المخاوي
08-12-2003, 05:59
والله يالربع ان هالسالفه حصلت< ياخوي ماأحد حلفك:)
هالسالفه ياطويلين العمر قبل حوالي 10 سنوات تقريبا كنت في الشرقيه لظروف العمل:) وكانت عندي لي سيارتن ماني مرتاحن له غاثتن والله وهي تصنف معي اني ابيعه قلت يالربع وشرايكم انا ابي ابيع السياره هي كم
تسوى وهو ينط هكالوليده قال عليك بالرياض ترا السيارات غاليه وخاصتن هالسياره اللي معك( ماني معلمكم وش نوعه ):D قلت ياخوي الرياض بعيده ويقولون انها زحمه قال يارجال ماعليك هذهي حذفت عصى مار توكل على الله
ورح قلت خلن افكر واحسب حساباتي:)وقلبها يمين ويسار قلت مالي الا الرياض ويبي الله يعين .
والله وحنا نتعلل لنا ليلتن عند واحدن من الشباب مهو معنا بالمضايف:D ولاهو
مشرف على احد هالمضايف:) وانا انشد لي واحدن من اهل الرياض قلت ابيك
توصف لي معارض السيارات ابي اجلب هالدريميحيه اللي عندي قال ماعنوه
مغدى:D امسك طريق الدمام الرياض السريع وحط رجلك وأول مايواجهك طريق
خريص دون الرياض خذ الكبري ورح يسار وشف المعارض بشرق النسيم قلت
بس قال ابد العما يدلهن:o قلت انا ولد ابوي وهالعالم تقول ان الرياض دوخه ولا
يندل بوه والمحل اللي تبيه ماتجيه الا وروحك طالعه الظاهر ان ماعندهم سالفه
والله طال عمركم وانا انوي المسيار للرياض وقلت ابي اضحي بهالخميس والجمعه ماني رايحن للشيبان خلن اقلع هالماخوذه اللي عندي. ويوم الخميس الظهر وانا ادقه سلف واتوجه للرياض وقلت ابي على رخاي ماني مستعجل
اخاف تخرب بي هالسياره قبل لااجي المعارض ;) والله يالربع يوم فطنت الا هكاللوحه مكتوبن عليها خريص يسار وهذا الكبري وليامار هذا وصف خوينا قلت
ماشاء الله علي دليله:D وبعدين على قولت خوينا مامن بعد حذفت عصى:)
وانا طال عمركم اعدله يسار وامسك هكالطريق اللي يضيق الصدر وعيوني تلاقط اتشوف المعارض وليامار مامن الا البل وهالرمث ومحطتن تابعتن لارامكو
( قلت هذي ورانا ورانا ماوالله تخلينا )والله يالربع يوم نغزن قلبي قلت كم ماغديت واتذكر وصف الرجال ليامار انا على سنع:D المهم اني واصلت واشوف لي صنادقن وبويتاتن قدامي ويوم وصلتهن والقى محطة بنزين وانا انصاه واقول
للهندي فلل التانكي ياملا الفلال:( وانشده عن المعارض قال بابا (أنا مافيه
معلوم ) قلت هذا اللي انتم فالحينن بوه ماعرفتوا الا هالكلمتين وروح للبقاله
وانشد الثاني ولازاد على قولت خويوه قلت ايييه هين يابو فسيه الشرهه على
اللي ينشدك:mad: يبي الله يسهل ويوم طلعت من البقاله وليامار هكالجمس
شكمانين له رطين يوم انوه صفط ويحول منه هكالمشورب اللي شنباتوه يالربع ليااذانوه وقال للهندي فلل الجمس وهي تصيبن اللي انتم خابرين ;) وعجزت
لااتحرك المهم اني بعته واقرى المعوذات واجيه وقلت كيف حالك يالاخو والله
وهن يتعقدن حجانوه وليامار عيونوه تقادح شرار وهو يرد علي بنفسن شينه وش عندك :mad: قلت ماعندي الا سلامتك وين معارض السيارات قال اي
معارض قلت المعارض اللي بشرق النسيم قال انت تخيبل علي قلت لاوالله
انا على وصف ولاني من اهل الرياض:D مهو هذا شرق النسيم وانا بهالحجي
لي تمتمه :D والظاهر اني كسرت خاطروه وهن ينفكن حجانوه لهن شوين
وهو يبتسم لياما شنباتوه تعدن اذانوه وقال لي انت وين والرياض وين ياللي
تدور المعارض حنا بخريص قلت اجل بالمريخ ادري مار وين شرق النسيم
قال حنا بديرتن ينقالها خريص ماحنا بشارع خريص اللي بالرياض لكن ارجع
مع طريقك والا امسك هالشارع هذا طريق الرياض القديم ويمر على له مزارع
وباقي على الرياض حول 160 كم وليا وصلت الرياض اول مايواجهك طريق خريص
اللي انت تذكر وهو شارع من شوارع الرياض والمعارض بشرق النسيم على
يدك اليسار وهو ينزل كلامه علي مثل الصاعقه :eek: الله لايبلى والله ليامار
ماني مصدق لهالدرجه طلعت دليله:o ولي يعله ماعادت هالروحه لوني متعوذن
من الشيطان ورايحن لشيباني ابرك.
