أصعب موقف مر عليك أو على غيرك((مشاركة))

[ابو مشاري الشمري]

السلام عليكم ورحمة الله وبركاته
نرجوا التكرم بكتابة أصعب موقف مر عليك أو على غيرك
المهم نبي نضحك
أسرد لكم القصة
واحد من الزملاءقال لي هالقصة
وحقيقة مت من الضحك لين دخت
وخاصة ان السالفة نفس تخصص أبو غازي
يقول
طلعت من ينبع ناوي حائل
ومع السفر ماتطفي زقارتي وحدة ورى وحدة
والمكيف شغال على أعلى شي وفار كل الفتحات على وجهي والقزازة اللي جنبي فاتحه
وشفط من هالزقاير
وكان الجوا بعز الحر
يقول يوم أقبلت على المدينة المنورة
حسيت بصداع فضيع
ويوم طالعت لوجهي بالمرآيه الا صايبني أبو وجه
عسى الله يحمانا وياكم منه
ويقول يوم تعديت المدينة بشوي وأشوف لي مستوصف خاص
وأمر وأللبق عليه
المهم يوم شافني الدختور
قال
((أنت عايز لحئنة ))
صكني بالحقتنة
واصلت مسيري
ويوم تعديت الغزاله
قمت أنشد ماتخبرون أحد يكوي
قال مافيه الا فلان شفه بعد هالضلع
والف بعد هالضلع اللي يقولون
يمار بيت اكالشعر
مليان رجال نزلت و سلمت عليهم
والنار مشبوبة
ويسولفون
جلست من ظمن هالرجال
وهو يأخذ أكالمخطر ويحطة على النار
وعيني لهالمخطر
وكل شوي يطلعة ويرده
وأنا مركز عليه
لين صرت أشوفه زيه زي الجمر
أحمر
وشكله بعد والع نار
قالي هاه كيفك بك شدة ولا أخلي هالرجال يمسكونك
قلت لا
بي شدة
قال أجلس عندي
وأجلس عنده
المهم ويقعد يلمس حنكي ويفر يده ويدلك ويفرك
وانا مركز عليه علما بأني صاد
بس الخس حركاته
ويوم مد يدة اليمنى أشوفه راحت لنار
وانا تقل صار فيني خرعة من هالمخطر الله لايبلانا
المهم رد يده اليمنى يم جهت النار
وهو يقربه لي وأنا أتصور المخطر بيده
ويوم لمس طرف حنكي وأنا أصرخ اكالصرخة اللي شكله ماعمر أحد صرخة ابد
واقمز على طولي مع الصيحه
وقامت هالرجال تضحك وأنا ماحسيت بوجع
أثريه الله يخسه
غط صبعة بالرماد يبي يحدد مكان الكوية
وأنا أحسبة المخطر
يوم قعدت قال هاه وشفيك شكلي أخلي هالرجال يمسكونك
قلت لا
خذ راحتك
يقول صاحبنا صرت أصبصب عرق وأنحرجت الا أبعد حد
خذا المخطر وجحمن ورفع يده وجحمن نوبتن أخرى والله كأني مأحس فيه من الخجل
هذي قصة الرجال
ونبي مشاركاتكم
أكيد كل انسان مر عليه موقف محرج
لاتبخلو علينا
تحياتي

[الملهم]

ضحكة ياما بتيست

عوذا شلون صرخ وقام وهو ماحط المخطر الله يعينه

أنا الحين مايحظرن شئ بس أخبر سالفة سمعته

يقولك هذا واحد يمشي ولاعنده من الشيطان طااري بسيارته

يوم شطفته اكا السيارة اللي بين السماء والقاع وخرعته هالمسيكين

والله ويلحقه وراه وراه من شارع لشارع ياما ووقفوا عند الأشارة

من دون أي مقدمات ألتفت وهكا النخمة (( وأنتم بكرامة )) ناويه تجي براعي السيارة

الدريشة مسكرة شف القهر عااد بس يبي يحفظ وجهه غديه يشوفوه بمكان ثااني يتوطأه

يوم التفت الرجال بمار هذا أبوه عااد مايدري وين يحط وجهه أقرب قرطاسة غطا وجهه به وكفخ ولاهو يشوف الدرب وآخرته مخالفة قطع إشارة وعدم سيطرة على المركبة وسرعة وجلس كم يوم بالقسم ماكلم أبوه مستحي

