ترقبوا الرحلات الهودجيّة قريباً بإذن الله

[مجموعة إنسان]

http://shmmr.net/upload/up/up/hodaj.jpg


لطفاً لا أمر : الأخوة الأعضاء الذكور عليهم الإطلاع فقط على الرحلات الهودجية

دون مشاركة أو تعليق :cool:




السلام عليكم ورحمة الله وبركاته

هاهي الرحلات الهودجيّة تستعد للبدء برحلاتها الإسبوعية


فترقبوا معنا طلائع تلك الرحلات


في كل إسبوع ستطل علينا إحدى ( راعيات الهودج )


ستتربع على عرش هودجها شامخة شموخ البدويات الأصايل


وستلحن لنا هجينياتها ... ومواويلها .. وستطربنا بإبداعاتها


وما علينا سوى مناجاتها بما يلج في صدورنا من حوارات معها


ونحن وأنتم وهي سنستفيد بإذن الله ..



إذن نحن على موعد مع أول رحلة هودجية


فارجو من أخواتي التفاعل مع راكبة الهودج


وتسليتها طوال رحلتها بسؤالها عمّا يلج في الخاطر


ومن احبّت أن تهديها هدّية فلها كل الشكر


وسنكون معها نحن أخيّاتها جميعا


حتى


تصل إلى بر الأمــــان في راحـــة وإطمئنــــــــان .. :)




تحياتي،

[شموخ]

هلا بمجموعه

مصوره لنا الهودج والله يخوف الركوب عليه ;);) صراحه مقدر اركب على الهودج الا اذا المهاة معي تمسكني اخاف اطيح :):):)

فكره رائعه اختي مجموعه وننتظر راعيه الهودج :D:D بس خليها تغني لنا هبت هبوب الشمال .:D:D

تحياتي لك اختك
شموخ

[مرفأ]

هلا مجموعة انسان


ان شاء الله رحلة موفقة للجميع بإذن الله

تعالى معى اذكر لكى شىء

الرجال سوف يقلدوننا

حتقول كيف

سوف يفتتحون ديوانية بيت شعر ويلقون الشعر ويعزفون على الربابه:) بقيادة اابوسلطان


يعطيك العافيه للعمل الجميل الذى سيقدم

[مجموعة إنسان]

غاليتي شموخ :

تسلمين .. ومعك كم يوم تتعلمين ركوب الهودج

إعملي بروفه لاتفشليننا ;)

وإذا مالقيتي هودج عاااادي تتعلمين عندنا :D


وهبت هبوب الشمال عليك :eek:


كوني على إستعداد





ــــــــــــــــــــــــــــــــ


هلا مرفأ الغاليه


وماعليك من أحد

خليهم يجرووون على الربابه

بس وش جاب همس العصفوره لصياح الديك ;)


إستعدي وأنا أختك



تحياتي،

[المهاة]

شموخ وش امسكك انا بلشانة بعمري ابي من يمسكني ..|8|

بس ولايهمك بساعد مجموعة نربطك عدل فوق الهودج لا تطيحين ..:D

0

0


المهم بشري مجموعة عسى فيه اكل على الهودج .. اذا مافيه أكل اسمحولي ماقدر اركب ..:rolleyes:

أقول الحين في سلم و الا كيف بنركب ذا السفينة اللي فوق الجمل..؟ :confused:

[تماضر]

عز والله .....يابنت شمر مجموعة ابداع

تسلمين ومحتاجين ركبت الهودج

الا ياخواتي كيف نركبه (((ماشاء الله على جداتنا كيف يسوون )))

يترى من راح تركب اول وحده ....راح تقول لنا تجربتها

مشكوره اختي على اتاحت الفرصه للموقف المخيف امام اخواتي

نعم مخيف والله يكون بالعون

إلا اختي مجموعة ....ياريت تساعديننا على ركب الهودج ....

