اعترافات ... ( اخترافات ) [الأرشيف]

مشاهدة النسخة كاملة : اعترافات ... ( اخترافات )

نواف حمود الشمري

24-12-2003, 01:39

كان فيه موضوع بمضيف الشعر ... اعترافات ..

هنا .. الوضع مايختلف كثير ... اعترافات لكن بقالب مختلف

.

اللي يبي يجي الله محييه .. ولا احد مجبور ..

.

اعترف ان محارش يعرفن مبطي وللحين ما قابلته ابد لاني مقصّر واعترف بانه يبي يعزمن :) :) << نشبله ..

ترى عادي لو معلبات ما يخالف شغل زيود علبة طحينيه وحتى لا تحطه بصحن ومربى وانا بسدح نفسي بينهن عشاني قشطه ..

اعـترف (( عاد اسمعو هالاعتراف ))

اعترف بأن عمارة التجاره يوم طاحت كان رامسفيلد عنده خبر بالموضوع
( بس لا تعلمون ) اقولكم عنده خبر وهذا كلام وكاد وكان اكا الوقت جالس عند مرته الثانيه بفلوريدا وما كان عليه الا بجامه حتى ان مرته قالت له ليه ما تروح يا رامسفيلد لشغلك اليوم قال لا مسترخص من بوش وابي اجلس عندك يا حبي ... ملعون هالجدف لا وازيدكم من الشعر بيت كان محول جواله على تلفون مفصول عشان اذا دقوا عليه الكنجرس ما يلقونه ..
<<--- انثبر بس :)

اعــترف ..

باني ناوي احووووس مرير فلة الحجاج وابشطف بوالدين مضيف الشعر
يما اخلي اللي ما يشتري يتفرق !!

اعترف ان ودي احارش مفتاج 14 ولو به خير هو وجبهته تسان طلع اسمه الصدزي :)

.. ترى عادي كل الزيون يكون لهم اسم مستعار شف مثلا عندك عبدالله بـ الخير وشف عندك مثلا عصام كاريوكا
حق اغنية فنكوشي وشف عندك حسن بلونه هههههههه كلهم اسماءهم مستعاره حتى على الوضع الاجتماعي شف عندك مثلا محمد حمزه هههههههه وشف عندك زكي حمعه عاد هذا ما تعرفه بس اسمه الصدز محمد البيشي :):)

اعترف اني ما احب الانجليزي ولا اداني رقعة وجهه مع اننا طول عمرنا بالخفجي :):)

اعترف ..

عاد تصدقون على طاري الانجليزي كنت اوّل مطلّع روح الكاشير حق مطعم كودو اجيه اطلب كودو واقوله وذاوت جكن !! احس ان الفلبيني يصير وجهه هاللون http://www.sitesstar.com/vb/images/smilies/4978.gif

ومره جيته وانا معصب ما ادري وش قاللي قلتله يو تاتشر ,, على بالي مسبه طلعت ملكة بريطانيا ....:):)

اعتــرف ..

ان للمحبه وجه يكاد يتبوتق على المعنى بدون اية تصوير خصوصا عندما يسهم العبق ويطفو فوق رتم الجرس الاسمر بذات الشفافيه المحبطه لعمق التوازن / اللا توازن ..
لذلك كان الفتق اكبر من الخياط <<< يلعن ام القفله

اعتــرف ..

ان وزارة الاوقاف حاطين لنا امام المسجد افريقي الله يجزاه خير ولا اعذرب به بس عاد من سنتين وهو يقرى بنا صلاة الفجر ايات الحيض والنفاس يما والله صارو المصلين يستحون لا يطالعون ببعض !!
وهذا والله صدز يعني لا تطلعلي يامفتاح 14 بكرى وترسلي تقول لا توهقنا
انا ما قلت الا الصدز وهذاني حلفت وحطيت زائد برقبتي ..

اعتــرف ..

اني وانا صغير كنت اموووووت بـ سميره اللي مع عدنان ولينا وابن امه يتكلم عليه اذا طلعت وحدى المرات كان عندي ولد خالي وقالي اصلا مهي حلوه وشايفه نفسه والخه مع رقبته ..

