زيد وعبيد وحصه ؟؟

[فيصل اللويش]

بسم الله الرحمن الرحيم


لعبه شعريه تتكون من ثلاث اشخاص



الاول 0000 زيد


الثاني 000 عبيد


الثالث 000 حصه


شروطها


ان يكون لكل شخصيه شاعرين على الاقل

وهي عباره عن مساجله شعريه بين الاطراف الثلاث


وانا سوف اقوم بدور زيد فمن يشاركني هذا الدور

ومن هم الشعراء الذين يريدون ان يتقمصوا شخصية عبيد

ومن هن الشاعرات اللاتي يردن تقمص شخصية حصه




والمشاركه كالتالي

بعد ان نتفق على عدد اللاعبين يقوم زيد بكتابة ابيات يرد عليها عبيد ومن ثم حصه ترد عليهم وهكذا كل شخصيه بدورها


فمن يريد ان يلعب مع زيد اسف فيصل اللويش فليرفع يده



اخوكم0000 زيد ;)

[مجموعة إنسان]

احم احمم :rolleyes:


لعبه حللللوه من النوع اللي يستهويني


بس ودي أعرف عن نوعية المساجله فإذا فيها اطلاق صواريخ

ومشاجرات فأنا ابي اقضب الباب :p

وإذا هي سلميه فسجلني مع فريق حصه .. :cool:

بس شمعنى اسم حصه بالذات ؟؟ << ممشكلني هالاسم

لكن حصه حصه عادي .. :rolleyes:

اللـــــه يخارجنا ..



تحياتي،

[الجازي]

أنا دربي درب مجمج ,,,,, يعني حطوني حصة ,,الا انكانه ينفع تحطوني عبيد ترى ماهي شينة |118|

[فيصل اللويش]

الرائعه

مجموعة انسان


لاتخافين مافينا من صواريخ


وعلى قولة المصريين ( اللي يرشك بالميه ارشه بالدم ;) )


وهي لعبه جدا مميزه وتوسع المدارك


الرائعه


الريم



شكرا من القلب للمشاركه معنا وانتم يااهل الفصيح وربي تخرعون الله يستر بس



على العموم الان اتضح لنا شخصية ( حصه ) وهي كلا من مجموعة انسان والريم وهن شاعرات لايشق لهن غبار

وشخصية ( زيد ) انا وباقي لي شاعر واحد

اما ( عبيد) فلم يتضح للان من هم الشعراء


فلننظر كم يوم قبل عل وعسى يجينا احد




اخوكم000 فيصل اللويش

[عريبة جد]

شاعرنا فيصل ..

نبي نورة علشان يكمل الصف :)

أخواتي مجموعة انسان والريم سبقوني :mad:

وش قلكم اخذ عبيد :rolleyes:

[فيصل اللويش]

الاخت

عريبة جد


اهلا وسهلا


من وين بالله نجيب لك نوره ;)


على العموم انتي ضمن شخصية حصه لانه يجوز اكثر من شاعر لكل شخصيه ولو ترجعين للموضوع انا قلت على الاقل شاعرين


فالان انتي ضمن شخصية ( حصه ) مع مجموعه والريم


ولننتظر الاخ عبيد الظاهر محد من الشعراء وده يمثل هالشخصيه




اخوكم000 فيصل اللويش

[متفاائل]

هلا فيصل
يالله حيوووه من طول الغيبات جاب الغنايم
فرصة ني نسلم عليك اول .
وبعدين كان انت تهقى اني انفع معكم ولا انتم عجلين . لاني من اليوم حتى يوم الجمعه غير متواجد .

اجمل تحيه

[فيصل اللويش]

الغالي


متفائل


اي غيبات ياشيخ الظاهر بجيب الربع يمكن رجعوا اللي بك اول


مضيف الشعر ومضيف الاهداءات ومضيف الشعر الفصيح والدكه ومضيف الخواطر وهنا كلها متواجد فيها بس مو منك من الربع اللي معاك


وعلى فكره تراك تنفع ( عبيد )


والان اصبح لدينا الشخصيات الثلاث



ولننتظر البقيه




اخوك000 فيصل اللويش

[سنجار]

السلام عليكم

فكره جميله جدا

نتمنى لكم النجاح

والتوفيق

ونحن من المتابعين

[متفاائل]

ابو طلال
هلا وغلاء ومرحبا بك
شف من هذه الناحيه مادري اشوف نوب ياقبلت على حروتك :D
يصير معي خفه مار اقول اغديه من هالبرد علينا او انه عجوز مابه جهد وانت بعد الله يهديك متعولطن بهن خوش فزعت متكاثرن النصيب ماتشوف مايجيك احد كل اكثر الربوع ترهم ماهم بعيد عني بس ماهم مدركين الامر :D

يعني انا عبيد خير احاول استوعب الفكره لو اني مادري انا اقوى اصل او لا نوب انصفر ولا افيق الا انا بلي مضيف اخر

تحياتي لك

[ابو غازي]

احم احم :(
هلا وغلا بالشاعر الكبير والقدير
فيصـــــــل اللويش
انا جيتك ياطويل العمر والبقا والسلامة
مدربين رواسي تقل راس كمخه مادري وشي السالفة
مار الله يعينك علي انا والي مثلي
الحقيقة الكذب خيبه انا ياشفت هالذيابة والله إني إنخرع
مار حشيت ضلوعي وقلت درب المليحا درب ويلده
***
حنا نبي نشارككم والي تقولون حنا مانخالفكم
من صميم القلب نشكرك على هالمجهود االراائع
***
يرتجف ذروق مايداني الشعار :D

[بتول آل علي]

ما يصير جذي


يعني احنا ماالنا الا خيار وحيد؟ |513|

:mad:

[فيصل اللويش]

الغالي
سنجار


الغالي
متفائل


الغالي

ابوغازي


شكرا من القلب للوقوف معنا والمشاركه



الشاعره الدهور


شخصية حصه ممكن ان تصبح لااكثر من شاعره



والان بعد الاطلاع اتضح الاتي وبعد التغير لقلة الشعراء المشاركين


الشخصيات كالاتي

زيد 0000 فيصل اللويش و مجموعة انسان

عبيد 000 متفائل و عريبة نجد

حصه000 الريم و الدهور


اذا كنتوا موافقين على هالتقسيمه عطوني رأيكم حتى نبتدي اللعبه وسوف اشرح لكم التفاصيل ولكن بعد الموافقه


انا باانتظاركم



اخوكم000 فيصل اللويش

[متفاائل]

يا زيد . مساء الخير
اذا كنتوا موافقين على هالتقسيمه عطوني رأيكم حتى نبتدي اللعبه وسوف اشرح لكم التفاصيل ولكن بعد الموافقه .

وش رايك اتشرح لنا اللعبه لان معرفتنا بكيفية اللعبة تجعل كل منا يعرف امكانياته ومن ثم يجيك علم .

[سرحــان]

ابـــــــو طـــــــلال


انا جيت اسجل المتابعه


واشكرك علي الفكره الرائعه


واشكر جميع الاعضاء المشاركين


واتمنى لهم النجاح انشاالله.

الحمدلله مالي محل.

. . . . . مايعرف...

تقبلو تـحيـاتـي
سـرحـان

[سنجار]

يالربع جيت أسجل

وان شاء الله ما اكون تأخرت

أي أسم مايهم زيد وعبيد

متأخر ويتشرط::)

[الاصمعي]

السمي انا جيتك:)

سجل اسمي;)


كلنا زيد كلنا عبيد>>>>>وحصيصه ملزوم تهيييييييييييد:D


تحياتي

[سرحــان]

هــــــــــــــــلابــــــك سنــجار


العزوه ابشر


وهذا المركا خـلنا نتراكا ونسولف


ومتابعين.

[بشير اللويش]

.

