ماهو بكيفي ؟؟

[فهد النايف]

ماهو بكيفي وانت داري بالاسباب=والافراقك ياغناتي مصيبه
هذي مقادير الولي رب الارباب=وماقدر المولى خفوقي رضيبه
والا خيالك عن مدى الشوف ماغاب=وهذا الذي زود بقلبي لهيبه
وان قلت ابنسى ماضي الحب كذاب=ومن لايقدر كلمته بان عيبه
حبك خشير الروح يا ساب الالباب=منساه لين يحط فوقي نصيبه
اثر الذي قلبه من الحب منصاب =يصبح نقيضٍ للعقول اللبيبه
لوهو بخيص العرف ويفك الانشاب= يبلش بحاله يالحياة العجيبه
حال المحبه حال وتشيّب الشاب=لوهو شبابٍ يظهر الوقت شيبه
فرقا وهم وبعد غالين واحباب=تكفيك هذي في ضياع الذهيبه
يلي هدبك سيوف ورماح وحراب=وخصايصٍ تعطي مع الزين هيبه
ياكيف ابسلا وانت خابرك مرتاب= على فراقي كحل عينك تذيبه
بالدمع فوق مورد الخد سكاب= تشكي وترجي للخبر من يجيبه
دونك حداني سلم وطبوع واداب = وحداك دوني حيرتك والرقيبه
عديت من فرقاك في راس مرقاب=وماجابت الورقا على الرجم اجيبه


فهد النايف

[بتول آل علي]

فهد النايف

يسرني أن أكون أول المعلقين على هذه الرائعة

صح لساان ألف اخوي

و زدنــــــااا


أختك

الدهور

[بشير اللويش]

،،،،،،،،،،،،،،، وينك ياشيخ من زماااان ؟؟؟


اخي العزيز

وربي انت علم بارز بساحة الشعر

فهنيئاً لنا بك


وهنيئاً للشعر ايضاً


....قصيده جزله من شاعر جزل


صح لسانك يالقرم


سجل اعجابي

وليدم هطول هتانك العذب

تقبل تحيات اخوك الصغير

الراسي

[عبدالله الجعيثن]

فهـد النايف

صح لسانك

قصيـده روعه

ولو ان لنا عتب عليك لغيابك

لكن هذه الدره تلجم افواهنا عن الكلام

[فهد النايف]

الاخت الغاليه / الدهور


صح بدنك والله لايهينك


والف الف شكر لحضورك الى متصفحي.




اخوك / فهد النايف

[فهد النايف]

الغالي بشير اللويش



صح بدنك والله لايهينك يالغالي




لك مني وافر الشكر والتقدير والاحترام




اخوك / فهد النايف .

[فهد النايف]

الغالي / الغازي



صح بدنك والله لايهينك



تقبل تحياتي



اخوك / فهد النايف .

[المشرف العام]

فهد النايف ..

حضور جميل برائعه اجمل ..


صح لسانك

ولا تحرمنا من تواجدك بيننا

تحياتي

اخوك

ابو سلطان

[سنجار]

فرقا وهم وبعـد غاليـن iiواحبـاب
تكفيك هذي فـي ضيـاع iiالذهيبـه


فهد النايف

صح لسانك

معاني جدا رائعه..

[الكاسب]

.





ياكيف ابسلا وانت خابرك iiمرتـاب
على فراقـي كحـل عينـك iiتذيبـه
بالدمع فوق مـورد الخـد iiسكـاب
تشكي وترجي للخبر مـن iiيجيبـه
دونك حداني سلـم وطبـوع واداب
وحداك دونـي حيرتـك iiوالرقيبـه
عديت من فرقاك في راس iiمرقـاب
وماجابت الورقا على الرجم اجيبـه

صح لسانك فهد النايف


من المفرح وجود شاعر وقصيده بهذا الحجم

ومن المحزن جدا ان لا تاخذا مثل هذه القصيده

ماتستحقه من التابعه والردود


انتظر جديدك


تقبل تحياتي وتقديري

[خلـيف الجهيلي]

اخي الفاضل

فهد النايف


صح الله لسانك وماقصرت يالغالي

على هذا الانتاج الراااااااائع

بقلمك الارووووووووع


كل الشكر والتقدير


اخوك

خليف الجهيلي

[راعي الوقيد]

وان قلت ابنسى ماضي الحب iiكذاب
ومن لايقـدر كلمتـه بـان iiعيبـه
اثر الذي قلبه من الحب iiمنصـاب
يصبـح نقيـضٍ للعقـول iiاللبيبـه
فرقا وهم وبعـد غاليـن واحبـاب
تكفيك هذي فـي ضيـاع iiالذهيبـه
عديت من فرقاك في راس iiمرقـاب
وماجابت الورقا على الرجم iiاجيبه

فهد النايف

صح لسااانك
قصيدة في منتهى الروعة
قطفت منها الابيات اعلاه
لأشتم من عطرها الفواح
طيب الله فالك

[ضحوي الاسلمي]

فهد النايف



ستبقى من الشعراء الذين يحتلون ارقام متقدمه في ذائقتي



,,



رااااااااااااااااااااااااااايق




وبقووووه


,,



الف صح لسانك

ولاهنت


,,



اخوك

ضحوي الاسلمي