صراحه صار هو تفكيرنا .....يابنات شمر ..ونعم ...نعمت حالكم

[العنفوانية]

أممممممممم

ما قلتي ،،

متى نركب الهودج ؟؟؟؟

تريني أتحراكن ...

تحيـــــــــــــاتي


أختكن

العنفوانية

[مجموعة إنسان]

الغالية المهاة :

لاتخافن <<< على وزن لاتقلقن |510|

ابشرك هودجنا موديل 2004 وفيه حزام أمان << يعني مافيه طيحه وصيحه :D


وبالنسبة للأكل يالدبـــا <<<< شكلك بتخسّريني :mad:

حطينا لك بقل بالهودج تلمسي وبتلقينه << لبن يابس :eek:


والركوب يبغاله فزعــــه عرب ;)


تحياتي،





ــــــــــــــــــــــــــ




الغالية تماضر :


تسلمين لكل كلمة قلتيها

وهذا من ذوقك


وبالنسبة للركوب واللــــــه إنه مشكله

إن جيتي من قدام عضّك هالركوبه << مايعرف المزح :(

وإن جيتي من ورى عطاك شلوطي <<< مايحب أحد يقرب له :D


شكلي بأحكي له حكاية عشان يغفل وتنطون بالهودج :D:D


تحياتي،





ــــــــــــــــــــــــــــ


الغالية العنفوانية :


ابشري واللــــــه


وأولى الرحلات بكرى بعون الله



حيلكم معنا وأنا أختك ;)



تحياتي،

[المهاة]

:eek:

بقل .. يمي يمي يم .. امووووووت فيه ..

و ما احصله الا عند حلويات جهينة او قصر الشوكولاة .. بس مو مثل البقل الصدق ..

تراني علمتك ان لقيت بقل مانزلت ..:D

[إغـــتراب]

كل هذا هودج تقول عمارة ناطحات سحاب :eek:

هذا يالله نطلع عليه بالهلكوبتر :D

<<<<<< كان ودها تطلع على الهودج بس مو هذا:(

<<<<< وزنها ثقيل تخاف تطيح ههههههههههههه


تسلمين اختي وننتظر نشوف وش يسون الاخوات


أختك إغــتراب|510|

[نجمه السماء]

هلا بالغاليه مجموعه انسان ..

عاد تصدقين الهودج عمر ي ما شفته الا عندنا بالمتحف ..

يمه يخوف ..ويخوف اكثر مجرد تفكير اني راح اركبه ..

احس اني بطيح وتنكسر رقبتي ..:(

بس اكيد في دورات تدريبيه قبل البدء بالرحله ..

موضوعك شيق وكلنا ننتظر بدء الرحلات ..

اعذب التحايا ..

[شموخ]

[QUOTE]كاتب الرسالة الأصلية : مجموعة إنسان


وبالنسبة للركوب واللــــــه إنه مشكله

إن جيتي من قدام عضّك هالركوبه << مايعرف المزح :(

وإن جيتي من ورى عطاك شلوطي <<< مايحب أحد يقرب له :D


شكلي بأحكي له حكاية عشان يغفل وتنطون بالهودج :D:D


تحياتي،
[HR]

هذا بلا ابوك ياعقاب

مجموعه بنشوف اول وحده اذا ماطاحت بنركب .

تحياتي
شموخ

[ديمــــه]

السلام عليكم

موضوع اكثر من رائع مجموعه انسان يعطيك الف عافيه

اعذريني على التاخير بالرد

موضوع جدا رائع لكن اسمحيلي مايصير انتي انتي اول ....!!!!!