اخي الغالي

ابوطلال


بالفعل دون مجامله موضوع رائع

لكن:( ماادري هل سبقني بها عكاشه او لا ؟

يعني راحت علينا لازيد ولاعبيد


سجل حضوري ومتابعتي

اخوك وتلميذك الصغير

الراسي

[فيصل اللويش]

ماشاء الله تبارك الله


كلكم راح يكون لكم مكان بين الشخصيات


والان بعد الاطلاع سوف نقسم الشخصيات كالاتي


الشخصيه الاولى


زيد 0000 ويلعبها كلا من

1- فيصل اللويش

2- سنجار

3- مجموعة انسان


عبيد 000 ويلعبها كلامن

1- الاصمعي

2- متفائل

3- بشير اللويش


حصه 000 وتلعبها كلامن

1- الريم

2- الدهور

3- عريبة جد


فكرة اللعبه

1- يبدا زيد بكتابة بيتين الاول يسلم على الموجودين والثاني يطلب به من عبيد امرا اي شي يريده بنفس الوزن والقافيه للبيت الاول

2- يرد عليه عبيد بنفس الوزن والقافيه ويلبي له مطلبه او يجاوبه عن سؤاله ويطلب من حصه امرا بالبيت الثاني

3- ترد حصه وتلبي مطلب عبيد بنفس الوزن والقافيه للابيات وتطلب او تسئل زيد امرا وهكذا

4- اي بيت غير موزون او ليس على نفس القافيه سوف يستبعد المشارك به من الشخصيه

5- يتفاهمون بينهم من يلعبون الشخصيه بمن يقوم بالرد

6- لاتترك القافيه ابدا الا في حالة استسلام افراد الشخصيه

7- الفريق الفائز ( الشخصيه ) هو من يغير القافيه بمزاجه


اعتقد ان اللعبه واضحه جدا ومن لديه

1- التقسيمه للشخصيات

2- شروط اللعبه

فليسئل قبل ان نبدا اللعبه

واتمنى من الجميع الموافقه على الشروط والتقسيمه حتى نبتدي اللعبه



اخوكم000 فيصل اللويش

[متفاائل]

سلام يافيصل ولاخوان والاخوات جميعاً
توكلنا على الله بالنسبة لي ما عندي علوم . علومك زينه يازيد

[سنجار]

كاتب الرسالة الأصلية : سرحــان






هــــــــــــــــلابــــــك سنــجار


العزوه ابشر


وهذا المركا خـلنا نتراكا ونسولف


ومتابعين.

هلا سمي الذيب

تسلم يالغالي

أعرفك ذيب مايفوتك شئي

وعلى مايتفقون الأخوان يمديلنا نتراكا ونسولف

[سنجار]

قيصل اللويش

شروط واضحه

وبسيطه

نتمنى للجميع التوفيق

وعلى بركة الله

[مجموعة إنسان]

ماشاء الله

أشوف الموضوع إبتدأ يحمى :cool:

ياسلام والله حمـــاس

ومشكور اخوي ابو طلال على هذه الثقه

وإنضمامي إلى فريق انت فيه شرف لمن هي مثلي وضمان للفوز :o ..


لكن احس اني أنسب مع خواتي في فريق حصه << حبيتهم مره :p


يابنات :
عبيد بن رشيد قال :

إضرب على الكايد ليا صرت بحلااااان
عند الولي وصل الرشا وإنقطااااااعه .. ;)



بنات سمعتن وش قال اخونا الأصمعي ؟ |8|

حصيصــه لازم تهييييييييييد :D


تحياتي،

[مجموعة إنسان]

الفريق الفائز ( الشخصيه ) هو من يغير القافيه بمزاجه


عذرا فأنا لم أفهم هذا البند

فإذا ممكن التوضيح أكثر ؟؟


تحياتي،

[الجازي]

يلوموني فيك يامجموجة |118| يابعد حيي أنتي والله ,, ايه هذا اللي أبيه ,, افتخري انك حصيصه :p لايغرك انك مع فيصل ترى حنا ماننحقر |118| وش حليلنا يعني ارجعي لنون النسوة وخلي عنك الاسترجال ;)

أنا بصراحة أطالب بمجموعة معنا أو حطوا مع حصيصة هيلة أو منيرة ;) وحطوا مجمج فيها ,,

تراني أتكلم من جد والله ,, شينة في حق مجموعة انها تصير مع حزب زيد >>>الله من الشر :rolleyes:

بالنسبة لكلام أخونا فيصل ماعندي اي اعتراض عليه عدا اللي قلته عن مجمج ,,

مجموعة ,,سؤالك عن البند اللي ذكرتيه الظاهر انكان عندي سالفة ان الفريق الفائز اللي ماتعجزه القافية ولا الوزن هو الفريق اللي يطرح القافية الجديدة :rolleyes:

والعلم عند الشاعر فيصل,,

[فيصل اللويش]

الاخت مجموعة انسان

اللي تامرين به حنا حاضرين

وبالنسبه لسؤالك فقد جاوبتكي الريم


اخس يالريم منتى بسيطه;)

و



بعد الاطلاع على الاراء:mad:


شخصية زيد 0000 فيصل اللويش وسنجار

شخصية عبيد 000 الاصمعي ومتفائل وبشير اللويش

شخصية حصه 000 مجموعة انسان والدهور والريم وعريبة جد


والان نبتدي اللعبه والشخصيات الباقيه تتشاور فيما بينها بمن يرد



يامرحبا بالشعر دقه وجله = يامرحبا بحصه واهلين بعبيد

ياعبيد شب النار والبال فله = وزين لنا كيفٍ على كيف ماتريد



زيد ( فيصل اللويش وسنجار )

[الاصمعي]

السلام عليكم ورحمة الله وبركاته
عن اذنكم يامجموعة عبيد ابي ارد على شان مانتأخر عن مجموعة حصه شكلهم متحمسين، انا قريت رد آل زيد من الصبح وانتظرت يبين احد من مجموعتنا ماشفت احد لذلك بعد التوكل على الله اقول:

اهلاً وسهلاً والتراحيب كله= فيمن يقدم سيداته على السيد

وحصيصه نعطيها لغيزٍ تحله=ويش آدمي من خلقته ما رضع ديد



يقولون آل حصه مالهن بالالغاز;)

[الجازي]

بصراحة قررت أرد من راسي قبل ماأشاور البنات لأني مضطرة ما أدخل للمضايف اليوم ومابقى لي غير هالفرصة ,,

عشان كذا وش رايكم حصة كل مرة ترد وحدة عنها واذا خالفت الشروط ماتنطرد حصة نطرد اللي كاتبة باسمها :eek:

الحين أنا حصة ومتوقعة انكم تشوتوني بس مافيه مشكلة تخفيف ورحمة على باقي البنيوات :D


آدم وحواء كان حلي بمحله = هي رمعتي مدري عسى رمعتي تفيد
يازيد أبشكي لك خليل (ن) وخله = عقب الوصال أقفت تجر التناهيد

[سرحــان]

السلام عليكم ورحمة الله وبركاته





زيـــــــــــــــــد




عـــــــبيـــد



حـــــــــصــــــه







الله يعطيـــكم العافـــيه




متابع





تحيـاتـي

سـرحــان

[مجموعة إنسان]

اخوي ابو طلال :

شكرا لك ..



(( وخلي عنك الاسترجال ))
((تراني أتكلم من جد والله ,, شينة في حق مجموعة انها تصير مع حزب زيد ))
|8||8| هذا بلا ابــــــــــوك ياعقاب |8||8|

:eek:

الريــم :

مع إني ولله الحمد إخت رجــال لكني حبّيت انضم لكن مشاطرة لفريق نون النسوة أحزان الهزيمه ... ;) .. :D قمة الإحباط


مثل ماقال عبدالله ابن رشيد لحسين بن مسطح :
إن شلتها ياحسين ثر مابها شين ... ثر الخوي ياحسين مثل الأمانه
ياحسين مايشتك كود الرديين... وإلا ثر الطيّب وسيــع بطانــــه ..


الريــم :

للـه درك ياشيخه ابياتك وربي تهبّل ;)

يالله يازيـــد ..


تحياتي،

[سنجار]

لاتشتكين الهم محدٍ فطن له = في ذمتي حصه ترى جابت العيد

ابسألك ياعبيد والعالم الله = وشهو غزالٍ ماتصيده بواريد






يقولون عبيد ماله بالالغاز


<-------------- دفاعا عن حصه



زيد ( فيصل اللويش وسنجار )

[فيصل اللويش]

وينك ياعبيد


عطاك زيد لغز بالتسعينات يامحمد الدعيع:D:D

[الاصمعي]

بشير اللويش+متفائل (عبيد) اين انتم؟
يالله منهو الي وده يتقدم وترو لغز (زيد) حليل حول المقنعات;)

عندكم ليما نصبح وبعده الوجه من الوجه ابيض:)

تحياتي

[متفاائل]

لغزك اظن الريم يازيد حله = ومحمية المضياف يمنع بها الصيد


ياحصة اعطينا بريق ودله = ونبي قدوع من نما شمخ الغيد

[سنجار]

سمي الذيب

سرحان

تحياتي لك

ويسعدنا متابعتك

[سرحــان]

ســـــنجـــــــــــار



انا مـــــــــــعـــــــــــكم متــــابــــع



زيــــــــــــــــــــد



عبـــــــــــيـــــــــد


حـــــــــــــــــصــــــــــه





الشـــــكـر للجـــــــميـــع

[فيصل اللويش]

والله يأل عبيد منتم بسيطين وفعلا الحل بمكانه


وتراها من أل حصه :D:D:D




ننتظر حصه وش تقول






أل زيد

[مجموعة إنسان]

كفو والله ..