المهم مالكم بطويله وانا امسك الخط اللي وصفه لي ابو شنب ولاوصلت
الرياض الا حول المغرب وليامار هذا طريق خريص لاسقاوه السيل قلت هالحين فهمت الظاهر خوينا اللي وصف لي يحسبن اعرف شوارع الرياض
وانا اول مره اجي للرياض وهذا شرق النسيم وهذي المعارض لكن فاتن الحراج قلت ياولد عقب هالمعانات والخرعة
اللي حصلت لي:D لابد ان امرح بالرياض الى بكرا وامسك الطريق اللي ينصف
الرياض ولاوقفت الا بالبطحاء شلون مادري:) وألقى فندق الحرمين بجنب لوه
كبري واخذ لي غرفه ولانمت هكالليله من بواري السيارات ويوم جاء الظهر
صليت الجمعه وسافرت لشارع خريص:D وأخيرا وصلت المعارض ولكن للاسف
السياره ماجابت شي تحاقطوه الشريطيه وكلن يغمز عينوه للثاني والله وأنا اتل
هالملويه ولاأوقف الا بالشرقيه.
وسلامتكم الظاهر اني اتعبتكم معي:D
تنويه
( ابو شنب المذكور بالقصه:) طلع من اكبر المجرمين بخريص |506| والله يالربع
سولفت هالسالفه عند واحدن من خويانا وطلع من اهل خريص وذكر لي الرجال
وسوالفه وانه ذبح لوه رجال وعلومن تخرع مار الله ستر علي:D )
هالسالفه ياطويلين العمر قبل حوالي 10 سنوات تقريبا كنت في الشرقيه لظروف العمل:) وكانت عندي لي سيارتن ماني مرتاحن له غاثتن والله وهي تصنف معي اني ابيعه قلت يالربع وشرايكم انا ابي ابيع السياره هي كم
تسوى وهو ينط هكالوليده قال عليك بالرياض ترا السيارات غاليه وخاصتن هالسياره اللي معك( ماني معلمكم وش نوعه ):D قلت ياخوي الرياض بعيده ويقولون انها زحمه قال يارجال ماعليك هذهي حذفت عصى مار توكل على الله
ورح قلت خلن افكر واحسب حساباتي:)وقلبها يمين ويسار قلت مالي الا الرياض ويبي الله يعين .
والله وحنا نتعلل لنا ليلتن عند واحدن من الشباب مهو معنا بالمضايف:D ولاهو
مشرف على احد هالمضايف:) وانا انشد لي واحدن من اهل الرياض قلت ابيك
توصف لي معارض السيارات ابي اجلب هالدريميحيه اللي عندي قال ماعنوه
مغدى:D امسك طريق الدمام الرياض السريع وحط رجلك وأول مايواجهك طريق
خريص دون الرياض خذ الكبري ورح يسار وشف المعارض بشرق النسيم قلت
بس قال ابد العما يدلهن:o قلت انا ولد ابوي وهالعالم تقول ان الرياض دوخه ولا
يندل بوه والمحل اللي تبيه ماتجيه الا وروحك طالعه الظاهر ان ماعندهم سالفه
والله طال عمركم وانا انوي المسيار للرياض وقلت ابي اضحي بهالخميس والجمعه ماني رايحن للشيبان خلن اقلع هالماخوذه اللي عندي. ويوم الخميس الظهر وانا ادقه سلف واتوجه للرياض وقلت ابي على رخاي ماني مستعجل
اخاف تخرب بي هالسياره قبل لااجي المعارض ;) والله يالربع يوم فطنت الا هكاللوحه مكتوبن عليها خريص يسار وهذا الكبري وليامار هذا وصف خوينا قلت
ماشاء الله علي دليله:D وبعدين على قولت خوينا مامن بعد حذفت عصى:)
وانا طال عمركم اعدله يسار وامسك هكالطريق اللي يضيق الصدر وعيوني تلاقط اتشوف المعارض وليامار مامن الا البل وهالرمث ومحطتن تابعتن لارامكو
