المساعد الشخصي الرقمي

مشاهدة النسخة كاملة : الحذف والإضافة...جدولي ( همــوم جامعيــة)


طلال الفهيد
05-11-2003, 21:14
أول أسبوع الدراسة ... رحت أبآخذ جدولي..

أحمد الله وأشكره استلمته .... وابتدينا بالنحاسه..

أبغى أعدل جدولي....ما تبي أية فراسه...
.
.
.
رحت يم موظف(ن) وسط العمادة.. ما معه أية شهادة... إلا سادس ابتدائي..
.. مسوي نفسه بريفسور....

معـــــــــقولة..؟!!! بريفســــــــــــــــــــــــور....ما معه أية شهادة إلا سادس ابتدائي.!!!

قلت له: طـااااااااااااال عمرك... وارتفع شانك وقدرك.. أبغى أعد جدولي..أبغى حذف والاضافه...

قال : ما عندي خبر.. انتظر حتى الظهر....

قلت : يالله الصبر...

قال : إيه .. إيه .. عندك بو بدر..

رحت ناصي بو بدر ...

قلت له : انت القمر ... طال عمرك وارتفع شانك وقدرك... جمل الله بيــــن خلقه... ذكرك... أبغى حذف والاضافه...

قال : هااااه... ما عندي خبر....

قلت : يالله الصبر..

رحت يم عامل نظافة...
قلت له : أمـــــــر( بضم الألف ) مال انتا طويل إن شا الله.. انت نيم فوق سما... يا محمد خان افزع ...

قال : صديق (ايس مسكلة) ....... (مافي مسكلة)..روح صالة ريادة..

قلت له : صالة رياضه... الله يرحم والديك.. شكريا .. محمد خان ...

رحت يم صالة رياضه..... فيها تعديل الجداول..

ماخذ دور طويل....

انتهى وقت الدوام..

ضاع يومي كل أبوه..

وما تعدل جدولي..

أربع الأيام كله...

... والسرى واقف محله....

وما تعدل جدولي..

والشكــوى لغير الله مذلــــــــــه...




أخوكــــم الشاكي الى الله

طلال الفهيد
عقاب الربع
05-11-2003, 21:25
وما تعدل جدولي..

أربع الأيام كله...

... والسرى واقف محله....

وما تعدل جدولي..




يخرب بيت ابليسه موظف العماده:D






كلهم كذا ياطيب الواحد نفسه براس خشمه تقل ذابح ابووووه اللي جابه

يسلم قلبك ياطيب



جميله جدا





بالتوفيق ان شاء الله والنجاح
الزعتماني
05-11-2003, 23:20
انتهى وقت الدوام..

ضاع يومي كل أبوه..

وما تعدل جدولي..

أربع الأيام كله...

... والسرى واقف محله....

وما تعدل جدولي..

والشكــوى لغير الله مذلــــــــــه


عــوذاااااااااااااااااااا

يــرجال كــان رايــح امر بضم الالف:D

لاتتعب روحــــــــك

ثــاني يــوم عــرج عليهم

خـوش حـل صح:D


صــــــــــح الســــــــانك

تعبير رائع واكثر بقليل

اخوك

الزعتماني
العنفوانية
06-11-2003, 00:12
أخوي طيب العرب ...

هذي مشكلتنا كلنا ،،

و أول اسبوع من الدوامات هو اغث اسبوع ،، وودنا يمر بسرعه

، علشان ننتهي من سالفة السحب والاضافه ،،،

بس حنا ما عندنا طوابير ،،، عندنا النت ، ودايم السيستم واقف ,,,

يعني وانا ساحبه ماده ، ابي اضيف بديله ، عقب ما اسحب يوقف السيستم

وما اقدر اضيف ، وينتهي الوقت المحدد لي للسحب والاضافه ,,,

يعني كليتها ورحت وطـــــــي ...

والله اسبوع السحب و الاضافه يجيب الضغط ,,,

،،،،،

كلماتك واقعيه جدا ،،،

وتجسد المعاناة اللي يحس فيها الطالب ،،

يمكن انا تكلمت عن معاناتي ، ونسيت اعقب

على المقطوعه الموسيقية الرائعه ....

تسلم يمينك ،

ولا عدمناك ,,

عموما ،، الله يعين الجميع

و يوقفنا ،

تحياتي

أختك

العنفوانية
الشمري محمد فهد
06-11-2003, 00:25
صـح لسانك أخـوي


و المشكله هذي تستمر عندنا إلى ثاني, ثالث أسبوع .. طبعًا بعد ما تاخذ موافقة

العميد و اللي يبيلك يوم - يومين إذا كانت المقابلة شخصية . .
نواف حمود الشمري
06-11-2003, 02:04
الحمد لله اني توظفت ولادرست بجامعه دام الدعوى هاللون طوابير :)


يعطيك ألف عافيه يالطيب
والله يعينك
عبدالله المهيني
06-11-2003, 05:34
عزا الله صدقت

:):):)

والله مشكلة ماهي سهله

والله يعين اللي ماله معرفه





وقعت على الجرح
طلال الفهيد
13-12-2003, 17:44
أخوي عقاب الربع


شكلي نبشت المواجع

سلمت لي على مرورك..
طلال الفهيد
13-12-2003, 19:16
أخوي الغالي الزعتماني


صح بدنك


\

شاكر لمرورك
طلال الفهيد
13-12-2003, 19:22
أختي العنفوانية


عندما قرأت ردك

ضحكت

وشر البلية ما يضحك


شاكر لك

والدراسة الجامعية

همـــــــــــــــــوم مشتركة


شاكر لمرورك
هايس الشمري
13-12-2003, 20:21
طيب العرب

صح لسانك

و الله معاناة

الترم اللي فاااات

كان موعد تسجيل سنتي يوم الثلاثاء و كانت

عندي محاظرتين في ذلك اليوم

و التسجيل يبداء الساعة الثامنه عن طريق الانترنت

فذهبت الى معمل الانترنت في الجامعة الساعة السادسه صباحا

و انا مواصل علشان الحق على الدكاترة الممتازين قبل

لا تفلل اقسامهم

لا اطيل عليك

جلست من الساعة السادسة صباحا الى الساعة التاسعة مساء

و لم اضف اي مادة و لم احظر محاظراتي ايضا و لم انم

و الله معانااااااااااة شكرا لم اخي طيب العرب