وحنامصدقين نحسب انهم مثلنا صدقيين عاد بعدين يوم كبرنا عرفنا انهم كراتين بس عادي ما يهمن الحب ما يعرف الكرتون من الخيشه

اعترف
ان الاضلع ما هي الا نتاج للقفص الصدري المزمع تنفيذه خلال الخطه الخمسيه القادمه بدون قيد او شرط ..

واعترف ..

سوداني كلفه الضابط حقه بانه يعلم خويه( دفع الله) ان ابوه مات راح جمع العسكر وقال يا دفع الله ابوك مات ..انصفر الرجال وبغى يموت

المهم بعد سنه ماتت ام( دفع الله) ابتلشو من يعلمه قال هو انا بعلمه قالو لا انت نكبه قال لا ما انا قريت كتب بعلم النفس ..قالو طيب

راح جمع العسكر كلهم وقال اللي امه ماتت يروح يمين راحو مجموعه قال يا( دفع الله) روح معاهم !!

ههههههههههههههههههههههاااااااااااااي

...............................

شيبان سافرو للخارج المهم سطّلو الشيبان ويلتفت واحد منهم للثاني قال يا ابو فلان قال سم قال واثريه ضايع عمرنا بخدر ولا ما خدر !!

اعترف ..

امي كنت ا بروح اودي امي لجيراننا من الصبح عشان جايه امهم من السفر وقايله لامي والله الا تجين اليوم قالتلي امي هاه يا وليدي توديني قلت ابشري يا ميمتي الحين جايتس قالتلي بس يا وليدي مستحيه اروح لهم هاللون خل نبي ناخذ معنا لو صحين بتفور ومعمول تمر قلت نأخذ وش راس ماله هذا المحل ونمره قالتلي امي تدري انك احسن عيالي قلت الله يسلمتس وتدرين انتس احسن امي قالت الله يسلمك ...

مفتاح14

24-12-2003, 02:05

WoOoOoOoOoOoOoOOW
WoOoOoOoOoOOW
WoOoOoOoOOW
WoOoOoW

اعترف انه موضوع ملعون جدف وفكره واحد طالع بالحوش اخر الليل بعز المربعانيه وماعليه الا شورت:p

<<-- ياخي قل فكرة خبل وخلصنا:p:p

اعترف واراهن انه تبي تجي ردود مميز ه والايام راح تثبت كلامي;)

سأعود وفي جعبتي المزيد من الاعترافات|118|

نواااااااف شكرا لك على هالابداع..

و

قبل

ما

انسى

الموضوع

راح

يبقى

معلّق فوووووووووووووق

بتول آل علي

24-12-2003, 07:45

ملعون هالجدف

مع اننا طول عمرنا بالخفجي

شيبان سافرو للخارج المهم سطّلو الشيبان ويلتفت واحد منهم للثاني قال يا ابو فلان قال سم قال واثريه ضايع عمرنا بخدر ولا ما خدر

مطلوووب ترجمة الجمل السابقة

بعد ما طلعت عيني و فهمت الباقي عقب موووت |513|

بس هذيلااا عيّن ينفهمن |502|

اليم

25-12-2003, 10:08

النوفي|118| <<<طلع يمون عليه

اعترف انك مميز ولكن بدون الشعر;)

اعترف انك رايح(ن) به وخصوصاً بعد هالزايد اللي حطيت على رقبتك|512|

MMMMMMMMMMMMMMMMMMMMMMM
اعترف لك ان ابو اربعطعش

مهو من الزيون والدليل هالخشه

|118|

MMMMMMMMMMMMMMMMMMMMMMM

اعترف لك

انك ماراح تلقى الا الدجه والمرِِّة والعنزروت

ان سيرت على محارش الصبح

MMMMMMMMMMMMMMMMMMMMMMM

اعترف اني يوم قريت هالمقطع

شيبان سافرو للخارج المهم سطّلو الشيبان ويلتفت واحد منهم للثاني قال يا ابو فلان قال سم قال واثريه ضايع عمرنا بخدر ولا ما خدر !!

