المساعد الشخصي الرقمي

مشاهدة النسخة كاملة : على طاري سواقت الحريم


al_hail_
27-11-2003, 06:26
ابي اعلمكم بسالفت واحدن علم مرتوه السواقه يقول الرجال تزوجت بلي وحدتن اجوديه على نياته ماتعرف شي مع انه بدويه يقول قلت خلن اكشخ عليه لو بالسواقه يعنني فاهم يقول قلت يم فلان وش رايك اعلمك السواقه وهاذي الددسن تحت امرك قالت يويلي يخيي ما احب السيارات:قال ما عليك انا اخليك من زود السواقه تعرفين حركه ريوس بس صحصحي معي وانتبهي :قالت زين وهو ياخذه يم البر وهو يعلمه شوين شوين وشلون تشغل وشلون تعشق يمار منا حليل سواقته قال الحين اخليك تخذين لك فره بهالروض الخضر بس لا تبعدين قالت ازهل همه وانا اخت فهد يقول الرجال راحت تمشاء شوين شوين وابعدت وانا قاعد اتقهوا من شاهي الشيح يوم ابطت اخت فهد وانا اقمز ادوره وانا انط الحزم يمار السياره متشابطتن مع الطلحه قلت اويليه رحت المرييه كان ما ماتت وش يفكن من اهله جاء طاير وهو يفتح الباب يمار هي تراعيلوه قال افا يم فلان تصدمين الطلحه قالت والله يخيي اني ما صدمته مار هي الي راغت بي يقول السياره غاديتن طحين قطع وجه السياره بضلال الطلحه


وسلامتكم:D
المخاوي
27-11-2003, 12:51
زين اللي صارت بهاالطلحه :D

والله يستر ليامنه تعلمت حركة الريوس :D وش تبي تصدم .

أخي al_hail_

تسلم على هالسالفه ;)
مناكد
27-11-2003, 16:14
al_hail_ حبيبي

صراحه سوالفك حلوات

واحلى شين الريوس..:eek:..


بس ذكرتن بلي شايب الله يرحمه...

كان معزوم حروة النيصيه...يوم اصبح وهو يركب العراوي ويمر البقاله..

ويجيك مشمل..ويمر من عند له طلح إلا والله هالطلحه اعجبته وهو يركز عليه...

ويسولف مع نفسه...يقول لو اننا بهالطلحه اللي مامثله...


اثريه من زود التركيز السياره لفت به عن الخط (قبل الزفلت هالكلام)...وعلى طول تكرفت به بوسط له طلحه..يجي يبي يشغل وتعيي لاتشتغل الملوييه...

وهو يفتح الباب الا والله الشوك متولمن له...وهو ينحشر بوسط الغماره..

ليمار ماله حيله...ولا حوله احدن يجره...وهو يقعد به....

ويبرد حرته بالخبز والمعلبات اللي معه من جبن وقشطه..إلياما شبع...

يوم شبع....الا والرجال يبي ماء...الا ماله حيله...


ربعه الي عازمينه تباطوه وراحو يدورونه...لانهم متعودين انه لازم يبلشهم..

اما مغرزن بله شعيب او متعلقن فوق له رضمه....المهم يوم جوه الا والله الرجال كافتن بالطلحه... واشوى يجرونه ويشغلون سيارته ويسقونه...


عاد ينشدونه عقب ويقولون وش جاك يوم انت تكفت بالطلحه...

ويرد عليهم...ويقول هي اللي راحت بي للطلحه...
ابو غازي
27-11-2003, 16:16
كاتب الرسالة الأصلية : المخاوي
زين اللي صارت بهاالطلحه :D

والله يستر ليامنه تعلمت حركة الريوس :D وش تبي تصدم .

أخي al_hail_

ويش تهقا بالي قاله المخاااوي تسلم على هالسالفه ;)
............................
إقتباس لمشاركة / مناكد
بس ذكرتن بلي شايب الله يرحمه...

كان معزوم حروة النيصيه...يوم اصبح وهو يركب العراوي ويمر البقاله..

ويجيك مشمل..ويمر من عند له طلح إلا والله هالطلحه اعجبته وهو يركز عليه...

ويسولف مع نفسه...يقول لو اننا بهالطلحه اللي مامثله...


اثريه من زود التركيز السياره لفت به عن الخط (قبل الزفلت هالكلام)...وعلى طول تكرفت به بوسط له طلحه..يجي يبي يشغل وتعيي لاتشتغل الملوييه...

