خاص بشعر منصور الرمالي رحمة الله

[ابو مشاري الشمري]

السلام عليكم ورحمة الله وبركاته وبعد
اقترح من جميع الاخوة الاعزاء .
اي شخص عندة قصيد لمنصور رحمة الله ان يسجله في هذا الموقع
ليكون معروف وشامل لجميع قصائد المرحوم.
افضل كذا احسن من ان تتشتت قصائدة في عدة مواقع
هذا رايي والراي للجميع
ودمتم سالمين اخوكم ابو مشاري

[نافع بن طواله]

الناس ربي من ترابٍ خلقها %% وإنت الذي من جوهر الماس مخلوق
الناس ساواها الولي ما فرقها %% بس إنت عن كل البشر صايرٍ فوق
إنت البحر فيك البواخر غرقها %% وإنت السحاب اللي به أمطار وبروق
وإنت الجحيم اللي حياتي حرقها %% وإنت النعيم اللي يشدن له الشوق
ألطف بروحي لا تسبب زهقها %% وإلطف بقلبٍ من عنا الود محروق
واسق الورود اللي تساقط ورقها %% وإلحق على جسمٍ غدا جلد وعروق


منصور بن سعدي الرمالي

[الاديب]

بسم الله الرحمن الرحيم

جزاكم الله كل خير
ورحم الله شاعرنا ورحمنا جميعا
وانا اشهد انه هرم شعري ومن الواجب ماتقومون به
وفقكم الله

[ابو مشاري الشمري]

امر مـــر مــر فـي دنيتــي لــي
وامـرمــر مـــر لي في حــياتــي

الياجاني العاني وانا مامعي شــي
ودي تجيني قبل يأتــي وفـــاتــي

أن أعتذرته ظن ظــن الردى فــــي
وانا الردى ماهو صــفه من صفـاتي

أضحك وهليبه وانا منــكوي كــــي
من خــوفي التقصير في واجباتـــي

ومن لاأشتهـر بالجود صيته وهو حـي
ماطالعله صـــيت عـــقب الممـاتي

[ابو مشاري الشمري]

بدايـــة نهـــــــــــايتنا

متى ياعرب نمـشي على راي بالأجـــماع
وحنـا باياديـــــــنا نفــرق تــجـمـعـنــــــا
متى ياعرب نسترجـع الماضي اللي ضاع
وحـنا الســــبب في كل شـي مضـــيعـنا
متى ياعرب جسم العرب يشكي الاوجــــاع
وحنا بنـــار القــــدر نـكـوي مـواجـعـنـا
لأمـر بعضنا نرفض ولأمـر العدى ننصـاع
نتواضع للعدى وآل بعض ماتواضعنا
تعبنا.. تعبنا.. نطـرد المــظــهـــر الـــلــمـاع
وعلى ركضـــنا الفـاشل أعــدانا تشــجعنا
تعبنا من التمثيل والشجـــب بألـــــــمذيـــاع
من الشـــجب ياهل الشجب ملت مسامعنـا
كبيرة ..كبيرة..ياعرب نشترى ونـــبــــــاع
وايادي أعـــدانا لقـــتـــلنا بعـض تصـنعنا
كبيرة وحنــا أهداف بمخطط ... الأطـــماع
وعلى بعضـنا تظـهر وتكـــمن مطــــامعنا
كبيرة.0.كبيرة.. والكبيرة ..يصـير أصراع
علىيــد بعضنــا للأسـف صار مصرعنا
شــرينا المدافع ندعي نقهــر الــــــطــمــــاع
ولا كان ندري مـوتنـا من مـــــدافــــــعــنا
شـرينا نهـــــاية بعــضـــنـا من يـد الصــناع
وشــــرينــا الخـــيانة.. والأمــانة لهـا بعنا
غــــريبة..غــريبة ما بنا واحــــد جـــزاع
تـموت الألــــــــــوف ولا تذارف مدامعـنا

اذا كان دم أبن العرب ســال منـه القــــــاع
ولا منه نــجـزع ياعرب ويـــش يجــزعنا
فلا أدري ول أدري كيف نرقــد ولا نرتاع
رغــم مانشـــوفه نــهتنــي في مــضاجعنا
نـنام ونقوم وهكذا يعــزف الأيـــــــقـــــــاع
ولا شــي يشـغــلنا ..سوى الأكل اذا جعنا
كأنا نعيش بـكهف مـــانعرف المـــطـــــلاع
ونبي ننتـــظـــر لعل الأقــــــدار تــطلعــنا
تـلاشت عـــزيمتنـــا وحـب المظــاهر شاع
بـداية نــهــايتنــا حياة بـــلا بـمـــعـــــــنــا
رضينا القدر منهج... وســـابق وفانا ضاع
واذا كان ضيعنا الوفــــاءياعـرب ضـعنـا r
نــسيــنا ..نســـينا .دينـــنــا لين صرنا أتباع
ضعفنا...ضعفنا وألسبب ضعـف وازعنا
تعبنا..تعبـــــنا.نحترق ياعــرب نلـــــــتــاع
تعبنا.. وملينــا من الكــــذب ...والتعـــــنا
على فوهة البركان نصنع هدوء أوضــــاع
شـــكت كذبنا أقــلام بكــــت بين أصابعنا
نبي نفرض الكذبه على الواقــع الملتــــــاع
وعلى صيغة الكذبه نبــرمج مــــطـــابـعنا
وعملنا لهــــا تضـــخـــيم حتى خبرها ذاع
وسكتنا عليهــــا وأشتكى الضــم واقــعـنا