قمت اضحك ويوم فهيت شوين والتفت وراي وانا بالدوام الا عشرين هندي

كلهم يهزون روسهم ويتحمدون الله

|118| <<<اعترف لك ان هالايقونه خبله

MMMMMMMMMMMMMMMMMMMMMM

اعترف لك اني من شفت هالصوره http://www.geocities.com/shamnr0a/untitled.JPG

ومحارش ما يغيب عن عيني

MMMMMMMMMMMMMMMMMMMMMMMMM

اعترف لك ان لي سياره بالخفجي ودي اجيبه هالليومين الا ان لقيت

احد(ن) يجيبه لي;)

نايف التومي

25-12-2003, 14:15

بسم الله الرحمن الرحيم
8
8
8
8
8
8
اااااااااااااانااااااااا اعترررف اني احبك ياااانواااااف

وقصت الشيبان وشي الي باخرر شي

وشكرااااا

ابو خليف

25-12-2003, 22:08

اقسم بالله انك مميز يااااانسنااس

نواف حمود الشمري

26-12-2003, 00:37

هي الايام لن تبلى بشيْ .. اذا ما القلب ينبض ُ بـ الفلوسع
فان كان المكان نذير شئم ٍ .. فشف لك غيرهو مكان اوسع
فلم يبقى لنا وقت ٍ وجهدا ٍ .. مدام اللي تمنيــناهـو فلـسع !!

<<-- مسكت غلط :cool::cool::cool:

اعترف اني مشوين لو احد قالي من انت اقول له نوافو ابن الحمودا الطائي

------------------------

هلا والله وغلا بـ الزيون كلهم ..:eek:

قبل ماابدا.........
اللي يبي الرسميــات يجلس على المدرج ويتفرج !!http://mlak77.jeeran.com/diddl3.gif

اعترف اني ابحط ابو فورتين بعبي وادهر باليم|510|

اعترف اني اعرفلي ملازم اول بالبحريه مايقول شي لارمينا سيارة اليم بالبحر

اعترف ان طفولتي بسيطه جدا

واعترف اني من طفولتي كنت مدمن كوره

وكنا بالحاره نروح يقالنا فريق نبي نطقم فنايل عشان نبز قدام الناس ونتقاط كل واحد من سته ريال ونروح لمحل
رياضه ونطق فنايل خلدا باطواق والرقم من ورى بريال ونجيك نركض بنص
الشارع وبوجه السيارات يقالنا من زود الوناسه وكل واحد رافع فنيلته
على جنب وكان قلب الدفاع اللي معنى اردني ما يدخل مع الباب
واكبرنا كان عمره 12 سنه بس هالاردني طالع كنه ابونا مع اننا ملعبين

باللي يباروننا دايم نقول انه زبيراوي هههههههههه عشان ما يقولون ايه
فوزكم الدافور .. :p:p:p:p:p

-------------
اعترف اني كنت اجمع عيال الحاره بحوشنا نلعب كوره

واذا ماجبت قول ازعل واطردهم واقول لاعاد تجون ببيتنا :mad::mad:

<<--- ( هد أعصابك يالبيت الأبيض ) !!|512|

-----------------

اعترف اني كنت اروح اجيب التميس ومهو بعيد عن البيت وكنت اقدر السمسم

واقول للافغاني زود الماء على العصا عشان يلتفت واصك ملي يدي سمسم واحطه بمخباي واذا طلعت اطقطقه وانا اتمشى عاد وش هالمخباء مليان من كل شي سمسم ..حديد حق المنابط ..صور شغالات انواع النسخ .. عاد لابد يكون بـ قاعة المخباء تراب ولا نملتين يسولفن .. :D:D

---------------------

اعترف ان المرطا وفطومه وعتاب وفاطمه البشير فنانات يحسسني ان الدنيا مخبا هندي كان به علك مستعمل وملطخ المخبا ولازقن له بمشط ابو سنون صغار مدهون بكريم شعر منتهيه صلاحيته

نرجع للفنانات

ايه هذولن اللي تشتري شريط الوحده منهن وتحس ان وجهه بالغلاف تقل صورة شي !! بس مو ادمي |513||512|:eek:

<< يستغفر ربه توه مصلي العشا

راااااااجع

بس وين الناس

مفتاح14

26-12-2003, 16:10

ع
د
ن
ا

اعترف

اعترف اني كنت مدمن رياضه..
لوتسال عن اي لاعب اجنبي جبت لك معلومااته كل ابوهن حتى لو تبي اسم امه:p

