المساعد الشخصي الرقمي

مشاهدة النسخة كاملة : وين تسكن (يعني وين بيتكم) ؟


بعض الناس
06-12-2003, 14:37
طرت على بالي هالسالفة وحبيت أنكم تشاركوني فيذا ....

يمكن .. أقول يمكن واحد من الأعضاء ساكن جنب بيتنا وحنا مانعرف بعضنا البعض .. أقترح ان كل واحد يقول هو وين يسكن عشان نتعرف على بعض أكثر وأكثر .. فكره حلوه .. بس ماني عارف أوصلها لكم وى أدري أنتم فهمتوا ولا لا ؟
مثال على ماتقدم شرحه : انت تسكن في مدينة حايل - حي الزمالك .. يمكن لما تذكر هذه المعلومة يكون هناك عضو آخر ساكن في نفس الحي وأنتم ماتعرفون بعض .. هاه فهمتوا ؟؟

طيب .. أبدأ أنا ..

أنا ياطويلين العمر والبقا والسلامة ساكن في
مدينة الحضارة والصناعة والسياحة

هاه عرفتوها ؟؟

طيب أوضح أكثر

أما ساكن في مدينة الجبيل الصناعية - حي الأندلس

جنب المطعم

فيكم أحد من الجيران ؟؟

أتمنى من الجميع المشاركة

مع تحياتي


ياخوفي يكون الغثة هو جاري !!!!
الملهم
06-12-2003, 16:12
لا أبشرك الغثة بعيد

أما أنا ساكن بحي مامثله حي على الوجود بالعاصمة الريـــــاض والحي مثل العسل

مدينة الملك عبدالعزيز السكنية حديثاً

اسكان خشم العان قديماً

بكم أحد من عيال حارتنا

لكم تحياتي يعيال حارتي

الملهم

<<<<< مأيس يلقي أحد من هنا
اخو سعدى
06-12-2003, 16:41
الملهم


اطلع من عند البوابه رقم 2 ..

وتلقاني عند اسواق ( روم8 ) ;)


كنت .. ساكن في الاسكان قبل مده !!!


تحياتي لك
الملهم
06-12-2003, 22:45
يا بعد حيي

أقوول الظاهر أنك مستعجل بالكتابة

روم عند بوابة رقم 1

وأنت بأي حي بالأسكان كنت

حطين صح

تحياتي

الملهم
مفتاح14
07-12-2003, 01:22
8
8
8

لا وانت الصادق كان بحي بدر:p:p


<<-- الله من اللقافه :p



اما انا والعياذ بالله من كلمة انا.. فانني ( اقطن ) << كني مدرس قواعد:p
في تقاطع شارع الثلاثين العليّا مع طريق العليّا العام |14|


<<-- صار اشارة مرور ماهو بيت:p


تشااواااتي
مــــوّااااق
07-12-2003, 02:11
صراحه هالسالفه اللي طرت عليك خطيره ..

ابي اتليقف وأقط وجهي بينكم ..


انا اسكن بشيكاغو المملكه ... بالنسيم


عن قريب اسكن حزم الجلاميد ...<<<كذابه ..

لا بصراحه حولك لكن شمال الرياض..


بعض الناس عندي سؤال ممكن تجاوبني ... ليش كل سكان خشم العان موتراتهم ددسن ( عرااااوي) ؟؟؟


تحيااتي

اختك

مــواااق
الغثه
07-12-2003, 04:43
بعض الناس

انا اسكن بالبر :D:D:D:D


وبعدين مقلبك يوم تتصل بي اليوك رديته لك المغرب:p




انا ما حولي غير عقاب الربع وسالم الشمري


لاني بهجرتي:o


اللي بالشمال يسير علي بالمركوز ;)




اما الاخت مواق اللي بالحزم ياحظك ويا بظك الحدود عنك قريبه :(



لكن اقول


حياك الله بمضايف شمر ونورتي ضيفك مضيف فلة حجاج



دمتُ بود






الغثه:p
بعض الناس
07-12-2003, 12:11
مواق .........

أولاً أنا مش من أهل الرياض

ولا أدل فيها

ولا أعرف هذا وشسمه أنف العان

ولا أدري ليش فيها دداسن كثيرة

وبعدين ماتنهضم دداسن كثيرة في الرياض !

