حــديث الذكريات ( 1 )

[محارش]

السلام عليكم ورحمة الله وبركاته

بعض الذكريات تبقى عالقه بالذهن حتى وان مرت سنين طويله واغلب ما يذكره الشخص الذكريات السعيده والنكبات الله يعيذنا من النكبات واياكم .
ومن هالمنطلق خطرت لي فكرة كتابة هالموضوع .

:):):):):)
يوم حنا وغدان كانت احلامنا وطموحاتنا مهنا حليله , مستحيل تحصّل واحدن منا طموحه يصير راعي محل خضره او يشتغل بكبينه :D كانت طموحاتنا بسيييطه جدا على قد حالنا وكنت انا وواحد من خوياي الله يذكره بالخير مغير نحلم ونقول ياليت وياليت :(
عاد هو النذل ( مشوين تذكره بالخير ) عيا يعلمن وش وده بوه الا ياما اعلمه ويوم علمته اني ودي بددتسن , دلا يحمقرن ويقول انه يتمنى يصير عنده مكينه تطبع فلوس ويشتري كل ابو الشيّات أ :D
من زود قهري من حركته البايخه :p غيرت حلمي من ددتسن الى اني اصير ملك :p
وهمن قبست بيننا هوشه هو يقول خلاص ما تغيّر اللي ودك بوه :mad: وأنا قلت والله الا اغير وظهرك مايجي فتر:D , وعناد لك لا منّي صرت ملك أبآخذ مكينة الفلوس اللي عندك :D

الله يذكر هذيك الايام بالخير :)
كنا ما ندري عن شين ولا نبي ندري ولو بغينا ندري ما يحصل لنا ندري :D

:):):):)

اذكر مره من النوبات:p وهذي كانت بسن المراهقه نوعا ما كنت جالس انا وحدى عيال عمي نسولف ( قل تحشون ) المهم خطرت ببالنا فكره وهي اننا نصير مطربين مشهورين :D
ويوم جا العصر وحنا نمر هكالمحل ونشتري لنا عود وادوات الطرب :cool:
وبدينا مسيرتنا الفنيه من مغرب هاك اليوم :p
ويوم جت الساعه حدعش الا ربع الا هذا واحدن من الشيبان داخلن علينا وهو يرغي ويزبد ويعطينا من معسول الكلام اللي مدري منين ينتقه ( حتى اننا لحنا كلامه وغنيناه بساعته :D ) يوم شاف ما منا فايده وهو يقوم ويكسر العود على روسنا :(

ياهي كانت مسيره فنيه :D

ههههههه

:):):):):)

بالابتدائي كان عندنا مدرس علوم سوداني وكان اقشر بالحيل ولا يجلد الا بواير :( المهم كان طالبن منا نجيب حجر ( بطاريه جافه ) لانه يبي يورينا دورة الكهرب تسان مانا واهم .
ويوم بدت الحصه نشدنا المدرس عن الحجر يامار انا ماجبت وهو ينقز واحد من الصف ويعطيني الحجر اللي معه وبصراحه اخجلن مره من كرمه وايثاره |81|
بالاثناء هذي كان المدرس يمر كل طالب علشان يشوف الحجر ويوم جا عند خويي نشده قال خويي نسيت ( وانا مسبط |512|) وهو يطلع الرجال عند السبوره .
من قرادة حظ خويي انه لحاله اللي ما جاب ( سرع ما جحده :D ) وهو يستلمه الزول جلد ياما زاع العافيه :D

هههههههه يانا كنت نذللللللللللل :D <<< ومستانس بعد :p

وسبحان الله ما امدى حوبته تروح :(

بالحصه اللي عقبه جا مدرس القواعد المصري وقال وروني الواجب وكل واحد يعطيه الواجب :) المراد انه شاف حلي انا وولد المدير نسخه كربونيه من بعض ( الخبل حتى الكلام اللي انا مشخبط عليه ناقله ومشخبط عليه :D )
قال المدرس وصلت فيك المواصيل يامحارش انك تنئول من ابن المدير :mad: طيب يامحارش ان ما وريتك ما كنش مرسي :mad:
قلت والله انه هو اللي نقل مني ( على طول هذ طبلونه )
قال : وكمان بتكذب :mad: طيب روح عالمدير دل وأتي واؤله باعتني استاز مرسي لاني غشاش :D
وانا اروح للمدير ادربي رويسي وقلت لوه اني غشيت :D وهو يستلمن بكا الخيزران وهاتك ياجلد وانا انوعر وهاتك ياجلد ياما اختلطت الشلالات النابعه من عيوني وخشمي وافمي مع بعض :D

