للاسف....أمي تبي تزوجن..؟؟؟؟؟؟؟؟؟

[سليمان الثنيان]

بسم الله الرحمن الرحيم

جيت امي وقلت له يمه ابي اتزوج .....:p قالت :هذة الساعه المباركه

ياوليدي|511|

من تبيني ازوجك ياولدي......((طب وتخير من البنات))

قلت يمه :

شوفي اللي تصلح لي....؟؟؟؟

قالت:ياولدي كل البنات يفرحن بلعرس ....((انت بس قلي منهي))

قلت : منهي من البنات تعجبك يمه

قالت: بنت ابو ناصر

قلت وش وقعه حلووووووووووه

قالت :ماشاء الله عليه بيضاء ورقبته طويله وحلوه

قلت : يمه انتي توصفين لي ناقه :rolleyes:ولا بنت؟؟

قالت : لا بنت ياولدي

مشاء الله عليه تستحي وطيبه وتدرس بالكليه|511|


قلت : يمه كم عمره

قالت:بهلعشرين.....

<<<<============(((استانس))

قلت : يمه يالله أخطبيه لي...;)

قالت: ابشر انا اروح لهم الصبح ((الضحى وكلم امه لك))

قلت :تمام

الله وناسه

<<<---------------------- ((يبي يعرس))

وانا اطلع من البيت ودي ارقص....؟؟؟

وانا اركب السياره....وكل واحد قدامي اسلم عليه من الوناسه:)

واناأروح للاستراحه.....؟؟؟

وادخل مااعطي وجه.........((مثلكم عارف يبي يعرس))


والشباب يتكلمون وش عنده (سليمان)


ويسئلوني وش عندك سليمان....ياولد وش عندك صاير ثقل؟؟؟

وش القصه...:confused:

قلت : ياجماعه اي عزوبي لايكلمن

انا ابي اعرس.....؟؟؟

قالوووو.....مبروك تبي تصير عوائل

قلت: اكيد ...ياعزابي...انت وياه

انا الحين عوايل......في أحد ينتظرن بلبيت

مو مثلكم عزوبيه

تجي ولا ماتجي ماأحد فاقدك....؟؟؟

وطلعت من الاستراحه.....؟؟؟

بعد ما هزئت العزوبيه اللي معي بلاستراحه

طبعآ ......((الراس منتفخ))

<<------- اعذروه عوايل

وانا اروح للبيت انتظر ....الصبح على احر من الجمر...؟؟؟؟

<<<--------------------(( أعذروه يبي يعرس))

راحت أمي يم ام ناصر ..........

وكلمته عني وام ناصر كلمت ابو ناصر

وقالوووووووو.......

هذه الساعه المباركه حنا ....وين نلقى مثل ...((سليمان ))


:p<<----------------(( سليمان ))

كلمت الوالد على شان نروح لابو ناصر.....

على شان نخطب البنت رسمي ونملك طبعآ...؟؟؟

رحت انا وأبوي لابو ناصر......

هلا بنا ورحب وتقهوينا .............

وجاء المليك على شان نملك.......؟؟؟

وقعد يسجل صك الزواج........؟؟؟

وقال:المليك

يابو ناصر كم تطلبون على الزوج :p((سليمان))

قال: ابو ناصر

؟

؟

؟

؟

؟

؟

؟
؟

؟
؟

ميــــة الــــف ريال بس؟؟؟



قلت:eek:: يابو ناصر


المليك ....يسألك عن مهر البنت :p

مو.........سعر البيت:p


قال: ابو ناصر

هذا هو ياولدي ....ياسليمان

قال المليك ....نزل يابو ناصر....كبيره مية الف ريال

نزل

الولد بأول شبابه منوين له مية الف؟؟؟

قال :ابوناصر

وهــــذة عشر الاف نزلته

بس تسعين الف ريال؟؟؟؟

تستاهل ياولدي سليمان

قلت :

يابو ناصر لا تسعين ولا سبيعن:mad:

خلاص بنتكم عندكم

وانا عند اهلي....؟؟؟؟

وانا ابي اروح اتزوج من بنات سوريا

مثل بعض الزملاء بلمضايف

وانا اخذ الوالد للبيت..........