وهو يفتح الباب الا والله الشوك متولمن له...وهو ينحشر بوسط الغماره..

ليمار ماله حيله...ولا حوله احدن يجره...وهو يقعد به....

ويبرد حرته بالخبز والمعلبات اللي معه من جبن وقشطه..إلياما شبع...

يوم شبع....الا والرجال يبي ماء...الا ماله حيله...


ربعه الي عازمينه تباطوه وراحو يدورونه...لانهم متعودين انه لازم يبلشهم..

اما مغرزن بله شعيب او متعلقن فوق له رضمه....المهم يوم جوه الا والله الرجال كافتن بالطلحه... واشوى يجرونه ويشغلون سيارته ويسقونه...


عاد ينشدونه عقب ويقولون وش جاك يوم انت تكفت بالطلحه...

ويرد عليهم...ويقول هي اللي راحت بي للطلحه...
..................
حرام عليك يامناكد
ههههههههههههههههههههههههه:p
هذي والله مشاركة منتااازه ياشيخ :mad::D
نزلها بموضوع مستقل
[B]تصدز يامناكد
شايبك هذا مثل رفيدز ابو مقرن الي يقاله ابو مطير
كل يوم وابو مقرن بورطه بسببوه :D
ابو مشاري الشمري
27-11-2003, 19:34
اهههههههههههههههههههههه
خوش تعليم
وشلون لو طبقت حركة السلسلة
كان ماتنجعف الا بله شغيه
وشكرا لك أخوي على هالموضوع الحلو
واليكم القصة
يقولون به له شيبان ثنين ومن هواية الصيد
خذو عفشهم وقالو يالله نبي نقنص
ويمسكون اكالخطوط اللي كله بطناج
ويتجاكرون يقول طايرين والظاهر انهم ماتعدو ستين:)
يقول ابو حمد شوي الا ابو مجزع خطملي ظرب هالخطوط عرض وخذ هالواجه
شكله يشر على الغرب:D
ويوم خذاله شوي يوم حاصتبه السيارة
وهي تنكسبه شرق ويتعرض هالخطوط وسرعته زي ماهيي
أحترفتبه تقل تعدلة مع الخط شوي
وهي تحوص به غرّب
وكل ماقش له رمثه تلف السيارة
وعلى سرعتة
المهم وهو يتنصاله له طلحة
وانا أسمي عليه ابو مجزع وشجاه
نصى هالطلحه لياما صك جذعه
وجيه بسم عليك وشبلاك وشو اللي جاك
قال مادري يابو حمد الدركسون مادري وينه
ويوم اني طالعتلة اليمار طايحن عند رجلين الراكب
اثريه الماخوذ مع البطناج انحلت صامولته ونصل ومن الخرعة الظاهر انه جدعه
بجنبه وهو مايدري وابو مجزع بلش
مايدري ويش يسوي لين وقفته هالطلحه
ويقول ابو حمد اشوى بعد الى هالعمود ماشق صدره
تحياتي لكم
مفتاح14
28-11-2003, 14:04
هههههههههههههههههههه

وين هاللي يطالبون بسواقة الحريم:D

والله ياحنا نبي نبلش بهن بهالشوارع كل شوين متدورعينن بلنا غشيمه :D
اللهم لا شماته بس :p:p


اما هاللي شابطت الطلحه:D
وكاد ان هالطلحه ماهي بشعيب والا تسان مغرزتن قبل تاصله:p




يعطيك الف عافيه يا al_hail_ :)
تحياتي
ابو غازي
28-11-2003, 17:58
ابو 14 مفتااح :rolleyes:
جود ( منااااكد ) :D
عبدالله الجعيثن
01-12-2003, 19:56
والله لو يسوقن ان تغدي نص سالفه

كان شباب السعوديه تدور الواسطات عشان يصيرون بالمرور:D:D
مناكد
02-12-2003, 01:59
السلام عليكم ورحمة الله وبركاته

يوم السبت 5 شوال 1424هـ في العزيزيه (الخبر-شرق العربيه السعوديه)...اني شايف ثنتين,,,حرمتين,,,مرأتين...


يسوقن سيارة نوع صني نيسان...

لاتقولون في شاطيء آرامكو, ولا الجامعه...

بل والله العظيم عند مكان الدبابات اللي قبل الدوار وانت رايح جنوب يعني خارج المجمعات السكنيه...وبطريقة تحدي سافر...


صحيح انهم كانو متنقبات...ومعهم رجل جالس زي البغل على السيت الخلفي...بس وش فايدته...

تدرون ايش تمنيت...















تمنيت ان معي لي دردعه,,,وبإسمي,,,واستمارتها سارية,,,والفعص الغبي ساري,,,والتأمينات ساريه......;);););););););)

والأهم وغداني ماهم معي...

تدرون ايش رايح اسوي...|510|






















أطب في البحر...




ليش...الصني حقت شركه وعليها اسم الشركه...بس من الفاجعه...ماأخذت اسم الشركه...واللا المسافه فقط لاغير خمسة امتار عني....:mad::mad:


والسلام
المحمود
02-12-2003, 12:32
مناكد يامال الصلاح

هذولا شباب الواحد شواربه عرض طبلون الصني

ليتك متحرشن بهم تسان تلقالك خوش غزل

ياخوي وراك ما بلغت لك دورية واللا حديتهم

على الرصيف ياحلالي هالفرّه:D:D
مناكد
02-12-2003, 13:39
اخوي المحمود

انا مادور الغزل ولا غيره:(:(...:D


هذولا ماينفع معهم الحد...:mad::mad:...بس أجيب لنفسي المشاكل اللي تلهد الواحد وهي ماتبرد القلب:mad::mad:...


هذولا ماينفع معهم الا انك تدخل بهم عرض:mad::mad:...حتى السواق يطلع مع الباب الثاني....وخل الباقي للتأمينات...:mad::mad:

ماهي إلزاميه...خلاص...حادث قضاء وقدر;);)....

والا ليش ندفع كل سنه 360 ريال...لازم اننا نحلل هالمبالغ...ماهم المواطنين أولا من هالشركات...:D:D


لاتصدقون وتسوونه...تروا مالي شغل:rolleyes::rolleyes:...فاهمين...

والله المستعان
al_hail_
05-12-2003, 09:51
شكرااااااااااااااااااااااااااااااااااااا ن لكل الاخوان الي عقبو على المشاركه|118||118||118||118|:D:D:D:cool::cool::cool:
المهاة
05-12-2003, 12:49
منو الغشيمة انت و اياه يالتماسيح ..:mad:

قبل تحكون عن سواقتنا .. تعالوا شوفو هالمقطع و علموني منو منكم يقدر يسويها ..;)

http://www.abunawaf.com/group/sliminparkeren.wmv
مفتاح14
05-12-2003, 14:14
8
8
8

داري والله ان سواقتكن كلّه مطامر بمطامر:p

بس اللي بالمقطع ما معناه انه فن سواقه... بس عشان الدركسون يمين:p:cool:
المهاة
05-12-2003, 14:30
مفتاحوووووووووه انت قد ركبت معي قبل ..:p >>> مكسرة سيارات اخوانها ماعاد يطيعون يعطونها .. حتى السواق قام يعي يعطيني المفتاح |8| |8|

اجل عشان الدركسون يمين عيني بعينك اشوف :eek: <<< خلاص سكر عيونك لا تطلع بصراحة ذالوجه يروع بسم الله علي انا وبس .:p


بس تكفى لا تعلم مناكد انها أنا اللي في المشهد يرمي روحه في البحر نبتلش في اولاده ..|513|


مناكد ياخي شفيها لما يسوقون برا .. حتى في البر بتمنعونا ليه هالحكرة حرام عليكم .:(

خلاص بتهرب لا يرتكب مناكد في نفسه جريمة تستاثم فيه :D
مفتاح14
05-12-2003, 14:49
هههههههههه ايه بالذااات لاصار السواق متسعود هو وشماغ العقل مقاس 30 :p:p:p:p
وبعدين يمدحووون السيارات اللي بالملاهي لعبة البنات المفضله :)

بس قبل تركبون تأكدوا ان الشارع فاضي والسرعه على اقل شي لا تستاثمون بخلق الله :p:p
المهاة
05-12-2003, 15:02
وش سيارات الملاهي ..:mad::mad:


احمد ربك مانت واحد من الشباب ركب معي مرة و معه كاسة شاي ملياااااانة و حاااااااارة .. و ادوس على البنزين بكل قوتي .. بجيب لاند كروزر .. و اطمر طعس بكبره مو بس شجرة و عينك ماتشوف الا الشاااااااااي .. :D:D

