الفزعـــــــة يالسناعيس

[سديراوي]

السلام عليكم ورحمة الله وبركاته

اخواني مساكم الله بالخير

عندي قصيدة يقولون انها لخضير الاسلمي الشمري وناس يقولون انها للكثيري
وارغب في ان اعرف الحقيقة .... القصيدة تقول :ـ



أحد عشاه القرص ومفطح الحيل =وأحد رغيد يلعط القلب حره

وأحد يلاعب لابسات الخلاخيل =وأحد عجوز شاف منها المضّره

وأحد يصجّه صوت المحاحيل =وأحد يتشقق في الشهر صب كرّه

الله يعدّلها عن الضلع والميل =والا يميلها على الناس مره


والحقيقة انني تعبت في البحث وانا منذ اكثر من اسبوع وانا ابحث ولم اجد من يخبرني بحقيقة هذه القصيدة او قصتها او تكملتها ان وجد لها تكملة ...
املي في الله ثم فيكـــــــــم

والسلام

اخوكم الشمري : سديراوي

[متفاائل]

هلا
سديراوي
غالي والطلب رخيص
القصيده لخضير الصعيليك الاسلمي

قصته وقصيدته مرت علي وسوف ابحث عنها عندي ونكتبها لك ان لم يسبقني احد الاعضاء

[سديراوي]

السلام عليكم ورحمة الله وبركاته
مشكور اخوي وبيض الله وجهك , وانا في انتظارك رعاك الله ووفقك ,


سديراوي

[متفاائل]

عليكم السلام سم / ياسديراوي غالي والطلب رخيص
هذه قصيده خضير الصعيليك الاسلمي الشمري
والتي يقول فيها

البارحه ياشعيل ياحيل ابا الحيل = والعين عن نوم المخاليق فره
لا غملجة لاكن فيها سماليل = واللا النويفج لايعه عقب ذره
من الهجس والهاجوس والعدل والميل = وقالت مالي به بلتني بشره
لاجن نجوم الليل مثل القناديل = واكهب على الميزان نجم المجره
غديت مثل مدوه الرجم بالليل = دليل قوم ضيعته المغره
ولاضاق صدري قمت احوف المعاميل = وكيس الشقيري فاتحين مصره
ودنيت محماس وكفي خذا ميل = برية من سوق صنعاء مقره
ياماحلا صبه بربط الفناجيل = دولابةٍ كنك بسلك تجره
وشربت من بكره ثلاثة فناجيل = وخذيت من زين الغلاوين جره
مزيت مايكوي قلوب المغاليل = لو ان شربه ماذكر به مسره
احد عشاه البر ومفطح الحيل = واحد عصيده يلعط الكبد حره
واحد يلاعب لابسات الخلاخيل = واحدٍ عجوز ذاق منها المضره
يالله تعدلها عن الضلع والميل = ولا تميلها على الناس مره


وسلامتكم جميعاً انشاء الله اكون لبيت لك الطلب يالحبيب

تحياتي
المتفاااااءل

[سديراوي]

الف الف شكر وعاجز عن الرد اخي الكريم ...تقبل تحياتي ابقاك الله لمن تحب .
قول وفعل والله ,,

والسلام

[متفاائل]

كاتب الرسالة الأصلية : سديراوي
الف الف شكر وعاجز عن الرد اخي الكريم ...تقبل تحياتي ابقاك الله لمن تحب .
قول وفعل والله ,,

والسلام

====
جراك الله خير
وش دعوى
ماعملنا شي هذا حق واجب الفزعة لمثلك وشرواك
حنا لبعضنا يالغالي
اخوي سديراوي الشمري
تقبل تحياتي
اخوك
متفاءل
الاسلمي

[سديراوي]

السلام عليكم ورحمة الله وبركاته

لا والله سويت الواجب واكثر وهذا من طيب اصلك يالغالي ,,,
وعندي استفسار بسيط :ـ فيه بيت قبل الاخير اعتقد انه ناقص وهو

وأحد يصجّه صوت المحاحيـل **** وأحد يتشقق في الشهر صب كرّه

وهو بالشكل هذا مكسور واتمنى انه اجده كاملا ...

الحقيقة اخي الكريم انني تعبت في البحث ولم اجد اي دليل على ان القصيدة لخضير الشمري او لرشيد الكثيري ويقال ان لها قصة اتمنى ان اجدها ... وتقبل تحياتي وشكري الجزيل على ما قمت به .


سديراوي الشمري