ثاني الرحلات الهودجيّة

[مجموعة إنسان]

http://tranim.com/vb/files/rd.gif

http://shmmr.net/upload/up/up/hodaj2.jpg

السلام عليكم ورحمة الله

هاهي رحلتنا الهودجيّة الثانية تبدأ على بركة الله

وراكبة الهودج لهذا الإسبوع أخت نقشت إسمها

(( من ذهب ))

http://kareem.s5.com/my_specialfriend.gif

أجـل

من ذهب ..

فلقد تقلّدت إسم تمتد جذوره إلى ماضي أمتنا الشامخ

وتزدهي أوراقه بشموخ المرأة العربية المسلمة

وتفوح زهوره بشدى شموخ البدويّة بنت الجزيرة العربية

كيف لا وهي التي تفخر بأخلاق يحسدها عليها الكثير


صاحبة الرحلة لهذا الإسبوع

إسم من ذهب

شامخة شموخ الهـــرم

لو إبتغينا أن نوشحها بالألقاب فستستحق الكثير


ولن نجاملها ابداً في ذلك

وهذا هو ديدننــا في مضايف العز

(( فالصراحة بها الراحـه ))


هي رمــز لـ :

((((( التواجد المستمر )))))

((((( الإنسانيّة )))))

((((( الشموليّة )))))

((((( التفعيــل ))))

((((( حسن التعامل )))))


إنهـــا أختنــا:

http://shmmr.net/upload/up/up/hram1.jpg

هذه هي شموخ تمتطي ظهر راحلتها

شامخة وسط هودجها

تنشد لنا من عبير كلماتها


نحاورها فترد علينا بما يرضينا


وستمتعنا طوال رحلتها إن شاء الله


فسيري أخيتي على بركة الرحمــن


والله معك..


(( يابنات هذي هي شموخ حشرتها لكن فشوفن شغل الشفايه ;) ))


وهذي هي المعلومات التي إستقيتها منها فلها منّي كل الشكر

7


http://shmmr.net/upload/up/up/shmooo.jpg

[ديمــــه]

الســــــــلام عليكم..

اختي الغاليه مجموعه انسان

يعطيك العافيه على ماتقدميه

مجهود رائع تسلمين عليه..

هذه رحله اخرى مع اختنا الغاليه

((((( شموخ )))))


اتمنى لها قضاء رحله رائعه

راجعه لك شمووووووووخ

وهذي مني لك..


http://www.ashog.com/images/flower37.gif



تحياتي

ديوووووووووومه

[غيـــــداءنجــد]

يـــــــــــامساء التماسي لاحلى ناس جالسه على الكراسي قصدي الهودج

هــــــــــــلا وغلا باختوو شموخ كيفك يالغاليه وش اخبارك ؟؟

ولله كأني عرفت اسمك الحقيقي مو انتي تقولين انه مرتبط بالجمال ؟؟

ايه ايه عرفتووه <------------ على باله مكتشفه اكتشاف خطير

عندي لك اسئله منا كثره والله يعينك على ثقل دمي تحمليني

1- عندما تشعرين بالضيق وعدم الارتياح النفسي لمن تلجأين بعد الله ؟؟

2-متى تشعرين بحنين جارف للعوده لطفوله .... الطفوله تلك الواحه الخظراء التي نهرب اليها كلما تكالبت علينا الهموم والضيق من حياتنا

3-متى تمنيتي ان تكوني شاعره ؟؟؟

4- ماهي القصيده التي اعجبتي بها وتمنيتي ان تكون من نصيبك ؟؟

بيت من الشعر دائما ترددينه بينك وبين نفسك ؟؟؟

5- ما رأيك بالاعجاب بين الفتيات وما هو السبب الرئيسي [انتشار هذه الضاهر

هل هو ضعف الوازع الديني او الفراغ العاطفي او الجهل بالحكم الشرعي بالاعجاب او هبال وقله عقل ونعدام تربيه ؟؟؟؟

6= اذكري لي امنيه لك تحققت واخرى لا ؟؟؟

7- اذكري لي موقف محرج حدت لكي مع طفل ؟؟؟؟

8- ما آكبر امل لكي بالحياه ؟؟؟

9- من هو الشخص الذي تحرصين على رضاه بعد والديكي ؟؟

10- منهو اكثر واحد عندكم بالبيت يزعل منك ... وكيف تراضينووه ؟؟

11- انتي مثلي تفرحين بيوم الاربعاء وتحسين ان لووه طعم ونكهه غير عن باقي ايام ااسبوع او لااااااا ؟؟؟

<<------------ لو الاربعا رجال كان تزوجتووه من كثر حبه ليوم الاربعاء ( ياهي خبله هالبنت )

واخير وليس اخرآ

منهو الشخص الي تقولين له يمال فرقى العين ؟؟؟ ( بس لا يكوون انا ... وعزيلي تسانهوو انا ))

تشا1111و ينطح تشا111111111و ولي عوده

[تماضر]

هلا والله ..بمجموعة إنسان ...تسلمين على المفاجئه الحلوه

اختي شموخ ....هلا ومليون هلا ...بالطله

اسم على مسمى ...والله يعينك على هري الاسئله ...بس سمي بالرحمن قبل البدايه ..ياراعية الهودج .....عز والله من هودج

اولا ....ارجو قبول الورود الجميله عربون المحبه والاخوه

http://cards.llkl.net/images/l/3roses_redroses.jpg

احس ماتكفي ....بعد وحده ثانيه ولا تكفي ....سامحينا على التقصير

ياشموخه ..والنعم

http://cards.llkl.net/images/l/3roses_redroses.jpg
اما الاسئله فهي :

1-من هو مثلك الاعلى ؟

2- ماهو افضل وقت لدخولك المضايف ؟

3- هل تذهبين الى مواقع اخرى ام بس المضايف ؟ والله من الشفايه!!!

4- من تعجبك من اخواتك في المضايف ؟

5- من اي منطقه انتي ؟ ( ليس اجباري )

والباقي بالطريق ان شاء الله

ومشكوره ....على قبول الهودج ...واتاحت الفرصه لنا للمحاوره

[المهاة]

أهم شي لا تخلصين البقل عني ... :mad:


منورة شموخة .. كيفك يالغالية .. <<< هذا موب سؤال ..:p


نبدأ التحقيق .. أعترفي بالجريمة بكل تفاصيلها .. و مثليها لو تكرمتي قبل أبدأ أساليب التعذيب ..|513| >>> بتقصص اظافرك ..:p


س 1 _ مالذي يمكن أن تطلعينا عليه من بطاقتك الشخصية ..؟

الاسم الاول _ العمر _ المؤهل _ العمل ان وجد _ مكان الاقامة _ وين تردين علي منه ( الغرفة ) ..:p _ وش لا بسة ...؟؟:rolleyes: لالا خلاص كيفك .:D


س 2 _ كيف طحتي بالمضايف ...؟ و متى بتوبين عنها ..؟>>> حشى دخان موب منتدى .:rolleyes:

س 3 _ من تعرفين من اهل المضايف غير غيمة غلا ..؟ حتى لو هم مايعرفونك .؟


س4 _ أي المضايف تتواجدين فيه أكثر للمشاركة ( يعني يستهويك ) _ و ايها يستهويك المتابعة فيه أكثر ..؟

س 5 _ وش شعورك و انتي فوق الهودج ..؟مانتي خايفة ..؟ الارض بعيدة و الا قريبة ..؟ البعرور ( البعير ) يخوف و الا لا ..:o


س 6 _ كم من الوقت تمضينه في المضايف ..؟ و كم تمضينه بالنت بشكل عام ..؟


---------

تعبت برتاح و ارجع .:rolleyes:

[شموخ]

السلام عليكم ورحمة الله وبركاته

في البداية احب أتقدم بالشكر الى الاخت الفاضله مجموعة انسان بل مجموعة

احاسيس :) على هالترحيب الحار وعلى هذه المقدمه الحلوه وصراحه

اخجلتوني بكرمكم :o:oوهذا مو غريب عليكم ياشمر .


الاخت ديمه

الله يخليك يارب ويوفقك ومشكوره حبيبتي على الهديه عاد انا اموووووت

بالورد "ياورد من علمك تجرح ":o:o


تحياتي
شموخ

[شموخ]

ياصباح الورد والفل والياسمين لااحلى غيداء في نجد

وش اخبارك يالغاليه بشرينا عن صحتك .

خذي راحتك حبيبتي بالاسئله مجموعه ليش ركبتني الهودج لجل يتفرجون غير تبيكم تنبشون :):)
نبدى نجاوب على اسئلتك .

س1_عندما تشعرين بالضيق وعدم الارتياح لمن تلجائين بعد الله سبحانه وتعالى .
ج1_
طبعا الانسان المؤمن لابد ان يلجا الى الله كماذكرتي ولكن هناك اشخاص قد يلجا لهم الانسان بعد الله سبحانه وتعالى بالنسبه لي انا الجا الى "ابنة اختي الكبرى " صحيح انا خالتها :):) بس اعمارنا مثل بعض وتعتبر اخت لي وصديقه ابوح لها بهمي وهي ايضا تبوح لي باسرارها وهمومها .

س2_متى تشعرين بحنين جارف للعودة للطفولة ؟

ج2_
اشعر بالحنين الى الطفوله اذا حسيت اني تعبت وحسيت بالهم من اي شي .

س3_متى تمنيتي ان تكوني شاعره ؟
ماني فاهمه ايش تقصدين بهالسؤال
للمعلوميه لي محاولات شعريه ولكني مقلة بالكتابة والنشر ايضا .
وايضا قصائدي تحتاج الى عرض على احد الشعراء حتى يرى لي الوزن وانا من النوع الكسول جدا .

س4_ماهي القصيده التي اعجبتي بها وتمنيتي ان تكون من نصيبك ؟

قصائد كثيره تعجبني ولكن لم اتمنى ان تكون من نصيبي ،صحيح اتمنى ان أصل الى قدرة كاتبها اما القصيده فلم اتمنى في يوم من الايام ان تكون لي .