لو قلت في حزم الجلاميد

أو حزم الضامي

كان اقتنعنا

ممكن أعرف الجواب منك ؟
الملهم
07-12-2003, 14:43
مفتاح فورتين

وش مدريك إني ساكن بحي بدر هاه

اللي يبي يجيني ساكن بحي بدر شارع احم احم مشفرة بس لكبار الشخصيات

اللي يبي يسير علي يراسلني بالخاص وأعطيه رقمي وحياكم الله كل أبوكم <<قوية

----------------------------------------------------------------------------------

أخت مواااق

أولاً حياتس الله بهذا

ثانياً أجاوبتس على سؤالك الموجهة إلى بعض الناس

نبداء بالأفراد :

تلقين الولد توه متوظف جندي بالحرس ومطلع كامري آخر موديل أقساط وإلا ماكسيما وحاطن له كاب بالسيارة وكل مارتسب ماسك الدركسون بيد وحده ميل الكاب ويشوف الناس عند الأشارة بطرف عين

والشياب معه ددسن آخر موديل ومهتم به تلقيينه مايعطيه ولده لو وش ماصار حتى لو بنته تموت عنده وتخيس مايديه خايفن على سيارته

هالحين الظباط :

الولد معه هوندا أكورد آخر موديل لو أبيض أو فضي ويفر بشمال الرياض (( حولكم )) 24 ساعه ومايرجع البيت إلا وهو نيم وأحيانا يخلي خوياه يوصلونه

الشياب تلقين معه لاندكروزر آخر موديل وكل يوم يغسله عند هالباب هندي وكل آخر شهر يعطيه فلوسه ويخاف من نملة تمر من حدر السيارة

أما اللي توهم ماتوظفوا ومعهم سيارات

ددسن كلهم والظباط هونداي الدداسن من 82 إلى 96 هاذي موديلاتهم والهونداي من 99 إلى 2004 الجديدة ..

موااق جاوبتي بحكم خبرتي بعيال الظباط والأفراد كلهم وأني توي ليا هالحين مافكونا من خشم هالعان الله يعجل بهالأمر

-----------------------------------------------------------------------------------

الغثة تدري أنا وش أبي أسوي بك بس خلن ألقاك

-----------------------------------------------------------------------------------

ممكن تحترم هالمكان العسكري

ياناس ماهي عيشة وراء بيتنا بر تمشي معه يما تجيك كتائب الحرس وقبل هذا لازم تطب الشبك

والبوابة سفر ليا بغيت تروح له

وليا منك مامعك تصريح الله يعينك على هالجنود مايدخلونك إلا بحب الخشوم

ياناس تقل غنم مجمعينهم

لكم تحياتي

الملهم
اخو سعدى
07-12-2003, 15:37
الملهم...

اهم شئ النيه..


وكنت ساكن مثل ماقال ( مفتاح 14) :)


شكله .. يعرفني ...;)
بتول آل علي
10-12-2003, 10:22
و أنا ساكنة براس الخيمة


في حد من الجيران؟؟ :p:p

:D
مفتاح14
10-12-2003, 11:52
8
8
8

الدهـــــــــــــــــــــــــور


أنا من الشــارقه

<<--- قاسمي متـنـــكّـــر :p:p
بتول آل علي
11-12-2003, 15:40
(( الموقع: الرياض،حايل،الشرقيه، مكه،المدينه،جده، الحفر،تبوك،عرعر، رفحاء،طريف،القريات، ابها،الطائف،جيزان، نجران،صامطه،ابوعريش )) |513|


..... قاسمي متنكر >>> ايه واضح |513|
سالم
11-12-2003, 15:51
انا ساكن بالرياض !! مابووه أحد حولي :D

الغثه ياخذ نص وجهك قل آمين :o
اخو نوير
11-12-2003, 16:12
مساء الخير :)

أنا تحصلن بالجوووف - بالظهره - بالسلمان - يعني ورا قصرا مارد تسانك تعرفه

وأحياناً كثيرة تحصلن بتبوك بحي كبار الضباط VIP >> كبر راسه خخخ

وأحيانا أكثر من قبله بالشرقيه - بالراكه - بجوار جامعة الفيصل اللي على الخط الساحلي ... عرفتوه ...