اعترف اني كنت احيانا العب باليوم مباراتين كورة قدم ..وحده العصر ووحده بالليل ومافيه مانع ( نحلّي) بمباراة كورة طائره:p

واعترف اني كنت مدمن جرايد.. ماتفوتن ولا جريده خاصه الرياضيه وعالم الرياضه والرياض والجزيره :)

ولكن اصبحت مااااااااضي

وهالحين لا العب.. لا اقرا..لا اتابع :rolleyes:

************

اعترف اني افكر ( بمفاجأه) لفلة الحجاج خاصه وللمضايف عامه :)

************

اعترف ان عندي شك باني اعرفك يانواف منذو مبطي بس ماهي ذابحتن الشفايه:p

************

اعترف اني البس شماغ مقاس 60 ولا اواطن الطاقيه المشخله:p:p

************

اعترف ان جوالي يدق.......لحظه

************

اعترف ان الشباب مجتمعين بالاستراحه يبون يشوفون مباراة المنتخب وابرووووح اشوفه معهم |118|

************

اعترف ان للحين عندي اعترافات..اخترافات... وبالطريق جايات:)

مع
اجمل
ا
ل
ت
ح
ي
ا
ت

هايس الشمري

27-12-2003, 16:27

اعترف

اني شاااااااااااااعر و اكتب باسم اخر:cool:

اعترف

اني من تسبب بكل جدل بهالمضااااااااايف;)

اعترف

اني لي اكثر من اسم بنت اكتب فيه:)

اعترف

ان المشرف العام هو اناا:rolleyes:

اعترف

ان كل اعترافاتي تسذب * تسذب

هههههههههههههههههههههههههههههههههههه

ابو غازي

27-12-2003, 16:44

إعترف إني ياشفت إسمك يانواف إرتاح :p
ودي اشوف خشتك ;)

إعترف إني رايح اسئل اليّم عنك تسان يوصف خشتك لي :rolleyes:

إعترف إن مفتاااح 14 مسكت بقلمه ومواضيعه ;)

إعترف إني ودي اجيب سيارة اليّم الي بالخفجي ;) وعلى طول للمعارض :eek:

إعترف إني ودي كل شوين أقمز على راس المشرف االعام وأحبه ;) ويستاهل ابو ســـــــلطاان الي جمعنا وإياكم على العز والمعزة وكل الحب والتقدير

إعترف إن ذيب :mad:

مشكووووووووور يالغااالي ابو حمود

أعترف إن ابو مقــرن هو نجم فلة حجاااج :D
وشاااعر رهيب بعد :eek:

محارش

28-12-2003, 01:06

اعترف اني دايم افكر وشلون الكوكتيل طبقات ما يختلط مع بعضه |118|

اعترف اني استغرب كل ما شفت واحد كاتب ذكرياته على جدار كبري من فوق !!!
بالله عليكم هذولا متى يكتبونه ,,, ووشلون ( اتوقع انهم يجيبون رافعه علشان يقدرون يكتبون )

اعترف اني كنت ناوي اكتب موضوع عن هالاستفهامات واستفهامات غيرهن بس يوم لقيت موضوعك قلت خلن ابزخهن بهه :eek:

اعترف اني ما عطيتكم حقكم من الوصل لكن والله ثم والله لكل واحد منكم مكانه خاصه لا رحمتوا :D

اعترف اني كنت اكره الدجن وهاللحين اموت بوه ( اللي ما يعرفه ينشد واللي ينشد ما يضيع الا اللي ما يطيع :eek: )

اعترف ان هالخشـــ|118|ـــه اطلق الخشش لكنه ما طلعت عندي كود ياما نقشته :D

اعترف اني ناوي اسير عليك يابو حمود هالليومين ويمكن يخاويني اليم هههه مار اترك عنك الفرري بالشماليه واتننا :D

اعترف ان عندي مفاجأه قويه للجميع بس اتحرا مفاجأة ابو اربع طعش :eek: <<< شفايه لولبيه :eek:

الملهم

28-12-2003, 15:21

اعتراااف خطير

ماودي أعلم

بس الله يرحم والديكم يكون سر

أعلم

لازم

إعترف بأني مافهمت شئ :D

وإن اسمي الملهم وإني شمري وإن الموضوع لنواف ودابلن تسبدي مفتاح أربع طعش اللي شكلي أبي أفك راسه بمفتاحه