اللي قهرن زود ابن اللذينا ولد المدير وليه ما علم وانا عاملن بوه معروف لكن مقيوله :
ومن يصنع المعروف في غير اهله **** ينجلد جلد اللذينا :D



لنا عوده ان شاء الله

تحياتي للجميع .

[عبدالله الجعيثن]

عســل وربي عسـل

انت فاكهة المضايف.

بس سوالفك ذكرتني بالفلم الهندي الجديد:

اثنين يلقون طفله صغيره ويربونه وبأخر الفلم تصير امهم:D:D.

يوم انا بثالث ابتدائي طلعت من المدرسه اركض وشنطتي على ضهري وانزلقت بالشارع ويوم رفعت راسي الا ابوي قدامي.

وابوي زعول.. وش مطيرك ياملا.:mad::mad:.قمت وانا ابكي واتلفت قلت يبه هذاك شقلن ووقعت. بابا(حلوه) ماصدق خبر وهو يروح يضربه.

ومشيته على ابوي وورطت ولد الحلال:cool::cool:...وليا هالحين يذكرن الولد به وانا افتشل من عملتي به المسكين:o:o

[الغثه]

:D:D:D:D:D:D:D:D

ياحليلك يوم انك وغيد

تخيل يامحارس انا من جابتن امي ماصرت وغد

وعيت على الدنيا وعمري 23 سنه|1|

يعني مامرت علي المراهقه ولا سوالف الوغدان


لاني عشت بمجتمع مابوه ولا شمري|8|

تخيل 23 سنه عشت بمكان ما اعرف بوه احد


|8||8||8||8|


بس الحين اشوى قمت احتسي مثلكم ياشمر


ابي اروح اتفطن سوالفي وارجع|118|



تحياتي

الغثه:p

[راعــيها]

ههههههههههههههههههههه
محارش ذكرتني وقت الدنينه يوم كنت كبير
والعب بالسكه لابس شعار المانيا ( اخس يالمثقف )
وحاط صورة ابطال الديجتال على صدري ومسوي شعري
نفس كوجي الي في قراند ايزر ههههههههههههههههه
يعطيك الف عافيه يخلي الكليسترول زووووم يتقلص هههههههههه
تحياتي

[هايس الشمري]

ههههههههههههههههههههههههه:D

تبي تصير ملك ما تحطن ولي العهد :D

محارش تسلم والله و لا هو غريب عليك هالفلة<<<فلة ولا بيت شعبي:D

فلة الحجاج و نستنا والله ضحكت ياما تشلعن مصراني:D

الف شكر لك

((الذيب)) نكاس سابقا خخخخخ قصدي ذيب2002 سابقا

[ابو غازي]

إنكره يااالذويبااان :p
سبقن وانا أبي أصير ولي عهد لخيي محاااارش
تسلم والله على هااالفضفضه ااالصدريه الي كانت حاشرتن صدرك منذو مبطي
وهن ترهن زهيريااات زمان قبل واااليوم ونستنا بهن الله يونسك بااالعااافيه
:D مار عاد صدز تسان الله ومر وصرت ملك لاتخليني من المنصب ااالزين :p
( أما ذكريااتي أنا يامحاتسيك هول أبا ااالهول ويش رايك ياااشيخ نسويهن فلم ولا مسرحية عطن رااايك :cool: )
تحياااتي لك

[أبو مقرن]

الشيخ الغالي والقدير/ محارش_محارش..
عز الله خوش ذكريات....وكله كوم..ونواعيرك يوم المدير يجلدك وهالينابيع اللي تصبصب من كل متسااان كوم.ن. ثاني:D:D

بس شف هالنذالة:
تسيف الواحد تجمّلبهوو وتعطيه الدفيتر يغش منك!!!!!!
وتاليته تقل مايعرفك:p

بس مقيولة:
غرس.ن. بالصبخاااااا...تخلّف به الله:D

تحيااااااااااااتي لك..

