من شخاط (وتلومونن بهن استلموا )

[شخاط]

با لخير يجذعان يقولون اخر الاخبار بو لوه مرتن طمت رجله غمتوه بلوه فروتن

متغطين به :eek::eek:وهو نويم والظاهر انوه مختش ومصيخين ونام بالفروه

يبي الدفا وتعيبانن جاين من شغلوه الا يملا الحل لكا الوجه

نرجع لمضوعنا

مسبوعة الابو خلتوه يما ينام ويوم شخر وهي تستقعد لوه

و تغمتوه بفروتوه < --- فروت العيد شراه يبي ينذخ به بهالعيد يعلوه مات
وماعيد به

وماكفاه الغمته يقولون وهذا شليلي من هالسالفه انه الحقت عليه بخنجر

وطعنتوه مع اديتوه

ان كيدهن لعظيم تدري لو هو قاعدن وبغت تسوي سواته تسان تنكه بعقالوه

وعلقه بالمروحه وشغله على اخر رقم وخلاه تفتل يما يفتل به زمانه :p

والا وطى على رقبته :mad:

وهالحين

مسبوعات الابو شين وقوايت عين بعد صارن يذبحن الا يملات الغاضور اليوم

يغمتن بفرا وباتسر الله والعالم يقطعن ويحطن بكياس مثل هالصعيديات

( الله السلامه)

والله يالربع اني هونت مابي العرس لا من داخل ولا من برا :eek:

نصيحتن من شخاط لبنو جنسوه <---- اخر فلفسه

1-لا تشترون فراء

2-عيدوا باثيابكم وياحبذا <--- بالسروال والفنيله

3-لاتلبسون شمغ لاسمح الله ماتدرون

4-لاتنامون قبل مايخمدن وياحبذا كل واحدن يخمد بلوه غرفتن وصكوا من دونهن

البيبان يقولون انهن ينسعرن يجا موسم الاعياد والا المناسبات

5-نم وانت مغمضن عين ومفتحن الثانيه |512| ولاتنام الا والعقال بيدك سبحان

الله اما هاه ولا هلون ترنعه بوه وتقطعوه على ظهره والا تتنكه بوه

الزبده احسن سلاح بيد الرجل العقال ;) رخيصن لوه فوايد جمه منه الضرب

والتنك والشنق والتعليز بالمروحه يما يستدير راسه :D

6- خل الجوال بجمبك والا حدر راسك وخزن رقم الدفاع المدني :cool:



نصيحتي للمتزوجين


افطنوا روحكم ياحلالي الله السلامه مدري وشلون تامنون على روحكم انا

هالعزوبي يوم سمعته :eek: طار قلبي

ول عليهن منسعرات وصايرتن سعالوه بهالعيد

ول اهبن ويهبى حظكن يقولون يصار المناسبات ينجنن يملاهن الجنون :eek:

ويقولون وهذا شليلي ان هالرجال المعرسين ذلوا عقب هالسالفه و دلوا

يجيبون وانتم بكرامه تسلاب حراستن كلن يبي يحط تسلبوه ينام عند باب

غرفتوه

شخطاتي الحاره واتمنى لكم السلامه :) وادعو للضعيف بالرحمه والله ياجروه

بدل هالغمته الجنه وكل من روح على طريقوه

الله المستعان

اخوكم ابو سعيره :D

[رضا الزميلي]

الله يرحمه


لكن أنت يهالخبل وين تسلقطت على هالقصة


الله يكفينا شرك


أكيد صايرن لك موقف مع هالحريم





أخوي شخاط
مشكور على هالسوالف اللي يوسعن الصدر ويونسن


لك تحياتي،،،،
أخوك /المجهول

[مفتاح14]

اخي وقرّة عيني وفلذة كبدي <<-- الاخيره جايه غلط:p
شخااااااااااااااط

لقد جمعت في موضوعك هذا من المداعي مالله به عليم:p
ومن التهويل ماجعلنا نخشى تكرار هذا الحادث الجسيم:p
فتملكني الخوف والذهوووول مما تقوم به عصبة من الحريم:p
ومما زاد من ربكتي هو انني عزوبي وبامور الحريم غشيم :p

ولهذا

ليس أمامي الا ان اقف في صفّــك واتعوذ من الشيطان الرجيم :o

[شموخ]

هههههههههههههههه

احسن شي انك هونت عن الزواج ياشخاط :):):)

عيدوابثيابكم ........وياحبذا بالسروال والفنيله :o:o حيي هالزول اللي معيد بالسروال والفنيله كانها كراعين قحطه مع نبويه :):):)

تحياتي لك ياشخاط .

اختك
شموخ

[المهاة]

اخي الكريم .. لا تشمت باخيك فيعافيه الله و يبتليك ..

