خمسة عشر فنجال لحنيف صبّيت

[شموخ]

خمسة عشر فنجال لحنيف صبّيت ......لو ان بطنه قربة قد ملاها

من منا لايعرف هذا البيت الشهير والذي يردده بعضنا دون ان يعرف الشخص المقصود به .

صاحب هذه الحكايه هو الشاعر حنيف بن سعيدان المطيري والذي كما هو معروف أنه لم يمهل مضيفه الذي تثاقل من كثرة ماصب لحنيف من فناجيل القهوة دون أن يهز الاخير فنجاله فرد عليه حنيف مباشرة بهذين البيتين اللذين سارا في الناس ايضاً


لاتحسب أنّي من دلالك تقهويت ..... ماتنقه الشرّاب من كثر ماها
ياموصّي الحرمه على صكّة البيت ......تقول مانتب فيه وانته وراها

وقد عرف عن حنيف حبه لشرب القهوه ويتضح ذلك من خلال ابياته في هذا العشق ،فنقرا قوله في مدح الشيخ نايف بن هلال

لو صرت لاسايل ولانيب مسيول .....نحرت من كبد المسير بهجها
ان قال هات بهار ماقيل مشيول ....من بقشة نقش البرسيم عرجها
البن صافي للمعاميل مزلول ........... من دلة .....حوافها ماطهجها
فنجالها بالوصف ماهوب مجهول .......خضاب عذرا مايقه في غنجها
فنجالها يعدي لزول ورا زول ............ اثنين والثالث مروّي زرجها
وسقها على اللي بالدهر يذبح الحول .....واللي جواده للمتلّي عنجها

تحياتي لكم
شموخ

[المشرف العام]

اختنا شموخ

مشاركه جيّده

ولا تبخلي على مضيف قصه وقصيده بغيرها

تحياتي

اخوك
ابو سلطان

[ابو غازي]

السلام عليكم ورحمة الله وبركاته
الإخت القديرة
شـــــــموخ
مشــــــــــــاااركة رائعة جداً
تســـــلمين والله
تحياااتي لكي

[al_snafy_1999@s]

بسم الله الرحمن الرحيم

السلام

الشاعر حنيف
والشاعر ناصرالعبدالكريم


ناصر عبد الكريم

خمسة عشر فنجال لحنيف صبيت = لو ان بطنه قربة قد ملاها



مرد حنيف


لاتحسب اني من دلالك تقهويت = ماينقه الشراب من كثر ماها



مرد عبد الكريم


يحنيف انا في حمستي ما تدنيت = الدله الصفرى نكثر مناها



مرد حنيف


وراك ما سويتها يوم سويت = مثل العميم اللي يزين سواها
ناصر ليا مني على البيت سجيت = يرخص حلاله ماحسب مشتراها
وابن عقيل اللي يهلي ليا جيت = مشرع البيبان للي نصاها



مردعبد الكريم


سبيتها يوم انت للضلع لزيت = ضيافتك يا حنيف هذا جزاها
ودلال ربعك يوم بالزين ماريت= هم ربعنا قبلم طوال طوال خطاها



مرد حنيف


مانيتي ذمت هل الجود والصيت = الملعبة حنا نقوم سناها
ياموصي الحرمه على صكت البيت = تقول ماهو فيه وانته وراها
علم الردى يظهر ولو به تهقويت = علم وكاد ويشهدون اقصراها
ياخيبة امك يوم قالت تمنيت = ياخيبت امك ياقطيعة رجاها




شكرا شموخ

[متفاائل]

شكرا شموخ على هذه المعلومة

وشكراً لك السنافي على الاضافة الجيده


تحياتي للجميع

[شموخ]

مشرفنا الفاضل ابو سلطان

اشكرك على المرور والتعليق

وانشاء الله نكون عند حسن الظن .

تحياتي لك اختك
شموخ

[شموخ]

الاخ الفاضل ابو غازي

الله يسلمك واشكرك على مرورك .

تحياتي لك
اختك
شموخ

[شموخ]

الاخ السنافي

اشكرك على المرور وعلى الاضافات الرائعه التي استمتعنا بها .


تحياتي لك اختك
شموخ

[شموخ]

الاخ متفاءل


اشكرك على المرور والله يعطيك العافيه .

تحياتي اختك
شموخ

[راعي الوقيد]

بسم الله الرحمن الرحيم

السلام عليكم ورحمة الله وبركاته

الأخت شموخ..

طيب لو إن الشاعر حنيف هذا تقهوى من قهوة هالوقت...

هل من الممكن انه يتراجع عن مذمته لقهوة الشاعر ناصر العبدالكريم..؟؟

سؤال جاء على بالي..!!

