المساعد الشخصي الرقمي

مشاهدة النسخة كاملة : يعني بس عنتر شجاع ((حتى أنا))


ابو مشاري الشمري
13-10-2003, 07:12
كيفكم وش أخباركم
أبقول لكم هالقصة أول يوم اني جذع
شجاعن يخرع أشوف ان لو جوني عشرة أشخاص مايهموني
أبحوس مريرهم
قلت لبوي أبيك تشتريلي فرس بيضاء وسيف قالي ليه قلت له أبغزي
مثل هالناس أنا شجاع يايبه قال أكيد ؟؟
قلت له آيه نعم عشرة مايهموني
أشترالي فرس وسيف
واركب على الفرس ومتقلد السيف وأشوف ان مافيه احد مثلي بالشجاعة ابد ابد!!! وأسرح بالبعاري وأقابل خويتي مكشخ ولابس لي ثوب أبيض جديد
وشايف نفسي مايعتاز
وتنتشر بعاريني ويعارينه بله روض وأقوم أسولف عليه
قلت أنا شجاع ولا يهمن أحد ويوم شاف أبوي شجاعتي أشترالي الفرس والسيف
ودي لو يجوننا غزوا أوريك شجاعتي على شان تصدقيني انهم مايهموني ولو كانوا عشرين ((أحس اني فعلا شجاع ))
وجالس أسولف عليه وأمدح نفسي مادريت الا تقول البعارين راحن أفزع تكفى ويوم قالت تكفى احس اني أبطير
قلت له أبشري والله لاأرد البعارين وخيلهم بعد
تبيني أجيبهم لك مكتفين
قالت انجز بسرعة بعاريننا سرقت
هم أربع خياله
وأقوم على الفرس ويوم انه ركضت وأنقز الا انا على ظهرة وأقولبه طبعا هم اتقوا ورالهم حزم مع لهم ريع
واجيب طبلون الفرس قلت على شان مايتقون عني وأشوفهم ويوم اني نطقت مع هالحزم يامار مأشوف الا أثنين ورى هالبعارين والثانين مأشوفهم
ويوم أني خذيت أشوي الا أسمع صوت واحد يقول بك والا بالفرس بك والا بالفرس أثريهم لبدولي واحد يمين واحد يسار
ويوم أني سمعت هالكلمة الله لايبلانا تقل صابن علي ماء بارد وأنا اللي أرفع يديي فوق وهم يجونن قالي أنزل عن الفرس وأنا أنزل أحسب معهم سلاح اثري مامعهم الا خنجر ((مار الذراقه له أهل))
قال خويه أنا جازلي ثوبه هالجديد أباخذه قال له زميله لا خله يولي كسبنا هالفرس والسيف والبعارين منه يكفي خلاص قال لاوالله أباخذه أفصخ ثوبك وأنا أفصخه على طول بدون تردد ولا يبقى علي الا المقوصر
قال تبينا نذبحك والا نعتقك مأقدر أتكلم بس أشر بيدي قال أنقلع أنقلع
وأنا أسحب من عندهم يم خويتي ويوم شافتني قالت لي خذا الله هالزول وين الحلال قلت راح والفرس راحت والسيف راح وحتى ثوبي راح
قالت وين سوالفك اللي دوختن به ((أنا شجاع أنا شجاع))
قلت الكثرة غلبت الشجاعة؟؟؟ مافيه عذر غيره اهههههههههههه
وسلامتكم
أتمنى أن القصة وسعت صدوركم وتعجبكم
تحياتي لكم
الغثه
13-10-2003, 07:29
كاتب الرسالة الأصلية : ابو مشاري الشمري

وأقابل خويتي مكشخ ولابس لي ثوب أبيض جديد
وشايف نفسي مايعتاز


هههههههههههههه

اخونا الصغير ابو مشاري:D:D:D

والله يابو مشاري قصدي ياعنتر

ودي اقول لك الصحيح

تروه انا اللي سلبتكم:D ومعي ابو غازي:confused:


بس الحين خلاص مامن لاغزو ولا بطيخ

يعني ماراح ترجعهن


وعبله للحين تربطك به علاقه ولا انتهت عقب مامصلخناك:D:D




ياحبي لك ابو مشاري



تقبل اجمل باقة ورد من اخوك الكبير:D


شوف هذي صورتي يوم اني بطل واغزي


الغثه:p
ابو مشاري الشمري
13-10-2003, 07:48
اهههههههههههه
العن يومك
شكلك شجاع مثلي أول يوم أغزي
تصدق بغى ياخذ المقوصر
بس الله هداه
ولو انه خذا المقوصر كانت علوم
اذا
أنت وأبو غازي اللي غزيتوني
أبيكم ترجعون لي الفرس والسيف
والا أزعل واذا زعلت أنتفخ واذا أنتفخت أبربخ
واذا بربخت أنفضخ واذا أنفضخت أصير زي ماصار للي يبيع الخظره بالرياض ؟؟؟
ماينسى هالموضوع
اهههههههههههههههههههه
راعــيها
13-10-2003, 10:50
انت شجاع بس هم استخدموا عنصر المفاجئه
ههههههههههههه ( عاش مرقع )

تحياتي
أبو مقرن
13-10-2003, 12:05
لا عز الله ..هذي الشجاعة...
وبعدين..وشو عنتر أمام شجاعتك يالرفيدز....