هذا اللي عندي حالياً

لك تحياتي وتشكر على هالموضوع المنتاز

الملهم

[المخاوي]

ابو مشاري

موضوع رائع ومتميز
وهالمخطر ورانا ورانا :D
ههههه اجل الرجال لوه صياحن وهو ماانكوا:)
زين ان الربع اللي جاهم مايعرفونوه ولايعرفهم
والا كان يترخون قمزتوه ;)
تسلم على هالموضوع والموقف المحرج

ولي نكستن مع موقف

[سالم]

سالم مر من هنا و يحجز هذا المكان لـ الإسبوع القادم :rolleyes:

ماننحرم يابو مشاري



سالم :)

[موال]

يامرحبا ابو مشاري
يا ما من المواقف بس خلها على الله

قالت بصيف بين لندن وبيروت ... وانته ( يابو مشاري ) وين ناوي تصيف
قلت اسمحي بالعذر والتناهيت ... انا بصيف في غرفتي والمكيف

<=== بو مشاري طفران اصعب موقف محرج :D

[متفاائل]

ابو مشاري
تسلم ويسلموا هالافكار الرائعة

الله يعطيكم العافيه:D:D

هذا به سالفه حصلت فعلا حسب من رواها لي .

يقول ابوي ياقام يصلي الصبح يقعدنا وياويلك ياللي
مايقوم ويصلي معه بالمسجد
انا سهران ولانمت الا قبل الفجر بشوي
ماخذيت الا يوم جانن فلان فلان
قم صل قلت سم واليامار الثوب
مايجمل وانا بالسروال القصير والفنيله
وعلى عيوني النوم قلت طيب
واثرينن غطيت مامن شين
يمار اسمع باب السور يوم
صفق وانا افوع ماعندي شي البسه
يامار بجنبي عباة امي وانا القطه
وانا اسوي حالي اصلي .
مر الابو من عنده يمار هاذي
ام فلان تصلي قال وتقولين البارح ما اصلي
فات بوجهه للدار يوم دخل يامار هذي
ام افلان قدامه قال بسم الله منهي
اللي تصلي بالصاله قالت فلان ثوبه
ماهو زين واخذ عباتي
يبى يصلي به :D:D

[ابو غازي]

:D:D:D:D:D:D:D:D:D:D:D:D:D:D:D
:D:D:D:D:D:D:D:D:D:D:D:D:D:D
:D:D:D:D:D:D:D:D:D:D:D:D:D
:D:D:D:D:D:D:D:D:D:D:D:D
:D:D:D:D:D:D:D:D:D:D:D
:D:D:D:D:D:D:D:D:D:D
:D:D:D:D:D:D:D:D:D
:eek::eek::eek::eek::eek:
سلط الله على إبليسك يابو مشااااري
افييييييه ضلوعي يوجعنن من الضحتس
ياشين :p

[ابو مشاري الشمري]

الملهم
اههههههههههههههههههههه
والله مت من الضحك
تفدغت تسبدي
عاد وحظة المغبر مالقى الا أبوه
كع كع كع كع كع كع كع كع
تسلم وحياك الله

[ابو مشاري الشمري]

سالم الشمري
حياك الله يالغالي
شف لنا موقف من النوع اللي يفدغ التسبد
تحياتي
وتسلم

[ابو مشاري الشمري]

موال

صح لسانك يالغالي
مادام انها كثيرة لاتحرمنا
نتمتع بكتاباتك ومشاركاتك
شفلنا شي
لما يقراه أبو غازي يصير مايشوف من الدموع اللي على النظارة
أنتظر
مشاركتك
تحياتي

[ابو مشاري الشمري]

متفاءل

اهههههههههههه
هذي مسكتة
ومحرجة بالمرة
بين الكل:eek::eek::eek::eek:
الشايب والولد والعجوز
تسلم
وشكرا لك
بس أنتبه لاتعوده
خذ حذرك
اههههههههههههههههههه
:o:o:o:o:o:o

[ابو مشاري الشمري]

ابو غازي

أبو غازي تصدق اني مت من الضحك
من تصوري من ضحكك
أقرشت
لا
وأتصور انك حدى هاللي حاضرين الموقف
وشايفه يوم انه ينقز
من الرماد
كع كع كع كع كع كع كع كع كع
تسلم ويسلم مرورك ياحيي
تحياتي

