هوجاس
08-01-2004, 01:07
طلبت من يعطي العطايا الى سيل =اللي عن الطلاّب ماصكّ بابه =
يحطني لشيوخكم طير ابابيل =ودياركم على يديني خرابه =
واعطاني المولى وزاده بتسهيل=وارجي ان دعوتنا عليكم مجابه=
حطّيت لك ناس تحبل الحبابيل =ورزقه من الضبّان تملى عيابه=
تبغى تحارب متعبين الفناجيل=قبلك مضوا ناسٍ سعوا في خرابه=
حنّا لكم مامن ورانا محاصيل=الذيب ماعنده حذا طرّ.. نابه =
حنا هل الطولات والكنّس الحيل =وارزاقنا دومٍ نجيبه نهابه=
بظهور طوعاتٍ يشحّلن تشحيل=يردنّ حوض الموت عن اكترابه =
وبايماننا حدب السيوف المصاقيل=ومطارقٍ ماينتداوى صوابه=
ودهمٍ بهن ريش النعام المظاليل =تدني من الضّد المناحر حرابه =
لزمٍ الى وردن يصمّلن تصميل =بقومٍ يسدّك حاضره عن غيابه=
وان شفتهن يقفن تراهن مقابيل =لهنّ عند المرزمات انقلابه=
جينا وجيتوا فوق زمل الجماميل=وردوا عليكم موحشين الحرابه =
بيومٍ ضفى عجّ السبايا تقل ليل =واضحى وعنكم رحمة الله غابه=
واحلوا زعجتنا عليه الهلاهيل =بيومٍ كسا وادي عنيزة ضبابه=
صارت فقايدهم رقاب المشاكيل=بايمان من لا ثمّنوا في عقابه =
واللي وطينا غابت الشمس ماشيل =وحريمهم ردّت بتالي حسابه=
عقب القريزيّات ردّنّ للنيل =والعيد هبّن يوم جاهن خضابه =
ياذيب صح وازعج لذيب الهذااليل =واذكر له الوادي يدور العشاء به =
عن فرسة الطليان يفرس رجاجيل=بدارٍ بصرف البين ينعى غرابه =
قبله مضت مناّ عليهم تهاويل =والشرّ هذي عاقبه من سعى به =
بالطقطقانه والزقاريط وعقيل =وبقعا تفطّن يا علي وش جرى به=
حنّاكما مزنٍ حقوق الهماليل =دومٍ يسيّل واحدٍ ماهقى به=
فان كان تنكر ياعلي غارة الخيل=تر خيلنا تاطا الوعر ماتهابه=
حنّا الى صلنا بعاد المناويل =وصولاتنا كم راس شيخٍ هفى به =
عزّ العميل ان كان هو صال أوصيل =عليه أو جاه البلا من قرابه =
والى طغيت وقمت تمشي بتبديل =فرعونكم ياعلي حنا شهابه =
والى نوى خشمك يشوّل بتشويل =فاالضد حنّا اللي نهدّي صعابه=
أطلب من اللي فضّل الرسل تفضيل =ربّ السماء وانا شديد الرجا به =
بايات ياسينٍ وطاها وتنزيل =والمدّعى والبيت واللي دعابه=
يجعل شرايدكم طوال العباهيل =ودارك من ساكناتٍ جنابه=
هذا قضا كسب امّهات المخاليل =والميت ماينعى خلاف القضا به=
وعاداتنا الديّان نوفي له الكيل =ثلاث دوراتٍ خذا اللي سعابه =
وصلاة ربي عدّ وبل المخاييل =على النبيّ عداد وبل السحابه =
الشاعر الامير / عبيد بن علي الرشيد
يحطني لشيوخكم طير ابابيل =ودياركم على يديني خرابه =
واعطاني المولى وزاده بتسهيل=وارجي ان دعوتنا عليكم مجابه=
حطّيت لك ناس تحبل الحبابيل =ورزقه من الضبّان تملى عيابه=
تبغى تحارب متعبين الفناجيل=قبلك مضوا ناسٍ سعوا في خرابه=
حنّا لكم مامن ورانا محاصيل=الذيب ماعنده حذا طرّ.. نابه =
حنا هل الطولات والكنّس الحيل =وارزاقنا دومٍ نجيبه نهابه=
بظهور طوعاتٍ يشحّلن تشحيل=يردنّ حوض الموت عن اكترابه =
وبايماننا حدب السيوف المصاقيل=ومطارقٍ ماينتداوى صوابه=
ودهمٍ بهن ريش النعام المظاليل =تدني من الضّد المناحر حرابه =
لزمٍ الى وردن يصمّلن تصميل =بقومٍ يسدّك حاضره عن غيابه=
وان شفتهن يقفن تراهن مقابيل =لهنّ عند المرزمات انقلابه=
جينا وجيتوا فوق زمل الجماميل=وردوا عليكم موحشين الحرابه =
بيومٍ ضفى عجّ السبايا تقل ليل =واضحى وعنكم رحمة الله غابه=
واحلوا زعجتنا عليه الهلاهيل =بيومٍ كسا وادي عنيزة ضبابه=
صارت فقايدهم رقاب المشاكيل=بايمان من لا ثمّنوا في عقابه =
واللي وطينا غابت الشمس ماشيل =وحريمهم ردّت بتالي حسابه=
عقب القريزيّات ردّنّ للنيل =والعيد هبّن يوم جاهن خضابه =
ياذيب صح وازعج لذيب الهذااليل =واذكر له الوادي يدور العشاء به =
عن فرسة الطليان يفرس رجاجيل=بدارٍ بصرف البين ينعى غرابه =
قبله مضت مناّ عليهم تهاويل =والشرّ هذي عاقبه من سعى به =
بالطقطقانه والزقاريط وعقيل =وبقعا تفطّن يا علي وش جرى به=
حنّاكما مزنٍ حقوق الهماليل =دومٍ يسيّل واحدٍ ماهقى به=
فان كان تنكر ياعلي غارة الخيل=تر خيلنا تاطا الوعر ماتهابه=
حنّا الى صلنا بعاد المناويل =وصولاتنا كم راس شيخٍ هفى به =
عزّ العميل ان كان هو صال أوصيل =عليه أو جاه البلا من قرابه =
والى طغيت وقمت تمشي بتبديل =فرعونكم ياعلي حنا شهابه =
والى نوى خشمك يشوّل بتشويل =فاالضد حنّا اللي نهدّي صعابه=
أطلب من اللي فضّل الرسل تفضيل =ربّ السماء وانا شديد الرجا به =
بايات ياسينٍ وطاها وتنزيل =والمدّعى والبيت واللي دعابه=
يجعل شرايدكم طوال العباهيل =ودارك من ساكناتٍ جنابه=
هذا قضا كسب امّهات المخاليل =والميت ماينعى خلاف القضا به=
وعاداتنا الديّان نوفي له الكيل =ثلاث دوراتٍ خذا اللي سعابه =
وصلاة ربي عدّ وبل المخاييل =على النبيّ عداد وبل السحابه =
الشاعر الامير / عبيد بن علي الرشيد