مادام الحتسي ببلاش...عبّ..ووزّع بخياش

[أبو مقرن]

مادام الحتسي ببلاش..عب ووزع بخياش:eek::eek:
يالربع..يالأجواد..
أما يجيكم أحد.ن. ينشد عن ذبّاح حدى هـ(الهطق)..؟؟
تروه أناااااا..<<<مهو بسيط.ن. هالجذيع:rolleyes:
1-اللي ليا منهو بغا يدخل خطيب الجمعة..جاك ..
يجرجر شلانه<<(جمع شليل وهو طرف الثوب التحتي..والذي غالبا ماتضعوه في فمك..حين تكون منجوشا أو منحاشا)..المهم..إنه يجرجر شلانوه..ويقوم يتقمز هالخلق هذا يهمزوه مع متنهو..وهذا تسنوه يبي يقع عليه..وكله دورة.ن. لهالتربع بالروضة..
(ياخوي تسانك حريص.ن. عليه ..تعال بدري..)..:):)
***
2-اللي ليامن هالعالمين..صارت وادزفة.ن. عند هالإشارة..جاك طاخ.ن.لو نظارة تغطني كل فودزي وجنتوه..:cool:وعازل.ن. الشويشة على جنب..وإفموه تقل على (سبرنق)..من علوجة هالعلوك..وطخ هالمسجل على العالي..وليتوه من فننا أو حتسينا اللي نعرف..المصيبة إنوه قرشة.ن. بلا غناااااء..:confused:
***
3-اللي يجي وإنت لك ثلاث ساعات.ن. تحسب خرز مسباحك..تحتري دورك يجي تبي تسفت على (التختور)..ويجيك تقل مايشوف سرا..ولايحسب حساب لهالناس الوادزفة..ويقول يالربع أنا معي حالة.ن. مستعصية ..وبي لي بلاء مادري وشو..و..و..:o:o
***
4-اللي يجيك وإنت وجهك شمال..وشمص العصر صاكة.ن. وجنتك اليسرى..والسيارة مابه (شمسية)..ويجي ويعرض سيارتوه ..دزدامك ..يبي يلف يسار..ولايشوف الإشارة ياما تزمر لوه..(يامزمرات.ن. إذاااانوه)..:mad:
***
5-اللي ليا جيت تراجع بلك معاملة..ولقيت لك وغد.ن. صغير حتى شويربه ماخط..ومتربع.ن. على مكتب (الصادر)..وتبيه يختمه لك..وتسنوه مايشوفك ولايعطيك وجه..ياما تنهزروه وتهتر بوه..|512||512|
***
6-اللي ليا صارت السلة اللي تحط به الجرايد..لايذة.ن. عن عين العويمل شوين..هف تسنوه يبي يم رف(المعلبات)..همن خذالوه جريدة.ن. وقام يتصفحه..;);)(يامتصفحوه راعي القناة).|513|
***
7-اللي ليا جيت تبي تشوف أسماء الحرمان(هالنقطة خاصة بالطلبة)..جاك تقل خشبة.ن. شماغوه..|512|همن وقف دزدامك..ولا أودعك تشوف شين..والمشكلة إنك تعرفوه ..لو تنحرم الكلية كله..ماينزل بوه حرمان..بس نذالة.ن. يبي يشوف منهم المحرومين..:rolleyes:
***
8-اللي ليا جيت تستاصف لك متسان..أو تنشد عن سالفة.ن. قام يتفلسف..ويمغطه..ويمخض الحتسي..وبالآخر مايظهر(زبدة)..
يعني مايعطيك علم<<<وهذاغالبا مايكونون خوالوه..من أهل الطعمية..اللي الواحد لو تنشدوه..(وش اسمك)..إستعرض لك تاريخ(ديرتوه)من حرب أكتوبر وجااااااااي..ويقول .(كنت في القيش)..عزالله ماعلمت بجنسيتوه..:p:p
***
هذا خويشتي..<<<إمحق من خويشة..:)
منهو(طير شلوى) اللي عقبي يجيب خويشتوه..ويناصفن دم هـــ...(الهطق)..
|109| |112|