وعلى العموم في قصائد احيانا من جمالها ماينساها الواحد اذكر لك على سبيل المثال الا على سبيل الحصر

قصيدة بلاد التيه للشاعر طارق
قصيدة الغايبه لأبو عذاري
قصيدة العطش لفيصل اللويش
ايضا قصيدة ياسيدي لفيصل اللويش
ايضا الامير لأبو عذاري
لن اقبل العزاء لفيصل اللويش
انتهت من جامعتها للشاعر رحيل الوهبي
صبح العاصمه رايق لفلاح العماش

وغيرها من القصائد كثيره اعجبتني ولشعراء غير المذكورين .

_بيت من الشعر دائما ترددينه بينك وبين نفسك ؟

يانجد ياديرة هلي كيف ابنساك ........مانساك انا يانجد لو يبعدوني

س5_مارائك بالاعجاب بين الفتيات وماهو السبب في انتشار هذه الظاهره ؟
الاعجاب داء حديث ...قد لانبالغ اذا وصفناه بالظاهرة لانتشاره في بعض مدارس البنات ان لم يكن جميعها وارى ان من اسباب انتشاره

1_ضعف الوازع الديني لدى الكثير من الفتيات .
2_تقليد المجتمعات الغربيه ومافيها من حب بين الجنسين ايضا التأثر بوسائل الاعلام المعادية للاسلام وماتبثه من امور مخالفه لشريعتنا الغراء .
3_عدم فهم معنى الاخوه في الله وماتقوم عليه من واجب النصيحه والتذكير بالله واسداء النصح والمشورة وادخال الاعجاب ضمن اطار معنى الاخوة في الله رغم مافيها من مخالفات .

4_اما الفراغ العاطفى فليس كل من نقص عاطفيا في صغره او كبره كان فريسة الوقوع في الاعجاب وذلك ان بعض الناقصين عاطفيا عقلاء فقاموا بتفريغ الحب الذي في نفوسهم في صورة حب لله وفي الله وهؤلاء عرفو كيف يعالجون نقصهم فاصبحوا اسوياء .


س6_اذكري لي امنية تحققت لك واخرى لا ؟
امنية تحققت لي ماتذكر صراحه هذاك الشي اللي تمنيته وتحقق لي بس من ضمن امنياتي السنويه :):) اني اعيد بالرياض والى الان متحقق لي هذا الشي والحمد لله .

امنية لم تتحقق لك :(:(
الصراحه اخاف تضحكون علي :):):)
احلم واتمنى يجي هذاك اليوم اللي انشئ فيه مشروع سياحي ضخم في مدينة الطائف باعتبارها مدينة الفصول الاربعه ومصيف المملكه الاول ايضا يردها سياح من خارج المملكه سنويا من دول الخليج .
وشهو هذا المشروع ياترى ؟؟؟؟؟:o:o:o

منتجع ينافس منتجعات سويسرا "شوفو ياكبر الحلم على قولة اختي نوف خليك في احلامك " :):):):)بس عندي امل وطموح وانشاء الله يتحقق قولوا امين .

س7_ موقف محرج حصل لك مع طفل ؟
والله ماتذكر مع طفل عموما الاطفال فاقعين مرارتي بس اسلم على الواحد واخليه يتوكل على الله مااحب اخذواعطي معهم واعطي .:):) قولي مع كبار السن لاني احب اجلس معهم .

س8_اكبر امل لي لك بالحياة ؟
الصحه والعافيه ورضا الله ثم رضا الوالدين .

س9_منهو الشخص الذي تحرصين على رضاه بعد والديك ؟
جدتي الله يعطيها الصحة وطولة العمر وعموما احرص على رضا الكل ولكن كما قيل" رضا الناس غاية لاتدرك "

س10_ منهو اكثر واحد عندكم بالبيت يزعل منك ؟وكيف تراضينوه ؟

الصراحه :o:o:oالطباخه اذا جيت ومالقيت الغداء جاهز صراحه ماتحمل الانتظار يرتفع ضغطي ولايمكن اني انتظر اروح انام وماتغدى لان مثل ماتعرفون مافي احد بالبيت الا انا ووالدتي حفظها الله ومافي احد ننتظره بيجي للغداء علشان كذا احب اول ماجي اتغدى .


كيف اراضيه ؟؟؟؟؟؟؟؟؟

هذا بلا ابوك ياعقاب :o:o:oوبالذات اذا تكرنوا :):)
طبعا بعد مااصحى العصر واتقهوى واروق اعتذر لهم والله احيانا توصل لحب روس "خاصة اذا كانت كبيرة سن اللي زعلانه "مو حب خشوم :):)

لجل كذا احاول بقدر المستطاع اني مازعلهم بحيث اتصل قبل ماخرج حتى يجهزون الغداء .
يمكن تقولون عني مجنونه :(:( بس والله يابنات غصب عني جوعي حار على قولة امي "البنت هذه لو انا في مجاعة كلتنا "وبالرغم من كذا والله ماطول على السفره دقيقتين وقايمه ماهو على كثر هواشي وين الغداء :):)

س10_انتي مثلي تفرحين بيوم الاربعاء وتحسين انه طعم خاص ؟

ايه بالله مثلك يمكن اكثر بعد افرح فيه من يوم الثلاثاء وأمل من ليلة السبت مثل هالليله :(:(:( شوفيني مانمت للحين والساعه اربعه الفجر الله يعين .

س11 منهو الشخص اللي تقولين له يامال فرقى العين ؟
استاذة علم النفس اللي درستني ثاني ثانوي احس راسي يصدع منها صوتها فيه رنة مزعجه وغير كذا ماتركد في مكان واحد رايحه جايه وحنا وراها بالانظار وين ماراحت بالفصل ماتطلع الا وحنا ندور البندول من الصداع :):)

تحياتي لك ياغيداء وحياك الله متى مارجعتي .
اختك
شموخ

[غيمة غلا]

السلام عليكم ورحمة الله وبركاته

ياهلا بشموخ
يابنات ارفعوا ضغطها بالاسئلة لاني زعلانه عليها :mad:

بسألك واذا تعبت برتاح مثل المهاة وارجع اسئلك مرة ثانيه.

س1_لماذا لم تحظر شموخ الامسية الشعريه المقامه في جده يوم الخميس ليلة الجمعه 24/10/1424للشاعرات "نجاح المساعيد ،تذكار الخثلان ،جروح "
مع انك وعدتيني انك تحظرين .

س2_شموخ ....لاحظت اثناء زيارتي لك بمنزلكم العديد من اللوحات الفنيه من انتاجك وفي غالبها صور للملك فيصل ماهو السر في ذلك .لماذا هذه الشخصيه بالذات تحتفظ شموخ بصورها حتى في غرفة نومها ؟؟؟؟؟؟؟

س3_ماهي اغلى هدية اهديت لك ياشموخ ومن هو صاحبها ؟

س4_اخر مره بكت فيها شموخ متى ؟

غيمة غلا

[شموخ]

بسم الله الرحمن الرحيم

قلتي لي اسمي بالرحمن وشوفيني سميت :):):)

هلا والله بتماضر
مشكوره حبيبتي على الورد والترحيب وماجا منك قصور يالغاليه وماعليك زود ..

نبدى على بركة الله :):)

س1_من هو مثلك الاعلى ؟؟؟؟؟
ج1_ الوالد .

س2_ماهو افضل وقت لدخولك المضايف ؟؟؟؟
ج2_ ماعندي وقت محدد لدخول النت بشكل عام والمضايف بشكل خاص يعني احيانا ادخل بعد الغداء واحيانا العصرأو المغرب واغلب الاحيان بعد الساعه 10 مساء لان هذا الوقت في الغالب اكون فاضيه فيه ...

س3_هل تذهبين الى مواقع اخرى ام فقط المضايف ؟؟؟

ج3_من ناحية التصفح اتصفح بعض المواقع اما الكتابة فقط مضايف شمر اللي اكتب فيها لاني وجدت فيها الراحه النفسيه :):)

س4_من تعجبك من اخواتك في المضايف ؟؟؟

ج4_ كل البنات الموجودات يعجبوني وخاصة خفيفات الدم :):) اما التماسيح مايعجبوني "خلينا نقهرهم ":):):)

س5_من اي منطقة انت ؟
ج5_الاصل من الرياض ومقيمه بالطائف .

وحياك الله متى مارجعتي .

تحياتي لك
اختك
شموخ

[شموخ]

ماراح اخلصه لاتخافين "بهذلتنا بهاالبقل ياحبها له ":):):)

منور بوجودك يامهيه .وانا بخير يامال الخير ..

ابدأ التحقيق ياسعادة العقيد :):)

س1_مالذي يمكنك ان تطلعينا عليه من بطاقتك الشخصيه ؟
ج1_
الاسم الاول .اسمي قلت لكم يدل على الجمال فكرو عاد مايصير اقوله شغلوا المخ شويه لايجمد مع البرد :):)
العمر . ويش العمر وش ميزته... وش طراته ...الا انعتاق الروح من قبضة اليأس
المؤهل .طالبه في قسم التربيه الفنيه .
العمل .عاطله عن العمل مع مرتبة الشرف الاولى :):)
مكان الاقامه .بالطائف اسكن والحزن جالي ....ياكيف بعد الدار بعد البهيه
وين تردين علي منه "الغرفه "
لا من فوق الجبل "جبال لبنان ":):) ايه من غرفتي اجل من وين .:)
وش لابسه . بدله عسكريه لاني بطعس بجيب الدوريه تخاويني :):):)

س2_كيف طحتي بالمضايف ومتى بتوبين عنها ؟ج2_
اللي طيحني فيها ابو عذاري عاقبيه .
متى بتوبين عنها ؟
اذا تاب ابو سلطان"المشرف العام " عنها تبت انا عنها .

س3_من تعرفين من أهل المضايف غير غيمة غلا ؟حتى لو هم مايعرفونك ؟ج3_
بالله كيف اعرفهم وهم مايعرفوني يابنت لايكون انت بالمباحث "هم اللي يعرفون وماينعرفون ":):)
شخصيا مااعرف الا غيمة غلا وللمعلوميه غيمة غلا تقرب لي من جهة الام :):)
صحيح انها لزقه هالبنيه بس عاد لجل عين تكرم مدينه لجل عيون وضحى "الوالده ":):)

س4_أي المضايف تتواجدين فيه اكثر للمشاركه "يعني يستهويك "وايهما يستهويك المتابعه فيه اكثر ؟ج4_
مشاركاتي كموضوع مستقل قليله اما كردود على الاعضاء احرص اني ارد على كل موضوع يستهويني واكثر المواضيع التي تستهويني في مضيف الشعر النبطي وفلة الحجاج ومضيف المرأة والاسره .