تحياتي واحتراماتي لجميع السكان والساكنين

اخوكم
اخو نوير:)
سالم
11-12-2003, 16:39
كاتب الرسالة الأصلية : اخو نوير
مساء الخير :)



وأحيانا أكثر من قبله بالشرقيه تحياتي واحتراماتي لجميع السكان والساكنين




يا ملا السيل يالشرقيه :(
اخو نوير
11-12-2003, 19:29
سالم حقوق اللطش ملطوشه :D
- - - -
بعدين عندي اعتراض على مفتاح 140
ليش ماكنت كاتبن الجوف ...
افا عليك تنسى بني عمومتك|1|
الملهم
11-12-2003, 19:36
<---------------------------< بلوه ديرة يقاله الرياض ماأدري حولي أحد

<----------------------------< ممنوع اللطش تروني مفهي هالأيام
سالم
11-12-2003, 19:42
كاتب الرسالة الأصلية : اخو نوير
سالم حقوق اللطش ملطوشه :D
- - - -
بعدين عندي اعتراض على مفتاح 140


انا اقتبسته مع كامل الحقوق لك ياملا السلامه :o
مانطلت شي الله يرجك يا سطل :p

وبعدين مفتاح 14 مو 140 يا جنط :eek:


تشاووووووووووووووو :o
خليجي
11-12-2003, 21:18
فكره مبتكره حلوه

اول ماشفت العنوان

قلت هذا مسعووول التعداد


انا ساكن بالجبيل حي الفناتير
سالم
11-12-2003, 21:25
ياخي ليش كل أهل الجبيل بالفناتير ;)

وش السبب ..

بووه شين من شان ننقل لكم :o
الوبيري
11-12-2003, 21:40
مساكم الله بالخيرات >>> ياللي يقرا الموضوع هذا باليل :)صبحكم الله بالخيرات>>> للي يقرا الموضوع الصبح :)
وشلونكم عساكم بخير :cool:
وشلون من يعز عليكم عساهم بخير :cool:
الله يسلمهم كلهم >>> كثره عاد واحد ما صدق خبر:D
أقول بالنسبيه لي أنا فا أنا ساكنن بالمخطط ألي أول كان أسمه 71
اما ألحين فا سموه (حي أحد) تراه بالدمام >>> مذهبهم التاريخ حيل :Dلا وبعد بالدقة ألي ما بعده دقة ساكن بقطعة ( أ )
أكثر ما كذا يا ليتن أقدر بس لين نلقا اللي قريبلنا
سالم
11-12-2003, 22:35
من متى و هو إسمه حي أحد ..

متى غيروووه :rolleyes:
مفتاح14
12-12-2003, 19:02
كاتب الرسالة الأصلية : الدهور
(( الموقع: الرياض،حايل،الشرقيه، مكه،المدينه،جده، الحفر،تبوك،عرعر، رفحاء،طريف،القريات، ابها،الطائف،جيزان، نجران،صامطه،ابوعريش )) |513|


..... قاسمي متنكر <<<ايه واضح |513|







<<----- احم احم :o
الدهور ........والحين وش راااايك ؟؟:p
مفتاح14
12-12-2003, 19:09
كاتب الرسالة الأصلية : اخو نوير
سالم حقوق اللطش ملطوشه :D
- - - -
بعدين عندي اعتراض على مفتاح 140
ليش ماكنت كاتبن الجوف ...
افا عليك تنسى بني عمومتك|1|


اذا انا نسيت الجوف فانت نسيت اسمي بكبروه:p

مادري من وين جبت هال(140):mad:



يعني وحده بوحده والقلوب اصحااااب;)



تشاوااتي:cool:
رذاذ المطر
12-12-2003, 19:13
وانا............من سكان " جزر الاباطور"... عرفتوها..؟؟؟ حوالين الهند... :)



بصراحة.... اعتقد هناك مواضيع احلى واهم....