المرأة لقيت جزائها و قتلت قصاصا .. و أفضت الي ماقدمت . و لا أحد يعرف ملابسات الحادث الذي دعاها الي هذا الفعل ..!! تعجبت من تندركم على الحادثة فقد قرأتها أمس في موقع احد الصحف في النت و آلمتني جدا .:(

و الرسول صلى الله عليه وسلم يقول : لا تسبوا الاموات فانهم أفضوا الي ماقدموا .

فلعل القصاص كفارة طهرتها من ذنبها ان كان سبقته توبة صادقة . و الله يتولاها و يتولنا برحمته .


***
فاصلة خارج الموضوع ..


و الله يابعضكم تقطيعه باكياس شوي عليه ..:mad: بس مانقول الا الله لا يبلانا .

[شموخ]

معقوله حقيقه القصه :(:( والله احسبها من سوالف شخاط .

لاحول الله .

وبعدين المهاة انت ليش شايله على الرجال صراحه تذكريني بوحده من زميلاتي دايما تذم الرجال وزادت البنت بالذم بعد وفاة ذكرى تقول شوفي من ذبحها متصله عليه اول مااعلن وفاة ذكرى تقول شوفى الرجل اللي انتي في صفه وتدافعين عنه :):) والله يالمهاة انهم طيبين وصبوريين علينا وسعي بالك يابنت الحلال :):)

تحياتي
شموخ

[المهاة]

شموخ يالغالية انا ماشلت على الرجال .. حبيبتي الرجال تاج راسي .. و لولاهم _ بعد الله _ ماكان لوجودنا قيمة .. و يكون بعلمك انا ابوي كان كل حياتي و اغلى مخلوق عندي >>> تحبه اكثر من امها ..:o و اخواني افديهم بعمري و لا يتكدر خاطرهم .. مو يصيبهم مكروه .. و أتمنى زوجي تكون له نفس المشاعر ..;)

لكن فكري فيها بالمنطق .. ياكثر ما نسمع عن رجال يذبحون زوجاتهم و كأن الامر عادي .. و لما حرمة سوتها صارت كل الحريم يخوفون ..:(


صدقيني شموخ مستحيل الحرمة ياصل بها الامر حدّ انها تقتل زوجها لو ماكنت تحت ضغط خرج عن حد السيطرة .. و اكيد ضحيتها راح يكون هو اللي وصلها لهالحد .. فما سمعنا ان مرة قتلت وهي تحت تأثير مخدر او مسكر .. و هذي نسمعها كل يوم عن الرجال .

قارني بين اعداد تنفيد الحدود في النساء و الرجال و بتشوفين من اللي يخوّف صدق ..

اختي ان كنت انا نصف الرجل الثاني فهو كلي .. :o

لكن احيانا المشاركات تفرض عليك تتعاملين معها بنفس اسلوبها .. و افضل وسيلة للدفاع هي الهجوم .;)

و قدامك مشاركات الشباب و كيف يحكون عنا .. و طبعا و ان في كلامنا بعض جد فغالبه مزح بين الاخوة .

[مجموعة إنسان]

معقوله حقيقه القصه والله احسبها من سوالف شخاط

معقوله حقيقه القصه والله احسبها من سوالف شخاط

|13| :eek: |13| :eek:


لااااااحو ل لله ياااااارب

لو كنت قريت المشاركة قبل رد الأخت المهاة كان لي رد ثاني

لكن بعد ماشفت إن القصة منقوله وحدثت بالفعل فمالي سوى قول :


قال تعالى ( ومن آياته أن خلق لكم من انفسكم ازواجا لتسكنوا إليها وجعل
بينكم مودة ورحمة إن في ذلك لآيات لقوم يتفكرون )


دعــاء :

قال تعالى( ربنا هب لنا من ازواجنا وذرياتنا قرّة أعين واجعلنا للمتقين إماما )


فأين بعض الأزواج والزوجات من خيــر الكلام ..... ؟


أخوي شخاط

شكرا لشخطاتك

والله يستر لاتولع بمضيفنا في يوم من الايام


مانخلاااا أخوي |513|
:p


تحياتي،

[مناكد]

لاحول ولاقوة إلا بالله العظيم...

الله يرحم أمواتنا وأموات المسلمين.

شخاط...تراك فضخة قلبي بهالموضوع...أنا ماني بعيد عن راعي الفروه...
بس أنا دايم علي بشت وبر مايخرقه حتى الرصاص...ومبسوطٍ به وأقول علي درع...ضد الرصاص...|510||510|
وأثري هالدرع يمكن يصير اقشر من الباغه...