بس و الله كسر خاطري اخيي .. و المشكلة انه ما قالي شي .. |13| >>>و الله لو دعسها وقتها دواها .|512|

فديته بعد عمري لو انه الي الحين مايرضا يركب معي و لا يعطيني سيارته .. |5|
مفتاح14
05-12-2003, 15:31
ياوسع صدر اخووتس عليتس:confused:


بس اكيد ماسكت الا ان له مصلحه عندتس.. يمكن البنزين قرّب يخلص ويبي يعبي على حسابتس:p:p


اذا تبين تسوقين ثاني مره قولي له البنزين علي .. وتراه يواااافق على طوووووول:p


<<-- اكبر همه البنزين:p
مناكد
05-12-2003, 18:27
المهاه

غشامتكن على كيفكن...يابغيتنه حاضره ماتدورنه...بس بصراحه بالسواقه غشيمات...والوحده ليامنه مسكة الدركسون تخوبلت...لو هي بله سهله ماحوله احد...
س: تقدرين تقولين لنا وش السبب؟

بس تدرين ليتهم يسمحون لكن انكن تسوقن...ونفتك من هالسواقين اللي ليا شافو الزحمه او بعض المواقف الحرجه تخوبلوا مثلكن أو أردى...:D

وبعد اغدينا إنتخلص منكن...:rolleyes::rolleyes:



مفتاح 14

حتى بسيارات الملاهي...يخقن...ويتخوبلن:eek: شفهن بفؤاد سنتر وشلون سواقتهن:mad:

اما من ناحية البانزين...انت تقوله صاق...والله انه بعذره...انا إذا ولعت اللمبه يبي لي 130 ريال حتى أعبي فل...وليت اني ألقا أحدٍ يبيني أعلمه السواقه ويعبي لي بانزين...كان وناسه وناسه وناسه...:D:D:D
شخاط
05-12-2003, 23:33
كخخخخخخخخخخخخخخخخخخخخخخخخخخ

الله يقطع سوالفك ياشيخ

مشكور على المشاركه

يالربع

اقول لو ترسبونهن حمير يما يتدربن :D


وانا خايفن عليكن ياخواتي صحتكن غاليه علينا حيل ;)

المها

لقطتس كلن يعرف يسويه

يشفنا الحمير اقصد الحريم:D

ومشتهينن النذخه ;) نسوي البلاوي مار زلن عن طريقنا ياحلالي :cool:

شخطاتي الحاره
شموخ
06-12-2003, 01:02
شخاط

حمير حراااااام عليك بالعكس بيكثر الخوف عندنا من الحمير يمكن نطيح :D:D

المهاة

ماشاء الله عليك تسوقين ولاندكروزر مره وحده صراحه السياره ماعندي جرأه اسوقها اخاف ،شوفي انا السلاح اقدر ارمي به وعندي معرفه بسيطه فيه كيف اعبي الرصاص مثلا في مسدس ابو محاله وكيف ارمي به ايضا الساكتون وهذه احلى شي عندي خفيفه واحب اتحدى اخواني في من يصيب الهدف .لكن السياره مستحيل حاول اخوي فهد يعلمني بس رفضت لاني خوافه احس اخطارها اكثر .

تحياتي
شموخ
المهاة
06-12-2003, 01:08
مفتاح شرايك تعطيني سيارتك و اعبيها لك فل ..:D:D:D

>>> بتاخذ من اخوها عشان تعبي سيارتك :rolleyes:


***


مناكد اجل تبي تتخلص منا .. :confused: ليه شسوينا لك الله يسامحك .. :(

بعدين في السواقة مثلنا مثلكم منا غشيمات و منا من تتحداكم و اللي ما يصدق ياخذ لفة في الثمامة ..;)

و الحين شف الحوادث الله يحييك و كلها منكم يالتماسيح .. لاننا مابعد سقنا .