عذرا فأنا لم الحظ تواجد أي من أخواتي هنا

لذا فسأتسلم الدفة نيابة عنهن :)







ابشر بها ياعبيد تمرٍ بسلَّه=ابوي من اللّي مقلطين البغاديد


يازيد ابنصا زيد مابه مذلَّّه=عندك لها يازيد ذيب الاواليد





تحياتي،

[متفاائل]

مسهم بالخير
والنعم بالجميع
الحاضرين من الجمهور
بكم يالـ زيد
وبالـ حصة (حلوه)
وبنا هم يالـ عبيد ( بس حنا الـ عبيد مسكته ) قصدي الاسم:D

صح لسانك يامجموعة الـ حصة


واين الـ زيد هه عندك عندك

[سنجار]

ابشر بها ياعبيد تمـرٍ iiبسلَّـه ابوي من اللّي مقلطين البغاديد


يازيد ابنصا زيد مابـه iiمذلَّّـه عندك لها يازيد ذيب iiالاواليـد

مجموعه

صح لسانك

على الأبيات الرائعه



متفائل:

وبك البقاء

وما عليكم زود

[مستريح البال]

ياسلااااااااااااااااااااام عليكم
فكره ممممميزه
=================
=================
اســـــتمروو فأنتم مبدعووون
ونحن نتابع ونحييييييييييييييي

[الاصمعي]

وينكم يا آل زيد!

[فيصل اللويش]

من العين هذي قبل هذي نفله = ياعبيد وش لك بالرجا والمواعيد

ياعبيد وشهو مثل وصف الأخله = صفين تحمي هـاالليال المراقيد

[سنجار]

ياعبيد وشهو مثل وصف iiالأخله
صفين تحمي هاالليال iiالمراقيـد

صح لسانك

أبوطلال

واللي عنده الحل يتقدم

بشرط يكون من





أل عبيد

[الاصمعي]

عن البق والبرغوث تلبس اجله =ولاتخالفون شروطكم يالاجاويد


ياحصه يوم ان الفصاحه جبلّه= خليك عمرو واضربي بالعصى زيد



يالله فكونا من بشير يوم حديتونا نطوفه :)

[سلطان الشمري]

موضوووووع رايق ياخساره ..تأخرت بقووووه

عبيد _زيد_ حصه


تحياتي لكم موضوع جميل وخاطف ورااايق بقووووه


وتحياتي لك ابو طلال ...وين هالافكار من زمان ؟؟؟

وتمنيت لو انكم مزودينن الشخصيات شوين.....((مقهور)) |8| :(|8|

[متفاائل]

السلام عليكم
يالله حيهيييييم كلهم
عاوتوا نشاطكم. على قو
واين الـ حصـــــــــــة

[بتول آل علي]

يا عبيد سيفي بالشدايد أسله = وقت الصعب رجّال لا تغرك الغيد

و اللغز لك يا زيد بالله تحله = وش هو ذهب ان راح في دربه يزيد؟

[سرحــان]

السلام عليكم ورحمة الله وبركاته


ال زيــــــــــد


ال عـــــــبيــد



ال حصــــــــه




والنـــــعم والله بكم

ثـــــلاثــــــي اكــــثــر رائــــع


تــحـــــياتــــي
ســرحـــــان

[ابو غازي]

لله دركم ياشعارنا
***
بكم نعتز ونفتخر وربي الله يعطيكم العااافية
سامحونا بااالقصوووور يااالربع

[فيصل اللويش]

ووقعت بها حصه



لقد تم اعادة القافيه


1- في المشاركه الاولى لال عبيد تم ذكر قافيه ( تحله )

وفي مشاركة حصه الاخيره تم اعادة نفس القافيه

2- في مشاركة ال عبيد الثانيه تم ذكر القافيه ( الغيد )

وفي مشاركة حصه الاخيره تم اعادة نفس القافيه


وفي هذه الحاله تخسر حصه


وتستمر المنافسه بين أل زيد وأل عبيد



حصه <--------------- طاحت ومحد سمى عليها

[متفاائل]

ما من من هناء واللا من هنا .
اعطو حصة فرصه ان امكن ياريس
كلكم نظر

[فيصل اللويش]

نعطيها فرصه بشرط


انها تكتب لنا قصيدة اعتذار من اربع ابيات على اي قافيه تريد

وتمدح ال عبيد وزيد


;)




أستلم ياعبيد






ماتنغفر بالشعر غلطه وزله = ولاينبني بيتٍ بليا عواميد


لومات غصنٍ ماحيا لو تبله = ياعبيد وشهو عقب حزم الجلاميد

[متفاائل]

انت الامير وطاتك نمتثله = والراي رايك سدد الراي تسديد


الحزم قبل ايام انا مشملله = وصلت حتى اجلاعده مع جليعيد

[بتول آل علي]

كاتب الرسالة الأصلية : فيصل اللويش


فكرة اللعبه

1- يبدا زيد بكتابة بيتين الاول يسلم على الموجودين والثاني يطلب به من عبيد امرا اي شي يريده بنفس الوزن والقافيه للبيت الاول

2- يرد عليه عبيد بنفس الوزن والقافيه ويلبي له مطلبه او يجاوبه عن سؤاله ويطلب من حصه امرا بالبيت الثاني

3- ترد حصه وتلبي مطلب عبيد بنفس الوزن والقافيه للابيات وتطلب او تسئل زيد امرا وهكذا

4- اي بيت غير موزون او ليس على نفس القافيه سوف يستبعد المشارك به من الشخصيه

5- يتفاهمون بينهم من يلعبون الشخصيه بمن يقوم بالرد

6- لاتترك القافيه ابدا الا في حالة استسلام افراد الشخصيه

7- الفريق الفائز ( الشخصيه ) هو من يغير القافيه بمزاجه


اعتقد ان اللعبه واضحه جدا ومن لديه

1- التقسيمه للشخصيات

2- شروط اللعبه

فليسئل قبل ان نبدا اللعبه

واتمنى من الجميع الموافقه على الشروط والتقسيمه حتى نبتدي اللعبه



اخوكم000 فيصل اللويش

لا لا لا ما يصيررر... ما ذكرت من ضمن الشروط عدم تكرار الكلمة |8|

>>>> تبي ترقعها |513||8|

لا ما يصير على الاقل طلعوني أنا بس خلوا الباقيات مالهم ذنب، أنا اللي كاتبة الأبيات !!!

و بعدين ترا هذاا مب من ضمن الشروووط :mad:

[سرحــان]

السلام عليكم ورحمة الله وبركاته



ابــــــو طـــلال


اتمــنى وجــــــود الجمـــيع اذا امكن والفـــرصه طيبه



الدهــــــور انشاالله حتى انتي معهـــم



وابـــوطـــلال يهمـــه نجـــــاح المشاركه



اتمنى لـــكم التــوفيق

[الجازي]

يقولون الحاجة أم الاختراع :D وهذا هو اختراعي ;):


قالوا لحصة تعتذر = عذر (ن) معه مدح (ن) لنا
يازيد لا لاتنتظر = مدحي لكم ياأهل الثنا
أنتم لنا ورد وعطر = وشلون أبمدحكم أنا
خلوا حصيصه تستمر = وان كان جاء منها العنا


وش رايكم بس في الدبلوماسية :p

عاد الحين عقب هالرضاوة أبناقشكم في طردنا :mad:

أولا // مثل ماقالت الدهور الشرط اللي طردتونا بسببه ماكان موجود ضمن الشروط :mad: مع اني كني أذكر انه مار علي بس مدري وين؟؟:eek:

ثانيا // كلمة الغيد في رد الدهور يختلف معناه عن الغيد في الرد اللي قبله >>>والله مدري أي رد :D ,, عاد وشو نوع الاختلاف مدري لأن هذا مب كلامي :p كلام الشيوخ والشيوخ أبخص ;)

ثالثا // وهو المهم :mad: شكل زيد توهق بحل لغزنا وخاف انه ينطرد :eek: عشان كذا لزقها في حصيصة الضعيفة :mad:

رابعا // تعوذوا من إبليس وخلونا نرجع ترى مالكم طعم بدوننا ;)

خامسا // شكرا على المكرمة الملكية بالسماح لنا بالمشاركة من جديد :rolleyes: >>>>> والله النشبة :D

سلام

[بتول آل علي]

مشكووورين كل اللي وقفوا مع حصه و ساندوها في أزمتها

و افترااء الطرف الثاني عليها :eek:


الريم انزلي تحت شوي
















































قلت الريم بس :mad:
























يعني لاااازم تمدحينهم؟

كنا بنرجع من غير مدح نظرا للأسباب اللي ذكرتيها

لا و كله و لا السبب الثالث، زيد ما عرف يحل اللغز |118|

كنا خلينا المدح للأزمة الثانية |513||118|

بس يالله... نخليها صدقة لهم |513|

و احنا نكمل اللعبة >>> بكيفها رجعت نفسها :p

[مجموعة إنسان]

:p إيــسسسس فيــه ؟‍‍! :p



الدهور والريم ياعيني حنّا بس خلوكم منتبهات تراهم واقفين لنا على الحبه

:p


فعلا الشرط ماكان موجود ..



شكرا للتخريعــه اخوي ابو طلال :)

شكرا للفزعه اخوي متفاءل :)


وتبقى حصــه أبيّـه <<< إيـــه بالمررررره :p



تحياتي،

[مجموعة إنسان]

بعون الولي ناصل مالا احدٍ وصلّه=وابياتنا تمشي معاكم بتجديد


ابطلبك يازيد لاتقول للّه=إنشد لنا لحن السموحه بتنشيد







مع تحيات فريق حصه :)

[الجازي]

ابعد حيي يامجمج يلوموني فيتس ;)

>>>>>>>>> ماحقدت على زيد أبد |118|

[متفاائل]

كاتب الرسالة الأصلية : الريم
يقولون الحاجة أم الاختراع :D وهذا هو اختراعي ;):


قالوا لحصة تعتذر = عذر (ن) معه مدح (ن) لنا
يازيد لا لاتنتظر = مدحي لكم ياأهل الثنا
أنتم لنا ورد وعطر = وشلون أبمدحكم أنا
خلوا حصيصه تستمر = وان كان جاء منها العنا


وش رايكم بس في الدبلوماسية :p

عاد الحين عقب هالرضاوة أبناقشكم في طردنا :mad:

أولا // مثل ماقالت الدهور الشرط اللي طردتونا بسببه ماكان موجود ضمن الشروط :mad: مع اني كني أذكر انه مار علي بس مدري وين؟؟:eek:

ثانيا // كلمة الغيد في رد الدهور يختلف معناه عن الغيد في الرد اللي قبله <img alt src="images/next.gif" border="0" width="6" height="9"><img alt src="images/next.gif" border="0" width="6" height="9"><img alt src="images/next.gif" border="0" width="6" height="9">والله مدري أي رد :D ,, عاد وشو نوع الاختلاف مدري لأن هذا مب كلامي :p كلام الشيوخ والشيوخ أبخص ;)

ثالثا // وهو المهم :mad: شكل زيد توهق بحل لغزنا وخاف انه ينطرد :eek: عشان كذا لزقها في حصيصة الضعيفة :mad:

رابعا // تعوذوا من إبليس وخلونا نرجع ترى مالكم طعم بدوننا ;)

خامسا // شكرا على المكرمة الملكية بالسماح لنا بالمشاركة من جديد :rolleyes: <img alt src="images/next.gif" border="0" width="6" height="9"><img alt src="images/next.gif" border="0" width="6" height="9"><img alt src="images/next.gif" border="0" width="6" height="9"><img alt src="images/next.gif" border="0" width="6" height="9"><img alt src="images/next.gif" border="0" width="6" height="9"> والله النشبة :D

سلام
الدهور :eek:
صح لسانك الريم . وشكراً لكي مجموعة

ريم الدهور بتحتضر= قولي لها تصير دهنا
الكسر توه ماجبر = وهي تنتخي اختك انا
لقانون الاشعار نخبر= ماهي وليدة يومنا
نبيه تحلى بالصبر = وفيصل قريب عندنا

[الاصمعي]

اشوف انا حصيصه دموعه تهله = دمعات تمساحٍ جرت كالاخاديد

يازيد يكسرن الخواطر وعله=صويحبات ليوسف وكيدهن كيد


ابو طلال ماعليك من توسلهن ، وحده تحاجج والاخرى تعذر:mad:

النظام نظام:mad:

بس والله يكسرن الخاطر ، تدري خلهن يكملن شوي ويبن يتعبن ;)

الزعل ممنوع :)

[بتول آل علي]

كاتب الرسالة الأصلية : متفاءل
الدهور :eek:
صح لسانك الريم . وشكراً لكي مجموعة

ريم الدهور بتحتضر= قولي لها تصير دهنا
الكسر توه ماجبر = وهي تنتخي اختك انا
لقانون الاشعار نخبر= ماهي وليدة يومنا
نبيه تحلى بالصبر = وفيصل قريب عندنا



وجع |513|

خلااااص يا حصيصة خلونا نطلع بكرامتنا

بلا مذلة زيد و عبيد :mad:

>>> نروح نسوي محاورة خاصة فينا :p

[مجموعة إنسان]

ابداً ولن نرضى سوى العلياءُ ... لو احرقتنا الشمس بالبيداءُ

والاصمعي للقساوةِ يمتطي ... خضراءنا يدعوها بالجرداء

أما علمت أن شعرنا يحتوي ... نار يغطيها بياض رداء << ماتهدد :p



فريق عبيد زين اللي ماانتم بعدنا وإلا كان حطيناكم ببالنا :p



طبعا مزوح ومافيه زعل :p


تحياتي،

[فيصل اللويش]

وربي انكم اثلجتوا صدري بردودكم جميعا


الدهور 000 ماعاش من يذلكم وانا اخوك

مجموعة انسان 000 تامرين امر يالغاليه


الريم 000 شكرا من القلب


متفائل 000 انت دائما رائع


الاصمعي 000 انت رائع بكل ماتحمل الكلمه من معنى



وهذا الرد على ماحدث



في هذه المشاركه والتي خرجت من كل قلبي




مجمع وريمو والدهور وعريبه = خواتنافي الله قبل الاخوه

حنا ذيابه واختنا هم ذيبه = بنت الرجال اللي بها من المروه

تكرار مافات القوافي مصيبه = للشعر قانونٍ ومفهوم جوه

وبعد العذر والمدح ماهي غريبه = لامن دمحنا كل زله وسوه

حصه ترد للشعر والدمح طيبه = من زيد وعبيدٍ ولاهي بقوه

وحنا نتشرف بأختناونعتزيبه = والدمح اسما مبدأٍ للاخوه




وهكذا تعود حصه من جديد



فيصل اللويش

[مجموعة إنسان]

بارك الله فيك اخوي ابو طلال

وهذا هو العشم



لكن إذا أخطأ فريق عبيد لاتسامحهم أبداً البته :D



تحياتي،

[سنجار]

حصه تعود وكل صعبن نذله

ولا همنا لو يكثرون الحواسيد


ياعبيد وش مطلوب قرمن حصله

مدحٍ ومن حصه عكام القواصيد


ال زيد

فيصل اللويش

سنجار

[متفاائل]

لو ماهقينا فيك نخوة وطيبه = وحلم وشهامة مبطي ماهو توه
راع الوفاء يازيد وش ينهقيبه= الا التسامح والعطاء من سموه
حصة بدون اخوه تصبح غريبه = واخوٍ بلايّ منفعه وش تبيبوه




شكراً لك ابو طلال وللجميع ونستونا الليله

[مجموعة إنسان]

الله الله عليكم من مبدعين

اخوي سنجار :

بارك اله فيك




عذرا :

صار فيه لخبطه بالردود

اشوف عبيد ردّ قبل زيد ؟؟


الترتيب ( زيد .. عبيد .. حصه .. )


مدري من هي واقفه عليه الحين ؟؟؟ ‍! :rolleyes:

اتوقع لو المشرف ينزل رد اخونا الاصمعي بعد رد اخونا سنجار تنحل المشكله

ويقف الدور على حصيصــه :cool:


شرايكم ؟

[فيصل اللويش]

لنعود من جديد



ومجموعه معاها حق



الرد عندك ياعبيد على ابيات زيد الاخيره من قبل سنجار


رد الاصمعي يعتبر لاغي لانه سبق زيد بالرد


وتقدرون تاخذون من القافيه حقته لانه لن يحسب;)








فيصل اللويش

[الاصمعي]

حصه

السالفه انا نرد بكيفنا يا آل زيد ويا آل عبيد لاننا ما اخطينا وانتن حسب النظام ، وتحمدن ربكن سامحناكن ورجعتن للمسابقه:D

هالحين ياحصه ردي بعدي ويمشي النظام زي أول:)


مطلوبكم جاكم على غير حِله=يااحلى ثنائي (طيبين ومقاريد)


خطاك ياحصه مسحنا سجله=نبي نراعي (جري الامهار) بالميد


متفائل بعد حيي انت اسمحلي كاني سبقتك بالرد;)

[متفاائل]

الاصمعي

وشو عقبه اسمحلك يعني انا شغلي اكتب وامسح :mad:



ههههههههههههههه امزح ماكتبت والله ولا حرف وابد تمون يالحبيب .