وبانتظار...سوالف الذكريات (2)....

[شموخ]

ههههههههههههههههه

محارش الحين ماشاء الله عليك استخدمت مصطلحات سهلة الفهم فهمتك

الحين لاني احيانا اقرا كلامك مره واثنين وماني قادره افهمك واطلع .


احلى موقف مسيرتك الفنيه والعود اللي تكسر على الراس والاستاذ مرسي:

D:D
موضوع الذكريااااااااااات موضوع ذو شجون ياحلو الذكريات وخصوصا ذكريات

الطفوله تحزن وتضحك في نفس الوقت .

اتذكر يوم كنت اولى ابتدائي " مانسيت هذا الموقف للحين "دخلت علينا

المديره ومعها مدرسه قالو يالله اللي ماهي سعوديه توقف تدري من اول من

وقف انا ناظرو ا فيني المعلمات وضحكو ا لانهم عارفين اني سعوديه قالوا لي

اجلسي انت سعوديه وانا معزمه على رائي ماني سعوديه مابي الجنسيه:D:D
لا وبعد زعلانه ليش يضحكون ياكان فيني عناد وانا صغيره بس اشوى كانوا

مدرساتنا ارحم من مدرسينكم مايضربونا .

تحياتي لك
اختك
شموخ

[مفتاح14]

ههههههههههههههههههههههههههه
ههههههههههههههههههههههههههه



حديث الذكرياات (1) <<-- يعني للحين باقي أجــزاء؟!:rolleyes:

طيب ليه ما محطت بهن كلهن وريّـحتنا;)

<<-- ماهي ذابحته الشفايه أبد:D


ذكرتن وأنا منا ناااااسي:D
ايييييييييييه ياهي سنين..

ذكرياتك ذكرني ذكريااتي :p

@@@@@@@@@@@@

على طاري الذكرياات.. مره من المراات يوم انا بالابتدائي سمعت ان فيه ضيف توه جاي عند جيراننا وهالكلام كان بالليل..وهالربع من عادتهم اليا منه جاهم ضيف الا يذبحون له ذبيحه لو ويش ماصار..الوكاد يوم جاء من باتسر الظهر وطلعنا من المدرسه يمار هذا جارنا الثاني جاين يبي ياخذ ولده من المدرسه وانا انطلق يمّه قلت له يابو سعد ترى (الفلان) عندهم غداء اليوم :)

قال: وش المناسبه؟
قلت: الظاهر جايهم ضيف:)

ويوم رجعت للبيت يمار اهلي حاطين لنا الغداء..
قلت لهم وليه ماتبون يم هالعزيمه؟:confused:

قالوا: وشوا عزيمته؟!!.. مامن عزيمه.. مار عندك من هالنعمه :D


ويوم ترددت الاخبار واثري جارنا ابو سعد رايحن وقاطن وجهه يدوّر هالغداء اللي أنا اعزم عليه :D:D:D:D


ومادري وليه هالسويلفه كل ما تطري علي ادنّــق:p


<<-- الله من زين الذكريااات :D:D


@@@@@@@@@


كالعااااااده .. سوالف مايكتبها الا الكباااااار وباسلوب ما يجيده الا الشيخ محااارش;)

الله يوسع صدرك بالعافيه..ويزوجك البنت اللي جذلته ضافيه:p

<<-- يسمــع بالدعوااااات:D:D

ننتظر البااااااقي


سلااااااااااااااااااااااااااااااااام واجمل تحيه

[نهّاااش]

بعض الذكريات تبقى عالقه بالذهن ، ومن هالمنطلق خطرت لي فكرة كتابة هالموضوع ;)

&

من زود قهري من حركته البايخه غيرت حلمي من ددتسن الى اني اصير ملك

&

الابتدائي كان عندنا مدرس علوم سوداني وكان اقشر بالحيل ولا يجلد الا بواير << واضع من توقيعوه :D