تحياتي
عبدالله الجعيثن
12-12-2003, 19:25
انا ساكن بولاية بقيـــق
:cool::cool:
به شايب من الجماعه تقاعد ببداية العطله ورحل لحايل...يوم انتهت العطله يمار هو راجع لبقيق...

وش بلاك...قال المره والوغدان ليا رحت للسوق ورجعت ليمار هم مفطسين ولا ياعون الا يافتحت السرندل عندهم


....مدمنين غاز الله لا يبلاكم:eek::eek:
___________

الوبيري .... مرفق صورة BMW وهو معه كامري..

مثل الجيزاني اللي شرا شبح ولزززق عليه جراندي..:D
مفتاح14
12-12-2003, 19:35
8
8
8

أفهم من كلامك طال عمرك انك دايم متجندن اسطوانة الغاز ؟؟:p:p


ههههههههههههههههههههههههههههه

ههههههههههههههههههههههههههههههههههههه


اما هالشايب ياهو زااااااااحف

أجل ماياعون الا اليا فتح السرندل ؟ هههههههههههههههههه



الغازي/ الله لا يحرمنا هالخشه وقسم بالله ان ردودك له طعم غيييير:)


على فكره يمكن اتصل عليك الليله .. ان ماصار عندي بزنس:p

تحيااااااتي
اخو نوير
12-12-2003, 19:46
سالم الشمري .. أنا جنط صطب:D
مفتاح 140 الله على هالدماغ ياكبروه|1|




























الدين ممنوع
والعتب مرفوع
والزعل مرفوض
:eek::eek::eek:
المهاة
12-12-2003, 19:51
انا ساكنة في بيتنا .. جمب بيت جيرانا ..:D

>>> بتذبحها الشفاية هو مفتاح 14 اتصل على الغازي و الا لا ..:rolleyes:

و وش كان يبي فيه ..|513|

وجع يوجع قلب بوش .. و عمى يفقع عيون شارون .. اما تعطونا سالفة كاملة و الا لا تحكون ..:mad:
مفتاح14
12-12-2003, 19:59
8
8
8

لا للحين ما اتصلت عليه لاني اشوفه بالمتواجدين حاليا ( يكتب رد على موضوع) وما ودي أخرب عليه وأعكر مزاجه:o


<<-- ذابحته الاخلاق:p:p



اما وش ابي فيه؟؟ عاد هذي اقوله بعدين .. لين نشوف هالمكالمه وش (تمخّــض) عنه:p:p
المهاة
12-12-2003, 20:19
يعني متى بتتصل عليه عشان ارجع اشوف النتيجة ..:p



ياويلك يامفتاح 14 من بعض الناس خربتا موضوعه ..|513|
مفتاح14
12-12-2003, 20:33
اسمحيلي يالمهاة:p

فيه كلمه غريبه على مجتمعنا الرجالي;) قمت وقشعته:cool:


الظاهر الرجال بسااااابع نومه هالحين .. يقولون ان اهل بقيق ينامون الصفره( اي بين العشاوين:p )

شكلي ابكلمه باتسر الضحى :p






اما راعي الموضوع له حق يزعل علي.. واللي يبيه انا حاضر لو يبيني اثبت موضوعوه اثبته:p
المهاة
12-12-2003, 20:47
حلالك عمو .. لو تبي تقشع الرد كله ..;)

سووووووووو سوري ..:o
الملهم
13-12-2003, 01:47
أقول

إكتشاف العصر الحجري لدي الملهم اليوم

تتدرون إن أخو سعدى طلع بحارتنا أول ماهو به به بالشارع اللي ورنا حنا دونهم

سبحان الله جمعنا بهالشبكة الشمرية الخالصة من راسه لساسه << تقل هو اللي يكد عليه

بس بشرى سارة

وترو به عضوين جيران كل يوم يصبحون على بعض ويمسون على بعض ساكنين بحارة وحده بس مابينهم هكالميانة عشان يسولفون بالنت ويتعرفون بس كعفشتهم بالماسنجر وطلعوا جيران ولاعلمتهم أبي أسير عليهم وأجمعهم

لكم تحياتي ياطلاب إبتدائية سلمان الفارسي ومتوسطة على بن أبي طالب وثانوية الملك خالد

تحياتي

الملهم
ooo_75
13-12-2003, 02:28
وانا سـاكن بالكويت الجهرا وبيتنا الثاني بحايل بالوسيطا
مفتاح14
13-12-2003, 10:09
وين المهاة؟ انتي لهالحين ذابحتس الشفايه؟:p

الغازي كلمته وعندوه له قرقعه واصوات الله لا يوريتس تقولين بحرااج سيارات:p
..اسمع كلمه ويفوتن عشر |513|


بصراحه مالقينا موضوع نسولف بوه الا موضوع بعض الناس اللي هو هالمويضيع .