فلاح السعد

28-12-2003, 16:21

اعترف ان تسبدي تقطعت من الضحك اللي يرج من كان السبب

اعترف ان الحياه حلوه بس ماهي مزيونتن بالحيل واللي يزينه الناس الحلوين اللي مثلكم انتم يعني تواضع ماهو حاطن نفسه معهم

اعترف ان نواف مهوي درجه اولى وشاعر درجه ممتازه ويعجبني تواضعه وبراءته :) قصدي عفويته

اعترف ان فلة الحجاج مطلوبه ولكن نلاحظ ان الكثير يوخر هذي عاد تعقيد للي مامعهم بطاقات دعوه المهم قلنا يزل عنه وسبب زرقته عن بابه انه احياناً يكون خجل من عدم امكانيته بالحتسي مثلهم وأحياناً ماني قايل

اعترف ان ابوغازي ملح المضايف وهذا عاد اعتراف صدزي ماهو اذروشي :) وهذا الاعتراف مكرر وبلاكم ماتعرفون من ابوغازي :) بصراحه يستاهل وسام المضايف الذهبي على جهوده وتواجده عاد تقل ابي اصير مصري :) بس يستاهل ابوغازي

اعترف ان المطفق كثير بس ماني منهم اعووووووووووذ بالله ضاقت هالوسيعه كود اصير مثل هذولا :)

اعترف ان فيه واحد من الشباب جايٍ معه خوياو من الرياض ومخيمين حولنا والمساكين بهم طرف حضاره المهم يوم الرجال راح يسلم على اقرباءه اللي هم اقربائي انا ماشاء الله صحيح يقربون لك :) المهم عقبته عليهم وهم على فطنه مطاوعه المهم يوم دخلت عليهم وسلمت وأنا ادخل عليهم علوم سياسيه وهم يتراعون بالعيون ويوم خذيت لي شوين قلت ألا وش رايكم بفلان اللي ماني قايلٍ اسمه وتقل ودهم يطردوني قالوا يااخي من اين انت ؟؟؟
قلت لهم انا شحاذ على باب الله ومامعي حق البنزين مدوا لي عشرين ريال قلت لا عندي جيب وكابرس والعشرين ماتعبيهن ثنينهن يمار يوم قعدوا يراعون لبعض

ذليت اي خفت من الدبه والدبه هي التكميخ حتى تسيل الدماء من جبهتك قلت لهم يالربع انا قريب فلان وجايٍ اعزمكم وإذا عييتوا والله لاابلغك عليكم وقول ان مخيمكم مجرد تمويه :) قمة النذاله يعني توقعون راح يقولون الله يكثر خيرك ماحنا جايين وألا مشغولين معصيين يبون يقولون رح بس فكنا من شرك :)

بقي اعتراف

تبونه

ياكثر شفاوتكم مايكفي فضايح

لاعاد صدز

مايكفي فضايح :)

ياشيني :)

شكراً لإستماعكم

متأثر ببادية الكويت بس ماهو هذاك اللي غيره :)

تحياتي

المهاة

29-12-2003, 14:13

أعترف اني أعقل من مر بذا الموضوع ..:cool::cool:

أعترف اني اقرب لنواف بالنذالة :o كانت بنت جيرانا اقرب لي من نفسي و عندنا 24 ساعة حتى انها تنوم عندنا و تجي امها تشيلها ... بس لما يجون عندنا عماني او خوالي اطالعها بنص عين و أقول اللي أمه ماهي فييييييييييه يطلع من بيتنا |513| و هي تترجى فيني تقعد و انا و لا أعبرها ..:o >>>غطت على نواف بالنذالة :p

0

0

اعترف ان بيتنا كلهم مهويييييين :o و اني أعقل وحدة فيهم :cool:

0

0

و أعترف اني نويت أعمل مسابقة و جهزتها بس أحترت في أي مضيف أنزلها فكنسلت الموضوع ;)

0

0

أنا أعترف اني ماقد شفت حايل .. و أعترف بعد انه لو ماوريتوني صور لها ماني مسئولة عن اللي بتسويه عيني في المضايف ..|512|

