مطلوب أخبار الربيع .. برفحا,عرعر, الحفر واللي حولهن

[عبدالعزيز]

مساكم الله بالخير جميع
ياجماعة الخير للآن ماحصل لنا من علوم هكا الديار شي يقين
اللي يقول خير مامثله واللي يقول مامن شين واللي يحدد اماكن الربيع واللي ينقض هالكلام .
فالمطلوب علم وكاد (بشوف العين) ماهو قول يقال.. لاهنتو

[مؤيد]

انا مدري ياعبدالعزيز
وتساني دريت ابشر بالعلوم الطيبه :rolleyes:


تحياتي لك



8
8
8
8


أنا ;)

[الوسيطي]

والله يا ابو سعود مريت هاالديرة الحدود الشماليه والله يفلان الديرة ممطورة والله العليم ان شدة البرد اثرت على نمو العشب فيه عسنةٍ على وجه ألارض بس يا خوك البرررررد اللي ما شفت مثلة يهبل العقل.. لكن يبيلك 15 يوم ثم مر هالديرة يكون الزبيدي على زهوته أن شالله..
بس تكفى قبل تروح اشتر فروةٍ تذريك.. لاهنت

[مفتاح14]

اي والله يالربع عجلوا علينا ..نبي علشان يوم تجي الاجازه يمار الواحد عارفن راسه من رجليه:p

ننتظر العلوم الوكاد من اهل الشمال :)

[عبدالعزيز]

تسلم يالوقيد ولاهنت يالطربة

هلا الوسيطي
بيني وبينه بقعا وتربة ولينة وهمن على رفحا ان ماصارت قطوع مع الحجرة
والربيع عندنا بحايل من ورا جبة ب25كيلو (نفود) ربيع مظبوط ماشاءالله
مار اخبر ربيع الشمال يشرح الصدر اكثر (مايرغب النفود) والمقصد القيلة هنأ

وان جد لك جديد بالاخبار عطنياه تكفى

مفتاح العربان
ريضان الثمامة مابهن شين؟؟

[عبدالله الجعيثن]

^
^
ريضان الثمامه مثل كفك

الربيع اللي يونس بعد انشاء اللـه

هالحين حايمتن عليه المربعانيه ثم برد الطويلين ثم الشبط ثم سعد الذابح اللي يخلي الكلاب تنابح...عسى ماتنبح ياهالوجه.|118||118|

[عبدالله الجعيثن]

^
^
^

وبعـــــــــــدين يجيـــك...قران خامس بالربيع غامس|118|

[هادي المنيس]

اخوي عبدالعزيز

بالنسبه لحفرالباطن

الباذر(روس العشب) طالع ابشرك

اما بالنسبه للامطار اخر مطره جتنا

السبت 27/12/2003

بس مطر طيب

اما رفحاء والقرى المجاوره
2/1/2004

وتقبلوا تحياتي

[نايف التومي]

[QUOTE]كاتب الرسالة الأصلية : (عبدالعزيز)



بيني وبينه بقعا وتربة ولينة وهمن على رفحا ان ماصارت قطوع مع الحجرة
والربيع عندنا بحايل من ورا جبة ب25كيلو (نفود) ربيع مظبوط ماشاءالله
مار اخبر ربيع الشمال يشرح الصدر اكثر (مايرغب النفود) والمقصد القيلة هنأ

وان جد لك جديد بالاخبار عطنياه تكفى


السلام عليكم

كيف احوالكم

على حسب قول كبار العلماء؟ اقصد كبار السن ان الربيع هاه وهاه طالع الباذر بس انه ماهو كبير

وانت يا عبدالعزيز وين انت تبي اطامر هذي قنا عندك بس هكا النفود يشرح النفس او شف ركاد او مدري شسمها ركان الزقرت ماتفارقه


اوووووووووووو ردميت الجوف تراها بعد يمدحونه

فيها ..................؟ كملها الله لايهينك


وين انت تبي لرفحا والحفر و.............؟


خلك بديار بعد حيي ياحيي


وشكرا

[هادي المنيس]

نايف

ياجدي والله ياربيع الحفر مامثلوه

وربيع رفحاء بعد مهو قليل شر


وبعدين ابشركم قريت اليوم بجريدة الاقتصادية

خبر يقول((الأمطار والبرد تغطي رفحاء وما جاورها))

[نايف التومي]

بشراااااااااااااااا ساااااااااااااره
بسم الله الرحمنم الرحيم
*
*
*
*
*
*
السلام عليكم ورحمة الله وبركاته
*
*
*
*
هطلة اااااااااااامطار غزيره على منطقة حاااااااااااائل من صباح هذا اليوم الى عصر هذا اليوم وذلك قامت تمشي الشعبان مافيه شعيبن مامشى امطار غزيره وجعلها الله سقيا خير وبركه

وذلك يوم الاربعاء الموافق 13/11/1424 هــــ



والف شكر لكم

[نايف التومي]

كاتب الرسالة الأصلية : هادي المنيس
نايف

ياجدي والله ياربيع الحفر مامثلوه

وربيع رفحاء بعد مهو قليل شر


وبعدين ابشركم قريت اليوم بجريدة الاقتصادية

خبر يقول((الأمطار والبرد تغطي رفحاء وما جاورها))