( قلت هذي ورانا ورانا ماوالله تخلينا )والله يالربع يوم نغزن قلبي قلت كم ماغديت واتذكر وصف الرجال ليامار انا على سنع:D المهم اني واصلت واشوف لي صنادقن وبويتاتن قدامي ويوم وصلتهن والقى محطة بنزين وانا انصاه واقول
للهندي فلل التانكي ياملا الفلال:( وانشده عن المعارض قال بابا (أنا مافيه
معلوم ) قلت هذا اللي انتم فالحينن بوه ماعرفتوا الا هالكلمتين وروح للبقاله
وانشد الثاني ولازاد على قولت خويوه قلت ايييه هين يابو فسيه الشرهه على
اللي ينشدك:mad: يبي الله يسهل ويوم طلعت من البقاله وليامار هكالجمس
شكمانين له رطين يوم انوه صفط ويحول منه هكالمشورب اللي شنباتوه يالربع ليااذانوه وقال للهندي فلل الجمس وهي تصيبن اللي انتم خابرين ;) وعجزت
لااتحرك المهم اني بعته واقرى المعوذات واجيه وقلت كيف حالك يالاخو والله
وهن يتعقدن حجانوه وليامار عيونوه تقادح شرار وهو يرد علي بنفسن شينه وش عندك :mad: قلت ماعندي الا سلامتك وين معارض السيارات قال اي
معارض قلت المعارض اللي بشرق النسيم قال انت تخيبل علي قلت لاوالله
انا على وصف ولاني من اهل الرياض:D مهو هذا شرق النسيم وانا بهالحجي
لي تمتمه :D والظاهر اني كسرت خاطروه وهن ينفكن حجانوه لهن شوين
وهو يبتسم لياما شنباتوه تعدن اذانوه وقال لي انت وين والرياض وين ياللي
تدور المعارض حنا بخريص قلت اجل بالمريخ ادري مار وين شرق النسيم
قال حنا بديرتن ينقالها خريص ماحنا بشارع خريص اللي بالرياض لكن ارجع
مع طريقك والا امسك هالشارع هذا طريق الرياض القديم ويمر على له مزارع
وباقي على الرياض حول 160 كم وليا وصلت الرياض اول مايواجهك طريق خريص
اللي انت تذكر وهو شارع من شوارع الرياض والمعارض بشرق النسيم على
يدك اليسار وهو ينزل كلامه علي مثل الصاعقه :eek: الله لايبلى والله ليامار
ماني مصدق لهالدرجه طلعت دليله:o ولي يعله ماعادت هالروحه لوني متعوذن
من الشيطان ورايحن لشيباني ابرك.
المهم مالكم بطويله وانا امسك الخط اللي وصفه لي ابو شنب ولاوصلت
الرياض الا حول المغرب وليامار هذا طريق خريص لاسقاوه السيل قلت هالحين فهمت الظاهر خوينا اللي وصف لي يحسبن اعرف شوارع الرياض
وانا اول مره اجي للرياض وهذا شرق النسيم وهذي المعارض لكن فاتن الحراج قلت ياولد عقب هالمعانات والخرعة
اللي حصلت لي:D لابد ان امرح بالرياض الى بكرا وامسك الطريق اللي ينصف
الرياض ولاوقفت الا بالبطحاء شلون مادري:) وألقى فندق الحرمين بجنب لوه
كبري واخذ لي غرفه ولانمت هكالليله من بواري السيارات ويوم جاء الظهر
صليت الجمعه وسافرت لشارع خريص:D وأخيرا وصلت المعارض ولكن للاسف
السياره ماجابت شي تحاقطوه الشريطيه وكلن يغمز عينوه للثاني والله وأنا اتل
هالملويه ولاأوقف الا بالشرقيه.
وسلامتكم الظاهر اني اتعبتكم معي:D
تنويه
( ابو شنب المذكور بالقصه:) طلع من اكبر المجرمين بخريص |506| والله يالربع
سولفت هالسالفه عند واحدن من خويانا وطلع من اهل خريص وذكر لي الرجال
وسوالفه وانه ذبح لوه رجال وعلومن تخرع مار الله ستر علي:D )