س5_وش شعورك وانت فوق الهودج مانتي خايفه ؟ج5_
مدام انتي معي ماني خايفه اسألي مجموعه اشترطت عليها تخليك معي لو اطيح سبحان الله تمسكيني :):)

س6_كم من الوقت تمضينه بالمضايف والنت بشكل عام ؟ج6_
بالنسبه للمضايف على حسب نشاطها يعني اذا كان فيه مواضيع جديده طبعا امضي وقت اطول يعني في حدود ساعتين او ثلاث مابين التصفح والقراءه والرد
اما اذا كان لايوجد مواضيع جديده او قليله امضي حوالي ساعه ونصف واحيانا بعد مااخرج منها واتصفح مواقع ثانيه ارجع لها مره ثانيه اشوف نزل شي جديد .

اما النت بشكل عام احيانا ست ساعات طبعا مع الوقت المستغرق بالمضايف واحيانا اكثر واحيانا اقل لكن على العموم مايقل تصفحي للنت يوميا عن ساعه اقل شي ساعه .

يالله استرحي دامك تعبتي :)

تحياتي لك اختك
شموخ كل عام وانت بخير

[مجموعة إنسان]

الغالية شموخ


طبعا عرفتك منذ فترة ليست بالبسيطة

ولقد نسجت عنك صورة للوضوح والمباشرة في التعامل


واتضح هذا لي جلياً من خلال إجابتك على الإستمارة التي بعثتها لك


وكلما أقرأ ردودك على العضوات الكريمات تتجلى صفاتك ونقاءك أكثر وأكثررر


بااااارك الله فيك وحفظك لعيون والديـــك



وفي سوالفك على ظهر الهودج إستوقفتني عبارتين قلتيهما بكل تلقائية

ولكنهما أثرتا في قلب أختك مجموعة ..

اما الكتابة فقط مضايف شمر اللي اكتب فيها لاني وجدت فيها الراحه النفسيه

لاني وجدت فيها الراحه النفسيه

لاني وجدت فيها الراحه النفسيه

لاني وجدت فيها الراحه النفسيه

لاني وجدت فيها الراحه النفسيه


ـــــــــــــ ووووو


اذا تاب ابو سلطان"المشرف العام " عنها تبت انا عنها .
اذا تاب ابو سلطان"المشرف العام " عنها تبت انا عنها .
اذا تاب ابو سلطان"المشرف العام " عنها تبت انا عنها .
اذا تاب ابو سلطان"المشرف العام " عنها تبت انا عنها .



وكأنك تتحدثين على لساني أخيتي ;)

هذا فعلا ماأحس به لذلك أثّرت في كلماتك ولمحت الصدق يتناثر بين سطورك



بارك الله فيك من أخت وسدد خطانا وخطاك


وعلى طريق الخير هدانا وهداك


ومثل ماقال الشاعر :

عسى الزمان اللي جمعنا على الطيب .. يبقى على طيبه ونبقى حبايب
عسى الزمان اللي جمعنا على الطيب .. يبقى على طيبه ونبقى حبايب
عسى الزمان اللي جمعنا على الطيب .. يبقى على طيبه ونبقى حبايب
عسى الزمان اللي جمعنا على الطيب .. يبقى على طيبه ونبقى حبايب


تحياتي،

[المهاة]

الله يسعدك شموخ ..


تسمحين اسأل واجد و الا ..:(


ادري تسمحين ..;)


س _ انتي دارسة ادبي و داخلة فنية ..؟ كيف تصير هذي و الا واسطة ..;)

س _ أعرف قسم الفنية طلباتهم واجد و اشغالهم أكثر .. كيف تحصّلين كل هالوقت للنت و الاعمال و الدراسة و القعدة مع العجايز ..:D

س _ داخلة الفنية كهواية و الا لان صاحباتك دخلوا هناك .؟|512|

س _ مادام انك موهوبة في الرسم ليه ماتعرضين بعض رسوم في قسم التصاميم ..؟

س _ لو اعطيتي فرصة العودة لاختيار تخصصك هل ستختارين الفنية .. او بتغيرين ..؟؟

س _ ماسبق ان شاركتي في معارض فنية ..؟ او فكرتي تقيمين معرض خاص لك او بمشاركة بعض صاحبتك ..؟

س _ انا فهمت ان شموخ مو شمرية .. ما وجدتي صعوبة في فهم اللهجة ..؟ >>> شمرية و لا تفهم ثلاث ارباع اللي يحكى هنا :rolleyes:

س _ شموخ ماعندك اخوة او اخوات اشقاء ..؟:o

س _ هل تسمحين لي ارجع ..؟:o

[تذكار]

السلام عليكم ورحمة الله وبركاته


حيا الله شموووووووخ ..

جاية أسلم بسرعه وماشيه ..

ولي رجعه ..

بس خذي هالكارد مني هديه ..

http://www2.incredimail.com/contents/ecards/love/sparkling_wreath_d_prev.gif

مع السلامه ..


تذكار

:)

[مرفأ]

يا هلا بالغاليه شموخ

اتمنى لك وقتا ممتعا فى ركوب الهودج وسعيده بتواجدك


انت تعيشين بالطائف .... كيف يمكن وصفها ببيت من الشعر ؟

الاوقات التى يمكنك الرسم فيها .. وكيف اكتشف موهبتك ؟

لو قلنا لك نريد ان تدخلى المطبخ وتحضرى لنا طبق من يديك :) بشرط لا نريد مساعده من احد ؟

عصبيتك هل افقدت احد ام تعودا عليك


لن اثقل عليك بالاسئله ...

تحياتى لك

[شموخ]

وعليكم السلام ورحمة الله وبركاته

ياهلا بغيمة غلا

ليش تبينهم يرفعون ضغطي ناقصه انا ،كفايه انتي رافعته :):)

س1_
لماذا لم تحضر شموخ الامسية الشعريه المقامه في جده للشاعرات" نجاح المساعيد وتذكار الخثلان وجروح " مع انك وعدتيني تحضرينها؟ج1_

ياغيمه فيه مثل عندنا يالبدو يقول "حال دون الحبيب احب منه "
صحيح احب حظور الامسيات الشعريه وخاصة اذا كانت فيها تذكار الخثلان ونجاح وكنت ناويه احظر بس سافرت للرياض مغرب الخميس ومارجعت الا ليلة السبت الساعه 12 وعاد تعرفين كل شي الا الرياض وعلى طاري الامسيه تعالي انا اللي زعلانه عليك اتصل عليك وقت الامسيه ابي اقولك اني ماراح احظر وابي اسمع لو شوي من الامسيه ومقفله جوالك يعنني منسجمه مع الشعر امحق انسجام :):)

بس لاتخافين علي سمعت تذكار ونجاح وماقصرت نوره اتصلت عليها وفتحت جوالها وسمعت شويه من تذكار ونجاح الا جروح ماسمعتها .يعني صدت عصفورين بحجر واحد :):) سافرت الرياض وسمعت الامسيه اللي بجده :)

س2_ شموخ لاحظت اثناء زيارتي لك بمنزلكم العديد من اللوحات الفنيه من انتاجك وفي غالبها صور للملك فيصل ماهو السر في ذلك ؟لماذا هذه الشخصيه بالذات تحتفظ شموخ بصورها حتى في غرفة نومها ؟
ج2_
بعض اللوحات الفنيه اللي شفتيها بسلمها للجامعه مطلوبه اما صور الملك فيصل لا لي انا .
اما بخصوص ليش الملك فيصل بالذات هو اللي احتفظ بصوره في غرفتي
مااقول غير يكفي انه دماغ جزيرة العرب المفكر هل هذه الشخصيه العالميه ماتستحق انا نجسد صورتها وشموخها في لوحة فنيه .وبيني وبينك احبه موت وتمنيت اني ولدت في عهده حتى نقبل كفوف هذا الرجل الشامخ ونشكره على انجازاته التي لازالت شاهدة له .:)

س3_ماهي اغلى هديه اهديت لك ياشموخ ومن هو صاحبها ؟

ج3_
خيل "حصان "من عند خالي سلطان .
السعر مدري عنه بس اعتبرها اغلى هديه يمكن لاني احب الخيول :)

س4_اخر مره بكت فيها شموخ متى ؟
ج4_
في الاسبوع الماضي كان يوم الاحد ،السواق مريض ومرقد بالتخصصي وصلح عمليه وجلس بالعنايه تقريبا اسبوع بعد ماطلع من العنايه بيومين اتصل علي يشكرني على اتصالي وسؤالى عنه مع انه واجب علي وبكى لانه كان عارف بمرضه "مصاب بورم سرطاني خبيث " صراحه حاولت اهون عليه بس ماقدرت لاني مقدر اتحمل اشوف رجال قدامي يبكي وخاصة كبير السن "دموعهم غاليه ومايبكون من شي هين " مااقول غير الله يشفيه وادعو له .

اختك
شموخ

[شموخ]

هلا بمجموعه

الله يخليك يارب ومشكوره حبيبتي على مشاعرك تجاهي

اثاري شعورنا واحد تجاه المضايف خلاص ادمنت عليها مقدر استغني عنها .


تحياتي اختك
شموخ

[شموخ]

هلا بمهيه

ايه اسمح لك خذي راحتك عارفه ان في خاطرك اسئله ثانيه بس اسألي:):)

س1_انتي دارسه ادبي وداخله تربيه فنيه كيف تصير هذه والا واسطه ;)

ج1_
والله العظيم شوفيني احلف لك يامهاة لا واسطه ولايحزنون قدمت ملفي على قسم التربيه الفنيه وقبلوني بالرغم من ان نسبتي 88،46 جيد جدا "على قدر نياتكم ترزقون "وبعدين على حسب معلوماتي المتواضعه عن القبول والتسجيل انه اذا كان هناك مقاعد في قسم التربيه الفنيه او الاقتصاد المنزلى زائده يقبلون فيها من الادبي .

