي

ترونن براس هكا الطعس اللي هنأ ومعي اثنين (أرتسب) وكابس النظارات
لاصار شين ابي ادحدر لكم

خلف الرويتع

10-03-2004, 19:40

شمالي وجعت ابوي

ماتستحي جالسن تسحب في هاشيبان وانت مطوع تعرف ان هذا يدخل في باب الغيبه و النميمه

شمالي انت مطوع احلف انك انت من كتب هذا الكلام بغير مساعده من احد

أبيشر مصدر لكلمة أبشر وتستخدم لتقوية الجمله خصوصاً إذا بدأت بها الجمله

أما يعزك فكذلك بعد إستخدام مصدر الفعل تستبدل الباء إلى ياء

وهذا يسمونه في اللغه ( أسلوب تقوية الجمل الحديث )

وإذا إنت محتاج توضيح أكثر راسل أهل اللغه وهم سيتولون المهمه وهم :

اكيد ان محمد العربي هو من علمك الحجسي ولا انت دبشه اعرفك زين

لعن ابو بليسك عسي ماقول كلمه في مجلس غير تقولي هذا غيبه وهذه نميمه و تحلل لنفسك وتحرم علينا (( ياعويـــــــــــــج ))

عزوز ترك غالي وترى شمالي يبي يورطك

العزوه ابو نبهان لاتخلي ابو غازي

هين يا محارش تبينى نعتزل انت بعدين من تلقي تشمت فيه

ابو غازي

10-03-2004, 20:39

اقووول ... انتم ياجماعة ... كومار :(

لاحد منكم يطري اسامينا انا وزميلي المهيب ركن ابو نبهان :cool:

حنا موكلين اخونا ... ابو عتيق
ولالكم اي كلام نحونا :D مفتاح 14 ... حلوة نحونا ... هي منين جت
لايكون اقتباس ... من عصير الكهرب هههههههههههههههه :D
او يمكن كاتبها .... ابو مقرن ... رفيدز ابو مطير خخخخخخخخخ:eek:

محمد العربي

11-03-2004, 00:13

لا يهمونك يا بو غازي .

شمالي

11-03-2004, 00:23

كاتب الرسالة الأصلية : خلف الرويتع
شمالي وجعت ابوي

ماتستحي جالسن تسحب في هاشيبان وانت مطوع تعرف ان هذا يدخل في باب الغيبه و النميمه

شمالي انت مطوع احلف انك انت من كتب هذا الكلام بغير مساعده من احد

أبيشر مصدر لكلمة أبشر وتستخدم لتقوية الجمله خصوصاً إذا بدأت بها الجمله

أما يعزك فكذلك بعد إستخدام مصدر الفعل تستبدل الباء إلى ياء

وهذا يسمونه في اللغه ( أسلوب تقوية الجمل الحديث )

وإذا إنت محتاج توضيح أكثر راسل أهل اللغه وهم سيتولون المهمه وهم :

اكيد ان محمد العربي هو من علمك الحجسي ولا انت دبشه اعرفك زين

لعن ابو بليسك عسي ماقول كلمه في مجلس غير تقولي هذا غيبه وهذه نميمه و تحلل لنفسك وتحرم علينا (( ياعويـــــــــــــج ))

عزوز ترك غالي وترى شمالي يبي يورطك

العزوه ابو نبهان لاتخلي ابو غازي

هين يا محارش تبينى نعتزل انت بعدين من تلقي تشمت فيه

8
8
8
8
8
8
8
8
8
8
8
بالله واحد يترجم لنا هالجمل الرنانه اللي فوق

لا ومعدل بعد ( آخر تحرير من قبل خلف الرويتع بتاريخ 10-03-2004 في الساعة 22:58 ) أجل وشلون لو ماعدلت ياعمي :D

أبو مقرن

11-03-2004, 00:55

ذتسر لي (مجموعة شيبان.ن. تلاوذ بالفله)..:p:p
هم إنتم..أو أنا غلطان..;):p
***

عبدالعزيز

11-03-2004, 01:39

والله ياعمنا تورشعك ياشمالي والبلا انك ماتقدر تقول شين|118|

واما ابوغازي وبن نبهان ومعهم أنصارهم عن نفسي ترن معتقهم لوجه الله تعالى
مدامك طلبتن

..............
ابومقرن
هذولا هم هذولا هم
مار عندك لرعاية المسنين خله تكومهم تكفى

ابو غازي

11-03-2004, 02:27

ابو مقرن :(
لايكون ذتسر ... ابااااالميخ :D

...