هههههههه

تحياتي

ديمه

[مجموعة إنسان]

المهاة :

و ما احصله الا عند حلويات جهينة او قصر الشوكولاة .. بس مو مثل البقل الصدق

شلون يعني بقل جهينة مغلّف على حبّة حبه وعليه تاريخ صلاحية ؟ :D

أو يكون مصبوب بقوالب كليجــــــا :eek::eek::eek: :D


المهاة شكلي بأخليك آخر من تركب على الهودج عشان ماتلاقين بالهودج غير

حبتين بقل بس <<< ماكلاته راعيات الهودج اللي قبلك :D


;)




ـــــــــــــــــــــــــــــــــــ



الغاليه إغتراب


قولي لاإله إلا الله ياشيخه لايفطس الجمل بسبّة هالخزان فوق ظهره :D


ويمديك تعملين ريجيم قبل تركبين ;)


تحياتي،




ــــــــــــــــــــــــــــــــ



نجمتنا


عادة النجوم أمثالك تكون قد تعودت على الإرتفاعات الشاهقه ;)


ولاتخافين ومعك مجموعة إنسان لأنها بتعض شليله وتخلّيك إن طحتي :eek:


تحياتي،





ـــــــــــــــــــــــــــــــ


شموخ

بأربطها بحزام أمان أتوماتيكي لاتخافين ;)


تحياتي،





ـــــــــــــــــــــــــــ




ديمه الغاليه


معذوره وأهم شئ إنك لحّقتي قبل بدء الرحلات الهودجيه ;)



وبالنسبة لي أنا مايصيــــر اركب قولي ليش ؟


لأني أنا اللي بأمسك خطام الجمل <<< خوذي بالك من المصطلح خطام :eek:

لو تركته بيفلت بكن وتفضحنّي بالصراخ << جمل المضايف متوحش حبّتين :eek:




تحياتي،

[ريم شمر]

مجمج سامحيني على التأخير :(


المفروض اكون اول وحده معك


بس انتي عارفه الظروف


المهم

مدام البنيات تجمعوا الله يحييهم يارب ويقويهم

ولنا يخليهم ........


بنطب ونتخير :D


طبعا الفكره اكثر من رائعه

واعتقد في البدايه نحتاج لشخصيه دسمه


فيها عقل وفيها خبال :eek:


فيها وضوح وفيها غموض |513|


فيها هدؤ وفيها صخب :D


وهالمواصفات تنطبق على وحده من الحلوات اللي عقبوا :)


وبما اني يدك اليمين في هالموضوع

والسكرتيره بتعتك ;)


فانا في بالي وحده معينه نبدا فيها

اذا عرفتي من اقصد

توكلي على الله وابدأي


ونحن معك .....


بالنسبه للتحذير اللي ذكرتيه في البدايه

اعيد واكرر انا نفس التحذير وبشكل اقوى :mad:


ممنوع منعا باتا مشاركه الجنس الخشن في الموضوع


مسموح فقط المتابعه


اما المشاركه تقتصر على البنوتات فقط

واي مشاركه مخالفه ستتعرض للحذف وبدون اي تنبيه :mad::mad:


http://www.saaid.net/twage3/020.gif


مجمج وش رايك فيني سكرتيره سنعه ....صح :o




قبل امشي


التكرار يعلم الشطار :mad:


http://www.saaid.net/twage3/020.gif




الله يوفقنا يارب ويخلينا للمضايف :)



ريم

[المهاة]

و الله مجمج ان الكليجاء مغلفة و محلينها بعد ..:rolleyes: حسبي الله عليهم يبوني ما اكل بس باكل و لا عندي فيهم ..:p



كاتب الرسالة الأصلية : ريم شمر


بنطب ونتخير :D


طبعا الفكره اكثر من رائعه

واعتقد في البدايه نحتاج لشخصيه دسمه


فيها عقل وفيها خبال :eek:


فيها وضوح وفيها غموض |513|


فيها هدؤ وفيها صخب :D


وهالمواصفات تنطبق على وحده من الحلوات اللي عقبوا :)


ريم




طبعا واضحة .. >>> وانتي وش دخلك هي تكلم مجموعة ..:D

هذي مواصفتك ريمنا .. بس احنا الحين بدينا بمرفـــــــــــأ انتي صفي بالدور بعدها ..;)

[ريم شمر]