عموما ، مشاركتك لها اهدافها ومضامينها.. لعلنا نأخذ العبرة..

تسلمين ، وأتوقع انه لديك الكثير من القصص والقصائد القيمة..؟؟

فلا تبخلين بهذه او تلك...

تحياتي لك..

اخوك

راعي الوقيد

[شموخ]

الاخ راعي الوقيد

ياهلا فيك والله يعطيك العافيه

وبالنسبه لسؤالك اتوقع والله اعلم انه لو تقهوى من قهوة هالوقت انه بيتنازل عن ذم قهوة ناصر ويشوف قهوه ناصر احلى بكثير من قهوة هالعصر قهوة هالعصر مابين الكابتشينو وموكا والتركيه والفرنسيه . وماهقيت انها بتعجبه :):)


تحياتي لك
شموخ

[ليتك معي]

مشكوره الاخت شموخ


على القصه والقصيده ويعطيك العافيه





تحياااااااتي

ليتك معي

[سلمان النبهان]

قصة بيت شعر دارج بين الناس نجهل احداثه...
ولكن اختا شموخ اوضحت القصيده والقصه..
وعرفنا اسم حنيف ابن سعيدان المطيري...
شكرا لتلك المشاركه شموخ ويعطيك العافية
ماهي غريبه على شموخ الابداع والتميز ..

[شموخ]

ليتك معي

مشكور على المرور والتعليق .


تحياتي لك اختك
شموخ

[شموخ]

الاخ سلمان النبهان

مشكور اخوي على المرور والتعليق .

تحياتي لك اختك
شموخ

[أم_سرحان]

مشكووووووور يا أختي شمووخ على القصه والقصيييده

تدرين يا اختي شموووووخ شنو الحال بالووقت هذا شوفي هالبيت وتعرفين
لاتحسب أنّي من دلالك تقهويت ..... ماتنقه الشرّاب من كثر ماها
ياموصّي الحرمه على صكّة البيت ......تقول مانتب فيه وانته وراها

قهوتنا كلها ماااااااء والرجاجيل تعاجز لاتفتح الديوان

[شموخ]

ياهلا والله بـ أم سرحان


من ناحية ان قهوة هالايام ماء مو الكل يالغاليه بعض القبائل لاحظت عليهم هذا الشي وخاصة اللي باالغربيه بعضهم مو كلهم ،وصراحه عرفت منهم انهم يحبونها خفيفه مع انها مثل ماقال الشاعر ماتنقه الشراب من كثر ماها ماتحسين ان الواحد يروق اذا شربها ....


مشكوره على المرور ...

شموخ

[مفراص]

شكرا اخت شموخ على القهوه او على القصيده
وتعقيبا على كلامج القهوه معروفه عند من وكثير من يسويها ولايضبطها ولاكن عندهم تسما قهوه

وشمر تفتخر بتصليح القهوه ومنهم اكبر من عرف التاريخ هو دغيم الظلماوي الشمري


يالله الحين الهنديه هى تسوي القهوه ومن ورا الباب تقول بابا قهوه وانت تجى تاخذها
يالله زمن

وهذي بعض الابيات

شمالي واعشق البن والهيل

ومايضبط الفنجال كود الشمالي
ومايضبطه كود بدو(ن) حلاحيل

معربين من عمام وخوالي

ولكم تحياتى والى اختى شموخ

مفراص قديما الغيهي

[شموخ]

ياهلا بالاخ مفراص

الشكر لك على مرورك وهاالابيات الرائعه اللي اوردتها ...

بس ترى ودي اذوق قهوة شمر يمكن تعدل المزاج .:)

تحياتي لك ولمرورك .


شموخ

[مفراص]

مرحبا الف شموخ

وبالنسبه لقهوة شمر يمكن فنجال واحد وتقولين بس كافي واللى مهو متعود عليها مايقدر يشربها

يالله ابى اقهويج امرنا لله ادزها لج عن طريق الايميل بس لاتكثرين ترا ثقيله وبالعافيه

ولكي كل الاحترام

مفراص

[شموخ]

لا ابد مانهز فنجالكم ولا نقول كافي مدام من شمر .:)

القهوه الخفيفه على قولة الشاعر ماتنقه الشراب من كثر ماها والثقيله حيل ماهي حلوه بعد خير الامور الوسط .

تحياتي
شموخ

[مفراص]

تسلمين بس راح تعبين المقهوي بس واقف ويصب قهوه يمل لا بد تهزين الفنجال هاها

لا الوسط ماتدور عندنا لازم تصبغ الفنجال الثقيله السوده

ولكي تحياتى



مفراص