س2_ اعرف قسم التربيه الفنيه طلباتهم واجد واشغالهم اكثر كيف تحصلين كل هالوقت للنت والاعمال والدراسه والقعده مع العجايز ؟
ج2_
ازيدك من الشعر بيت بس قولي ماشاء الله لاتصكيني بعين خلي عيونك على التماسيح وكشتتهم :):) انا ادرس غير التربيه الفنيه حاسب الي بعد صلاة المغرب بمعدل ثلاث ايام بالاسبوع "السبت والاحد والثلاثاء "للحصول على دبلوم "تقنية برمجه حاسب الى "عامان وخلصت السنه الاولى والان في السنه الثانيه باقي لي حوالي 5 برامج والحين واصلين الى برنامج c++ وللمعلوميه انا ادرس بجامعة ام القرى بمكه المكرمه لان فرع الطائف مافيه تربيه فنيه فيه اقتصاد منزلي وكل شي عندى الا الطبخ وريحته بالملابس .

وبالفعل قسمي طلباتهم كثيره وممله اعمالهم بس انا ترى ماني مهتمه بالاعمال يمكن اخر من يقدم عمله بالقسم انا بعد ماينشف ريق الدكتوره :)

اكيد تقولين كيف جدولها اليومي ؟
اصحى الفجر اصلي اذا كان عندي تكملة عمل خلصته ،بعدها أجهز حالي للجامعه وامشي لمكه طبعا عن طريق الهدا لانه اقرب لي ،احظر محاضراتي اخرج بعد الظهر في الغالب ،احيانا استاذن قبل ماخلص محاضرات يعنى اطنش والحمد لله متفهمين وطيبين ،اجي البيت اتغدى وانام للعصر واصحى اتقهوى واصلي المغرب واطلع للمعهد اللي ادرس فيه الحاسب اجي منه الساعه ثمان ونصف اجلس اكمل اشغالي واعمالي واذاكرشوي الى الساعه 11 ونصف بعدها خلاص اوقف مذاكره وادخل النت اتصفح وارجع انام ترى نومي مو كثير 3 الى 4 ساعات باالليل والظهر ساعه بس تقريبا .
اما الجلسه مع العجايز خميس وجمعه اذا رحت للرياض اجلس معهن .
وعلى العموم انا كسلانه ومهمله دائما اوجل اعمالي الى الغد :):)

س3_داخله الفنيه كهوايه او لان صاحباتك دخلو هناك ؟
ج3_شوفي يالغاليه اكذب عليك ان قلت انا داخله القسم هذا كهوايه صحيح الرسم من هواياتي لكن اني اتخصص واكرف خمس سنين لجل التربيه الفنيه لا لاني اقدر انمي هذه الموهبه بدون الدراسه منخلال الممارسه . بس يقولون مالك الا خشمك لو كان عوج وين اروح انا ادبي ومجالات الادبي قليله .وزميلاتي لا والله ولا وحده دخلت معي فني الاغلبيه لغة انجليزيه .

س4_ مدام انك موهوبه في الرسم ليش ماتعرضين بعض رسوم في التصاميم ؟
كلمة موهوبه كبيره علي والله
ليه ماعرض
انا من النوع الكسول جدا ماعندي طولة بال اني انزل واكتب واعرض حتى قسم الكمبيوتر مقصره تجاهه .

س5_لو اعطيتي فرصة العوده لاختيار تخصصك هل ستختارين الفنيه ام تغيرينه ؟
اتوقع بختاره مافي الاهو الاقسام الادبيه الثانيه لايمكن اني انسجم فيها .

س6_ ماسبق ان شاركتي في معارض فنيه ..او فكرتي تقيمين معرض خاص بك او بمشاركة زميلاتك؟

ج6_والله ولا معرض شاركت فيه ولافكرت اني اسوي معرض خاص في او بمشاركة زميلاتي .
اللي فكرت فيه مشروع سياحي انشاء الله يتحقق لي .

س7_انا فهمت ان شموخ موشمريه ماودت صعوبه في فهم اللهجه ؟
ج7_ايه صحيح ماني شمريه انا ومن ناحية اللهجه شوفي يالغاليه
كانت الصعوبه في فلة الحجاج اما الاقسام الثانيه لا احس مفهومه لكن في الفله بعض الشباب يستخدمون مصطلحات غريبه، عجيبه ،رهيبه :):):) اعطيك مثال كلمة "وغدان " ياتعبتني هالكلمه الا افهم وش هالوغدان اخر شي كتب وااحد اظنه يامهراس او نهاش موضوع وكان من ضمنه الوغدان يضحكون بعدها عرفت ان الوغدان بشر وشكيت انه يقصد بهم الاطفال وسالت وعرفت المعنى ايضا كلمة السناعيس ماكنت عارفه انها عزوه لشمر .والحين يابعد حيي يامهيه عرفت اللهجه ومتخرجه بممتاز بس مادة شخاط ومحارش مقبول اخذت فيها بشد حيلي فيها :):)

س8_شموخ ماعندك اخوه اواخوات اشقاء؟
ج8_
لي اخوان واخوات اشقاء ب اكبر مني متزوجين وبالرياض وواحد بجده .ولي اخوان من الاب لاني ابوي يحب يعدد ويحب يطلق :(:(

حياك الله يمهيه ومسموح لك الرجوع المحل محلك .
اختك
شموخ

[غيـــــداءنجــد]

السلام عليكم

كيفك شموخ وكيف حالك ؟؟
اقوول شموخ ماتبين شريك بمشروعتس ؟؟؟ ترا سمعت ان الوليد بن طلال يدور له شريك يبي يسوي مشروع مثل مشروعك ... اااايه ونا اختس اليامنووه عرض عليتس لا تعيين وتكسرين بخاطرووه :D :D :D

امزح امزح لا تزعلين اشوفتس قمتي تنافخين <<------- طقوع هالبنت

المهم عسى الله يوفقك ويسعدك ويكتب لك التوفيق بالدارين ولا تنسين خيتك غاده اليا نجح مشروعتس من الدراهم تري علي الحسنه واذا فشل لا تعرفينن ولا اعرفتس <<-------- خاينه عشيرله طوقان :D :D

يلااااا عاد نبدا برفع الضغط واستلمي

هااه دووتس الدفعه الثانيه من الاسئله ووسعي صدرتس عليهن

1- هل تؤمنين بأن الفوارق الاجتماعيه والماديه بين الزوجين ممكن تكون عائق لسعادتهم واستمرار حياتهم وخاصه اذا كانت البنت متعوده على مستوى معيشي اعلى من مستوى زوجهاا ؟؟

2- يقال ان المراءه تستطيع كتمان حبها ولكن لا تستطيع كتمان كرهاا ...هل تنطبق عليك هذه المقوله ؟؟


2- على مافهمت من البنات انك فنانه تشكليليه او على الاقل عندك موهبه الرسم سؤالي هو : هل مر بمخيلتك خطوط وملامح معينه لم تستطيعي ترجمعتها بالفرشاه والوان ؟؟ وايهما اسهل وأوسع مجالأ بالتعبير عن الشعور هل هو الرسم او الشعر ؟؟؟


3- كل شخص له لازمه يقولها عندما يغضب من الشخص المستفز له فاغلب الناس عندما تٌستفز تقول يا ( الله يهديك او الله يصلحك او الله ياخذك او ياحمار ونتم بكرامه او يابقره .......... انتي بماذا تنطقين عندما تستفزين وبقوه ؟؟
او انك تسكتين وتعضين على برطمك من الزعل :p

4- بعض الناس هداهم الله يقومون بتشغيل التلفاز عند زياره ضيف لهم وينشغلون عن الضيف بالتلفاز وهناك تصرفات كثيره مشابهه .... هل يغضب شموخ مثل هذا التصرف او اي تصرف مشابهه له ؟
( يرتفع ضغطه من هالي يعمل هاتس )

5- متى تقولين لمحاتسيتس اندزلع الله ياخذ وجهك ؟؟ :( :( ( تشك ان شموخ تبي تفهم مقصده )

6- انتي تغلين الجالكسي بالكراميل مثلي خاصتن مع فنيجيل قهووه ؟؟؟

7- واخيرأأأ معك ست تريل سلف وردهن اليا جت المكافأه ؟؟

تشا1111111و ينطح تشا111111111و

أتنينن لي نكسه :eek: :eek:

[غيمة غلا]

السلام عليكم ورحمة الله وبركاته

أنا لزقه ياشموووووووخ :mad::mad: مقبوله منك بعدين تعزميني ماجيك

يلا عاد ببدأ انا برفع ضغطك واستلمي .

اول شي الله يشفى سواقك .
س1_
شموخ لو تقدم لك ثلاثه عرسان :o:o
1_شايب يحبك بجنون ;);) ومايبغا يتزوج عليك ؟معاهدك معاهدة جنيف ؟:p
2_شاب فقير يحبك ولايحب التعدد ماراح يتزوج عليك "مثلك مايحب التعدد "
3_شاب غني يحبك بجنون :o:o:o ولكنه يحب التعد "يمكن يتزوج عليك "

ايهما تختاره شموخ :p:p

س2_ شموخ نبغا اخر إحصائية لعدد البنات اللي على اسمك ؟

س3_ جريدتك المفضله ياشموخ ؟

س4_ اخر مسج وصلك على جوالك ؟

س5_ شاعرك المفضل غير خالد الفيصل :)؟

غيمة غلا

[شموخ]

وعليكم السلام ورحمة الله وبركاته

هلا بتذكاااااااار

الله يبقيك .

مشكوره عيوني على الهديه .

وحياك الله متى مارجعتي .

تحياتي لك اختك
شموخ

[شموخ]

كاتب الرسالة الأصلية : مرفأ



انت تعيشين بالطائف .... كيف يمكن وصفها ببيت من الشعر ؟

[HR]

ياحياالله مرفأ هذه الساعه المباركه اللي شرفتينا فيها .

الوصف صعب ان مالقى الشاعر شبيه ولا وصيف
...........يعذرني الطايف ورمانه ويعذرني الزهر .
لنايف صقر هذا البيت


الاوقات التى يمكنك الرسم فيها .. وكيف اكتشف موهبتك ؟
[HR]
افضل الاوقات عندي في الصباح الباكر احلى شي . كيف اكتشفت موهبتي ؟صراحه من يوم اني صغيره وانا احب ارسم والون .