شيخنا المبجّل محارش

امووووووووووووووووووت فيك وإنت رايق

والله احلام الصّبا وامانيه ، اسطورة جميله نعيش على ذكراها

وش رايك باللي احلامه كانت هو واخوه قاعدين على الطريق

وتّفقنا ان خامس سياره تصير لي ونعد بعد خامس سياره تصير لاخوي

المهم طلع لي لوري ( نسمّيها الفنسا :) ) وهو طلع له ددسن ، ، وزعلان ليه طلعت لي سياره اكبر من سيارتوه ، ويبي يبدّلني بالسيّارات وإلا يعلّم ابوي اننا طلعنا بالقايله وهو نايم نختار السيارات بالطريق

ياهو نذل الله يصلحه من يوم هو صغير:p

المهم .. رجعنا للبيت وأزرّة ثيابنا متقطّعه :( كان محاوشنا زنط حلوق:D


صراحه مبدع كعادتك ;)

[اليم]

ههههههههههههههه



ويوم جت الساعه حدعش الا ربع الا هذا واحدن من الشيبان داخلن علينا وهو يرغي ويزبد ويعطينا من معسول الكلام اللي مدري منين ينتقه ( حتى اننا لحنا كلامه وغنيناه بساعته ) يوم شاف ما منا فايده وهو يقوم ويكسر العود على روسنا

^
^
^ تصدق تذكرت ابو جمل:D او هو ابو جبل

يوم هو يدوج بشقتنا ولا خلا متسان الا اواق بوه



****

بس من الذكريات اللي طرن علي

فيه مرة ٍ من المراااااااااات كان ولد جيراننا عندهم سياره بس ما في امل

يركبه لان المفتاح مع ابوه :D وتخبرون شيبان هكالديار من العشاء وهو

صافقه نومه

المهم كنا بالليل نجطل السياره ونفرفر عليه واذا رجعنا لبقناه بمتسانه

بس قبل لا نجطله ندفه مسافه عن البيت علشان ما يقعد بنا الشايب

ولكن هكالمرّه ما صارت الضاهر انوه دري بنا

والله وحنا نجيك نتدبا شوي شوي ونفتح الباب ونقعد ندفه ونعدل الدركسون

ويم انصفت بالشارع الا الشي اللي نقز لنا من الحوض :eek::confused:|512|

الا الشويب :D

والله وحنا نعض شلاننا ونتركوه هو وسيارتوه بالشارع:D


وكل ماشوفوه

او يطري علي

اتذكره

وعلى قولت ابو 14


ومادري وليه هالسويلفه كل ما تطري علي ادنّــق

[عبدالعزيز]

اههههههههه
آه لو القى لك صورة وانت صغير
هقوتي انك تقل قنيفذ

اما سالفة العود رهيبة:D:D

طرت علي سالفةٍ لي هكا الحين برمضان|513|
يوم عمري9سنين طبعاً:cool:

ذبحن الجوع الضهر ولامار عندي ولد جار على الشيلة ... سربوت درجة أولى (هواللي طيحن بالتتن ابن التلفس وبدد حلمي بالتختوراة) المهم انه شافن اتلوا قال امش لابوالجوع
والله وندق سلف السيكل جميع ونروح للبقالة ونشري ها الجبينات والخبيزات ونجيك ساحبين لبيتنا
يوم بغيت ادخل وهي تجينن النفاضة من تهديد جدتي الله يرحمه
كانت تمارس معي أشد انواع القمع والإرهاب الله يرحمه
دكتاتورية بشكل ماتصورونه (هي اللي قالت لاخوي مانت كفو دراسة مار خذ هالخمسين ريال دور لك وظيفة بالرياض:confused:) < ياحبيبتي ماتدري انوه راح بكرز ملبورو ابيض
المهم اني تسللت للداخل بالخفية والسربوت معي واستقرينا ورى الفلة نتفاهم مع الخبزوالجبن
خلص جاري واعطيته زقارة وانا لهالحين اغلق المعدة من الانعام
ولاوالله هاذي الخرعة طبت علينا حرم وجيرة انك ماتفرقه عن الزير سالم من بعيد:(
ومن قوي الموقف عنده قامت تفرك يديه وتعجن الحتسي
اما انا بهاللحظة عده ماسكن كهرب220 واما جاري انهر المسكين
ولاشعورياً قمت نطحته وانا اصيح (سياسي)اقول والله ياجدتي هو اللي لعب بي خلانن آكل ويبينن هالداشر اتتن بعد
والله وهي تفتر جدتي يموه عقب مااعطتن كف بالعلبا والا ياأفترارة الـB52 :D
عسى اللي جاوه مايجيكم ... أشي كف وأشي بقس وأشي رفس وانت ماشي اليااااااما ثولث على الرصيف قدام بابنا:D
اييييييييييييييه (الله يرحمه كانت متأثرة بفاندام)
وش رايكم عاد بالنذالة:D

