المساعد الشخصي الرقمي

مشاهدة النسخة كاملة : إسرر ياليل والبيرق سعودي سعودي


خالد الغاشم
29-09-2003, 02:06
يا سلامي سلام أهل الوفا والجماله
من هجوس(ن) لها فأرض الملاعب مقاله
من يحكم المعاني يستعد ذا مجاله
واسري يا ليل والبيرق سعودي سعودي

أسعد الله مساكم يا القروم"="بالهنا والعطور الفايحه

برجنا أول الميزان ذكرى وحلّت
والغيوم إبسمانا توّها ما تجلت
مزنة الخير هلت واستهلت وملّت
واسري يا ليل والبيرق سعودي سعودي

طارت الطايره فوق النجوم"="وبأرضها جاثمه كانايحه
ثامر
29-09-2003, 23:40
هلله هلله
صخ لسانك اخوي دايم الحر على الابيات الحلووووة وسجلني ضمن صفووووفك
اخوك
ثامر
خالد الغاشم
30-09-2003, 06:11
هلا وغلا أخوي غشّام

صح بدنك ولا عدمتك


وبالمناسبه أبياتي هذي محاوره ...يقولون لها (موااال )

لكن ما أدري شعراء المضايف الظاهر ماعندهم فكره عن هذا اللون من المحاوره لأنه إشتهر في منطقة الحجاز ..مكه والطايف والمدينه المنوره


شكراً لحضورك يا الغالي
خالد الغاشم
30-09-2003, 06:19
هييييييييييه خلووووووووووهاااا
الظاهر إني ابلعب مع نفسي :D




حيف والله على مـن لا يـرد التحيـه
السلام إنفرض يا أهل الوجيـه العذيـه
ماخبرنا بكم نقص(ن) ولا مـن رديـه
واسر يا ليل والبيرق سعودي iiسعودي

أرسـل القـاف صايـب كالسـمـوم" = "ماحسبـنـا حـســاب البـايـحـه


ياهل العرف يا أهل الطيب يا أهل المودّه
إن قصر عرفكم حنّا لكـم وقـت شِـده
وارِف إظلالنا والعلم ماحـد(ن) يـردّه
واسر ياليل والبيرق سعودي سعودي

عزوتـي يـا هلـي وقـت الـلـزوم"="العـرب عــن همـومـه شايـحـه







شيلووووووووووهااا يا صفوووووووووف:D
حمود الشمري
30-09-2003, 10:17
مرحبا فيك يارجال ونار حيه"=" ومن يعرف القوافي يفرحن في مجيه
المضايف مضايف والمعاني قويه"=" وسر ياليل والبيرق سعودي سعودي

=======================================
مرحبا من كبرها الشاعر يقوم"=" والقهاوي في قدومك فايحه


= = = = = =
انت شاعر وقافك طيبن يالحجازي"=" مير عطنا علوم اهل الكرم والمغازي
من ارض زايد يجيك العاز والعاز عازي"=" وسر ياليل والبيرق خليجي خليجي

مرحبابك فدفاع وفلهجوم"=" والغني عند العرب مدايحه
خالد الغاشم
30-09-2003, 13:16
هلابك سهيل الشمالي
صح لسانك

هييييه خلووووهاااا


البقى ياعميل الخير من دار زايد
بالمضايف نعِلّ المعرفه والفوايد
من علوم الشريعه من عيون القصايد
واسر ياليل والبيرق سعودي سعودي

ياهلا عِد ماهلت غيوم"="فطَّر الحيل لجلك طايحه

ياسهيل الشمالي لا تغير مجالي
خلّنا في قبور(ن) ضمت أعلى الرجالي
وارتفع للمنايا بيرق(ن) فالعلالي
واسري ياليل والبيرق سعودي سعودي

الرّحى تطحن الميره لزوم"="والعروس بحلاها سايحه
حمود الشمري
01-10-2003, 09:12
لاتفق الحجازي والشمالي"="كان صار السعر بسوق غالي
عملت السوق يالغالي ريالي"=" وسرياليل ولبيرق خليجي خليجي


العرب ياولدعنده سلوم"=" واليالي تراها رايحه


==========================================
الجبال القديمه وشتبيبه"=" خوذلك راي شايب من عتيبه
خايف يجيك من قافي مصيبه"=" وسر ياليل والبيرق خليجي خليجي


عقبها مانفع حب الخشوم"=" والشمالي اظهرات نصايحه
نزهان الأسلمي
04-10-2003, 11:03
الله الله الله

عاشوووووووووووووووووو

سهيل الشمالي

ودايم الحر

لهاما باع طويل في القوافي

متااااااااااابعينكمن واصلو لا هنتو


مع الصفوووووووووووووووف

==========-==============-========-=======-==
خالد الغاشم
04-10-2003, 13:50
خنفشارية(ن) عمت ولمت ودمت
واضربت عرضها في طولها واستجمت
وسادت بتفرقة عيدانها واستزمت
واسري يا ليل والبيرق سعودي سعودي

العرب ضرها كثر الهموم"="غرغرينا جروحه قايحه

الجبال القديمه والجبال الجديده
فرقها فرق شاسع يامطوع بريده
لا تغرك علوم(ن) تنتشر في الجريده
واسري يا ليل والبيرق سعودي سعودي

ما يشق العصى كود الظلوم "="ليتها تنستر فضايحه
خالد الغاشم
04-10-2003, 13:53
هلا وغلا بولد العم /نزهان الأسلمي


تكفى يا عزوتي صف معي شايب عتيبه مهب جايبه للبر :D



تحياتي
دايم
حمود الشمري
05-10-2003, 12:33
دايم الحر وشلك بلجاجه"=" دام ماراحلك بناس حاجه
ودجاجه الكبيره فزجاجه"=" وسر ياليل والبيرق خليجي خليجي


ياعساروم ياصاحب تقوم"=" بشارع ادبي شفت السايحه



لوتغني تغني وشتقول"=" الله الي وضع فرق العقول
كان عندك لنا بعض الحلول"=" وسر ياليل والبيرق خليجي خليجي


ان جزمتو علا منهو جزوم"=" عيد الضحا اكثرت ذبايحه
السالمي
25-10-2003, 22:54
الاخ دايم الحر
الاخ سهيل الشمالي

بيض الله وجيهكم على هالقاف
وسجلوا حضوري

وحيرتوني مادري من امسك صفه منكم
الظاهر اباقعد التفرج وبس:D

.
.