لو قلنا لك نريد ان تدخلى المطبخ وتحضرى لنا طبق من يديك :) بشرط لا نريد مساعده من احد ؟
[HR]
ابشري تامرين امر بس عاد تحملوا النتائج :):)
تبيني اكتب لك طبق والا تسيرين علي وتذوقينه :):)

عصبيتك هل افقدت احد ام تعودا عليك ؟؟ [HR]

ولله الحمد الى الان لم تفقدني احد يمكن تعودو علي ،

لن اثقل عليك بالاسئله ...
[HR]
لا عادي خذي راحتك ما ثقلتي

تحياتي لك يامرفأ

[نجمه السماء]

http://mowjeldoha.com/mix-pic/animated-gif/animat-3/fee022.gif

الغاليه شموخ ..
عذراً على التأخير ..
ولو كنت ادري انك انتِ راعيه الهودج كان اجلت سفري
وقابلت هودجك ..

ادخل بالاسئله دايركت ..
السؤال الاول ..

علمت انكِ خريجه تربيه فنيه ..
ماذا لو امسكت بفرشاه رسم ..
وجعلتيها هي من ترسم من تلقاء نفسها ..
تتوقعين اي خط ترسمه ..
واي فلك ترسو به ..
واي حياه تتمناها ..
واي مسلك تسلكه ..

السؤال الثاني ..
تغرب الشمس ..تقفين في مواجهتها ..
تريدين البوح لها ..
هل تظنين انها تهرب من الليل ..
او انها تخجل من وجود القمر ..

السؤال الثالث ..
مساحه البحر الكبيره ..
هدوئه ..
غضبه ..
احتوائه للسفن ..
هل وجد نصيب له في رسوماتك ..
وماذا يعني لك البحر ؟؟

غاليتي ..
عذرا على اطالتي ..
ولك ارق تحيه ..

[شموخ]

مكرر..

[شموخ]

[ALIGN=JUSTIFY][HR]كاتب الرسالة الأصلية : غيـــــداءنجــد
السلام عليكم
كيفك شموخ وكيف حالك ؟؟
اقوول شموخ ماتبين شريك بمشروعتس ؟؟؟ ترا سمعت ان الوليد بن طلال يدور له شريك يبي يسوي مشروع مثل مشروعك ... اااايه ونا اختس اليامنووه عرض عليتس لا تعيين وتكسرين بخاطرووه :D :D :D
[HR]

وعليكم السلام والرحمه والبركات :)
انا بخير يامال الخير
من ناحية الشريك الا ابي شريك ولايهمك ماراح ارفض شراكة ابو خالد:)
[HR]

المهم عسى الله يوفقك ويسعدك ويكتب لك التوفيق بالدارين ولا تنسين خيتك غاده اليا نجح مشروعتس من الدراهم تري علي الحسنه واذا فشل لا تعرفينن ولا اعرفتس <<-------- خاينه عشيرله طوقان :D :D
[HR]

فيك عرق نذاله اذا خسرت ماتبيت تعرفيني :)

[HR]
يلااااا عاد نبدا برفع الضغط واستلمي

ولايهمك من يوم ركبنا على الهودج مارتفع الضغط

[HR]
هااه دووتس الدفعه الثانيه من الاسئله ووسعي صدرتس عليهن
وسيع صار صدر شمالي

[HR]
1- هل تؤمنين بأن الفوارق الاجتماعيه والماديه بين الزوجين ممكن تكون عائق لسعادتهم واستمرار حياتهم وخاصه اذا كانت البنت متعوده على مستوى معيشي اعلى من مستوى زوجهاا ؟؟

ج1_بالنسبه لي انا اشوف ان لا الطبقات الاجتماعيه ولا الحالة الماديه راح تكون عائق لسعادتهم و لإستمرار الحياه الزوجيه اذا كانوا يحبون بعض من قلب ،وصدقيني احيانا تكون السعادة مع انسان اقل منك في المستوى المادي والاجتماعي وعمر الفلوس والمراكز الاجتماعيه ماتجلب السعاده سواء كانت حياة زوجيه او غيرها ،لان الانسان بفلوسه يقدر يشتري اي شي يرغب فيه وبمركزه يحصل على تسهيلات في المعاملات بحكم مركزه .لكن هل يستطيع ان يشتري السعادة او الصحه بفلوسه ؟؟؟؟؟؟؟لا لا


2- يقال ان المراءه تستطيع كتمان حبها ولكن لا تستطيع كتمان كرهاا ...هل تنطبق عليك هذه المقوله ؟؟
ج2_
تدفعني اشواقي ويرهبني البوح
..........مغير المح لك عن الحال تلميح
الافضل ان الوحده ماتصرح لا بالحب ولا بالكره
استعذب الحرمان عن رهبة البوح
.......اخاف ....تحصل قصة السفن والريح

3_- على مافهمت من البنات انك فنانه تشكليليه او على الاقل عندك موهبه الرسم سؤالي هو : هل مر بمخيلتك خطوط وملامح معينه لم تستطيعي ترجمعتها بالفرشاه والوان ؟؟

لا


وايهما اسهل وأوسع مجالأ بالتعبير عن الشعور هل هو الرسم او الشعر ؟؟؟

كلاهما يعبران عن شعور صاحبهما وايضا على حسب قدرة الشخص في التعبير وموهبته في الشعر او الرسم ،ولكن في بعض الاحيان تكون الصورة ابلغ من الكلام .

4- كل شخص له لازمه يقولها عندما يغضب من الشخص المستفز له فاغلب الناس عندما تٌستفز تقول يا ( الله يهديك او الله يصلحك او الله ياخذك او ياحمار ونتم بكرامه او يابقره .......... انتي بماذا تنطقين عندما تستفزين وبقوه ؟؟
او انك تسكتين وتعضين على برطمك من الزعل :p

ج4_

على حسب عمر الشخص اللي استفزني
كبار السن .....اعظ على شفايفي من الزعل وماحب ارد عليهم .
اذا كان مثلي بالعمراو متقاربين بالاعمار ........الله يهديك اقوله .
اذا كان اصغر مني ......افرد عضلاتي واتفرعن عليه :mad: لا امزح والله صراحه
اذاكان طفل احاول افهمه كيف يحترم اللي اكبرمنه وان هذه الطريقه غلط .

5- بعض الناس هداهم الله يقومون بتشغيل التلفاز عند زياره ضيف لهم وينشغلون عن الضيف بالتلفاز وهناك تصرفات كثيره مشابهه .... هل يغضب شموخ مثل هذا التصرف او اي تصرف مشابهه له ؟
( يرتفع ضغطه من هالي يعمل هاتس )

ج5_ياشينها لا صار بيسوي كذا لايفتح بابه للضيوف كانها طرده بس بطريقه ثانيه
احيانا تصير مثل هذه الحركات عند الحريم ، بعض الحريم اذا جاها ضيوف تروح وتنشغل بالمطبخ والقهوه وتخلي الضيوف وقت طويل لوحدهم .

6_- متى تقولين لمحاتسيتس اندزلع الله ياخذ وجهك ؟؟ :( :( ( تشك ان شموخ تبي تفهم مقصده )

ج6_ ماعمرها طلعت من فمي هذه الكلمه حتى لو ابي الفكه منه .:mad::)

7- انتي تغلين الجالكسي بالكراميل مثلي خاصتن مع فنيجيل قهووه ؟؟؟

ج7_ مو ذاك الغلا جاء والاماجاء عادي وعلى العموم افضل شرب القهوه كذا بدون شي .

8- واخيرأأأ معك ست تريل سلف وردهن اليا جت المكافأه ؟؟

ج8_ شعارنا الدين ممنوع والزعل مرفوض ولا ريال مادين .
ذكرتيني بوحده من البنات تقول دخلت محل ولقيت فيه لافته مكتوب فيا "ديناه انبسط ،تركناه نسا ،طلبناه زعل ":)

أتنينن لي نكسه :

حياك الله متى مانكستي

تحياتي لك اختك
شموخ

[شموخ]

كاتب الرسالة الأصلية : غيمة غلا
السلام عليكم ورحمة الله وبركاته

أنا لزقه ياشموووووووخ :mad::mad: مقبوله منك بعدين تعزميني ماجيك

لاياعيوني منتى لزقه واذا انتي لزقه فتاكدي انك احلى لزقه في حياتي :p:pيلاعاد ببدأ انا برفع ضغطك واستلمي .

لا ماعاد يرتفع

اول شي الله يشفى سواقك .

اللهم امين ويشفيك كل مريض .
س1_
شموخ لو تقدم لك ثلاثه عرسان :o:o
1_شايب يحبك بجنون ;);) ومايبغا يتزوج عليك ؟معاهدك معاهدة جنيف ؟:p

حرام عليك ياغيمة شاااااااااااايب :confused::confused::confused: يحبني والا مايحبني ياروح مابعدك روح اضيع شبابي معه .

2_شاب فقير يحبك ولايحب التعدد ماراح يتزوج عليك "مثلك مايحب التعدد "
:(:( مايحب يعدد :):)
3_شاب غني يحبك بجنون :o:o:o ولكنه يحب التعد "يمكن يتزوج عليك "
حتى لو غني وشاب :cool:

ايهما تختاره شموخ :p:p
ولا واحد منهم

س2_ شموخ نبغا اخر إحصائية لعدد البنات اللي على اسمك ؟

اخر احصائيه :cool: كثر عدد اعضاءمضايف شمر :):) لا امزح بس ثلاث وحده بنت سعود اخوي معروفه ووحده من قبيلة عتيبة الهيلا والثالثه من قبيلة مطير حمران النواظر .

س3_ جريدتك المفضله ياشموخ ؟
الرياض وعكاظ

س4_ اخر مسج وصلك على جوالك ؟
لحظه افتح الجوال يامتعبتني :):) بعيده عن الجوال غيمة والا كان تفتش في الرسائل
انت اجمل من هجرني.... انت اجمل من يغيب...... والله لو بعدك قهرني ماابي غيرك حبيب ....

