عبدلله الحجيلان
03-11-2003, 00:33
يالله ياللي نطلبك رحمتك والرزق الحلال=وارضاك ياقادر ويارحمان ماغيرك قوي
يارب تلطف ياإللهي يوم ناقف للسؤال=وانك تثبتنا وتبعدنا الطريق الملتوي
يارب للأنسان بالدنيا طموحات وخيال=يغريه مافي داخله من شي وانجم يهوي
والبارحه يوم العرب ناموا أنا دربي شمال=والهم والهاجوس ياسلطان يطويني طوي
أمشي بصحرا قاحله ماغير تذريها الرمال=والليل موحش والقمر مابان والذيب يعوي
الخوف والاربع جهات الكل صوت لي تعال=كني سوات اللي وحيد من القرابه وجلوي
والشوق والدرب الطويل وعزتي والانعزال=والموقف الاقشر يابومحمد لياطاح الخوي
صحيح مافي شخص كامل بس لله الكمال=وسودالليالي ماعرفنا وش تضم وتحتوي
ومابين صارالفرق ياكبره وبين الاحتمال=يكبرها لاصرت واثق وانت رجال بدوي
صبرت صبر اللي يبي حاجه ولايقدر ينال=ومضحي قطع حبل الصله بينه ومابين ضحوي
ياعزوتي اللي سواتك لي رصيد وراس مال=والناس قالوا بالمثل ترى اخر الطب الكوي
وترى الحمول الكايده ماشالها غير الجمال=وان كان ماساويتها ياصاحبي ماتستوي
والله ماغيره كريم يبدل احوال الليال=يارب ماغيرك قوي00يارب ماغيرك قوي
يارب تلطف ياإللهي يوم ناقف للسؤال=وانك تثبتنا وتبعدنا الطريق الملتوي
يارب للأنسان بالدنيا طموحات وخيال=يغريه مافي داخله من شي وانجم يهوي
والبارحه يوم العرب ناموا أنا دربي شمال=والهم والهاجوس ياسلطان يطويني طوي
أمشي بصحرا قاحله ماغير تذريها الرمال=والليل موحش والقمر مابان والذيب يعوي
الخوف والاربع جهات الكل صوت لي تعال=كني سوات اللي وحيد من القرابه وجلوي
والشوق والدرب الطويل وعزتي والانعزال=والموقف الاقشر يابومحمد لياطاح الخوي
صحيح مافي شخص كامل بس لله الكمال=وسودالليالي ماعرفنا وش تضم وتحتوي
ومابين صارالفرق ياكبره وبين الاحتمال=يكبرها لاصرت واثق وانت رجال بدوي
صبرت صبر اللي يبي حاجه ولايقدر ينال=ومضحي قطع حبل الصله بينه ومابين ضحوي
ياعزوتي اللي سواتك لي رصيد وراس مال=والناس قالوا بالمثل ترى اخر الطب الكوي
وترى الحمول الكايده ماشالها غير الجمال=وان كان ماساويتها ياصاحبي ماتستوي
والله ماغيره كريم يبدل احوال الليال=يارب ماغيرك قوي00يارب ماغيرك قوي