هوجاس
10-10-2003, 15:32
وش خانة المقطان لو قيل ماحلاه =صيّور ماجا بالليالي غدت به =
يا من لقلب من شديد العرب باه =بوهة غريرٍ بالمظامي رمت به =
لا والله إلا صار للبدو نوناه =وثّور عسام الجو مما عفت به =
والبيت هدّن الخدم زين مبناه =طّون ذراه وقينة الزمل جت به =
وشالوا على اللي بالمبارك مثناه =ماحط فوق ظهورها زوعّت به =
مظهورهم كن الطماميع تشعاه =يتلي سلف خّيال من قرّبت به =
ياقرب مسراحه وما ابعد معشّاه =له شدةٍ راعي الغنم تشتمت به =
لو صّوت الرجال ماتسمع نداه =من لجة المرحول مايلتفت به=
مقطانهم أمست خليٍ ركاياه=تقنب سباعه والذواري بنت به=
وردوا على عدٍ حللهم بمنداه =لين ان كلٍ من مديده لفت به =
يوم استخالو نوض برقٍ بمنشاه=يذكر لهم من راح سيله نبت به =
ياعيني اللي في نظرها مشقاه=تاصل الى مشرافهم واشرفت به =
والعين سبر القلب والرجل مغراه =والى ومر قلبي لرجلي مشت به =
رجلي علىكثر التراديد مشهاه =مامورةٍ والا انها مستعتبه =
قلبي ربيعه جية البدو ومناه=ولا احسب البيعات وش صرّفت به =
العصر يوم ان القصر مالت افياه=في سوقنا الثوب الحمر وقفت به =
يجر ثوب البز واعظم بلواه=لو كان قلبي ممحلٍ ربعت به =
ياتل قلبي تلة الغرب لرشاه =على زعاعٍ حايلٍ صدرت به =
سواقها عبدٍ ضربها بمحداه=اما امرست برشاه والا وطت به =
كنك على سوقه تهمه وتنخاه =لا عودالله ساعة عرفت به =
إلى اقفى بها كن الطماميع تنخاه=كن الدلو طيرٍ إلى نزّعت به =
لين امزع غربه على حد عرقاه=وجيلان جيره بالمسوح العبت به
الشاعر / عبدالله بن سبيل
يا من لقلب من شديد العرب باه =بوهة غريرٍ بالمظامي رمت به =
لا والله إلا صار للبدو نوناه =وثّور عسام الجو مما عفت به =
والبيت هدّن الخدم زين مبناه =طّون ذراه وقينة الزمل جت به =
وشالوا على اللي بالمبارك مثناه =ماحط فوق ظهورها زوعّت به =
مظهورهم كن الطماميع تشعاه =يتلي سلف خّيال من قرّبت به =
ياقرب مسراحه وما ابعد معشّاه =له شدةٍ راعي الغنم تشتمت به =
لو صّوت الرجال ماتسمع نداه =من لجة المرحول مايلتفت به=
مقطانهم أمست خليٍ ركاياه=تقنب سباعه والذواري بنت به=
وردوا على عدٍ حللهم بمنداه =لين ان كلٍ من مديده لفت به =
يوم استخالو نوض برقٍ بمنشاه=يذكر لهم من راح سيله نبت به =
ياعيني اللي في نظرها مشقاه=تاصل الى مشرافهم واشرفت به =
والعين سبر القلب والرجل مغراه =والى ومر قلبي لرجلي مشت به =
رجلي علىكثر التراديد مشهاه =مامورةٍ والا انها مستعتبه =
قلبي ربيعه جية البدو ومناه=ولا احسب البيعات وش صرّفت به =
العصر يوم ان القصر مالت افياه=في سوقنا الثوب الحمر وقفت به =
يجر ثوب البز واعظم بلواه=لو كان قلبي ممحلٍ ربعت به =
ياتل قلبي تلة الغرب لرشاه =على زعاعٍ حايلٍ صدرت به =
سواقها عبدٍ ضربها بمحداه=اما امرست برشاه والا وطت به =
كنك على سوقه تهمه وتنخاه =لا عودالله ساعة عرفت به =
إلى اقفى بها كن الطماميع تنخاه=كن الدلو طيرٍ إلى نزّعت به =
لين امزع غربه على حد عرقاه=وجيلان جيره بالمسوح العبت به
الشاعر / عبدالله بن سبيل