كلمات الشاعر منصور بن سعدي الرمالي الشمري...... يرحمه الــلـــه

[ابو مشاري الشمري]

أكتبــــيني ضاع في صفحة ضــياع واعربيـــــني فعل ماضي ياذهـــب

وأشـــــعلي في مابقا مني لـــهــــب وادفنيـــــني واكتبـــــــي فوقي وداع

لو بغيت انساــــــك قلبي ماستـــطاع وجرحـي النازف تزاود والتــهــب

فيك من شمس الضحى نور وشعاع جل منهـــــو للحلا فــيكـــم وهــب

ياذهب ياماس يشــرى مايـــبــــــاع كل من شافـــك راعــش وارتهب

منصور الرمالي الشمري

[ابو مشاري الشمري]

يا هم ياللى في خفى خافقي طلت0000 ارحل تــرى منصور قــرب رحيلــــــه

يا هم ؛ جاني ما كفاني ؛ وحصّلت 000 جسمي قضا وعضام جسمي نحيله

ياهم؛ انا اخفيتك؛ بصدري ولازلت 000 اخفيك خوف اهل النفــوس العــليلـــــه

اخاف قول اللى يقولون لو قلت 000 اللى سوالفهم ، عراضن طويــــلـــــــــــه

ولو حملوا سلمى مثل ما تحملت 000 صاحت ، ل اجا ، من جور حملن تشيله

ولو ان سنجار الجبل شال ما شلت000 مبطي شكا،ضيــــم الحمول الثقيلـــه

أصبر، ولو شفت الزمن مال ما ملت000 واقول يمكن يعتدل عقــــب ميـــلــــــه

منصور الرمالي الشمري

[ابو مشاري الشمري]

الذل انا ماارضاه مادمت حياء
ولاذل من هو في ذرا خالقه لاذ

اصبر ولولي مطلبي ماتهياء
لا سايل هذا ولا طلب هاذ

ارضا الضما مطلب من النذل مياء
واموت جوع ولااقصدالناس شحاذ
حلفت انامااطلب من الناس شياء
وضلعي على حقي حديد وفولاذ

[ابو مشاري الشمري]

يالي جرحة القلب بيدك وانا اشوف
حرام قلبك ليه مأبه مرافه
ارحم جريح طـاح وبحلته رؤف
الي حياته لاجل فرقاك عافه
تركتني في ظلمت الخوف مكسوف
والبستني ثوب الشقاء والكسافه
يابو جديل فوق الامتان منسوف
تلحق على رؤؤس الشطايا ظفافه
وعيون سود وخد ونهود وردووف
والي ابتسم تجذب عيوني رهافه
وجسما" حسيم والاخصر منحوف
على من تفسيخ ثوبه كلافه
والورك والفخذين والساق ملفوف
والوجه ناعم مشتكا من جفافه
ادع غنج باالملح موصوف
من ينهبه يملك عذر لاختطافه
في حب ذاك الزين مغرم ومشغوف
الي جمع بين الجمال وعفافه
وتبدا حياتي لليل كان مزفوف
ونهايتي لليله لغيري زفافه
ووجد حالي من جيب مكتوف
وحطوه في سجن وشدو كتافه
مطلوب دم ولحظة الجرم مشيوف
وأخوا القتيل الي له الثار شافه
ومن جيب للتحقيق بادروه بكفوف
سجل تقرير السجون اعترافه
عليك يالي لاجلك الدمع مذروف
دمعي على فرقاك زاد ذرافه
انا على لاقياكي يانواف ملهوف
والقلب هم الود والبعد لافه
القلب من فرقاك هاجس ولفوف
يزد مع زايد جفاك الاتفافه
صارن دقاته رجف ورجوف
زود الجفاء والصدا زاد ارتجافه
يانواف باسمك البي وانا اطوف
وكلنا يلبي للولي في طوافه
هم يرتجون الله وانا ارجيك يانواف
ارجيك انا رغم ابتعاد المسافه
ارجيك رجوا الي مع الموج مجروف
والموج حطم مركبه من جرافه
في لليل مظلم واعتلى فوقه الطوف
واطلق عنان الصوت بااخر مطافه
سوي ولو مره لدنياك معروف
تمكني قلب بدابه تلافه
اجاوب النايه الايناح برفوف
واقنب كما ذيب عن الجوع حافه
روفي بحالي الي طعنتيه باالجوف
اي على شانك حلا النوم عافه
اعفي عن الي من يدك موقوف
فكي قياده واسمحي بانصرافه
وردي علي وبيدي ظلمت الخوف
لاتتركيني في هوان ومخاف
وانا مرجعتيني فانا اموت يانواف
ولاعلى دنياي بعدك حسافه

