المساعد الشخصي الرقمي

مشاهدة النسخة كاملة : ابي خادمه بسرعه!!!


الغيور
30-12-2003, 05:20
السلام عليكم ورحمة الله وبركاته

يالربع ابي انشدكم ،تكفون افزعوا لي>>ماخوذ المسكين:(

انا يارفيقكم حكمت علي ام العيال تبي خدامه.
قلت سمعاً وطاعه يازوجتي المصون.

فالسؤال اطال الله اعماركم

كيف آتي بالخادمه؟
وما المطلوب لاستخراج الفيزه؟
وهل احضاره من الكويت افضل>>>>رفيقكم مهو بعيد عن الكويت!
ومن اي جنسيه تنصحوني أحضر؟

الهمام يالربع ترونن مستعجل,,مضغوطٍ علي,, ردوا علي بساع.
الفزاع
30-12-2003, 08:45
المغرب وأنت مغمض
شموخ
30-12-2003, 14:51
السلام عليكم ورحمة الله وبركاته



هلا اخوي الغيور

اول شي روح لاي مكتب من مكاتب الاستقدام وهم رايح يقولولك الاجراءات ، طبعا تدفع للمكتب رسوم الاستقدام والاقامه على حسب معلوماتي المتواضعه لاني صراحه مااهتم بالامور هذه .

بس انصحك بالفلبين او اندونيسيا ، لكن سرلانكا والهند انحش :p:p مع انا والله ماجربناهن بس احس انهم دلخات مايفهمون .


تحياتي لك
اختك
شموخ
الغيور
30-12-2003, 20:22
هلا اخوي فزاع
تقول المغرب ولا فصلت >>>>ليتك تفصلي اذا عندك تجربه مع الخدم من المغرب.

هلا بأختي شموخ
شكراً لك وليتك شرحتِ بتفصيل شوي عن الفلبينيات والاندنوسيات بما انك جربتيهم.

الاخوان والاخوات وينكم
افزعوا بما عندكم من معلومات ولا اعطوني اذا تعرفون اسماء مواقع تهتم بهالامور!



شنوحكم تقل مامرت عليكم سالفة الخدامات؟
الظاهر الاغلبيه قرويه!:confused:
ابو غازي
30-12-2003, 20:40
عليك يالحبيب :o
بمقاديشو ااالصومال ;)
وغن ياليل ماطولك :D :eek:
الاصمعي
31-12-2003, 01:06
هلا بالغيور

كلن ديرةٍ به حقه من خداماته:)

مار عليك بالسيلانيات مادامك غيور;)

تحياتي
عبدالعزيز
31-12-2003, 08:38
شف يالعزوة
انت رح لحدى مكاتب (الإستقدام) ومعك كرت العائلة وبطاقتك واطلب منهم إستمارة شروط إستخراج تأشيرة
عليك تعبئة الاستمارة ومعه صورة الكرت والبطاقة (وتحديد جنسية الخادمة)
وعلى حد علمي ان التعقيب لاستخراج التأشيرة يكون مجاني اذا كنت تبي تستقدم العاملة من نفس المكتب
ولاجت الموافقة ترجع للمكتب وتعبي الاستمارة الثانية (مواصفات العاملة) وتبين فيها
1-عمر الشغالة بين وبين
2- ديانته
3-الشكل .. مقبوله/جميله
4- رغبات أخرى ترغب توفرها بالخادمة مثل خلفيته اما عن التربية او إجادته للطبخ
وشوري عليك
خل عمره بين الـ33والاربعين ... مرة عاقلة يعني .. لاهي الوغدة اللي تقول وراي عريس يتحرانن ولاهي الكبيرة اللي تبلش نقله من مستشفى لمستشفى
والديانة مؤكد مسلمة للأندونيسية .. و مسيحية للفلبينية اذا كنت مستعجل وتبي شروطك تكون مطابقة100% (نظراً لقلة المسلمين مقارنة بالمسيحيين)
والشكل .. خله مقبولة .. اللي ماهي مزيونة ولاهي قبيحة .... لاتبلش بهالمغزلجية حوله ولاتسد نفسك لاشفته تغسل قدورك أو هدومك:)
والباقي يرجع لك
واما المفارقة بين الجنسيتين فالاندونيسية إستقدامه بين 5500 و5700 وراتبه 600 ووصوله لبيتك خلال 45يوم (من تاريخ ارسال استمارة مواصفاته)
واما الفلبينيات بالنظافة انظف وأفهم وأرتب والراتب يكون على حسب :
القراوية اللي ماتقرا ولاتكتب بـ600
وبنت المدينة اللي ماتقرا ولاتكتب بـ700
و800للعاملات المتعلمات من سكان كبريات المدن
والإستقدام لأي من هالثلاث بحوال الـ6500 وجيته خلال 60يوم من ارسال الاستمارة الثانية
وعذاريبهن
الاندونيسية عذروبه انه ماتطول اكثر من سنتين ... يعني كل سنتين طق 5500 وتذكرة ( وعليك حسابه الشهري لاقسمتهن واضفتهن على الراتب:))
اما الفلبينية توافيق أما تلزق لك سنيييييييييين أو تقول ابي ديرة اهلي بأول اسبوع من جيته ... هذا غير ان تعلمه للغة العربية أبطى شوين من غيره