و لما نسوق او من بصدمه انت و مفتاحوه و شخاطوه ..:mad: >>> يعني صادمه صادمه الله لا يعوق بشر ..:p

اما سيارات الملاهي ما تعطونا فرصة جعله في وجيهكم .. بعدين من الهبلا اللي تركبها وسط مستنقع تماسيح .. :mad:

انا اعرف اسوق مابي تعلمني بس عطني سيارتك و اغرقها بانزين مو بس اعبيها :D:D


***


تسلم شخاط على خوفك علينا مع اني مستغربته .. مدري وش بينك وبين الحريم شكل حتفك على يد مرة ..:D:D

بعدين الحميــــــــ ... اللي تحكي عنهن هن اللي خلفنكم منهن امك و خواتك ..;) و يكفي انكم خطر تقطعون انفسكم لما تشوفنهن و انت تقوله ..;)

اما تعرفون تسوونها كثر منها ..:p

***

الحمد لله شموخة أعرف اسوق و اتمنى يعطوني فرصة اتعلم السلاح صح لان عندي احساس ابلتقي شخاط في يوم ما ..:D:D

شموخ وربي سهلة مرة و ممتعة و ذا التماسيح شايفين حالهم علينا فيها .. قوي قلبك و جربي .. ;)
شموخ
06-12-2003, 01:28
المهاة
يالله علميني السواقه واعلمك الرمي بالسلاح
وربي سهل يالمهاة وبالذات ابو محاله سهل فتحه وتركيب الرصاص فيه والساكتون الاطفال يعرفون لها لكن الرشاش صراحه ثقيل بالرمي واللي بقلبه شي المفروض مايرمي فيه لانه يمكن يأثر عليه وعلى العموم مممتع الرمي .

تحياتي
شموخ
ابو مشاري الشمري
06-12-2003, 07:22
اووووووووووف
اثري السالفه صدق وأنا احسبه مزح
وأنا جبت سالفة ابو حمد وأبو مجزع

انت شايف حريم يسوقون
ومعهم لطخ
افا والله يعني صارت صدق السالفه
أقول انا خارج الموضوع
سلالالالالالالالالام
مناكد
06-12-2003, 07:35
|112| |112|انتن يالإرهابيات..|112| |112|

|110|ماسلمنا منكن وانتن مامعكن سلاح...|111|

أجل وشلون لو كل وحدةٍ متجندةٍ له مسدس أو رشاش...

لا وكان تدورن على السلاح الكيماوي زود...|76| |76| |76| |76|


ورايح تغيرن اساميكن إلى:

شموخ= الجمرة الخبيثة

المهاة= غاز الخردل


لا وهالإرهابيه تبي سيارتي...وين النيه إنشاء الله؟|51| |51|

والسلام.
شموخ
06-12-2003, 13:55
مناكد

انت ليش حاسدنا العلم خلنا نتعلم يالطيف كل هذا حقد علينا :D:D

وبعدين محد يبي سيارتك تكفينا اللاند كروزر حقت المهاة :):) هي تسوق وانا على الباب الايمن بالسلاح معها

|112| |112| |112|


تحياتي
شموخ
مناكد
06-12-2003, 15:22
الله يستر منكن.:p:p:p:p:p:p:p:p:p:p:p:p:p
الله يستر منكن.:p:p:p:p:p:p:p:p:p:p:p:p:p
الله يستر منكن.:p:p:p:p:p:p:p:p:p:p:p:p:p
الله يستر منكن.:p:p:p:p:p:p:p:p:p:p:p:p:p
الله يستر منكن.:p:p:p:p:p:p:p:p:p:p:p:p:p
الله يستر منكن.:p:p:p:p:p:p:p:p:p:p:p:p:p
الله يستر منكن.:p:p:p:p:p:p:p:p:p:p:p:p:p
الله يستر منكن.:p:p:p:p:p:p:p:p:p:p:p:p:p
الله يستر منكن.:p:p:p:p:p:p:p:p:p:p:p:p:p
al_hail_
06-12-2003, 16:15
<<<< راح يعلم البنات السواقه بالهاف مون الصبح برمضان |118||118|


<<<<< رجع تاشيره ويالله لقينا ليموزين :(:(:(

احرقن الكلتش حق السياره|8||8||8|
سليمان الرشيد
08-12-2003, 06:02
بصراحه قصه جدا شيقه بعنوان اخت فهد والطلحه




وربي ان ساقن ان تغدي الرياض زيطه

الواحد يالله يوصل لمشواره الى نفسه منقطع وهي على هالحاله
وشلون الى ساقن ان تغدي الشوراع زيطه عاد بالرياض ( القيادة فن واخلاق ) الثانيه ياقل ما تشوفه

ولا مسلحات بعد مثل راعية ابو محاله |13|

تعلموا الرمي زين بس عاد مهو علينا
وبعض الناس يا وجده النياشين تكون تماسيح ;)