ابو العربي

فكنا من هالبلية هذا ... وربي يالي ياطى عليه برجالتوه الي شفت
مايشبرز خخخخخخخخخخخخخخخخ :D

...

عزوز :(

هالي يوجف بك وشو .... ياحلالي ... إنت والنظارات البشاوري

ترك وطيت ... بالمعجن ... لا وربي نحذفك انا والرجال بسلة القرشة :mad:
ههههههههههههههههههههه :D

شموخ

11-03-2004, 02:46

كاتب الرسالة الأصلية : أبو مقرن
ذتسر لي (مجموعة شيبان.ن. تلاوذ بالفله)..:p:p
هم إنتم..أو أنا غلطان..;):p
***

[HR]

ههههههههههه

ايه بالله شف لك حل معهم عااااااد ياشين هوشة الشيبان تفجع :p:p

تحياتي شموخ

محارش

11-03-2004, 03:00

يا اهل الفله وما اغلاكم من شله :)
اني ارى شيباننا قد استمرءوا ذمي رغم نصحي لهم النابع من قلب ابيض ناصع البياض:D وليتهم توقفوا عند ذمي بل انهم اقدموا وبقلوب قاسيه على محارشة العزي ذلك الوجه الذي يقطر براءة وجمالا ( استغفر الله قبل ما تكتب علي تسذبه ) ثم اخذتهم العزة بالاثم وهاجموا الشاب الطموح شمالي وكأنهم انما ارادوا تحطيم عماد هذه الامه وهم الشباب امثالنا:D .
فإما ان يعينوا خيرا والا فسنطالب بسحب جميع الكميات الموجوده من الفكس وابو فاس الموجوده بالمضايف وحينها لن تقوم لهم قائمه :D

الشيخ المهيب محارش الغالي على قلوبنا جدا والمعروف بطيبته وبطشه :D

نسخه للجنرال العزي
نسخه لقائد الفدائيين شمالي

ونسخه من الموضوع لرعاية المسنين :D

عبدالعزيز

11-03-2004, 03:21

^
^
^
^
ماتنثبر ياوجه الفاطر
يوم انا اتقهوى بك وانت هاف يم عين جدي

يالله هنا حالك حال صدام

والله يعز شمالي|118|

ابو غازي

11-03-2004, 03:30

8
8
8

يوم انا اتقهوى بك وانت هاف يم عين جدي :D
الا ياجدي ... إنت ياعزوز ... كييف ... قلبك ماهو للطمس :D
مالقيت الا محارش تقهواه هذا ماينبلع بالمحاتسين :D
:eek:

عبدالله الجعيثن

11-03-2004, 17:00

جاكم اللي ماتشبرق كذبته

والله العظيم....بدينا

طافن اليوم سوبر رعاية المسنين يبي الاحساء..الوكاد ان معه ثنين.

واحد يقال له جدوا وهذا منفرط على الاخر...ويهذري ويوصي اللي جنبه

تكفى ياجدي المحذوفات لا يفظن عليك بسقايتهن ثلاث مرات باليوم..

والثاني:

على اخر ايامه متولع بالخواطر وبس له همهمه ويقال له عمو..

المخاوي

11-03-2004, 21:07

شمالي

جبتلك وحدتن طازجه على الشركاء الثنين راعين المح....... ؟ :D
عبد العزيز افطن لهم لايخفونه ;)

كاتب الرسالة الأصلية : ابو غازي

قواكم الله الثنين ... ترونا انا ورفيدز دربي (شركي )المبجل ابو نبهان :cool:
قاضبين الصف الأول قبل ابو مرزوق وطختوووووه ههههههههههههه :D

خلف الرويتع

12-03-2004, 15:30

الشيخ محارش

حسبي الله عليك

اني ارى شيباننا قد استمرءوا ذمي رغم نصحي لهم النابع من قلب ابيض ناصع البياض

اما قلب ابيض انشدني انا اعرفك زين (( زبده معز ))

وليتهم توقفوا عند ذمي بل انهم اقدموا وبقلوب قاسيه على محارشة العزي ذلك الوجه الذي يقطر براءة وجمالا

نعم في ذي معك حق عزالله ماظلمت حظك اذا كان عزوز بهذه المواصفات ويش خليت الى سمي الذيب (( سرحــــــــــــان ))

( استغفر الله قبل ما تكتب علي تسذبه )

اقول والله انه كتبه عليك مافيه فكه وكان ماكتب عليك غير هذي ابشر بالخير

ثم اخذتهم العزة بالاثم وهاجموا الشاب الطموح شمالي وكأنهم انما ارادوا تحطيم عماد هذه الامه وهم الشباب امثالنا .