[ابو غازي]

ثماااان مطماااات :confused:
انشهد إنك مفراص يارجل ;)
كل كلمة (ن) عن الف وربي
لله درك يابو مقرن
اخي كلامك هذا ليس ببلاش صدقني كلامك هذا ذهب ;)
صــــــــــــــــــح لساااان بكل حرفٍ خطه قلمك ااالذهبي
رااااائع ... رااااائع ... راااائع

[سلطان الشمري]

ابو مقرن ..لا يابعد حي هالفره..عز الله انك صادق بكل كلمة قلته..


والا يابعد حي يجيك واحدن من راعين الجيوب الربع مركبن امه معه قدام

وخيته وراء ياملا النازوع يابغت تركب المسكينه حصل له الويل ,,بزعمه زقم وزقرتي..اشتر لك ددسن غمارتين وسع على رويحتك وعلى اهلك:mad:


2-انت ماشفت لك جذعانن مايصين مضيقين الثوب تقول بنت ام ثمان طعش


حشا مهو رجل ..تلقاوه غايل عمره ومن زين الطبايع دب منتفخ والشحيم يمينه ويساره ماله متسان:confused::confused:


3- وانا ما دابلن قاعة تسبدي الا هالفنانين الخكاريه جواد وغيره ..:mad:

او بعضهم مطلعن لوه صورة تغث اللي ما ينغث مثل بعض الشعراء المنتهين مابهم طب|512||512|


4- واقشر منهن بطاقات سوا مع الهنود يوذون ماشافت عينهم ..
مرة ابلشن لي هندي يدق ويفصل وطوله علي ..

ولكن وريتك بوه ..قطعته عليه ..:cool:((لي واسطه بالاتصالات اخوي بالبلديه)):rolleyes: |49|



5- واللي العن وامر وادهى حقين هالتفتيش امن الطرق رفعوا ضغطي بس متولمينن بالمخالفه يجيك الواحد من امس يدور الشين ومتحدي على الردى

لا وبعضهم يثبت سيارتك خلاص كل ما مريتهم مخالفه ..امحق من عرف

وليته يعطيك مخالفه بنفس حلوه تلقاوه يتعنفق تقل ذابح اخوه اللي اصغر منه:confused:|110|

لوا هني لو انا مدير لهم والله لا انكل بهم اللي ماينكل((الله من الشر|513|))
|2|


هاذي خويشتي وباقي له لحايق مار الوقت يمضي والنكهة تبقى|109| |111|

[مناكد]

ابو مقرن...خذ عندك.

1)- اللي يوقف سيارته على باب كراجك:mad:...تقل قاطٍ معك بالبيت...او اللي يوقف ملويته عند باب بيتك اذا جدارك له ظلال او عند بابك شجره...


2)- اللي ماتقل دري ان له مناخر (الله يكرمكم)....الا بالمسجد...او عند الإشاره...


3)- اللي ليا ناموا المسلمين دلا يمشي مطشيته على كفر...وتجيك ريح الكفرات بوسط بيتك من زود خباله...عساه هي قبره...


4)- الموظف اللي عنده الناس ذبحه...وجاه مكالمه وترك ها العالم وجلس طق حنتس واكثره مكالمات الجوالات...


5)-الرجال اللي تدري ومتأكد انه بالبيت وماتشوف الا المره (لوحدها) طالعتٍ مع السواق وين؟... الله وحده اعلم...هذا اللي يستحق ان الواحد يتوطى ببطنه وبطن مرته بعد...



6)- الله اكبر عليك يابو مقرن الساعه قريب وحده ونصف...لا...عز الله اللي راحت صلاة الفجر...

تدري حطن رقم تسعه وأنا استاهل اللي يجري لي...