بس الله الله احرص ترهن يضرسن علينا:D:D

[بشير اللويش]

....

اخواني

اخواتي الاعزاء

بكل صراحه موضوع جداً شيّق ورائع


وعذراً على عدم تواجدي

لان جهازي فيه شوي كحه:)

............. المهم ........... ياحزب عبيد ......عز...الله يعزكم

عليهم ..............وكان هاه ماها...ابشروا تروا البرنوا جاهزه:D



بالفعل انكم كفو...............كفيتوا ووفيتوا


اخوكم الصغير

الراسي

[سنجار]

مجموعه

يعطيكي الف عافيه

أشوفك ماخذه موقف من ال عبيد

شكرا لكل من شارك وتفاعل مع هذا الموضوع

وشكرا لكل متابع

[متفاائل]

بشير اللويش

وين تصرف هذي على اي بنك :mad:

واين انت هاه . كود نرجع لقوانين اللعبه اغدينن القاء

به بند(ن) يحرمك :D:D:D


اقول ايشر بسعدك ولا نحتاج برنوا :D



اقول هو معه فشق او لا :eek: كان معه طرفه لنا :D

[الاصمعي]

هلا والله وغلا بآل عبيد الكرام

المهم يالربع انتم خلوا تصفحكم علني على شان نعرف انكم موجودين ونكف ايدينا لانه ليا جاء الدور عندنا ولا شفت منكم احد تقوم تحكن يدي على الرد.

وانت يابو سلطان الله الله بردودنا الي تشوف به خلل ولا قافيه مكرره استخدم صلاحياتك وصلحه قبل يتولجوننا آل زيد وآل حصه تراهم يدورون علينا الهزعات.

بشير الرد الي يجي لزوم يكون من توقيعك رابط على هالموضوع لين يرد زيد وهمن تولجه.

آل عبيد وبس ولا البقيه تندّس;)

اخوكم الكبير

الاصمعي

[مجموعة إنسان]

برنوووو !؟ |8|


اخوي سنجار آل عبيد هم اللي قابين فينا :p

شف شغلك بهم وانا أختك :)






حديثكم بالحيل طربانةٍ له=حكيٍ عسى يفداه حكي الهرابيد


غصبٍ علي بعلومكم مسفهلّه=يازيد اخاف تهب ريح المناقيد




مع كل التحايا

فريق حصه

[سنجار]

والله أذا البرنو مابه فشق

وتنسيقكم واضح ومكشوف

ماهو بعيد تكونون انتم يال عبيد

الضحيه الثانيه القادمه:)

(حرب نفسيه)

[متفاائل]

سنجار:mad:
ياخوي انت من بد الـ زيد متولجنا :D وش تبي من حلقنا يالـ عبيد :mad:

ياخوي ترك راكبه من عسر مفسر مع حصة وحصة ماهي اخت لك من دوننا :D


الوالم يرد يال عبيد انا نفرزن هذا واخاف البط :D:D:D

[الجازي]

ياحليلي وأنا ماأدخل الا اذا راح دوري |118|

مجمج ترى فيك البركة وانا اختك يعني عليك بهم ;)

الأصمعي ,,

كان يدك تحكك ترى ماعندي مانع ترد عني واكتب تحت الرد : أخو حصيصة :D

بس والله من جد ردود ولا أروع ,, سيروا على بركة الله >>>>>مقتبسة من فيلم عمر بن عبد العزيز :p

[بشير اللويش]

..........

قلت لكم البرنو جاهزه....والفشق مايحتاج:)


ياحزب عبيد ..........طاحن عيوني وانا مساهرن هالجهاز تقل مساهرن لي مضروس

ولاحصل يرد زيد:D


المهم تروكم معذورين ان ردوا .....ردوا عليهم والله الله ...اعطوهم القاز


وبكرى وراي مشوار للرياض:confused: .... يعني قد اكون غير متواجد



...ماقصرتوا اول .........فالله الله بهم تالي

اخوكم الصغير

الراسي

[سنجار]

سنجار
ياخوي انت من بد الـ زيد متولجنا وش تبي من حلقنا يالـ عبيد

ياخوي ترك راكبه من عسر مفسر مع حصة وحصة ماهي اخت لك من دوننا


الوالم يرد يال عبيد انا نفرزن هذا واخاف البط

أقتباس من

متفائل


متفائل

طول بالك وخل صدرك صدر شمالي

المقصود هو رفع روح المنافسه والحماس

لأكثر

وان حصل مني تجاوزات غير مقصوده أعتذر منك

وحصه ماهي محتاجه احد يفسر معها

ونحن جميعا أخوه

[الجازي]

شكلكم بتتطاقون عشان حصيصه :o

أقول بلا زيد بلا عبيد أنتم ذيابة وحنا بنات عم الذيابة >>>ماادري وشلون تنجمع ذيبة |118|

المهم ياسنجار ترى متفائل قايلها مزح لاتاخذ الموضوع بجد >>> وش دخلني أنا :p

تراها واقفة عليكم ياآل زيد,,ليتك تعطينا الرد ياسنجار ;)

[سرحــان]

السلام عليكم ورحمة الله وبركاته



ال زيـــد ال عبـــيد ال حـــصه


متــابع

نعـــم الغالي بشير تقـــو ل برنو هــاته لي انا وابـو طــلال




تـــحــــياتي للجـميـــع

سرحـــــان

[الاصمعي]

السلام عليكم ورحمة الله وبركاته

تهقون لو يكون فيه وقت محدد للرد مهو احسن ولي يتأخر عن الرد مده معينه يعتبر خارج المسابقه حتى يبدأ بقافيه جديده ثم يعود وهكذا;)

وش رايك ياسمي الذيب ، اشوفك متصل:)

اقتراح ثاني ليه مايصير الحكم او قاضي اللعبه من خارج المتسابقين ، وليكن سمي الذيب لانه متابع او اي واحد تقترحونه:p<<<<يبي يشيل الصلاحيات من آل زيد بلي هي به:D


هاه وش قلتوا الدعوى ديمقراطيه، آسف قصدي شورى:D

اذا مااعجبتكم اعتبروها سوالف واحدٍ مقابل الكمبيوتر غصبٍ عنه ويبي يقزر الوقت لين يخلص دوامه:)

تحياتي للجميع وتحيه خاصه لآل عبيد ومؤازريهم;)

[الأصيل]

إبداع ،، إبداع ،، إبداع وربي

لاهنت يابو طلال على هالفكره ،، ولا هان كل من شارك وأمتعنا

بلعبة هي أقرب إلى روائع الشعر ،،،

[مستريح البال]

صبحكم / مساكم الله بالخير
بصراحه جهووودكم طيبه ويعطيكم العافيه ...
الاصمعي:- فكرتك بالحيل منتازه
وادهروووو ياجماعة الربع .... واتحفووونا يالنشاما

[متفاائل]

الراسي
شكراً على المرابطة البارحة
تروح وترجع بالسلامه انشاء الله
تحياتي

افا ياسنجار:eek:

هي كما قالت الريم ابداً لاانا زعلان ولايمتكن ازعل
نحن اكثر من اخوان .