مع اني ماحب لااهجر ولا اقهر :confused:

س5_ شاعرك المفضل غير خالد الفيصل :)؟
صحيح ابو بندر يعجبني بس فيه غيره شعراء مبدعين مثل سعود بن بندر ،عبدالرحمن بن مساعد ،بدر بن عبدالمحسن ، طلال الرشيد "الله يرحمه " احمد السديري ،نايف صقر ،عبدالله حمير القحطاني ،الحميدي الحربي ، بندر الرشود .كثير والله مااقدر اعددهم لهم قصائد رائعه .

تحياتيي لك
شموخ

[ديمــــه]

الغاليه شموخ

بس حبيت اسلم عليك..ماعندي اسئله

بس اوعدك بكم سؤال قريب انشالله

وأهدي هذي لك ...


http://members.lycos.co.uk/almanar2003/1/1/thebeauty4.gif

تحياتي للجميع

ديووووووووومه

[مجد]

هلالالا وغلالالا شموخ

ذكرت في حديثك ان تخصصك فنية ..
سؤالي / ماهي انواع الرسم التى تجيدنها ؟
س2/ ماهي اسماء مواد التخصص التى تدرسينها في القسم ؟ وفي اي مرحلة انتِ؟
س3/ بالنسبة للبورتورهات .. هل سبق وان رسمتِ نفسك ؟
س/ قبل ان تختاري تخصص الفنية .. هل كانت امامك خيارات اخرى للتخصصات اخرى .."اذكريها " ام ان التخصص كان فرضا عليك ؟
س4/ماهي مشاريعك المستقبلية ؟ "اكمال دراسة" أو" تجارة "أو" زواج"؟!
س5/ ماهو تصنفيك لنفسك في داخل اسرتك ؟!
"يعنى الشقية او الدلوعة " او الصغرى " اللحوحة" اوالمغلوبة على امرها اوالسلبيةاو المندفعة او الجرئية او القرمة او المصرقعة او كوكتيل من كل التصنفيات السابقة ؟؟؟؟!!
س6/ هل تهتمين بالموضة ؟ ام هي اخر اهتماماتك ؟
س7/بصراحة اعجبنى رايك حول قيادة المرأة السيارة ؟! لكن مالسبب في المعارضة ؟!
س8/ مالذي يخيفك اكثر ظهور الشيب في شعرك ام خطوط وتجاعيد الزمن في وجهك ؟؟!
س9/ في صداقاتك هل انتِ المبادرة للصداقة ام الاخريات ؟
س10/ كم المدة التى تتوقعينها لستمرارك بالمشاركة بالمنتدى ؟! سنه اخرى ام 5 سنوات ام اكثر ؟؟!ومالذي يدفعك لتركها ؟!"اذكري الاسباب"؟

[مجموعة إنسان]

هاه شمووخه وش أخبار الهودج معاك ؟؟ ;)


عساك مرتاحه بالجلسه ومافيه شئ ينغص عليــــك ؟ :)


والله شكلك يبشر بالخير ماشاء الله ;)


وهذي كيكة شوكولاته للي يحبونها مثلي

خصوووصا مــهـــاوي :eek:

http://www.zalatimosweets.com/products/mira/New_cake/Magie-Noire-cake.jpg

واللي ماتحب الشوكولاته تقلط على هذي :

http://www.zalatimosweets.com/products/mira/New_cake/Fraisier-Cake.jpg

واللي ماتحبهن كلهــن تروح للمحل وتشتري على ذوقها :eek:



أمــا إنتِ شموخـــه فأخبرك ماإنتِ والحلويات على صحبــه

وحيّرتيني معاااااك وش اعطيك

بس تدرين خذي هالزيـــن :

http://fao.speedera.net/www.fao.com/images/large/823213b.jpg
http://fao.speedera.net/www.fao.com/images/large/823214b.jpg



تحياتي،

[مجموعة إنسان]

نسيت تراني عندي كم سؤال : :rolleyes:

وترى بعضهن يمكن إنه غثّه فطنشي اللي تبين على كيفك شوشو ;)



1/ |118| << لمّا تشوفين واحد مميل عقاله وش أول شئ ينطبع عنه في مخيلتك ؟


2/ تمنيتي في الاستمارة وجود مضيف تجاري ؟ ممكن توضحين أكثر عشان توصل الصورة للقراء اللي نتمنى ان يكون مشرفنا واحد منهم .. ؟ ;)


3/ انتِ تقولين انك معارضة قيادة المرأة للسيارة ؟ لكن هل عمرك جربتي السواقه ولو بالبر ؟ واذا الاجابه نعم .. فإيش كان شعورك ؟ يعني رعب او متعه أو ماإلى ذلك ..


4/ ليش مقصرة مع مضيفك مضيف الاسرة بالمواضيع فأنا ألاحظك مقلّة في

الطرح سواء هنا أو في بقية المضايف وتكتفين بالردود ؟ فما السبب ياترى ؟ وهل توعديني

بالمشاركات لاحقا بإذن الله ؟؟ << ابد مجموعة ماتصبر لازم تحوس السالفه :o


5/ نصيحة تقدمينها لوجه الله لأختك مجموعه إنسان ؟




بس :p

تحياتي،

[شموخ]

[QUOTE]كاتب الرسالة الأصلية : نجمه السماء
[B][ALIGN=CENTER]http://mowjeldoha.com/mix-pic/animated-gif/animat-3/fee022.gif

[SIZE=5][COLOR=skyblue]الغاليه شموخ ..
عذراً على التأخير ..
ولو كنت ادري انك انتِ راعيه الهودج كان اجلت سفري
وقابلت هودجك ..

قلت لك لاتعتذر هذا قدر
............والمقدر ...لازم عينك تشوفه

ياهلا والله بنجمة السماء وحياك الله ياختي
السؤال الاول ..

علمت انكِ خريجه تربيه فنيه ..

طالبه تربية فنيه
ماذا لو امسكت بفرشاه رسم ..
وجعلتيها هي من ترسم من تلقاء نفسها ..
تتوقعين اي خط ترسمه ..
واي فلك ترسو به ..
واي حياه تتمناها ..
واي مسلك تسلكه ..
ج1_
خطوط مستقيمة لاتعرف الانحراف والاعوجاج _حياة هادئة امنه _مسلك من مسالك الحق والفضيله .....

السؤال الثاني ..
تغرب الشمس ..تقفين في مواجهتها ..
تريدين البوح لها ..
هل تظنين انها تهرب من الليل ..
او انها تخجل من وجود القمر ..

ج2_
شمس الامل غابت وليل اليأس طال
.........واحترت بين الحب واقوال العذول

السؤال الثالث ..
مساحه البحر الكبيره ..
هدوئه ..
غضبه ..
احتوائه للسفن ..
هل وجد نصيب له في رسوماتك ..
وماذا يعني لك البحر ؟؟

ج3_نعم له نصيب
ماذا يعني لي
غدار
غدار اعرفك يابحر ضحكت امواجك تسل سيوف تطعن بالظهر

تحياتي لك يانجمه
اختك
شموخ

[شموخ]

كاتب الرسالة الأصلية : ديمــــــــــه
الغاليه شموخ

بس حبيت اسلم عليك..ماعندي اسئله

بس اوعدك بكم سؤال قريب انشالله

وأهدي هذي لك ...


http://members.lycos.co.uk/almanar2003/1/1/thebeauty4.gif

تحياتي للجميع

ديووووووووومه


ياهلا بديوووووووومه

مشكوره عيوني على الهديه .
وش حكايتك يابنت مع الورد لايكون عندك محل ورد وتسوين دعايات له :):)

حياك الله متى مارجعتي .
تحياتي لك اختك
شموخ

[شموخ]

كاتب الرسالة الأصلية : مجد
هلالالا وغلالالا شموخ

ذكرت في حديثك ان تخصصك فنية ..
سؤالي / ماهي انواع الرسم التى تجيدنها ؟

هلا فيك اختي مجد حياك الله .
ج1_
الرسم على السيراميك_ الزجاج _الخشب _الحرير _القماش .

س2/ ماهي اسماء مواد التخصص التى تدرسينها في القسم ؟ وفي اي مرحلة انتِ؟


ج2_ويش اذكر وش اخلي المواد مثل اسس الرسم _والنحت _المنظور
ولاتشيلين هم المواد انت الظاهر ناويه تدخلين فني :):) المواد عاديه ماتحسين فيها شي جديد مواد نظريه وعمليه طبعا النظريه تتكلم لك عن الفنون والفنانين القدامى والمعاصرين وانواع المدارس ،والعملي معروف .

س3/ بالنسبة للبورتورهات .. هل سبق وان رسمتِ نفسك ؟

ج3_ لا


س/ قبل ان تختاري تخصص الفنية .. هل كانت امامك خيارات اخرى للتخصصات اخرى .."اذكريها " ام ان التخصص كان فرضا عليك ؟
ج4_
انا احب الرسم لكن الصراحه ماحبيت اني اتخصص فيه اكرف خمس سنين على تربيه فنيه بس وش جابرك على المر غير الامر منه انا خريجة اقسام ادبيه وتعرفين مجالات الادبي قليله وماراح انسجم مع الاقسام الادبيه الاخرى لذا اخترت الفني .

س4/ماهي مشاريعك المستقبلية ؟ "اكمال دراسة" أو" تجارة "أو" زواج"؟!

ج4_اكمال دراسه ........امر مفروض .
زواج ............قسمه ونصيب
تجاره .........:) احب الاعمال التجاريه وان شاء الله بعد التخرج راح اتفرغ للتجاره .

!!