[راعي اللحيساء]

حلو بالحيل المضوع
الله يعطيك العافيه ابومقرن

[سرحــان]

ابــــــــــــــــــــــــــــــــــــــ ـــو مقرن




الله يعــــــــــطيك الف مليون عــافيه

بس قلي

عسى بقى شي بمصافط الخويشه

نبيه بعد

ذكرت 0ن0بلي سالفه 0000000


كنت في البر وسريت من الربع وانا مع الطريق السريع والله

السيارة على صبر السيارة من الزحمه0

يمار الصالون على ايمن الخط ومبنشر ولاحوله احد ويوم وازنتوه


ياوالله بوه ثلاثه 0ترا الدنيا ليل0ن0 اسود يعني ( خرمس)هكااليله


مامعكم سبير قال حديهم الا :o

يمار عدي طايح0ن0عليهم من السماء

انا احسب مامعهم سبير ابي اسعفهم

اثريهم مالين الهدوم ماقدرو ينزلون


وانت عاد تبي منهم وصف او نفع:D


تحــــــــياتي

سرحان

[متفاائل]

ماشاء الله عليك يابو مقرن
مادري وشلون تلبق لها السوالف
الله يعطيك العافيه


خذ معك هذولي

الدوريات اللي مكلفة بمطارت المخالفين خاصة التفحيط اللى يقول
مناكد على كفر تلقى الدوريه معهم تفحط ومتفق مع ربعه كنه يطردهم
خذ من هاللي تقل عواء جعر الله يعزكم . وعلى جنب وووو وكله تمثيل .


وخذ المراجع اللي ينكل المجتهد <-- غاثة وريحه تجدع الطير يامنوا جاك قال معاملتي عندك انا جايبه ويدير راسك ويأخر غيره وتليته يقول مادري انا قدمت انا وخويلي لقاء معاملته عندك هذا عقب ماهو جايبه بيده . واخيرا يلقاه بمحل ماحطه عليه ملاحظه او هذياك نتقه له رفيق له صارت تمشي بسرعه 200 مع المكاتب .



وخذ عندك الادارة الحكوميه اللي تعمل على انحراف الموظف المخلص غصب
يامن صرت موظف مخلص بالعمل والموظف مماطل هم صار مديرك كل ماجاء عمل جابه لك يقول والله انت كفوا وانت ثقه ومن هالحكي طيب وزع العمل يقول والله مابه الا فلان وفلان وعلان اللي مايداوم واللي نفسه شينه .
واللي مريض نفسي وووو يعني لازم اصير انا مثلهم من شأن اسلم من الضغط
بالعمل . وخذ من هذا وشك بعود . لنا نكسه

[مفتاح14]

عزالله انك مازليت

بس لاتشكي لي ابكي لك:rolleyes:

خذ عندك..



1- اللي الياشاف نقعة ماء بالشارع اسرع ولف يمّه يبي يرش هدومك:mad:
رشوه اللي ماياويله:mad: <<--تأثر بمداعي ابو مقرن:p


@@@@@@@

2- الهنود الله يمله الهنود تسان ان الله مالههم :D اللي واحدهم شهيقوه نخمه وزفيروه تفله|513| ( اعزكم الله)

ولايقول كلمتين ورى بعض الا هو معربده:D


@@@@@@@

3- اللي اليامنوه دري ان حسابك ببنك الراجحي ارسل لك رقم حساب جوالوه المفصول يبيك تسددوه وعذروه انك اذا سددت بالراجحي يفتحون جوالوه بسرعه:rolleyes: ياخي ماهو لازم تنتظر الياما يفصلونوه همّن تجي يمي تدندف تبيني اسددوه لك:D والمشكله هالدندفه مع كل فاتوره:mad:


@@@@@@@



4- راعي الدوريه اللي يزعج خلق الله وهم عند الاشاره يبيهم يفتحون لوه علشان يقطعه( تقول ان عندوه حالة طوارئ) وبالاخير تكتشف انوه يبي يلحق على المطعم قبل يسكّر للصلاة:D




@@@@@@@@@@@@@@@@@
مساهمه متواضعه مني وربما انكس:p
@@@@@@@@@@@@@@@@@


موضوع مميز يابو مقرن..
وكعادة مواضيعك له نكهه خاصه ;)

تقبل تحياتي

[شخاط]

<<<<<<<<< جاين ومعوه خياشوه

كخخخخخخخخخخخخخخ تسلم ياشيخ ابو مقرن

عز الله خوش مضوع

<<<<<<<<<<<<<<<< يتسذب ماقرا المضوع|118|

لي نكستن نوبتن اخرى

[المخاوي]

ابو مقرن
مواضيعك كله مميزه يامميز |116|

أقوووول خذ عندك :)

1- هالهنود اللي لياجاك الواحد ريحتوه تعاطي والله مايتحمله النيجيري:D وفاركن خشتوه وداهنن راسوه ببو نخله :(وجاين للمسجد ولزق بجنبك لا وبعد لازم صبعوه الصغيره عساه للكسر :mad: لازم تلمس صبعك ( يحسبونه من واجبات الصلاة ) اشغلونا عن الصلاة تسحب صبيعتك عنوه ثمن جاب صبعوه طايرتن ياما يلزقه لك يحسب انه انقطعت الصلاة :p وعلى هالحال ياما تلازق رجلينك مع بعض :confused: واحدن دبل تسبدي وغثن ماخلاني اقرا شي :) وانا ارفع رجلي فوق واستعد على رجلوه (عملت هالجنود لياشافوا لهم ضابط ;) ) وليامار جعيروه يسمعونوه اهل بنغلادش :D ودك انك تحط لهم مسجدن لحالهم.
2- كاتب هالعدل ليامنوه جاك يتسحب وبهالبشت ومتوخر والناس تحراوه لهم اكثر من ساعه ويدخل مكتبوه ولا يدخل عليه احد ياما يتقهوا ويكلم بالجوال بعد لوه شوين:mad: كنوه بيتوه ولاهو حاسبن حساب هالناس اللي منلطعتن برا لهم ساعات ولياقلنا شي قالوا هذا الشيخ ( دابلين تسبدوه اليوم :mad: )

ابو مقرن الخرتس مليان :) مار دبلوا تسبدي هالثنين وعجزت لاكمل ;)

[ابو مشاري الشمري]

اهههههههههههههههههههه
عزالله جبت الغايبة يابو مقرن
وشي واقعي ويفقع المراره

نبتدي
1- اليامنك ماسكن لك خط تقل تمشي عليلك ظهر داب كله لفات وشاحنات
وبين ضلعان
وصرت تمشي ورالك تريلتين تنتظر متى تجيك الفرصة على شان تجاوز
هالمصايب اللي قدامك لقف بوجهك راح التريلة على شان يتجاوز التريلة اللي قدامه ثمن قامة دخاخين هالتريلة وانتظر متى يتجاوز
ودك ترشه بله كسر بالكفرات

2- اليامنك صرت ماسكن طابور بالبنك ولك ساعة وانت واقف وتحيّر الدم برجليك الله يكرمكم وجاء واحدة شيفه ومنتف يعرف الصراف اللي بالبنك وتعدى كل هالطابور وكلم الصراف وأخذ اللي يبي وراح
ودك تحش رجليه بمخلب

3- اليامنك صرت بالشارع ومستعجل بالحيل وفيه سيارات بالمسار الايمن وكان به له
واحدن يتمشى على هونه بالمسار الايسر وأشرت له بالنور
ودق لك اشارة يسار ؟ يعني انه يبي يلف يسار عند الاشارة
وصرت وراه ..... وقف عند الاشارة وهي والعه خظرى للي يبي يلف يسار
وهو مطنش يبي على طول يكذب عليك ماهو لاف
ودك تحشره مع معزي لمدة أسبوعين

