المساعد الشخصي الرقمي

مشاهدة النسخة كاملة : واقلبي اللي عصر عيد الفطر جظ


محمد العارضي
24-12-2001, 16:13
الاخوه الاعزاء مساك الله بالخير
حبيت اشارك معكم بالقصيده هاذي للشاعر شقير الجذع العتيبي

يقول فيها الشاعر

واقلبي اللي عصر عيد الفطر جظ . جظة يتيم لايع البين لاعـه
توه صغـير وللمشـــاكل تعــرض .امه توفت قبل يكمل رضاعـه
ميتم وغير اليتم ماحالــفه حظ .يبكي ويمسح دمعته في ذراعه
تولته عوبــا تكض الــغضب كــض .توريه نظرات الجفاوالقطاعه
من اللي عسى في الاخره مالهن حظ .حدب الظهور مضيعات الوداعه
ووجدي وجوداللي بدالرجم وانقض .ذكرعليه الرجم فرقاالجماعه
عدا مريح ومــال منـه امتهيــظ .يشعر بغيظه مبعد عن رباعـه
ضامـه عدو لــه علـيه امتغــرض .وهو وحيد ولامعه لو سراعــه
وعظ النجود من القهر والغضب عظ .ومن الزهايدغالي الروح باعه
وا لوعتـي لوعــة قطيــع تعــرض .ملهاب قيض ومبطي في ضياعــه
وردن على عد بعــد ورده انفــظ .واليا معاويده تعاوا سباعه
وداجن ولاجن والظـما شــضهن شـض .ومن اللهابه ناحرن للعــاعه
عليك يازيـن التواصــيف ياغــظ .ياخالطن باه الجمال بدلاعــه
ابو جديل فوق ردفه الــيا قــض .يشدي حريرمسوقين البضاعــه
شقر على هاك الردايف تنقــــظ .يزداد له قلب المولــع ولاعه

المهم التنوين مارضي يجي معي لكن اعذرونا لو مااعجبتكم
الاديب
24-12-2001, 17:19
بسم الله الرحمن الرحيم

محمد العارضي كفيت ووفيت لاهفيت
صح لسان شاعرنا
وتراها ارضتنا وزياده ولاتحرمنا من غيرها
نافع بن طواله
24-12-2001, 17:47
تسلم يمينك يالعارضي
ابو يزيد
24-12-2001, 17:51
الأخ/محمد العارضي

السلام عليكم

مشاركة متميزة وصح لسان الشاعر ولسانك

ماقصر الشاعر قدم 12 بيت وهو يشرح حالته ويبين لوعته وتوجده

وا لوعتـي لوعــة قطيــع تعــرض .ملهاب قيض ومبطي في ضياعــه

وردن على عد بعــد ورده انفــظ .واليا معاويده تعاوا سباعه

وداجن ولاجن والظـما شــضهن شـض .ومن اللهابه ناحرن للعــاعه



لكن على مين يتوجد.

لم يبين على مين يتوجد الا بعد ان اكمل 12 بيتا ثم افصحوقال:

عليك يازيـن التواصــيف ياغــظ .ياخالطن باه الجمال بدلاعــه

ابو جديل فوق ردفه الــيا قــض .يشدي حرير مسوقين البضاعــه

شقر على هاك الردايف تنقــــظ .يزداد له قلب المولــع ولاعه

لكن ياخوي محمدالاحظ ان القصيدة لم تكتمل فليس معقولا ان يتوجد

في اثناء عشر بيتا ثم لايصف محبوبته الا في ثلاثة ابيات ولم يبين

لا لقا ولا فراق ولذلك اتوقع فقط ان لها تكمله ولا انا غلطان وطبعا كلامي

لايقلل من تميز القصيده فقط اردت ان ابين راي وهو توقع لاغير.

اخيرا:

شكر على المشاركة وماقصرت حضور متميز وبانتظار مشاركاتك القادمه وياهلابك.