[متفاائل]

ابومشااااري :mad:


بس أنتبه لاتعوده
خذ حذرك . اتق الله يارجل :D
:D:D:D:D:D

[ابو مشاري الشمري]

متفاءل

ياعلك ماتجيب الفوايد
أنا وشقلت يوم انك تهددني
شي يرقى فوق وشي يروح يمين
ولا
أعودة
يادافع البلا
أقول
تصدقون
فيه مفاجائة
غريبه
مار من مبطي ماصلقتكم تحت
وجاء وقته
يااله انصلقوا تحت
مشينا
















































































بعد شوي


























































بعد بعد بعد شوي






















































حقيقة لم أسبق عليه
مفاجئة

































سمعتو بعبيد الضلع






















































اللي هو أنا هالمرة

































أستلموا





























اههههههههههههههههههههههههههه
الله يلعن ابليسك يابو مشاري
تصدق يابو مشاري أني مت من الضحك
تفدغت تسبدي
الله يفدغ تسبد الظالم
اهههههههههههههههههههههههههههههههه
قصه حلوه
وتسلم يابو مشاري
أسجل أعجابي














وشرايكم
كع
عع
كع
كع
كع
كع
كع

[متفاائل]

متفاءل

اقتباس من ابومشااري
ياعلك ماتجيب الفوايد
أنا وشقلت يوم انك تهددني
شي يرقى فوق وشي يروح يمين
ولا
أعودة
يادافع البلا

ههههههههههههههههههههه
ههههههه ابومشاري ضربني وبكى سبقني و :D:D
انا مقتبس هذا التهديد من رد لك سابق :D:D
هي عليك الوزره اكيد ومتعوتل-ن به ذاله تنفسر ولا انت مركز كع كع كع كع كع
اشي عطن خشتك ابي امطقه .

حتياتي للعجيم . الله من الخيت ياريط عند الحيت ياطيب

[متفاائل]

ابومشاري
لانه (راع المحل)
ولايهونون الربع
موقف محرج حصل مع واحد وانا حاضر ( ماهو تقول لاتعوده):mad:
حنا وقتنا عيد يوم شبعوا الربع وجاء حول العصر يمار به له واحد بله بيت شعر بطرف الديره قالو الربع عليه قلنا تم وشعنده قالوا عنده عيد ونبي عقبه نحط لنا نيشان ونرمي والله نروح له وحنا نأكل مقسوم الله واهل البواريد يطلعونهن قلوا مايصير الرمي ببارود وحده من شأن نعرف اللي يصيب والله وهم يزهبونه ونأخذه بالدور يمار هي بلجيك ماعندك احسن منه والربع متعودين على رمي الشوازر اللي الله لايبلا يوم تنزرك نوب يامار مهنديتن بكتفك . بدينا بالرمي ومن هذا لهذا وعندك عندك وناس بالدربيل تشوف من يصيب ومن يخيب وهو يجي الدور على ها كا الواحد وهم يعطونه اياه حاول يعديه ماحصل وهو يأخذه :D:Dويسوق المنظار وهو ينامبوووه له شوين وهو يطلق سهمه يامار هو متنقح من امس على ظهره والبارود والله ماعداء طقت الابره اللي مادري هي اكذبت :Dالفشقه او هو نسي يحط به شين والله انه شوف عيني مع طقت الابره يمار هو على ظهره والله لايوريك وكل يقوم يحشاء شماغه بفمه ولكن مانفعت وهو يحبيبي يتململ له شوين وهو ينطق . وهذاك وجه الضيف

[ابو مشاري الشمري]

اههههههههههههههههههههه
الله لايبلانا
هذا مثل راعي الرماد
على الريحه
تسلم والله
ولا تحرمنا من غيره
تحياتي

[متفاائل]

هلا ابو مشاااري
:D:D:D
شكراً لك وابشر والله نبي ننفضهن عن هالغبار وانتخير الجزلات منهن
وانت والربع بعد تفطنوا
وش هالبخل الله لايبلاء لاتلون بس كبر الخط تر الشوف لك عليه

[ابو مشاري الشمري]