الاصمعي .
ماقالوا الاجواد قلنا مبارك

سمي الذيب
الاصيل
مستريح البال
اصالة عن نفسي :o و نيابة عن الـ عبيد الكرام
اشكراً حضوركم المميز والمشجع لهذا الموضوع
تحياتي

[فيصل اللويش]

للريح والمنقود جرم وأدله = والعرف ياحصه سلوم ومعاويد

ياعبيد للاجواد دينٍ ومله = ومهما تطول الأيد من فوقها أيد



أل زيد

[فيصل اللويش]

يازين سوالفكم وربي انها تونس الصدر


على العموم اشكر جميع الشخصيات


وجميع المتابعين


وجميع القراء


وبالنسبه لاقتراح الغالي الاصمعي ان كان ماتبوني حكم:(


اختاروا اللي تبون وانا معكم


لاني انا عود من عرض حزمه وتامروني امر يالغالين



اخوكم000 فيصل اللويش

[سنجار]

متفاءل

حصل خير

ومثل ماقلت

حنا أخوان والزعل ممنوع

الله لايجيبه:)

نيابتا عن ال زيد

نشكر كل من تابع وشارك

[الجازي]

شكل الدعوى صارت موضة |118|

نيابة عن آل حصه نشكر كل من تابع وشارك ;)

تراني من الصبح وانا احتري رد عبيد وشكلي ماني حاضرته لأني عندي ظرف الليلة :p

مجمج تراك بمحلي يابعد الذيابة كلهم ;) وانكان الدهور صارت فيه بعد تراني أفوضها بالرد :rolleyes:

>>>>>> تكفين يالعمدة :D

تحياتي للجميع

[ابو غازي]

كاتب الرسالة الأصلية : متفاءل
سنجار:mad:
ياخوي انت من بد الـ زيد متولجنا :D وش تبي من حلقنا يالـ عبيد :mad:

ياخوي ترك راكبه من عسر مفسر مع حصة وحصة ماهي اخت لك من دوننا :D


الوالم يرد يال عبيد انا نفرزن هذا واخاف البط :D:D:D
***
ياجماعة االربع هههههههه:D
ترو خااالي متفاءل إحتر رديتروووه وصخن ويامنوه صخن يصيبوووه زيران
ويولع مثل النيران خخخخخخخخخخ :D
تكفووون ولعو بوه :mad: توليع :D
***
اقوووول لله دركم كلن بإسمه والله ونستونا الله يونسكم بالعااافية ;)
اجمل التحايا تطخكم ;)

[الاصمعي]

كاتب الرسالة الأصلية : فيصل اللويش

يازين سوالفكم وربي انها تونس الصدر


الزينه والابداع والله فكرتك يالذيب|116|




كاتب الرسالة الأصلية : فيصل اللويش


وبالنسبه لاقتراح الغالي الاصمعي ان كان ماتبوني حكم:(

اختاروا اللي تبون وانا معكم

لاني انا عود من عرض حزمه وتامروني امر يالغالين



مهو مانبيك حكم الا نبيك ونص، لكن يابو طلال انت قلبك رقيق:p شفك تراجعت عن آل حصه على جرمهم الي مايغتفر;) اضافةً انك عضو بآل زيد وهذا يعني ان ذنبهم مغفور مايبقى قدامك إلا آل عبيد (لكم الله ياآل عبيد:()

وبما انك موافق وحنا ياآل عبيد موافقين (آل حصه مايحتاج نشاورهم مقروصين ويبون فراق الحكم) اذاً تصرف يامعزبنا وشف لنا حدا هالذيابه الغير مشاركين معنا يمسك التحكيم.

وبما ان اخونا محارش ماله شغل هاليومين عقب ماتهدمت دكته:o ، فأنا اشوف انك تعرض الامر عليه اغديه يوافق على التحكيم ولا باس انك تحدد صلاحياته على شان مايتفرعن ويطردنا كلنا ويجيب مجموعاتن جديده بمكاننا;)


جزيل الشكر والتقدير لجميع المشاركين والمتابعين

آل عبيد وبس والباقي يندّس|116|

الزعل ممنوع

تحياتي واحترامي

[متفاائل]

يازيد سل السيف يازيد سله= واقطف بنا يازيد الانفاس بالبيد
وانا خو حصة كلمتي صاينله= ياقال كلمة مايدور الملابيد




الشكر لكل من شارك ولكل من سجل حضوره ولكل متابع


ابوطلال مايحصل تلخص جميع الابيات بعني تجمع نشوفه خوفاً من التكرار
لان دورته تتعب

[فيصل اللويش]

الغالي


متفاءل



شكرا للاهتمام



وانا اكلفك بهالمهمه



وكل رد اكتب جنبه اسم الشخصيه وخل كل شخصيه لها لون لحالها ورتبهن ترتيب نستفيد منه



ابلشششششششش يامتفاءل







اخوك000 فيصل اللويش

[سنجار]

اقوووول لله دركم كلن بإسمه والله ونستونا الله يونسكم بالعااافية

أقتباس

من ابو غازي

الله يونسك بالعافيه

وحضورك شرف نعتز به

ونقدره

أما خالك والله أنه خير ماسوابه الذيب

أعطاه واجب يبلش بكتابته أسبوع

الله هم لاشماته:D


الرد عند ال حصه

شدو حيلكم خصمكم مشغول وغرقان لشوشته

[المخاوي]

الاخوان

زيد وعبيد

الاخوات ( اللي مجتمعات باسم حصه ) :)

الله يعطيكم الف عافيه
صراحه ابداع خيالي ;) وتروني متابع لكم لكن الكسل ذبحنا ;)
اللي ماخلاني ارد لكني معكم قلباً وقالباً :)
بس لو انكم ماتبطون بالرد يكون احسن واللي موجود يرد عن خوياه
واشوف الاصمعي يده تحكه من البارح ;) واخو حصه على ماقال ابو غازي
يولع بسرعه :D لاتبطون عليه :)

اَل زيد >> جبل مايهزه ريح ;)
اَل عبيد >> على خط النار ;)
اَل حصه >> سفينه تقاوم الاعصار ;)

ابو طلال الله يعطيك العافيه على هالفكره الرائعه |116|

[متفاائل]

كاتب الرسالة الأصلية : فيصل اللويش

الغالي
متفاءل
شكرا للاهتمام
وانا اكلفك بهالمهمه
وكل رد اكتب جنبه اسم الشخصيه وخل كل شخصيه لها لون لحالها ورتبهت ترتيب نستفيد منه
ابلشششششششش يامتفاءل
اخوك000 فيصل اللويش

ابشر تكرم عينك خيوه ولكن ماريده من هذا وبعد هو ان صاحب المشاركة يقتبس او ينسخ هذه باعلى صفحة رده ويضيف لها رده لكي يسهل علينا فيما بعد صح واللا خطاء

زيد/فيصل

يامرحبا بالشعر دقه وجله = يامرحبا بحصة واهلين بعبيد
ياعبيد شب التار والبال فله= وزين لتا كيف على كيف ماتريد

عبيد/الاصمعي

اهلا وسهلا والتراحيب كله= فيمن يقدم سيداته على السيد
واحصيصه نعطيها لغيز تحله =ويش ادمي من خلقته مارضع ديد

حصة/الريم

ادم وحواء كان حلي بمحله =هي رمعتي مدري عسى رمعتي تفيد
يازيد ابشكي لك خليل(ن) او خله= عقب الوصال اقفت تجر التناهيد

زيد/سنجار

لاتشتكين الهم محدٍ فطن له=في ذمتي حصة ترى جابت العيد
ابسألك ياعبيد والعالم الله = وشهو غزال ماتصيده بواريد

عبيد/متفاءل

لغزك اظن الريم يازيد حله = ومحمية المضياف يمنع بها الصيد
ياحصة اعطينا بريق ودله= ونبي قدوعٍ من نما شمخ الغيد

حصة/مجموعه

ابشر بها ياعبيد تمر بسله= ابو من اللي يقلطون البغاديد
يازيد ابنصا زيد مابه مذله= عندك لها يازيد ذيب الاواليد

زيد/فيصل

من العين هذي قبل هذي نفله=ياعبيد وش لك بالرجا والمواعيد
ياعبيد وشهومثل وصف الاخله=صفين تحمي ها الليال المراقيد

عبيد/الاصمعي

عن البق والبرغوث نلبس اجله=ولاتخالفون شروطكم يالاجاويد
ياحصة يوم ان الفصاحه جبله =خليك عمرو واضربي بالعصى زيد

زيد/فيصل .