وماطلع الصبح الا أنــــا بمنفذ الحديثه


متوجــــــــه لسوريــــــــا........



==========================
=========================
======================
اخواني واخواتي في المضايف
انا كتبت هذه القصه من وحي الخيال
لابين لكم غلا المهور في بلادنا
امل ان نجد حل لهذه القضيه
المهمه......

ففي زماننا هذا كثرت العنوسه
والسبب
غـــــــــلا المـــهـــــــور

ياأيها الفتاة الفاضله......لاتنسي ان هذا الرجل الذي تقدم للزواج منكي

سوف يكون شريك حياتك مدى الحياة...؟؟؟؟

لايوم ولا سنه بل عمر......باأكمله ....؟؟؟؟

واحب ان أشكر بعض القبائل لتحديده المهور


وتقبلووو تحياتي

الى اللقاء

[المهاة]

سليمان ..:mad:

يافرحة ماتمت استانست قلت بصير عمة ..:(

يالله الجايات أكثر ان شاء الله

--------

بصراحة اخوي سليمان مادام الامر من خيالك اعتقد انك غلطان ألف بالمية .

كل الشباب يحكون عن غلاء المهور .. عشان يحصلون حجة يبررون فيها عدم رغبتهم الفعلية في الزواج . او رغبتهم في الاجنبيات .. بس أهم شي تأكد انها نصرانية أو درزية او شيعية .. الله الله بالاصل الطيب شباب |512|


اتمنى من أحد الاخوة يحكي تجربة واقعية تثبت غلاء المهور .. و اتحدى من يثبتها .;)

[سليمان الثنيان]

بسم الله الرحمن الرحيم

ياأخت / المهاه

انتي فهمتي القصه زين:confused:


غـــــلا المهور الى الان موجود..........

واقرب مثل / أحد اصدقائي ....تزوج في 3/12/1424هـ

ودفع المهر....100 الف ريال...من غير القصر والتكاليف الاخرى

ولم تاأتي هذه الفكره من فراغ............



أختي /المهاة

كلا يشوف الناس بعين طبعه


أنتي وين عايشه...........



الشباب الي بوجه المدفع مو البنات ........


وانا انتظر ردود الشباب......((وين الشباب))

وين الفزعه




ونشوف الواقع






تقبلي تحياتي

[المهاة]

انا عايشة في المريخ ..:p

وش فزعته شكلك خفت اخوي سليمان تراني و الله ما أعض :D

ياخي تعال نفكر فيها بمنطقية شوي .. انت الان تحكي عن الشاب اللي رايح يخطب .. طيب ليه ماتحكي عن نفسك و انت ولي العروس سواء ابوها أو أخوها .. أسئل نفسك بتشرط شي ..؟ بتطلب شي ..؟

مو معقول كل اللي تزوجوا دفعوا مهور مية الف و لا حتى نصفها . نعم الزواج تكاليف من ناحية الاعداد له سواء بيت الزجية او الحفلة لو اتفق الطرفين على اقامتها لكن و الله عمري ماسمعت عن بنت او اهلها يتشرطون تدري _ اكثر اللي اعرفهم وربي مهور امهاتهم اكثر من مهورهم واجد لانها كانت فترة الطفرة _خصوصا و الوضع الاقتصادي عموما الان سيء جدا فالشباب مو محصل وظايف و لو حصلوا الرواتب ماتفي باقل المستلزمات .. وربي كل اللي اشوفه ان الاهل هم اللي يساعدون زوج بنتهم بكل صورة . بس يمكن هذا عندنا في المريخ ..:rolleyes:

عموما لو مقتنعين بهالامر . وجهة نظركم لكن ترا و الله الاجنبية ماراح تكون أوفر نهائي .;)

[سليمان الثنيان]

انا عايشة في المريخ ..