أنفظهن عن الغبار
وترى الحويل زين
اذا راح الغبار
مار قلبهن
تحياتي

[متفاائل]

ا من المواقف الصعبه

مرة طالعين للبر يوم اظلم الليل يامار معنا لنا ربع مايدانون بالحيل وحنا نقوم نسولف عن السباع وصار كذا وصار كذا وانتبهوا يالربع ترونا حنا بمغتر بوسط هالشغيه المهم شبعناهم من الحكي اللي الله لايبلانا ولايسلط علينا ولا يواخذنا ياما قام الواحد يراوغ ظلاله سرينا مالكم بطويله واحد منهم اهله بالمزارع هاكاليوم وهو يجي للمزرعه والبويت لاكهرب ولا شين وخرمس مثل :D و هو يدخل مع الباب يوم فطن يامار البلواء يوم جته سوادة له جلبه وهو يجدع
بروحه ويلصق للجدار مايدري وشي وهي تطلع يوم بغي يرد النفس وارتخى ويابجيت السوادة الاخرى وهو لاشعوري يملاء يده من البطحاء اللي بالحويش تقل حلبي وهو يرشم هالسواده يقول يقولته الرجال يامل عمى ابوي اللي يعميك مننت يقول ودورن ولا تلقانن اثريه ابوي يطرد له بكره داخلتن بالحوش من بعاريننا دجون الماخوذه . :D:D:D فكونن من ابو اربع طعش لايزرب له

[سليمان الثنيان]

|513|رائع ياابو مشاري|118|

سراحه احراج............

والحلوه... سالفه متفاءل.....:p

......................
.........................




انا ابي اسولف لكم سالفه حدى هالشيبان الي عندنا بديره...|513|


عندنا لنا شايب مايعرف ينام الا متلطم|513|بشماغه...سواء صيف

ولا شتاء.....

المهم هشايب هذا موظف بوظيفه عسكريه....

بيوم من الايام نام الشايب كل عاده بشماغه.....

وصحا متأخر على الدوام :eek:

من

العجله قرط الشماغ ولبس البدله ..........

وشلع للدوام......

على شان يلحق على الصفه........


يوم جاء اخوياه وقف معهم بصفه.........


وجاء الضابط يكملهم............

الا .........


الرجال............


بوسطهم.............



ويختلف..........



عنهم................


ليش...|118|
























لابس طاقيه........ مو بريهه



جاء الضابط.........



وقال الجميع؟؟






بريهه انزع..........ههههههههههههههه



|118|








اتمنى انه تعجبكم........

<----------------هذا الي عندي...........



----------------------------------------------------
----------------------------------------------------

[ابو مشاري الشمري]

هههههههههههههههههه
تسلمووووووووووووو
وشكرا لك أخي متفائل
حقيقة بيض الله وجهك ماقصرت
قصص محرجة جدا ورائعة بأسلوبك
الله يعطيك الف عافيه
وشكرا لك أخي سليمان
تحياتي للجميع

[متفاائل]

:D:D:D
ههههههههههههههه
شكراً لك سليمان الثنيا ن على المرور والمشاركه

[متفاائل]

ابو مشاااري
هههههههههههههههه
ههههههههه
والله وانا لحالي ياطرت علي وتخيلت شكله لاصق للجدير وخطشتوه للبطيحاء اني اضحك ياما ينوغزن جنوبي :D:D:D

شكراً لمرورك انت ابو مشاااااا ري والاخوان فبدون مروركم تكون المشاركه ناقصه وغير مثمره

[ابو مشاري الشمري]

اههههههههههههههههههههاي
موقف ماهو محرج ولكنه مضحك
مره بالعمل
قلنا وشرايكم نطلع قيلة يم هالضلعان والبر ونمرح هناك
اتفقنا
من العمل بكرى نطلع
مشينا يمكن حوالي 14 طعش رجال
المهم شوينا وآكلنا من هالخرفان اللي على كيفكم
ويوم جت حوالي الساعة ثلاث الفجر
أنسدحنا بلنا شعيب
وكان معنا لنا واحد بخاري
حقيقة اني ماشفت مثلة أبد أبد
نكته فر فوش مزوح الى ابعد حد
وكنا نطالع لنجوم بعز الظلام
وهو يقوم البخاري
وهو ينام بيني وبين واحد من
هالدفوش بدوا
قال أنا خايف اما يجيني ذيب ولا ثعبان((يقصد داب))
جلسنا نسولف
قال البخاري
لو يجينا هالحين سيل ويقشنى((طبعنا أترجم كلامة على شان تفهمونه))
ونموت
ويذيعوننا بالتلفزين
يقولون
انتقل الى رحمة الله
فلان الشمري
وفلان الحربي
وفلان الحارثي
وفلان العتيبي
وفلان الغامدي
وفلان الزهراني
وفلان العنزي
وفلان المطيري
لما يجيبون أسمي
فلان البخاري
وش يقولون عني الناس
يقولون هذا وش جابه معهم
وشوا اللي لقفه معهم
أكيد ماراح معهم الا ان به كذا وكذا؟؟؟؟
اقسم بالله
اننا ضحكنا طول ليلنا اليما طلعت الشمس
كل شوي يقول ياصبي شمر
خنفس تمشي
وشوا اللي أسمعه كانه وحش
ديب عوا
انا وش جابني
معكم
قرادتي

الله يرحم امك يفلان
ابي انام وانا قريب لك
لو يجي ذيب ياكلك قبلي

المهم انه متعه
وأعز صديق لي في الغربيه
وسلامتكم

[شخاط]

كخخخخخخخخخخخخخخخخخخخخخخخخ
تشطبت تسبدي من الضحك
تسلم ياشيخ ابو مشاري

احسن سالفتن جازت لي سالفة خينا متفايل
وخويوه وهو يصلي بالسروال والفنيله :D

وسالفة البخاري|118|

كخخخخخخخخخخخخخخخخخخخخخخخخخخخخخخ :D

لي نكستن اخرى :p

[ابو مشاري الشمري]

شخاط الغالي
وسع صدورنا بلك سالفه
وشكرا لك
تحياتي

[سالم]

السلام عليكم ..
كثير منا له مواقف .. لاتعد ..
وانا لي مواقف كثيره مررررره و لا اذكرها حالياً :)

بس اللي اذكره انه مره من المراريت |501|
دخلت المسجد و صليت ..
الركعه الاولى مافي اشكال .. و يوم اني قمت من السجود للركعه الثانيه ..
وقريت الفاتحه .. الا و فيه هندي يبي يمر من قدامي ..
طبعاً محرم علي الكلام .. وانا امد يدي ابيه يروح عني ولا يقطع صلاتي .. |512|
الا وابو الشباب مايدري وش السالفه مصر انه يمشي
مديت يدي زياده شوي .. الا ويبتسم في وجهي و يمد يده يحسب اني اسلم علييه
هههههههههههههههههههههههههههه
هههههههههههههههههههههههههههه
هههههههههههههههههههههههههههه

ماقدرت اتمالك نفسي .. فـ قمت بقطع الصلاه واعادتها :)


و ماشفتوا شي للحين :)


ماننحرم

[ابو مشاري الشمري]

اهههههههههههههههههههههههههههه
تصدق عاد احرج فعلا
والله تفدغت تسبدي من الضحك
كأني اشوفه
تسلم
ولا عدمناك يالغالي
هات هات من الحويل ومن الجديد

[المخاوي]

مساكم الله بالخير
ابو مشاري كيفك انا مريت ووعدتكم بموقف
ولادري وين راحت الصفحه وتوي لقيته :D