[غيـــــداءنجــد]

ها11111111111ع هع هع هع هع هع هع

الله يخزي عدووك ياعبد العزيز ولله ان سالفتك ماهيب بعيده ان سالفتي مع اخووي يعل ماعاده من اخووه
بمره من المراير قالنااااا ابوو اخووي

قال : شف يالمارج انت وختك انا ابنام وولله ولله ان الي يتعدى الباب اني لاقضبووه حي واطلزوه ميت
قلنا طيب
ونا مالي نيه اطلع لاني من حيني ماطلع بالقايله ابد
المهم
نام الرجااااااااااال
ومطلق اخوي ذهين ماطلع الين سمع شخير ابووه
ولله وهو ينتق مع الباب
انا رحووم بالحيييييييل وماهان علي اخلي اخووي ينكفخ لازم انصحووه صح انوه غاثن ولاهدن ودابل معليدز تسبدي بس مهما كان اخوي ولابد اني ارحمووه
المهم ركضت وراه وصوتله اقوله
مطلق تعال ياويلك من ابووك
لا تطلع عشان مايلزخك مثل العاده
وهو يشرلي بيده ويقولي وراتس ....... وراتس (يعني تقلعي ورا)
المهم ركضت يما قضبتووه قلت تعال نلعب بالسطح احسن من الشارح
احاول اغريه عشان يدخل
وهو مصلب رويسه ومعيي
المهم
ابووه مدري وش الي قعدووه من النوم وطلع وشافنا عند الباب
مطلق الخبيث شاف ابووه ونخرع
تدروون وش عمل
سطرن لي صابر على خشتي ويقوولي
يلاااااااااااااااا ادخلي اتي ماسمعتي ابووي وش قال
يعني لازم نضربتس عشان تفهمين
يلااااااااااا داخل
ونا اجوديه ماقوى عليه بس دنيته بتسووه
بتسيت مهو من الصابر الي من اخوي لا انا متعوده على تسطيرووه لي
بس ذليت من ابووه عاد هو مايضرب الا بلي الغاز
بس اشوى فكن الله كاليوم ماضربن لاني ماني بنتوه وستحى من اهلي والا عيوونه تباقط تبي حلقي
****************************************
وبمره من المراير شفت اخوي مسووي حركه واعجبتن
وهي انه يجيب ورقه ويلفه ويفصفص به القشوور
عاد انا بلحيل معجبه بشخصيه اخووي ودايم اقلدووه بكل شي اشووفه منوه
بس عاد يوم اني كبرت هونت ماعدت اقلده
<------- نصابه الى الحين وهي تقلد
المهم