الله يخلف على امه عماده انت وشمالي على الدنيا السلام ماتشوف الدبور كلاً يهجم هذه الامه بسببك انت وشمالي

كثر منها الشباب امثالك انت وشمالي ياشيخ محارش شمالي الاسبوع الماضي بنته تزوجه وانت اكبر من شمالي 3 سنوات يعني بيني وبينك 6 شهور

فإما ان يعينوا خيرا والا فسنطالب بسحب جميع الكميات الموجوده من الفكس وابو فاس الموجوده بالمضايف وحينها لن تقوم لهم قائمه

ابشرك عندي مستودع شريت كميات يوم ازمه الخليج ولازله الكميه موجوده

ابو غازي سلمان لاتخافون جحر الذيب مايخلا

الشيخ المهيب محارش الغالي على قلوبنا جدا والمعروف بطيبته وبطشه

اما بطشه صح اما الطيبه اول مره اسمع فيها صاير ابو عدي على اخر زمن

العزوه الغازي

يوم تطوف الجمس على خط الاحساء ماشفت واحد مربوط على الكرسي الخلفي يسلم عليك بس نفسي اعرف وايش الهودج الي معك واين رايحن فيه

متفاائل

12-03-2004, 16:16

فإما ان يعينوا خيرا والا فسنطالب بسحب جميع الكميات الموجوده من الفكس وابو فاس الموجوده بالمضايف وحينها لن تقوم لهم قائمه

الشيخ المهيب محارش الغالي على قلوبنا جدا والمعروف بطيبته وبطشه

نسخه للجنرال العزي
نسخه لقائد الفدائيين شمالي

ونسخه من الموضوع لرعاية المسنين

:D:D:D:D:D:D

اهب وش لون تلاوصت له :eek::eek: لاوله الا قعطلتهم :D:D

ابو غازي

12-03-2004, 16:32

اقتباس:
--------------------------------------------------------------------------------
كاتب الرسالة الأصلية : ابو غازي

قواكم الله الثنين ... ترونا انا ورفيدز دربي (شركي )المبجل ابو نبهان
قاضبين الصف الأول قبل ابو مرزوق وطختوووووه ههههههههههههه
7
7
7
اماهذي يالمخاوي ( شركي ) انا كاتبها هاكذا ( شريكي المبجل )
الظاهر ان شمااالي مصيبك بالعدوى :mad:
:eek:

سلمان النبهان

12-03-2004, 18:18

انا والله قايلك ياخيي ابوغازي الناس هاذى ماتنعطى وجه ابدا
يالله خذ ....تالي العمر ... يقول الغازي اننا بسيارة دار المسنين
وشايلتنا للاحساء وواحد طايحا على الثاني يهذري بالخواطر !!!!
( والله القهر للحين ماعرف للخواطر ).....
عاد لو حنا يم حائل اشوى شوين ......واستر من الاحساء
**************************************
عاد اسمع محارش توه جاي .... اشك بغيبته وسكتته الفتره الماضية
******************************************

وش رايك اخوي ابوغازي بقشعت الموضوع يم اللى انت خابر
ونخليهم يتقابلون بدون موضوع وش قلت رد على لو بالاشاره
وانا اشيله يدي على قولتك تحكن على قشعتوه .....
****************************************

أبو مقرن

13-03-2004, 00:56

السلام عليكم..
(إبن نبهان)..المويضيع لو تقشعوه..هناااااا..
يلقى من يحرثوه بهذا..
يوم قضبوا طرفوه..والله مايخلونوه..يامااااااا......:p:p
***
يالربع ..
أنا ملاحظ إن (خناق ) هالشيبان..
بس متساهز..ومهاد..وهم كل.ن. متشطرن.ن. عن الآخر..
<<<<< معقد شووووش..:rolleyes:

ابو غازي

13-03-2004, 01:31

فإما ان يعينوا خيرا والا فسنطالب بسحب جميع الكميات الموجوده من الفكس وابو فاس الموجوده بالمضايف وحينها لن تقوم لهم قائمه

الشيخ المهيب محارش الغالي على قلوبنا جدا والمعروف بطيبته وبطشه

نسخه للجنرال العزي
نسخه لقائد الفدائيين شمالي

ونسخه من الموضوع لرعاية المسنين

............