0

0

اعترف ان أكثر حكيكم ما أفهمه بس أمرره عشان ما تتشمتون فيني :(

0

0

أعترف اني أحس اني في قمة السعادة لما أطفش التماسيح :D

0

0

أعترف ان كراهيتي للتماسيح من كثر ماكسروني أخواني بالكورة لانهم يوقفوني حارس و ياويلي لو هربت من الشوته القوية .. |8| |8|

و اعترف انه ياما تجبست يدي من كور اخواني :( و اعترف اني اكون مبسوطة مع شدة الالم عشان يفكوني من الحراسة لين اطيب ... و ارتاح من حل الواجبات :rolleyes:

0

0

و أعترف أن محتكرة اللون الأصفر .. و أن شفت أحد كاتب به شخبطت على موضوعه :mad:

0

0

و أعترف اني ماعندي سالفة و اني داخلة الفلة عرض ..بس جاية اترزز بينكم :cool:

الشمري محمد فهد

29-12-2003, 16:40

أعترف إني أشك أن للداهية بـ الدهـا والحرش ملـه ;)

وأعترف اني شكيت بوه من أول رد له بالعـام كله :o

واعترف ان الضــاوي يبيني على هيثم أسلمـّـله :cool:

وأعترف اني ودي أشخط بشخـاط وأرميـه باليـم واتلـّـه :rolleyes:

وأعترف إني فكرت أتسلف من ولد السعد مفتـاح الكفر و الحلـّـه :confused:

وأعترف اني فكرت انقل كفالة روزخان لابو سلطان وقلتله يالله |512|

واعترف اني ماطقيت لابو مقرن خبر بس حولنا جبته ;)

واعترف اني حبيـت الكندية أم شعر حمـر بس بعمري ما شفته :(

واعترف اني بغيت اسجل باسم مرداس وانزل سنو وايت و البزران السبعة و راعية الحنـّـه :p

واعترف ان كتبت المرتزقة ثلاث مرات و شققته بلا ونه :mad:

واعترف اني صكيت كل اللي معي حظر بس ما شلته |513|

واعترف ان كل اللي كتبته ماله سنـع كله :eek:

<<< --- و خلك بدروسك الله يصلحك ولاعاد تقرب للشعر لــلـّـه :rolleyes:

وصح لساني وسلامتكم :)

نواف حمود الشمري

31-12-2003, 01:23

الشمري محمد فهد

31-12-2003, 06:00

نواف حمود الشمري

31-12-2003, 09:27

الشمري محمد فهد

31-12-2003, 09:57

نواف حمود الشمري

31-12-2003, 12:41

اعترف ان ردود ابو اربعطعش والمهاة تجبر الواحد انه يخيم بفلة الحجاج مهو عاد يتواجد بس

اعترف ان القلب العاصف بوادي وانا بوادي وهو قاعد يتكلم عن شي ماادري وش سالفته وهو خاش عرض :)

اعترف اني اغلي كل اللي ردوا بالموضوع بدون استثناء

اعترف ان فلة الحجاج تحتاج لاعادة نظر ببعض الامور

اعترف ان بعض الامور هذي ماهي شغلي

سلام

المشرف العام

01-01-2004, 04:26

أعترف .. ان هالمشاركه جازت لي |118|

أعترف .. انّي بلشت بكثر اقسام المضايف :( <<< كلّن على همّوووه سرى

اعترف . . ان طعم البيبسي يوم اني صغير غير طعموه هالحين:(

اعترف .. انني ادوّر على الكيك اللي يجي مع الفسحه ايام الملك خالد الله يرحمه ، بس عجست القاووووه:mad:

أعترف .. أنّي من مدمني كراميل ماكياتو :eek: قبل ما يصير لي شدوق:p
أعترف .. انّي إغلي ابو غازي :o

أعترف .. انّي فاقدن مهراس ونهاش وروز خان <<< يبي الفكّه من لسانوه

اعترف .. انّ حاسس ان عطالات المضايف بالاسبوع الماضي والاسبوع هذا ، الدعوى ما هي خليّه ، والقروه خلّصت من عندنا|513|

وأعترف .. انّي ماقلت كل اللي عندي <<< مغيّبهن للعيد:D

المهاة

01-01-2004, 04:44

اعترف اني موب انا اللي رديت بعد اللي رد قبلي :p <<< اتحداكم ترددونها أربع ردات:D

و انا أعترف اني ماكنت بالبيت يوم تعطلت المضايف >>> بس مايمنع هذا اني كنت أفكر بها ;)

