المساعد الشخصي الرقمي

مشاهدة النسخة كاملة : أهداء لبو سلطان..والمعذره عن القصور..


ابو مشاري الشمري
20-11-2003, 03:52
هديه مني لشخص عزيز على قلوبنا
شخص سهر الليالي لكي يطور هاذى المضيف الشامخ مضايف شمر
وفعلا طوره وأصبح من أرقى المنتديات الموجودة على الشبكة العنكبوتية
ونفتخر ونتعز بوجود شخص مثلك
سلمت يمينك وبيض الله وجهك
وأنا أعتبرك قدوة لنا وأتمنى أن أكون مثلك
كنت ولا زلت أنت الوحيد اللي أتمنى أن أمسك طريقك
بما أرى فيك كل خيرياوجه الخير
أعذروني يالربع ماني بشاعر بس قلت يابو مشاري
حاول أغديك تصير شاعر ولوا أنك تخبص
المهم قلت أكتب اللي اقدر عليه لهذا الشخص الشامخ
أبو سلطان
وأعذروني عن التقصير


الله معك ياسيدي وين مارحت=ومنــين ما وجهت دربك أدلك
حتى مكانك شف مكانك إذا أمرحت=ودي أجيك اليوم وآخذ محلك
درب النشا ما ماسكه ماتريحت= ومادام دربك عز بأخذ سجلك
أفلحتنا بالصيت يالقرم و أفلحت= شفني قريب الآن ظلي بظلك
لي الفخر وأنا أفتخر فيك مانحت=دامك رفيع الرأس بأفخر بجلك
وأعتز أنا بالطيب لطيب ما صحت= كل المراجل حا يشه خبرتن لك
دامك رفيع الجاه للجاه مالحـــت=آمر تدلل كــــــــلنا فدوتن لك
والله مقصر وأعترف لو تمدّحت=أني مقصر بس صيتك يدلك
سلمان النبهان
20-11-2003, 04:16
صح لسانك اخي ابو مشاري وبادره طيبه من اصيل
وابو سلطان يستاهل المدح يعطيك العافيه ماقصرت....
ورمز المضايف يستحق الكثير والكثير منا جميعا ...
شموخ
20-11-2003, 06:31
امر تدلل كلنا فدوتن لك

:):):):):) حلووووووو

الله معك ياسيدي وين مارحت .....ومنين ماوجهت دربك ادلك

الله معك يابو سلطان والله يوفقك ويعينك .

ومشكور يابو مشاري على هالرائعه وشاعر يارجال وش بلاك خايف من عوينات المهاة :):):).

تحياتي لك اختك
شموخ
المشرف العام
20-11-2003, 19:14
أبو مشاري ..

تبقى الكلمات حبيسة لساني .. ليست من شحّ الكلمات

بل من قلّة الكلمات التي تليق بمقام شخصك الكريم ..

بارك الله فيك ..

وأشهد الله انني اكنّ لك صافي الود والاحترام والتقدير

وأدعوه سبحانه .. ان اكون دائما وابدا عند حسن تطلّعاتكِ بي

وكلمات .. اروع ما قرأت ، لا يعنيني جودة القوافي وبلاغه الوصف .. مع انّها كذلك ، ولكن يكفيني انّها خرجت من قلب ابو مشاري قبل ان تمر على لسانه ..

ادام الله هذا الحب والتقدير والاحترام بيننا واللهم لا تغيّر حالنا إلاّ إلى الأفضل

اخوك المحب

ابو سلطان
ابو غازي
20-11-2003, 19:38
السلام عليكم ورحمة الله وبركاته
االأخ االقدير
االزميل
نجم فلة حجاااج
عديلي ابو مشاااري
بيض الله وجهك ماقصرت وابو ســـــــــــلطااان
يستااهل ومهما نقول لن نفي ولو بالقليل بحق
هذا الإنسااان االشهم االرائع والمتوااضع بكل شي
مشكور يابو مشاااري وصح لســـــــــــااانك مليون
اخوك ابو غاااازي
المهاة
20-11-2003, 20:05
رائع الوفاء من أهله ابو مشاري ..

و الأروع أن يكون لمن يستحقه ..

http://pcs.fares.net/images/than006.gif
ابو مشاري الشمري
20-11-2003, 21:36
صح بدنك أخوي سلمان
وشكرا لمرورك
ابو مشاري الشمري
20-11-2003, 21:37
أختي شموخ
شكرا لك
عوينات المهاة اللي صارت هناك
بديت أخاف
تحياتي
ابو مشاري الشمري
20-11-2003, 21:41
أخي العزيز أبو سلطان
تسلم على هالكلمات اللتي قلتها
حقيقة أعطيتني أكبر من حقي
ومهما كتبنا وقلنا ولا نأصل ولو جزئي بسيط مما تستحق
الله يوفقك بما فيه الخير
تحياتي لك
ابو مشاري الشمري
20-11-2003, 21:43
العديل
هلابك يابو غازي
وصح بدنك
شكلي ابصير شاعر بس متى مادري
شكرا لك يالعديل
والله يحفظك
تحياتي
ابو مشاري الشمري
20-11-2003, 21:45
عيون لا مانبي تكفين
اهههههههههههههههههه
أختي العزيزة المهاة
تسلمين والله
وشكرا على ردك الجميل
تحياتي
هايس الشمري
20-11-2003, 22:13
ابو مشاااااااري


صح لساااانك ملايين

و يستاهل ابو سلطان




((الذيب))
ابو مشاري الشمري
21-11-2003, 01:13
صح بدنك يالذيب
فعلا يستاهل أبو سلطان كل خير
تحياتي لك
المهاة
21-11-2003, 01:29
اكيد اني رادة قبل و انا صايمة و الا شفيني مفهية ..:rolleyes:

شموخووووووووووة :mad: انتي و ابو مشاري تحشون فيني و انا ياغافل لك الله ..:(

ياحبني لي و الله اني طيبة .. شكلي طالعة على خوالي ماطلعت عليكم يالشماتين ..:p<<< عارفة بتذبحهم الشفاية بيعرفون خوالي منين .. بس ماني معلمتكم انهم فرنسيين :D

شوف ابو مشاري عشان أرضا لازم تكتب فيني معلّقة .. و الا ترا العين بادية تسخن..|513|
ابو مشاري الشمري
21-11-2003, 01:40
لا وتقول خوالها فرنسيين
عيونهم زغر
رحنا وطي

أبشري بس لاتصخنين عيونك علينا
انواع التهديد
تقول تبي تصخن عيونه
أقول
خلف الله على خوالي
سلملم
ريم شمر
24-11-2003, 14:37
ابو مشاري كفيت ووفيت

تسلم على الاهداء الاكثر من رائع

وطبعا ابو سلطان يستاهل منا اكثر



ريم
ابو مشاري الشمري
24-11-2003, 20:43
حياك الله أختي ريم
وكل عام وانتي بالف خير وعيدك مبارك
فعلا ابو سلطان والحق يقال
مهما كتبنا وقلنا
لم
نأصل ولو جزئي بسيط مما يستحق هذا الشهم
وشكرا لك أختي وعيدك مبارك