س5/ ماهو تصنفيك لنفسك في داخل اسرتك ؟!
"يعنى الشقية او الدلوعة " او الصغرى " اللحوحة" اوالمغلوبة على امرها اوالسلبيةاو المندفعة او الجرئية او القرمة او المصرقعة او كوكتيل من كل التصنفيات السابقة ؟؟؟؟

ج5_
شقيه .......لا دلوعه .........ماحب الدلع ولااحب احد يدلعني
الصغرى .........لا اللحوحه .......لا ولا احب الانسان اللحوح
المغلوبه علىامرها ......لست من هذه الفئه سلبيه .....بالعكس
المندفعه .......في بعض الاحيان الجرئيه ......في غالب الاحيان
القرمه :cool::cool: المصرقعه ......لا ماني مصرقعه :)

س6/ هل تهتمين بالموضة ؟ ام هي اخر اهتماماتك ؟

ج6_نعم اهتم فيها ولكن .......اخذ مايناسبني منها واترك اللي مايناسبني .
اعطيك مثال .قبل كم سنه ايام العدسات وموضتها شفت وحده في مناسبه وشكلها من اللي يتبع الموضه بسلبياتها وايجابياتها لابسه عدسات لونها حمراء لجل الفستان لونه احمر فهل يعقل هذا ؟؟؟؟؟لون العيون حمراء .اعرف الناس اللي عندهم حساسيه في العيون يتعالجون حتى يزول هذا الاحمرار ،واعرف ان القطط اكرمكم الله لون عيونها احمر ،واعرف ان الشعراء يتغزلون بالعيون السود لجمالها
العيون السود فيهاجاذبيه ............تقتل العاشق ولاتحسب لدمه
لفيصل الرياحي على مااظن
انا مااعارض على لبس العدسات اوكى البسي بس نحكم عقلنا شوي ونراعي تناسق الالوان مع البشره .

س7/بصراحة اعجبنى رايك حول قيادة المرأة السيارة ؟! لكن مالسبب في المعارضة ؟!

ج7_ السبب في المعارضه ؟؟؟؟؟
هل حنا مثل الرجال في القوه وفي تحمل التعب وفي العقل ايضا ؟
تخيلي انك تسوقين وفي ليل وبنشر الكفر وانت بالطريق وبعيده عن المحلات ؟وشهو تصرفك ؟
هل راح نتصرف مثلهم ونصلح الكفر ؟مااضن
غير كذا رايحه تؤدي لأختلاط النسا ء بالرجال في محلات اصلاح السيارات وفي المرور وفي الاحوال والجوازات لجل رخصة الانسه واستمارة سيارتها .وعموما المرأه ضعيفه لو ينفجر الكفرعليها ماراح تضبط اعصابها وتحكم السياره رايحه تفك ايديها وتجلس تصيح ؟
مافي وجه مقارنه بينا وبينهم يابنات ؟

س8/ مالذي يخيفك اكثر ظهور الشيب في شعرك ام خطوط وتجاعيد الزمن في وجهك ؟؟!

ج8_صراحه ماتخوفني كل شي وله وقته وبعدين الحمد لله حنا في هالعصر تطور الطب وصارت هذه المشكلات محلوله تقريبا ..الصبغه فيه وشد البشره :):)

س9/ في صداقاتك هل انتِ المبادرة للصداقة ام الاخريات ؟

ج9_في الغالب الاخريات ...

س10/ كم المدة التى تتوقعينها لستمرارك بالمشاركة بالمنتدى ؟! سنه اخرى ام 5 سنوات ام اكثر ؟؟!ومالذي يدفعك لتركها ؟!"اذكري الاسباب"؟

ج10
المده ........لااعلم "الواحد مايضمن ظروفه" ويوم سجلت بالمضايف ماكنت محدده وقت للمشاركه .
اما الاسباب......اذا تركتها الله لايقدر يمكن اقول الاسباب :):)تحياتي لك يامجد
اختك
شموخ

[شموخ]

[QUOTE]كاتب الرسالة الأصلية : مجموعة إنسان
[B]نسيت تراني عندي كم سؤال : :rolleyes:

وترى بعضهن يمكن إنه غثّه فطنشي اللي تبين على كيفك شوشو ;)

لا يالغاليه خذي راحتك والله عادي .
وحبيت اشكرك على الهدايا وعارفه طبعي ماحب الحلى .اللي يحب الحلىتذكار ومهيه :)



1/ |118| << لمّا تشوفين واحد مميل عقاله وش أول شئ ينطبع عنه في مخيلتك ؟

ج1_ شمري الصراحه :):)


2/ تمنيتي في الاستمارة وجود مضيف تجاري ؟ ممكن توضحين أكثر عشان توصل الصورة للقراء اللي نتمنى ان يكون مشرفنا واحد منهم .. ؟ ;)
ج2_
مضيف اقتصادي اقصد به يهتم بالعقار والسوق والاسهم واسعارها يعني اذا كان في مشروع تجاري مثل الابراج في مكه نبيهم يوضحون لناسعر السهم ومساحة المشروع وموقعه متى يتم الانتهاء منه كم نسبة الارباح المتوقعه باذن الله متى يبدا الاكتتاب ومتى يفقل باب الاكتتاب .
ومثل اراضي"مخططات " قبل رمضان اضنها في الخبر "المهم كانت في الشرقيه "حنا ياهل الغربيه احيانا ماندري عنها فتح باب المساهمه فيها نبي واحد يشرح لنا فكره عنها ،موقعها وكل شي يخص المشروع .

وقد اقترحت في مضيف الاقتراحات بس قالوا انه قد افتتحوا هذاالقسم او قسم مشابه له بس مانجح .



3/ انتِ تقولين انك معارضة قيادة المرأة للسيارة ؟ لكن هل عمرك جربتي السواقه ولو بالبر ؟ واذا الاجابه نعم .. فإيش كان شعورك ؟ يعني رعب او متعه أو ماإلى ذلك ..
ج3_ لا ماعمري جربت لابالبرولا بالمدينه :)

4/ ليش مقصرة مع مضيفك مضيف الاسرة بالمواضيع فأنا ألاحظك مقلّة في

الطرح سواء هنا أو في بقية المضايف وتكتفين بالردود ؟ فما السبب ياترى ؟ وهل توعديني

بالمشاركات لاحقا بإذن الله ؟؟ << ابد مجموعة ماتصبر لازم تحوس السالفه :o

ج5_والله اني حاسه اني مقصره تجاه المضايف بشكل عام والحين خلاص من يوم عرفتوا تخصصي ماراح ترحموني مهيه تقول ليش ماتنزلين في مضيف التصاميم مشاركات :o:o والعذر والسموحه ارجوا انكم تعذروني لان ظروفي ماتسمح لي اني حتى اخذ وقت للتفكير في موضوع يصلح للطرح .

5/ نصيحة تقدمينها لوجه الله لأختك مجموعه إنسان ؟

احرصي على رضا الله ثم رضا والديك .

تحياتي لك اختك
شموخ

[المهاة]

ثانكس هني .. يمي يمي يمي .. الف شكر مجمج بس ترا باكل من كيكة الفواكه >>> بتلقط الفواكة و الكريمة اللي تحتهم :p

----------

هاي شوشو .. كيفك ..؟

ماكلك البرد وانتي متشعبطة فوق ..:D

أهم شي البقل لا يخلص الله يوفقك :(

-----------

نرجع للتحقيق ..:)

س _ سبق و طرحت سؤال على مرفأ و ماجاوبته . :(

فلانه يقرقع في قلبي .. قلت مالي الا خيتي شوشو تسكت هالقرقعة فسحبته لك ...;)

لو طلب منك توزعين اخواتك في المضايف كل وحدة في وظيفة تناسبها ..

في رايك مالوظيفة المناسبة لكل من ..:

مجموعة انسان .. اول وحدة عشانا في مضيفها ..:rolleyes:

ريم شمر .... << نخاف منها مراقبة حطيتها ثاني وحدة ;)

نجمة السماء ....

تذكار ...

جواهر ......

مرفأ .....

اميرة ....

تماضر .......

الريم .....

الدهور ......

السنعوسة .......

بشاير نجد ......

خلود البراري ....

احبه حيل ....

مجد ....

غيداء نجد ..

ديمة ..

المهاة ...


و لو نسيت احد من البنات انت تذكرينها وظيفها و لك الاجر ...:cool:

------------------

نبي نكون من اعضاء المضايف ذكور و اناث حكومة .. و قد تم اسناد مهمة تشكيل الحكومة لك .. رتبي من ترينهم مناسبين من الاعضا و العضوات في الوظائف بحسب مايناسب شخصياتهم .. مثلا

الرئيس ..

النائب الاول ..

النائب الثاني ..

وزير الداخلية ..

و زير الخارجية ..

وزير الدفاع ..

وزير الشئون الاسلامية .

وزير الاقتصاد ( البترول |513| )

وزير العمل ..

وزير الاعلام ..

و زير الثقافة ..

وزير التعليم ..

و عاد انتي كملي الوزارت و شغلي هالعالم اللي ماغير يتبطحون في النت :D

-----------

س _ راح امنحك ثلاث تذاكر لكل رحلة مما يأتي .. فمن تصطحبين معك من الاعضاء .._ ثنين فقط في كل مرة .

1 _ مسرحية فكاهية ..؟
2 _ فلم رعب ..؟
3 _ رحلة لجزيرة سياحية ..؟
4_ رحلة ليلة العيد للرياض ..;)
5 _ امسية شعرية ..؟
6 _ امسية قصصية ..؟
7_ مبارة بين الهلال و النصر ..؟
8_ كشته للبر .. |8|
9_ رحلة في يخت حول العالم ..;)
10 _حضور افتتاح الجنادرية ..؟|512| >> لو يعطوني مليون مارحت لا تاخذيني تكفين شموخ .:(
11_ مبارة في المصارعة :mad:

----------

س _ متى أخر مرة طبختي ..؟ :D و وش طبختي و بصراحة كلوه أهلك و الا لا ..:p

---------

س _ هل لديك أقوال اخرى ..؟|512|

------

ترينن ابنكس :rolleyes: _ عساها صح كذا _ <<< ياشينها طالعة مني :(

[مؤيد]

كاتب الرسالة الأصلية : شموخ

نسبتي 88،46 جيد جدا

انا 89 اكثر منك ;)
و ماقبلوني و لو رياضه .. بس الواسطه تلعب دور :D

ادري اني ملقوف لكن الشكوى للي ماتنام عينه

لاخلا و لاعدم :eek:

[المهاة]

مؤؤؤؤؤؤ يييييييد ..... :eek:

أنحشششششششش:D

ذا الموضوع ممنوع على التماسيح يعتبونه ;)


مجموعة الحقي .. فيه تمساح هنا :D

[مجموعة إنسان]