و انا أعترف أن أبو حمود نجم الفلة لو يوسع صدره شوي ;)

و أعترف اني أشك أن لمفتاح يد في عطال المضايف عشان يفك و يربط براحته |512|

و انا أعترف اني شايلة هم لموعد عيادة الاسنان اللي مأجلته من أسبوعين .. ): موب لاني خايفة ..:D لان الدكتور تمساح كنه ذا |118|

و اعترف أن هذا أخر أنذار لأدارة المضايف أن تقفلت مرة ثانية بنغير الأشتراك :rolleyes::p

و اعترف ان كل من شارك بذا الموضوع موب صاحي .. غيري طبعا :cool:

ابو مشاري الشمري

01-01-2004, 07:04

يالله راحت علي
أعترف
واعترف واعترف
اني تآخرت على الدخول على شان أشوف اعترافاتكم

أعترف
ان مفتاح اربع طعش كفش ضحكة واحد مسجل عضو جديد في المضايف

أعترف
اني سويت مقلب في واحد عزيز علي قلبي بالحيل بالحيل من أعضاء المضايف

أعترف
أني سعيد جدا من التحقت في التسجيل في المضايف والتعرّف عليكم

أعترف
ان اللي مأعجبته المضايف انه ((يقرّن الخنافس....ويعلك الرقع)) ماعنده ماعند جدتي

أعترف
انك يانواف موضوعك لم تسبق عليه ومميز

أعترف
ان أفضل المنتديات هو منتدانا

أعترف
أني انا اللي بنشرت سيارة ابو غازي يوم كان واقف ينتظر مفتاح اربع طعش بقصر الافراح اللي بالحساء

أعترف
ان فروة خليجي اللي خذاه متفاءل بعد ماقلتله خذه يوم خلاه على المركاء بعد ماقلط للعشاء ((كان متفاءل بردان))

أعترف
أني توي طالع من الدوام وابي أنام وتصبحون على خير
تحياتي
وشكرا نواف على هالموضوع الرائع

شموخ

03-01-2004, 01:13

اعترف اني كل يوم اقول برد على هالموضوع وما الله كتب الا هالحين .

اعترف اني حبيت حايل وشمر واتمنى اني اشوفها واعيش فيها لو فترة بسيطه .

اعترف اني اول ماسجلت بالمضايف ماكنت متوقعه اني بستمر والحين اذا حصل لها شي المضايف وماتصفحتها يتكدر خاطري وكأن ماعندى نت لان الانترنت عندى هو المضايف .

اعترف اني احب اتعرف على بنات من جميع قبائل المملكه واحب اعرف عاداتهم وتقاليدهم ولهجاتهم .

اعترف ان المضايف علمتني اشياء كثيره عن شمر كنت اجهلها .

اعترف ان تصميم المضايف راااااااااااائع واتمنى انه مايتغير .

اعترف ان اختي العنود كم مره قالت لي وسوسو بك شمر لانها اذا جتنا تشوفني اتصفح المضايف :confused:

اعترف ان حب شمر اصبح يجري بدمي واعترف اني اغليت شمر والطنايا وحايل ......واغليت دار للكرم هي كيانه .

