فلاح السعد
20-12-2003, 10:07
تلك القصيده رثائيه قرأتها عند الاخ الشاعر المعروف محمد العايد وهي مرسله له من الشاعر ميزر الطواله وقد سمح لي كرماً منه بنشرها هنا حتى اشارككم وتشاركونني بجمالها
هي هنا :
راح الامير
ياشين علمٍ بالصحافه قريناه=ياليت ماجابوا عليه الدلايل
وياليت ماوسط المجالس سمعناه=ولالفوبه ناقلين الرسايل
لكن قدر والوقت ياكبر بلواه=والوقت فيه من البلا والهوايل
غاب القمر عنا ونوره فقدناه=وماباليدين حلول والوقت مايل
راح الامير اللي ينومس بطرياه=طلال راع المرجله والجمايل
نسل الحرار اللي لهم يالعرب جاه=ال الرشيد منزحت كل عايل
اهل الفعايل والسيوف المحناه=تشهد لهم بالفعل كل القبايل
تاريخهم مااظن الايام تمحاه=والوقت يحفظ ذكرهم والفعايل
وطلال ماننلام يامن بكيناه=نبكي فراقه وزرق الدمع سايل
تبكيه شمر والمناعير تنعاه=وسلمى وجا تبكي وضلعان حايل
وقول يستاهل ليامن رثيناه=طلال شوق اللي تكد الجدايل
مرحوم ياحرٍ بعيدٍ معشاه=يدمي مخاليبه نهار الصمايل
وادعي عساها جنة الخلد ملفاه=في جاه رب البيت منشي المخايل
وصلو عدد برقٍ سرى وانتثر ماه=على الرسول اللي دعا للفضايل
ميزر زياد الطواله
هي هنا :
راح الامير
ياشين علمٍ بالصحافه قريناه=ياليت ماجابوا عليه الدلايل
وياليت ماوسط المجالس سمعناه=ولالفوبه ناقلين الرسايل
لكن قدر والوقت ياكبر بلواه=والوقت فيه من البلا والهوايل
غاب القمر عنا ونوره فقدناه=وماباليدين حلول والوقت مايل
راح الامير اللي ينومس بطرياه=طلال راع المرجله والجمايل
نسل الحرار اللي لهم يالعرب جاه=ال الرشيد منزحت كل عايل
اهل الفعايل والسيوف المحناه=تشهد لهم بالفعل كل القبايل
تاريخهم مااظن الايام تمحاه=والوقت يحفظ ذكرهم والفعايل
وطلال ماننلام يامن بكيناه=نبكي فراقه وزرق الدمع سايل
تبكيه شمر والمناعير تنعاه=وسلمى وجا تبكي وضلعان حايل
وقول يستاهل ليامن رثيناه=طلال شوق اللي تكد الجدايل
مرحوم ياحرٍ بعيدٍ معشاه=يدمي مخاليبه نهار الصمايل
وادعي عساها جنة الخلد ملفاه=في جاه رب البيت منشي المخايل
وصلو عدد برقٍ سرى وانتثر ماه=على الرسول اللي دعا للفضايل
ميزر زياد الطواله