وين الجمال ؟؟

[الأصيل]

نوّخت نوق الملاعب والجمال=ما بقت بَكره ولا شفنا قعود

ياحسايف وارتخت كل الحبال=غير أنا واقف ومن حولي قعود

[فواز الشبيكان]

بسم الله الرحمن الرحيم

اخواني في المضيف السلام عليكم ورحمة الله وبركاته

آآآآآآآآآآآآآآآآآآآآآآآسف كل الاسف على انقطاعي عن النت
ولكن والله الظروف ولو تعرفونها والله تعذروني
ولكن اكرر أسفي خصوصا للأخ (ابو سلطان )

[فواز الشبيكان]

الاخ //// الشاعر الاصيل



جتك الجمال

استلم



كانك من النوق ياصاحب تعال=بس اظنك من مسحبة الجلود

المضيف اللي لفيته للرجال=به رجالٍ لاتعدى للحدود

[متفاائل]

مرحب بالاصيل ومرحب بالقديمي
جيت اباسجل حضور والتحق مع الصفوف .


القديمي اذا عوضتنا عن مدة الانقطاع الطاق مطبوق :p يمتكن ابو سلطان ينظر لاعتذارك . :eek:

م
ت
ف
ا
ء
ل

[الأصيل]

يالله مقسوم خير ،،، من أوله حرب ،،

*******************************************


يالقديمي ماغلطنا بالمقال=الرجال جمال من عهد الجدود

والحريم بكار والمحذور زال=نغفر الزلات ون زدتم .... نزود

[فواز الشبيكان]

الاخ/ متفائل

يشرفني مرورك

ولاهنت

[فواز الشبيكان]

الاخ الاصيل

استلم لاهنت



النياق اللي عقلته بالعقال=يا الاصيل افرق صدوره والورود

ياالاصيل اليوم اشوفك منتِ ذال=يغفر الزلات ربٍ لك ودود

[ابو غازي]

مرحباً الف بالشعار
الأصيل
***
القديمي
الحمد لله على السلامة نورت المضااايف
***
متفاءل
لاتخليهم
***
ترونا ماسكين الصفوف يالربع ونتابع اول بأول

[أبو مقرن]

القديمي..
عودا حميدا..
***
الأصيل..
تجبرنا على المتابعة...
***
أبو غازي.. ومتفاءل..هو بوه متسان بينكم..
ولا أحط لي صف.ن. لحالي..:p

[الأصيل]

حيا الله جميع المتابعين ،، والشكر لكم ولشاعرنا الكبير ( القديمي )


********************************************************



ما أذل إن صار ممشانا عدال=ون وعدنا ما نخالف بالوعود

ثابتين بعقلنا مثل الجبال=والصدور بوسعها مثل النفود

[متفاائل]

http://bestanimations.com/Careers/Entertainment/Entertainment-02.gif
الاصيل و القديمي
استمرو نحن معكم بالصفوف

ابو مقرن ان ماخذتك الارض نحطك بالعيون ارحب جاي اختر اي الصف اللي تبي

[فواز الشبيكان]

الاخوان
ابوغازي/ شرفني مرورك جدا جدا

ابومقرن/ زي ماقال الاخ/ متفاءل

الاخ/ الاصيل

استلم لاهنت



وصفك الاول خطأ يبن الحلال=تاصف الشعار بالنوق الشرود

يا الاصيل انا ادري عندك راس مال=والغرور اليوم عله بالكبود

[الأصيل]

نكرر الشكر للمتابعين ،،،
القديمي ،، استلم لاهنت ،،

********************************************************


كان معنا بنت ،، تبدع بالسجال=يوم (حسنا) سجّلت ذيك الردود

قصدنا واضح ولا فيه اختلال=والصفوف الواقفه معنا شهود

[فواز الشبيكان]

الاخ الشاعر/اصيل

استلم لاهنت


ناقةٍياصاحبي مدري غزال=بس اظنه ياعميل من القرود
يا الاصيل اليوم لله الكمال=اعسف القيفان والمعنى سنود

[الأصيل]

علمنا بالخافي الغامض محال=مدري إنه فاطمه ولاّ حمود

ما ظهر غير البراقع والشيال=ياعسى الغشاش معنا ما يعود

[متأمل]

وينك يا القديمي شغلتنا عليك عموما الله يحييك

ولا هنت يا الأصيل فعلا على اسمك

سجلوا حضوري وإعجابي

=ياالأصيل ماعاد فيه حسناء انطلوها الله يسامحهم والحقيقة انا فقدناها وفقدها المنتدى .

البركة في الموجودين امثالكم ابيات تستحق الاشادة فعلا لي ملاحظة واحدة وهي اني اصفق لكم من اول ماقريت الردية

[الأصيل]

الأخ العزيز : متأمل ،،،

لاهنت يالغالي ،، أتشرف بأمثالك وأمثال الإخوة عندما يشاركوننا بمتابعتهم ،،

وإنتم الخير والبركه ،،،

والحقيقة يامتأمل ،، أنا متأمل أشوف إبداعكم عبر هذا المضيف الرائع ،،

[الاصمعي]

السلام عليكم ورحمة الله وبركاته

محاوره جميله وجزله

القديمي الحمد لله على السلامه

الاصيل اسم على مسمى سجلني احد المعجبين بشعرك وردوده المحكمه

كنت متابع لكم من البدايه ولكن تأخرت بالتوقيع كسلاً فقط.