منصور الشمري

[ابو مشاري الشمري]

هذه القصيدة من آخر قصائد الشاعر / منصور سعدي الرمالي (رحمه الله )

يقول

يالله ياللي لك على الخلق سلطان …..ياواحدٍ كل الخلايق تهيبــــه

يا رافعٍ سبعٍ على غير عمدان…..ياعالم الدنيا بيانه وغيبـــــه

يابانين دينكى على خمسة اركات…. وأرسل رسوله للبشر تهتديبــه

ويا واحدٍ فوق المخاليق لك شان…. يا مرجعٍ يوسف على طول غيبه

ارجيك حيث اللي ترجاك ربحان…. واللي رجا غيرك تردى نصيــبه

أسألك عفوك وامتانك و الإحسان…. وأسألك أنا عطفٍ ولطفٍ وهيبة

ربي وآنا عبدك وعندي بك إيمان…. ما خش قلبي فيك شكٍ وريبــه

ربي وآنا عبدك ترجاك شفقان…. أنت الذي من يطلبك تستجيبـــه

يا جاعلٍ للخير والشر ميزان …. يا غافر الزلات ســتار عيـبــه

أدعيك وأنت مصوّر الأنس والجان…. والنمل فوق القاع تسمع دبيبه

أسألك في دنياي سترٍ على أيمان….وأسألك أنا التسبيح عند المصيبة

وألوذ بك يارب عن كل شيطان…. وأعوذ بك ,عن الضيم هو الغليبه

واليا خذيت الروح تاخذ بالإحسان….وتوسن يا صرت تحت النصيب

وأسألك أنا يارب رحمة وغفران…. في يوم ما ينفع قريبٍ قريب

في يوم ما ينفع قرايب ولا إخوان… يومٍ صغير السن يغشاه شيبه

يومٍ عظيم فيه رابح وخسران…. أحدٍ سعيد الحظ واحدٍ بخيبـة

الناس حفيانة شبابٍ و شيبان…. كلٍ بنفسه ما يهمه صحيبــه

من عظمة الأحداث زاغن الأذهان…. كلٍ يشوف بعينه أشياء غريبة

يارب ياللى خالقٍ كل ما كان…. تعطي ليا من العرب شح جيبه

أسألك أنا الجنة وطالبك رضوان…. وتفكني من نار يشعق لهيبه

وتجعل لنا مع صفوة الخلق مسكان …. يا شافيٍ جرحٍ تعذرطبيبه

وصلاة ربي عد ما كاينٍ كان…. على رسـولٍ سـنته نقتـد يبــــه

[طلال الشمري]

اخوي القدير ابو مشاري السلام عليكم ورحمه الله وبركاته.


ابو مشاري الله يعطيك العافيه على اهتمامك باالشاعر

المرحوم منصور الرمالي واشهد بالله انك راعي ذوق بختيارك

لشعر منصور الله يرحمه وانااباحاول اساعدك على اللي

اقدر عليه .
___________________________________________________
\\\ جليس الشمس \\\

ارحم جليس الشمس.. ياجالس الفي
_____________________ يري لقاك..ولاحصل منك لقياء

ان صرت مسوآ..في حياتك ولا شي
_____________________ انت الحياة..وغيرها شي وشياء

يااقفيت ياقف..نبض قلبي واناحي
_____________________ ومع رجعتك..ترجع حياته ويحياء

ارفق بحال..اللي كواه الجفاءكي
_____________________ واسق العروق..الي لهاوقت ضمياء

العين..دمعه دم.. معاد به مي
_____________________ ون طال هجرك..صارت العين عمياء

واعرف ترآ مبداي..في دنيتي ذي
_____________________ الفا..والاول..واو..والثالث الياء

[طلال الشمري]