وبوه النيباليات .. ماجربت استقدامهن قبل لكن يمدحونهن (على ماأسمع بالدتسات:)) لكن الاكيد ان رواتبهن على 400ريال وعذروبهن ان الاسلام مايدرن وشو .. (خل المعزبة تنشد عنهن)

اما السيرلانكيات او الهنديات على زين شغلهن ونشاطهن ياخوي هالنظافة مايعرفنه ... ريح الصنان يتسعطوه جارك ماهو عاد انت
... انت وحظك بهن

وأهم شي أهم شي أهم شي أنك تستقدمه عن طريق حدى المكاتب المعترف به من مكتب العمل ... يعني مايكون وسيط لأن الوسيط مايلتزم لك بشروط جزائية عن كل يوم تأخير ولا يلتزم لك بإستبدال الشغالة ان رفضت الشغل أو هربت أو فشلت بالكشف الطبي
وان الزمته دغف الشغالة بلوه 500ريال وكف يصوع وجهه وقال اصبري لياما يكملن الثلاث شهور الاولى ويسقط حقه بالمطالبة بتغييرتس
وعادة النصب والاحتيال مايكون الا من الوسطاء
وأسهل طريقة لكشف الوسيط من المعتمد هو طلب الوسيط وكالة إستقدام منك لمكتب ثاني , يعني اللي يقول لك ابي وكالة امش وخله

هذا اللي اعرفه من شي استقدمته ... هذي شغالة جاية وهاذي شغالة رايحة ... للاهل والقرايب
والاسعار اللي ذكرته على تسعيرة مكتب العقيلي بحايل .

تهانينا مقدماً .. ولاتنسى تعزمنا على ذبيحة قدومه بالسلامة:)
عبدالله الجعيثن
31-12-2003, 08:57
اخوي انا ابنصحك

الاندنوسيات ماعليهن كلام

لكن فيه خادمات سمحوا فيهن وجابوهن بعض الربع ويمدحونهن ورخيصات.....البنجلاديش.

خذ منهن وماجاني عليك...:D
الغيور
31-12-2003, 20:43
الله يعطيكم العافيه
ابو غازي
شكلي ابي اجيب روسيه يقولون خدومات ولايغثن;)

الاصمعي
شكراً لك ورايك اعجبن قبل اقرا رد عبدالعزيز

عبدالعزيز
ياملا والله العافيه وال___________>>>حط الدعوه الي تعجبك:o

شرحك وافي جداً ونصايحك ان شاء الله معتبره والنيباليات حطيتهن براسي مع اني كنت افكر بالسيلانيات مار وصفك لقلة نظافتهن شالهن من تفكيري

اما الاندنوسيات فلا ادري والله هن المنتشرات بكثره مع الناس لو بعضهم يذكرون بهن عذيريب ماينقال وهذي المصيبه.

اشكرك جداً

الغازي
شكراً للنصيحه والبنقاليات توي ادري انه مسموح بهن، مار كانهن مثل رجالهم ابي ابتلش به كل يوم والثاني اضراب عن العمل.

ياليت الي عنده خادمه جايبه عن طريق الكويت يفيدنا بالشروط وهل هي محرزه على قولة اخوانا الشوام او لا؟

سلام
مؤيد
01-01-2004, 16:01
أنا أنصحك إنك تنحاش عنهن كلهن و مو لازم .. و الا لا |118|



8
8
8
8


أنا :rolleyes:
نايف التومي
08-01-2004, 02:53
[QUOTE]كاتب الرسالة الأصلية : الغيور
شكلي ابي اجيب روسيه يقولون خدومات ولايغثن;)



هذا انت والله خبره بالخدم تقول روسيه انكان ماخدمنا عندهن ماخدمن عندنا



ووووووشكرااااااااا