هذا موقف حصل لواحدن من عيال العم:)
يقول سيرت على ولد عمن لي بحي الزهره بصديان وهو يذبح لي ابن الحلال ويعزم جيرانوه اللي مايعرفوني وصايرن انا المعزب واقهوي لان ماعندوه احد واخوتوه ماهم بالديره طالعين وهو ابن
الحلال مشتط رايحن جاي المهم الربع اللي حاضرين مايدرون منهي لوه الذبيحه والله يوم قلط
الغدا وجهز كل شي وهو يقومهم على الغدا ويحلف على هذا ويجر الثاني يقوموه غصب المهم
انوه قلط الربع كلهم وانا تلاقط عويناتي |512| وجالسن حول الدلال محد قالي شي ولاقلطن معهم
والله يومنوه سمابهم سموا الله يحييكم وابرك الساعات اللي جاء به فلان وجمعكم واسمحولنا
من القصور والله يوم قاموا يتلافتون الربع ليامار كلهم عرف اللي على الصحن مابهم غريب قالوا
وين ضيفك يافلان والله ليامار عدك صافقوه بالوجه تووه يستقعد قال اراخو ابوووووي ضيفنا نسيناوه
وليامار عد ثيابوه على راسوه :(قم قم قم قم قم قم قم قم قم قم وانا دوروني ماتلقوووووني من الاحراج .
قلت ابد انا ماني ضيف انا راعي محل ماتشوفوني اقهويكم يقول ابي ارقعه ليامار ماتنرقع :(
والمعزب غدا وجهوه حمر من الفشله والله ليامار الربع صاكينن بالصحن مالي مكان وهو يقوم هكالواحد ويقوم الثاني قالوا تعال بهذا قلت علي الحرام والطلاق بالثلاث ان مايقوم منكم احد وانا اجلسهم وتصير بوجهي اللي انتم خابرين :D ولافرحت على الله اني اقوم والظاهر اني اعجلتهم ماتغدوا:D
يقول والله اني كل ماشوف ولد عمي او يشوفن اننا نضحك ليامايغمى علينا .

هذا اللي عندي هالحين وسلامتكم .

[عذب المشاعر]

خييى : المخـــــــــــــــــــــــــــاوى
http://shmmr.net/vb/images/smilies/smile.gifhttp://shmmr.net/vb/images/smilies/smile.gifhttp://shmmr.net/vb/images/smilies/smile.gif
الله يونسك مثل ماونستنى الليله تسيف اصديرى ضايقن من اليوم
تسيف ماعلمنى ابو وزره بالشات الجديدhttp://shmmr.net/vb/images/smilies/smile.gif

خييى المخاوى
يابعد حيى وميتى تسيف اغليتك يوم اطريت الزهراء بصديان
قصه حلوه ومشوقه

[ميال عقاله]

تسلم يابو مشاري

[بعض الناس]

هلا والله بالرجال .. اسمحولي أبتقهوى عندكم وأعطيكم اللي عندي يابعيدين حيي ..
المواقف كثيرة .. خصوصاً مواقف السيارات اللي عند مجمع الراشد بالخبر !!!

يوم من الأيام قمت أرسل رسايل وصخه لواحد من أصدقائي .. وأعطيه من هالرسايل مثل اللي أنتم خابرين بحكم انه صديقي وبيننا ميانه .. أمراعيت ألا صديقي يتصل علي .. وأرد .. يمار الصوت نسائي .. مهوب صوت صديقي .. يمار أمه اللي تتكلم .. (تروا صديقي رجال كبير ومعاه ماجستير) .. قالت من انت قلت أنا أنا أنا .. سألتها هذا مب جوال صديقي (.......) قالت إلا هذا جواله بس تركه عندي ... بس من انت .. قلت هو يعرف رقمي وإسأليه عني يقولك من أنا .. وسكرت الجوال وهربت .. وقعدت أدور بالسيارة .. وأفكر .. وش أسوي .. الجوال عند أمه .. وتلفون البيت عند أمه ... وش أعمل ؟ ورسايلي تسود الوجه .. وأمه تعرفني اني شاب عاقل .. وهالحين تاخذ عني فكره سيئه .. واني أبفسد ولدها ..

بس

الحمد لله

جات سليمه

يعني


ماقال لي شيء عن الرسايل يومني قابلته ........ !!!!!!!!!!!!!!!

[ابو مشاري الشمري]

السلام عليكم
المخاوي نشمي ولد نشمي
فعلا راعي
محل
بس الاحراج لصاحب المحل والمعزومين
بيض الله وجهك
كفو والله
تسلم يالغالي
وعطنا من غيرها

عذب المشاعر
حياك الله يالغالي
شفلنا قصة وأسردها علينا
من هاللي تخلي الدموع أربع وأربع

بعض الناس
تصدق نكبه ومحرجة جدا
بس يمكن ان صديقك
انه بلعها من العجيز امه وسكت
ماحب انه يحرجك
على كل حال
فعلا أحراج
تسلم يمينك يالغالي
وقصة فعلا محرجة
ولا ننحرم من أبداعكم المميّز
تحياتي للجميع
ولا تنسون انكم تحطون من هالقصص الحلوه
سلملم