ماتنغفر بالشعر غلطة وزله= ولاينبني بيت بليا عواميد
لومات غصن ماحيا لو تبله=ياعبيد وشهو عقب حزم الجلاميد

عبيد/متفاءل

انت الامير وطاعتك نمتل له= والراي رايك سدد الراي تسديد
الحزم قبل ايام انا مشملله=وصلت حتى اجلاعده مع جليعيد

حصة/مجموعه

بعون الولي ناصل مالا احدٍ وصله= وابياتنا تمشي معاكم بتجديد
ابطلبك يازيد لاتقول لـله = انشد لنا لحن السموحه بتنشيد


زيد/سنجار

حصة تعود وكل صعبن نحله= ولاهمنا لو يكثرون الحواسيد
ياعبيد وش مطلوب قرمن حصله= مدحٍ ومن حصة عكام القواصيد

عبيد/الاصمعي

مطلوبكم جاكم غلى غير حله= يا احلى ثنائي طيبين ومقاريد
خطاك ياحصه مسحنا سجله= نبي نراعي جري الامهار بالميد

حصة/مجموعه

حديثكم بالحيل طربانت له= حكي عسى يفداه حكي الهرابيد
غصب على بعلومكم مسفهله=يازيد اخاف تهب ريح المناقيد

زيد/فيصل

للريح والمنقود جرم وادله= والعرف ياحصه سلوم ومعاويد
ياعبيد للاجواد دين ومله = ومهما تطول الايد من فوقها ايد

عبيد/ متفاءل

يازيد سل السيف يازيد سله= واقطف بنا يازيد الانفاس بالبيد
وانا اخو حصه كلمتي صاينله= ياقال كلمه مايدور الملابيد

حصة/

[العنوود]

بصراااااااحه


موضوع جدا شيق


ونشكر المشاركين والشخصيات


وشكر خاص للشاعر الكبير فيصل اللويش على هذه الفكره



ولكن منتم ملاحظين ان أل زيد بس اثنين ؟؟؟؟





اختكم العنوود;)

[بتول آل علي]

للأسف يا عبيد

وقعت في مطب (( حصه ))

و كررت كلمة ( محله ) التي سبق لحصه أن أوردتها في أول رد لها

هذا فيما إذا تجاهلنا استخدامك لكلمات ( سِله و يزيد ) باعتبار أن الرد غير معتبر :(
.
.
.
و هنـا حصه تطالب بالقصاص
.
.

يا للأسف يا عبيد دورك نشله = سهوة و كلنا من عليها مشاهيد

قِله بعالي الصوت يا زيد قله = حصه مَ هِي هينة تاقف بالمراصيد




آل حصـــه

[بتول آل علي]

أفااا يا عبيد


غيرتها قبل ما انشررر ردي

>>>> بس ما قلتوا يصير تغيير الردود

كنت غيرت ردي الاول :eek:

ما عليه واقفتلك بالمرصاااد


:p

[متفاائل]

المخاوي حيلك الله وافي
ابي اوصيك ولا وصيك بسية .
البناخي قله مالحقنا شك به بس لايجي بهاذا يتعب روحه ويدبل قاعة سبدي


العنود يالله حيه
شكراً للحضور والمشاركة


الدهور :eek::rolleyes::rolleyes:

اقول مع من تحكين ياحبيبتي الغضب اقشر تعوذي من ابليس والعنيه وحاولي تقرين البيوت زين :p:rolleyes:

[بتول آل علي]

جلّ من لا يسهو يا عبيد


و الله مااا يضرب بعصا ;)


بس ما عليه نفوتلك اياها |118|

[رضا الزميلي]

آل زيد

آل عبيد

آل حصة

يعطيكم العافية

وتسلمون على هذا النظم الشعري المتميز

وإن كنت أخص صاحب الفكرة أخوي أبو طلال

سجلوني متابع

وأعذروني على التأخير


المجهول

[فيصل اللويش]

شكرا العنوود


بالنسبه لكون اننا اثنين بس ياال زيد لاننا مظلومين:(


وهذا انا ادعوك لتنضمي لحزبنا يالعنوود


شكرا المجهول


ياعبيد وربي ان حصه جالسه لك بالمرصاد


الله يكفي زيد شرها



مع انها مابها شر;)




فيصل اللويش

[فيصل اللويش]

حصه فضحت عبود وسط المجله = والظاهر انه عدل الرد تأكيد


ياعبيد وش رايك بقصرٍ وفله = وتترك لنا الميدان مادامك تعيد







أل زيـــــــــد

[متفاائل]

ههههههههههههه
على مين

اشروطكم يازيد انا فاطنله = مابه لما قلتوه شرط ولاقيد
وان كان بالتعديل يالربع عله = قبل دقايق صار للوضع ترديد

[الاصمعي]

متفاءل
اسم الله منين طلعت لي وانا جالس اكتب ويوم اضفت الرد الا هذا اسمك قدامي ، صدق كذب ياوالله رفيقي خال ابو غازي:D

المهم الرد الي عندي تحفه عسى مااحد ياخذ قافيته;)

محتفظٍ به عندي واي واحد منا للصبح يقول هاه ولا هاه ابي اتولجه به:D




الزعل ممنوع

آل عبيد وبس ولا البقيه تندّس;)

تحياتي

[الجازي]

الدهور والله اني داخلة عشان أبمسك عليه غلطته بس لقيتك بردتي قلبي وكتبتي اللي ودي أقوله;)

لكن دام الاصمعي مع متفائل أبشري بالمكر والخديعة >>>وش رايكم بس في هالجملة تراها متعوبن عليها :D

المهم ترانا نطالب بالقصاص لأنه تم ضبط متفائل بالجرم المشهود وفوق هذا كان عارف الشرط مو مثلنا مادرينا عن شرطكم الا يوم طحنا فيه رحتوا تعلمونا |13|

عاد الجروح قصاص ولانسامحكم الا اذا كتبوا آل عبيد في آل حصّوص قصيدة مدح واعتذار نكاية بهم وبشرط يذكرون أسماء العضوات المشاركات في آل حصه بالتحديد ,,, |118|

الدهور ترى نظرية المسامح كريم ماتمشي مع هالذيابة :p

[فيصل اللويش]

بعد الاطلاع على ماتم ذكره بالقضيه الماثله امامنا ياأل زيد


فقد تقرر الاتي



يجب ان يكتب أل عبيد قصيده من اربع ابيات يختارون لها قافيه ووزن براحتهم ماحنا مكلفين عليهم مدح لا ال حصه ولو تضمنت القصيده بيت لنا ياأل زيد ترانا مانمانع :)


<----------- اخس يالقاضي



بأنتظار القصيده لن يقبل اي رد حاليا الا بعد القصيده المشروطه بالقضيه اعلاه



|511|


فيصل اللويش

[العنوود]

الاستاذ


فيصل اللويش



اتشرف بهذه الدعوه من شاعر مثلك للانضمام ضمن فريقه


وماعندي مانع


بس هل يقبلون الشخصيات الباقيه



انتظر موافقتهم اولا




العنوود ;) ودها تصير من أل زيد

[الجازي]

يوم غلطت حصه نصاها بغلّه = وعيّا عليها تنظم البيت وتجيد
لكن ربي كل ظالم يشلّه = وعبيد ظالم والظليمة تفانيد


معليش فيصل هالرد يقرقع بصدري قلت أبطلعه قبل ماتطلع روحي :mad:

>>>>>>>ماتلاحظون اني طلعت شريرة :D

[فيصل اللويش]

الاخت العنود


نحن جميعا اخوه وجميع الشخصيات فريق واحد


وال عبيد وال حصه رائعين


<----------- يمدحهم على شان يوافقون على طلبك يالعنود


:D:D


الاخت الريم


بطوفها لك تدرين ليش


وربي مت من الضحك ودريت انك مغله على ال عبيد


والدليل


انك قلتي ( معليش فيصل ) تقل اصغر عيالك:D:D:D:D:D:D:D دون اي ألقاب مثل اخوي وخلافه


الله يقطع شيطانك وربي ميت من الضحك:D:D:D:D:D احس اسلوبك حاقده عليهم من قلب



المهم



تقف المشاركات حاليا لين يكتبون القصيده أل عبيد المشروطه بالقضيه الماثله امامنا

<-------- وربي اهبل وانا اتكلم كذا
:cool:



وبعد ماينفذون الشرط أل عبيد ترى الرد عندنا يأل زيد لايتجاوز احد









فيصل اللويش

[الجازي]

المعذرة أخوي فيصل سقطت سهوا كلمة أخوي :o

أشكرك على أريحيتك >>> أتحداكم تقرونها :D >>>متوهقة قبلكم ماعرفت أكتبها :p

تحياتي لك ولجهودك

[الاصمعي]

المدح تستاهله حصه=الي خذت كرسي القاضي
ام الفصاحه غدت غصه=بحلوقنا والحكم راضي
مجموعة زهور مرتصه=حسنات الاخلاق والفاظي1
اعم بالمدح ما خصه=مغصوب يوم الحكم جاضي