لا المنام بالسياره وبالكراج...وأشغل جهاز الإنذار حتى أهل الحارة كلهم يفزعون...أبرك وأريح للخاطر...:cool::cool:

والله ياسالفتك هذي إنه تفضخ القلب...:(:(:(

أما هالمجرمه اللي فوق...|111| |111| |111|

اللي تبي تسوي الرجال كفته مادري كبه مادري شاورما...

المهاة راعية الجيب هي وخويته اللي وحده تسوق والثانيه على الباب بسلاحه...
لا حشا هذولن من دوريات الحما...اللي حول المحميات...

شموخ= الجمرة الخبيثة

المهاة= غاز الخردل

لا ويقولون لهن جنس ناعم:mad::mad:...اااه اااهاهاهاه|8||8|ناعم|112| ...إلا حنا اللي صرنا|8| |8||8| |8| ناعمين ماهم أنتن يالمجرمات...

والسلام.

[شموخ]

مناكد
انتم ناعمين امحق نعومه عندكم

|85| |85| |85| |85| |85| |85| |85| |85| |85| قال ايش ناعمين .


تحياتي
شموخ

[ابو غازي]

عز الله إنك بلشة(ن) ياشخاااط
ياشين ماتعقل :(
;) شموخ
إنتي مفخرة للرجال والنساء :D
الشيخ مفتاح 14
ماعليك من شخاااط ابد توكل على الله بس ;)
:mad: المهااة
علامتس حريقه يادافع البلا :p
ماني خابرتس هالون :rolleyes:
|512| مجموعة إنسااان
لاتخليني اغير رأيي بك ماهو هالون
تبين تصيرين مثل المهااة حريقه :confused:
مناكد :p
بالله هالبشت نبي نكشخ بوه بهالبرد |512|
شخاااط :mad:
شخطن بك عيدانك وأنا مسغفر ربي
إركد يالبليه إنت وسنونك :)

[al_hail_]

الى شخااااااااااااااااااااط باشاء

ودي اقولك شي يفندم بوه واحدن من الربع خذا تسع حريم وطلقهن تدري ليه


لقاء الزوجه رقم تسعه مابه ولا سبيكه يعني ضاربتن سبايكه وارتاح معه


منهو المجنون الي ياخذ وحده عقله تمام وهو يدري انوه يسوي عمايلن مهي زينه ويبيه تسكت منهو هاذا يستاهل مهو كيس الى خيشه من حقات البقل بعد:(:(:(:


شخاط نصيحه اخيره عليك بوحده مثل زوجة الي من الجماعه رقم تسعه والله تنام وانت مبسوط:cool::cool::cool:

[المهاة]

كاتب الرسالة الأصلية : ابو غازي

:mad: المهااة
علامتس حريقه يادافع البلا :p
ماني خابرتس هالون :rolleyes:
|512| مجموعة إنسااان
لاتخليني اغير رأيي بك ماهو هالون
تبين تصيرين مثل المهااة حريقه :confused:



انا حريقة ..؟:confused::confused:

تدري يمكن معك حق .. فعلا ذا الايام ماني طايقة حالي ..:o:o

أعتذر للجمــــــيع .. :(

[مناكد]

أبو غازي...

البشت هذا سلمك الله هديه...وأنت تعرف الهديه...

بس أبشر أول روحةٍ أروحه للشمال البعيد (اللي ورا الحدود)...

إن شاء الله أجيب لك واحدٍ أحسن منه...وهذا وعد...

بس الله يخليك فكن من صواريخ المهاة...

[ابو غازي]

كاتب الرسالة الأصلية : مناكد
أبو غازي...

البشت هذا سلمك الله هديه...وأنت تعرف الهديه...

بس أبشر أول روحةٍ أروحه للشمال البعيد (اللي ورا الحدود)...

إن شاء الله أجيب لك واحدٍ أحسن منه...وهذا وعد...

بس الله يخليك فكن من صواريخ المهاة...

..........................
ماصدق على الله ;)

بس أبشر أول روحةٍ أروحه للشمال البعيد (اللي ورا الحدود)...

تسبدوه تفرك الرجال يبي يهج :mad:

[مناكد]

ابو غازي مافهمت وش قصدك يالغالي...

[نجمه السماء]

شخاط ..فيلسوفنا الرائع ..

ساعه وانا اقرأ واترجم لنفسي ..

لولا ان موضوعك حلو ويجنن اللي ما يتجنن كان ما قريتو ( اقلد كلامك )

على العموم ..

ومن وجه نظري ان المرأه تتحول الى وحش ..عندما يتقابل وحشاً امامها ..

وياخوي لا تبطل تفكر بالزواج ..

ترى الحريم ماهن سوا ..

في المجرمه اللي تحب تحب ربط الرجل بفروتو ( ايضا تقليد ) ..

وفي الطيوبه اللي ما تقدر تربط خيط حرير ..

شخاط ..

شكرا لك ..