وين المفاليس ووين اللي قضو عمرهم مع حريم جيل عايشة المرطى

[عبدالعزيز]

مابهكا الجيل والله الا الطيب والاخلاق والعلوم اللي تقود الوجه ... رجاله وحريمه لكن الزين ببنت حوا يسعى له ابن ادم
ياعيال
قبل فترة سير علي واحد بالحوطة
وتخبرون سوالف الاستراحات كله ناكسة للمرح
المهم اننا خشينا بسوالف العروس وبما ان اخوياي كلهم معرسين تهيضو لهالسوالف ... بعضهم يطري المرة الثانية ومايرده الا بعض الامور اما المادية او الخاصة وبعضهم ماعندوه نية وبعضهم لاوالله الا واطية غاربوه المعزبة
المهم ان هاللي سير قال يالربع ترو عروس المسيار مدهرة هاليومين
اللي قال ماهو زين واللي قال خرطي مامن مسيار واللي اسبط جايزتن لوه السالفة وانا من هاللي جازت لهم السالفة
يقول خوينا
ان بوه ولد عم لوه راح لجدة وسمع بشيخ يعين على ستر بنات الناس بالمسيار
قال ابيه وفعلاً راح لموه وطلب اللي هو طلب من مواصفات وقال لوه الشيخ اتصل عليك عقب يومين وفعلاً اتصل عليه وقال المرة بالمتسان الفلاني بيته
يقول وانا ادق سلف واروح للوصف ولمار هذا البيت واليا هذا الاخو يرحب ويهلي
وعقب ماتقهويت فتحت هالسالفة وقلت ابي اشوف البنت واليا هاذي البنت المملوحة المؤدبة القبلية اللي والله ماتمنى له العدو عريس
يقول سولفت معه وخذيت وعطيت بأمور العرس وتخالفنا على مسألة اني اجي لجدة كل اسبوع ... العلم ان الدعوا ماتمت مع ان المرة ماهي فارضة العيال عليه لان عنده ولد ولاتبي منه مصروف لانه مدرسة وساكنة بفلة له هي ولامعه احد به ماغير هالوليد والشغالة .. المهم ان الله ماكتب نصيب
يقول الرجال يوم طلعت واليا هذا الشيخ كلم يستفسر قلت لوه مالله كتب يافلان واللي ردن عنه ورده عني كيت وكيت وكيت
قال الشيخ لاصار هذا اللي ردك تبي بحايل ؟ القصيم؟ الزلفي؟ الرياض؟ اللي انت تبي بس قل ابي هكا الديرة وعطن وقت
... هذا اللي صار مع الرجال
وحنا يالحاضرين تهيضنا لهالسالفة ... أستانس من استانس وخارو بعض هاللي يدعون ان ضباعهم مايردنهم
وانتم ياللي قريتو هالموضوع لكم الحتسي
وش رايكم بهالامر هو موافتس ولا لا؟؟
ومن قال انا عديلك يابوسعود:)

[المهاة]

سوري اعرف الحكي مو لي .. بس بوجه السؤال لك عبدالعزيز ..

ترضاه على اختك يابو سعود ...؟؟:confused:

[عبدالعزيز]

حسب الحالة يامها
عندك مثال
شمري كان يعمل سائق بمدرسة بنات بحايل اختاره الله ولابقى لبناته احد بهالدنيا غير أمهن الفراشة بنفس المدرسة زوجت بناته الثلاث مسيار
بعد مااعرسن ثارو عليه جماعة عياله ووقفت بوجيههم تقول إن خفت فماأخاف الا منكم عليهن لان القيل والقال مايطلع الا منكم وليتكم عفيتو بهن وسترتوهن وتقدم منكم احد يطلبها لولده ولا له لو زوجة ثانية ...تمر عروس عيالكم على بنات بعيد الناس و تاركينهن .. وفعلا ماحد رد على ماقالت

