مطلوب قصيدة أو قصائد مدح لقبيله شمّر

[أحمد المشاري]

اعزائي اعضاء منتدى مضايف شمّر

السلام عليكم ورحمة الله وبركاته

أحد الزملاء طلب مني مساعدة في البحث عن أجمل قصيدة

قيلت في شمّر يريد طرحها في كتابه الجديد..

فأرجو منكم المساعدة ولكم خالص الشكر والتقدير...

أخوكم /أحمد :)

[عبدالله الجعيثن]

هلا وغلا بالخاطر الجديد

احمد

اطلب قصيده معينه وسيلبي طلبك الاخوان.

وسوف انقل مشاركتك للمضيف المختص

سيساعدونك بأذن اللـه.

[أحمد المشاري]

عزيزي الغازي

شاكرلك اهتمامك

الله يطول بعمرك طلبي هو اي قصيده مدح او ثناء على شمّر

وانا بطبعها وارسلها لزميلي

تحياتي لك

[خلف الرويتع]

كاتب الرسالة الأصلية : أحمد المشاري
اعزائي اعضاء منتدى مضايف شمّر

السلام عليكم ورحمة الله وبركاته

أحد الزملاء طلب مني مساعدة في البحث عن أجمل قصيدة

قيلت في شمّر يريد طرحها في كتابه الجديد..

فأرجو منكم المساعدة ولكم خالص الشكر والتقدير...

أخوكم /أحمد :)



هلا وغلا اخوي احمد


نحن في الخدمه بس ممكن اعرف هل تريد من القصائد الحديثه ام من القديمه

الاخوان لن يقصرون

[أحمد المشاري]

شكراً للأهتمام خلف..

قصائد جديدة أو قديمه كلها واحد

تحياتي لك

[خلف الرويتع]

هلا اخوي أحمد المشاري

انا اسف على التاخير بس كنا في المكشات وبعد المكشات انشغلت شوي

تفضل هذا اول الخير اول الخير قطره والشباب اكيد ماريح يقصرون


قصيده الحنيني من قبيلة حرب يمدح شمر

منقول



شمـر مطيـرة الشعـاف iiالحنايـا *** بهم علـى كـل المخاليـق iiنوفـي

اهل الصحون الشدق ماهي نسايـا *** والا نجيش مثل لمـس لحيوفـي

انشد هل العيـرات لاجـوا iiونايـا *** من اللي يهلي قبل عرف الضيوفي?

ودلالهم في كـل واجـب iiركايـا *** ما غيبن عن ضيفهـم لا iiيشوفـي

فنجالهن يغـدي عمـاس iiالخوايـا *** ماهو تنيول صبهـم لـه iiوقوفـي

وركابهم مـن كثـر الادلا iiحفايـا *** كم ذود مصلاح غدوا به شعوفـي

ياما خذوا مـن مغتـرات الرعايـا *** عوض اهلهن صفقهـم iiبالكفوفـي

والله رب العرش جـزل iiالعطايـا *** ما قلتهـا طمـاع ابـي iiمعلوفـي

[فيصل اللويش]

الغالي


احمد المشاري


هذه قصيده لي حبيت ان اطرحها علها تفيدك بطلبك


الطنايا

شمر ليامنه سمك عجها وثار = نفرح ليامن لولشن الهلاهيل
اليا زعلنا تمتلي صورنا نار= واليا ضمينا ماروى كبودنا سيل
واليا ركبنا ماتخرعنا الاخطار =واليا جلسنا مانخاف المقابيل
تصغر لنا وتشوفنا بعينها كبار = واليا انتخينا كالحرار الابابيل
واليا كبرنا بعينها صاروا صغار = قل لابرهه وشهو خذا بغزوة الفيل
لاعجعجت ثرنا لها عج وغبار =وان دندنت موالها نزيد ترتيل
وان كشفت عن ساقها والقدم حار = والله نقط ارواحنا كالمقاتيل
لادلهمت في ويلها نزيد الاصرار = جينا نزيد الويل في وسطها ويل
جينا وجنايزنا على ظهور الامهار = رحنا وتركناها تجر المواويل
حنا الطنايا يامسوسة الافكار = شامن لنا من يلبسن الخلاخيل
وقافاتنا عجزت تسولفها الاشعار = من كثرها ماله وصوف وتماثيل
لو كان للطولات والموت تجار = تجارها حنا ولو يطفح الكيل
حنا لها وحنا من اهلها ليادار = مقضب رحاها ولولشن القناديل
وساع الطعون منومسينك يالاخبار = كبار الصحون مدلهين المعاميل
للقرم بعيون السناعيس مقدار = والخرب ماله غير مس المفاتيل
واليا رفع راسه نقول أش ياحمار = ناطا على خده برجليننا حيل
حتى يعرف الحق ويسوق الاعذار = حنا الطنايا معقلين المهابيل
قولوا لحاتم مابغيته ترى صار = صرنا حواتم طي ذباحة الخيل
يشهد لنا ذيبٍ عوي فوق له غار = والموقده وتاريخنا وتشهد العيل
ماهو قصورٍ بالقبايل والاحرار = جيلٍ وساعه وكل ساعه لها جيل
والحين زال الشر بسيوف الاخيار = وصرنا لبوفيصل فهدنا رجاجيل
يابجاد هات من الحطب واوقد النار = واترك سناها يلمحه طرقي الليل
يمكن يسير تالي الليل خطار = يلقى بياض الوجه يامذبح الحيل
وانفخ لها حل جمرها منه يغار = ثغر المهاة وغيبة الشمس وسهيل
زين لنا كيفٍ يونس هل الكار = كيفٍ ينومس للسهر والتعاليل
للكيف قرم ودله وجمر وبهار = وعيال ماتتعب يديها الفناجيل
عطها النشاما واختر لصبها قصار = من شان ماترفع يديها الرجاجيل
وصبه لاواليد الطنايا وسنجار = شمر ليا عدوا قروم ومشاكيل