مجارات لقصيدة عافك الخاطر

[غريب إحساس]

طاب لي شعر الدهور وكل ماتكتب عِبر=ماحلا ذيك البيوت مطرزات بالعفاف
ماأجامل في بيوتي بس كلٍ له نظر=من قرى ذيك المشاعر صاح في قلبه هتاف
وإيتحدر من عيونه سيل موجاته قطر=لاذكر خلٍ غدر به عقب ماقرب الزفاف
آه من همٍ براني وإعتلاني يابشر=لاذكرت الصاحب إلي صحبتي له ماتعاف
مخلصٍ له طول عمري ماتوقعت الغدر=صاحبٍ يسكن فؤادي وإفترش ذيك الضفاف
بس هذي حكمة الله كل شيءٍ له قدر=لازمٍ يجري علينا منكتب وسط الصِحاف
إسمحولي وإعذروني لو تجاوزت الخطر=إعذرو ا من طول عمره يرتجي جني القطاف
غريب إحساس

[ابو خليف]

اخي غريب احساااس



صح لسااااااانك مليون مره


وتسلم على هذه الراااائعه



تحياتي

[بتول آل علي]

غريب احساس

:)

لي كل الشرف بهذه المجاراة لمتواضعتي

و انتظرني فلي عودة


الدهور

[سلطان الشمري]

غـــــــــــــــــــريب إحساس



**


صح لسانك وقسما بالله جيت على الجرح....((حسبي الله على الحب))



إسمحولي وإعذروني لو تجـاوزت الخطـر
إعذرو ا من طول عمره يرتجي جني القطاف


واسمح لي ان اشاركك((قاتل الله الحب))

من عرفته دوم عيني ساكنه وسط السهر=
ومن ضميته ..مالقيت بدربها غير الجفاف
لعنبوها مارحمتني ..آآآه ياجرح القهر=
طحت في غبت بحرها ولفظتني للضفاف




تحياتي لك ....وللدهور

[راعي الوقيد]

تسلم اخوي على هالقصيدة
مجااراتك لاتقل روعة عمن تجااري..

الانساان لا يقدر على الحيااة ان لم يكن
هنااك حب ومحبة،، حبيب وحبيبة،،
سنة الحيااة..
لكما الاثنين...
التحية والتقدير.؟.

[بتول آل علي]

غريب إحساس


ها أنا ذا :)
.
.
.


يا مراحب باللي جانا.. نفرش بدربه زهر=دام حرفك قد لفانا.. نعلنه وقت القطاف
يا غريب احساس ياللي عذب إحساسك نهر=رشفةٍ منه تداوي سبعة سنينٍ عجاف
لا حبيبك ما يخونك ضاق من بعدِك سهر=كلّم الحيطان عنك و أشبع الغرفة طواف
مرت أيامه ثقيلة.. كل يومن به دهر=تايهٍ في موج بحرك.. ما لقى وين الضفاف
بس هذا حكم ربّك، من يرِد فينا القدر؟=لا تآخذه برحيله.. كلن أوطانه سلاف



.
.

تحية من القلب

الدهور

[غريب إحساس]

الدهور

هاأنا ذا::)

يادهور الله وأكبر كني أعرفك من دهر=كل حرف تكتبينه فيه حكمة فيه قاف
لك طريقة في الكتابه والذخيرة من بحر=ياخسارة كيف أجاري من لفضني للضفاف
لعنبوها ذي المشاعر كيف ماتعصى أمر=من يبادلها المشاعر في خيالٍ مايشاف
إلتمستي للحبيبة في بيوتك كم عذر=مادريتي إن الحبيبة آيلة للإنجراف
إجحدتني وأنكرتني عقب ماراح العمر=عشرة أعوامٍ مضن لي ماجرى فيهن خلاف
كانت إحساسي وذاتي وغير عن كل البشر=وكنت أنا منها وفيها وأحلى من كل القطاف
ومرت أعوامٍ عديدة مايساورنا كدر=وكل خلٍ مع خليله ينتظر يوم الزفاف
وعقب مدة جيت خاطب من اسر قلبي أسر=قاصدٍ بيته وجيته بس طاف الوقت طاف
قالوا أهله ياخسارة لو تقدمت بشهر=كان يمكن ينكتب لك منهو مثلك مايعاف
قلت ياناس إفهموني طول عمري أنتظر=لحظةٍ فيها أبسقى كل عرقٍ به جفاف
قالوا إرحل من ديارٍ جلستك فيها خطر=رح تسهل يم ربعك وإنس موضوع الزفاف
قلت أنا راحل وماشي راضي في حكم القدر=بس لاجت بلغوها بإن قلبي مايخاف
أحتريها وأفتديها لو يطول بنا الدهر=غايتي هي راس مالي وأحلى مافيها العفاف
ضاقت الدنيا عليه وكن في صدري جمر=وجيت أجر إخطاي عيت عقب ماكانت خفاف
والمصيبة ياجماعة لحظةٍ فيها سِحر=لحظةٍ فيها حبيبي واقفٍ في الإنعطاف
جيت أبزهم يالحبيبة من متى هذا الأمر=إنعقد ذاك اللسان وكن عرقه به جفاف
سالت إدموع الحبيبة من محاجير النظر=والكحل سال وتمايل فوق خدين رهاف
وعقبها رحنا وراحت وإنجبر قلبي جبر=على الفراق إلي ذبحني صارت إزنودي ضعاف
وعقب مدة من عذابي بان في ليلي فجر=إتصل عمري وروحي قال أنا لك لاتخاف
كيف أبسلى ياحبيبي كيف ياكل العمر=من عقب فرقاك حالي ذاب وضلوعي نحاف
قلت ياغاية مرادي لو تعرف إن السهر=حرق إجفوني وبانت مشيتي فيها إلتفاف
وعقبها زانت حياتي مع وليفي يابشر=إتصاله وإتصالي ماعليه أية خلاف
وزاد حبه في كياني وإنغرس مثل الشجر=آه ماأحلى حياةٍ مع خليلين إِنظاف
وفجأةٍ جيت أتصل به قال رقمي به خطر=لاتحاول تتصل بي إنتهى الماضي وطاف
وقفلت ذيك الفريدة خطها من غير شر=والسبب مجهول مدري وإنتحر حب العفاف
غريب إحساس

[راعي الوقيد]

الظاهر ما مالنا داعي

دخلنا مضيف المحاورة

اعتقاداً منا انه مضيف الشعر النبطي

احساس غريب

آسفين للأزعاج

يالدهور

ويا

غريب احساس

شاعرينا الكبيرين

[غريب إحساس]

راعي الوقيد

مشكور على مرورك وإطراءك الجميل...........