هذي حدى الحالات المجبرة على هالشي
ومثل هالحجازية اللي ذكرت هاذي حريصة على ولده ... تبي تربيه ولا لاحد كلمه عليه خصوصاً وأن الله عازه بهالوظيفة وكذلك السنين هاللي تاكل من عمره ولا له حيلة على العرس الا بهالطريق
وغيره احتمال تكون وحيدة والديه ومحتاجين منها رعاية
وغيرهن كلهن ماله والي
وغيرهن اللي تعيبه وظيفته واكثرهن العاملات بالطب
والاسباب واجد يامها .....عسى الله مايبلاك ولايبلا خواتنا بمابلاهم
وللعلم
ترا زواج المسيار وجد لتوافقه مع الرجل غالباً ولا من بغى يسكن ببيت المرة عادي ولا فيها شي عند المر|ة نفسها
وعن نفسي ماأقدر أجاوب لأنه حسب الحالة والله اعلم باللي يبي يصير
واعتقد اني ازوجه مسيار افضل من انه تقعد عانسة والامر يرجع له ولا اعتقد ان اي بنت تجبر على زواج المسيار او العنوسة ترفض هالزواج خصوصصاً انه حلااااااااال

[المهاة]

اوكي هو حلال ماقلنا شي ..
لكن وين الهدف من الزواج فيه ..؟

الزواج مودة وسكن في المرتبة الاولى .. و كلنا نعرف انه المودة و السكن رابطة اقوى حتى من الحب .. كثير من الازواج يحبون بعض لكن ماتحملوا يعيشون مع بعض .. لانهم مايتحملون طبايع بعضهم ..


بعدين مع احترامي من يعتبر ان الزواج اعفاف بالصورة اللي تصورونها فيه من خلال زواج المسيار بصراحة تفكيره حيواني .. :o:o

مهما كانت الظروف مستحيل احد يقبله على بناته .. و كمان مع احترامي للجميـــــــــع اعتقد اي رجال يقبل فيه لنفسه مافيه ذرة رجولة .. :o

اذا ما هو قد العرس و تحمل مسئولياته ليه يعرس ..؟
مو المسألة ماديات صدقني الحرمة لما تحب زوجها و تثق فيه راح تقدم له عيونها مو بس اموالها .. لكن وين دور هالزوج لما تكون زوجته محتاجته ..؟ او يكون نتج عن هالزواج طفل وش بيكون مصيره ..؟ و وش بيكون رايه في ابوه لما يكبر ..؟

اتوقع انه حتى لو الحرمة ظروفها اضطرتها انه زوجها يجيها في بيتها لكن يكون زواج وفق السنة .. ماهو سرقة و لا في الخفاء ..!! و لاهو مسيار ..!!


احترم رايك اخوي ابو سعود .. لكن اختلف معك و مع كل من يوافق عليه من الجنسين مهما كانت المبررات .. بصراحة العنوسة ابرك مليون مرة من هالمهانة ..:mad:

و ليت شبابنا لما يكونون في منتداياتهم ( الشبات او الاستراحات ) يناقشون قضايا الامة المصيرية ماكان هذا حالنا .. لكن للاسف بيظل تفكيرنا محصور بشهواتنا و ايسر السبل لاشباعها فقط ..!!

بصراحة وان كان هالزواج حلال الا انه يذكرني بزواج المتعة عند الروافض و مدى مهانة المرأة فيه ..:(

لعل يكون لي عودة لو شعرت اني راح اقدم مفيد في الموضوع .. بعد اذنك اخوي ابو سعود طبعا .

[سالم]

ابو العز وش السالفه ;)

مشينا عالماسنجر ؟؟

ابيك ضروري ضروري ;)

تشاوووووووووووووووووووووووووووووووووو

[عبدالعزيز]