<<-- ترى ما حشوا فيتس أبد :p:p



الصراحه كان محور حديثنا ونقاشنا يدور حول امور تهم الوطن والمواطن..وقد توصلنا من
خلال ذلك النقاش المحتدم:p الى نتائج من شانها الرقي بمضيف فلة الحجاج :) <<-- ماكنهم جحدوا الوطن والمواطن؟ :D

وسولفنا بعد بولاية بقيق وجبنا طاري اسطوانة الغاز :cool:

<<-- فضيحه:D








وبس:o








شكرا لتفهّمتس ودماثة خولوقتس :p
هايس الشمري
13-12-2003, 16:28
<<<<درس بعبدالله بن الزبير

و علي بن ابي طالب

و ثانوية الملك خالد

و ثانوية الامير بدر:rolleyes:
بعض الناس
14-12-2003, 01:13
احم .. بما أنه محسوبكم هو راعي الموضوع الأصلي .. فإنني وبكل شجاعة سوف أرد على بعضكم ..

أخو نوير
يالله مدام اننا جيران .. خلنا نشوفك !!

سالم الشمري
وين انت بود بالشرقية ؟ حدد مكانك ؟ وبعدين مين قال لك ان كل أهل الجبيل ساكنين في الفناتير ؟ هذاك أول يابعدي ؟ هالحين طلعت أحياء جديدة .. انت تعال بس وأنا أوريك !!

خليجي
وساكن بالفناتير بعد ؟ تبي تشهد سالم علينا ؟ عموماً الحمد لله ان هدفي من الموضوع تحقق ولقيت لي جار ؟ صحيح ترانا جيران ؟ أنا ساكن في القدس شارع الأندلس 24 في فلل سابك !!

الوبيري
حنا عرفنا حي أحد عشان نعرف قطعة (أ) ؟ تراني كل ويك اند عندكم !!

رذاذ المطر
شو مش عاجبك الموضوع ؟ ياالله اكتبي لنا موضوع أحسن منه ياحيي !!

الغازي
ترى شايبك اللي هرب من برد حايل .. أعرفه ؟ وشكلي عرفتك ؟ حدد وين محلك في بقيق بدي أسير عليك الجابلة !!

المهاة
أنا أدري انك ساكنه في بيتكم ؟ أحد قال انك ساكنه عند الجيران ؟

تحياتي للجميع
وأشكر لكم تفاعلكم مع الموضوع .
بعض الناس .. مو .. كلهم !!
الملهم
14-12-2003, 03:23
<------------------< به واحد يكتب هنا عطوه فره
الوبيري
14-12-2003, 06:02
بالخير يالغازي

وشلونك

أقول .......

وشنوحك ما تسير علينا حنا بالولاية اللي دونكم قبل ولاية الديره
أللي يقاله الرياض

بولايه الدمام ;)


هاه وش قلت فنجال قهوه وفلة أحجاج أنتظر ردك يالحبيب:cool:

انا سياراتي عراوي طال عمرك 2001 تسوى عشرة منه عندي مهو بالسوق

انتظرك ردك
عبدالله الجعيثن
14-12-2003, 11:15
بعض الناس حياك يالغااالي بس حدد الموعد وانا اتشـرف وتر مامن الا قدوع وفنجال...

راح وقت الذبايح....وشو ذبايح بهالسنة الجهما.

الوبيري
عينت راع الغتيــره(الدكتور)...والله غترته طقم مع السروال غاديات صفر... والثوب ابيض نيلي..:eek::eek:

مفتاح

اثريك خبيــقه الله يستر(ماتنعلم بسر).

وش لون عندي قربعه...ماناقص الا تقول يسوق(ام سنتين) اللي ترفع الطابوق..:mad::mad:

وبعدين حلوه ننام الصفـره...قصدك ننوم الوغدان الصفره ونلعب... عب بعشره:cool::cool:.
السنعوسه
15-12-2003, 13:52
<-------------------- ساكنه في راس أبو قميص :D ( غاشتها من النشره الجويه )
المهاة
15-12-2003, 21:06
مستر كي و الغازي ... وش حشيتوا فيني قلتوا ..|513|

بعدين وش لكم بهموم الوطن .. انشغلوا بفلة الحجاج فمنها نصلح المواطن ..:cool:<< صارت ورشة ميب مضيف .:rolleyes:

مفتاح من تسمع قربعة عند اللي تكلمه اعرف انه برا الرياض ..;)

0
0
0


بعض الناس .. و الله اني ساكنة في بيتنا .. ودي اروح لجيران بس ماعطوني وجه .:(:p



0
0
0

اقول ترا المهلم بردان يقول عطوه فروة ..:p:D



المهم العشاء منهو عليه .|512|
ابو غازي
15-12-2003, 21:32
اف اف اف :mad:
ماتقولون لي يومنكم فريتو طاقية راسي أمر الله عليكم وشو :mad:
ويش سالفتكم :p
أنا لاهلحين منجم :p مار يوم شفت هالمقرودة خيتي االمهااة :mad: جيتكم
مطبق قلت لايكون خيتي تبي فزعة(ن) ولا شين :mad: ترينن يالمهاة
معي لي مخطرٍ سنع :mad: علميني منهو الي تبيني أتمردغوه :mad: هو
صاحب الموضوع :mad: ولا االغااازي :p هالي مايمشي إلا بإسطوانتوه :mad:
اقـــــــــــول عاااااد
الي يبي سميكااات يدربي راسوه يمنا بهااه ;)
المهاة
16-12-2003, 19:24
ياربي لاتخليني .. عساك سالم خيي ابو غازي ..:o

عليك بمفتاح 14 و الغازي ..:mad:

تمردغ في بطونهم لين يقولون شقالوا عني .|513|
عبدالله الجعيثن
16-12-2003, 19:53
اللـــه يسامحك يامفتــــــاح...واللـه مالك حق

لا

لا

انا ماني معك

وشلـــــــون المهاه به.....قل غيره


ماني مصدق

^
^
^

وللحديث بقيـــه

مفتاح....كلمني يوم الربوع بعد الظهــــر عشان مايصير عندي قربعه

وتكمللي سالفة المهاه...يوم انه ت.....
المهاة
16-12-2003, 20:06
:(


:mad:


اشمعنى يوم الاربعاء مافيه قربعة ..:rolleyes:


نرجع لموضوعنا


:mad:

|513|

:(
سالم
17-12-2003, 16:31
هاه وين وصلتوا يالشفايين :rolleyes:

لاتنسوون تقولون لي :D


ماننحرم
البقعاوي
17-12-2003, 20:00
السلام عليكم ورحمة الله وبركاته

يا ملين الســـيل ( شعيب الحميمة ) .. وهذا الشعيب يقع في مدينة حائل ويصب في قاع هوبان ..

ندخل موضوعنا ..

أنا ساكن في الجبيل الصناعية .. حي الفاروق الجنوبي .. وأهلي في قرية ضبيعة .. تبعد عن حائل 70 كلم .. وحياكم الله في أي وقت .. :(

ملاحظة : يا أهل ابقيق .. طبوا على ولد عمي .. في سكن الفرحة .. تروه ما يداني الضيوف .. بس عاد أنتم .. أحشروه .. واللي يبغى رقم غرفته .. ورقم المبنى .. يعطيني خبر .. ههههههههههههههه .. وكان من قدامى الأعضاء هنا .. يوم كان الستايل لونه أزرق .. أو أخضر .. قديــــم .. لكنه خرج ولم يعد منكم ..