إلى اخي ورفيق دربي شريكي المبجل ابو نبهاااااان

ماعقب هذي سكووووت :(

مار اقشعوووووووه بعد حيي وحطوه بالي تخبر :eek:

المخاوي

13-03-2004, 08:49

ابو سند

وشبلاك عجلن على ..... :mad: ؟
ماهقينا نلقالنا مويضيعن نوسع خطرنا به :)
الا انت جاين مطسس ومطفين الكبس :D
لا وابو غازي كنوه مبشر :eek:
الله يستر منكم غدينا مثل المشردين:D
كل يوم بلنا موضوع :eek:

اقول تسان انتم ملزمين :( اصبروا خلوني
اعض شليلي لاتقشعوني معوه :D

الفيتو

13-03-2004, 10:11

|513||513||513|

الا خل محارش والعزي

ابي العيون اللى تقل عيون شيهانه بتسبد السماء وشافت له صيده وجتك تمشي مليونين بقلب فظيخ وشن هااااااااه وشلون نغت العنيريه

بس حلووووووووووووووووة|118||118||118|

خلف الرويتع

13-03-2004, 15:39

الاخ العزيز ابو غازي

خذ هذا ماكتبه شمالي قبل فنره يعني مايخطي غير خلف وابو غازي وابو نبهان

وقال : انت تزكر حرب 67
قلت : ايه وأنا من ماخلدزت وقته
المهم قال:انا اخوي حارب فيها

ماخلدزت واين تنصرف هذي في أي قاموس

قال:امال ايه وبمعركه تانيه كانت هناك كتيبه كاوايتيه وانت تعرف الكاوايته مشي حالك مش ولابد

بالله يابو غازي هو يتكلم بي لهجه

تجدها على هذا الرابط

http://http://www.shmmr.net/vb/showthread.php?

شمالي والله ان ماعقلت لااطلع جميع فضايحك

ابو غازي

13-03-2004, 16:01

وقال : انت تزكر حرب :D67

المهم قال:انا اخوي حارب فيها
اهب اهب يالمجدف :( جابك ربي على منكس قرونك
هههههههههههههههههههههههههههههه:D
7
7

ايا خلف جدي يابو عتيق ;)

مامهتم(ن) مني غيرك وربي والباقين ... مثل أمس :D

شمالي

13-03-2004, 18:47

السلام عليكم ورحمة الله وبركاته

أبومرزوق أذكر الله تر العين حق

أما شيبان المظايف فإما إن كلام الغازي صحيح وهذا ماأعتقده أو إنكم

تستخدمون أسلوب الخيانيه العلميه في النقل

كاتب الرسالة الأصلية : خلف الرويتع
الاخ العزيز ابو غازي

خذ هذا ماكتبه شمالي قبل فنره يعني مايخطي غير خلف وابو غازي وابو نبهان

وقال : انت تزكر حرب 67
قلت : ايه وأنا من ماخلدزت وقته
المهم قال:انا اخوي حارب فيها

ماخلدزت واين تنصرف هذي في أي قاموس

قال:امال ايه وبمعركه تانيه كانت هناك كتيبه كاوايتيه وانت تعرف الكاوايته مشي حالك مش ولابد

بالله يابو غازي هو يتكلم بي لهجه

تجدها على هذا الرابط

http://http://www.shmmr.net/vb/showthread.php?

شمالي والله ان ماعقلت لااطلع جميع فضايحك

الموضوع هذا عن مصري وكتبته بلهجته

أما كلمة ( ماخلدزت ) فهذي معناه لم أخلق وإرجعوا لقاموس ألأستاد محارش

وستجدون المعنى هناك

لكن أنا أول مرّه أشوف واحد يخطي حتى بالكبي والبيست وشلون يابوعتيق
تخطي بالرابط:D