ومن ماله حيلة على توفير السكن وش يسوي؟
واللي ماله حيلة على تقسيط ددسنين غمارتين وفوقهن غمارة وتايد وش يعمل؟
سالفة العيال بالمسيار
اللي اعرفه انه بعد ماتولد المرأة يؤمن الرجل لها السكن ويعالج هالوضع مهعه الين يوصلون لنتيجة .... هذولا البنات منهن
اعطيك صورة للمسيار ثانية
خالي {من اقرب الناس} بيوم من الايام حب يكمل دراسته برا واستاذن ابوه وامه اللي هي جدتي وافقو له بشرط انه يتزوج قبل مايمشي
تزوج الرجال وخلا مرته عند اهله وبالاجازات يجي لهم واستمرت دراسته خمس سنوات ورجع لمرته وطلع به ببيت لحاله وولده معهم
أسس نفسه الرجال وأمن دخل يقويه على فتح بيت وفعلاً فتحه
اما حيواني وماحيواني
هذولا الحريم متكيات بشارع عفنان العصر بحايل اما يشحذن ولا يشتغلن شغالات بالبيوت او صبابات بالعروس او منجدات اثاث ... ليتك تدرين انه بالعطلة الماضية تزوج سوداني سعودية من عفنان نفسه
ماهم لاقين حتى المسيار
العلم اني ناقص رجولة مدامي فكرت آخذ حيوانة ... شكراً

لاتطبقين هالشي على حالتك المادية والاجتماعية مها شوفي غيرك أو أسألي عن احوالهم ... الله من ابو بنية وبنية تدور الستر باللي هو بوه .. والبيوت اسرارمايعرفه الاالعزيز الحكيم الله لايحدك ويحد من يقرا عليهن

سالم
شف بعد حيي
اما انت والله والسبع انعام
ولو تحنقز تحنقز مادليتك عليه
عن نفسي والله ماارضى بك لشغالاتنا عريس ماهو عاد بنت سعودية:D:p

[عبدالعزيز]

تكملة للرد
اما الاستراحات اقرب صورة امثلها لك فيها هي الشات
سوالف تريترا ... شقل السوالف هذا مثل سلام عليكم
والسمع بهالاستراحات ماينصت الا لست أمور
الاول طلعات البر والتفاهم عليه
والثاني للسفر ووين الوجهة
والثالث للضيف لاصار اول مرة جاي ولا من الثانية وورا زرقته مثل سلام عليكم
والرابع لنب العزايم والعشيان
والخامس لسوالف العروس
والسادس للفنانات بالتلفزيون
وهذا انا ناقل حديهن من الاستراحة واشرت لهالشي:)
اما قضايا الامة وماقضاياه فماهي عند وجيهنا حله له رجاله وهذولاهم يجاهدون هناك
مثل ماقلتي {للأسف} حتى حنا نفسنا نتأسف على مايفوت لكن وش باليد من حيلة؟

على العين والراس اغلب ماقلتي الا سالفة التذكير بزواج المتعة
مافيه اي وجه شبه بين الاثنين
بالعكس المتعة يلزم ايجاد السكن للمرأة:)

[المشرف العام]

أخي عبدالعزيز ..

ياليت لو توضح إذا كان هناك فتوى شرعيّه بجوازه من عدمه ؟

وكذلك شروط هذا النوع من الزواج ؟


بس عشان الواحد يعرف راسه من رجليه:D


تشششششششاو

[عبدالعزيز]

هلا هلا ابوسلطان:D
كتب - محمد الغنيم:

حذر الشيخ الدكتور ابراهيم الخضيري القاضي بالمحكمة الكبرى بالرياض من السلبيات الكثيرة الناجمة عما يسمى "بزواج المسيار" مؤكداً أن مشاكل هذا النوع من الزواج لن تظهر على السطح حالياً ولكنها تحتاج لفترة طويلة حتى تظهر بوضوح في المجتمع.
وقال د. الخضيري في تصريح لـ "الرياض" ان زواج المسيار زواج شرعي والأصل أنه مباح وسبق ان بُحث من عدة أوجه شرعية، كما أنه معروف في منطقة نجد قبل اكثر من (50) سنة ويسمى في القصيم بزواج "الضحوية" وتكمن ضرورته في زمننا هذا لكثرة الرجال الذين سيطرت عليهم نسائهم اضافة لوجود نساء لهن ظروف خاصة أو "ترجّلن" وأصبحن لا يردن الرجل إلا لقضاء رغباتهن بالحلال وهذا معروف منذ القدم، ولكن تبقى قضية أخلاقيات الناس في التعامل مع هذا الزواج ضرورية في هذا الجانب الهام.
وأكد د. الخضيري على ضرورة أن يكون هذا الزواج موثقاً بالبينة الشرعية وأن يكون الزوج كريماً وملتزماً بالقيود الشرعية وكذلك المرأة، داعياً الجميع إلى التأسي بسنة النبي صلى الله عليه وسلم وزوجاته المؤمنات الكريمات ليعرف الجميع قيمة الحياة والزواج ويستشعروا عظم المسؤولية في ذلك، حيث ظهرت في هذا حكمة (التعدد) التي شرعها الله عز وجل وقيمه الإسلام في تعاليمه النبيلة رغم ما يظهره الإعلام السلبي في بعض المجتمعات عن التعدد واصفاً إياه بالجريمة وبرغم ما يحصل من البعض من نظرة قاصرة وضيّقة عن الزوجة الثانية التي يرى 90% أنها عدو للأسرة و10% فقط يرونها بنظرة صحيحة وأن لها حقوقها ومكانتها وقيمتها في الأسرة والمجتمع.
وعدّد د. الخضيري في تصريحه بعض سلبيات زواج المسيار من بينها فقد الرجل لكرامته على المرأة، واعتبارها إياه كعابر السبيل الذي يأتي لقضاء حاجته ثم يخرج، وكذلك من سلبيات هذا النوع من الزواج تضرر الأبناء بإهمال أبيهم أو من إنكاره لهم.
ولفت الخضيري في نهاية تصريحه الى عدم وجود قضايا ومشاكل في المحكمة الكبرى بالرياض حول هذا الزواج لأن الزوجة متى ما نفرت من زوجها تغلق الأبواب في وجهه بكل بساطة فيرسل لها ورقة طلاقها.
#
جريدة الرياض
http://www.alriyadh.com.sa/Contents/20-03-2003/Mainpage/LOCAL1_6378.php

هاه ماتبي رقموه;)

[شموخ]

[QUOTE]كاتب الرسالة الأصلية : (عبدالعزيز)
[B]
... ليتك تدرين انه بالعطلة الماضية تزوج سوداني سعودية من عفنان نفسه
ماهم لاقين حتى المسيار.....

[HR]:eek::eek::eek::eek::eek::eek::eek::eek::eek::eek::eek::eek::eek:


يالطيف .

شموخ

[المهاة]

[

كاتب الرسالة الأصلية : (عبدالعزيز)
العلم اني ناقص رجولة مدامي فكرت آخذ حيوانة ... شكراً

:

شوف ابو سعود .. اولا رجاء ماتحمل كلامي على وجه خاص .. الكلام مو موجه لك و انا ما احكي عنك انا اقول رأيي بشكل عام .

ماعليه ابو سعود دائما انا وانت مختلفين مو جديد .. لكن اتمنى انك ماتعتبر كلامي موجه لشخصك .. اكرر احكي بشكل عــــــــــــام ..


بعدين اللي سواه خالك مع احترامي غلط .. وش الفايدة من الزواج لما بيتزوج و بيسافر ويتركها ..؟ :confused:


و مسألة الزواج من سوداني او باكستاني او سعودي اعتقد مافيه فرق .. مادام قادر فعلا يتحمل تبعات الزواج .. الحريم اللي تحكي عن ظروفهم صح يمكن انا ما اتخيل وضعهم حتى لو حاولت بس مافيه احد يموت من الجوع .. و الشغل مو عيب مادام حلال .. لكن ما أعتقد فيه ظرف يضطرني اهين نفسي لهالحد .. مو مشكلة اتزوج اكون ثانية ثالثة رابعة بس انسان قادر يكون رجالي أعتمد عليه احس معه بالامان مو اني اعمل حاجة غلط ..و اللي تقول عنهم وش بيضيف لهم زواج المسيار الله يبارك فيك ...؟؟!!!!:(

و قلت مو المسألة السكن زوجي لو احبه اسكنه قلبي و عيوني قبل بيتي بس يكون زوجي فعلا مو وقت فرغته طال عمره ..:mad:

بعدين ذا الموضوع فعلا راح يفتح على المجتمع باب شر ماحد راح يقدر يقفله نهائي ..