لا .. وجاي من حريسان .. الرياض .. حي .. أحد .. شارع .. ( ماني معلم ولا يمكن يجي ويشوف الموضوع ويتوطى ببطني .. )

الـــبـــقـــعاوي
الملهم
17-12-2003, 20:20
البقعاوي شكل ولد عمك تريباني

بس علمن وأوريك به ماعليك لاتخاف أفزع معك علىيه
احبه حيل
17-12-2003, 22:59
مساكم الله بالخير جميعا انا ساكنه بالشرقيه بس وين مدري
لكن ماهي مشكله اني مدري لأن اللي يسوق السياره يدل البيت :rolleyes:
حتى امي تدله انا اركب السياره وأرجع معهم ماقد احد سألني وين بيتكم
واذا تبون تعرفون انا وين ساكنه اسئلوا اي مطعم يوصل الطلبات
اي مطعم عطوه اسمنا وطيييييران على بيتنا:eek:
ياربي مدري وشدراهم عنه
<=== مسيكينه الدبيه ماتدري وش السالفه ابد مو هي اللي تطلب:o
بعض الناس
19-12-2003, 01:24
هلا بأم المطاعم !!!

وأنا أقول ليش المطاعم قاعدين يفتحون فروع جديدة .. أثاري انت السبب ؟؟؟

على كذا أنا والغثه بنفتح مطعم عند بيتكم .. بس عطينا فرصة ليا بعد العيد اللي جاي .. Ok

بعض الناس
الجبيل الصناعية
اخو نوير
19-12-2003, 04:34
بالله لا تنسانا يابعدي
>>> انواع العزوبيه:o
سالم
19-12-2003, 14:31
me too OK|118|
بعض الناس
20-12-2003, 11:40
نواف التمياط ..... أقصد سالم الشمري .... شكلك مدرس قواعد !!!!

رجاء لا تنحرف عن الموضوع الأساسي ؟؟
الوبيري
22-12-2003, 09:19
حياك الله يالغازي ما عليش أبطيت عليك بالرد
أعذرني مبطي ما دخلت فلة حجاج
بس على العموم وش رايك يوم الخميس العصر تجي أتقهوى عندي وإذا تعرف أحد قريب منك أو مني في مضايفنا حياه الله
أرسلك رقم جوالي على الخاص
نايف التومي
22-12-2003, 17:22
بسم الله الرحمن الرحيم
8
8
8
8
8
8
8
8
8
8
8
8
8
8
8
8
8
8
8
8
8
امـــــــــــــــــا الموضوع هذااااااااا شي تسلم يالي كتبته
*
*
*
*
*
*
*
*
*
*
*
*
*
*
*
*
*
*
*
*
*
*
*
*
امااااااااااااااااا بالنسبه وين اسكن فيه عندي وووجهة نظرررررررررررررر
ههههههههههههه والله لو احلف عليكم كلكم بحدى هالهجرررررررر ترو عااادي يامنك قلت ساكن بالهجره الفلانيه واللع عادي مررررررررررررررره؟:mad:

علـــــــــى العموم انا من دياااااااااااار شمررررررررررر الي كان يتمشى فيهااااااااا جد المرحوم طلال الرشيد دياااااااار يابعد حيي


في حي الجامعيين ابدن وانت على الدائررررررررري تشوف الفله والفياقرى صافطه عند الباب لا نوب عند الباب ونوب بالقراش

والف التحيه والاحترررررررررررررام|510|
سالم
23-12-2003, 19:47
كاتب الرسالة الأصلية : نايف التومي




في حي الجامعيين ابدن وانت على الدائررررررررري تشوف الفله والفياقرى صافطه عند الباب لا نوب عند الباب ونوب بالقراش

|510|

اليوم فلة الحجاج الجو عليه برد ماادري ليه
الا انت ماتستحي يوم تمرش على العيال :eek:

الله يرحم الددسن التسعين يا سطل :D:D:D


لاتعوده .. ترا فيه ناس يعرفونك يالعزوه |511|
البقعاوي
24-12-2003, 05:27
السلام عليكم
اخوي الملهم ولد عمي شاف الموضوع ودبغني (طقني)على راسي وطردني ورفع حضر تجول اني ماطب بقيق(على باله بقيق خربقاء او العويقيله) المهم يالملهم انا و ولد عمي ماحنا من التريبان (ونعم بهم) حنا ماحنا بعيدين عنهم (دغيراااه) المجلا كانك عرفت
وتقبل تحيـــــــــــــــــــــــــــــــــــــ ــــــاتي


البقعاوي
هادي المنيس
28-12-2003, 03:20
أما بالنسبة لسكني

فأنا ساكن ببيتنا((العن ام اللكاعه)):D

قسم بالله العظيم
خال هادي المنيس
03-01-2004, 08:29
السلام عليكم ورحمة الله وبركاته


ياخووووووي .... حدد موقعك :D


انا اللي بيتي مايضيّع

بدون دليله .. وبدون ليموزين .... سبر وتقهوى


خذ الوصف


.....