1-من لفظ:mad:


نطالب وبشده بحكم حيادي:mad:


الزعل مرفوع

آل عبيد وبس ولا البقيه تندّس<<<الشعار الي بيجيب فينا العيد;)

تحياتي

[الجازي]

:o:o:o

ايه ياهيك الحكي ياإما بلا ;)

الحين نواصل المسير بس عقب ماأخذ لي غطة :p

[فيصل اللويش]

العقد زينه ترى بفصه = من دون فصه ترى فاضي

والمجتمع زاهي بنصه =ترى النسا كالنجم تاضي

والعقل لامن غدى وصه =السيف له حدٍ وماضي

ياسيدي وشهي القصه = ومنهو خذا كرسي القاضي



ردا على أل عبيد عندما يتهمون القاضي بالميل مع أل حصه

ياال عبيد القاضي مرن والمرونه مطلوبه :D:D:Dيالبدو


وبعدين ان جينا للحق نفس غلطتهم انتم ارتكبتوا والحق حق:mad:



فيصل اللويش

[فيصل اللويش]

يال عبيد


يال حصه


وشرايكم بأشتراك العنود معنا موافقين والا لا



لان حنا يال زيد :(اثنين بس وربي مظلومين ترانا



عطونا رايكم واللي تامرون فيه 0


وبعدين راح نقفل هالمتصفح ونفتح متصفح جديد ونسميه الحلقه الثانيه من زيد وعبيد وحصه

عطونا ارائكم لان اذا كثرت الصفحات يصعب على المتابعين القراءه والمتابعه وهذا الموضوع يقفل ويثبت ويسمى الحلقه الاولى من زيد وعبيد وحصه ونكمل بالمتصفح الثاني على نفس الشروط والشخصيات




باانتظاركم






فيصل اللويش

[الاصمعي]

لعيونها قيل ماتمصه=بنت ابن هذال بالماضي
يافيصل الهرج لاتقصه=سوالف طوال وعراضي
اخذت حصه وخذ حصه1=دروس والفكر مهتاضي
وافطن للافراح من لصه=الشك لاعشعش وباضي



1-حصة درس;)
السوالف كله مزوح يالسمي وحنا نتعلث نبي اي شي على شان نسويه سالفه.

دمت سالم وغانم انت وجميع المشاركين

تحياتي واحترامي

[بتول آل علي]

أكيد موافقين

العنووود أخت عزيزة و غاااالية

بس لاااازم تنظم لحصه لأنها بنوتة

بس عشانك يا زيد وقفت معانا هذي المرة، فانا شخصيا بعديها



متفاءل :eek::eek::eek::eek::p

[متفاائل]

الاصمعي
الاخ الاكبر ماودنا نتعداك
لكن ترانا مانقبل دخول العنود مع ال زيد الا ان ؟ انت ضع الشرط اللي تبيه ---فرصة ياليت يكون هجاء لحصة -----فتنه والسلام

[متفاائل]

نداء الى
الـ زيد
والـ حصة
من الـ عبيد .


نظراً لكثرة الاختلاف حول التكرار احب ان اوضح الاتي

تشابه كتابة الكلمة بين بيتين لايعني التكرار الا بتطابق المعني مثلا .
وردة كلمة سله ببيوت مجموعه وتعني بها سلة تمر
======سله ===متفاءل ويعني بها سلة السيف
والكثير من الكلمات مثل - حله ، وفله ، وووووو
لذلك يجب التمييز بينها بالصفحة الجديده عندما تبدونها .
وجه نظر وانتم بكيفكم


زيد/فيصل


يامرحبا بالشعر دقه وجله = يامرحبا بحصة واهلين بعبيد
ياعبيد شب التار والبال فله= وزين لتا كيف على كيف ماتريد




عبيد/الاصمعي


اهلا وسهلا والتراحيب كله= فيمن يقدم سيداته على السيد
واحصيصه نعطيها لغيز تحله =ويش ادمي من خلقته مارضع ديد




حصة/الريم


ادم وحواء كان حلي بمحله =هي رمعتي مدري عسى رمعتي تفيد
يازيد ابشكي لك خليل(ن) او خله= عقب الوصال اقفت تجر التناهيد




زيد/سنجار


لاتشتكين الهم محدٍ فطن له=في ذمتي حصة ترى جابت العيد
ابسألك ياعبيد والعالم الله = وشهو غزال ماتصيده بواريد




عبيد/متفاءل


لغزك اظن الريم يازيد حله = ومحمية المضياف يمنع بها الصيد
ياحصة اعطينا بريق ودله= ونبي قدوعٍ من نما شمخ الغيد




حصة/مجموعه


ابشر بها ياعبيد تمر بسله= ابو من اللي يقلطون البغاديد
يازيد ابنصا زيد مابه مذله= عندك لها يازيد ذيب الاواليد




زيد/فيصل


من العين هذي قبل هذي نفله=ياعبيد وش لك بالرجا والمواعيد
ياعبيد وشهومثل وصف الاخله=صفين تحمي ها الليال المراقيد




عبيد/الاصمعي


عن البق والبرغوث نلبس اجله=ولاتخالفون شروطكم يالاجاويد
ياحصة يوم ان الفصاحه جبله =خليك عمرو واضربي بالعصى زيد




زيد/فيصل .


ماتنغفر بالشعر غلطة وزله= ولاينبني بيت بليا عواميد
لومات غصن ماحيا لو تبله=ياعبيد وشهو عقب حزم الجلاميد




عبيد/متفاءل



1
2 انت الامير وطاعتك نمتـل لـه والراي رايك سدد الراي iiتسديد
الحزم قبل ايام انـا iiمشمللـه وصلت حتى اجلاعده مع جليعيد


حصة/مجموعه






بـعـون الـولـي نـاصـل مـالا احــدٍ iiوصـلــه
وابـيـاتـنـا تـمـشـي مـعـاكـم iiبـتـجـديــد
ابـطـلـبــك يــازيــد لاتــقــول iiلــلــه
انـشـد لـنـا لـحـن الـسـمـوحـه بـتـنـشـيـد


زيد/سنجار


حصة تعود وكل صعبن نحله= ولاهمنا لو يكثرون الحواسيد
ياعبيد وش مطلوب قرمن حصله= مدحٍ ومن حصة عكام القواصيد




عبيد/الاصمعي


مطلوبكم جاكم غلى غير حله= يا احلى ثنائي طيبين ومقاريد
خطاك ياحصه مسحنا سجله= نبي نراعي جري الامهار بالميد



حصة/مجموعه


حديثكم بالحيل طربانت له= حكي عسى يفداه حكي الهرابيد
غصب على بعلومكم مسفهله=يازيد اخاف تهب ريح المناقيد




زيد/فيصل


للريح والمنقود جرم وادله= والعرف ياحصه سلوم ومعاويد
ياعبيد للاجواد دين ومله = ومهما تطول الايد من فوقها ايد




عبيد/ متفاءل


يازيد سل السيف يازيد سله= واقطف بنا يازيد الانفاس بالبيد
وانا اخو حصه كلمتي صاينله= ياقال كلمه مايدور الملابيد

[فيصل اللويش]

الغالي


الاصمعي


قسما بالله مازين هالفكره الاخططك وسوالفك والا قبل كانت عاديه جدا


وانا ادري انك تمزح


و عندما رديت عليك هم من باب المزح وربي


الا اذا ودك تسويها سالفه لانكم ياال عبيد بديتوا تحسون بالضعف وتدورون الحجج


ماتمشي علينا:D:D:D:D


كما اننا نطالبك بااعادة توقيعك


وربي انك اغلى من روحي



يالاصمعي هالفشق رصه = وانا بجمع هالاغراضي

لك حبٍ وحب مترصه = لك حبٍ حباله غلاضي

وابليس لايبرم بعصه = ملعون بيديه مقراضي

ان كان انا غاليٍ تصه = ملعون بالسالفه خاضي





والان


نطالبك بااعادة توقيعك

نطالبك بالموافقه على طلب العنود





اخوك00 فيصل اللويش

[فيصل اللويش]

بسم الله الرحمن الرحيم

بعون الله سبحانه وتعالي تم الانتهاء من الحلقه الاولى من زيد وعبيد وحصه

وسوف تقفل الحلقه الاولى ونفتح متصفح الحلقه الثانيه

وانا بدوري اشكر كل الشخصيات

واشكر جميع المتابعين


وجميع من قرأ


وطبعا


الحقوق محفوظه لمضايف شمر






اخوكم000 فيصل اللويش