8
8
8
8
8
8
تستهبل البنت :D


المواصفات السابقه تنطبق عليتس يالخبله :p

بعدين انا السكرتيره ومااعرف اركب الهودج :o


لاني خوااااااااااافه :(

[مجد]

هلالالالالا وغلالالالالا
فكرة رائعة ..
بالتوفيق ..
أما أنا إذا ركبت الهودج .. بركب به تيربو .. وماراح أحد يقدر يلحقني:confused:
الله يسامحك يا مجموعة إنسان ..
مصممة على العودة للماضي
مايصير نت + هودج :)
نت+ طيارة مقبول :D

تحياتي

[مجموعة إنسان]

ريموو الغالية مشكوره


مهاوي خوذي راحتك


مجد :

تذكر الماضي ضمان للمستقبل


والهودج يرمز لأمور كثيرة تمتعت بها جدّاتنا :

1- تكريمهن بركوبهن لهذه العروش .

2- العمل على راحتهن وتظليلهن عن الشمس .

3- الحفاظ عليهن من أعين المتربصين و .....و .....

4- الهودج مخصص للمرأة وأهم شئ إن الرجال يستحيل يركبونه .

أما الطيارة فكل من هب ودب يركبهـــا << كبار وصغار وجنسيات ومذاهب



الهودج هو رمز المرأة البدوية الأصيله


وياليت نركب هودج وربي لو يصير الجد وأشوف هودج قدامي لأحاول اركبه


شلون بأصير <<< :D

[همس الورود]

يا زمان العجايب ......

وش بقى غير الحب ..... وهذيك القلوب الصافيه

وش بقى


غير السحاب ...... وأرواح مشتاقه

اهاء لكل بنات المنتدى .............
؟؟؟؟؟؟؟؟؟؟؟؟؟؟؟؟؟؟


أخواتي ورائدات المنتدى

الله يخليكم لي ولا يحرمني من هالقلوب الصافيه

مالي وجه اقابلكم لي اكثر من سنه بالمضايف واول مره أسير عليكم


ما أدري لي مكان اشاركم رحلة الاسئله بالهودج ولا ارجع مكاني<<<<< لا تخافون ما راح أثقل عليكم


والله احس انكم خواتي اللي انحرمت منهم


&&&&&&&&&

شعلة المنتدى وصاحبة الهودج مجموعة انسان

كل الحب ايتها الرائعه ولا تهون الباقيات

&&&&&&&&&&&

سأمارس معكم شغب المشاعر والتساؤلات العالقه بروحي


لي عوده اذا سمحتم لي يالغاليات

[شموخ]

بعد اذن مجموعه

حياك الله يااختي همس الورود "اسمك حلووو";);)
ولايهمك المحل محلك وشاركي بالاسئله واي شي بخاطرك .


تحياتي اختك
شموخ

[السنيورا]

السلام عليكم ورحمة الله وبركاته

الغاليه مجموعة إنسان

خووووش فكره واشكرك على جهدك ..

ترانا ناطرين الدوووووور

تحياتي

السنيورا

[مجد]

هلالالا وغلالالامجموعة انسان..
اهنيك على الفكرة الرائعة .. والحقيقة هي فرصة للتبادل المعرفة بينا
وطبعا ان المستفيدة الاولى منها ..
لاني هنا ضيفة جديدة بالمضايف .. والفكرة جات من صالحي ..
حتى نتعرف على بعض ..لاني اشعر بغربة في المضايف .. :o

اما بخصوص عن الهودج والطيارة
كلامك صحيح ولا غبار عليه
ويقولون اللى ماله اول ماله تالي ..
ومزايا الهودج معروفة .. ولا أحد ينكرها ..
ولكن حتى الطائرة لا يمكن ان يُستغنى عنها .. ولو ان بها مساؤى كثيرة ..
ولكنها شر لابد منه ..

لكن الدرجة الاولى بالطائرة .. ماينطبق عليه كلامك
تحياتي ..