ترينن ابنكس
ترينن ابنكس

ترينن ابنكس
ترينن ابنكس

|118||118||118| <<< قولوا للمشرفين يحطون لنا شمرية تضحك ليش كذا؟

والله تهبل طالعه منك مهاوي ;)

وبعدين أعنبو حيك اسئلتك هذي يبغالها اسبوع ثاني عشان تجاوبها شوشو

وهذي هي رحلتها اشرفت على ديار عبــس :eek:

وهاهي راحلتها تحن طالبة المبيت :eek:


مهاوي تعالي هنـــا : |513||513|

صحيح انتِ قلتي :

|1| لكن اعتذر ما اقدر مجموعة انسان محتكرة اللقاء مع العضوات .. و فيه شرط جزائي على اللي تخالف ... |513||1||513||1|



تراني قارئه شطوره بالمضايف :cool:

إعنبوا حيـّه هالبنت تولع طراطيع وهي تركض :eek:

ابي افضحــك الحين وأقول (((( مبدأ الإحتكار مرفوض ))))

ولاتتحججين بمجموعة يالخوااااافه ;)

ههههههههههههههههههه


وبعدين مؤيد زين انه علق وطلع لو سائل سؤال كان شتناااه :D




تحياتي،

[مؤيد]

كاتب الرسالة الأصلية : مجموعة إنسان



وبعدين مؤيد زين انه علق وطلع لو سائل سؤال كان شتناااه :D



السالفه به شوووووووت ;)


:mad:








:mad:









ليه انا كوره :eek:

[المهاة]

هلا مجمج .. منورة دبدوبة :p

يعني رايك اوافق ..:confused: اهون عليك تسلميني للتماسيح ياقاسية |8|

خلاص اجل بروح اقول لخليجي يجهز القهوة و الجالكسي;) و يجيب لي بقل |513|


بالنسبة للاسئلة ان ماجاوبت شوشو بزعل و ماعاد اسئل الا ضعفهم :p


------------

مؤيد محشوم من قال انت كورة


انت












انت













انزل بعد شوي :D




























انت سطل :p:D



لا تزعل ترا سويلم الشمري يقول انها مدحة |512|

[مؤيد]

انا سطل :(


و منو سويلم الشمري هذا :p بوم يقول انها مدحه |118|




|13|

[شموخ]

مهيه

نعنبو ابلسك ياكثرهم من يوظفهم هذولا 18 وحده :confused:

مانزل الا كم وظيفه نحط فيها كم وحده والباقين اذا نزلت وظايف ثانيه نحطهم فيها خلاص اوكي اتفقنا :)

مجموعة انسان ..........مشرفه تربويه
ريم شمر ...............مديرة مدرسه
نجمة السماء ............معلمة لغة عربيه
تذكار ................معلمة دراسات اسلاميه
مرفأ..............معلمة اقتصاد منزلي
ديمه ..............معلمة تربيه فنيه
المهاة ..............وكيلة مدرسه "مقويه انتي تصلحين وكيله .

والباقيات في المره الجايه اذا نزلت وظايف ;)


ج2_
نوزع الاعضاء على وظائف الدوله :confused::confused:

الرئيس .............مافيها شك "ابو سلطان "
النائب الاول ........" عبدالرحمن "
النائب الثاني ........."ابو عذاري "
وزير الداخليه ............"بشير اللويش "
وزير الخارجيه ............."الصارم "
وزيرالدفاع ............... الداهيه
وزير الشئون الاسلاميه .........طاب الخاطر
وزير الاقتصاد .............المهيني
وزير العمل .........ابو غازي
وزير الاعلام ...........سالم الشمري
وزير الثقافة .............محمد العربي "الله من التعقيد يامهيه المفروض الاعلام والثقافه وزيرها واحد "
نسيتو وزير المواصلات ...........الفاضي :)
وزير الشئون البلديه والقرويه .......محارش
وزير البرق والبريد والهاتف ...........الغثه

ج3_
رحلة ليلة العيد للرياض .......اخذ معي غيمة غلا ومرفأ.

امسية شعريه ............مجموعة انسان ،ام نواف .

كشته للبر ............مافيها شك انتي يامهيه ولوحدنا نطعس على راحتنا .:):)

ج4_اخر مره طبخت فيها :confused::confused:

والله ماحب الطبخ بس اتذكراني سويت
قهوه بأيام العيد يوم طلعت مع عماتي للبر سويتها على النار وشربوها "اذا رحت البر اصير سنعه "

لا ليس لدي اقوال اخرى ياسعادة العقيد .


تحياتي لك
اختك
شموخ

[المهاة]

ترا و الله هو يقول مدحة ..:(

هذا سالم عضو معنا يقولون انه رياضي متميز مع اني اشك انه يشتغل خروف :rolleyes: لانهم دايم يقولون مقفول عليه بشبك :confused: >>> بيقتلها سالم ان درى :(

و بتقتلها مجموعة قبله خربت الموضوع |513|


كله منك مؤيد ..|112|

تبي تتطاق تعال لفلة الحجاج :o

[شموخ]

كاتب الرسالة الأصلية : مؤيد
انا 89 اكثر منك ;)
و ماقبلوني و لو رياضه .. بس الواسطه تلعب دور :D

ادري اني ملقوف لكن الشكوى للي ماتنام عينه

لاخلا و لاعدم :eek:
[HR]

الشكوى لله احلف بالله ومو مصدق :(:(

الله يوفقك .
اختك
شموخ

[المهاة]

يسلمو شموخ .. بس ليه نطيت بعض الاسئلة :(

البنات اللي ماتوظفوا شيسوون ..؟ يطرون يعني ..؟|513|


بعدين ليه الدكتاتورية حكومتك كلها ذكورية ..؟؟:(

مابي حطيني الملك :D

تسلمين يالغالية .. بس بتغلين أكثر يوم تجاوبين على كل فقرات الاختبار |512|

[شموخ]

اشكر جميع الاخوات على المشاركه سواء بالاسئله او الترحيب والاهداء .

وهذه قصيده اعجبتني للشاعرالحميدي الحربي اهديها لكم .

بعنوان "طاوعت بك قلبي "

حاولت اطول صدتي عنك وازريت .......طاوعت بك قلبي ..وعقلي عصيته
عن كل غلطاتك سمحت وتغاضيت ........شي تناسيته ...وشي نسيته
وجيت اتعذر منك ماكنك اخطيت ................يافاتني عنك العزا ماقويته
سلمت لك روح عليها تجنيت ................بسياج وهم دون وصلك بنيته
لو تدري انك غالي ماتغليت ..................ولوتدري انك خافقي ماكويته
ولو تدري اني من فراقك تعنيت ............كان العتاب اللي كتبته محيته

وسلامتكم

تقبلوا تحيات اختكم
شموخ

[شموخ]

كاتب الرسالة الأصلية : المهاة



يسلمو شموخ .. بس ليه نطيت بعض الاسئلة :(

البنات اللي ماتوظفوا شيسوون ..؟ يطرون يعني ..؟|513|

[HR]
يصبرون مابعد الصبرالا الفرج :)


بعدين ليه الدكتاتورية حكومتك كلها ذكورية ..؟؟:(

مابي حطيني الملك :D

[HR]
الرجال افضل في المناصب الحريم مايصلحن علىطول تشوف الوحده نفسها وتعقد الامور على المراجعين :):)

وبعدين انتى معزمه تبين تكونين الملك "بتتعبين ترى لاتحسبينها راحه "

تسلمين يالغالية .. بس بتغلين أكثر يوم تجاوبين على كل فقرات الاختبار |512|

تسلمين يامهيه

تحياتي
شموخ

[شخاط]

< ------ دخل الموضوع








<------- ملبدن ومتغيب |512|








:eek::eek::eek:





حريم :eek:







اخيه اخيه اخيه ومصخي :o





:o:o:o:o:o




احم :o





ماشفتن امي هنيا :o




ولا مرت عليكن :o



:)





السموحه يابنيوات :o



تررنن غلطت ابي الموضوع الي بجمبكن :p

[شموخ]

لا ماشفناها ياشخاط

يقولون راحت لسوريا تخطب لك :)


تحياتي
شموخ

[نجمه السماء]

نجمة السماء ............معلمة لغة عربيه

معقوووله ..

حلو انك تتخيليني مدرسه لغه عربيه ..

بعيد عني التخصص حيل حيل ..

هو بصوب..وان بصوب ..

شموخ ..

لك تحياتي ...

[مجموعة إنسان]

شوشو :

مجموعة إنسان موجهة تربوية هاااااه ؟ :eek:


ليش إلى هالدرجة أنا صارمــه ؟؟ حاسمه ؟؟ أخوف << بعيده عني :eek:


أما روحتي انا وأم نوااااف للأمسية فحلوووووووووه تهبل

ليش لا وأنا بصحبة أم نـــــواف تقصد علي من قصايده واشطف شاعرة الامسيه :p



ـــــــــــــــــــ

وهاهي رحلتنا الهودجية تنتهي

وشموخنــا تصل بسلاااام


رغم أنه تدخل بعض الدخلاء هداهم الله :eek:

كمؤيد <<< ومدري وش يؤيد حضرته لكنه كفانا الشر وخذا سالفة مهاوي وراح للفلّه |513|

وكشخاط <<< ولقد سيطرنا على شخطاته المغرضه |513|



واناخت شموخنا راحلتها معلنة الترجل عن ظهر الهودج


وأتقدم لها نيابة عن الجميع بالشكر الجزيييل


فلقد كانت خير أخت صريحة صراحة الصدق

نقية نقاء الثلج


بريئة براءة الغزلان


وهذه هدية بسيطة لك شوشو :

وتراني جايبتها لك مخصوص من اسواق بيروت العالمية

وحتى توني ماطلعتها من الكيس

والطيارة مابعد ردّت ;)
http://shmmr.net/upload/up/up/gift.jpg



فألف شكر مجددا شوشو


ومليـــــــــــــون شكر >> قصدي شكر خاص لمهاوي على حشرتها لشوشو


مع إن شوشو عملت مثل مرفأ وقامت تشطف ببعض الاسئله


بس مهاوي وسيعة صددددر ;)


وإلى الرحلة الهودجية القادمه بعون الله




من ياترى راعية الهودج اللي بالطريق ؟؟؟

;)


تحياتي،