آوييييييييليه..ياحيف..يابو مشاري..:D

الكثرة تغلب الشجاعة..وهم ثنين مامعهم إلا خنجر...:p

ألا الشايب....
هو مانشدك..عن السيف والفرس..؟؟؟يعني مافقدهن..:D

وبعدين..وشلون سلمت من لسان بنت هالحلال اللي إنت تنذخ عنده..
يعني ماعلمت العرب بالسالفة...؟؟؟؟؟؟؟؟:p


ماأقوووووول إلا:





















يملااااا العافية...اللي تنكخك بالعلبااااااا يمار إنت وادزع:D
ابو مشاري الشمري
14-10-2003, 06:48
راعيها
ايه رقع علي تكفى
بعد تسبدي انت
تعرف المفاجئة مشكله وخاصة ياصرت مسرح انك تنفذ كلامك


يابو مقرن
انت وشيلاك ياطويل العمر
احسب معهم لهم بارود
مادريت ان مامعهم الا خنجر
تعرف أنا مألتفت يوم قالي بك والا بالفرس
على طول رفعت يدي
وبعدين ياخي لاتنبش ورى هالموضوع
تخبر أنا شجاع ومأخاف وخاصة اذا زعلت مصيبه
يصير فيني زي ماصار للي يبيع الخظره بالرياض
اهههههههههههه
ماينسى هالموضوع
ابو غازي
17-10-2003, 23:45
وأقابل خويتي مكشخ ولابس لي ثوب أبيض جديد
وشايف نفسي مايعتاز :mad:
.........................................
واجيب طبلون الفرس قلت على شان :o
.................................................
تروه انا اللي سلبتكم ومعي ابو غازي:rolleyes:
.......................................................
ولو انه خذا المقوصر كانت علوم :confused:
........................................................
ألا الشايب....
هو مانشدك..عن السيف والفرس..؟؟؟يعني مافقدهن..|512|
.........................................................................
راعيها
ايه رقع علي تكفى
بعد تسبدي انت
تعرف المفاجئة مشكله وخاصة ياصرت مسرح انك تنفذ كلامك|512|
..............................
ياشين يابو مشااااري
|512|ويشتبيه يرقع خيي رااااعيها
:mad:قال رقع يامرقع قال ماتنرقع
:rolleyes: بعدين ليه تسذب عليهم وإلا مستحي يعني يابازعيم :p
:confused: انا الي ابي اعلمهم بصحيح
|512| أصلاً اكاااالحين مابوه سراويل أصلاً ثوب بفت ويااالله ويوم فصخناه
ثوبوه وهو يقفي :cool: لاوالله اكاالمنظر الي ينعاااذ عنوه ;)
;)وحنا نصد صح يااالغثه ولا ماهو صح :D وسلامتكم
.............................................................................
تسلم والله يااالغااالي
ابو مشاااري على ااالسااالفة الي نكستنا به يم جدي من هانا بس حلوة منك
تسلم ولايسلم ردي ااالعزااايم
خيك الي دايم بحلقك غصه |510|
............................................
ابو مشاري الشمري
18-10-2003, 00:26
هههههههههههههههههههههه
رقع يامرقع
شين يرقع وشين ماينرقع
مابه مابه فلصت
بس على غفلة يعني فاجئوني
والا
أنا شجاعن يخرع مايهمني أحد
فيه سالفت ثنين خطرولهم ناس
وقال واحد أنا أبأكذب واذا سؤلوني رقع
قال هذاك تم
المهم جاب كذبة قشرى
ولما سئلوه قالوا وشلون؟؟؟ تصير
ألفت على المرقع ودبرها
وعلى هالموال
المهم من ظمن كذباته
قال مره
شفت غزال وأنا أمد عليه البارود
وأرميه ويوم جيناه الى هي ضاربته مع رجله وشاقة عينة
قالوا وشلون تضربه مع رجله وتشق عينه مايصير ؟
التفت على خويه
قال خويه
لا
الطلقة ضربته شك وهو يحتك
طبعا كان الغزال يحك راسه برجله
مشت عليهم
قالوا ممكن
قال الكذوب ويوم ذبحنا الجوع
وأمد البارود على جهة مسيرنا وأطلق أربع طلقات
وكل مامشينا لقينا لنا صيده
وصرنا ثلاث أيام وحنا نأكل
قالوا له وشي هالبارود اللي ياصل مرماه هالبعد وكل شي تذبحه
ألتفت على زميلة
قال زميلة شي يرقع وشي ماينرقع

اهههههههههه
أسعدني مرورك يابو غازي وأسعدني تعليقك
اما اكالوقت صحيح مافيه مقوصر زين ان حصل الثوب
بس عاد كتمت هالسر
تخبر جسمي زين وأخاف من العين
تحياتي
بدر الشاهين
31-10-2003, 20:14
مابها شي شباب
عادي الكثره تري تغلب الشجاعه
:D:D
ابو مشاري الشمري
15-11-2003, 02:20
حياك الله اخوي بدر
صحيح الكثرة غلبت الشجاعة
مار انا لازلت شجاع ولا يهمني أحد
بس بدون غدر
اهههههههههههههه
الله يجيرك يوم اني ارتعد يوم قال بك ولا بالفرس
شكلي بردان ماهو خرعة
اههههههههههههههه
تحياتي
أبو فهد
15-11-2003, 20:42
السلام عليكم ورحمة الله وبركاته
-----------------------------------------

مساكم بالخير يالوجوه الطيبة

اقدم اعتذاري للجميع لانقطاعي عن المضايف
----------------------------------------------------------

اما بخصوص ابو مشاري سمعنا انه عنتر زمانه:) اما انا خوفي من شي واحد تدري وشو



































بعد






















































اكثر

















































بس
ابو غازي
15-11-2003, 22:02
هلا بشقردي
وينك ياالمذهوب تتغلا علينا |512|
أما الي بحدري االصورة هالي مرتسين عليه شي ;)
تهقااوه يردد ياليل ماطوووولك :rolleyes:
ابو مشاري الشمري
16-11-2003, 00:54
حياك الله ياشقردي
اما هالبتاع
يقول الهجة
الهجة اوفق
بس انا لازلت يعني شجاع بس الدنيا مأعطتني صيت

ولا عاد تعودله لهالانقطاعة نوبتن اخرى

عديلي
اردد
الليل الليل
الظهر الظهر
الصبح الصبح
وعلى هالموال لين أفوز
وأثبت شجاعتي قدامكم
اههههههههههههههههه
تحياتي
سليمان الثنيان
10-01-2004, 01:27
|118|




لاتعليق
ابو مشاري الشمري
19-01-2004, 00:47
هلابك سليمان
وشرايك بي شجاع
ولا ماني شجاع
تصدق حسيت اني عنتر ايام زمانه
اهههههههههههههههههه
تسلم يالغالي
وشكرا لك
متفاائل
19-01-2004, 01:44
يدعون عنتر والرماح كانها ،،، اشطان بئر في لبان الادهمي .

انا قريت مرتن بكتاب يتكلم عن شجاعة الفرسان وفعلا . هذه من نقاط القوة التي حسبت لهم تدري وشي اقر .
ان من علامات الشجاعه الموقفه ان يكون الفارس اثناء الغاره غافل كأنه يسولف مع روحه - وهذا يدل على اللا مبالات يعني بلهجتنا اليوم ماحسب لهم احساب لاسيما وانك تفوقت اكثر بالفرس البيضاء والثوب الابيض يعني منت متموه . ومن علامات الجبن عند الفارس الغتر وهم اغتروك غتر . وانت مرهي < العن ياهو فصيح . اللي عليك عقيباوي واللا مقوصر او الوزره اللي يسمونه الدرع الروغ:D ويلبسونه حدر البريم :D:D:D ياسلم العود الحال تعود



ابومقرن الشايب مانشدك عن الفرس والسيف :D:D:D وش ينشد عنه وش يخلي اصلا هو مارجع لقته خويته مصلوخ ومكتف ورابطينه بله شجره واعطته مقنعه ولا عرف يلبسه وروح على اهله بالمعورج بس هو جمضه وستر روحه تالي السالفه .
ابو مشاري الشمري
09-04-2004, 01:07
يعني قالوا بس عنتر اللي شجاع
ياعينكني شجاع
بس وخروا عن طريقي
لاأحد ياقف بوجي
لا
أتحسف
وأرجع
تشكراتي لكم
وشكرا لكم مره ثانيه
بتول آل علي
13-04-2004, 13:47
يا خساارة على اللي انبح صوته و هو يغني

" الدنيا بتتكلم عربي " |513|