وحبيت هالحركه بالحيل ومقدر اسويه بالبيت ذالتن امي تزلق بمصراني
فامالقيت مكان اتفيره فيه الا المدرسه
ولله واجيب الفصفص المصري نص كيلووو
واعلم كل صديقاتي هالطريقه شلوون يلفوون الورق ويفصفصون مثلي
وطبعااااا انا مستانسه اني صاحبه السبق الاول بهالفكره الغبراء بالفصل ومن زود الكرم اشقلهن من دفتري القراءه ووزع هالحتسي يوم اني بثالث ابتدائي
المهم
دخلت عليناااااااا الابلاء وشافتنااااا
ودعت المديره وللعنت جدنا السابع
والبنات قالو غيداء هي الي قالتلناااااااا وعلمتنااااااااااا
يعني حطنه فووق راسي لحالي
ناظرتلي المديره وقالت :
انتي بنت او ولد ؟؟؟؟؟؟
من زود الخرعه بهت وقلت انا ولد ..... لا بنت ......... لا ...ااااممم ..... مدري
وقلب وجه المديره احمر من العصبيه وقالت
ياقليله التربيه الحركه هذي مايسوونها الا العيال
لكن هين اوريك
تعالي معي
ونا امشي ادربي رويسي وراه وركبي تصافق من الخرعه انا صح اني شقيه بس طقووع وذل يلحيل
المهم
جلست المديره على مكتبه وفتحت ملفي وطلعت رقم مكت ابووي تبي تتصل عليه
من سمعت طاري ابووي ولله ونا اعبه بصووت واحد وهات يابتسى وهات يابتسي ......... وهات يابتسي
قلت تكفين لا تعلمين ابووي ولله اتوب ولله ماتعودها
ورحمتني الديره وهونت تتصل على ابووي
قالت ابي اتصل على امك
قلت لااااااا تكفين لا تعلمين احد خلاص ولله اتوب ولا اتعوده تكفين خلاص
سكتت برهه ن الزمن <------ ياعيني على الغه
قالت لي شووفي يااني اعلم امك او اننا نكب كل الفصفص الي بالورق بالفصل ونبعثره ونتي تكنسينه كله
قلت بنفسي ولله اهانه لي اني اكنس الفصل بس عاد ارحم من انه يدري ابوي همن يمسطن بالعقال
قلت خلاص موافقه
وتروح المديره وقالت للبنات الفصل يلااااااا كل قشور الفصفص الي معكم كبووه بالارض
واجي انا بالمكنسه واكنس يما امصع خرز ضهري
ووه ياعل ماعاده من ذكريات

[ابو مشاري الشمري]

الله يسعد أيامك ولياليك
يالشيخ محارش
ولا يحرمنا من أبداعك المميز
بس لو
تعطف علينا شوي ونشوف مشاركاتك في فلة حجاج
يسعدنا وربي وجود أسمك
تحياتي لك
يارائع

[فزاع]

هلا بمحارش......
...زين اللي ما صرت سجين سياسي على ها الوظيفه ياking ..........
.......الا ما قلتلي سالفة البطاريه يوم انك برابع كالعاده:D::D

فز ا ع

[المهاة]

مايدرى وين الخيرة فيه ..اما لو الشيخ محارش ملك عزالله راحوا فيها الحريم .......!!!!:(


ننتظر عودة ملكنا بفارغ الصبر ..;)

[شخاط]

كخخخخخخخخخخخخخخخخخ وتسبدي

والله الموضوع حلو وتسلم ياشيخ

يوم انا وغد بامدرسه ا خر سربته

اسرق من الطباشير والغفهن بدرج الماصه وياشرح الاستاذ

واقفى اطلعهن واهفوه بالعلابي وعلى هالحال

وهو يتسفت علينا مرتن بليات مصري وانا اتحراوه يوم اقفى واطلعهن واهفوه

بعلاباوه وهو يحترف يمنا ونشد مين الي بيعمل الحركه القزره دي

والعيال يتلافتون بعيونهم مايقدرون يحتسون وينطزون اسمي يعرفون وش يجيهم

وطالت السالفه وهو يتلفت بسرعه البرق


< - - - ابوك يالفلفسه

وماشاف والله الا خيبتوه لكن لمست انوه شك بالجذعان الي وراى

وهو يجي يدربي دماغوه مايشوف القاع ويوم شفتوه اقبل

وانا اطلعهن بسرعه واجحرهن

بشنطة الي تسدامي < --- حاقدن عليه شاطر وياتسثر حرشتوه علي

وهو يحصل اكا الطراق ;) وانا اتفرج عليه ويذبحن الضحتس :p

كخخخخخخخخخخخخخخخخخخخخخخخخخ :D