الف شكر لك يالغالي هادي

انشا الله نبي نخيم هنااااااااك

[عبدالعزيز]

ماشاءالله
اما الامطار على حايل مثل ماقلتو اليوم الى حزة العصر واللي عقبه ديم الى فجر الخميس
الله يجيب اللي به الخير انشاءالله
اما حايل وربيعه
يقولون ان تربه على الزبيرة شاملهن الخير وهذا من باب يقولون وانشالله اني بهاليومين الجايات ابي اصلهن واحط العلم الوكاد بهاه
واما هاللي على طريق العليم من ورى جبة ماشاءالله ... ربيع أتوقع انه الأفضل للآن بشمال المملكة كله .. ومثلكم عارفين ربيع النفود خص ينبت ويطول وبنفس الوقت يحمس بسرعة
يعني مالنا غناة عن ربيع السهال

اخوي نايف
اما قنا هذي على نفس طريق جبة ... مابه الا طوابق الببسي والشل سوبر من التطعيس:)
وركان به الباذر لكن سبحان الله طبيعته كل سنة هاتس
يبطي نموه ولايمديه يطول الا والصيف حامسه
هذا غير انه صيفية ماتصلح بالشتا لأن مابه مذاري (تقريباً) عن الهبايب
وردمية الجوف (التربية) ماني مبطي عنه
تشرح الصدر وونيسة لكن مواريه ماش والله .. هذا غير ان الجوال يشتغل به ماتصلح:)

اخوي هادي
الحفر على رفحا على عرعر كلهن بسهلة وحدة ... ووالله من الضيعة بهكا السهال
إذا امكن ولاعليك امر تخص الفياض اللي بهن الباذر او الربيع
لانه على مانسمع يخصون فياض دون فياض
(وده يطلب احداثيات مار يحس انه مصخه شوين|513|)

الغااااااازي
وهالوجه يابعد حيي:p

[عبدالله الجعيثن]

حنا هبت علينا عجاج يوم الخميس...

وعرفت انهم صلوا الاستســقاء|513||513|

[المهاة]

هذي صور لربيع المجمعة التقطت امس السبت 18 \ 11

[المهاة]

اعتذر اني نزلت كل صورة برد بس والله عجزانة احملّهم على النت ..:o

[هادي المنيس]

اخوني اعضاء المضايف
اخوي عبدالعزيز

آسف على هالغيبه واني ابطيت مارديت عليك

لكن بالنسبه لفياض حفرالباطن والربيع الله يجيبوه

تووه ماطلع


وابشركم جانا لنا سيلن اذا الله حط بوه البركه
ترى الربيع نبي نحتسي بوه سبعين سنه

وهذا صوره للسيل اللي جانا يوم الاحد

[هادي المنيس]

وهذي صورة ثانيه

[نايف التومي]

بسم الله الرحمن الرحيم

المهاااااااه شكرا لك وتحياتي
هادي النيس شكرا لك وتحياتي


والله يبشركم بالخيرات والمسرات
والله هذي الصور الي ترفق وهذي الاخبار الي تنشر

والله يجعلها سقيا خير وبركه

وووووشكرا

[راعي الوقيد]

كاتب الرسالة الأصلية : المهاة


اعتذر اني نزلت كل صورة برد بس والله عجزانة احملّهم على النت ..:o

المهاة.......

افااا !!! وش هالحتسي

عجزااانه ،،، والا متعيجزه !!!

طيـــــــــــــب <<<

الصورة المرفقة هي العام والا هالسنة ؟؟ متى يعني ؟؟

حددي المتسااان !!!!!

الله لا يهينتس...

تحياااتي..

[المهاة]

هذي هالسنة الله يحييك اخوي راعي الوقيد يوم السبت 18_11_ 1424

يعني من خمس ايام بس ..:)

و هذي لمنطقة حطابة _ في المجمعة كمان

[المهاة]

و هذي كمان في نفس اليوم لشعيب الودي..



الا وش الفرق بين عجزانة و متعيجزة ..:rolleyes::o

[راعي الوقيد]

ماشاء الله لاحول ولا قوة الا بالله...

عز الله مناظر تبرد الخاطر..

الصورة الاخيرة امتع واجمل :o

اللي قبلها ماكنها في مزرعة :D

الودي بحايل لو بالمجمعة ؟؟

الفرق وانا اخوك واضح وهو :

عجزانه : تعبانه مافيها طب>> الفراش على طول..

متعيجزه : تدعي التعب او العجز وان لم تكن كذلك..تهربا من الطلب !!

ازعجناك لا عدمناك

يسلمووووو

[المهاة]

مشكور للتوضيح أخوي راعي الوقيد ..

شعيب الودي اللي له الصورة بالمجمعة ..

و الصورة الأولى ماهي لمزرعة لاني قلت نفس الكلام للي صورها و أكد لي انها لربيع منطقة حطابة و هي قريبة جدا من المجمعة .

و فعلا الصورة الثانية أجمل كثير ..:)

بعدين لا ازعاج و لا شي... :o وتمنيت اني كنت صورت ( برد ) الرياض اللي نزل ليلة الأربعاء كنت وريتكم بس للاسف نسيت وقتها أصوره ..:(

[سالم]

انا صورته بـ فيديو بعد ;)

بس ماعندي مساحه على الانترنت من شان انزله

:rolleyes: شوفوا لي حل :rolleyes: