تراني مربطته من يجي يقرأ عليه

[المهاة]

السلام عليكم

كيفكم ان شاء الله بخير .. كل سنة و انتم بخير و عسى ربي يبلغكم رمضان و انتم بصحة و سلامة ..

المهم الله يطول عماركم بزود في طاعته و لا يحرمكم الاجر و والديكم >>>>>> بتطر على قبالة رمضان .. :D


قدر الله علي و شريت جهاز جديد .. :( بس مدري وش صار فيه استخف الضعيف .. و الا انه يستهبل علي ..:p

جهازي اكس بي بعده ما كمل شهر ..!!من كم يوم مو راضي يفتح أكثر من صفحة

يجيه و قت يعاند حتى تنسيق الصفحة مايطيع وايا وجهه ..

اما الماوس فهذا من جد يكسر الخاطر كنه شايف له قطو .. :Dمسبط و حالف مايشتغل .. شكلة مَضرب ..

حاولت اسوي ذكية و استعيد النظام لكن تطلع لي صفحة بيضاء ..:(كنه يقول على مين تلعبها .. :( احس انه متقصدني هو واياوجهه ..


الله يجزاكم خير ساعدوني لو في استعادة النظام ..!!


بليييييييييييز بشويييييييييش يعني اشرحوا على اقل من مهلكم و عساني افهم .. و بالعربي الله يسعدكم لان جهازي عربي الله يصلح من برمجه .





يالله عاد من المحظوظ اللي بدعي له و انا الكسبانة ..:p




*********

[المشرف العام]

ما يصلح ..|1|

رجّعيه للي شريتيه منه ،، وخليك على مجنونك الأول:D

تشششششششاو

[الغثه]

^

^

^

^

. <<<<<<<<< جاي يتشمت:D


مافيه غير ثلاثه تسان ماعلموك الشكوى لله رجعيه


اللي هم

عبد العزيز

وابن جشعم

والغثه


الغثه مهو فاضي

لكن شوفي الاثنين اللي فوق:rolleyes:




هههههههههههه


<<<< مبسوووط





الغثه:p

[المهاة]

حيا الله العمدة .. الله يهديك قل خير يقوله الله وش مايصلح :(

تعوذ من الشيطان يابن الحلال و جرب اتفل عليه تفلتين ..:p

ترا كانه يبي ترجيع مامرجعة غيرك فاستخير و ارجع ..

[المهاة]

و الله اني كنت كاتبة في العنوان ممنوع دخول الشماتين .. لاني كنت واثقة انك بتجي تتشمت بس عدلته قلت بسوي ذوق .. و يمكن انهم زعلانين .. :p


والله يالغثة اتحداك تفلح بغير الغثاثة و انا اشهد ماخاب من سماك ..;)

يالله بنتظر اللي بيساعدني و اكيد اخواني مايقصرون ..

و عسى الضحكة دوم ياخوي .. يكفي لو ماجاء من خرب الجهاز الا انك انبسطت ..

بس تراه مو حلا خلاص لا عاد تجي مسوي زحمة تراك:mad:

[المشرف العام]

حالة الجهاز .. لا يمكن التنبأ بها ، هناك عدّه احتمالات

قد يكون الفاره غير معرّفه ، يعني من النوع الذي يلزمه تعريف ، او غير متوافقه مع ويندوز اكس ابي ، او ، او .. جرّبي غيرها على شرط ما تكون في لاب توب :

.

قد يكون من برنامج تم تنصيبه حديثا ، حاولي ازاله البرامج التي تم تنصيبها حديثا ..

.

قد يكون هناك برنامج يتم تحميله اثناء تشغيل ويندوز يسبب ذلك ..

للتأكد وازاله البرامج التي يستخدمها ويندوز عند التشغيل ، استخدمي الطريقه التاليه :

من قائمه ابدأ .. تشغيل :
../droos/1.gif
ثم نكتب هذا الأمر : ../droos/2.gif ثم موافق.
بعدها تنفتح لنا التسجيل الخاص بوندوز نذهب إلى دليل التشغيل كما هو في الصور المرفقه :
../droos/3_1.gif
../droos/3_2.gif
../droos/3_3.gif
../droos/3_4.gif
../droos/3_5.gif
سوف يظهر امتداد مكان ملف التشغيل كالتالي في اسفل المتصفح :
../droos/3.gif
ثم :
../droos/3_6.gif
ثم:
../droos/3_7.gif
ثم :
../droos/3_8.gif
ثم : بهذاالطريقه يتم تنظيف ذاكرة ويندوز من الملفات التي تطلبها اثناء التشغيل ، طبعا يلزم تكرار امر الحذف إلى ان يتم التخلص من اغلب البرامج،
ملاحظه:
يوجد برامج مهمه تتطلب ان تكون تعمل اثناء تشغيل ويندوز منها برنامج مكافحه الفايروسات ،

والأهم .. انت داخل العصب الحساس بنظام تشغيل ويندوز ، اي خطأ قد يترتّب عليه انهيار النظام :D ، قد يفلح النظام بإستعادة نفسه تلقائيا وقد لا يفلح ;)

[المهاة]

الله يجزاك بالخير اخوي ابو سلطان .. بصراحة عجبتني طريقة عرضك للرد و تضليل الصور و قابلتها ساعة اتأملها .. و انا مفهية .. بصراحة ذوووووق لو مكانك حطيتها في مضيف الكروت ...:D ماشاء الله عليك


المشكلة من كم يوم بس يعني ما أعتقد المشكلة في التعريف .!

عملت كل الخطوات اللي قلت عليها بس لما وصلت مرحلة الحذف مدري ليه حسيت كني الدكتور الربيعة يوم يفصل السياميين ..!! :(

و بعدين كل اللي فيه ست ملفات خفت أحذف منهم شي يطير البرنامج ..!!

عموما بحوس و ان فقدتوني تراني ارتكبت في جهازي جريمة .. و الا انه ارتكب فيني مصيبة ..:p


الله يرضا عليك ماقصرت أخوي بس تحملني لو رجعت أسأل ..:)





***********

[ابن جشعم]

انحلّت المشكله يالمهاة ولا نفزع معك :D

بس اتوقع أن لإكس بي XP اللي انتي ركبتيه يمرش :(


انصحك تشيلين الوندووز وترجعينه من جديد ,, طبعاً عند محل كمبيوتر


تششششششششاو

[المهاة]

اهااااااا كفشتك يابن جشعم .. متأخر على بالك اني بطير الويندوز ..:D

بس كان غيرك أشطر خيتك ماهي عجلة ..

يمررررررررررش ..:confused: مو قلنا نحكي عربي :(

مانستغني اخوي ... مادمت بغيّر الويندوز شرايكم نحوس فيه شوي قبل .. يمكن يصلح ماراح اخسر شي ..







شوفوا عاد جاكم العلم :mad: قدامكم فرصة لبعد العيد ان ماساعدتوني ترا بوديه للمهندس ..:p

[الغثه]

باقي المهندز عبد العزيز

اذا مانفع الشكوى لله اخذه منك هديه وتشترين لك واحد جديد:D

عادي يالمهاه هديتك مقبوله


<<< ياحظه جاه كمبيوتر جديد من المهاه




لاحد يحسدن

تروني ما اعطيه احد

انا طقيت به اول واحد:D



الغثه:p

[الوبـيـــري]

هل هناك مستخدمين آخرين؟!!!!

وهل نوع الحساب اللي تدخلين فيه للجهاز administrator أو limited user

قد تكون المشكلة نتيجة الدخول بحساب limited user

وقد تكون نتيجة استمرار الجهاز يعمل فترات طويله ( عند الانتهاء تسجيل الخروج عن طريق logoff دون اطفاء الجهاز)... طبعا إعادة التشغيل مطلوبه
من فتره لإخرى.



إن لم تكن المشكله في ماذكر أعلاه... فالحل الأسهل من وجهة نظري
هو تركيب " الويندوز" مرة ثانية... دون عمل فورمات...حتى لاتفقدي ملفاتك


بالتوفيق

[المهاة]

الغثة مو قلنا لا عاد تجي مسوي زحمة |513|

عموما ابشر بالخير ان ما صلح بهديك اياه على راسك اضرب عصفورين بحجر اتخلص من الجهاز و اعدل حولتك..;)

اصفط على جنب الله يرضا عليك خلي نشوف شغلنا >>> مصدقة انها فاهمة شي |512|

[المشرف العام]

^
^
طيّب ما قلتِ لنا جرّبتِ شرحي:(

وعن خوفك لا تحوسين الجهاز .. كل اللي رايح تسوينه هو حذف خاصيه تشغيل البرامج عند إقلاع ويندوز .... فقط

يعني ماهناااااش ضرر
.

لا تفوتك فارة إبن جشعم العجيبة :D

فيذا الله يحييك : http://www.shmmr.net/vb/showthread.php?s=&threadid=16266

[المهاة]

أخوي الوبيري أولا أشكرك على التكرم بالمرور و المساعدة

ثانيا : استخدام الجهاز متاح للجميع و غالب من يستعمله الصغار يدخلون على مواقع الالعاب .. او يستعملون الجهاز فقط

يعني لا فيه للجهاز اي ي من اللي قلت لانه سبيل ..:rolleyes:

اما تشغيله فترة طويلة ففعلا هذا امر لا يحدث لاني الفترة هذي جدا مشغولة فابقى دقايق و اقفله ..!!


يظهر مادمتوا اجمعتوا على تحميل الويندوز من جديد راح انظر للامر بجدية ..:(

اكرر شكري اخوي

[المهاة]

بصراحة ماجربت أخوي أبو سلطان .. و أعدك اليوم بعد ما أخلص شغل ضروري على الجهاز لانه هالايام اختبارات ;) بعدها انت تامر لو تبي أحذفه كله ..

فارة ابن جشعم اللي فيذااااااك عاجبتني و اشوفها فعلا ذكية لكن مشاكل جهازي ماتفتح معي ايييي رابط حتى للتحميل.. :(


الف شكر أخوي لاهتمامك و بارك الله فيك غلبتك .. بس مو معنى هذا انكم افتكيتوا مني :p


:o

[المهاة]

الف شكر لجميع الاخوة

و الشكر الاكبر للاخ ابو سلطان أبشرك ماراح تضطر ترجع جهازي لانه رجع تمام لما حذفت الملفات اللي قلت عليها ..;)


جزاكم الله كل خير جميعا .. و عساكم الجنة و والديكم

[الغثه]

يعني راح علي الجهاز

كله من ابو سلطان وشو لوه يعلمه

:(:(:(


مالي شغل دبروا لي جهاز

:(


الغثه:p

[المشرف العام]

كاتب الرسالة الأصلية : المهاة

الف شكر لجميع الاخوة

و الشكر الاكبر للاخ ابو سلطان أبشرك ماراح تضطر ترجع جهازي لانه رجع تمام لما حذفت الملفات اللي قلت عليها ..;)


جزاكم الله كل خير جميعا .. و عساكم الجنة و والديكم

.

جزاك الله خير على هذا الدعاء الطيب ..

واعوه سبحانه ان يبلغكم وذويكم رمضان وأن يكتب لكم اجر صيامه وقيامه كاملا غير منقوص وأدعوا الرّحيم ان يتغمّدكم برحمته ويجعلكم من عتقاء النار
.

.

[أبو فيصل]

اقول وانا خيك ......والله ماجاوة الا ...... عوينتك .....