محاوله لي من ثلاث ابيات

[اهل حايل]

بسم الله الرحمن الرحيم
اول شي يا الربع والله انا مالي بالشعر الا من بعيد
وهكاليله ما ادري وش اللي بلاني عجزت لا انام وجاني الهام ل
و كنت ابي اكتب معلقه كان كتبته:o <===== شايف نفسه

شوفو انا ابي اكتب الابيات وارجو منكم انكم تعطوني رايكم
الابيات تقول

جفاني النوم عقبك وصرت مجنون ----- اثاري بعد المحبين اكبر مصيبه
لو كنت اردي ان بعد المحبين هلون ---- ما افارقك يا عمري والله دقيقة
اطلب يا بعد عمري ويش ما يكون ---- حتى لو راس بوش لعنك اجيبه :o



( حتى لو راس بوش لعنك اجيبه ) يا الربع لا تصدقون تروني مهايطي



اخوكم اهل حايل

[فيصل اللويش]

الغالي

اهل حايل

اولا اهلا وسهلا بك اخي الكريم


والمحاوله هي اول خطوه في طريق النجاح


والا ن دعني اساعدك قليلا في هذه الابيات والتي اعجبتني فكرتها


الابيات

جفاني النوم عقبك وصرت مجنون ----- اثاري بعد المحبين اكبر مصيبه
لو كنت اردي ان بعد المحبين هلون ---- ما افارقك يا عمري والله دقيقة
اطلب يا بعد عمري ويش ما يكون ---- حتى لو راس بوش لعنك اجيبه



الابيات بالصوره هكذا غير موزونه

وبخصوص كلمة ( دقيقه ) غير مرتبطه بالقافيه لذا يجب تغيرها




بعد التعديل تصبح الابيات هكذا

نومي جفا من عقبك وصرت مجنون 000 اثري فراق اللي احبه مصيبه

لوكنت ادري انّ فرقاك هلون 000 ياشين فرقى اللي يحب لحبيبه

اطلب تدلل يابعد كل هاالكون 000بوشٍ وراسه لوطلبته نجيبه


والان استاذي العزيز الابيات هكذا اصبحت موزونه واتمنى منك ان تكتب ثلاث ابيات اخرى على نفس الوزن والقافيه وانا معاك لين تصبح قصيده كامله



اخوك000 فيصل اللويش

[الغثه]

ابيات حلوه اخوي / اهل حايل


وانشالله مع اخونا فيصل اللويش راح تصير شاعر كبير



الف شكر للمبدع دوماً فيصل اللويش

على مساعدة اخوانه



لكم مني الف تحيه وتقدير


اخوكم

الغثه:p

[اهل حايل]

مشكوووووور اخوي فيصل وما قصرت

وانشالله ابي احاول معاك اكمله

بس اني اليوم مشغول وانشالله باكر معاك



اخوك اهل حايل

[اهل حايل]

أخوي الغثة انت
يا احلى واحد يغث بالدنيا كله

مشكووووور على ابداء رايك في هذه الابيات


اهل حايل

[اهل حايل]

بسم الله الرحمن الرحيم

والله يا اخوي فيصل انا حاولت بثلاث ابيات ثانيه


بس ما ابي احد يضحك علي

الأبيات تقول
حتى النجوم اللي اعتلت بعالي الكون --- ما تغلى عليتس يا اغلى حبيبه
والعمر كله لو طلبتيه يهون --- حتى عمر فيصل لو طلبتيه نجيبه
أحبك أكثر من كل واحد(ن) بهالكون --- اكثر من حب ابو سلطان لمضايفنا الحبيبه


والله يا اخوي فيصل هذا اللي قدرت عليه واذا به أخطاء فعلمن وينه وصححه


أخوك أهل حايل

[اهل حايل]

وينك يا اخ فيصل

وش ندك ما ترد القصيدة بردت انت للحين ما رديت


ارجو الرد

[الملهم]

جيتك مطفي النور

بصراحة أعجبتني خاصة عمر فيصل لامنه راح مامن قصائد

أهل حايل لاتنتظر أحد يرد كمله ماهو تقسطه كل شوين ثلاث أبيات

حاول كل يوم تكملك كم بيت ياما تصير قصيدة وهكالوقت يحاولون الشعار أنهم يساعدونك

لك تحياتي

الملهم

[ابو غازي]

اخوي اهل حايل
حياااك الله
اشكرك على شجاعتك ومحاولاتك الجاده
ارجو بأن تتقيد بكلام معجز االقاافيه اخي االشاعرالكبير فيصل اللويش
بيض الله وجهه وهو ماشاء الله عليه كلنا نشكره على تحمله ووساعة
صدرة
ايضا نصيحة اخي الملهم والله ذهب لاتفوتك عليك بتأني لكي تتمكن
من السيطرة على ماتريده
وفقك الله وإلا الأمام اخي
ابو غازي

[شموخ]

[QUOTE]كاتب الرسالة الأصلية : اهل حايل
[B] بسم الله الرحمن الرحيم

والله يا اخوي فيصل انا حاولت بثلاث ابيات ثانيه


بس ما ابي احد يضحك علي

الأبيات تقول
حتى النجوم اللي اعتلت بعالي الكون --- ما تغلى عليتس يا اغلى حبيبه
والعمر كله لو طلبتيه يهون --- حتى عمر فيصل لو طلبتيه نجيبه
أحبك أكثر من كل واحد(ن) بهالكون --- اكثر من حب ابو سلطان لمضايفنا الحبيبه

[HR]

حتى لو عمر فيصل
الله الله
الرجال يساعدك وانت تبي تجيب عمره هديه لمحبوبتك :):)

محاوله جااده والله يوفقك .

تحياتي لك اختك
شموخ

[راعي المغاتير]

السلام عليكم ورحمة الله وبركاته
اخوي اهل حايل ماني قايل لك شين
اللي قبلي اعرف مني بالسولف هذي
بس جيتك انا فزعه ههههههههههههههه
كانك تبي راس بوش هههههههههههههه
ابشر نروح يمه ونجدع عقلنا عليه ولا نشرب القهوه
لين يوافق

[سعد فريج الغيثي]

هههههه...
والله يالغالي يا اهل حايل كانه كل ماساعدت تبي تدعي عليه فـ بعذره لو ماردّ..
هذا بأول مساعده من الاخ فيصل كتبت يفداك عمر فيصل .. وهن ثلاث ابيات وشلون لو يساعدك بقصيده كامله ... هههه
انت هالحين جفّلته منّنا .. خلّه يما تضبط وتسلك امورك وبعدين عاد سو اللي تبي ... احلى تحيه لأهل حايل كلّهم ..