\\\ مافيه شي\\\



مافيه شيً تجرحه..كلني جرح

\\\\\\\\\\\\\\\\\ ولاعاد للرحمه..ترأ اليوم داعي


خل التغلي..وترك الجمع والطرح

\\\\\\\\\\\\\\\\ مكشوف خل المهزله... والخداعي


شرحت لك..كنت احسبك تفهم الشرح


\\\\\\\\\\\\\\\ وخيبت ياالغدار..كل.. المساعي


فيك انخدعت..ولك وضعت الحشا صرح


\\\\\\\\\\\\\ تامر..علي..وامرك علينا..بطاعي


واليوم..اباأبعدعنك وأرحل وانافرح


\\\\\\\\\\\\\ ويحرم على عيني لصوبك تراعي




\\\ اخوك \\\

\\\\طلال الشمري\\\\

[ابو مشاري الشمري]

عـشـتـي جـنـونـي ومـات الـلي تـحـدانـي *** يــا قـطـرة الـدم غـنّـيـنـي وغـنـيـهـا
لـو مـا جـدعـتـي عـصـي الـقـوم بـالداني *** يـحـرم عـلـي الـقصـيد ونـظـم قافيها
هـدّي تـرانـي عـظـيـم واعـتـلـى شـانـــي *** ولــكـل بـــارز عـدو ذاق حـامـيـهـا

[ابو مشاري الشمري]

ياخوي والله كل ابوهم (حقاره )
تجي ســوالفهم اليامنــي اقفيت

كل همهم حالي يكب اعتباره
وينبت بجرحي ملح كل ماتعافيت

باتت امانيهم عطاشى خساره
وانا شربت الفوز الاول وشفيت

طبعي وطبعي مايعرف الجساره
ماهي شطاره بس انا شفت واخفيت

عمري قضى وقته يطارد مساره
وجمري غضى ناره طفت بي وطفيت

شديت لك حبل مضى ساق ثاره
وعناد طفل قال : لاماتصافيت

من يوم كنا صغار ذقنا المراره
والحين شوف كبرنا دام ضفيت

ارقى تعب واجمع بقايا انتثاره
واسقي مشاوير العنا كاني اهفيت

حاولت ابكي ليل يضحك سماره
واشفي قليله بأكثري ثار واشفيت

حلم بسما عيني يفك انتصاره
ورفعت كفي للاماني ورفيت

من طيش قلبي سكرته وانتحاره
والعمر خليته وفا .. لاتوفيت

اخوك شامخ مايعيش انكساره
اشبهك وافخربك ولافيك كفيت

وفيت لك مثل الضيا في نهاره
وكفيت ماكفيت .. وانا ميت اوفيت

[ابو مشاري الشمري]

محتار فيك اليوم واحترت مبطي\\ وش قصتك باالضبط حيرتني فيك

تخطي تجيني تعتذر ثم تخطي \\ وتزعل وترضاءقبل اجيلك وراضيك

اطلبك ماتعطي وتبغاني اعطي \\ وياماعطيتك بس ماعدي اعطيك

واحكي معك بسلوب للصوت اوطي\\ وانت بكلامك تزعج الي حوليك

لاشك رايح نكشف الي تغطي \\ وافهم حقيقة حاضرك قبل ماضيك

بقلبي سطيت ورايح بقلبك اسطي\\واخذ بثار جروح قلبي واخليك

[ابو يزيد]

اخي الغالي/ابو مشاري الشمري

السلام عليكم

اخي تشكر على تجميعك لقصائد الشاعر/منصور الرمالي

ومجهود اكثر من متميز ولكن لي ملاحظة بسيطة وهي :

وجدتك ادرجت هذه القصيدة من ضمن قصائد منصور الرمالي وهي للشاعر /العذب مشرف مضيف الشعر العربي

عـشـتـي جـنـونـي ومـات الـلي تـحـدانـي *** يــا قـطـرة الـدم غـنّـيـنـي وغـنـيـهـا
لـو مـا جـدعـتـي عـصـي الـقـوم بـالداني *** يـحـرم عـلـي الـقصـيد ونـظـم قافيها
هـدّي ـرانـي عـظـيـم واعـتـلـى شـانـــي *** ولــكـل بـــارز عـدو ذاق حـامـيـهـا

ولم تكتب تحتها صاحب القصيدة ولكي لايحدث التباس لدى القاري حبيت فقط انبهك

واذا تريدني احذفها حذفتها او كتبت اسم قائلها تحتها او تركها كما كانت لو اني ارى ان ذلك هظم لحقوق الشاعر /العذب.


اكرر شكري لجهودك

وجزاك الله خير

اخوك

ابو يزيد

[ابو مشاري الشمري]

أخي ابو يزيد
يابعد حيي .آسف جت بالغلط
مادري كيف اقولك.
على كل حال يسلم قايلها وبيض الله وجه.
لوا تكرمت أحذفها انا أبغاه خاص لشعر منصور رحمه الله.
والف والف شكر على تعقيبك
واشكرك.