***

أبو سلطان شوف ام سلطان تناديك ..:(

***

سالم ترا صاحبك ابو نجمة وصل روح اذبح الذبايح له..:p


ماعليه ابو سعود اتمنى مجددا انك تتذكر اني اناقش الموضوع ما انقد شخصك او رايك ..

[سليمان الرشيد]

بصراحه نقاشكم ممتع ومتابع لكم استمروا

وبالنسبه لرائي يابو سعود شخصيا اقول الله لا يحدني عليه


ابو سلطان تقول تبي فتوى ( عشان الواحد يعرف راسه من رجليه ) |510|

[المشرف العام]

^
^
ياحبّكم لنثر الشّر :(

.

مداخلتي كانت من واجبي الاداري البحت ;)

كان بودّي إظهار الوجهه الشرعيه فيه .. فقط لا اكثر ولا اقل:p

.

مادام هالزّواج فيه امتهان لكرامة الرجل .. على قولة الدكتور ، يامللي ما يسوى الرجل جلخ بصله من دون كرامه|118|


همسه :
اشوف مواضيعكم في العشر التوالي كلّها عن : الزواج بأخرى والحماه وهالحين زواج المسيار

الله يخااااارجنا:D

[عبدالعزيز]

لطيف ولامالطيف هذا اللي صار ياشموخ بس عاد وش اللي
وللعلم:سكان حي عفنان عبيد وكلنا عبيد لله يعني تهون شوي الحالة

واما انتي يامها تسلمين والله ومن ناحية المسيار فكي حلقي يابنت الحلال تريتس دبلتي عمود قاعة تسبدي بس ملاليه :D
احمد ربي ان مانتي من اللي يطالبهن بفك بعض القيود عن المرأة ولا لو انتي معهن تسان مبطيييييييي اخذاتن اللي هن يبن

ولعلمكم اللي سير علي وقال هالحتسي تروه الصارم
والرجال نوى نية مابه رجعة
وكلامنا كله يتركز حول المسيار .. والمسيار بالرغم مايقال عنه ويحط بوه من العذاريب الا انوه ماشي ويزيدون طلاليبوه .... يعني نااااااااجح

ابوسلوم
يضهر لي انه المرة الاولة اللي نتواجه به يالطربة ... ألف هلا والف مسهلا بك
ولاصرت مانت معي ترك ماتنلام والله يلوم اللي يلومك على هالراي
أشي أحمر وأشي أصفر وألوان الطيف كله بهالديرة اللي انت به الله يغربل اهله جميع ومانت معهم
المشكلة هاذي لنا حنا ياهل الداخل من والله قرادة حظنا
ولاتهقوى ببو سلطان راعوه خار عني:(

يابوسلطان
وانت تطيع حتسي هالكتور الله يهديك|513|
راع بوه فتوى ثانية للمفتي بهالخصوص عجزان والله احفر بقوقل عنه
وسالفة جلوخ البصل تر معاريس هالوقت كله دقاريش
ميييييييييح ماحولك احد :){يشتغل توصيل طلبات بمطعم}

[المهاة]

كاتب الرسالة الأصلية : (عبدالعزيز)
واما انتي يامها تسلمين والله ومن ناحية المسيار فكي حلقي يابنت الحلال تريتس دبلتي عمود قاعة تسبدي بس ملاليه :D
احمد ربي ان مانتي من اللي يطالبهن بفك بعض القيود عن المرأة ولا لو انتي معهن تسان مبطيييييييي اخذاتن اللي هن يبن