4- اليامنك جبت لك سالفه عند ناس وهم مبسوطين لهالسالفه
وخش عرض واحدن منهم قال ايه مثل فلان وسردلك موضوع
يختلف عن سالفتك وأدهر بسالفته
ودك تحط له صرصخ مع الغداء
تحياتي لك يابو مقرن
ولي نكسه بعدين انشاءلله
تحياتي للجميع

[ابو غازي]

وجاين للمسجد ولزق بجنبك لا وبعد لازم صبعوه الصغيره عساه للكسر لازم تلمس صبعك :D:D
والله إنك صويدز يالمخاوي ;)
انا احسبه بس بهالي عندنا اثري الدعوى عامه :D

[اليم]

ابو مقرن<<<|118| <<< يا فرّت العربان انت هالفرّه


أما يجيكم أحد.ن. ينشد عن ذبّاح حدى هـ(الهطق)..؟؟
تروه أناااااا..<<<مهو بسيط.ن. هالجذيع

^
^
^
فاهمن الهطق غلط:)


خلن ابي اسرد لك وانت جود لي

-1-

اللي ليامنك جلست بجنبوه وطلعت سبحتك همن مد اصباعوه تقول

شاغور نبيطه يبيه<<<<< ودك تلقم حديهن لياما يطير ظفروه;)

-2-

اللي ليا منوه كلمك وقال ابي أمرّك عقب دقيقتين اطلع لي برا وهمن لطعك

نصف ساعه<< ودك بابو جلنبو مع الهامه اغديه يتسنع

[HR]


لي نكسه ان فطن علي شين

ما ننحرم

[شموخ]

كاتب الرسالة الأصلية : المخاوي
ابو مقرن
مواضيعك كله مميزه يامميز |116|

أقوووول خذ عندك :)

1- هالهنود اللي لياجاك الواحد ريحتوه تعاطي والله مايتحمله النيجيري:D وفاركن خشتوه وداهنن راسوه ببو نخله :(وجاين للمسجد ولزق بجنبك لا وبعد لازم صبعوه الصغيره عساه للكسر :mad: لازم تلمس صبعك ( يحسبونه من واجبات الصلاة ) اشغلونا عن الصلاة تسحب صبيعتك عنوه ثمن جاب صبعوه طايرتن ياما يلزقه لك يحسب انه انقطعت الصلاة :p وعلى هالحال ياما تلازق رجلينك مع بعض :confused: واحدن دبل تسبدي وغثن ماخلاني اقرا شي :) وانا ارفع رجلي فوق واستعد على رجلوه (عملت هالجنود لياشافوا لهم ضابط ;) ) وليامار جعيروه يسمعونوه اهل بنغلادش :D ودك انك تحط لهم مسجدن لحالهم.

[HR]

هههههههههههههههههه

اقول يالمخاوي خلك اخر من يصف لين يصفون الهنود وهم خذ لك مكان بعيد عنهم .

موضوع حلووووووو صراحه وتعليقاتهم احلى .

تحياتي لكم
اختكم
شموخ

[الأصيل]

والله يابو مقرن إني بغيت أنبعج من الضحك ،،

لا والختام مسك ( يعني مايعطيك علم<<<وهذاغالبا مايكونون خوالوه..من أهل الطعمية..اللي الواحد لو تنشدوه..(وش اسمك)..إستعرض لك تاريخ(ديرتوه)من حرب أكتوبر وجااااااااي..ويقول .(كنت في القيش)..عزالله ماعلمت بجنسيتوه.)

