ان ماعلقتوا والله لهجيكم بمعلقات ومعاليق بعد

[المحمود]

يا الطنايا منين لكم جزل مليح
ليا قريته كني على نبع قراح
ان نويت بيت انعوج او هو يطيح
وان نويت القاف قال خل المزاح
قلت ارتد واقرض الشعر الفصيح
ماوعيت الا وانا بوسط المراح
ومن كثر المحاول غدا لي كحيح
والوزن والقاف اعلن ضدي كفاح

[متفاائل]

المحمود
هذا تواضع منك فقط
صح لسانك

لالا لاانعوج ولا طاح بالعكس بيوتك مثبته والوزن ماشاء الله
لاتحاول ولا تكثر بالمزاح مانصدق انت تحمل لك سلاح
اتحفنا المحمود بمثلها شكراً لك

[عقالي مايل]

كاتب الرسالة الأصلية : المحمود

يا الطنايا منين لكم جزل مليح
ليا قريته كني على نبع قراح
ان نويت بيت انعوج او هو يطيح
وان نويت القاف قال خل المزاح
قلت ارتد واقرض الشعر الفصيح
ماوعيت الا وانا بوسط المراح
ومن كثر المحاول غدا لي كحيح
والوزن والقاف اعلن ضدي كفاح


صح لســــــــــــانك يالــمحــمــود

طلبت تعليقنا وهذا هو تعليقي او بعض التعديل ليستقيم الوزن اما القافيه فمايحتاج ماشاء الله عليك.


ياالطنايا منوتي جزل(ن) مليح=لاقريته كنه من نبعن(ن) قراح
ان نويت البيت ينعاج ويطيح = وان نويت القاف قال ابلا مزاح
قلت ابرتد اقرض الشعر الفصيح= ماوعيت الا وانا وسط المراح
ومن كثر ماقمت احاول لي كحيح = والوزن والقاف كافحني كفاح


دمت بخيــــــر

[احبه حيل]

الله الله يالمحمود صح لسانك
ومشالله عليك
اتمنى لك التوفيق ومزيد من التقدم
ولو اني شاعره كان رديت رد مطول
لكن للأسف ماعرف |8|
اللي طلع معي في هالدقايق
هالرد :
تسلم وقولك صدق وصحيح
صحين للسانك وثلاثة صحاح
ادري رزيت هالوجه المليح
اكتب شعرٍ بالزباله يلاح <== وانتوا بكرامه
حياك كثر امطارٍ تطيح
وكثر مطر مابعد طاح<===لا تدقق مشها لو سمحت |13|

هههههههههههههههه
يمديك على هالأبيات!!!
اسفه على اللقافه بس حبيت اشارك
خفت تهجاني وانا منيب ناقصه :o
فماااان الله

[ابو غازي]

السلام عليكم ورحمة الله وبركاته
ماشاءالله عليك
رائع وصـــــــــــــــح لسااانك

[المحمود]

الخال العزيز
متفائل

صح بدنك

يعطيك العافية

نزّلت ضغطي (( كان مرتفع ))

عساك ذخر


*****************************
معلّمي وأستاذي (( اببلشك ))

عقالي مايل

صح بدنك

ماننحرم من تعقيباتك وتعديلاتك اللي بمحلّه

ترى يادوب اخطط بهالدفاتر ماني متمرّس

(( خلك قريّب ))
مااستغني وعساك على القوّه


*****************************

الغاليه

أحبه حيل

اهجاتس ؟؟؟ افا بس افا عليتس
ماعاش ولا كاش

الله يبارك بهاللقافه الي خلتس تردين على مويضيعي

وسامحيني بسرق لي كم بيت من ابياتس :eek:

هاااااه مسموح والا :)


****************************

اخوي الكبير بالحيل

أبو غازي
صح بدنك

رفعت أسهمي بهالتصريح

الغالي

يسسسسلموا دوم

[احبه حيل]

ههههههههههه خذهم كلهم
واذا تبي اكتب لك ديوان ترى حاضرين
بس انت مسؤول عن اللي بيصير لك
اذا قريته |118|

[الأصيل]

إن سمحت أهدي لكم نقد(ن) صريح=بالمضايف حكم من ينقد مباح

المعاني تودع الصاحي جريح=والوزن مكسور مصيوب بجراح

تاصل الغاية إذا نهجك صحيح=عذر يالمحمود وأطلبك السماح