ولعلمكم اللي سير علي وقال هالحتسي تروه الصارم
والرجال نوى نية مابه رجعة
وكلامنا كله يتركز حول المسيار .. والمسيار بالرغم مايقال عنه ويحط بوه من العذاريب الا انوه ماشي ويزيدون طلاليبوه .... يعني نااااااااجح




تسلم أخوي أبو سعود .. شهادة أعتز فيها و الله و يشرفني انها منك ..:cool:

أما الصارم الله يعينه وش بيفكه مني ذا الحين ..:mad: تكفى ابو سعود اسحبه نتفاهم معه هنا .. :)

اما سليمان خليه في دراسته و الا وظيفته ..و ابو سلطان ترا بعلم عليك ام سلطان .. تكفى خليك بعيد عنهم الله يرضا عليك و يزوجك اربع في ليلة ..:D >>> حاقدة و بقوووووة :p

[الغثه]

الله وناسه

بس اهم شي انه تكد علي


اوكي ابو سعود انا عديلك


ومنو يقول عديل ابو سعود وابو سعد


<<< انا ابو سعد


الغثه:p

[سليمان الرشيد]

هلا بك ابوسعود نعم اول مره نتواجه :)

وبما ان السالفه بالدكه فالدعوه به شوي مرح ومزح

( تقول اجل اشي احمر اوشي اصفر ....) ما ودك تسير علينا قبل مانرجع وتشوفهم على الطبيعه (...):(

المهاة ...شكرا بس ودي احكي بصراحه المواضيع الي مثل كذا زينه :)


وهالكلام للضحك لان رائي قلته فوق .....
على سالفة هالمسيار يابو سعود الدعوه سهله ولاهنا التزامات بالحيل فا بعد عرسك الاول صف الباقيات الثلاث كلهن مسيار ( حلال محله الله ) وتطرب وتستانس بس ما هقيت احد يرضى بالساهل.........يقلون محدودات الي يرضن بالمسيار :(

[عبدالعزيز]

اوي والله البلشة .... الصارم من هكا اليوم مادخل
طالبتس طلبة خليه ... تري الرجال مايتحمل نظل اللي بوه مكفيه


الغثة تكد عليك وتكد على عشرة مثلك.. حبيبي والله انت


هلا سليمان
ماعليك من مها يابن الحلال طبيعته دكتاتورية لو تقول له المسيار ماهو زين قالت الا :)
وسوالف وكالة يقولون ماعليك منه ... الحريم على قفا من يشيل :)
مع اني مااشير بهالشي للعزوبية يصلح للي يبون يجددون شبابهم مثل ابوسلطان
واما الجية لك هذا شي ملزوم به انا كل سنة لصلة الرحم
ولو هاذي ديارالخوال الله يرضى عليك

[سليمان الرشيد]

هلا ابو سعود

اما مها ما اقول شي انت ويهاها تصلحون وانا توي جديد بالمضايف اصبر علينا شوي
وكالة يقلون انا احكي عن اول ما طلع هالمسيار والكلام من الرياض
وانت بـ ( العزوه حايل ) اكيد يختلف الوضع عن الرياض |13|

وانا معك ما يصلح للزواج الاول وقلت لك (الله لا يحدنا عليه ) و الحمد لله ما حدنا الله عليه

وصلة الرحم زينه بس خلها بالرياض ولا بحايل اما هنا ابعد عنهم انت ابرك لك

اجل ديار الخوال الله يرضى عليك |1|

[المهاة]

احد نادى علي ..؟؟ |3|

اقول شباب موفقين و الله يقويكم |110|

تكفى سليمان اعزم عبدالعزيز و خليه يمسك سرى في طابور كاشير عشان يشوف الالوان على الطبيعة |81|

[سليمان الرشيد]

هلا يا مها

بالتوفيق للجميع
وبالنسبه للعزيمه الرجال يطري صلة الرحم والجيه وننتظر الرد بس شكلي باعود ما رد علينا ابو سعود


ابو سعود مها كل عام وانتم بخير وايامكم سعيده

[ابو غازي]

ويش االسااالفه
اشوف كلاشنكوووف بهاااه
نفزع يابو سعود ;)