......




..




...










....




وين بيت البناخي هادي ( ابو اللكاعه )|510|





...





....



...



ابد البيت اللي قداموه على طول ..




...



والله العظيم اني قلت الصحيح :(<<<< اول مره يقول شيء صحيح بالنت ;)





سيروووووووووووووو .. بس انتبهو من الدوريات ترا عندنا حظر تجول:D




اخوكم ابو خالد
هادي المنيس
04-01-2004, 01:15
عزالله

انك صدقت يالخال |118|
بيتنا مقابل بيتك
الفزاع
13-01-2004, 09:33
مرحبن بوه..............!!


أنا ساكن الرياض " بوxx الدنيا" وحيننا اسمه " المحمديه" حياكم في ذا

والشبه ليليه عندي ولا فيه بلوت وينك ياللي تحدى.!!!
سالم
15-01-2004, 00:41
انا اتحدى بس مااعرف بلوت |118|
هادي المنيس
16-01-2004, 10:20
كاتب الرسالة الأصلية : سالم الشمري
انا اتحدى بس مااعرف بلوت |118|



حتى انا منقهر ما اعرف إلا هند:(
متفاائل
16-01-2004, 11:05
السلام عليكم يالربع

لاتعبتوا

معليش انا هاليومات اللي فاتن طاحن رجلي ادور
الله لايبلاء وانثر سحارتي كله ولا لقيتوا (هو وشوا ) وانا افزع
للبلاء والاذيه (البلديه) قلت بالحل انا وسحاري
وانشد الربع يامن يخبرلي طريزه احصله به
ويجيب الله حديهم قال عندي منه صوره يوم اخذه
منك يوم انا ابني الله لايعيده من اخذه ومن الفرحه وانا اجمض
كليمته قلت يوم الله جاب مخطط البيت . من شان اوصف للربع
:eek::eek::eek:
بس فطن علي عقبين (ذكي) مادري سوعالك بالضبط هو
وين بيتك او وين تسكن :D:D:D قلت ابتوكد :D:eek::D:eek:
على العموم ابتوكد وانكس :eek::eek:
راعي الوقيد
17-11-2004, 02:00
هادي المنيس

خال هادي المنيس

:hala1:
على العموم ابتوكد وانكس :halelah:
:p: :p:

متفاائـل !!!!

من 16-01-2004, 11:05

وحنا هالحين 17-11-2004 الساعة 2

عشـرة اشهـر من الشتاء والصيـف والقيـض ما كفنّك :eek:

انتظر متفاائل يوضح !!؟؟
هداج والرعيله
17-11-2004, 07:11
بعض الناس
السلام عليكم ورحمه الله وبركاته
صباح الخير

والله انها فكره زينه بس عاد الهدف منها وشو يا بعد الحى والميت


انا اسكن بعيد عن كل هالربع اللى قبلى اسكن على ساحل الخليج منبع النفط



على باله صاحب الشركه
الأصيل
17-11-2004, 10:51
الماضوع بالفله ( يعني العتب مرفوع :)

أنا ساكن بهذا

اللي يبيني يلقاني أما بالفله

أو بالشعر الشعبي أو ... بلي دزليب توي واردوه ( الأدب العربي)

(الله من الفصاحه يابو التأصيل) :thumb:




أما السكن الحقيقي

فاللي يدل إشارة المرور اللي بالتقاطع( تدلونه؟؟)

ترو بيتنا مطلاع شمس عنه :d:

واللي مهو بدوي ولا يدل ،،

فما عليه

إلا ن ينشد راعي البقاله اللي مهي حولنا :good1: