المساعد الشخصي الرقمي

مشاهدة النسخة كاملة : لعبة الموت ابتدت


الأصيل
27-01-2004, 10:37
أول مشاركة حامية ،،،


لعبة الموت ابتدت منهو نزلها=ساحة الملعب ومن خاف اعتزلها
نعرف سمان القوافي من هزلها=وارسلي يالأجهزه واستقبلي


******************************************

من يجيب كبار شعار الطنايا بالعجل=يرتفع صوت الندا هل من منازل للأصيل ؟
ابو غازي
28-01-2004, 16:25
يالله تحيي الأصيل وياهلابوه
وأكيد شعارنا وأولهم الأصمعي جايينك
تقهو إنت بمحلك
وانا تروني بأول الصف مشجع ومستمع
وصـــــــح لسااانك
حمود الشمري
29-01-2004, 17:29
مرحبابك يالاصيل ابن الاصيل= بساحة الميدان مانسمع صهيل


ياعميل الخير كم به من عميل= ارسلي يالاجهزه واستقبلي



الطنايا حظرو لك حنظله وايضا عسل= العرب تختار موقعها قبل يوم الرحيل
الأصيل
30-01-2004, 00:15
أفا ،، حنظل للضيف !!!!



إطلب الله يالشمالي للهدى=خيلكم ما تحتمل طول المدى

وين حق الضيف يهل المنتدى؟=واسلي يالأجهزه وستقبلي



المعزب يبتهج بالضيف لامنه نزل=ماخبرنا الشمري من خلقت الدنيا بخيل
متفاائل
30-01-2004, 01:11
انا شفت الاخ سهيل غير متصل وحبيت اشارك ان اذن لي سهيل والضيف
والا احسبوني من الجمهور وسلامتكم
رضا الزميلي
30-01-2004, 01:22
هلابك أخوي /الأصيل

يالله حيووووووه

والشعراء بالطريق

صح لسااانك

سجلوني متابع


أخوك /المجهول
حمود الشمري
31-01-2004, 19:22
كل عام ونتم بخير

كيف اعرفك ظيف من قبل السلام= كل شخصن محترم يلقا احترام

انت داخل دخلتن نوع الخصام= ارسلي يالا جهزه وستقبلي

عرف بنفسك وانا ابدلك الحنظل عسل= حتانلعب معك يالاصيل بالبحر الطويل
الأصيل
01-02-2004, 12:04
عيدكم مبارك


رحبو بالضيف قبل المعرفه=هقوتي ألقى دلال مصففه

( ياهلا ) صارت عليكم مكلفه؟؟؟=وارسلي يالاجهزه واستقبلي

***************************************


لابتي بسيوفها تحمي دخيله لادخل=جاك تعريفي بنفسي واستلمها يا سهيل
حمود الشمري
06-02-2004, 16:40
لابتك والنعم فيها حسب فكري وظني =السيافا سيافا وامدحه بكل شعري

والله انا درينا وانت بالعلم تدري= وارسلي يالاجهزه واستقبلي



ابتدا جد المعاني وانتهى وقت الهزل=والعريف ان غاب مادرى عن اعمال الفصيل
الأصيل
06-02-2004, 18:42
ما عليكم زود ، معرفتك شرف=أعرفك واعرف جدودك واعترف

مجلسك بالصدر ،، مجلسنا طرف=وارسلي يالاجهزه وستقبلي





يالشمالي ما تعثر خطوة الماشي مهل=إنت نجم ، ونجمكم للبدو بالمسرا دليل
أبو مقرن
06-02-2004, 22:25
نتشرف بمتابعة أمثالكم...
ونفخر بالقراءة لشرواكم...
واصلوا على هالمنوال خطاكم...
فنحن قلبا وقالبا..وراكم..

***
أبو مقرن
متفاائل
06-02-2004, 22:47
كاتب الرسالة الأصلية : أبو مقرن
نتشرف بمتابعة أمثالكم...
ونفخر بالقراءة لشرواكم...
واصلوا على هالمنوال خطاكم...
فنحن قلبا وقالبا..وراكم..

***
متفاءل
الأصيل
07-02-2004, 11:07
ماعليكم زود،أنتم الشرف ،والشكر لكل متابع ولشاعرنا الكبير سهيل الشمالي
حسناء2
07-02-2004, 21:38
سجلوني من المعجبين
الأصيل
11-02-2004, 08:43
سجلنا الأخت حسناء2 من المتابعين ،، لكن وين سهيل ،، أظنه يدور الفقع