لالا ماعلمت بجنسيته ،، يمكنك تعاني اللي جنوب من الهند حدر نهر

المسسبي .
1000 شكر ،،

فعلاً موضوع مضحك وهادف في نفس الوقت

[أبو مقرن]

الغالي والعزيز والقدير..
أبو غازي..
هي عادتك دائما ..
الوصول قبل الجميع..
والرد بالإشادة والتشجيع..
***
خياش شكري..وكراتين امتناني..لاتفيك حقك..
لأنك أكبر من الشكر نفسوه...:p
***
المعذرة..على تأخر الرد..

[أبو مقرن]

الغالي.. نبراااس..
أخي بمرورك الذي يمتزج بصدق الإحساس..
يحق لي أن أتباهى.... وأرفــــــــــع الراس..
***
ماقصرت يالغالي..وكما قلت (النكهة تبقى)...:p:p

[أبو مقرن]

الغالي ..مناكد..
أأأأأوه..ياتسبدي..اللي صابه (المزي) من كثر الضحتس..
تقول..


اللي ماتقل دري ان له مناخر (الله يكرمكم)....الا بالمسجد...او عند الإشاره...
8
8
8
ولايهنن..(الأظافر..)..وعلوجتهن بهالمجالس..:p;)
***
ياعل ماتصدفك(الساعة القشرى)..يهالوجيه..
لك كل الشكر والتقدير..

[أبو مقرن]

الغالي ..راعي اللحيساء...
الله يعافيك..
وثق ..أن مرورك هو (الأحلــــى)..

[أبو مقرن]

الغالي..(سمّي الذيب)..
القدير..(سرحان)..
الخويشة به له كم (سويلفة.ن.) بس صارهن بلهن شميّغ للربيع الجاي:p
***
يعطيك العافية..وماقصرت على الإضافة..
وألينك مـا(تسذبت)..إي والله واجدين اللي مثل طقة هل (الصالون)..
***
المعذرة تسان الرد متأخر بعض الشيء..<<<قال بعض الشيء:confused:

[أبو مقرن]

الغالي.الشاعر..
متفاءل..
حياك الله..وصدقت يالغالي..
وأما ..هـ(الموظف المخلص)..شيء..:p:p
***
لاعدمنك أخا وصديقا...
بك أنورت جنبات الموضوع.. وتشرفت أنا...

[أبو مقرن]

الشيخ الغالي..
مفتاح 14..
حضورك هو المميز..والله لايحرمنا هالفرة..
***
والمعذرة..على تأخر الرد..

[أبو مقرن]

الغالي ..شخاط..
هلابك إنت وخياشك..وزين اللي ماأسعرت بالموضوع..:p
شرفني حضورك..
***
المعذرة على تأخر الرد.

[أبو مقرن]

الغالي المخاوي..
تسلم ياطير شلوى..كفيت ووفيت..وهالثنين عن سبع خياش من خياشي..:p:p
شرفك الله بالدارين..لما منحتني من تشريف.ن. بحضورك..
***
المعذرة على تأخر الرد

[أبو مقرن]

الغالي..والعزيز أبو مشاري..
ألينك صادز..وكل اللي ذكرت موجودين بشتى المدن ومختلف الديار..
وياكثرهم عندي بهذيااااااااااا....:p:p
***
بك تشرف الموضوع وأنورت جنباته...
***
المعذرة منك ياطويل العمر..على تأخر الرد

[أبو مقرن]

الغالي..اليم..
لاعدمنا مثل هذ السرد الممتع...
أطال الله بقاءك..وأدام مرور قلمك..على مواضيعنا المتواضعة..
****
المعذرة على تأخر الرد

[أبو مقرن]

الأخت القديرة
شموخ..
كل الشكر على تشريف موضوعي..والتكرم بالزيارة والرد..
***
المعذرة لتأخر الرد..

[أبو مقرن]

الغالي..الأصيل..
سلامتك من (الإنبعاج)..
لك كل الشكر على تكريمي بالزيارة..وتتويجي بالرد..
الأصيل..دائما..أصيل<<<تر ماله علاقة بالطازج دائما.....؟؟:p:p
***
العذر منك..على تأخر الرد..