تحياتي
شموخ

عبدالعزيز

03-01-2004, 06:10

أعترف أني معجب بنشاط نواف الحمود ومنطقه ولو اني ماتناقشت معه
أعترف أني مدمن شي أسمه مضايف شمر .. حتى وان كنت مقصر بحقه وموفي بحق غيره
أعترف أني ماشفت بالخبال مثل مفتاح والغازي
أعترف أني مغروووووور بحايل ولا اشوف أي ديرة غيره ولو بطرف عين
اعترف اني بيوم المباشرة بوظيفة مايحلم به اي احد بالرياض قمت الصبح ورحت للمطار راجع لحايل بدال مااداوم (عطيتهم الخامس ليومك)
أعترف ان أخوياي الخاصين يقولون الله يخلف على والديك
أعترف ان ود عيني بالعرس ولاأقبل طاريه ذليت من الارتباط
أعترف أني مماطل وبارد سقوه:)
اعترف اني اتصفح المضايف لحاله 3ساعات يومياً من 6 واتعاجز ارد او اكتب موضوع
اعترف أن قدراتي الذهنية وقواي العقلية والبدنية تخور لاشميت ريح المندي
اعترف اني بسنة من السنين كنت طالع للبر ويوم جاءالمسرى بيوم الجمعة قعدت لحالي ومانزلت الا يوم الاثنين للديرة عقب ماراحن علي ثلاث اختبارات نهائية!!
اعترف اني بهاللحظة منتهية بطاقة الاحوال معي والرخصة واستمارة الموتر والتأمين والجواز
اعترف أني سألت مدير مكتب وزير الداخلية بلحضة ثواره.. منهو وزير الداخلية؟؟!!
اعترف اني ضعت بأبو ظبي بيوم من الايام وقمت انشد خلق الله .. وين طريق حاااااايل؟؟ وكلهم يقولون ماندري الاما قال هكا الواحد تبي السعودية؟

نواف حمود الشمري

04-01-2004, 22:55

اعترف اني لو اصير المشرف العام على المضايف لمدة ساعه بس اتخذ القرارات التاليه

الغي مضيف الدكه..

الغي مضيف الاجهزه.. وين قاعدين حنا بحراج؟؟

الغي مضيف الترحيب ويصير الترحيب بالعام

الغي مضيف المطبخ والمضيف الطبي وادمجهن مع الاسره ولو اني ياااله بالعه هو بعد ..

اضيف مضيف للنقاشات الجاده حول الشعر

ومضيف للنقد والتحليل ومهو خاص بالشعر بس

افصل مفتاح ١٤

اخلي المهاة مشرفه على المتواجدين حاليا ... ولا تدرون

على المتواجدات حاليا

المتواجدين حاليا احط عليهم واحدن ببالي يسنعهم:)

اكبر الخط بالمضايف

وبس

يمكن اجي بعد شوي

الجازي

05-01-2004, 02:34

أعترف ,, إني أحب أبوي أكثر من أمي ,, بس البلشة أبوي ماصدقني :(,,وأمي خذت موقف مني :mad:,,وانا اللي رحت فيها |513|

أعترف ... إني يوم سجلت في المضايف كنت متوقعة إني أحط مشاركتين ثلاث وأعطيكم الخامس :D ,,بس الظاهر إن مشاركاتي تكاثرت ونسيت الخامس ;)

أعترف ,, إني أول مرة صلحت فيها الفشار نسيت أغطي القدر :eek: ,, يوم حمي الزيت عينك ماتشوف الا النور |513| ,, انحشت من المطبخ وخليت الفشار ياخذ راحته في الانتشار :D ,,,, وش رايكم بس في هالسجع ;)

أعترف ,, إني ماحسيت بمعاناة الجزائريين إلا بعد مافقدنا أبو نواف الله يرحمه :(

أعترف ,, إني صدقت كلام الصحاف يوم يقول إن الجنود الأمريكيين سينتحرون على أسوار بغداد :(,,, مادريت ان بغداد مالها أسوار :confused:

أعترف ,,, إني كل يوم أكتشف في كل عضو وعضوة من أعضاء المضايف صفة نبيلة (( نبيلة ولا تفيدة :D )) ,, تخليني أتمسك بالمضايف أكثر ;)

وأعترف إني لو كملت اعترافاتي أبطلع فضايح العائلة الكريمة :D عشان كذا أبوقف هنا ;)

تحياتي لكاتب المقال الأخ نواف على هالموضوع المتميز :)

المحمود

05-01-2004, 11:53

ماعليه ياشبيبه بغثّكم شوين (( ماهو بواجد ))

إني ليا ضاق صدري مررررررره دحدرت على الفلّه وما اطلع إلا وانا مرووق

والا في أسوء الظروف هادي.|118|

وإني بغيت ارجف لي واحدن معي بالشغل بغى يلطش موضوع من الفلّه.
|83|

اني يوم جيت ابسوي لي توقيع لقيت ابو مقرن سابقن على الصوره ذلّيت. |112|

وادري بعد ان العمر مش بعزأه:eek:

نواف حمود الشمري

05-01-2004, 22:56

اعترف اني جاي ادور ولاعه :)

احد معوه ولاعه?