وش فزعته شكلك خفت اخوي سليمان تراني و الله ما أعض


اشوى انا اول احسبك تعض

يابو ضاري:mad:

أول مره اشوف بنت خشنه....؟؟؟


المهم

اخت /المهاه

في الشريعه الاسلاميه المهر للفتاة فقط الام والاب والاخ والاخت

ليس لهم حق في مهر البنت


أخت / المهاه

نحن نحترم وجهة نظرك ولكن لاتتكلمي عن الكل

واتمنى ان تردي على الموضوع باأعصاب هادئه دون انفعال:p


---------------------------------------

أما بخصوص الاجنبيه:

((أصابع يدك مو وحده))

بعض ؟ الاجنبيات افضل من المحلي باألف مره

وتعرف حقوق الزوج اكثر.....

ولاتعتقدي ان الاسلام فقط هنا.........

الاسلام منتشر في جميع بقاع الارض

حتى عندكم بلمريخ


ارجو منكي قرأت الموضوع غدآ

لكي تحاولي فهم القضيه.....

فاأنا اعتقد ان اعصابك متوتره:confused:





وننتظر المزيد من الردود

واتمنى ان تكون هادفه

[المهاة]

ابو ضاري ..:confused: كيف عرفت ..:p

مع انك طردتني للمرة الثانية .

لكن و الله رديت و انا هادية جدا و ماعاد ذا الموضوعات تستفزني لاني اعتقد انها صارت مستهلكة ..

و كنت اعتقد ان ردي هادف لكن :rolleyes:

أسفة أخوي بس و الله كان ردي بكل هدوء و كنت أرد بمنطقية جدا من خلال محيطي على الاقل ... و اعتذر انه ماناسبك .. عموما أعدك ما أرد هنا مرة ثانية :)

عيدك مبارك و ايامك سعيدة يارب ..

و كل واحد يصلح سيارته تحيات اخوك ابو ضاري .:(

[راعي الوقيد]

السلام عليكم ورحمة الله وبركاته

اخوي سليمان
اخوي ابوضاري
تروا الموضوع ما يستاهل
والبيع والشراء بالتراضي
واللي ما معوش
ما يلزموش
زي ماقالوا ...
بعدين ياسليمان يابعدحي
لو تبي تطلع لك سيارة من
الوكالة >> اكيد سيارة كشخة
كم تبي تدزدح>>كاش او تقسيط
انا متاكد ليس اقل من مائة الف ريال او اكثر
بعد خمس سنين >> تبيعها بكم
اكيد تبي تجدد حسب الموديلات >>لو بعد خمس سنين مايهم
يطيح حول نص القيمة
^
^ اقارن ليس الا..؟؟
^
والزواج اسمى من مسألة بيع وشراء
حياة
عمر
حب
تراحم
مؤانسة
اولاد
تسعة وتسعين عضو موسدينك>>من وسادة
متغمض على كل هالمميزات مائة الف
وتدفع بسيارة اكثر من ذلك..!!
والمشكلة ليست بغلاء المهور
المشكلة ماهناش وظايف
تظف الشباب ورواتب تصرف لهم
المهور اذا.......
ليست هي السبب في عدم
اقبال الشباب على الزواج..
الوضع الاقتصادي السيء جدا
كما قال ابو ضاري>> اقصد المهاة
هو السبب الرئيس
في هذه المشكلة
اما قولة غلاء مهور
فلا اعتقد ذلك>>اذا من المائة الف ريال وجاي
رأي
وليس فرض
من يقبل به فليقبل
ومن لم يقبل به
لايجادلني فيه..
تحياتي لكما

[هـــلا]

قبل تتكلم عن غلاء المهور أخي الكريم

فكر في الغلاء اللي نعيشه الآن

يعني لو بتقول مثلاً المهور تحددت المفروض
مع هذا الشيء أصحاب القاعات يخفضون من قيمة القاعات + قيمة الفساتين اللي بالهبل

الفستان يوصل أحياناً لـ20 ألف ريال



في عهد عمر بن الخطاب.... قرر رضي الله عنه تحديد مهر المرأة حتى لا يكهل المؤمنين ولا تطالب النساء بمهور غالية
فقالت له أحدى الصحابيات كيف تحرم المرأة من حق شرعة الله سبحانه وتعالى لها

ليس هذا نص الحيدث لكن هذا فيما معناه

يعني هذا حقها الوحيد لتشعر بقيمتها وأهميتها

وعلى قولتك هو بيصير شريك حياتها ومعاها طول العمر يعني لو كان شاريها صدق بيدفع لو تقول مليون... وعقب هم يتصافون مع بعضهم أكيد مابترضى لزوجها وشريك حياتها بالضيقة