لكم اعجابي واحترامي

[الأصيل]

وأنا أسجل إعجابي بالأصمعي ،،،

دائماً أتابع سيل قلمك ،،،

[فواز الشبيكان]

الاخ /متأمل / الله لايشغلك الا بطاعته وتسلم



الاصمعي / الله ايسلمك واشتقنا



الاصيل يعطيك العافيه ولا تواخذنا ولك مني شهادة حق لعبك روعه

[الأصيل]

شاعرنا وأستاذنا الكبير / القديمي ،،،

ماعليك زود ،، ولي الفخر بمشاركة أمثالكم من الشعراء الذين أستفيد منهم ،،

بلا مجاملة أرجو أن تسجل إعجابي الشديد بكم ،، وأتمنى إنك تقبل هالكليمات





شعرك مزون(ن) وافقت أوّل الوسم=بدّلت في نظمك من الجدب للريف

ونا كلامي يوجع الراس والجسم=شعري على وصف العرب مزنة الصيف

فرز الوغى لاقربت ساعة الحسم=تبدع بلعبك يالقديمي على الكيف

( قديم ) ( يم ) و ( مي )ياقسم الاسم=أحسن حروف وصاحبه خير حرّيف

رسمت خط الفوز بالملعبه رسم=ياحيف مثلك نادر الشبه ياحيف


( مي ،، يعني الماء )

[فواز الشبيكان]

الاخ/ الاصيل

والله ماعليك زود واعذرنا من القصور


قافٍ لفاني ياعرب حيل ادسم=من شاعرٍ قافه كما الدرع والسيف
قافٍ يهل اورود وارياح بلسم=من شاعرٍ يشفق على شوفة الضيف
انت الذي تقسم ولا لك يقسم=كلام حق ولابه اليوم تزييف
ماانت من اللي يخلط السم سمسم=انت من اللي يعسف القاف تعسيف
قصيد ابو عثمان ييسم ابميسم=شاعر كبير ولايبي زود تعريف

[الأصيل]

عودة ضرورية للمحاورة ،،،،، مطلوب الرد وبسرعه ،،،،،،،

*************************************************


يوم طاب الكيف نبدي بالسؤال=عن علومن ما بقا معها صمود

من عطاك وصوفنا ؟؟ بالله أسال=آخر الأبيات نسمع به رعود

[فواز الشبيكان]

دام طاب الكيف وهبت من شمال=يا الاصيل اسألني والكايد يكود
الخبر جاني من قروم العيال=ثامر المتعب عسى عمره يزود

[ثامر]

هلله هلله

وش هالمحاوره الرائعه الجميله أنشهد بالله انه تستاهل التثبيت
واعذروني على الرد المتاخر اخواني واعذرني يالاصيل انت والقديمي

تحياتي

[الأصيل]

حياك الله ياثامر ،،،، والحمد لله على السلامه ،، فقدناك من غير شر

******************************************************
شاعرنا القديمي ،،


طاب نومي من جوابن به يزال=هم للسهران والعالم رقود

دقت الساعه وحان الارتحال=اسمح ،، وريّح مجاميع الوفود

[فواز الشبيكان]

الاخ الشاعر الاصيل يعطيك العافيه وما قصرت

وتسلم

الاخ/ مرورك سراحه يرفع الراس انت تووووووووووووووووووحي
ماهو شرطتك

[الأصيل]

تبقى شاعر كبير يالقديمي ،،،والشكر موصول للمتابعين جميعاً

وأعتذر عن كل زلت لسان جاءت ضمن الردود ،،،

أرجو أن تتقبلو تحيات أخوكم ،،،، الأصيل

[سلطان الشمري]

الاصيل....عز يامال العز ,,



القديمي هلا بالغالي..وعوده تغفر الغياب,,



وبصراحه محاوره خياليه وجميله


الله لا يهينكم

تابع

[الشبث]

ماشاء الله عليكم

بالخير يالربع

الله يعطيكم العافيه يالاصيل انت والقديمي





وتقلدوا تحيتي

[فلاح السعد]

إشي انزح شوين يابوغازي ابي اصير بهالفرجه بينك انت وبومقرن


ايـــــــــــه بس يكفي عاد ماهو من كبر هالجسم :)


وألا خلصوا ماعليش احسبه سامري يالربع قلت يبطي :)



حبيت بس اشكركم على هالاشعار الحلوه وصح لسان الجميع

ويعطيكم الف عافيــــــــــــــــــــــــــه

[الأصيل]

هلا وغلا بنبراااس

وابرك الساعات ...

ومرورك شرف ..







والشبث هنا !!!!!
مالك عاده بالمسايير بالمحاوره ..

وأحلى تحيه لك






ويشاركنا عزيزنا فلاح السعد

وتحيتي لتواجدك وتعليقك ..