اخوك

/ابو يزيد
برزان
24-12-2001, 22:56
الا خ العزيز محمد ا لعار ضي
اختيار جيد وموفق ونامل منك نشر مزيد من القصائد والمواضيع لا ثراء المنتدى شاكر ين لك نشاطك في المنتدى
....
وصح لسان شاعر الابيات الشاعر شقير العتيبي
واحد من الناس
25-12-2001, 02:02
بسم الله الرحمن الرحيم

الاخ محمد العارضى 0

لك كل الشكر على المشاركه الرائعه 0


لاتبخل علينا 0 بمثل هذه الروائع 0


ودمت اخا 0

اخوك

((واحد من الناس))
خلف الرويتع
25-12-2001, 19:41
الأخ/محمد العارضي

السلام عليكم

مشاركة متميزة وصح لسانك نطمع في المزيد
محمد الربع
26-12-2001, 09:25
الاخ الغالي/ العارضي محمد



كل عام وانت بخير وشكرا على هذه الدرة المكنونة وشكرا لاخونا


الشاعر / شقير العتيبي وصح لسانك ولسانه


وبلغ سلامي الى نفسك ومن يعز عليك وللاخ الشاعر / شقير



توه صغير للمشاكل تعرض امه توفت قبل يكمل رضاعه


مم

م
م
م
م
م
م
م


عليك يا زين التواصيف يا غظ يا خالط زين الجمال بدلاعة




والل مصيبه زين ودلع



قافية صعبه وقصيدة في قمة الابداع والروعة
محمد العارضي
26-12-2001, 13:38
اخوي الاديب مساك الله بالخير

تستاهل الطيب
وصح بدنك
وتسلم على مشاركتك
واللي عندي ما راح ابخل به عليكم انتم اهل الكرم والخير
ولك تحياتي
محمد العارضي
26-12-2001, 13:39
اخوي قاسي الباس
مساك الله بالنور
والله يعطيك العافيه
محمد العارضي
26-12-2001, 13:51
اخوي ابو يزيد
اولا مساء الخير
وحمدلله على السلامه

وترا القصيدده كامله مافيها نقص وانا سمعتها من شاعرها
وانت تقول مابين لقاء ولافراق

الشاعر بدوي عند بعارينه يوم جاء العيد راح العصر يعايد خلق الله وشاف له بنت مزيونه لا كلمها ولاعلمها ولا واعدها
الرجال شاف زينها ويتوجد عليها مره كنه يتيم ومره كنه وحيد

المهم الشاعر كبير ومعروف على مستوى نجد وله وزنه
لكن هو مايحب الصحافه والاعلام ولا له فيها واظن لو تسألعنه راح تلقى الكثير اللي يعرفونه
وله قصايد كثر الحصى كلها توجد وهاذا بيت من قصيده
وجودي وجود اللي بعد ماحناه الشيب...يبي العز واحداث الليالي يضيمنه
وقصيده ثانيه ومنها بيت
مل قلب حب خله عذاب اله....كل مايطري عليه الوله وني
وفيه قصيده في مصر المهم اكثرها معرفه لكنه شاعر
المهم الله يعافيك وتسلم على المشاركه
محمد العارضي
26-12-2001, 13:56
اخوي برزان مساك الله باخير والعافيه
صح بدنك
وانت تستاهل ولاني مقصر ابشر
وتسلم على المشاركه
محمد العارضي
26-12-2001, 13:59
اخوي واحد من الناس
مساء الخير والرضى
تسلم وانت وشرواك تستاهلون الخير
والله يعافيك
محمد العارضي
26-12-2001, 14:01
اخوي ابن حيان
يالله حيه
ومساك الله بالسرور
صح بدنك
والله يعافيك وابشر
ومشكور على المشاركه
محمد العارضي
26-12-2001, 14:26
اخوي محمد الربع
وانت بخير وعافيه
وتستاهل الخير

بس عندي سؤال لك وللاخوان عن حدا لسند الربع يقول فيه

عزي لعينك ياحباب من سربة تتلي الامير
تسعين عد مهارهـا وتسعين سحاق الذخير

القصه صار فيها جدال كثير ودي لو احد يعرفها مايقصر علينا
لاني سمعت القصه من الاخوان في قبيلة عتيبه
واحب اسمعها ممنكم وابي الحدا كامل والله يعافيكم