يعني حلالهم واحد وجيبهم واحد

أنا عن نفسي في ديرتي الزواج على العروس هالمسيكينة

تخيل وش بيكفي المهر؟؟؟؟

جهاز... وإلا القاعات اللي كل وحدة أغلى من الثانية... وإلا العشاء... والإ الهدايا؟؟؟

لا تشكي لي ولا أشكي لك
كلن بقلبه شقى ليله

أتمنى ما أكون طولت عليكم بالكلام

وأسمحوا لي

أشوفكم على خير

[سليمان الثنيان]

بسم الله الرحمن الرحيم

السلام عليكم ورحمة الله وبركاته

----------------------------------------

شكرا على المرور والاضافه..............

ابو ضاري .....اقصد ((المهاه))

تحياتي لك

-------------------------------------------

اشكرك اخي / راعي الوقيد

على المرور والاضافه................

أحترم وجة نظرك.....

ولكن في هذه الايام........لاتنسى كثر زواج المسيار


وانت عارف ان زواج المسيار دون نفقه...؟؟؟

كل شيء على المرأه..؟؟؟؟

وكذالك العنوسه..............كثرة في هذه الايام


مره اخرى اشكرك اخي على المرور والاضافه

تحياتي لك
-----------------------------------------

هلا والله وغلا

أشكركي على المرور والاضافه

اما بخصوص القاعات الي تقولي بسعار خياليه

من الي يستأجر القاعه مو الزوج...((المسكين)):(

من اللي يجيب لك الطقاقات....اهل الزوج طبعا

ومدام هي عشرت عمر ليش ماتكون البدايه تعاون....؟؟؟؟


اختي /هلا والله وغلا.............

اشكركي على المرور والاضافه

تحياتي لك

[ابو غازي]

قاااال إنفخ يااااااشريم
قااال مامن بررررررطم :(
&&
انا الحقيقة مع كلام الأخ سليمااان ;)
كل كلمة قالها واقعيه وصحيحه 100 / 100 ;)
والأسبااااب متعدده وكثيرة وسوف الخصها كتااالي .
ا - السبب الأول هو جشع الأب والأُم للبنت
ولا تقولون غير صحيح بحيث هذا مؤكد
2 _ الإستغلال الكبير والذي هو عينك عينك من اصحاب الصالات
والإستراحااات والتجار وأولهم تجار الذهب تشتري الشريه بقيمه
غاليه جداً ولو ترجعها بنفس اليوم وتبيعاه إنت يالمواطن كسروها تكسير
لين تبيع برخص البصل :mad: ؟ ولو إن البصل بعد غااالي هالوقت
3 _ السبب الثالث وهو المهم ... ؟ لا راقابه موجوده ابد على التجار
؟ ولا حمايه للمواطن موجوده من الإستغلاليين والجشعين الذين يمردغون
المواطن بكل لحظه :eek:
****
اماإنتي إختي المهاة كلامك يحير حقيقتاً تسان تخبرين لنا مثل هالطيبين
لاتبخلين على شبابنا نبي نزوج كل الشبااب الي بالمضائف :D
هههههههههههههههههههههههههههههههههههههههه :D
:eek:

[راعي الوقيد]

السلام عليكم ورحمة الله وبركاته

الى الأخوة المشاركين وغير المشاركين بوجه عام
والى العزيز ابو غازي بوجه خاص
انا لست معك فيما تذهب اليه من طمع وجشع والدي الفتاة >> الا ما ندر وهذه حاالات شاذة والشواذ لا حكم عليها..
انما المصاريف الزائدة والتي لا يستفيد منها لا اهل العروس ولا اهل العريس
وهي المصاريف الكمالية والتي فرضها افراد المجتمع على انفسهم من باب >> والله فلانه تزوجت بالقصر الفلاني او القاعة الفلانية وبنتنا ماهي بأقل من اللي غيره.. وقس على ذلك كل المصاريف الأخرى المترتبةعلى تبعات ذلك الزواج..
يالربع ما احد يقبل يعرض بنته للبيع >> اللي يدفع اكثر يشيل..!!
كبيرة >> كبيرة >> والله كبيرة..؟؟
والسلام

[سليمان الثنيان]

بسم الله الرحمن الرحيم

أشكرك اخي/ أبو غازي

على المرور والاضافه

سراحه مثل ماقلت ....في بعض العوائل عندهم طمع في مهر البنت

مع ان مهر البنت في الشريعه للبنت فقط الوالدان ليس لهم حق فيه

...........بس المشكله بعضهم يقول لامه حق الرضاع...؟؟

ماسمعنا بشريعه حق رضاع...:confused:

ومثل ماقلت/ مالنا الا ((المهاه))

=======================

اما اخي راعي الوقيد

اشكرك مره اخرى

وانا احترم وجهة نظرك.............وتسلم أخوي...؟؟؟

واشكركم اخواني على التفاعل وانتظر المزيد من الاعضاء

يمكن:eek: تزوجنا ......((المهاه))



تحياتي لكم

[هـــلا]

كاتب الرسالة الأصلية : هلا والله وغلا

أنا عن نفسي في ديرتي الزواج على العروس هالمسيكينة

تخيل وش بيكفي المهر؟؟؟؟

جهاز... وإلا القاعات اللي كل وحدة أغلى من الثانية... وإلا العشاء... والإ الهدايا؟؟؟

لا تشكي لي ولا أشكي لك
كلن بقلبه شقى ليله


هذا نص كلامي السابق
ياليتك تعيد النظر في ردي وتفهم ليش أنا ما أأيد تحديد المهور
والسموحة على الإطالة

[سليمان الثنيان]

اختي

أنا فاهمك


انتي اكيد من اهل القصيم او ماجاورها......عاداتكم وتقاليدكم غير

اهل الشــــمـــال.......



بس انا اتكلم عن الاغلبيه..؟؟؟؟؟



ولكن باألاخير انا احترم وجهة نظرك


تحياتي لك

[شموخ]

هلا باالاخ سليمان

الغلاء موجوووووووووود ولكن في وجهة نظري انه نوعين

النوع الاول من الغلاء

مايكون في المهر الغلاء يكون في تكاليف الزواج بعض القاعات الحليوه توصل الليله الى 150 الف او 200 الف و يكون مهر البنت اقل من 150 الف .


النوع الثاني واللي الظاهر يقصده الاخ سليمان

يكون في مهر البنت يوصل احيانا عند بعض القبائل الى 150 الف ولاتستغربين يامهاة و الله تقول لي وحده عن صديقتها من اهل الجنوب ان زوجها يقسط على ابوها باقي المهر والمصيبه معها ولدين" حشا ماصار زواج صارت سياره بالتقسيط " يعنى عاداتهم وتقاليدهم كذا يدفع بعض المهر قبل الزواج والباقي بعد الزواج صراحه تذكرت حلقه في طاش ماطاش كنت متوقعه انها من نسج الخيال واثاريها حقيقه عبدالله وناصريوم تزوجوا خوات وكل اخر شهر وعمهم جاي يدور القسط :):):)

ايضا من اسباب الغلاء في المهور والد البنت اذا ماحدد مهر لبنته تراها والله بلشه .

فيه واحد يقرب لي يحب يعدد ففي كل زواجاته سواء القديمه او الجديده اباء البنات اللي يخطبهن مايحددون مهر لبناتهم حتى اذا الح على ابو العروس انه يحدد مهر بنته او يشترط يحلف ابو البنت انه مايحدد لبنته مهر " وعلى قولته"العريس " يقولون كفايه انك رجال وانك ولد فلان ومن هالعلوم " هذا يحرج العريس ويظطر انه يدفع مهر عالي حتى مايخيب الظن به .

تحياتي لك اختك
شموخ

[سليمان الثنيان]

أشكركي أخت / شموخ


على المرور والاضافه


وأنا اتكلم عن واقع اعيشه أنا ويعيشه الكثير من الشباب


وانا متـــأمـــل خـــيـــر أن شاء الله..............؟؟؟؟



أشكركي
مره
أخرى
-----------
أخت / شـــــمــــوخ
على أنارة صفحتي


تحياتي لك